ଝାରସୁଗୁଡା: ହାରିଯିବା ଭୟରେ କରିଥିଲେ ଚକ୍ରାନ୍ତ। ହାରିଯିବା ଭୟରେ କରାଯାଇଥିବା ଚକ୍ରାନ୍ତ ଶେଷରେ ଫେଲ ମାରିଛି। ଆଜି ଝାରସୁଗୁଡ଼ା କିର୍ମିରା ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ଭୋଟ ଆସିବା ପୂର୍ବରୁ ଦିବଙ୍ଗତ ବିଜେଡି ନେତା ତଥା ପୂର୍ବତନ ସ୍ଵାସ୍ଥ୍ୟମନ୍ତ୍ରୀ ନବ ଦାସଙ୍କ ପୁଅ ବିଶାଲ ଦାସଙ୍କୁ ଛତିଶଗଡ଼ ସରେଇପାଲି ଥାନାରେ ଅଟକ ରଖାଯାଇଛି। ବିଶାଲ ଦାସଙ୍କ ସହ କିର୍ମିରା ବ୍ଲକ କିଛି ସରପଞ୍ଚ ଓ ସମିତି ସଭ୍ୟଙ୍କୁ ମଧ୍ୟ ଛତିଶଗଡ଼ ପୋଲିସ ଅଟକ ରଖିଥିବା ଜଣାପଡିଛି ।
ଆଜି ଝାରସୁଗୁଡ଼ା କିରମିରା ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ଭୋଟରେ ଯୋଗଦେବାକୁ ଆସୁଥିବା ପିଆରଆଇ ମେମ୍ବର ସମେତ ନବ ଦାସଙ୍କ ପୁଅ ବିଶାଲ ଦାଶଙ୍କୁ ଗତ ରାତି ୧୧ଟାରୁ ଅଟକ ରଖିଛି ଛତିଶଗଡ଼ ପୋଲିସ । ଆଜି ଥିଲା କିର୍ମିରା ବ୍ଲକ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ଭୋଟ। ଏଥିଲାଗି ଗତକାଲି ସୁରକ୍ଷା ପ୍ରଦାନ କରିବାକୁ ଦାବି କରିଥିଲେ ପିଆରଆଇ ମେମ୍ବର। ବିଶାଲ ଦାଶଙ୍କ ହୋଟେଲରେ ପହଞ୍ଚି ଲଇକେରା ଆଇଆଇସି ସେମାନଙ୍କୁ ଧମକ ଦେଇଥିବା ଅଭିଯୋଗ ହୋଇଥିଲା ।
ଏନେଇ ସମ୍ବଲପୁର ଆଇଜିଙ୍କ ଦୃଷ୍ଟି ଆକର୍ଷଣ କରି ପିଆରଆଇ ସଦସ୍ୟଙ୍କ ଲାଗି ସୁରକ୍ଷା ମାଗିଥିଲେ ନବ ଦାଶଙ୍କ ପୁଅ ବିଶାଲ । ସେପଟେ ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ପୂର୍ବତନ ବିଧାୟିକା ଦୀପାଳି ଦାସ। ଯଦି ଅନାସ୍ଥା ଭୋଟରେ ପିଆରଆଇ ସଦସ୍ୟ ସାମିଲ ହୋଇନପାରନ୍ତି ଏହାର ଦାୟୀ ଓଡ଼ିଶା ସରକାର ହେବେ ବୋଲି କହିଛନ୍ତି ଦୀପାଳି। ଗଣତନ୍ତ୍ରର ଏହା ହତ୍ୟା ବୋଲି କଡ଼ା ସମାଲୋଚନା କରି କହିଛନ୍ତି ।
