ନନ୍ଦିଘୋଷ ବ୍ୟୁରୋ: ଗତକିଛିଦିନ ଧରି ସଲମାନ ଖାନଙ୍କ ଆମେରିକା କନସର୍ଟକୁ ଚର୍ଚ୍ଚା ହେଉଛି ।  କୁହାଯାଉଛି କି ଚଳିତବର୍ଷ ସଲମାନ ଖାନ ଆମେରିକାରେ ଏକ କନସର୍ଟ କରିବେ । କିନ୍ତୁ ନିକଟରେ ସଲମାନ ଖାନ ଏବଂ ତାଙ୍କ ଟିମ୍ ଏହି ଖବରକୁ ଗୁଜବ ବୋଲି କହିଛନ୍ତି ଏବଂ ପ୍ରଂଶସକଙ୍କୁ ଏଭଳି ଠକାମୀର ଶିକାର ନହେବାକୁ ସତର୍କ କରାଇଛନ୍ତି  । ସଲମାନ ଖାନ ଏହି ଟୁରକୁ ସଂମ୍ପୂର୍ଣ ମିଛ ବୋଲି କହିଛନ୍ତି । ଏବଂ ଚଳିତବର୍ଷ ଆମେରିକାରେ ତାଙ୍କର କୌଣସି ଇଭେଣ୍ଟର ଯୋଜନା ନାହିଁ ବୋଲି  ସୂଚନା ଦେଇଛନ୍ତି । ସେ କହିଛନ୍ତି ଯଦି ଆପଣଙ୍କ ପାଖକୁ ଏହି ବିଷୟରେ କଲ କିମ୍ଭା ଇମେଲ ଯାଏ ତାହେଲେ ଏହା  ଉପରେ ବିଶ୍ବାସ କରନ୍ତୁ ନାହିଁ  ।

ବାସ୍ତବରେ, କିଛି ଦିନ ପୂର୍ବରୁ ଏକ ପୋଷ୍ଟ ଭାଇରାଲ ହୋଇଥିଲା ଯେଉଁଥିରେ ଲେଖାଥିଲା ଯେ ସଲମାନ ଖାନ ୫ଅକ୍ଟୋବରରେ ଆମେରିକାର ଆର୍ଲିଙ୍ଗଟନ୍ ଥିଏଟରରେ ଅଭିନୟ କରିବାକୁ ଯାଉଛନ୍ତି। ଏହି ଗୁଜବକୁ ବନ୍ଦ କରିବା ପାଇଁ ସଲମାନ ଖାନ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ବିଜ୍ଞପ୍ତି ଜାରି କରିଛନ୍ତି। ଯେଉଁଥିରେ ସେ ସମ୍ପୂର୍ଣ୍ଣ ଭାବେ ସ୍ପଷ୍ଟ କରିଛନ୍ତି ଯେ ତାଙ୍କ ନାମ ବ୍ୟବହାର କରି ଠକେଇ କରାଯାଉଛି। ଏହି ପୋଷ୍ଟକୁ ତାଙ୍କ ଟିମ୍ ପ୍ରସ୍ତୁତ କରିଛନ୍ତି। ସେମାନଙ୍କ ପ୍ରଶଂସକଙ୍କୁ ଠକାମିରୁ ରକ୍ଷା କରିବା ପାଇଁ ଏହି ବିଜ୍ଞପ୍ତି ଦିଆଯାଇଛି, ଯାହାଫଳରେ କେହି ଟୁର୍ ଟିକେଟ୍ ସ୍କାମରେ ଫସିବେ ନାହିଁ।

ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ

ପୋଷ୍ଟରେ ଏହା ଉଲ୍ଲେଖ କରାଯାଇଥିଲା କି  ସଲମାନ ଖାନଙ୍କର ୨୦୨୪ ମସିହାରେ ଆମେରିକାରେ କୌଣସି କାର୍ଯ୍ୟକ୍ରମ କରିବାର ଯୋଜନା ନାହିଁ । ଯଦି ଆପଣଙ୍କ ପାଖକୁ ସଲମାନଙ୍କ କୌଣସି କାର୍ଯ୍ୟକ୍ରମ ନେଇ କଲ୍, ଇମେଲ ବା କୌଣସି ବିଜ୍ଞାପନ ଆସୁଛି ତାହେଲେ ଏହାକୁ ବିଶ୍ବାସ କରନ୍ତୁ ନାହିଁ । ଯଦି କୌଣସି ବ୍ୟକ୍ତି ତାଙ୍କ ନାମର ଅପବ୍ୟବହାର କରୁଛନ୍ତି ତେବେ ତୁରନ୍ତ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ମ୍ୟାନେଜର ଏହି ପୋଷ୍ଟ ବିଷୟରେ ଚେତାବନୀ ଦେଇଛନ୍ତି

ସଲମାନ ଖାନଙ୍କ ମ୍ୟାନେଜର ଜୋର୍ଡି ପଟେଲ ମଧ୍ୟ ଏହି ପୋଷ୍ଟ ଭାଇରାଲ ହେବା ବିଷୟରେ ଲୋକଙ୍କୁ ଚେତାବନୀ ଦେଇଛନ୍ତି। ସେ ତାଙ୍କ ଇନଷ୍ଟା ଆକାଉଣ୍ଟରେ ଷ୍ଟୋରୀ ସେୟାର କରିଥିଲେ ଯେଉଁଥିରେ ସେ ସେହି ପୋଷ୍ଟର ଏକ ଫଟୋ ରଖିଥିଲେ ଏବଂ ଏହା ସହିତ ‘ସ୍କାମ ଆଲର୍ଟ’ ଲେଖିଥିଲେ | ସେ ଆହୁରି ମଧ୍ୟ ଲେଖିଛନ୍ତି, “ଏହି ଟିକେଟ୍ କିଣନ୍ତୁ ନାହିଁ କାରଣ ସଲମାନ ଖାନ ୨୦୨୪ରେ ଆମେରିକା ଯିବେ ନାହିଁ।” ସଲମାନ ଖାନ ତାଙ୍କର ଆଗାମୀ ଚଳଚ୍ଚିତ୍ର ”ସିକନ୍ଦର”ର ସୁଟିଂରେ ବ୍ୟସ୍ତ ଅଛନ୍ତି। ଏହା ବ୍ୟତୀତ ସେ ଅନ୍ୟାନ୍ୟ ଅନେକ ପ୍ରୋଜେକ୍ଟରେ ମଧ୍ୟ ବ୍ୟସ୍ତ ଅଛନ୍ତି | ‘ସିକନ୍ଦର’ ଏକ ସମ୍ପୂର୍ଣ୍ଣ ଆକ୍ସନ୍ ଫିଲ୍ମ ହେବାକୁ ଯାଉଛି, ଯେଉଁଥି ପାଇଁ ସଲମାନ ଖାନ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି।