ନନ୍ଦିଘୋଷ ବ୍ୟୁରୋ: ଖୁବଶୀଘ୍ର ଶ୍ରୀମନ୍ଦିରରେ ସ୍ୱତନ୍ତ୍ର ବାଟାଲିୟନ ନିଯୁକ୍ତି କରାଯିବା ନେଇ ପ୍ରତିକ୍ରିୟା ରଖିଲେ ପୋଲିସ ଡିଜି ୱାଇ. ବି. ଖୁରାନିୟା l ଶ୍ରୀମନ୍ଦିରର ସୁରକ୍ଷା ସହ ଶ୍ରଦ୍ଧାଳୁଙ୍କ ସୁରକ୍ଷା ସର୍ବାଧିକ ପ୍ରାଥମିକତା ବୋଲି କହିଛନ୍ତି ପୋଲିସ ମହାନିର୍ଦ୍ଦେଶକ । ଆଜି ଶ୍ରୀ ମନ୍ଦିର ଆସି ମହାପ୍ରଭୁଙ୍କ ଦର୍ଶନ କରିବା ପରେ ଗଣମାଧ୍ୟକୁ ପ୍ରତିକ୍ରିୟା ଦେଇ ଏକଥା କହିଛନ୍ତି ରାଜ୍ୟ ପୋଲିସ ମହାନିର୍ଦେଶକ ୱାଇ.ବି.ଖୁରାନିଆ l ନୂଆ କରି ଦାୟିତ୍ୱ ନେବା ପରେ ଆଜି ଶ୍ରୀ ମନ୍ଦିର ଆସି ଚତୁର୍ଦ୍ଧା ବିଗ୍ରହଙ୍କୁ ଦର୍ଶନ କରିବା ସହ, ଲଷ୍ମୀ ମନ୍ଦିର, ବଟ ଗଣେଶ, ଅନାନ୍ୟ ପାର୍ଶ୍ଵ ଦେବାଦେବୀଙ୍କୁ ଦର୍ଶନ କରିଥିଲେ l ପୋଲିସ ଡ଼ିଜିଙ୍କ ସହ ତାଙ୍କ ଧର୍ମ ପତ୍ନୀ ମଧ୍ୟ ମହାପ୍ରଭୁଙ୍କ ଦର୍ଶନ କରିଥିଲେ l ଦର୍ଶନ କରିସାରିବା ପରେ ପୁରୀ ପୋଲିସ ପକ୍ଷରୁ ମହାପ୍ରଭୁଙ୍କ ଖଣ୍ଡୁଆ ପ୍ରଦାନ କରାଯାଇଥିଲା ।
ହରିୟାଣା ନିର୍ବାଚନ ପୂର୍ବରୁ JJPକୁ ବଡ଼ ଝଟକା, ୨ ଦିନରେ ଦଳ ଛାଡ଼ିରେ ୪ ବିଧାୟକ
ନନ୍ଦିଘୋଷ ବ୍ୟୁରୋ: ହରିୟାଣା ନିର୍ବାଚନ ପୂର୍ବରୁ ସରଗରମ ହେବାରେ ଲାଗିଛି ରାଜ୍ୟ ରାଜନୀତି । JJPକୁ ଲାଗିଛି ବଡ଼ ଝଟକା । ୨ ଦିନରେ ୪ ଜଣ ବିଧାୟକ ଦଳ ଛାଡ଼ିଛନ୍ତି । ଇଶ୍ବର ସିଂହ, ଦେବେନ୍ଦ୍ର ବବଲି, ଅନୁପ ଧାକନ, ରାମ କରଣ ଦଳ ଛାଡ଼ିଛନ୍ତି । ଏମାନେ କେଉଁ ଦଳରେ ସାମିଲ ହେବେ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ରାଜ୍ୟରେ ବିଜେପି ସରକାରରେ ରହିଛି । ଅକ୍ଟୋବର ୧ରେ ଗୋଟିଏ ପର୍ଯ୍ୟାୟରେ ୯୦ଟି ଆସନରେ ନିର୍ବାଚନ ହେବାକୁ ଯାଉଛି । ଅକ୍ଟୋବର ୪ରେ ଫଳାଫଳ ବାହାରିବ । ୨୦୧୯ ବିଧାନସଭା ନିର୍ବାଚନରେ ବିଜେପି ବିଜୟୀ ହୋଇଥିଲା । ଦ୍ବିତୀୟରେ କଂଗ୍ରେସ ରହିଥିବାବେଳେ ଜେଜେପି ପକ୍ଷରୁ ୧୦ ଜଣ ବିଧାୟକ ଜିତିଥିଲେ । ଏବେ ୪ ଜଣ ବିଧାୟକ ଦଳ ଛାଡ଼ିବା ଦଳ ପାଇଁ ମାଇନସ ହୋଇଛି ।
ବଜ୍ରାଘାତରେ ସ୍ଵାମୀ ଓ ସ୍ତ୍ରୀ ମୃତ
ନନ୍ଦିଘୋଷ ବ୍ୟୁରୋ: ବଜ୍ରାଘାତରେ ସ୍ଵାମୀ ଓ ସ୍ତ୍ରୀ ମୃତ । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ସିଙ୍ଗାରପୁରା ଗାଁରେ । ବିଲରେ କାମ କରୁଥିବା ବେଳେ ବ୍ରଜାଘାତରେ ଚାଲିଗଲା ଉଭୟ ସ୍ୱାମୀ ଓ ସ୍ତ୍ରୀଙ୍କ ଜୀବନ l ମୃତକ ହେଲେ ସିଙ୍ଗାରପୁରା ଗାଁର ଲଚ୍ଛମନ ମୁର୍ମୁ ଓ ସାକର ମୁର୍ମୁ l ସେହିପରି ଭଦ୍ରକ ଆଗରପଡା ବ୍ଲକ ଗୋପୀନାଥପୁରରେ ବଜ୍ରାଘାତରେ ଜଣଙ୍କ ମୃତ୍ଯୁ । ଘଟଗାଁ ହରିଚନ୍ଦନପୁର ବ୍ଲକ ଧୁରିଡିଆମ୍ବ ଗାଁରେ ବଜ୍ରାଘାତରେ ଜଣଙ୍କର ମୃତ୍ଯୁ ଘଟିଛି ।
ବାଂଲାଦେଶ ହିଂସାକୁ ନେଇ ଚାଞ୍ଚଲ୍ଯକର ରିପୋର୍ଟ
ନନ୍ଦିଘୋଷ ବ୍ୟୁରୋ: ବାଂଲାଦେଶ ହିଂସାକୁ ନେଇ ଜାତିସଂଘର ଚାଞ୍ଚଲ୍ଯକର ତଥ୍ଯ। ହିଂସାରେ ପ୍ରାଣ ହରାଇଛନ୍ତି ପ୍ରାୟ ୬୫୦ ଲୋକ। ଜୁଲାଇ ୧୬ରୁ ଅଗଷ୍ଟ ୧୧ ମଧ୍ଯରେ ୬୫୦ ଆନ୍ଦୋଳନକାରୀଙ୍କ ମୃତ୍ଯୁ ଘଟିଛି ବୋଲି ଜାତିସଂଘ ଶରଣାର୍ଥୀ ସଂକ୍ରାନ୍ତ ଉଚ୍ଚାୟୁକ୍ତ ରିପୋର୍ଟରେ କୁହାଯାଇଛି। ଏହା ସହ ଅମାନୁଷିକ ହତ୍ଯା, ମନଇଚ୍ଛା ଗିରଫଦାରୀ ଓ ଅଟକ ଘଟଣାର ନିରପେକ୍ଷ ଓ ସ୍ବଚ୍ଛ ତଦନ୍ତ ଲାଗି ପ୍ରସ୍ତାବ ଦେଇଛି ଜାତିସଂଘ ମାନବାଧିକାର କାର୍ଯ୍ୟାଳୟ। ରିପୋର୍ଟରେ କୁହାଯାଇଛି- ଜୁଲାଇ ୧୬ରୁ ଅଗଷ୍ଟ ୪ ମଧ୍ଯରେ ବାଂଲାଦେଶରେ ପ୍ରାଣ ହରାଇଥିଲେ ୪ଶହ ଲୋକ। ପରେ ପ୍ରାଣ ହରାଇଥିଲେ ଆଉ ୨୫୦ ଲୋକ। ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଗାଦିଚ୍ଯୁତ କରିବା ଲାଗି ହୋଇଥିବା ଆନ୍ଦୋଳନରେ ମୃତ୍ଯୁ ସଂଖ୍ଯା ୬୫୦ ହେବା ନେଇ ସୂଚନା ମିଳିବା ପରେ ଆଶଙ୍କା ପ୍ରକାଶ ପାଇଛି। ରିପୋର୍ଟରେ କୁହାଯାଇଛି- ଆହତଜନିତ ସମସ୍ଯାରେ ଚିକିତ୍ସିତ ଅବସ୍ଥାରେ ଅନେକ ଆନ୍ଦୋଳନକାରୀଙ୍କ ମୃତ୍ଯୁ ଘଟିଥିଲା। ମୃତକଙ୍କ ମଧ୍ଯରେ ଅଛନ୍ତି ସାଧାରଣ ଲୋକ, ଆନ୍ଦୋଳନକାରୀ, ନିରାପତ୍ତା ରକ୍ଷୀ, ସାମ୍ବାଦିକ ପ୍ରମୁଖ। ମୃତକଙ୍କ ବ୍ଯତୀତ ଅନେକ ଆହତ ବ୍ଯକ୍ତି ହସ୍ପିଟାଲରେ ଭର୍ତ୍ତି ହୋଇଛନ୍ତି ବୋଲି କହିଛି ଜାତିସଂଘ। କର୍ଫ୍ଯୁ ଓ ଇଣ୍ଟରନେଟ ବନ୍ଦ ଯୋଗୁ ମୃତ୍ଯୁ ସଂଖ୍ଯା ନେଇ ସ୍ପଷ୍ଟ ରିପୋର୍ଟ ଆସିପାରିନାହିଁ ବୋଲି କହିଛି ଜାତିସଂଘ। ସେପଟେ ଦେଶର ୪୮ ଜିଲ୍ଲାର ୨୭୮ଟି ସ୍ଥାନରେ ସଂଖ୍ଯାଲଘୁଙ୍କ ଉପରେ ଆକ୍ରମଣ କରାଯାଇଛି ବୋଲି କହିଛି ବାଂଲାଦେଶ ଜାତୀୟ ହିନ୍ଦୁ ସଂଗଠନ। ସେପଟେ ବାଂଲାଦେଶ ହିଂସା ପ୍ରତିବାଦରେ ମହାରାଷ୍ଟ୍ର ନାସିକରେ ଉତ୍ତେଜନା ପ୍ରକାଶ ପାଇଛି। ସଂଖ୍ଯାଲଘୁଙ୍କ ଉପରେ ହେଉଥିବା ଆକ୍ରମଣକୁ ନେଇ ସେଠାରେ ପ୍ରତିବାଦ କରାଯାଇଥିଲା।
ପଶ୍ଚିମବଙ୍ଗ ବ୍ୟବସାୟୀଙ୍କ ୪୮ ଘଣ୍ଟିଆ କଣ୍ଟ ପରେ ବି ଶୁଣିଲେନି ସରକାର
ନନ୍ଦିଘୋଷ ବ୍ୟୁରୋ: ପଶ୍ଚିମବଙ୍ଗ ବ୍ୟବସାୟୀଙ୍କ ୪୮ ଘଣ୍ଟିଆ କଣ୍ଟ ପରେ ବି ସେଠାକାର ସରକାର କିଛି ଶୁଣିଲେନି। ଆଜି ସନ୍ଧ୍ୟାରେ ପଶ୍ଚିମବଙ୍ଗ ବ୍ୟବସାୟୀ, ଚାଷୀ ଓ ଶୀତଳଭଣ୍ଡାର ମାଲିକ ମାନଙ୍କର ଗୁରୁତ୍ୱପୂର୍ଣ୍ଣ ବୈଠକ ଅଛି। ପଶ୍ଚିମବଙ୍ଗ ସରକାର ବ୍ୟବସାୟୀଙ୍କ କଥାକୁ ଗ୍ରହଣ କରି ନ ଥିବାରୁ ଏହି ବୈଠକ ପରେ ପଶ୍ଚିମବଙ୍ଗ ବ୍ୟବସାୟୀ ମାନେ ଆଳୁ ସମ୍ପୂର୍ଣ୍ଣ ବନ୍ଦ କରିବା ସମ୍ପର୍କରେ ନିଷ୍ପତ୍ତି ନେଇପାରନ୍ତି ବୋଲି କହିଛି ଓଡିଶା ବ୍ୟବସାୟୀ ମହାସଂଘ । ପଶ୍ଚିମବଙ୍ଗ ବ୍ୟବସାୟୀ କଣ ନିଷ୍ପତ୍ତି ନେଇଛନ୍ତି ଆଜି ରାତି ସୁଦ୍ଧା ଜଣାପଡିବ। ଆଳୁ ସମସ୍ୟା ନେଇ ଓଡ଼ିଶାର ମୁଖ୍ୟମନ୍ତ୍ରୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ସହ ଯେଉଁ କଥା ହୋଇଥିଲେ ସେ କଥାର କିଛି ମୂଲ୍ୟ ରହିଲା ନାହିଁ। ମୁଖ୍ୟମନ୍ତ୍ରୀଙ୍କ କଥାକୁ ରେସପଣ୍ଡ କରି ପଶ୍ଚିମବଙ୍ଗ ସରକାର କିଛି କଲେ ନାହିଁ।
ପରିସ୍ଥିତିକୁ ଦେଖି ନିଷ୍ପତ୍ତି ନେବା ନିର୍ବାଚିତ ସରକାରର ଦାୟିତ୍ୱ ବୋଲି କହିଛନ୍ତି ଓଡିଶା ବ୍ୟବସାୟୀ ମହାସଂଘ ମହାସଚିବ ସୁଧାକର ପଣ୍ଡା।ପଶ୍ଚିମବଙ୍ଗରୁ ଆଳୁ ସମ୍ପୂର୍ଣ୍ଣ ବନ୍ଦ ହେଲେ ୟୁପି, ବିହାର ଓ ପଞ୍ଜାବରୁ ଆଳୁ ଆଣିବାକୁ ବିକଳ୍ପ ଭାବେ ଚିନ୍ତା କରୁଛନ୍ତି ବ୍ୟବସାୟୀ। ବ୍ୟବସାୟୀ ମାନେ ପ୍ଲାନ ବି ରେଡି କରୁଛନ୍ତି। କିନ୍ତୁ ଏବେ ଆର୍ଥିକ ଦୃଷ୍ଟିକୋଣରୁ ନା ୟୁପିକୁ ଅଧିକ ଅର୍ଡର ଦେଇହେଉ ନାହିଁ କି ମନା କରି ହେଉନାହିଁ। ପଶ୍ଚିମବଙ୍ଗ ଆଳୁ ପୁରା ବନ୍ଦ କଲେ ଦୁଇ ତିନି ଦିନ ପାଇଁ ରାଜ୍ୟରେ ଥିବା ଆଳୁ ଆବଶ୍ୟକତା ପୂରଣ କରିପାରିବ। ଯେତିକି ଦରକାର ବ୍ୟବସାୟୀ ମାନେ ସେତିକି କରିବେ ବୋଲି କହିଛି ଓଡିଶା ବ୍ୟବସାୟୀ ମହାସଂଘ। ଏବେ ଚୋରା ବାଟରେ ପଶ୍ଚିମବଙ୍ଗରୁ ଆସୁଥିବା ଗାଡ଼ିରେ ବହୁ କ୍ଷତି ହେଉଛି। ତେଣୁ ସେହି ଚୋରା ଗାଡୀ ବି ବନ୍ଦ ହୋଇଗଲେ ବ୍ୟବସାୟୀ ମାନେ ବିକଳ୍ପ ବାଟକୁ ଯିବେ ବୋଲି କହିଛି ମହାସଂଘ।
ନଦୀ ବନ୍ଧକୁ ଡେଇଁଲେ ମହିଳା
ନନ୍ଦିଘୋଷ ବ୍ୟୁରୋ: ପାରିବାରିକ କଳହକୁ ନେଇ ନଦୀ ବନ୍ଧକୁ ଡେଇଁଲେ ମହିଳା। କେନ୍ଦୁଝର ଜିଲ୍ଲା ସଦର ଥାନା କାନଝରୀ ଡ୍ୟାମ୍ କୁ ଡେଇଁ ମହିଳା ନିଖୋଜ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ଓଡ୍ରାଫ୍ ଟିମ୍ ଉଦ୍ଧାର କାର୍ଯ୍ୟ ଜାରି ରଖିଛି । ନିଖୋଜ ମହିଳା ନିକଟସ୍ଥ ବାରଖଣ୍ଡା ଗାଁର ମିଶ୍ର ମହାନ୍ତଙ୍କର ପୁତ୍ରବଧୂ ବୋଲି ସୂଚନା ମିଳିଛି। ସୂଚନା ଅନୁଯାୟୀ, ମହିଳା ଜଣକ ଅନ୍ୟ ଜଣେ ମହିଳାଙ୍କ ସହିତ ପାରିବାରିକ କଳହକୁ ନେଇ କାନଝରୀ ନଦୀବନ୍ଧ ମଧ୍ୟକୁ ଡେଇଁ ପଡ଼ିଥିଲେ। ଖବର ପାଇ ଓଡ୍ରାଫ୍ ଟିମ୍ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛିନ୍ତ । ହେଲେ ଏଯାଏ ମହିଳାଙ୍କୁ ଉଦ୍ଧାର କରାଯାଇ ପାରିନାହିଁ।
ଏହି ଖେଳାଳିଙ୍କୁ ସନ୍ୟାସ ବେଳେ ସଚିନଙ୍କ ଭଳି ମିଳିଲାନି ସମ୍ମାନ
ନନ୍ଦିଘୋଷ ବ୍ୟୁରୋ: ଭାରତୀୟ କ୍ରିକେଟକୁ ଏକ ନୂଆ ଦିଶା ଦେଖାଇବାରେ ଯେଉଁ କେତେଜଣ ଖେଳାଳିଙ୍କ ପ୍ରମୁଖ ଭୂମିକା ରହିଛି, ସେମାନେ ଅବସର ନେବାବେଳେ ବିସିସିଆଇ ପକ୍ଷରୁ ତାଙ୍କୁ ସେଭଳି ଭବ୍ୟ ସମ୍ମାନ ଦିଆଯାଇନାହିଁ । କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକର ଅବସର ସମୟରେ ସମ୍ମାନ ସହ କ୍ରିକେଟରୁ ବିଦାୟ ନେଇଥିଲେ । ମାତ୍ର ତାଙ୍କ ସହ ଖେଳିଥିବା ୫ ଖେଳାଳି ଯେଉଁମାନଙ୍କ ଟିମର ସଫଳତା ପଛରେ ବଡ଼ ଅବଦାନ ରହିଥିଲା ସେମାନଙ୍କୁ କିନ୍ତୁ ସେମିତି କିଛି ସମ୍ମାନ ଦିଆଯାଇନଥିଲା ।
ମହେନ୍ଦ୍ର ସିଂ ଧୋନୀ : ୨୦୦୭ ଟି-୨୦ ବିଶ୍ବକପ ଏବଂ ୨୦୧୧ ଦିନିକିଆ ବିଶ୍ବକପ ଭାରତକୁ ଜିତାଇଥିବା ଅଧିନାୟକ ମହେନ୍ଦ୍ର ସିଂ ଧୋନୀ । ଟିମ ଇଣ୍ଡିଆକୁ ସଫଳତା ଦେବାରେ ତାଙ୍କ ବଡ଼ ଭୂମିକା ରହିଛି । ୨ଟି ବିଶ୍ବକପରେ ବିଜୟୀ ଦଳର ଅଧିନାୟକ ଧୋନୀ ୨୦୧୪ ମସିହାରେ ହଠାତ ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ । ଆଉ ପରେ ୨୦୨୦ ମସିହାରେ ଆନ୍ତର୍ଜାତୀୟ କ୍ରିକେଟକୁ ବାଏ ବାଏ କହିଥିଲେ । କିନ୍ତୁ ସେ ଅବସର ନେବାପରେ ତାଙ୍କ ପାଇଁ ସେମିତି କିଛି ବ୍ୟବସ୍ଥା କରାଯାଇନାହିଁ ।
ବିରେନ୍ଦ୍ର ସେହ୍ବାଗ: ଟିମ ଇଣ୍ଡିଆର ଧୂଆଁଧାର ପୂର୍ବତନ ଓପନର ବ୍ୟାଟ୍ସମ୍ୟାନ ବିରେନ୍ଦ୍ର ସେହ୍ବାଗ ବଡ଼ ସ୍କୋର ସାଙ୍ଗକୁ ଟିମ ଇଣ୍ଡିଆକୁ ପ୍ରାରମ୍ଭିକ ପାଳିରେ ସହଯୋଗ କରୁଥିଲେ । ବଡ଼ ବଡ଼ ବୋଲରକୁ ପ୍ରଥମ ଓଭରରୁ ଧୁଲେଇ କରି ବଲକୁ ପୁରୁଣା କରୁଥିଲେ । ଯାହା ଦ୍ବାରା ସାଥୀ ଖେଳାଳି ମଧ୍ୟ ବଡ଼ ସଟ ମଧ୍ୟ ଖେଳିବାର ସୁଯୋଗ ପାଉଥିଲେ । ଦିନିକିଆରେ ଦ୍ବିଶତକ ହାସଲ କରିଛନ୍ତି ସେହ୍ବାଗ । ୨୦୦୭ ଟି-୨୦ ଏବଂ ୨୦୧୧ ଦିନିକିଆ ବିଶ୍ବକପ ବିଜୟୀ ଦଳର ସଦସ୍ୟ ଥିଲେ ସେହ୍ବାଗ । ୨୦୧୫ ମସିହାରେ ଆନ୍ତର୍ଜାତୀୟ କ୍ରିକେଟକୁ ଅଲବିଦା କହିଥିବା ସେହ୍ବାଗଙ୍କ ପାଇଁ ମଧ୍ୟ ବିଦାୟ ସମ୍ମାନର ଆୟୋଜନ କରାଯାଇନଥିଲା ।
ଗୌତମ ଗମ୍ଭୀର: ୨୦୦୭ ଟି-୨୦ ବିଶ୍ବକପ ଫାଇନାଲ ଏବଂ ୨୦୧୧ ଦିନିକିଆ ବିଶ୍ବକପ ଫାଇନାଲର ହିରୋ ଗୌତମ ଗମ୍ଭୀର ୨୦୧୮ ମସିହାରେ ଆନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିଛନ୍ତି । ଅନେକ ମ୍ୟାଚର ବଡ଼ ବଡ଼ ଖେଳାଳି ଆଉଟ ହୋଇଥିଲେ ସୁଦ୍ଧା ଏକାକି ଦଳ ପାଇଁ ସଙ୍କଟମୋଚକ ସାଜୁଥିବା ଗୌତମ ଗମ୍ଭୀର ମଧ୍ୟ ଅବସର ଘୋଷଣା କରିବା ପରେ ବିସିସିଆଇ ପକ୍ଷରୁ ତାଙ୍କ ଲାଗି କୌଣସି ସ୍ବତନ୍ତ୍ର ବ୍ୟବସ୍ଥା କରାଯାଇନଥିଲା ।
ହାହିର ଖାନ: ଭାରତୀୟ କ୍ରିକେଟ ଦଳର ଦୃତ ବୋଲର ଜାହିର ଖାନ ଦୀର୍ଘଦିନ ଧରି ଦଳର ଦୃତ ବୋଲରଙ୍କ ନେତୃତ୍ବ ନେଉଥିଲେ । ତାଙ୍କ ଘାତ ବୋଲିଂ ଆଗରେ ବଡ଼ ବଡ଼ ବ୍ୟାଟ୍ସମ୍ୟାନମାନେ ମଧ୍ୟ ଧରାଶାୟୀ ହେଉଥିଲେ । ୨୦୧୭ ମସିହାରେ ସେ ଆନ୍ତର୍ଜାତୀୟ କ୍ରିକେଟକୁ ଅଲବିଦା କହିଥିଲେ । ମାତ୍ର ଆହତ କାରଣରୁ ଦୀର୍ଘଦିନ ଧରି ସେ ଦଳରୁ ବାହାରେ ରହୁଥିଲେ । ଟିମ ଇଣ୍ଡିଆ ୨୦୧୧ ବିଶ୍ବକପ ଦଳର ସଦସ୍ୟ ଥିଲେ ଜାହିର । ମାତ୍ର ସେ ଅବସର ନେବା ସମୟରେ ସେମିତି କିଛି ବିଦାୟ କାଳିନ ଭବ୍ୟ ସ୍ବାଗତ କରାଯାଇନଥିଲା ।
ରାହୁଲ ଦ୍ରାବିଡ୍: ଭାରତୀୟ ଦଳର ୨ ଜଣ ଖେଳାଳି ଯେଉଁମାନେ କି ଟେଷ୍ଟ ଏବଂ ଦିନିକିଆରେ ୧୦ ହଜାର ସ୍କୋର ପାର କରିଛନ୍ତି । ସଚିନଙ୍କ ପରେ ଦ୍ରାବିଡ ଏହି ତାଲିକାରେ ରହିଛନ୍ତି । ଟେଷ୍ଟ କ୍ରିକେଟରେ ଭାରତୀୟ ଦଳକୁ ମଜବୁତ କରିବାରେ ଦ୍ରାବିଡଙ୍କ ଭୂମିକା ଗୁରୁତ୍ବପୂର୍ଣ୍ଣ ରହିଥିଲା । ଦ ଓ୍ବାଲ ଭାବେ ଦ୍ରବିଡ ପରିଚିତ ଥିଲେ । ସେ ୨୦୧୨ ମସିରେ ଆନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ । ତାଙ୍କ ମଧ୍ୟ ବିଦାୟ କାଳିନ ସମ୍ବର୍ଦ୍ଧନା ଦିଆଯାଇନଥିଲା ।
କୋଲକାତା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ଯା ମାମଲାରେ ବନ୍ଦ ଡାକରା
ନନ୍ଦିଘୋଷ ବ୍ୟୁରୋ: କୋଲକାତା ଆରଜି କର ମେଡିକାଲ କଲେଜ ଆଣ୍ଡ ହସ୍ପିଟାଲରେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ଯା ଘଟଣା। ଇଣ୍ଡିଆନ ମେଡିକାଲ ଆସୋସିଏସନ ପକ୍ଷରୁ ୨୪ ଘଣ୍ଟିଆ ଦେଶବ୍ଯାପୀ ଧର୍ମଘଟ ଡାକରା ଦିଆଯାଇଛି। ଆନ୍ଦୋଳନ ଯୋଗୁ ଓପିଡି ଓ ଇଲେକ୍ଟିଭ ସର୍ଜରୀ ବନ୍ଦ ରହିଥିବାବେଳେ ସମସ୍ତ ଜରୁରୀକାଳୀନ ସେବା ଜାରି ରହିଛି। ଦିଲ୍ଲୀ ସମତେ ଦେଶର ସମସ୍ତ ମେଡିକାଲରେ ସେବା ପ୍ରଭାବିତ ହୋଇଛି। ଆବାସିକ ଡାକ୍ତରଙ୍କ ସୁରକ୍ଷା ସମେତ ଅନ୍ଯାନ୍ଯ ଦାବିରେ ଅଟଳ ଅଛନ୍ତି ଡାକ୍ତର ସଂଘ। ଦେଶର ସର୍ବବୃହତ ଡାକ୍ତର ସଂଘ ଆଇଏମଏ ପକ୍ଷରୁ ଆବାସିକ ଡାକ୍ତରଙ୍କ ସୁରକ୍ଷା ସମେତ ୩୬ ଘଣ୍ଟିଆ ସିଫ୍ଟରେ ପରିବର୍ତ୍ତନ ଦାବି କରାଯାଇଛି। କର୍ମକ୍ଷେତ୍ରରେ ମେଡିକାଲ କର୍ମଚାରୀଙ୍କ ବିରୋଧରେ ହିଂସା ରୋକିବା ଲାଗି ଏକ କେନ୍ଦ୍ରୀୟ ଆଇନ ଦାବିରେ ଅଟଳ ରହିଛି ଆଇଏମଏ। ଏହା ସହ ଅଧିକ ସଂଖ୍ଯକ ନିରାପତ୍ତା କର୍ମଚାରୀ ମୁତୟନ କରିବା, ସିସିଟିଭି ଲଗାଇବା ଆଦି ଦାବି କରିଛି ଆଇଏମଏ। ଏହି ଦେଶବ୍ଯାପୀ ଧର୍ମଘଟରେ ବି ସାମିଲ ହୋଇଛି ଅଲ ଇଣ୍ଡିଆ ମେଡିକାଲ ଷ୍ଟୁଡେଣ୍ଟସ ଆସୋସିଏସନ ବା ଏଆଇଏମଏସଏ ଏବଂ ଫେଡେରେସନ ଅଫ ରେସିଡେଣ୍ଟ ଡକ୍ଟର୍ସ ଆସୋସିଏସନ ବା ଫୋର୍ଡା। ଏପଟେ ରାଉରକେଲା ସରକାରୀ ଡାକ୍ତରଖାନା ସମ୍ମୁଖରେ ଡାକ୍ତରମାନେ କଳାଵ୍ୟାଚ ପିନ୍ଧି ପ୍ରତିବାଦ କରିଵା ସହ ଡ଼ାକ୍ତରମାନଙ୍କ ସୁରକ୍ଷା ଦାବି କରିଛନ୍ତି ।
ଧାରଣାରେ ବସିଲେ ଦେବଗଡ ବିଧାୟକ
ଦେବଗଡ: ଧାରଣାରେ ଦେବଗଡ ବିଧାୟକ । ଦେବଗଡ଼ ବାରକୋଟ ବ୍ଲକ ବିଦେଇବଡ଼କୁଦର ଟୋଲ ପ୍ଲାଜାରେ ଦେବଗଡ଼ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳଙ୍କ ଧାରଣା। ସ୍ଥାନୀୟ ଯାନବାହନ ଉପରେ ଟୋଲ ଟ୍ୟାକ୍ସ ଛାଡ଼ ଓ ସ୍ଥାନୀୟ ଯୁବକଙ୍କୁ ୮୦ ପ୍ରତିଶତ ନିଯୁକ୍ତି ଦାବିରେ ଧାରଣା ଦେଇଛନ୍ତି ବିଧାୟକ। ବିଦେଇବଡ଼କୁଦର ଟୋଲ ପ୍ଲାଜାରେ ଦୀର୍ଘ ବର୍ଷ ଧରି ସ୍ଥାନୀୟ ଯାନବାହାନ ଉପରୁ ଟ୍ୟାକ୍ସ ଆଦାୟ କରାଯାଉ ନଥିଲା। ହେଲେ ନିର୍ବାଚନ ପରେ ସ୍ଥାନୀୟ ଜିଲ୍ଲାପାଳଙ୍କ ବଦଳି ପରେ ଗତ ପ୍ରାୟ ଏକ ସପ୍ତାହରୁ ଟୋଲ ପ୍ଲାଜାରୁ ପୁଣି ଥରେ ଲୋକାଲ ଗାଡି ଉପରୁ ଟ୍ୟାକ୍ସ ଆଦାୟ କରଯାଉଛି । କେବଳ ଏତିକି ନୁହେଁ ରାସ୍ତା ଦେଇ ଯାଉଥିବା ଶବ ବାହାକ ଗାଡି, କିମ୍ବା ଗରିବ ଚାଷୀଙ୍କ ଉତ୍ପାଦିତ ଫସଲ ବୋଝେଇ ଗାଡିରୁ ଟୋଲ ପ୍ଲାଜା କର୍ମଚାରୀ ମାନେ ବଳ ପୂର୍ବକ ଟ୍ୟାକ୍ସ ଅସୁଲି କରୁଥିବା ଅଭିଯୋଗ ହେଉଛି।
ଖବର ପାଇବା ପରେ ଦେବଗଡ଼ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳ ୪୯ ନମ୍ବର ଜାତୀୟ ରାଜପଥରେ ଧାରଣା ଦେଇଛନ୍ତି ଏବଂ ସ୍ଥାନୀୟ ଅଞ୍ଚଳବାସୀଙ୍କ ଠାରୁ ଟୋଲ ଟ୍ୟାକ୍ସ ଅସୁଲି ବନ୍ଦ ପାଇଁ ଏନଏଚଏଆଇ କର୍ତ୍ତୃପକ୍ଷ ପଦକ୍ଷେପ ନ ନେବା ଯାଏଁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ରାସ୍ତାରେ ଧାରଣାରେ ବସିବେ ବୋଲି କହିଛନ୍ତି ।
ରାସନକାର୍ଡଧାରୀଙ୍କୁ ଗହମ ପ୍ରଦାନ ପ୍ରସଙ୍ଗ: ମୁହାଁମୁହିଁ ହୋଇଛନ୍ତି ଯୋଗାଣମନ୍ତ୍ରୀ ଓ ବିରୋଧୀ ଦଳ ଉପମୁଖ୍ଯ ସଚେତକ
ଭୁବନେଶ୍ୱର: ରାସନକାର୍ଡଧାରୀଙ୍କୁ ଗହମ ପ୍ରଦାନ ପ୍ରସଙ୍ଗରେ ମୁହାଁମୁହିଁ ହୋଇଛନ୍ତି ଯୋଗାଣମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଓ ବିରୋଧୀ ଦଳ ଉପମୁଖ୍ଯ ସଚେତକ ପ୍ରତାପ ଦେବ। ପୁଣି ଥରେ ରାସନକାର୍ଡ ହିତାଧିକାରୀଙ୍କୁ ଚାଉଳ ସହ ମିଳିବ ଗହମ ବୋଲି କହିଛନ୍ତି ଯୋଗାଣ ମନ୍ତ୍ରୀ। ହିତାଧିକାରୀଙ୍କୁ ମିଳୁଥିବା ଚାଉଳର ୨୦ ପ୍ରତିଶତ ଗହମ ଦେବାକୁ କେନ୍ଦ୍ର ଖାଉଟି କଲ୍ୟାଣ ମନ୍ତ୍ରୀଙ୍କ ନିକଟରେ ଦାବି କରିଥିବା ସେ କହିଛନ୍ତି। ରାଜ୍ଯବାସୀଙ୍କ ଚାହିଦାକୁ ଦୃଷ୍ଟିରେ ରଖି କେନ୍ଦ୍ର ନିକଟରେ ଏହି ଦାବି କରାଯାଇଥିବା ସେ କହିଛନ୍ତି।
ସେପଟେ ବିରୋଧୀ ଦଳ ଉପମୁଖ୍ଯ ସଚେତକ ପ୍ରତାପ ଦେବ କହିଛନ୍ତି ଜାତୀୟ ଖାଦ୍ୟ ସୁରକ୍ଷା ଯୋଜନାରେ ଚାଉଳ ଓ ଗହମର ବ୍ୟବସ୍ଥା ରହିଛି। ଯେହେତୁ ଓଡିଶା ଏକ ଚାଉଳ ଉତ୍ପାଦନ କାରୀ ରାଜ୍ୟ, ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ଗହମ ନାହିଁ। ରାଜ୍ଯରେ ଗହମ ଯୋଗାଣ ବନ୍ଦ ହୋଇନି। ଖାଦ୍ୟ ଅଭ୍ୟାସ ବଦଳାଇଲେ, ଚାଉଳ ବଦଳରେ ଗହମ ଖାଇବା ଅଭ୍ୟାସ ବଢ଼ିଗଲେ ଏହା ରାଜ୍ୟର ଚାଷ ଓ ଚାଷୀଙ୍କ ଉପରେ ପ୍ରଭାବ ପଡିବ। ଭବିଷ୍ୟତ ପାଇଁ ଏହା ଠିକ ନୁହେଁ। ବିଜେଡି ଏହାର ଆଗରୁ ପ୍ରତିବାଦ କରିଥିଲା। ପୂର୍ବ ସରକାର ଗହମ କାଟିଦେଇଥିବା ମନ୍ତବ୍ଯ ସମ୍ପୂର୍ଣ୍ଣ ଅଯୌକ୍ତିକ ବୋଲି ସେ କହିଛନ୍ତି।