ଲକ୍ଷ୍ନୌ: ଲୋକସଭା ନିର୍ବାଚନରେ ଆଶାତୀତ ସଫଳତା ପରେ ଉତ୍ତର ପ୍ରଦେଶରେ କଂଗ୍ରେସ ଆରମ୍ଭ କରିବ ଧନ୍ଯବାଦ ଯାତ୍ରା । ଆଜିଠାରୁ ୧୫ ତାରିଖ ଯାଏ ଚାଲିବ ଏହି ଯାତ୍ରା । ରାଜ୍ଯର ସମସ୍ତ ୪୦୩ ବିଧାନସଭା ନିର୍ବାଚନ ମଣ୍ଡଳୀରେ ଏହି ଯାତ୍ରା ଚାଲିବ । ଏହି ଯାତ୍ରାରେ ରାଜ୍ଯର ସମସ୍ତ ପଦାଧିକାରୀ ସାମିଲ ହେବେ ।
ଯାତ୍ରା ଅବସରରେ ପ୍ରତି ସମ୍ପ୍ରଦାୟଙ୍କୁ ସମ୍ବିଧାନର ନକଲ ଦିଆଯାଇ ସେମାନଙ୍କୁ ସମ୍ବର୍ଦ୍ଧିତ କରାଯିବ । ଗତ ଲୋକସଭା ନିର୍ବାଚନରେ ଇଣ୍ଡିଆ ମେଣ୍ଟ ୮୦ଟି ଆସନରେ ଲଢିଥିଲା । ସମାଜବାଦୀ ପାର୍ଟି ୩୭ ଆସନ ଓ କଂଗ୍ରେସ ୬ଟି ଆସନରେ ବିଜୟୀ ହୋଇଥିଲେ । ବିଜେପି ଖାତାକୁ ଯାଇଥିଲା ୩୩ ଆସନ । ଆମେଥିରେ କଂଗ୍ରେସ ନେତା ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଏକ ବଡ ଧରଣର ସମାବେଶରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ।
ହିମାଚଳ କା ପୁରଓ୍ବାରେ ଏହି ସମାବେଶ ହେବ । ଆମେଥିରେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ପରାସ୍ତ କରି ବିଜୟୀ ହୋଇଛନ୍ତି କଂଗ୍ରେସର କିଶୋରୀ ଲାଲ ଶର୍ମା । ସେହିପରି ରାଏବରେଲିରେ ୟୁପି ମନ୍ତ୍ରୀ ଦିନେଶ ପ୍ରତାପ ସିଂଙ୍କୁ ପରାସ୍ତ କରି ବିଜୟୀ ହୋଇଛନ୍ତି ରାହୁଲ ଗାନ୍ଧୀ ।
