ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ଗିରଫ ହୋଇଥିବା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ହାଜତରେ ଥିବା ବେଳେ ସେଠାରୁ ଚଲାଇଛନ୍ତି ସରକାର। ରବିବାର ପ୍ରଥମ ନିର୍ଦ୍ଦେଶ ଜାରି କରିଥିବା ବେଳେ, ଏବେ ପୁଣି ଆଉ ଏକ ନିର୍ଦ୍ଦେଶ ଜାରି କରିଛନ୍ତି। ଏନେଇ ସୂଚନା ଦେଇଛନ୍ତି ଦିଲ୍ଲୀର ସ୍ୱାସ୍ଥ୍ୟ ମନ୍ତ୍ରୀ ସୌରଭ ଭରଦ୍ୱାଜ। ଦିଲ୍ଲୀରେ ସରକାରଙ୍କ ଦ୍ୱାରା ପରିଚାଳିତ ମୋହଲା କ୍ଳନିକରେ ଯେପରି ଲୋକେ ମାଗଣା ଔଷଧ ପାଇବା ସହିତ ମାଗଣାରେ ସମସ୍ତ ପ୍ରକାର ଟେଷ୍ଟ କରାଇପାରିବେ, ସେ କଥା ନିଶ୍ଚିତ କରିବାକୁ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ନିର୍ଦ୍ଦେଶ ଦେଇଥିବା ସ୍ୱାସ୍ଥ୍ୟ ମନ୍ତ୍ରୀ ସୌରଭ ଭରଦ୍ୱାଜ କହିଛନ୍ତି।

ସେ କହିଛନ୍ତି, ମୋହଲ୍ଲା କ୍ଲିନିକରେ ଲୋକେ ମାଗଣାରେ ବିଭିନ୍ନ ପ୍ରକାର ପରୀକ୍ଷା କରିବାରେ ସମସ୍ୟାର ସମ୍ମୁଖୀନ ହେଉଥିବା ନେଇ କେଜରିଓ୍ବାଲ ଖବର ପାଇଥିଲେ। ତେଣୁ ଏହାର ସମାଧାନ କିପରି ହୋଇପାରିବ, ତାହା ନିଶ୍ଚିତ କରିବାକୁ ନିର୍ଦ୍ଦେଶ ଦେଇଛନ୍ତି ବୋଲି କହିଛନ୍ତି ସୌରଭ ଭରଦ୍ବାଜ। ସବୁ ଡାକ୍ତରଖାନା ଓ ମୋହଲ୍ଲା କ୍ଲିନିକ୍ରେ ଯେପରି ଲୋକଙ୍କୁ ମାଗଣାରେ ଔଷଧ ମିଳିବାରେ ବା କୌଣସି ପ୍ରକାର ପରୀକ୍ଷା କରାଇବାରେ କିଛି ଅସୁବିଧା ନ ହେବ, ସେଥିପ୍ରତି ଦୃଷ୍ଟି ଦେବାକୁ କେଜରିଓ୍ବାଲ କହିଛନ୍ତି।

ନନ୍ଦିଘୋଷ ବ୍ୟୁରୋ: ଭାରତରେ ଏବେ ବଢ଼ି ଚାଲିଛି ଜନସଂଖ୍ୟା । ଏହି ଚିନ୍ତା ଜନକ ଖବର ଭିତରେ ଆଉ ଏକ ଖବର ଆସି ପହଞ୍ଚିଛି ଯାହା ସମସ୍ତଙ୍କୁ ଚିନ୍ତାରେ ପକାଇଦେଇଛି । ୨୦୫୦ ମସିହା ବେଳକୁ ଭାରତରେ ଫର୍ଟିଲିଟି ରେଟ ବା ପ୍ରଜନନ କ୍ଷମତା ମାତ୍ର ୧. ୨୯ ରହିଥିବ । ଏବେ ଏହା ରହିଛି ୧. ୯୧ । ୧୯୫୦ ମସିହାରେ ଏହା ୬. ୧୮ ଥିଲା ।

ଅର୍ନ୍ତରାଷ୍ଟ୍ରୀୟ ଜର୍ନାଲରେ ପ୍ରକାଶିତ ହୋଇଥିବା ଏହି ରିପୋର୍ଟ ସମସ୍ତକୁ ଚକିତ କରିଦେଇଛି । ଜର୍ନାଲ କହିଛି ଯେ, ଏହି ସ୍ଥର କମିକି ୧. ୦୪ ବି ହୋଇପାରେ । କେବଳ ଭାରତରେ ପ୍ରଜନନ କ୍ଷମତା କମୁନି ଦୁନିଆରେ ବହୁ ଦେଶରେ ଏମିତି ହେଉଛି । ସାରା ବିଶ୍ବରେ ମହିଳାଙ୍କ କ୍ଷେତ୍ରରେ ପ୍ରଜନନ କ୍ଷମତା ପ୍ରାୟ ଅଧା କମି ଗଲାଣି । ୧୯୫୦ ମସିହାରେ ଏହା ୪. ୮ରୁ ଅଧିକା ଥିଲା । ୨୦୨୧ରେ ଏହା କମି ୨. ୨ ହୋଇଯାଇଛି ।

ବୈଜ୍ଞାନିକ ମାନେ ଏଥିପାଇଁ ଜୀବନଶୖଳୀ ବଦଳିବା ଗ୍ଲୋବାଲ ଓ୍ବାର୍ମିଂ, କ୍ଲାଇମେଟ ଚେଞ୍ଚ ଭଳି ସମସ୍ୟାକୁ ଦାୟୀ କରିଛନ୍ତି । ଭାରତରେ ଅଧିକ ଜନସଂଖ୍ୟା ଥିବାରୁ ଆଗକୁ ଯଦି ଏହି ପ୍ରଜନନ ସଂଖ୍ୟା କମିଯାଏ ତାହାଲେ ଛୋଟ ପିଲା ଏବଂ ବୟସ୍କଙ୍କ ମଧ୍ୟରେ ସନ୍ତୁଳନ ଠିକରେ ରକ୍ଷା ହୋଇପାରିବ ନାହିଁ ।  ଦେଶରେ ଯୁବକ ଯୁବତୀ କମ୍ ଏବଂ ବୟସ୍କ ବ୍ୟକ୍ତି ଅଧିକ ରହିବେ ବୋଲି ଆଶଙ୍କା କରାଯାଉଛି ।

ମିରଟ: ଲୋକପ୍ରିୟ ଟିଭି ସିରିଏଲ ରାମାୟଣରେ ରାମଙ୍କ ଚରିତ୍ରରେ ଅଭିନୟ କରିଥିବା ଅଭିନେତା ଅରୁଣ ଗୋଭିଲ ଏଥର ନିର୍ବାଚନ ଲଢ଼ିବେ । ଏହି ସିରିଏଲ ପରଠାରୁ ସେ ଦେଶ ଏବଂ ବିଦେଶରେ ବେଶ ପରିଚିତ । ଅରୁଣ ମିରଟରେ ୧୨ ଜାନୁଆରୀ ୧୯୫୮ ମସିହାରେ ଜନ୍ମ ଗ୍ରହଣ କରିଥିଲେ । ସେ ସିରିଏଲ ରାମାୟଣ ସହ ବହୁ ସିରିଏଲରେ ଅଭିନୟ କରିଛନ୍ତି । ତେବେ ରାଜନୀତିରେ ପ୍ରବେଶ କରିଥିବା ଅରୁଣ ଗୋଭିଲଙ୍କ ମୋଟ ସମ୍ପତ୍ତି କେତେ? ଏବଂ ସେ ରାମାୟଣର ଗୋଟିଏ ଏପିସୋଡ ପାଇଁ କେତେ ଟଙ୍କା ନେଉଥିଲେ?

ସିରିଏଲ ବିକ୍ରମ ବେତାଳଠୁ ନେଇ ଏବେ ଆସିଥିବା ଫିଲ୍ମ ଆର୍ଟିକିଲ ୩୭୦ରେ ସେ ନଜର ଆସିଥିଲେ । ତାଙ୍କ ବାପା ସରକାରୀ ଅଧିକାରୀ ଥିଲେ । ସେ ଚାହୁଁଥିଲେ ତାଙ୍କ ପରି ପୁଅ ବି ସରକାରୀ ଚାକିରି କରୁ । କିନ୍ତୁ ବାପା ତାଙ୍କୁ ଥରେ କହିଥିଲେ, ଏମିତି କାମ କର ଯେଉଁ କାମ ଦ୍ବାରା ଲୋକେ ସବୁବେଳେ ମନେ ରଖିବେ । ଏଥିପାଇଁ ସେ କିଛି ଅଲଗା କରିବାକୁ ଚେଷ୍ଟା କରୁଥିଲେ ।

ମିରଟରେ ପାଠ ପଢ଼ିବା ପରେ ସେ ଚୌଧୁରୀ ଚରଣ ସିଂ ୟୁନିଭର୍ସିଟିରୁ ଡିଗ୍ରୀ ହାସଲ କରିଥିଲେ । ଏହା ପରେ ସେ ଥିଏଟର ଏବଂ ଅଭିନୟ ଦୁନିଆରେ ପାଦ ଦେଇଥିଲେ । ସେ ୧୯୭୫ ମସିହାରେ ମୁମ୍ବାଇକୁ ଆସିଥିଲେ । ମୁମ୍ବାଇରେ ଭାଇଙ୍କ ସହ ରହୁଥିଲେ । ଏହା ପରେ ତାଙ୍କୁ ବିକ୍ରମ ବେତାଳ ସିରିଏଲ ମିଳିଥିଲା । ଏହା ପରେ ତାଙ୍କୁ ରାମାୟଣ ସିରିଏଲରେ ଅଭିନୟ କରିବାର ସୁଯୋଗ ମିଳିଥିଲା ।

ସେତେବେଳେ ସେ ରାମାୟଣର ଗୋଟିଏ ଏପିସୋଡ ପାଇଁ ୫୧ ହଜାର ଟଙ୍କା ନେଉଥିଲେ । ରାମାୟଣର ମୋଟ ୮୧ ଟି ଏପିସୋଡ ଥିଲା । ଏହି ସବୁକୁ ହିସାବ କଲେ ତାଙ୍କୁ ମୋଟ ୪୦ ଲକ୍ଷରୁ ଅଧିକ ଟଙ୍କା ମିଳିଥିଲା । ଏହା ପରେ ତାଙ୍କୁ ଆଉ ଏକ ସିରିଏଲରୁ ୫୦ ଲକ୍ଷ ମିଳିଥିଲା । ମିଡିଆ ରିପୋର୍ଟ ଅନୁସାରେ ଅରୁଣଙ୍କ ସମ୍ପତ୍ତି ମୋଟ ୩୮ କୋଟି । ୨୦୨୨ରେ ସେ ୬୦ ଲକ୍ଷ ଟଙ୍କାର ଏକ ଲକ୍ଜୁରୀ କାର୍ ବି କିଣିଥିଲେ । ଏହା ସହ ମୁମ୍ବାଇରେ ତାଙ୍କର ଏକ ଆଲିସାନ୍ ଘର ବି ରହିଛି । ଏବେ ତାଙ୍କର ବର୍ଷକୁ ରୋଜଗାର ୪ ଲକ୍ଷ ବୋଲି କହିଛନ୍ତି । ଅଭିନୟ ଏବଂ ବିଜ୍ଞାପନରୁ ଏହି ଟଙ୍କା ସେ ରୋଜଗାର କରନ୍ତି ।

ନନ୍ଦିଘୋଷ ବ୍ୟୁରୋ: ଏବେ ବଲିଉଡ୍ କୁଇନ୍ ରାଜନୀତିରେ ପ୍ରବେଶ କରିସାରିଛନ୍ତି । ନିଜର ଅଜବ ପ୍ରକାର ଟପ୍ପଣୀ ଏବଂ ରୋକ୍ ଠୋକ କଥା ପାଇଁ ସବୁବେଳେ ଚର୍ଚ୍ଚାରେ ରହୁଥିବା କଙ୍ଗନା ରଣାଓ୍ବନ ଏବେ ନିର୍ବାଚନ ଲଢ଼ିବେ । ସେ ବିଜେପି ଟିକେଟରେ ହିମାଚଳ ପ୍ରଦେଶ ମଣ୍ଡିରୁ ନିର୍ବାଚନ ଲଢ଼ିବେ ବୋଲି ବିଜେପି ତାର ପ୍ରାର୍ଥୀ ତାଲିକାରେ ଘୋଷଣା କରିଛି ।

ପୂର୍ବବର୍ଷ କଙ୍ଗନା ଏ ନେଇ ସୂଚନା ବି ଦେଇଥିଲେ । ଏବେ କଙ୍ଗନାଙ୍କୁ ମଣ୍ଡିର ଟିକେଟ ମିଳିବା ପରେ ପୂରୁଣା ଟ୍ବିଟ ଭାଇରାଲ ହେଉଛି । ଏହି ଟ୍ବିଟରେ କଙ୍ଗନା କହିଥିଲେ ଯେ, ସେ ହିମାଚଳରୁ ନୁହେଁ ଅନ୍ୟ କେଉଁ ସ୍ଥାନରୁ ନିର୍ବାଚନ ଲଢ଼ିବେ । ବିଜେପିର ପ୍ରାର୍ଥୀ ତାଲିକା ଘୋଷଣା ହେବାର ମାତ୍ର କେଇ ଘଣ୍ଟା ଭିତରେ ତାଙ୍କର ଏହି ପୁରୁଣା ଟ୍ବିଟ୍ ଭାଇରାଲ ହୋଇଛି । ଟ୍ବିଟରେ ସେ କହିଥିଲେ ଯେ, ହିମାଚଳ ପ୍ରଦେଶର ଜନସଂଖ୍ୟା ପ୍ରାୟ ୬୦ରୁ ୭୦ ଲକ୍ଷ । ସେଠାରେ ଗରିବୀ ନାହିଁ ନା ସେଠାରେ ଅପରାଧ ଘଟୁଛି । ଏଥିପାଇଁ ମୁଁ ସେଠାରୁ ନିର୍ବାଚନ ନ ଲଢ଼ି ଅନ୍ୟ କୌଣସି ସ୍ଥାନରୁ ଲଢ଼ିବି । ଏହି କଥାକୁ ନେଇ ୟୁଜର ରିଟ୍ବିଟ କରି କରିଛନ୍ତି । ୟୁଜରଙ୍କ ମଧ୍ୟରେ ଏକ ପ୍ରକାର ଟ୍ବିଟ ଯୁଦ୍ଧ ଆରମ୍ଭ ହୋଇଯାଇଛି ।

ୟନନ୍ଦିଘୋଷ ବ୍ୟୁରୋ: ଆଜି ହୋଲି । ହୋଲି ଅବସରରେ ସମସ୍ତେ ପଣା ପଇଥାନ୍ତି । ଏବଂ ଏହି ପଣା ବା ସର୍ବତରେ ଭାଙ୍ଗ ମିଶାଯାଇ ବି ପିଆଯାଇଥାଏ । ତେବେ ଆପଣ ଜାଣିଛନ୍ତି କି ଭାଙ୍ଗକୁ କେବଳ ନିଶା ପାଇଁ ବ୍ୟବହାର କରାଯାଏ ନାହିଁ । ଏହାର ଅନେକ ଔଷଧିୟ ଗୁଣ ବି ରହିଛି । ତାହାଲେ ଜାଣନ୍ତୁ ଭାଙ୍ଗ ଆଉ କେଉଁ ସବୁ କାମରେ ବ୍ୟବହାର ହୁଏ ।

ଭାଙ୍ଗ ଗଛ ୪ରୁ ୧୦ ଫୁଟ ଲମ୍ବା ବଢ଼ିପାରେ । ଏହା ଗଙ୍ଗା ତଟବର୍ତ୍ତି ଯାଗା ଯେମିତିକି ହିମାଚଳ ପ୍ରଦେଶ, ପଞ୍ଜାବ, ହରିୟାଣା, ଉତ୍ତରପ୍ରଦେଶ, ବିହାର, ପଶ୍ଚିମବଙ୍ଗ ଇତ୍ୟାଦି ଯାଗାରେ ଅଧିକା ମିଳିଥାଏ । ଏହା ପଥୁରିଆ ଭୂମିରେ ବି ଭଲରେ ବଢ଼ିଥାଏ । ଫାଇବର୍, ତେଲ ଏବଂ ନିଶା ପାଇଁ ଏହାକୁ ବ୍ୟବହାର କରଯାଏ । ତେଲୁଗୁ ଭାଷାରେ ଏହାକୁ ଗଞ୍ଜାଇ ତାମିଲରେ ଗାଞ୍ଜା ଏବଂ କନ୍ନଡରେ ଏହାକୁ ବାଙ୍ଗି ବୋଲି କୁହାଯାଏ ।

ଭାଙ୍ଗରେ ସାବୁନ ତିଆରି ହୋଇଥାଏ । ସାବୁନକୁ ଚିକ୍କଣ କରିବାକୁ ଭାଙ୍ଗ ବ୍ୟବହାର କରାଯାଏ । ଜମିର ଉର୍ବରତା ବଢ଼ାଇବା ପାଇଁ କୃଷି ଦ୍ରବ୍ୟରେ ମଧ୍ୟ ଭାଙ୍ଗ ବ୍ୟବହାର ହୁଏ ।

ପଶୁଙ୍କ ରୋଗ ଭଲ କରିବାକୁ ଭାଙ୍ଗ ବ୍ୟବହାର ହୁଏ । ପଶୁଙ୍କ କ୍ଷତ ସ୍ଥାନରେ ଭାଙ୍ଗ ଲଗାଇଲେ ସେମାନେ ଶୀଘ୍ର ସୁସ୍ଥ ହୁଅନ୍ତି । ବିଶେଷ କରି ପଶୁଙ୍କୁ ହେମାଟୋମା ରୋଗ ଭଲ କରିବାକୁ ଏହାର ବ୍ୟବହାର ହୁଏ । ହିମାଚଳ ପ୍ରଦେଶରେ ଏହାକୁ ଚାଷ କରିବାକୁ ସରକାରଙ୍କ ତରଫରୁ ଅନୁମତି ମିଳିଛି । ଫସଲ କଟା ହେଲା ପରେ ଏହାର ମଞ୍ଜିକୁ ଅଲଗା ରଖାଯାଏ । ଡାଳ ଏବଂ ପତ୍ରକୁ ଅଲଗା ରଖାଯାଏ । ଏହାର ଡାଳ ଏତେ ମଜବୁତ ହୋଇଥାଏ ଯେ, ଏଥିରେ ଫାଇବର୍ ଠାରୁ ବି ଅଧିକ ମଜବୁତ ରଶି ତିଆରି କରାଯାଏ ।

ଚଣ୍ଡିଗଡ଼: ପଞ୍ଜାବରେ ହେବନି ମେଣ୍ଟ । ଏକା ଲଢ଼ିବ ବିଜେପି । ପଞ୍ଜାବରେ ସିରୋମଣି ଅକାଳି ଦଳ ସହ ବିଜେପିର ମେଣ୍ଟ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡ଼ିଛି । ବିଜେପି ରାଜ୍ୟର ସମସ୍ତ ୧୩ ସିଟରେ ଏକା ନିର୍ବାଚନ ଲଢ଼ିବ । ପଞ୍ଜାବ ବିଜେପି ଅଧ୍ୟକ୍ଷ ସୁନିଲ ଜାଖଡ ଏହି ସୂଚନା ଦେଇଛନ୍ତି ।

ନୂଆ ଫର୍ମୁଲାରେ ବିଜେପି ୫ ଏବଂ ସିରୋମଣି ଅକାଳି ଦଳ ୮ ସିଟରେ ଲଢ଼ିବାକୁ ପ୍ରସ୍ତାବ ଉପରେ ସହମତି ମିଳିଥିଲା । କିନ୍ତୁ ଅକାଳି ଦଳର ନେତା କହୁଥିଲେ ପ୍ରଥମେ ନିର୍ବାଚନ ହେଇଯାଉ ତା’ ପରେ ପଞ୍ଜାବ ଲୋକଙ୍କ ଆବଶ୍ୟକତା ନେଇ ନିଷ୍ପତ୍ତି ନିଆଯିବ । ଏହା ସହ ଅକାଳି ଦଳ ବିଜେପି ପାଖରେ ବହୁତ ଗୁଡିଏ ସର୍ତ୍ତ ରଖିଥିଲା । ଯେପରିକି ରାତିରେ NSA ନିୟମ ହଟାଯାଉ । ବନ୍ଦୀ ଥିବା ଶିଖଙ୍କୁ ଛଡ଼ାଯାଉ, ବ୍ୟବସାୟ ପାଇଁ ବର୍ଡର ଖୋଲାଯାଉ, କୃଷକ ଆନ୍ଦୋଳନ ରୋକିବାକୁ MSPର ଗ୍ୟାରେଣ୍ଟି ଦେବା ଇତ୍ୟାଦି ସର୍ତ୍ତ ରଖାଯାଇଥିଲା । ଏଥିରେ ସହମତି ନ ମିଳିବାକୁ ମେଣ୍ଟ ଆଶା ମଉଳିଯାଇଛି । ଏବେ ବିଜେପି ସେଠାରେ ଏକା ଲଢ଼ିବ ବୋଲି ନିଷ୍ପତ୍ତି ନେଇଛି ।

ଥାଣେ: ନୂଆ ଘର ତିଆରି କରିବାକୁ ଦରକାର ଥିଲା ୨୩ ଲକ୍ଷ ଟଙ୍କା। ଟଙ୍କା ପାଇଁ ପଡୋଶୀ ଘର ପୁଅକୁ ଅପହରଣ ଓ ପରେ ହତ୍ୟା। ମହାରାଷ୍ଟ୍ରର ଥାଣେ ଅଞ୍ଚଳରେ ଘଟିଛି ଏକ ଜଘନ୍ୟ କାଣ୍ଡ। ବଦଲାପୁର ଗୋରେ ଗାଁରେ ୯ବର୍ଷର ବାଳକକୁ ହତ୍ୟା କରିଛି ଟେଲର। ପେସାରେ ଥିଲା ଟେଲର କିନ୍ତୁ ନିଶା ଥିଲା ବଡ଼ ଘର ତିଆରି କରିବା। ଟଙ୍କା ପାଇଁ ରଚିଥିଲା ଅପହରଣ ଷଡ଼ଯନ୍ତ୍ର। ୯ବର୍ଷୀୟ ଇବାଦ ବୁବୁରେ ନମାଜ ପାଠ କରି ମସଜିଦରୁ ଫେରୁଥିବା ବେଳେ ଅପହରଣ କରିଥିଲା ଟେଲର। ଅପହରଣ ପରେ ନାବାଳକର ବାପାକୁ ଫୋନ କରି ୨୩ ଲକ୍ଷ ଟଙ୍କା ମାଗିଥିଲା ଅଭିଯୁକ୍ତ। ପରିବାର ଲୋକ କିଛି କରିବା ପୂର୍ବରୁ ଧରା ପଡ଼ିଯିବା ଭୟରେ ପିଲାଟିକୁ ହତ୍ୟା କରି ଅଖାରେ ଭର୍ତ୍ତି କରି ଦେଇଥିଲା ଅଭିଯୁକ୍ତ ଟେଲର । ମୃତଦେହ ଥିବା ଅଖାକୁ ନିଜ ଘର ପଛ ପଟ ବଗିଚାରେ ଲୁଚାଇ ଦେଇଥିଲା କିଲର ଟେଲର। ପୋଲିସ ଅଭିଯୁକ୍ତ ଟେଲର ସଲମାନ ମୌଲବୀ ସମେତ ସହଯୋଗୀଙ୍କୁ ଗିରଫ କରିଛି।