ଭୁବନେଶ୍ବର: ବିଜେପିର ଖୋର୍ଦ୍ଧା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦେବଙ୍କ ବିରୋଧରେ ଫେରାଦ ହେଲା ବିଜେଡ଼ି। ଟାଙ୍ଗୀ ବ୍ଲକର ଏମବିକେ ମହିଳାଙ୍କୁ ଧମକ ଚମକ ଦେଉଛନ୍ତି ପ୍ରଶାନ୍ତ । ଫୋନ ଯୋଗେ ଧମକ ଦେଉଛନ୍ତି ପ୍ରଶାନ୍ତ। ଗତକାଲି ନିର୍ବାଚନ କମିଶନଙ୍କ ପାଖରେ ଅଭିଯୋଗ ପରେ ବି ପ୍ରଶାନ୍ତ ଧମକେଇଛନ୍ତି। ବିଜେଡ଼ି ବାରମ୍ବାର ଅଭିଯୋଗ କଲେ ବି ପ୍ରଶାନ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ହେଉନାହିଁ। ବିଜେପି ପ୍ରାର୍ଥୀଙ୍କ ଲାଗି ଅଲଗା ନିୟମ କି ବୋଲି ଅଭିଯୋଗ କରିଛି ବିଜେଡି। ପୂର୍ବରୁ ମଧ୍ୟ ସାମ୍ବାଦିକଙ୍କୁ ପ୍ରଶାନ୍ତ ଆକ୍ରମଣ କରିଥିଲେ। ଅଭିଯୋଗ ପରେ ବି ପ୍ରଶାନ୍ତଙ୍କୁ ନୋଟିସ ବି ଦିଆଗଲା ନାହିଁ। ସେପଟେ ଏମବିକେ ମହିଳା ମା ମାନକୁ ଆଶ୍ଵସନା ଦେଇଛି ବିଜେଡ଼ି। ଆପଣ ମାନକ ସହିତ ବିଜେଡ଼ି ଆଉ ମାନ୍ୟବର ମୁଖ୍ୟମନ୍ତ୍ରୀ ସବୁବେଳେ ଅଛନ୍ତି। ସେଥିପାଇଁ ଜଣେ ଗୁଣ୍ଡା କୁ ନ ଡରି ଜବାବ୍ ଦିଅନ୍ତୁ।
ମହାପ୍ରଭୁଙ୍କ ରଥ ନିର୍ମାଣ ନିମନ୍ତେ ରେଢ଼ାଖୋଲରୁ ଗଲା ରଥକାଠ
ସମ୍ୱଲପୁର : ରଥପାଇଁ ରେଢ଼ାଖୋଲରୁ ଗଲା ରଥକାଠ। ରେଢ଼ାଖୋଲରୁ ତୃତୀୟ ଥର ଜଗନ୍ନାଥ ମହାପ୍ରଭୁଙ୍କ ରଥ ନିର୍ମାଣ ନିମନ୍ତେ ଆବଶ୍ୟକ କାଠ ଯାଇଛି।ରେଢ଼ାଖୋଲ ବନଖଣ୍ଡରୁ ୧୭୩ ଖଣ୍ଡ ରଥକାଠ ପୁରୀ ଯାଇଛି। ଖୋଲଗଡ ଜଙ୍ଗଲରୁ ୪୦ ଫୁଟର ୩୫ ଖଣ୍ଡ, ଧଉରା ଓ ଅସନ କାଠ ଓ ଗିରିଶ୍ଚନ୍ଦ୍ରପୁର ରେଞ୍ଜ ସଡ଼ଠାରୁ ୧୩୮ ଖଣ୍ଡ ୧୨ଫୁଟ ଓ ୩ ଫୁଟର କାଠ ଯାଇଛି। ରେଢ଼ାଖୋଲ ବନଖଣ୍ଡ ଅଧିକାରୀ ସମେତ ସମସ୍ତ କର୍ମଚାରୀ ଉପସ୍ଥିତ ରହି ରୀତି ନୀତି ଅନୁସାରେ ପୂଜାର୍ଚ୍ଚନା କରି କାଠ ପଠାଇଥିଲେ। ରଥକାଠ ଗଲାବେଳେ ରେଢ଼ାଖୋଲରେ ନାମ ସଂକୀର୍ତ୍ତନ ସହିତ ହୁଳହୁଳିରେ ପ୍ରକମ୍ପିତ ହେଉଥିଲା
ସଙ୍କଟରେ ହରିଆଣାର ବିଜେପି ନେତୃତ୍ଵାଧୀନ ସରକାର
ନନ୍ଦିଘୋଷ ବ୍ୟୁରୋ :ସଂକଟରେ ହରିଆଣାର ବିଜେପି ନେତୃତ୍ଵାଧୀନ ସରକାର ସଂକଟରେ ହରିଆଣାର ବିଜେପି ନେତୃତ୍ଵାଧୀନ ସରକାର। ୩ ସ୍ଵାଧୀନ ବିଧାୟକ ସରକାରଙ୍କ ସମର୍ଥନ ଛାଡିବା ପରେ ବଢିଲା ଅଡୁଆ।ସମର୍ଥନ ଛାଡିଥିବା ୩ ସ୍ଵାଧୀନ ବିଧାୟକ କଂଗ୍ରେସକୁ ସମର୍ଥନ କରିବାକୁ ଘୋଷଣା କରିଛନ୍ତି। ୩ ବିଧାୟକଙ୍କ ଏହି ଘୋଷଣା ପରେ ବିଜେପି ନେତୃତ୍ଵାଧୀନ ସରକାରର ସଂକଟ ବଢିଛି। ୩ ସ୍ଵାଧୀନ ବିଧାୟକ ହେଲେ ସୋମବୀର ସାଙ୍ଗୱାନ, ରଣଧୀର ଗୋଲେନ ଏବଂ ଧର୍ମପାଲ ଗୋନ୍ଦର।
ହରିଆଣାର କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଭୂପିନ୍ଦର ସି ହୁଡ୍ଡା ଏବଂ ହରିୟାଣା କଂଗ୍ରେସ ମୁଖ୍ୟ ଉଦୟ ଭାନଙ୍କ ଉପସ୍ଥିତିରେ ଏହି ଘୋଷଣା କରିଛନ୍ତି। ୩ ସ୍ଵାଧୀନ ବିଧାୟକଙ୍କ ସମର୍ଥନ ପ୍ରତ୍ୟାହାର ପରେ ବିଜେପି ସଂଖ୍ୟାଲଘୁ ସରକାର ହୋଇଥିବା ଦାବି କରିଛନ୍ତି ହରିଆଣା କଂଗ୍ରେସ ମୁଖ୍ୟ ଉଦୟ ଭାନ। ୯୦ ଆସନ ବିଶିଷ୍ଟ ହରିଆଣା ବିଧାନସଭାରେ ବର୍ତ୍ତମାନ ୮୮ ସଦସ୍ୟ ଅଛନ୍ତି। ସେମାନଙ୍କ ମଧ୍ୟରୁ ବିଜେପିର ୪୦ ବିଧାୟକ ରହିଛନ୍ତି। ବିଜେପି ସରକାରକୁ ପୂର୍ବରୁ ଜେଜେପି ଏବଂ ସ୍ଵାଧୀନ ବିଧାୟକଙ୍କ ସମର୍ଥନ ରହିଥିଲା।
ପୂର୍ବରୁ ଜେଜେପି ସମର୍ଥନ ପ୍ରତ୍ଯାହାର କରିଥିବାବେଳେ ଏବେ ୩ ସ୍ଵାଧୀନ ବିଧାୟକ ସମର୍ଥନ ଫେରାଇ ନେଇଛନ୍ତି। ମୁଖ୍ୟମନ୍ତ୍ରୀ ନାୟବ ସିଂ ସୈନୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦିଅନ୍ତୁ ବୋଲି ଦାବି କରିଛି କଂଗ୍ରେସ। ବିଜେପି ମୋଟ ୪୭ ବିଧାୟକଙ୍କ ସମର୍ଥନରେ ସରକାର ଗଠନ କରିଛି। ଜଣେ HLP, 3 JJP ଏବଂ ୩ ସ୍ଵାଧୀନ ବିଧାୟକ ସରକାରକୁ ସମର୍ଥନ ଦେଇଥିଲେ।
ବିଜେଡିରେ ସାମିଲ ହେଲେ ଅଭିନେତା ଅଖିଳ ପଟ୍ଟନାୟକ
ଭୁବନେଶ୍ୱର : ବିଜେଡିରେ ସାମିଲ ହେଲେ ଅଭିନେତା ଅଖିଳ ପଟ୍ଟନାୟକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ସାଂସଦ ମାନସ ମଙ୍ଗରାଜ ଓ ଖୋର୍ଦ୍ଧା ପର୍ଯ୍ୟବେକ୍ଷକ ରବୀନ୍ଦ୍ର ଜେନାଙ୍କ ପକ୍ଷରୁ ତାଙ୍କୁ ଦଳକୁ ସ୍ୱାଗତ କରିଛନ୍ତି ସାଂସଦ ସସ୍ମିତ ପାତ୍ର । କିଛି ଦିନ ତଳେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ବିରୋଧ କରି ବିଜେପି ପରିତ୍ୟାଗ କରିଥିଲେ । କୋଭିଡ ସମୟରେ ପ୍ରବାସୀଙ୍କ ପାଇଁ କାମ କରିବା ସହ କର୍କଟ ରୋଗୀଙ୍କ ପାଇଁ କାମ କରିଛନ୍ତି ଅଖିଳ । ତାଙ୍କ ପରିବାରର ଲମ୍ବା ରାଜନୈତିକ ଇତିହାସ ରହିଛି । ଜେଜେବାପା ଖୋର୍ଦ୍ଧା ତାପଙ୍ଗ ପଞ୍ଚାୟତର ସରପଞ୍ଚ ଥିଲେ । ନବୀନ ପଟ୍ଟନାୟକଙ୍କ ହାତମୁଠା ଟାଣ ସହ ଖୋର୍ଦ୍ଧା ସଂଗଠନ ମଜଭୁତ କରିବାକୁ ସେ ବିଜେଡିରେ ସାମିଲ ହୋଇଛନ୍ତି ବୋଲି କହିଛନ୍ତି ସସ୍ମିତ ।
କଳାକାର ଥିବାବେଳେ ଗାଁ କଥା ମନେ ପଡିଲା । ତେଣୁ ଲୋକଙ୍କ ସେବା ପାଇଁ ବିଜେପିରେ ମିଶିଲେ । ହେଲେ ଦଳ ତାଙ୍କୁ କୋଣଠେସା କଲା । ବିଜୁ ବାବୁ ଚାହୁଁଥିଲେ ନିଜ ଗୋଡ଼ରେ ନିଜେ ଠିଆ ହୁଅ । ନବୀନ ପଟ୍ଟନାୟକ ସେହି ଆଦର୍ଶରେ କାମ କରି ଷଷ୍ଠ ଥର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି । ଏହି ରଥକୁ ସେ ଟାଣିବାକୁ ଆସିଛନ୍ତି ବୋଲି କହିଛନ୍ତି ଅଖିଳ । ବିରୋଧୀ ଦଳରେ ଥିବାବେଳେ ଅନ୍ଧ ପିଟୁଳି ବାନ୍ଧି ଦେଇଥିଲେ । ବିରୋଧ ଆଳରେ ବିରୋଧ କରିବାକୁ କୁହାଯାଉଥିଲା । ଏଥିରେ ହତୋତ୍ସାହିତ ହୋଇ ବିଜେଡିକୁ ବାଛିଲେ । ନାୟକ ହୋଇ ଯେଉଁମାନେ ଦଳଛାଡିଛନ୍ତି ସେମାନେ ନବୀନଙ୍କ ସହ ଧୋକା କରିଛନ୍ତି ।
ରାଜ୍ଯସଭା ସାଂସଦ ମାନସ ମଙ୍ଗରାଜଙ୍କୁ ସେ କେବେ ଭୁଲିବେନି । ତାଙ୍କ ଫୋନ କଲ ଉତ୍ସାହିତ କଲା । ମୋର ଲଢିବାର ଇଛା ଶକ୍ତି ଥିବାରୁ ସେ ବିଜେଡିରେ ଯୋଗଦେବାକୁ କହିଲେ । ଏବେ ଦଳରେ ଯୋଗଦାନ ପରେ ବିଜେଡି ପାଇଁ କାମ କରିବା ସହ ଦଳ ଛାଡିବିନି ବୋଲି କହିଛନ୍ତି ଅଖିଳ । ଅନ୍ଯପଟେ ବିଜେପିରେ ବିଜେପି ଗୋଟେ, ଅପରାଜିତା ଗୋଟେ, ଧର୍ମେନ୍ଦ୍ର ଗୋଟେ, ଆରଏସଏସ ଗୋଟେ । ସେଠି କାହାକୁ ଗୁହାରି କରିବ । ଅପରାଜିତା ଚାହୁଁଛନ୍ତି ବିଜେପି ନଷ୍ଟ ହୋଇଯାଉ, ବିଜେଡି ନଷ୍ଟ ହୋଇଯାଉ, କଂଗ୍ରେସ ନରହୁ । କେବଳ ସେ ରହିକି ମୁଖ୍ଯମନ୍ତ୍ରୀ ହେବେ ବୋଲି ଗୋଟି ଚଳାଉଛନ୍ତି । ପାଇକ ମାଟିରେ ଏହା ସମ୍ଭବ ହେବନି ବୋଲି ଚେତେଇ ଦେଇଛନ୍ତି ଅଖିଳ ।
ନବରଙ୍ଗପୁରରେ ୨ ରୁବେଲା ଭୂତାଣୁ ଆକ୍ରାନ୍ତ ଚିହ୍ନଟ
ନବରଙ୍ଗପୁର : ନବରଙ୍ଗପୁରରେ ଦୁଇ ରୁବେଲା ଭୂତାଣୁ ଆକ୍ରାନ୍ତ ଚିହ୍ନଟ । ଗତ ୨୪ ତାରିଖରେ ନନ୍ଦାହାଣ୍ଡି ବ୍ଲକ ପଡାଲଗୁଡାର ୫ଜଣ ଶିଶୁଙ୍କ ରକ୍ତନମୁନା ଭୁବନେଶ୍ୱର ଆରଏମଆରସି ପରୀକ୍ଷାଗାରକୁ ପଠାଯାଇଥିଲା । ସେଥିମଧ୍ୟରୁ ଦୁଇ ଶିଶୁଙ୍କ ରକ୍ତରେ ରୁବେଲା ଭାଇରସ ଚିହ୍ନଟ ହୋଇଛି । ଏହି ରିପୋର୍ଟ ଆସିବା ପରେ ସ୍ୱାସ୍ଥ୍ୟ ବିଭାଗର ଏକ ଟିମ ସ୍ଥିତିର ଅନୁଧ୍ୟାନ କରୁଛନ୍ତି ।
ଏହା ଏକ ଭୂତାଣୁ ଜନିତ ରୋଗ ଏବଂ ଏହା ବାୟୁ ଦ୍ୱାରା ସଂକ୍ରମିତ ହୋଇଥାଏ । ତେଣୁ ରୋଗୀମାନଙ୍କୁ ଆଇସୋଲେସନରେ ରହିବା ପାଇଁ ପରାମର୍ଶ ଦିଆଯାଉଛି । ଏହାସହ ରୋଗର ନିରାକରଣ ପାଇଁ ସ୍ବାସ୍ଥ୍ୟ କର୍ମୀଙ୍କ ସହ ଯୋଗାଯୋଗରେ ରହିବା ପାଇଁ କୁହାଯାଇଛି । ଅନ୍ୟପଟେ ଗ୍ରାମବାସୀମାନେ ଅନ୍ଧବିଶ୍ୱାସର ବଶବର୍ତ୍ତୀ ନହେବା ପାଇଁ ପରାମର୍ଶ ଦିଆଯାଇଛି ।
ପୂର୍ବ ଭାରତୀୟଙ୍କୁ ଚାଇନିଜ୍, ଦକ୍ଷୀଣ ଭାରତୀୟଙ୍କୁ ଆଫ୍ରିକୀୟଙ୍କ ସହିତ ତୁଳନା କଲେ ଶାମ୍ ପିତ୍ରୋଦା
ନୂଆଦିଲ୍ଲୀ : ପୁଣି ସାମ୍ନାକୁ ଆସିଲା କଂଗ୍ରେସ ନେତା ଶାମ୍ ପିତ୍ରୋଦାଙ୍କ ଆଉ ଏକ ବିବାଦୀୟ ମନ୍ତବ୍ୟ । ଭିଡିଓରେ ଦେଇଥିବା ତାଙ୍କ ବିବାଦୀୟ ବୟାନ ଏବେ ସବୁଠି ଭାଇରାଲ ହେବାରେ ଲାଗିଛି । ଯାହାକୁ ନେଇ ଚର୍ଚ୍ଚା ଜୋର ଧରିଛି ।
ସେ କହିଛନ୍ତି ଯେ, ଭାରତ ଏକ ବିବିଧତାର ଦେଶ, ଯେଉଁଠି ପୂର୍ବ ଭାରତରେ ରହୁଥିବା ଲୋକ ଚୀନ ପରି, ପଶ୍ଚିମ ଭାରତର ବାସିନ୍ଦା ଆରବ ଭଳି, ଉତ୍ତରଭାରତରେ ରହୁଥିବା ଲୋକ ଶ୍ୱେତ ଏବଂ ଆଫ୍ରିକୀୟଙ୍କ ପରି ଦେଖାଯାଆନ୍ତି । କିନ୍ତୁ ଏଥିରେ କିଛି ଫରକ ପଡେ ନାହିଁ । ଆମେ ସମସ୍ତେ ଭାଇ ଓ ଭଉଣୀ । ସେ ଆହୁରି କହିଛନ୍ତି , ଆମେ ବିଭିନ୍ନ ଭାଷା, ଧର୍ମ , ରୀତିନୀତିକୁ ସମ୍ମାନ ଦେଇଥାଉ। ଏ ହେଉଛି ସେହି ଦେଶ ଯେଉଁଠି ମୋର ଭରସା ଅଛି ଓ ଯେଉଁଠି ସମ୍ମାନ ଦିଆଯାଏ ଏବଂ ଆପୋଷ ବୁଝାବଣା ମଧ୍ୟ କରାଯାଏ ।ହେଲେ ତାଙ୍କର ଏପରି ବୟାନକୁ ଅନେକ ଲୋକ ସମାଲୋଚନା ମଧ୍ୟ କରୁଛନ୍ତି ।
“Sir aap kuchh din ke liye interviews mat dijiye if possible..”
Sam Pitroda: pic.twitter.com/oI4Z99bHzY
— Shiv Aroor (@ShivAroor) May 8, 2024
ପଦମପୁରରେ ପ୍ରଚାର ସଭାରେ ବିଜେପିକୁ ପାଣ୍ଡିଆନଙ୍କ ଟାର୍ଗେଟ
ପଦମପୁର : ପଦମପୁରକୁ ଜିଲ୍ଲା କରାଇଦେଉନାହାନ୍ତି କୁଚକ୍ରୀ ଗୋଷ୍ଠୀ । ନବୀନ ସରକାର ଜିଲ୍ଲାପାଳଙ୍କ କାର୍ଯ୍ୟାଳୟ ପାଇଁ ଜାଗା ଚିହ୍ନଟ କରିଛନ୍ତି । ଏଡିଏମ ମଧ୍ଯ ନିଯୁକ୍ତ ହୋଇଛନ୍ତି । ହେଲେ ଚକ୍ରାନ୍ତକାରୀ ଗୋଷ୍ଠୀ ହାଇକୋର୍ଟରେ କେସ କରି ଜିଲ୍ଲା ଘୋଷଣାକୁ ଅଟକାଇଛନ୍ତି । ଯେଉଁ ଗୋଷ୍ଠୀ ଶ୍ରୀମନ୍ଦିର ପରିକ୍ରମା ଓ ସମଲେଇ ପ୍ରକଳ୍ପ ବନ୍ଦ କରିବାକୁ ସୁପ୍ରିମକୋର୍ଟ ଯାଇଥିଲେ ସେହି ଗୋଷ୍ଠୀ ପଦମପୁରକୁ ଜିଲ୍ଲା ହେବାକୁ ଚାହୁଁନାହାନ୍ତି ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ ।
ପଦମପୁରରେ ପ୍ରଚାର ସଭାରେ ବିଜେପିକୁ ଏଭଳି କଡ଼ା ସମାଲୋଚନା କରି ପାଣ୍ଡିଆନ କହିଛନ୍ତି, ନବୀନ ବାବୁ ପଦମପୁରକୁ ଜିଲ୍ଲା ଘୋଷଣା କରିବାକୁ ସୁପ୍ରିମକୋର୍ଟଙ୍କ ପର୍ଯ୍ୟନ୍ତ ଲଢିବେ । ହାଇକୋର୍ଟ, ସୁପ୍ରିମକୋର୍ଟରେ ଲଢି ପଦମପୁରକୁ ଜିଲ୍ଲା କରିବେ । ଅନ୍ଯପଟେ ଉପନିର୍ବାଚନ ସମୟରେ ପଦମପୁରବାସୀଙ୍କ ବିଜେପିର ନେତାମାନେ ରେଳ ସ୍ବପ୍ନ ଦେଖେଇଥିଲେ । ଏବେ ପଦମପୁର ରେଳ ଷ୍ଟେସନ କେଉଁଠି ଓ କେଉଁ ସହରକୁ ଟ୍ରେନ ଯାଉଛି ବୋଲି ବିଜେପିକୁ ପ୍ରଶ୍ନ କରିବାକୁ ଲୋକଙ୍କୁ ଆହ୍ବାନ ଦେଇଛନ୍ତି ପାଣ୍ଡିଆନ ।
ଯେଉଁମାନେ ବଡ଼ ବଡ କଥା କହିଥିଲେ ସେହି କେନ୍ଦ୍ରମନ୍ତ୍ରୀଙ୍କୁ ଏବେ ଖୋଜିଲେ ବି ପାଇବେନି । କେନ୍ଦ୍ରମନ୍ତ୍ରୀ ଏବେ ଫେବିକଲ ଲଗାଇ ସମ୍ବଲପୁରରେ ଅଛନ୍ତି କହି ଧର୍ମେନ୍ଦ୍ର ପ୍ରଧାନଙ୍କୁ ପାଣ୍ଡିଆନ କଟାକ୍ଷ କରିଛନ୍ତି । ନବୀନ ଯେଉଁ ପ୍ରତିଶୃତି ଦେଇଥିଲେ ତାହା ପୂରଣ କରିଛନ୍ତି । ଫସଲ ବୀମା ପାଇଁ ପ୍ରିମିୟମ ମାଗଣା କରିବାକୁ ପ୍ରତିଶୃତି ଦେଇଥିଲେ ଏବଂ ତାହା କରିକି ଦେଖାଇଛନ୍ତି ।
ବିଜୁ ଏକ୍ସପ୍ରେସ ୱେରେ ପଦମପୁର ଡିଭିଜନ ସବୁଠୁ ଅଧିକ ଲାଭ ପାଇବ । ପାଇପ ଜରିଆରେ ପିଇବା ପାଣି ପାଇଁ ବ୍ଯବସ୍ଥା କରାଯାଉଛି । କେନ୍ଦୁପତ୍ର ତୋଳାଳିଙ୍କୁ ୫୦ ପ୍ରତିଶତ ବୋନସ ଦେଉଛନ୍ତି ନବୀନ ସରକାର । ବୋନସ ଦେବାରେ ଦେଶରେ ଓଡ଼ିଶା ପ୍ରଥମ ରାଜ୍ଯ । କେନ୍ଦୁପତ୍ର ତୋଳାଳିଙ୍କୁ ଅନ୍ଯମାନେ ଭୋଟ ବ୍ଯାଙ୍କ ଭାବେ ବ୍ଯବହାର କରୁଛନ୍ତି । ହେଲେ ନବୀନ ସେମାନଙ୍କୁ ସହାୟ ହୋଇଛନ୍ତି । ଅନ୍ଯପଟେ ବିକାଶର ହିସାବ ଦେଇ ପାଣ୍ଡିଆନ କହିଛନ୍ତି, ପଦମପୁର ନିର୍ବାଚନ ମଣ୍ଡଳୀର ୫୮ଟି ପଞ୍ଚାୟତକୁ କୋଟିଏ ଟଙ୍କା ଲେଖାଏଁ ଦେଇଛନ୍ତି ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ । ୨୩ କୋଟି ଟଙ୍କାରେ ନୃସିଂହନାଥ ମନ୍ଦିରର ଉନ୍ନତିକରଣ କରାଯାଇଛି ।
ବିଜେପି ଛାଡି ବିଜେଡିରେ ମିଶିଲେ ଆଲେକ୍ସଜେଣ୍ଡର ଦାସ ଓ ତାଙ୍କ ସମର୍ଥକ
ଭୁବନେଶ୍ୱର : ବିଜେପି ଛାଡି ବିଜେଡିରେ ମିଶିଲେ କୋରେଇ ନିର୍ବାଚନ ମଣ୍ଡଳୀର ଆଲେକ୍ସଜେଣ୍ଡର ଦାସ ଓ ତାଙ୍କ ସମର୍ଥକ । ସମର୍ଥକଙ୍କ ମଧ୍ଯରେ ଅଛନ୍ତି ସୁଶାନ୍ତ ସାହୁ, ନିତ୍ୟାନନ୍ଦ ମହାଳିକ, ମନୋଜ ଦାସ, ଆଲୋକ କର, ଧନଞ୍ଜୟ ସାହୁଙ୍କ ସମେତ ଅନେକ ନେତା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସମସ୍ତଙ୍କୁ ଦଳକୁ ସ୍ୱାଗତ କରିଛନ୍ତି ସାଂସଦ ସସ୍ମିତ ପାତ୍ର । ଆଲେକ୍ସଜେଣ୍ଡର ଦାସ ଉଚ୍ଚଶିକ୍ଷିତ, ଯାଦବ ସମାଜକୁ ପ୍ରତିନିଧିତ୍ବ କରନ୍ତି । ସେ ଯୁବ ଓ ମହିଳା ସଶକ୍ତିକରଣରେ କୋରେଇ ପାଇଁ ବହୁ କାମ କରୁଛନ୍ତି । ଏମାନଙ୍କ ଯୋଗଦାନ ଦ୍ୱାରା କୋରେଇ ନିର୍ବାଚନ ମଣ୍ଡଳୀରେ ଦଳ ଆହୁରି ସଶକ୍ତ ହେଲା ବୋଲି ସସ୍ମିତ ପାତ୍ର କହିଛନ୍ତି ।
ନିର୍ବାଚନରେ କୋରେଇରେ ବିଜେଡିରେ ବହୁ ଭୋଟରେ ଜିତିବ ବୋଲି ଏହି ମିଶ୍ରଣ ଦ୍ୱାରା କୋରେଇକୁ ବାର୍ତ୍ତା ଯାଉଛି । ଯାଜପୁର ସଂସଦୀୟ କ୍ଷେତ୍ରରେ ଵି ବିଜେଡି ଜିତିବ । ମୁଖ୍ୟମନ୍ତ୍ରୀଙ୍କ ହାତମୁଠା ଟାଣ ହେବ ବୋଲି କହିଛନ୍ତି ସସ୍ମିତ ପାତ୍ର । ଦିନେ XIMBରେ ପାଠ ପଢାଇଥିବା ସାର ସସ୍ମିତ ପାତ୍ର ତାଙ୍କୁ ବିଜେଡିରେ ସାମିଲ କରିଥିବାରୁ ସେ ଏହାକୁ ସୌଭାଗ୍ଯ ବୋଲି କହିଛନ୍ତି ଆଲେକ୍ସଜେଣ୍ଡର ଦାସ ।
ଦୀର୍ଘ ୧୨ ବର୍ଷରୁ ଅଧିକ ସମୟ ବିଜେପିରେ ରାଜନୈତିକ ଜୀବନ ଆରମ୍ଭ ହୋଇଥିଲା । ବିଜେପି ପାଇଁ ୩୫ ବର୍ଷ କାମ କରିଥିବା ଲୋକଙ୍କୁ ଭୁଲି ଗଲା । ଯାଜପୁରରେ ବିଜେପି ଯାଦବ ସମ୍ପ୍ରଦାୟକୁ ଅଣଦେଖା କଲା । ରାତାରାତି ଆମଦାନୀ ନେତାଙ୍କୁ ଟିକେଟ ଦେଲା । ଶୃଙ୍ଖଳିତ କର୍ମୀ ଭାବେ କାମ କରିବା ସତ୍ତ୍ବେ ଯାଜପୁର ଜିଲ୍ଲା ବିଜେପି ସଭାପତି ଗୌତମ ରାୟ ଜାଣିଶୁଣି ଦଳୀୟ କାର୍ଯ୍ୟକ୍ରମରୁ ଦୂରେଇ ରଖିଲେ । ହଇରାଣ କଲେ । ଜଣେ ଅଭିନେତାଙ୍କୁ ଆଣି ଟିକେଟ ଦେଲା ବିଜେପି । ତେବେ କୋରେଇରେ ବହୁତ ଭୋଟରେ ବିଜେଡି ଜିତିବ । ଏହା ସତ୍ୟ ସନ୍ଧ୍ୟାରାଣୀ ଦାସ ଆମ ମାଆ । ତାଙ୍କୁ ବିଶାଳ ସମ୍ବର୍ଦ୍ଧନା ଦିଆଯାଉଛି । ସେ ତାଙ୍କ ପାଇଁ ଗର୍ବିତ ବୋଲି କହିଛନ୍ତି ଆଲେକ୍ସଜେଣ୍ଡର । ଯାଜପୁରକୁ ସ୍ୱତନ୍ତ୍ର ପରିଚୟ ଦେଇଛନ୍ତି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ । ସେ ତ୍ୟାଗୀ ଓ ଯାଜପୁର ସମେତ ରାଜ୍ୟ ବିକାଶ ପାଇଁ କାମ କରୁଛନ୍ତି । କୋରେଇ ବିକାଶରେ ସେ ଗୁଣ୍ଡୁଚି ମୂଷା ପରି କାମ କରିବେ ବୋଲି କହିଛନ୍ତି ।
ଏୟାର ଇଣ୍ଡିଆର ୭୮ଟି ଫ୍ଲାଇଟ୍ ରଦ୍ଦ, ଅଚାନକ ସମୂହ ଛୁଟିରେ ଗଲେ ୩୦୦ ବରିଷ୍ଠ କର୍ମଚାରୀ
ନୂଆଦିଲ୍ଲୀ: ଏୟାର ଇଣ୍ଡିଆ ଏକ୍ସପ୍ରେସର ୭୮ଟି ଜାତୀୟ ତଥା ଅନ୍ତର୍ଜାତୀୟ ବିମାନ ଉଡ଼ାଣ ବାତିଲ କରାଯାଇଛି। ଏହାର କାରଣ ହେଉଛି ଏୟାର ଇଣ୍ଡିଆର ୩୦୦ ବରିଷ୍ଠ କର୍ମଚାରୀ ସମୂହ ଛୁଟିରେ ନେଇଛନ୍ତି। କିନ୍ତୁ ଆଶ୍ଚର୍ଯ୍ୟର କଥା ଯେ, ସମାନେ କହି ବି ଏହା ପୂର୍ବରୁ ଛୁଟି ଦରଖାସ୍ତ ପାଇଁ ଅପିଲ କରିନଥିଲେ । ଛୁଟିର କାରଣ ଅସୁସ୍ଥ ବୋଲି କୁହାଯାଇଛି। ମଙ୍ଗଳବାର ରାତିରୁ ବୁଧବାର ସକାଳ ପର୍ଯ୍ୟନ୍ତ ୭୮ ବିମାନକୁ ବାତିଲ କରାଯାଇଛି। ଶେଷ ମୁହୂର୍ତ୍ତରେ ଅସୁସ୍ଥ ଖବର ଦେବା ପରେ ପ୍ରାୟ ୩୦୦ ବରିଷ୍ଠ କ୍ୟାବିନ କ୍ରୁ ସଦସ୍ୟ ମୋବାଇଲ ଫୋନ ବନ୍ଦ କରିଦେଇଛନ୍ତି।
ସୂଚନାନୁସାରେ, ଏୟାର ଇଣ୍ଡିଆ ଏବଂ ଏୟାର ଏକ୍ସପ୍ରେସ ଏକାଠି ହେବା ଖବର ଚର୍ଚ୍ଚାରେ ଥିବା ବେଳେ କର୍ମଚାରୀ ମାନେ ଏହାକୁ ବିରୋଧ କରୁଛନ୍ତି ।ଉଭୟ ଏୟାର ଲାଇନର କ୍ରୁ ସଦସ୍ୟଙ୍କୁ ଲାଗୁଛି ଏପରି ହେଲେ ତାଙ୍କ ଚାକିରି ବିପଦରେ ଆସିଯିବ । ଅନ୍ୟପକ୍ଷେ ଏୟାର ଇଣ୍ଡିଆ ଏକ୍ସପ୍ରେସ ଏକ ସୂଚନା ଦେଇ କହିଛନ୍ତି, ଗତ ରାତିରୁ ଆମର କ୍ୟାବିନ କ୍ରୁଙ୍କ ଟିମର ଅନେକ ସଦସ୍ୟ ଅସୁସ୍ଥ ହୋଇପଡିଛନ୍ତି ଏବଂ ଶେଷ ମୁହୂର୍ତ୍ତରେ ଜଣାଇବା ଯୋଗୁଁ ଅନେକ ବିମାନ ବାତିଲ ହୋଇଛି ଏବଂ ବିଳମ୍ବ ହୋଇଛି। ଏହି ଘଟଣା ବିଷୟରେ ସମ୍ପୂର୍ଣ୍ଣ କାରଣ ବୁଝିବାକୁ, ଆମର ଦଳ ସକ୍ରିୟ ଭାବରେ କାର୍ଯ୍ୟ କରୁଛନ୍ତି। ଯାହା ଫଳରେ ଆମର ଯାତ୍ରୀମାନଙ୍କ ପାଇଁ କୌଣସି ଅସୁବିଧା ହେବ ନାହିଁ।
ଧର୍ମେନ୍ଦ୍ରଙ୍କୁ ପାଣ୍ଡିଆନଙ୍କ ଟାର୍ଗେଟ , ଆପଣ କେବଳ ମୁଖ୍ୟମନ୍ତ୍ରୀଙ୍କ ଚୌକି ଚାହୁଛନ୍ତି
ନନ୍ଦିଘୋଷ ବ୍ୟୁରୋ : ସାମ୍ୱାଦିକ ସମ୍ମିଳନୀରେ ବିଜେପି ଉପରେ ବର୍ଷିଛନ୍ତି କାର୍ତ୍ତିକ ପାଣ୍ଡିଆନ । ବିଜେପିକୁ ଟାର୍ଗେଟ କରି କାର୍ତ୍ତିକ ପାଣ୍ଡିଆନ କହିଛନ୍ତି ନିର୍ବାଚନ ଆସିଲେ ସେମାନଙ୍କର ଓଡ଼ିଶା, ଓଡ଼ିଆ ଭାଷା ପ୍ରତି ପ୍ରେମ ଆସେ। କିନ୍ତୁ ନିର୍ବାଚନ ପରେ ଭୁଲି ଯାଆନ୍ତି। ଓଡ଼ିଆ ଅସ୍ମିତାର କଥା କହୁଥିବା ବିଜେପି ନେତା କୁହନ୍ତୁ ସେମାନେ ଓଡ଼ିଆ ଭାଷା ପାଇଁ କଣ କରିଛନ୍ତି। ଓଡ଼ିଶା ସରକାର ଓଡ଼ିଆ ଭାଷାକୁ ନେଇ ବହୁତ କିଛି କରୁଛି, ଓଡ଼ିଆ ଭାଷା ସମ୍ମିଳନୀ କରି ପ୍ରଚାର ପ୍ରସାର କରାଯାଉଛି। ଓଡ଼ିଆ ଭାଷା ପାଇଁ ପିଲାଙ୍କୁ ସ୍କଲାରସିପ୍ ଦିଆଯାଉଛି। ଓଡ଼ିଆ ବିଶ୍ବବିଦ୍ୟାଳୟ କରାଯାଇଛି। କିନ୍ତୁ ବିଜେପି କେନ୍ଦ୍ରରେ ସରକାର ଆସିବା ପରେ ଓଡ଼ିଆ ଭାଷା ପାଇଁ ଟଙ୍କାଟିଏ ଦେଇନାହାନ୍ତି।
ପାଣ୍ଡିଆନ ଆହୁରି ମଧ୍ୟ ୧୦ ବର୍ଷ ଧମେନ୍ଦ୍ର କେନ୍ଦ୍ରରେ ମନ୍ତ୍ରୀ ରହିଲେ ହେଲେ ଓଡିଶା ପାଇଁ କ’ଣ କଲେ ବୋଲି ପ୍ରଶ୍ନ କରିଛନ୍ତି । କହିଛନ୍ତି, ଗତ ୧୦ ବର୍ଷ ଭିତରେ ଓଡିଶାର ସ୍ୱାର୍ଥ ନେଇ ମୁଁ କେନ୍ଦ୍ରମନ୍ତ୍ରୀଙ୍କୁ ଯାହା କିଛି ପଚାରିଛି ମୋ ପ୍ରଶ୍ନର ଉତ୍ତର ଦେଇନାହାନ୍ତି କେନ୍ଦ୍ରମନ୍ତ୍ରୀ । ଓଡିଶା ତ ଦୂରର କଥା ଯେଉଁ ଢେଙ୍କାନାଳ ନିର୍ବାଚନ କ୍ଷେତ୍ରରୁ ଟିକେଟ୍ ପାଇବାକୁ ସେ ୧୦ ବର୍ଷ ହେବ ଉଦ୍ୟମ କରିଆସୁଥିଲେ ସେହି ଢେଙ୍କାନାଳ ପାଇଁ ସେ କ’ଣ କରିଛନ୍ତି? ଏପରିକି ନିଜ ଗାଁ ପାଇଁ ସେ କ’ଣ କରିଛନ୍ତି ବୋଲି ପ୍ରଶ୍ନ କରିଛନ୍ତି ପାଣ୍ଡିଆନ୍ ।
ବିଜେପିର ସରକାରକୁ ଆସିବାର ୧୦ ବର୍ଷ ହେଲାଣି, କିନ୍ତୁ ଟଙ୍କା ଟିଏ ଦେଲେନି। ଓଡ଼ିଆ ଭାଷାକୁ ଅଣଦେଖା କଲେ । ସଂସ୍କୃତକୁ ୧ ହଜାର କୋଟି, ତାମିଲ ଭାଷାକୁ ୮୦ କୋଟି ଦେଲେ ହେଲେ ଓଡ଼ିଶାକୁ ଓ ଓଡ଼ିଆ ଭାଷାକୁ ଅଣଦେଖା କଲେ। ରାଜ୍ୟବାସୀ ୮ ଜଣ ବିଜେପି ସାଂସଦଙ୍କୁ ଜିତାଇଲେ, ହେଲେ ସେମାନେ କିଛି କଲେନି। ଅନ୍ୟ ଶାସ୍ତ୍ରୀୟ ଭାଷାକୁ କେନ୍ଦ୍ର ସରକାର ଅନୁଦାନ ଦେଲେ ହେଲେ ଓଡ଼ିଆ ଭାଷା ପାଇଁ ବିଜେପି ସାଂସଦ ମୁହଁ ଖୋଲିଲେନି। ଅନ୍ୟ ରାଜ୍ୟକୁ ଟଙ୍କା ମିଳିଲା ଏମାନେ ଦେଖିଲେ। ଆଉ ଏବେ ଓଡ଼ିଆ ଅସ୍ମିତା କଥା କହୁଛନ୍ତି ବୋଲି କହିଛନ୍ତି କାର୍ତ୍ତିକ ପାଣ୍ଡିଆନ।
ଅନ୍ୟପଟେ ଓଡିଶୀ ନୃତ୍ୟକୁ ଶାସ୍ତ୍ରୀୟ ମାନ୍ୟତା ପାଇଁ ମୁଖ୍ୟମନ୍ତ୍ରୀ ବାରମ୍ବାର ଦାବି କରୁଛନ୍ତି ହେଲେ ବିଜେପି ସାଂସଦ କେନ୍ଦ୍ରରେ ମୁହଁ ଖୋଲୁନାହାନ୍ତି। ମୁଖ୍ୟମନ୍ତ୍ରୀ ଚିଠି ମଧ୍ୟ ଦୁଇଥର ଲେଖିଛନ୍ତି ହେଲେ କେନ୍ଦ୍ର ସରକାର ଏହାକୁ ପ୍ରତ୍ୟାଖାନ କରିଛନ୍ତି। ୮ ଜଣ ବିଜେପି ସାଂସଦ ଓ ଦୁଇ ଜଣ ଓଡ଼ିଆ କେନ୍ଦ୍ରମନ୍ତ୍ରୀ ମଧ୍ୟ ଏନେଇ ମୁହଁ ଖୋଲୁନାହାନ୍ତି। ଆଉ ଓଡ଼ିଶାର ବରପୁତ୍ର ବିଜୁ ପଟ୍ଟନାୟକଙ୍କୁ ମଧ୍ୟ କେନ୍ଦ୍ର ଅଣଦେଖା କରୁଛି। କେବଳ ଓଡ଼ିଶା ନୁହଁ ଭାରତ ପାଇଁ ବିଜୁ ବାବୁଙ୍କର ବହୁ ଅବଦାନ ରହିଛି। ଏଥି ସହିତ ସେ ଜଣେ ସ୍ବାଧୀନତା ସଂଗ୍ରାମୀ ମଧ୍ୟ ହେଲେ କେନ୍ଦ୍ର ସରକାର ତାଙ୍କୁ ଭାରତରତ୍ନ ଦେଲାନି। ବିଜୁ ବାବୁଙ୍କୁ କେନ୍ଦ୍ର ସରକାର ବାରମ୍ବାର ଅଣଦେଖା କରୁଛନ୍ତି।
ଏହାବାଦ୍ ୧୦ ବର୍ଷ କେନ୍ଦ୍ର ମନ୍ତ୍ରୀ ରହି ରାଜ୍ୟ ପାଇଁ କ’ଣ କରିଛନ୍ତି । କଟକ-ସମ୍ବଲପୁର ଏନଏଚ କାମ ଆଜିଯାଏ ସରୁନି । ନିର୍ବାଚନ ବେଳେ ଏନଏଚ ୫୫ କାମ ତ୍ୱରାନିତ କଲେ । ପ୍ରକୃତ କଥା ହେଉଛି ମୁଖ୍ୟମନ୍ତ୍ରୀଙ୍କ ଚୌକି ଚାହୁଁଛନ୍ତି କେନ୍ଦ୍ରମନ୍ତ୍ରୀ ବୋଲି ଧର୍ମେନ୍ଦ୍ରଙ୍କ କଟାକ୍ଷ କରିଛନ୍ତି ପାଣ୍ଡିଆନ୍ ।