ନୂଆଦିଲ୍ଲୀ: ଜାତୀୟ ରାଜନୀତିରେ ଚାଲିଛି ମ୍ୟାଚ ଫିକ୍ସିଂ। ଜାଲିଆତି କରି ନିର୍ବାଚନ ବିଜୟ ଲାଗି ଆଶା ବାନ୍ଧିଛି ବିଜେପି। ଦେଶର ସବୁଠାରୁ ବଡ ଦଳ କଂଗ୍ରେସର ଆକାଉଣ୍ଟ ବନ୍ଦ କରିଦିଆଯାଇଛି। ଟଙ୍କା ବଳରେ ସରକାର ଭାଙ୍ଗିଦିଆଯାଉଛି। ନେତାଙ୍କୁ ଜେଲରେ ଭର୍ତ୍ତି କରାଯାଉଛି। ମାତ୍ର ହିନ୍ଦୁସ୍ତାନର ସ୍ବରକୁ କେହି ଦବାଇ ପାରିବେ ନାହିଁ ବୋଲି କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଦିଲ୍ଲୀରେ ଇଣ୍ଡିଆ ମେଣ୍ଟର ଲୋକତନ୍ତ୍ର ବଞ୍ଚାଅ ରାଲିରେ ଦେଶରେ ଗଣତନ୍ତ୍ରର ସୁରକ୍ଷା ଲାଗି ଆହ୍ବାନ ଦେଇଛନ୍ତି ଇଣ୍ଡିଆ ମେଣ୍ଟ ସଦସ୍ଯ। ରାଲିରେ ମୁଖ୍ଯମନ୍ତ୍ରୀ ଅରବିନ୍ଦ କେଜରିୱାଲଙ୍କ ବାର୍ତ୍ତା ପାଠ କରିଥିଲେ ପତ୍ନୀ ସୁନୀତା। ଏହି ଅବସରରେ ସୁନୀତା ଦେଇଥିଲେ ୬ ଗ୍ଯାରେଣ୍ଟି। ତାହା ହେଲା ସାରା ଦେଶରେ ବିଦ୍ଯୁତ କାଟ ହେବ ନାହିଁ। ଦେଶର ଗରିବଙ୍କୁ ମାଗଣା ବିଜୁଳି, ପ୍ରତି ଗ୍ରାମରେ ଗୋଟିଏ ଭଲ ସ୍କୁଲ, ପ୍ରତିଗ୍ରାମରେ ମହଲା କ୍ଲିନିକ, ପ୍ରତି ଜିଲ୍ଲାରେ ବହୁମୁଖୀ ସ୍ବାସ୍ଥ୍ଯ କେନ୍ଦ୍ର, ଚାଷୀଙ୍କୁ ଏମଏସପି, ଦିଲ୍ଲୀବାସୀଙ୍କୁ ନ୍ଯାୟ। ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପତ୍ନୀ କଳ୍ପନା ସୋରେନ ବି ନିଜ ଉଦବୋଧନରେ କେନ୍ଦ୍ର ଉପରେ ବର୍ଷିଥିଲେ। ଦେଶର ସମ୍ବିଧାନକୁ ନଷ୍ଟ କରାଯାଉଥିବାବେଳେ ନାଗରିକ ଅଧିକାର ବିପନ୍ନ ହୋଇଛି ବୋଲି ସେ କହିଥିଲେ। ରାମଲୀଳା ମଇଦାନରେ ଆୟୋଜିତ ଲୋକତନ୍ତ୍ର ବଚାଓ ରାଲିରେ ହଜାର ହଜାର କର୍ମୀ ସାମିଲ ହୋଇଥିଲେ। ସମାବେଶରେ ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗ, କଂଗ୍ରେସ ନେତା ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ, ପଞ୍ଜାବ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ୍, ସମାଜବାଦୀ ପାର୍ଟି ସୁପ୍ରିମୋ ଅଖିଳେଶ ଯାଦବ, ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ, ଏନସି ନେତା ଫାରୁକ ଅବଦୁଲ୍ଲା, ପିଡିପି ମୁଖ୍ୟ ମେହବୁବା ମୁଫତି, ଶିବସେନା ନେତା ଉଦ୍ଧବ ଠାକରେ, ଝାଡଖଣ୍ଡ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ଓ ବାମପନ୍ଥୀ ନେତା ପ୍ରମୁଖ ଯୋଗଦେଇଥିଲେ ।
ଚାନ୍ଦବାଲିରେ ବିଜେଡିର ମିଶ୍ରଣ ପର୍ବ, ବିଜେପି ଛାଡ଼ିଲେ ବିଜେଡିରେ ମିଶିଲେ
ଚାନ୍ଦାବାଲି: ଭଦ୍ରକ ଚାନ୍ଦବାଲି ନିର୍ବାଚନ ମଣ୍ଡଳୀରେ ବଢୁଛି ବିଜେଡିର ବଳ। ବିଜେପି ଛାଡ଼ି ବିଜେଡିରେ ଯୋଗ ଦେଇଛନ୍ତି ଶତାଧିକ ସଂଖ୍ୟାରେ କର୍ମୀ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶ ତଥା ବିକାଶମୂଳକ କାର୍ଯ୍ୟରେ ଅନୁପ୍ରାଣିତ ହୋଇ ବିଜେପି ଛାଡି ବିଜେଡିରେ ଯୋଗ ଦେଇଛନ୍ତି। ଚାନ୍ଦବାଲି ନିର୍ବାଚନ ମଣ୍ଡଳୀ ଅନ୍ତର୍ଗତ ବାରସର ଓ ଗୋବିନ୍ଦପୁର ପଞ୍ଚାୟତର ୧୫ ପରିବାର ବିଜେଡିରେ ଯୋଗଦାନ କରିଛନ୍ତି। ପିରାହାଟ ଦଳୀୟ କାର୍ଯ୍ୟାଳୟରେ ଅନୁଷ୍ଠିତ ମିଶ୍ରଣ ପର୍ବରେ ବିଧାୟକ ବ୍ଯୋମକେଶ ରାୟ ଯୋଗ ଦେଇ ନବାଗତ ନେତା ଓ କର୍ମୀଙ୍କୁ ଉତ୍ତରୀୟ ଦେଇ ଦଳକୁ ସ୍ୱାଗତ କରିଥିଲେ। ଦିନକୁ ଦିନ ଚାନ୍ଦବାଲି ନିର୍ବାଚନ ମଣ୍ଡଳୀରେ କର୍ମୀ ଓ ନେତାଙ୍କ ସଂଖ୍ୟା ବଢୁଥିବାରୁ ବିଜୁ ଜନତା ଦଳ ଆହୁରି ଶକ୍ତିଶାଳୀ ହେବାରେ ଲାଗିଛି।
ସାଂସଦ ପ୍ରାର୍ଥୀ ଘୋଷଣା ପରେ କନ୍ଧମାଳ ବିଜେପିରେ କନ୍ଦଳ
ଫୁଲବାଣୀ: ସାଂସଦ ପ୍ରାର୍ଥୀ ଘୋଷଣା ପରେ କନ୍ଧମାଳ ବିଜେପିରେ କନ୍ଦଳ । ପ୍ରାର୍ଥୀ ସୁକାନ୍ତ କୁମାର ପାଣିଗ୍ରାହୀଙ୍କୁ ବିରୋଧ କରିଛନ୍ତି ଦଳୀୟ କର୍ମୀ । ଫୁଲବାଣୀ ପୌର ପରିଷଦ ବିଜେପି ଅଧ୍ଯକ୍ଷା ସ୍ମିତାରାଣୀ ମହାନ୍ତି ସାମ୍ବାଦିକ ସମ୍ମିଳନୀରେ ସୁକାନ୍ତଙ୍କ ପାର୍ଥିତ୍ବକୁ ବିରୋଧ କରିଛନ୍ତି । ସେ କହିଛନ୍ତି ସୁକାନ୍ତ ଜଣେ ହାରୁ ନେତା । ବିଗତ ନିର୍ବାଚନରେ ସେ ନିଜ ଅଞ୍ଚଳରୁ ବିଧାୟକ ପ୍ରାର୍ଥୀ ଓ ୨୦୧୪ ନିର୍ବାଚନରେ ଲୋକସଭା ପ୍ରାର୍ଥୀ ହୋଇ ତିନି ନମ୍ବରରେ ରହିଥିଲେ । ଏଭଳି ନେତାଙ୍କୁ କାହିଁକି ପୁଣିଥରେ ପ୍ରାର୍ଥୀ କରାଗଲା ବୋଲି ରାଜ୍ଯ ବିଜେପି ସଭାପତିଙ୍କୁ ପ୍ରଶ୍ନ କରିଛନ୍ତି ଖୋଦ୍ ବିଜେପି କର୍ମୀ । ଦଳୀୟ ନିଷ୍ପତ୍ତି ନବଦଳିଲେ ଲକ୍ଷ୍ମଣ ସେନା ତରଫରୁ ଅଲଗା ପ୍ରାର୍ଥୀ ଦିଆଯିବ ବୋଲି ବିଜେପି କାର୍ଯ୍ୟକର୍ତ୍ତା ଚେତାବନୀ ଦେଇଛନ୍ତି ।
ରାମଲିଳା ମଇଦାନରୁ ରାହୁଲଙ୍କ ହୁଙ୍କାର, କହିଲେ ବିଜେପି କରିପାରିବନି ୧୮୦ ପାର୍
ନନ୍ଦିଘୋଷ ବ୍ୟୁରୋ: ଦିଲ୍ଲୀର ରାମଲିଳା ମଇଦାନରେ ଇଣ୍ଡିଆ ମେଣ୍ଟ ପକ୍ଷରୁ ବିଶାଳ ରାଲିର ଆୟୋଜନ କରାଯାଇଛି । ବିଜେପି ବିରୋଧରେ ମେଳି ବାନ୍ଧିଛନ୍ତି ଇଣ୍ଡିଆ ମେଣ୍ଟର ନେତା । ରାହୁଲ ଗାନ୍ଧୀ, ସୋନିଆ ଗାନ୍ଧୀ, ଉଦ୍ଧବ ଠାକରେ, ଅଖିଳେଶ ଯାଦବ, ମେହେବୁବା ମୁଫତି, ଅରବିନ୍ଦ୍ର କେଜ୍ରିଓ୍ବାଲଙ୍କ ପତ୍ନୀ ସୁନିତା ଏବଂ ହେମନ୍ତ ସୋରେନଙ୍କ ପତ୍ନୀ କଳ୍ପନା ପ୍ରମୁଖ ବଡ଼ ବଡ଼ ନେତାମାନେ ଏହି ରାଲିରେ ଯୋଗ ଦେଇ ବିଜେପି ସରକାର ବିରୋଧରେ ବର୍ଷିଥିଲେ । ବିଜେପି ୪୦୦ ପାର୍ ନାରା ଦେଇ ନିର୍ବାଚନ ମଇଦାନରେ ପ୍ରଚାର କରୁଥିବାବେଳେ ରାହୁଲ ଗାନ୍ଧୀ କହିଛନ୍ତି କି, ବିଜେପି ଏଥରକ ୧୮୦ ପାର କରିପାରିବ ନାହିଁ । ଅମ୍ପାୟରଙ୍କ ସହ ମିଶି ମ୍ୟାଚ୍ ଫିକ୍ସିଂ କରିଥିବା ଭଳି କରିଛି ବିଜେପି । ଆମର ଦୁଇ ଖେଳାଳି ହେମନ୍ତ ସୋରେନ ଏବଂ ଅରବିନ୍ଦ କେଜ୍ରିଓ୍ବାଲଙ୍କୁ ଜାଣିଶୁଣି ଜେଲରେ ଭର୍ତ୍ତି କରିଛନ୍ତି । ଯାହାକି ଗଣତନ୍ତ୍ରକୁ ହତ୍ୟା କରିବା ସହ ସମାନ । ଲୋକଙ୍କ ସ୍ବରକୁ ଦମନ କରିବାକୁ ପ୍ରୟାସ କରାଯାଉଛି । ଜାଣିଶୁଣି ଆମର ଦୁଇଟି ଆକାଉଣ୍ଟକୁ ଫ୍ରିଜ୍ କରାଯାଇଛି । ଆମେ ପୋଷ୍ଟର ଛାପିବାକୁ ମଧ୍ୟ ସକ୍ଷମ ନୁହେଁ । ଏହା ଗଣତନ୍ତ୍ରର ବିରୋଧୀ । ଜନତା ଏହାର ଉଚିତ ଜବାବ ଦେବେ ବୋଲି କହିଛନ୍ତି ରାହୁଲ ଗାନ୍ଧୀ ।
#WATCH दिल्ली: INDIA गठबंधन की 'महारैली' को संबोधित करते हुए कांग्रेस सांसद राहुल गांधी ने कहा, "…आज कल IPL के मैच चल रहे हैं… आप सबने मैच फिक्सिंग शब्द सुना है…जब बेइमानी से एम्पायर पर दबाव डालकर, खिलाड़ियों को खरीदकर मैच जीता जाता है… हमारे सामने लोकसभा का चुनाव है…… pic.twitter.com/86meVguyse
— ANI_HindiNews (@AHindinews) March 31, 2024
ଭାରସାମ୍ୟ ହରାଇ ଓଲଟିଲା ଗ୍ୟାସ୍ ଟ୍ୟାଙ୍କର
ବ୍ରହ୍ମପୁର: ଭାରସାମ୍ୟ ହରାଇ ଓଲଟିଲା ଗ୍ୟାସ୍ ଟ୍ୟାଙ୍କର। ଗଞ୍ଜାମ ଜିଲ୍ଲା ଖଲ୍ଲିକୋଟ ୧୬ ନଂ ଜାତୀୟ ରାଜପଥ ହରିଡ଼ାମୂଳ ଠାରେ ଓଲଟିଲା ଗ୍ୟାସ ଟ୍ୟାଙ୍କର। ଟ୍ୟାଙ୍କରରୁ ଗ୍ୟାସ ଲିକେଜ ହେଉଥିବା ସୂଚନା। ଆସିକା ଭୁବନେଶ୍ୱର ୩୦ନଂ ଜାତୀୟ ରାଜପଥ ଅବରୋଧ କଲା ପୋଲିସ। ଗ୍ୟାସ୍ ଲିକ ଯୋଗୁ କେଶପୂର ଖଲ୍ଲିକୋଟ ଅଞ୍ଚଳର ବିଦ୍ୟୁତ ସରବରାହ ବନ୍ଦ କଲା ବିଦ୍ୟୁତ ବିଭାଗ। ଓଲଟି ଥିବା ଗାଡି ଭାରତ ଗ୍ୟାସ ହୋଇଥିବା ଜଣାପଡ଼ିଛି। ଟ୍ୟାଙ୍କର ଉପରେ ପାଣି ସ୍ପ୍ରେ କରୁଛନ୍ତି ଅଗ୍ନିଶମ ବାହିନୀ।
ପୁଣି ଅଡୁଆରେ ୟୁଟ୍ୟୁବର ଏଲଭିସ ଯାଦବ
ନନ୍ଦିଘୋଷ ବ୍ୟୁରୋ: ପୁଣି ଅଡୁଆରେ ୟୁଟ୍ୟୁବର ତଥା ବିଗବସ୍ ଓଟିଟି-୨ ଓ୍ବିନର ଏଲଭିସ ଯାଦବ । ନିଜର ଏକ ମ୍ୟୁଜିକ ଭିଡିଓରେ ନିଷିଦ୍ଧ ଘୋଷିତ ସାପଙ୍କୁ ବ୍ୟବହାର କରିବା ଅଭିଯୋଗରେ ଦାୟର ହୋଇଛି ମାମଲା । ଏଲଭିସଙ୍କ ଭିଡିଓକୁ ନିଷିଦ୍ଧ କରିବା ଲାଗି ପ୍ରାଣୀ ଅଧିକାରୀ କର୍ମୀ ସୌରଭ ଗୁପ୍ତା କୋର୍ଟଙ୍କ ନିକଟରେ ଅନୁରୋଧ କରିବା ପରେ ପରେ ଗୁରୁଗ୍ରାମ ପୋଲିସରେ ଦାୟର ହୋଇଛି ଏଫଆଇଆର । ସାଂସଦ ମାନେକା ଗାନ୍ଧୀଙ୍କ ସହ ପିପୁଲସ ଫର ଆନିମଲସ୍ ସଂଗଠନରେ କାର୍ଯ୍ୟରତ ସୌରଭ କହିଛନ୍ତି- ଏକ ଭାଇରାଲ ଭିଡିଓରେ ଏଲଭିସ ଓ ଅନ୍ୟ ୫୦ ଜଣ ସାପଗୁଡିକ ସହ ଭିଡିଓରେ ଦେଖାଯାଉଛନ୍ତି । ଏହି ସାପଗୁଡିକୁ ବନ୍ଯଜନ୍ତୁ ସୁରକ୍ଷା ଆଇନ ଅନୁସାରେ ନିଷିଦ୍ଧ ଷୋଷଣା କରାଯାଇଛି । ଏଲଭିସଙ୍କ ସହ ଗାୟକ ରାହୁଲ ଯାଦବ ଓରଫ ଫଜଲପୁରିଆଙ୍କ ନାମରେ ଏଫଆଇଆର ଦାୟର ହୋଇଛି । କିଛିଦିନ ପୂର୍ବରୁ ସାପ ବିଷ ମାମଲାରେ ଏଲଭିସଙ୍କୁ ଗିରଫ କରିଥିଲା ନୋଏଡା ପୋଲିସ । ଗିରଫ ହେବା ପରେ ୫୦ ହଜାର ଟଙ୍କାର ବେଲ୍ ବଣ୍ଡରେ ଜାମିନ ପାଇଛନ୍ତି ଏଲଭିସ ।
ବର୍ଷାରେ ବେହାଲ ପାକିସ୍ତାନ, ୩ ଶିଶୁ ସମେତ ୮ ମୃତ
ନନ୍ଦିଘୋଷ ବ୍ୟୁରୋ: ପାକିସ୍ତାନର ଭାରୀ ବର୍ଷା। ବିଭିନ୍ନ ସ୍ଥାନରେ ପ୍ରାଣ ହରାଇଛନ୍ତି ୮ ଜଣ। ଆହତ ହୋଇଛନ୍ତି ୧୨ ଜଣ। ଖାଇବର ପାଖତୁନଖାୱା ଅଞ୍ଚଳରେ ପ୍ରବଳ ବର୍ଷା ଯୋଗୁ ଜନଜୀବନ ବାଧାପ୍ରାପ୍ତ ହୋଇଛି। ମୃତକଙ୍କ ମଧ୍ଯରେ ଅଛନ୍ତି ୩ ଜଣ ଶିଶୁ। ଗତ ୨୪ ଘଣ୍ଟା ମଧ୍ଯରେ ସେଠାରେ ଅବିଶ୍ରାନ୍ତ ବର୍ଷା ଯୋଗୁ ନାହିଁ ନଥିବା ପରିସ୍ଥିତି ସୃଷ୍ଟି ହୋଇଛି। ବିଭିନ୍ନ ସ୍ଥାନରେ କୋଠା ଭୁଶୁଡିବାରୁ କିଛି ଲୋକ ଆହତ ହୋଇଛନ୍ତି। ପ୍ରତିବର୍ଷ ପାକିସ୍ତାନରେ ବର୍ଷା ଓ ଶୀତର ତାଣ୍ଡବ ପରିଲକ୍ଷିତ ହେଉଛି। ପ୍ରତିବର୍ଷ ବନ୍ଯା ଯୋଗୁ ଦେଶର ଅର୍ଥନୀତି ଉପରେ ଗଭୀର ପ୍ରଭାବ ପଡୁଛି। ଚଳିତ ମାସରେ ବର୍ଷା ଯୋଗୁ ୩୦ ଜଣ ପ୍ରାଣ ହରାଇଥିଲେ। ପାକିସ୍ତାନର ଉତ୍ତର ପଶ୍ଚିମାଞ୍ଚଳରେ ସର୍ବଦା ବର୍ଷା ହେଉଥିବାରୁ ସେଠାର ଅର୍ଥନୀତି କ୍ଷତିଗ୍ରସ୍ତ ହେବାରେ ଲାଗିଛି।
ସିନେ ପ୍ରେମୀଙ୍କ ମନ କିଣୁଛି ଓଡ଼ିଆ ଚଳଚ୍ଚିତ୍ର ‘ଭୋଟ’
ଭୁବନେଶ୍ବର: ଓଡ଼ିଆ ଚଳଚ୍ଚିତ୍ର ‘ଭୋଟ’ ଏବେବି ସିନେ ପ୍ରେମୀଙ୍କ ମନ ଜିଣୁଛି। ଦ୍ଵିତୀୟ ପର୍ଯ୍ୟାୟର ପୁଣିଥରେ ଭୁବନେଶ୍ୱର PVR ରେ ରିଲିଜ ହୋଇଛି ଏହି ସିନେମା। ସବୁ ସୋ ହାଉସଫୁଲ ଚାଲିଛି ।ରିତୁପ୍ରିୟା ପ୍ରଡକ୍ସନ ବ୍ୟାନରରେ ନିର୍ମିତ ହୋଇଥିଲା ଭିନ୍ନ ଧରଣର ଓଡ଼ିଆ ସିନେମା ଚଳଚ୍ଚିତ୍ର ନିର୍ମାଣ କରାଯାଇଛି। ତେବେ ଏହା ପୂର୍ବରୁ ଏହା ଥିଏଟର ନାଟକ ଭାବରେ ପ୍ରଦର୍ଶିତ ହୋଇସାରିଛି I ଅନେକ ସ୍ଥାନରେ ଏହା ସଫଳ ନାଟକ ଭାବରେ ପୁରସ୍କୃତ ବି ହୋଇଛି। ସେହି କାହାଣୀକୁ ଚଳଚ୍ଚିତ୍ରର ରୂପ ଦେବାକୁ ସ୍ଥିର କରିଥିଲେ ପ୍ରଯୋଜକ ଅତୀଶ କୁମାର ରାଉତ । ଫିଲ୍ମଟିର ଚିତ୍ରନାଟ୍ୟ, ସଂଳାପ ରଚନା କରିବା ସହ ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ଦେବାଶିଷ ମହାପାତ୍ର। ଏହାର କାହାଣୀ ସାମ୍ପ୍ରତିକ ଘଟଣାବଳୀକୁ ନେଇ ଆଧାରିତ।
କଟକରେ ବିଜେଡି ଲୋକସଭା ସାଂସଦ ପ୍ରାର୍ଥୀ ସଂତୃପ୍ତ ମିଶ୍ରଙ୍କ ପ୍ରଚାର ଅଭିଯାନ ଆରମ୍ଭ
କଟକ: କଟକ ବିଜେଡି ଲୋକସଭା ସାଂସଦ ପ୍ରାର୍ଥୀ ସଂତୃପ୍ତ ମିଶ୍ର ଫୁଲ ଦମରେ ଆରମ୍ଭ କରିଛି ପ୍ରଚାର ଅଭିଯାନ। କଟକ ଜିଲ୍ଲାର ଯୁବ ତଥା ଛାତ୍ର ବିଜେଡିର ଶତାଧିକ ସଦସ୍ଯଙ୍କୁ ଭେଟି କଟକର ବିକାଶ, ସମସ୍ୟା ଓ ଲୋକଙ୍କ ଭଲମନ୍ଦ ବୁଝିଛନ୍ତି। ନିର୍ବାଚନରେ ସମସ୍ତେ ଏକାଠି ହୋଇ କାମ କରିବା ଓ କଟକର ବିକାଶ ଲାଗି ସେ ବିଜେଡି ଯୁବ ଓ ଛାତ୍ର ବ୍ରିଗେଡଙ୍କୁ ଆହ୍ବାନ ଦେଇଛନ୍ତି।
ସେ କଟକ ଜିଲ୍ଲାର ବିଭିନ୍ନ ଅଞ୍ଚଳ ଗସ୍ତ କରି ଜିଲ୍ଲା ଓ ସହରର ବିକାଶ, ସମସ୍ୟା ଉପରେ ଆଲୋଚନା କରିଛନ୍ତି। ନିଜର ଚାକିରୀ କ୍ୟାରିୟର ର କିଛି ବାସ୍ତବ ଅଭିଜ୍ଞତା କୁ ଉଦାହରଣ ଭାବେ ପିଲାଙ୍କ ଆଗରେ ରଖି ନିଜ ପାଇଁ, ଦଳ ପାଇଁ, ରାଜ୍ଯ ପାଇଁ କାମ କରିବାକୁ ସେ ପରାମର୍ଶ ଦେଇଛନ୍ତି । ରାଜନୀତିରେ ନୂଆ ହେଲେ ସୁଦ୍ଧା ନିଜର ତଥା ବିଜେଡିର ଭଲ ଫର୍ମ କାରଣରୁ ଏଠାରେ 6 ଥର ସାଂସଦ ହୋଇଥିବା ପ୍ରାର୍ଥୀଙ୍କୁ ବାଉଣ୍ଡରୀ ପାର କରିଦେବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି। ସଭାରେ ଉପସ୍ଥିତ ଯୁବ ଓ ଛାତ୍ର ବିଜେଡି କର୍ମୀ ସାଂସଦ ଭର୍ତ୍ତୃହରି ମହତାବଙ୍କ ବିରୋଧରେ ଅସନ୍ତୋଷ ବ୍ଯକ୍ତ କରିଥିଲେ। ସମସ୍ତେ ମିଳିମିଶି କାମ କରିବା ସହ ମୁଖ୍ୟମନ୍ତ୍ରୀଙ୍କ କଟକ ପାଇଁ ଥିବା ସ୍ବପ୍ନ କୁ ସାକାର କରିବା ବୋଲି ପ୍ରତିଶୃତି ଦେଇଥିଲେ।
କେକ୍ ନେଲା ବାର୍ଥ ଡେ’ ଗାର୍ଲର ଜୀବନ
ପଞ୍ଜାବ: କେକ ନେଲା ବାଳିକାର ଜୀବନ। ଦୁଃଖରେ ମିଳାଇଗଲା ପିଲାର ଜନ୍ମଦିନ ଉତ୍ସବ । ଏହି ଦୁଃଖଦ ଘଟଣା ଘଟିଛି ପଞ୍ଜାବ ପାଟିଆଲାରେ । ପାଟିଆଲାର ଏକ ବେକେରୀରୁ ଅନଲାଇନରେ ମଗାଯାଇଥିବା କେକ ଖାଇବା ପରେ ୧୦ ବର୍ଷ ବୟସ୍କା ବାଳିକାର ମୃତ୍ଯୁ ହୋଇଥିବାବେଳେ ପରିବାରର ସମସ୍ତ ସଦସ୍ୟ ଅସୁସ୍ଥ ହୋଇଛନ୍ତି ।
ଜନ୍ମଦିନ ପାଳନ ଉତ୍ସବରେ ମାନବୀ କେକ କାଟିବା ସହ ଖୁସି ମନାଇଥିଲେ । ମାତ୍ର ପରେ ଘୋଟି ଆସିଥିଲା କଳା ବାଦଲ। ଗତ ୨୪ ତାରିଖରେ ଘଟିଥିଲା ଏହି ଘଟଣା । ରାତି ୭ଟାରେ ଜନ୍ମଦିନ ଉତ୍ସବ ପାଳନ ପରେ ସମସ୍ତେ କେକ ଖାଇଥିଲେ । ମାତ୍ର ରାତି ୧୦ଟା ବେଳକୁ ଅଘଟଣ ଘଟିଥିଲା ବୋଲି କହିଛନ୍ତି ମାନବୀଙ୍କ ଜେଜେ ହରବନଲାଲ । ଯେଉଁ ସଂସ୍ଥାଠାରୁ କେକ ଅନଲାଇନରେ ମଗାଯାଇଥିଲା ତାହାର ନାମ କେକ୍ କାହ୍ନା ବୋଲି ସୂଚନା ମିଳିଛି । ଏନେଇ ସ୍ଥାନୀୟ ଥାନାରେ ମାମଲା ରୁଜୁ ହୋଇଛି ।