ଭୁବନେଶ୍ୱର: ଡିସେମ୍ବରରୁ ଫେବ୍ରୁଆରୀ। ତିନି ମାସ ବିମାନଯାତ୍ରାକୁ ଘନଉଛି ବିପଦ। ପ୍ରତିବର୍ଷ କୁହୁଡ଼ି ଯୋଗୁ ବିମାନ ଅବତରଣ ଓ ଟେକ୍ ଅପ୍ କରିହେଉନି। ଦୁର୍ଦ୍ଦଶା ଭୋଗୁଛନ୍ତି ଯାତ୍ରୀ। ଚଳିତ ବର୍ଷ ଘନ କୁହୁଡ଼ି ଯୋଗୁଁ ଦିଲ୍ଲୀରୁ ଭୁବନେଶ୍ବର ଆସିବାରେ ବହୁ ଅସୁବିଧା ଭୋଗୁଛନ୍ତି ପାସେଞ୍ଜର। ଖାଲି ସେତିକି ନୁହେଁ ଦିଲ୍ଲୀରୁ ଭୁବନେଶ୍ବର ଆସିବାକୁ କନେକ୍ଟିଂ ଫ୍ଲାଇଟରେ ୪ରୁ ୫ ଗୁଣ ଅଧିକ ଟିକେଟ୍ ଭଡ଼ା ପଡୁଛି । ପ୍ରତିକୂଳ ପାଗ ଉପରେ କାହାର ନିୟନ୍ତ୍ରଣ ନାହିଁ।

କିନ୍ତୁ କୁହୁଡ଼ି ସମୟରେ ଯାତ୍ରୀ କିପରି ଅଧିକ ମୂଲ୍ୟ ଦେଇ ଟିକେଟ୍ ନ କିଣିବେ ସେଥିପାଇଁ ଡିଜିସିଏ ଦାୟୀ। ବାରମ୍ବାର ଡିଜିସିଏକୁ ଟିକେଟର ସର୍ବୋଚ୍ଚ ଦର ସବୁ ବିମାନ କମ୍ପାନୀଙ୍କ ପାଇଁ ଧାର୍ଯ୍ୟ କରିବାକୁ ଅନୁରୋଧ କରାଯାଉଛି । କିନ୍ତୁ ଏ ଦିଗରେ ଏପର୍ଯ୍ୟନ୍ତ ଡିଜିସିଏ କୌଣସି ପଦକ୍ଷେପ ନେଇନାହାନ୍ତି । ଫଳରେ ଯାତ୍ରୀ ଫି ବର୍ଷ ଅଧିକ ତଣ୍ଡ ଗଣିବାକୁ ବାଧ୍ୟ ହେଉଛନ୍ତି।

ଗତ ସପ୍ତାହେ ହେଲାଣି ଡାଇରେକ୍ଟ ଫ୍ଲାଇଟର ଟିକେଟ୍ କ୍ୟାନସଲ ହେଉଛି । ଏ ନେଇ ଯାତ୍ରୀ ବହୁ ଅସୁବିଧା ଭୋଗୁଛନ୍ତି । ଟୁର୍ ଅପରେଟରମାନେ ବି ଯାତ୍ରୀଙ୍କୁ ସୁବିଧା ଅନୁଯାୟୀ ଟିକେଟ୍ ଯୋଗାଇପାରୁନାହାନ୍ତି । ଯାତ୍ରୀଙ୍କ ପାଇଁ ଭଲ ସୁବିଧା ଦେଉଥିବା ବିମାନ କମ୍ପାନୀ ଅଧିକ ଅର୍ଥ ବି ଚାର୍ଜ୍ କରୁଛନ୍ତି । ଭୁବନେଶ୍ବର ଆନ୍ତର୍ଜାତିକ ବିମାନବନ୍ଦରରେ ଲୋ-ଭିଜିବିଲିଟିରେ ବିମାନ ଅବତରଣ ଓ ଟେକ୍ ଅପ୍ ପାଇଁ କ୍ୟାଟ୍-୩ ବ୍ୟବସ୍ଥା ହୋଇନାହିଁ । ବିମାନବନ୍ଦର କର୍ତ୍ତୃପକ୍ଷ ଏ ନେଇ ଭିତ୍ତିଭୂମି ବିକାଶ ନ କଲେ କୁହୁଡ଼ି ସମସ୍ୟା ଯୋଗୁଁ ଭୁବନେଶ୍ବରରେ ଅବତରଣ କରିବାକୁ ଥିବା ବିମାନ କୋଲକାତାରେ ଯାତ୍ରୀ ଅବତରଣ କରିବାକୁ ବାଧ୍ୟ ହେଉଛନ୍ତି ।

ଭୁବନେଶ୍ୱର: ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ସୋମବାର ଦିନ ଅନୁଷ୍ଠିତ ହୋଇଯାଇଛି । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ୧୪ଟି ପ୍ରସ୍ତାବ ଉପରେ ଲାଗିଛି ମୋହର । ସୂଚନା ଅନୁଯାୟୀ,  ଓଡ଼ିଶାରେ ଜେଏସଡବ୍ଲ୍ୟୁ କରିବ ବିଦ୍ୟୁତ ଯାନ ନିର୍ମାଣ। ଉଭୟ ଯାନ ଓ ବ୍ୟାଟେରୀ ପ୍ରସ୍ତୁତ କରିବ ଜେଏସଡବ୍ଲୁ । ସିଙ୍ଗଲ ଲୋକେସନରେ ବିଶ୍ବର ସର୍ବବୃହତ ବ୍ୟାଟେରୀ ପ୍ରସ୍ତୁତ କାରଖାନା ନିର୍ମାଣ କରିବ ଜେଏସଡବ୍ଲୁ । କଟକ ନରାଜରେ ପ୍ରତିଷ୍ଠା ହେବ ଏହି ପ୍ରକଳ୍ପ ।

କ୍ୟାବିନେଟ ନିଷ୍ପତ୍ତି ପରେ ମୁଖ୍ୟ ଶାସନ ସଚିବ ପ୍ରଦୀପ ଜେନା କହିଛନ୍ତି- ଯାନ ଓ ବ୍ୟାଟେରୀ ପ୍ରସ୍ତୁତ କରିବା ସହ ଇଲେକ୍ଟ୍ରିକ ଭେହିକଲ କମ୍ପୋନେଣ୍ଟ ତିଆରି କରିବ ଜେଏସଡବ୍ଲୁ । ୫୦ ହଜାର ମେଗାଓ୍ବାଟର ବ୍ୟାଟେରୀ ମାନୁଫାକଚରିଂ ୟୁନିଟ ପ୍ରସ୍ତୁତ ହେବ । ପ୍ରକଳ୍ପ ଲାଗି ୪୦ ହଜାର କୋଟି ଟଙ୍କାର ପୁଞ୍ଜିନିବେଶ ହେବ । ଏଥିରେ ୧୧ରୁ ୧୨ ହଜାର ନିଯୁକ୍ତି ସୃଷ୍ଟି ହେବ । ରାଜ୍ୟ ସରକାର ଗ୍ରୀନ ଏନର୍ଜି ଉପରେ ଫୋକସ ରଖିଛନ୍ତି । ଗ୍ରୀନ ହାଉସ ଗ୍ୟାସ ଏମିସନ ହ୍ରାସ ଲାଗି ପଦକ୍ଷେପ ନିଆଯାଉଛି । ଏଥିଲାଗି ଇଭି କ୍ଷେତ୍ର ଉପରେ ଗୁରୁତ୍ବ ଦିଆଯାଉଛି । ବିଭିନ୍ନ ରାଜ୍ୟରେ ଇଭି ଲାଗି ପ୍ରକ୍ରିୟା ଚାଲିଛି । ଏନେଇ ଶିଳ୍ପ ବିଭାଗ, ଇପିକଲ ତରଫରୁ ମାନୁଫାକଚରରଙ୍କ ସହ ଆଲୋଚନା ଜାରି ରହିଛି ବୋଲି କହିଛନ୍ତି ମୁଖ୍ୟ ଶାସନ ସଚିବ ।

ସେହିପରି ରାଜ୍ୟରେ କଫି ଚାଷ ବୃଦ୍ଧି ନେଇ ପ୍ରସ୍ତାବକୁ ମିଳିଛି ମଂଜୁରୀ । ୬ଜିଲ୍ଲାରେ ୧ଲକ୍ଷ ଏକର ଜମିରେ କଫି ଚାଷ କରିବା ଲକ୍ଷ୍ୟ । MSME ବିଭାଗର ଏକ ପ୍ରସ୍ତାବକୁ ମଧ୍ୟ ମିଳିଛି ମଂଜୁରୀ । ଲିଜ ଜମିକୁ ସ୍ଥିତିବାନ କରିବା ନେଇ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଥିବା ବେଳେ ଏଥିପାଇଁ କନଭର୍ସନ ଫି ୧୦ରୁ ୩ପ୍ରତିଶତକୁ ହ୍ରାସ । ଓଡ଼ିଶା ବାୟୋଟେକ୍ନୋଲୋଜି ପଲିସି-୨୦୨୪କୁ ମଂଜୁରୀ । ବାୟୋଟେକ୍ନୋଲୋଜି ଷ୍ଟାର୍ଟ-ଅପକୁ ମିଳିବ ଆର୍ଥିକ ସୁବିଧା । ଗଠନ ହେବ ଓଡ଼ିଶା ବାୟୋଟେକ୍ନୋଲୋଜି ଭିଜନ ଗ୍ରୁପ ।