ବିଜୁଳି ବଦଳରେ ଡିବି ଓ ଲଣ୍ଠନ ବ୍ୟବହାର କରିବେ ପାକିସ୍ତାନ ବାସୀ । ପାକିସ୍ତାନ ର କରାଚୀ ସହରରେ ଗୁରୁତ୍ବପୂର୍ଣ୍ଣ ଗତିବିଧି ଚାଲିବା କାରଣରୁ ପ୍ରଭାବିତ ସ୍ଥାନ ମାନଙ୍କରେ ବିଜୁଳି ବନ୍ଦ ରହିବ । ସହରର ଏକ ମାତ୍ର ବିଜୁଳି ଯୋଗାଣକାରୀ ସଂସ୍ଥା ଗୁରୁତ୍ବପୂର୍ଣ୍ଣ ଗତିବିଧି ଚାଲିବା କାରଣରୁ ପ୍ରଭାବିତ ହେଉଥିବା ଜାଗା ଗୁଡିକ ହେଲା ଔରଙ୍ଗି ଟାଉନ୍ , ଗଡୈପ୍, ଏୟାର ପୋର୍ଟ-୨, କ୍ବିନସ୍ ରୋର୍ଡ ଗ୍ରିଡ୍ ସାମିଲ୍ ରହିଛି । ଜିଓ ଟିଭି ରିପୋର୍ଟ ଆଧାରରେ କରାଚୀ ଅଞ୍ଚଳରେ ବିଜୁଳି କେଉଁ କେଉଁ ସମୟରେ ବନ୍ଦ ହେବ ତାର ସୂଚନା ମଧ୍ୟ ଦିଆଯାଇଛି । ଗୁରୁତ୍ବପୂର୍ଣ୍ଣ ଗତିବିଧି କାରଣରୁ ଔରଙ୍ଗି ଟାଉନ୍ ପାଇଁ ସକାଳ ୯.୩୦ ରୁ ଦିନ ୨ ଟା , ଗଡୈପ୍ ପାଇଁ ସକାଳ ୯ଟାରୁ ସଂନ୍ଧ୍ୟା ୬ ଟା ,ଏୟାରପୋର୍ଟ -୨ ରେ ସକାଳ ୧୦ ଟାରୁ ସଂନ୍ଧ୍ୟା ୬ ଟା ଯାଏଁ ଏବଂ କ୍ବିନସ୍ ରୋର୍ଡ ଗ୍ରିଡ୍ ରେ ସକାଳ ୯ଟାରୁ ସଂନ୍ଧ୍ୟା ୬ ଟା ଯାଏଁ ବିଜୁଳି ସରବରାହ ବନ୍ଦ ରହିବ । ଗୁରୁତ୍ବପୂର୍ଣ୍ଣ ଗତିବିଧି ଚାଲିବା ଦ୍ବାରା ଏହି ଅଞ୍ଚଳରେ ସବୁ ବିଜୁଳି ସରବରାହ ବନ୍ଦ ରହିବ ।
ବଢୁଛି ପ୍ରଭାସଙ୍କର ଆକ୍ସନ୍ ଫିଲ୍ମ ସାଲାର୍ କ୍ରେଜ୍ । ଚାରି ଦିନରେ ୨୫୦ କୋଟିରେ ପାର କଲା ଫିଲ୍ମ ।
ମୁମ୍ବାଇ : ରିଲିଜ୍ ହୋଇଥିବା ପ୍ରଭାସଙ୍କର ଆକ୍ସନ୍ ଫିଲ୍ମ ସାଲାର । ଯାହକୁ ନେଇ ଫ୍ୟାନଙ୍କ ମଧ୍ୟରେ କ୍ରେଜ ବଢିବାରେ ଲାଗିଛି । ଦିନକୁ ଦିନ ବଢୁଛି ଫିଲ୍ମର ଲୋକପ୍ରିୟତା । ପ୍ରଭାସ ଏବଂ ପ୍ରୀତିରାଜ ସୁକୁମାରନଙ୍କ ନିକଟରେ ଚଳଚ୍ଚିତ୍ର ‘ସାଲାର : ଭାଗ୧ ସିଜ ଫାୟାର ବକ୍ସ ଅଫିସରେ ଭଲ ପ୍ରଦର୍ଶନ କରିଛି । ପ୍ରଶାନ୍ତ ନୀଲଙ୍କ ନିର୍ଦ୍ଦେଶିତ ଚଳଚ୍ଚିତ୍ର ସାଲାର ୪ ଦିନ ପୂର୍ବରୁ ଅର୍ଥାତ୍ ଡିସେମ୍ବର ୨୨ରେ ତେଲୁଗୁ, କନ୍ନଡ, ତାମିଲ, ମାଲାୟାଲମ ଏବଂ ହିନ୍ଦୀ ଭାଷାରେ ରିଲିଜ କରିଥିଲା । ତେଦେ ୪ ଦିନର ରୋଜଗାରକୁ ନେଇ ଖୁସି ଅଛନ୍ତି ଫଇଲ୍ମ ନିର୍ମାତା । କାରଣ ଫିଲ୍ମ ୪ ଦିନରେ ଅନେକ ରେକର୍ଡ ସୃଷ୍ଟି କରିଛି ।
ଫିଲ୍ମ ସଲାର ପ୍ରଥମ ଦିନରେ ୯୦.୭୦ କୋଟି ଟଙ୍କା ରୋଜଗାର କରିଥିବା ବେଳେ ଦ୍ବିତୀୟ ଦିନରେ ୫୬.୩୫ କୋଟି, ତୃତୀୟ ଦିନରେ ୬୨.୦୫ କୋଟି ଏବଂ ଚତୁର୍ଥ ଦିନରେ ପ୍ରାୟ ୪୨.୦୫ କୋଟି ଟଙ୍କା ଆୟ କରିଛି। ଫିଲ୍ମ ଟ୍ରେଡ ପୋର୍ଟାଲ ସାକନିଲକ ରିପୋର୍ଟ ଅନୁଯାୟୀ, ଏହି ଫିଲ୍ମର ସୋମବାର ଅର୍ଥାତ ୪ର୍ଥ ଦିନରେ ୨୫୧.୬୦ କୋଟି ଟଙ୍କା ରୋଜଗାର କରିଛି ।
ଏହି ଫିଲ୍ମ ତେଲୁଗୁରେ ୬୩.୪୧ ପ୍ରତିଶତ, କନ୍ନଡରେ ୪୫.୪୮ ପ୍ରତିଶତ, ହିନ୍ଦୀରେ ୩୫.୧୫ ପ୍ରତିଶତ, ମାଲାୟାଲମରେ ୩୪ ପ୍ରତିଶତ ଏବଂ ତାମିଲରେ ୨୩.୨୮ ପ୍ରତିଶତ ରେକର୍ଡ କରିଛି । ସାଲାର ଏହାର ପ୍ରଥମ ରବିବାର ଦିନ ବିଶ୍ୱ ବକ୍ସ ଅଫିସରେ ବହୁତ ଭଲ ବ୍ୟବସାୟ କରିଥିଲା । 
ଫିଲ୍ମଟି ରିଲିଜ ହେବାର ୩ଦିନ ମଧ୍ୟରେ ବିଶ୍ବରେ ୪୦୦ କୋଟି ଟଙ୍କା ପାର କରିଛି । ଏହି ଫିଲ୍ମ ପ୍ରଥମ ଦିନରେ ୧୭୮.୭୦ କୋଟି, ଦ୍ୱିତୀୟ ଦିନରେ ୧୧୭ କୋଟି ଏବଂ ତୃତୀୟ ଦିନରେ ୧୦୦ କୋଟିରୁ ଅଧିକ ଆୟ କରିଛି । ବିଶ୍ବରେ ୪୦୨ କୋଟି ଟଙ୍କା ରୋଜଗାର କରିଥିବା ଫିଲ୍ମ ନିର୍ମାତା ଘୋଷଣା କରିଛନ୍ତି ।
ପ୍ରଶାନ୍ତ ନୀଲଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଖାନସର ନାମକ ଏକ କାଳ୍ପନିକ ସ୍ଥାନ ଉପରେ ଆଧାରିତ । ସଲାରରେ ପ୍ରଭାସ, ପୃଥୀରାଜଙ୍କ ସମେତ ଶ୍ରୁତି ହାସନ, ଇଶ୍ବରୀ ରାଓ, ଶ୍ରୀୟା ରେଡ୍ଡୀ, ଟିନୁ ଆନନ୍ଦ ଏବଂ ଜଗପତି ବାବୁ ନଜର ଆସିଛନ୍ତି ।
ଭିଜିଲାନ୍ସ ଜାଲରେ ଇଡକୋ ଚିଫ ଜେନେରାଲ ମ୍ୟାନେଜର, ୭ଟି ସ୍ଥାନରେ ରେଡ୍
ଭୁବନେଶ୍ବର: ଭିଜିଲାନ୍ସ ଜାଲରେ ଇଡକୋ ଚିଫ ଜେନେରାଲ ମ୍ୟାନେଜର । ଓଏଏସ ସରୋଜକାନ୍ତ ମହାନ୍ତିଙ୍କ ଉପରେ ଭିଜିଲାନ୍ସର ଛାପା । ସ୍ପେଶାଲ ଜଜ୍ ଭିଜିଲାନ୍ସଙ୍କ ନିର୍ଦ୍ଦେଶ କ୍ରମେ ଚାଲିଛି ଚଢ଼ାଉ । ଭୁବନେଶ୍ୱର, କଟକ ଓ ଯାଜପୁର ର ୭ ଟି ସ୍ଥାନରେ ମାରାଥନ ରେଡ଼ ।
ଚନ୍ଦ୍ରଶେଖରପୁର ଶୈଳଶ୍ରୀ ବିହାର ପ୍ଲଟ ନମ୍ବର GA 437ରେ ଥିବା ୩ ବିଏଚକେ ଘର, ବାରଙ୍ଗ ପାଟପୁର ରେ ୩ ମହଲା ଫ୍ଲାଟ, ଧର୍ମଶାଳା ବ୍ରହ୍ମବରଦା ସ୍ଥିତ ପୈତୃକ ଘର, କଟକ ମହାନଦୀ ବିହାର ରେ ଥିବା ୩ ମହଲା ଫ୍ଲାଟ, ଯାଜପୁର ଜାରକା ସ୍ଥିତ ଘର, ନୟାପଲ୍ଲୀ ଆଇଆରସି ଭିଲେଜ N4 ରେ ସମ୍ପର୍କୀୟଙ୍କ ଘର, ଇଡ୍କୋ ଅଫିସ ଚାମ୍ବର ରେ ଏକାକାଳୀନ ରେଡ଼ ଚାଲିଛି।
୧୦ ଡିଏସପିଙ୍କ ନେତୃତ୍ୱରେ ୬ ଇନ୍ସପେକ୍ଟର ଚଢ଼ାଉ ଜାରି ରଖିଛନ୍ତି। 5T ଅଧୀନରେ ଭିଜିଲାନ୍ସ ଆସିବା ପରେ ଦୁର୍ନୀତିଖୋରଙ୍କ ବିରୋଧରେ ଜିରୋ ଟଲରାନ୍ସ ନୀତି ଅବଲମ୍ବନ କରାଯାଉଛି।
ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ୪ ହଜାର ପାର୍, କର୍ଣ୍ଣାଟକରେ ୩ ମୃତ
ନନ୍ଦିଘୋଷ ବ୍ୟୁରୋ: ପୁଣି କଡ଼ ଲେଉଟାଉଛି କରୋନା । ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୧୧୬ ପଜିଟିଭ । ଏହାକୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ହୋଇଛି ୪ ହଜାର ୧୭୦ । କର୍ଣ୍ଣାଟକରେ ୩ ଜଣଙ୍କ ମୃତ୍ୟୁ ଘଟିଛି ବୋଲି କହିଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ।
କର୍ଣ୍ଣାଟକରେ ଜେଏନ.୧ ଭାରିଆଣ୍ଟ ସଂକ୍ରମଣ ବଢୁଛି । ବେଙ୍ଗାଳୁରୁ ପାଲଟିଛି ହଟସ୍ପଟ । କର୍ଣ୍ଣାଟକ ରାଜ୍ୟ କ୍ୟାବିନେଟର ସବକମିଟି ବୈଠକରେ ସ୍ଥିତି ସମୀକ୍ଷା କରାଯିବ । କୋଭିଡ ଲହର କାଳରେ ଭୟଙ୍କର ସଙ୍କଟର ସମ୍ମୁଖୀନ ହୋଇଥିବା ଦିଲ୍ଲୀରେ ପୁଣି କାୟା ମେଲାଉଛି ଭାଇରସ । ଏପରିକି ଦୈନିକ ୩ରୁ ୪ଜଣ ସଂକ୍ରମିତ ଚିହ୍ନଟ ହେଉଛନ୍ତି । ମହାରଷ୍ଟ୍ର, ଗୋଆ, କେରଳ, ତାମିଲନାଦୁ ଓ ତେଲଙ୍ଗାନାରେ ବି ଦୈନିକ ସଂକ୍ରମଣ ବଢୁଛି ।
ସେବାୟତ ଦେଲେ ନିମନ୍ତ୍ରଣ, ଚାଉଳ ଗୁଆ ଦେଇ ସମ୍ମତି ରଖିଲେ ନବୀନ
ଭୁବନେଶ୍ବର: ନବୀନଙ୍କୁ ନିମନ୍ତ୍ରଣ । ପରିକ୍ରମା ପ୍ରକଳ୍ପରେ ଯୋଗଦାନ ଓ ଶୁଭ ଉଦଘାଟନ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ନିମନ୍ତ୍ରଣ କରିଛନ୍ତି ଶ୍ରୀମନ୍ଦିର ସେବାୟତ ପ୍ରତିନିଧି ଦଳ । ବରିଷ୍ଠ ସେବାୟତ ରାମଚନ୍ଦ୍ର ଦାସ ମହାପାତ୍ରଙ୍କ ନେତୃତ୍ବରେ ଏକ ଟିମ ନବୀନ ନିବାସରେ ପହଞ୍ଚି ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ ପତ୍ର ପ୍ରଦାନ କରିଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ ଗୋଟିଏ ଗୁଆ ଓ ମୁଠାଏ ଚାଉଳ ଦେଇ ନିଜର ସମ୍ମତି ପ୍ରଦାନ କରିଛନ୍ତି ବୋଲି ଗଣମାଧ୍ୟମକୁ କହିଛନ୍ତି ରାମଚନ୍ଦ୍ର ଦାସ ମହାପାତ୍ର । ସେହିପରି ପରିକ୍ରମା ପ୍ରକଳ୍ପର ଶୁଭ ଉଦଘାଟନ ସମାରୋହ ଲାଗି ସାରା ରାଜ୍ୟ ଓ ରାଜ୍ୟ ବାହାର ଜଗନ୍ନାଥପ୍ରେମୀଙ୍କୁ ଗୋଟିଏ ଗୁଆ ଓ ମୁଠାଏ ଚାଉଳ ଦେବାକୁ ରାମଚନ୍ଦ୍ର ଆହ୍ବାନ ଦେଇଛନ୍ତି ।
ଆସନ୍ତା ଜାନୁଆରୀ ୧୭ ତାରିଖରେ ଭବ୍ୟ ଲୋକାର୍ପଣ ଉତ୍ସବ । ଏଥିପାଇଁ ପାଇଁ ଆଜି ପବିତ୍ର ମାର୍ଗଶିର ପୂର୍ଣ୍ଣିମାରେ ଶୁଭାରମ୍ଭ ହୋଇଛି ପରିକ୍ରମା ନିମନ୍ତ୍ରଣ। ଦେଶର ବିଭିନ୍ନ ଦେବପୀଠ ଓ ଧର୍ମଗୁରୁମାନଙ୍କୁ ନିମନ୍ତ୍ରଣ କରାଯିବ। ଶ୍ରୀମନ୍ଦିର ନିକଟରୁ ୩୩ଟି ଗାଡ଼ିରେ ନିମନ୍ତ୍ରଣ ବାର୍ତ୍ତା ନେଇ ବାହାରିଛନ୍ତି ୩୦ଟି ସ୍ବତନ୍ତ୍ର ଦଳ। ପ୍ରଥମେ ପ୍ରଭୁ ଲିଙ୍ଗରାଜଙ୍କୁ ନିମନ୍ତ୍ରଣ କରାଯାଇଛି। ୧୩ଟି ଟିମ୍ ରାଜ୍ୟର ପ୍ରମୁଖ ଦେବପୀଠ, ଜଗନ୍ନାଥ ମନ୍ଦିରକୁ ନିମନ୍ତ୍ରଣ ପାଇଁ ଗସ୍ତ କରିଛନ୍ତି ।
ସ୍ବଦେଶ ଫେରିଲେ ୨୭୬ ଭାରତୀୟ, ଫ୍ରାନ୍ସରେ ରହିଗଲେ ୨୭ ଯାତ୍ରୀ
ସ୍ବଦେଶ ଫେରିଲେ ଫ୍ରାନ୍ସରେ ଅଟକିଥିବା ଭାରତୀୟ । ଅଟକିଥିବା ୩୦୩ ଯାତ୍ରୀଙ୍କ ମଧ୍ୟରୁ ମୁମ୍ବାଇରେ ପହଞ୍ଚିଛନ୍ତି ୨୭୬ ଯାତ୍ରୀ। ମାନବ ଚାଲାଣ ଅଭିଯୋଗ ହେବା ପରେ ଗତ ୨୨ ତାରିଖରୁ ଫ୍ରାନ୍ସରେ ଅଟକିଥିଲା ବିମାନ । ଫ୍ରାନସରେ ରହିବାକୁ ଅନୁମତି ମିଳିବା ପରେ ୨୭ ଭାରତୀୟ ସେଠାରେ ରହିଛନ୍ତି । ଅବଶିଷ୍ଟ ୧୭୬ ଯାତ୍ରୀ ଭାରତ ଫେରିଛନ୍ତି ।
ଗତକାଲି ଗ୍ରୀନ ସିଗନାଲ ମିଳିବା ପରେ ଅପରାହ୍ଣ ସାଢେ ୨ଟାରେ ରୋମାନିଆ କମ୍ପାନି ଲିଜେଣ୍ଡ ଏୟାରଲାଇନ୍ସର ବିମାନ ଆଜି ମୁମ୍ବାଇରେ ପହଞ୍ଚିଥିଲା । ଫ୍ରାନ୍ସର ରହିଥିବା ୨୭ ଯାତ୍ରୀ ଆଶ୍ରୟ ନେବାକୁ ଚାହିଁଥିବାରୁ ସେମାନଙ୍କୁ ସେଠାରେ ରଖାଯାଇଛି । ଗତ ଗୁରୁବାର ୩୦୩ ଯାତ୍ରୀଙ୍କୁ ନେଇ ୟୁଏଇର ଦୁବାଇରୁ ଏକ ବିମାନ ନିକାରାଗୁଆ ଯିବା ବାଟରେ ପ୍ୟାରିସ ଠାରୁ ୧୫୦ କିଲୋମିଟର ଦୂର ଭାଟ୍ରି ବିମାନବନ୍ଦରରେ ଅବତରଣ କରିଥିଲା ।
ଏହି ଯାତ୍ରୀଙ୍କ ମଧ୍ୟରେ ଥିଲେ ୧୧ ନାବାଳକ ଓ ଜଣେ ୨୧ ମାସର ଶିଶୁ । ବିମାନକୁ ଭାରତ ଫେରାଇ ନେବା ଲାଗି ପ୍ୟାରିସସ୍ଥିତ ଭାରତୀୟ ଦୂତାବାସ ହସ୍ତକ୍ଷେପ କରିଥିଲା । ବିମାନଟି ଆମେରିକା ବା କାନାଡ଼ାରେ ବେଆଇନ ଭାବେ ପ୍ରବେଶ କରିବା ସମ୍ଭାବନା ଥିଲା । ୨୦୨୩ରେ ପ୍ରାୟ ୯୭ ହଜାର ଭାରତୀୟ ବେଆଇନ ଭାବେ ଆମେରିକାରେ ପ୍ରବେଶ କରିଥିବା ସୂଚନା ମିଳିଛି । ଗତ ବର୍ଷ ତୁଳନାରେ ଏହି ହାର ୫୧ ଦଶମିକ ୬୧ ପ୍ରତିଶତ ଅଧିକ । ପ୍ରାୟ ୪୧ ହଜାର ୭୭୦ ଭାରତୀୟ ମେକ୍ସିକୋ ସୀମା ଅତିକ୍ରମ କରି ଆମେରିକାରେ ପ୍ରବେଶ ଲାଗି ଉଦ୍ୟମ କରିଥିଲେ ।
ପାନଗୁଆ ଦେଇ ଲିଙ୍ଗରାଜଙ୍କୁ ନିମନ୍ତ୍ରଣ ଦେଲେ ପୁରୀ ସେବାୟତ
ଭୁବନେଶ୍ବର: ଆସନ୍ତା ଜାନୁଆରୀ ୧୭ରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶୁଭ ଉଦଘାଟନ ହେବ । ଏଥିପାଇଁ ଆଜିଠାରୁ ରାଜ୍ୟ ତଥା ରାଜ୍ୟ ବାହାରର ବିଭିନ୍ନ ସ୍ଥାନକୁ ନିମନ୍ତ୍ରଣ ପତ୍ର ବଣ୍ଟନ ଆରମ୍ଭ ହୋଇଛି । ପ୍ରଥମ କରି ଶ୍ରୀକ୍ଷେତ୍ରରୁ ସେବାୟତ ତଥା ପ୍ରଶାସନିକ ଅଧିକାରୀଙ୍କୁ ନେଇ ୩୦ଟି ଦଳ ଲିଙ୍ଗରାଜ ମନ୍ଦିରରେ ପହଞ୍ଚି ନିମନ୍ତ୍ରଣ ବଣ୍ଟନ କରିଛନ୍ତି । ଏହି ସେବାୟତ ପ୍ରତିନିଧି ଦଳଙ୍କୁ ଭବ୍ୟ ସ୍ବାଗତ କରାଯାଇଛି ।
ମନ୍ଦିର ପ୍ରଶାସନ ପକ୍ଷରୁ ମନ୍ଦିର ସମ୍ମୁଖରେ ଝୋଟି ଚିତା ସହ ଫୁଲ ଏବଂ ଉପଢୌକନ ଦେଇ ସ୍ବାଗତ କରାଯାଇଥିଲା । ପରେ ସେବାୟତମାନେ ପ୍ରଭୁ ଲିଙ୍ଗରାଜ ମନ୍ଦିରକୁ ଯାଇ ଲିଙ୍ଗରାଜଙ୍କ ସେବାୟତ ସହ ପ୍ରଭୁଙ୍କୁ ନିମନ୍ତ୍ରଣ ପତ୍ର ପ୍ରଦାନ କରିଛନ୍ତି । ମହାପ୍ରଭୁଙ୍କ ଏହି ଭବ୍ୟ ଉଦଘାଟନ ଉତ୍ସବରେ ଯୋଗଦାନ ପାଇଁ ଶ୍ରୀମନ୍ଦିର ସେବାୟତଙ୍କ ଲିଙ୍ଗରାଜ ଗସ୍ତ ଐତିହାସିକ ବୋଲି ବିବେଚନା କରାଯାଏ ।
ପରମ୍ପରା ଅନୁଯାୟୀ ନିମନ୍ତ୍ରଣ ପତ୍ର ସହ ମହାପ୍ରଭୁଙ୍କ ଲାଗି ବସ୍ତ୍ର, ତୁଳସୀ, ପାନ, ଗୁଆ ଆଦି ଲିଙ୍ଗରାଜଙ୍କୁ ପ୍ରଦାନ କରାଯାଇଛି । ଏଭଳି ଉତ୍ସବ ପାଇଁ ଆଜି ଅଦିନରେ ହରିହର ଭେଟ ହେବାର ସୌଭାଗ୍ୟ ମିଳିଛି ବୋଲି ସେବାୟତମାନେ କହିଛନ୍ତି ।
ପୁଞ୍ଚ ଆତଙ୍କବାଦୀ ଆକ୍ରମଣରେ ପାକିସ୍ତାନ ଚୀନର ଲିଙ୍କ୍, ବର୍ଷକରେ ତିନି ଥର ଉଦ୍ୟମ
ଶ୍ରୀନଗର: ଜମ୍ମୁ କାଶ୍ମୀର ପୁଞ୍ଚ ଆତଙ୍କବାଦୀ ଆକ୍ରମଣରେ ପାକିସ୍ତାନ ଚୀନର ଲିଙ୍କ୍ ସାମନାକୁ ଆଶିଛି । PAFF ଓ TRF ଭଳି ପାକିସ୍ତାନୀ ଆତଙ୍କୀ ସଙ୍ଗଠନ ଜମ୍ମୁରେ ଆତଙ୍କବାଦୀ ଆକ୍ରମଣ ସମୟରେ ଚୀନର ହତିଆର, ବଡି ସୁଟ୍, କ୍ୟାମେରା ଓ ଯୋଗାଯୋଗର ଡିଭାଇସ ବ୍ୟବହାର କରିଛନ୍ତି । ଗତ ବର୍ଷକ ମଧ୍ୟରେ ୩ ବଡ ଆତଙ୍କୀ ଆକ୍ରମଣ ହୋଇଛି । ଚୀନ ଟେକନିକରେ ତିଆରି ସ୍ନାଇପର ଗନ୍ର ବ୍ୟବହାର ପାକିସ୍ତାନ ଆତଙ୍କବାଦୀ କରୁଥିବା ଭାରତୀୟ ଗୁଇନ୍ଦା ସୂଚନା ଦେଇଛି ।
ଆତଙ୍କବାଦୀ ପରସ୍ପର ସହ ଯୋଗାଯୋଗ ପାଇଁ ଯେଉଁ ଇନଷ୍ଟ୍ରିପ୍ଟେଡ ମେସେଜିଙ୍ଗ ଡିଭାଇସର ବ୍ୟବହାର କରୁଥିଲେ ତାହା ଚୀନର ମେସେଜିଂ ଡିଭାଇସ ହୋଇଥିବା ଗୁଇନ୍ଦା ଜାଣିବାକୁ ପାଇଛି । ପାକିସ୍ତାନୀ ସେନା ଅଧିକାଂଶ ସମୟରେ ଚୀନ ଠାରୁ ହତିଆର, କ୍ୟାମେରା ଓ ଯୋଗାଯୋଗ ଡିଭାଇସ କିଣି ଏହାର ବ୍ୟବହାର କରିବା ପରିବର୍ତ୍ତେ ପିଓକେର ଆତଙ୍କୀ ସଙ୍ଗଠନକୁ ଯୋଗାଉଛି । ସେପଟେ ସବୁ ଜାଣିଶୁଣି ଚୁପ୍ ବସିଛି ଚୀନ । ଭାରତ ଓ ଭାରତୀୟ ସେନାର ଧ୍ୟାନ ଲଦାକ୍ଷ ସୀମାରୁ ହଟାଇବା ପାଇଁ ଚୀନ ଜାଣିଶୁଣି ଏଭଳି କରୁଛି ।
ଜମ୍ମୁ କାଶ୍ମୀର ସୀମାରେ ଆତଙ୍କୀ କାର୍ଯ୍ୟକଳାପ ବୃଦ୍ଧି କରି ଲଦାକ୍ଷ ସୀମାରେ ଧ୍ୟାନ ହଟାଇବା ପାଇଁ ଚୀନ କରୁଥିବା ଚକ୍ରାନ୍ତ କିନ୍ତୁ ପଦାରେ ପଡିଛି । ଗତ ଦୁଇ ବର୍ଷ ଧରି ଚୀନ ଏଭଳି ପ୍ରୟାସ ଜାରି ରଖିଛି । ହେଲେ ଭାରତ ଉଭୟ ଜମ୍ମୁ ଓ ଲଦାଖ ଫ୍ରଣ୍ଟରୁ ଶତ୍ରୁ ଦେଶଙ୍କୁ ଜବାବ ଦେଇଛି ।
୨୭ ତମ ପ୍ରତିଷ୍ଠା ଦିବସ ପାଳିଲା ଚିଲିକା ବିଜେଡି, ମା’ ଭଗବତୀ ପୀଠରୁ ଗଣଦୌଡ ଆରମ୍ଭ
ଖୋର୍ଦ୍ଧା: ବାଣପୁରରେ ଚିଲିକା ବିଜେଡିର ୨୭ତମ ପ୍ରତିଷ୍ଠା ଦିବସ ପାଳିତ । ଏହି ଅବସରରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ରାଜ୍ୟସଭା ସାଂସଦ ମାନସ ମଙ୍ଗରାଜ। ପ୍ରତିଷ୍ଠା ଦିବସ ଅବସରରେ ବାଣପୁରର ଅଧିଷ୍ଠାତ୍ରୀ ଦେବୀ ମା ଭଗବତୀଙ୍କ ମନ୍ଦିରଠାରୁ ଏକ ଗଣଦୌଡ଼ ବାହାରିଥିଲା। ରାଜ୍ୟସଭା ସାଂସଦ ମାନସ ମଙ୍ଗରାଜ ପତାକା ଦେଖାଇ ଗଣଦୌଡ଼ର ଶୁଭାରମ୍ଭ କରିଥିଲେ ।
ମା ଭଗବତୀ ପୀଠରୁ ଏହି ଗଣଦୌଡ଼ ବାହାରି ମା ଟିକିରାଇଁ ମନ୍ଦିରଠାରେ ଶେଷ ହୋଇଥିଲା । ମା ଟିକିରାଇଁ ମନ୍ଦିରର ଚତୁଃପାର୍ଶ୍ବରେ ବୃକ୍ଷରୋପଣ କରାଯାଇଥିଲା । ଏହାପରେ ସାଂସଦ ମାନସ ମଙ୍ଗରାଜ ବାଣପୁର ମେଡିକାଲରେ ସମସ୍ତ ରୋଗୀଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିବା ସହ ରୋଗୀମାନଙ୍କୁ ଫଳ ବଣ୍ଟନ କରିଥିଲେ । ଏହି କାର୍ଯ୍ୟକ୍ରମରେ ରୁରାଲ ମହିଳା ମହାବିଦ୍ୟାଳୟର ଛାତ୍ରୀମାନେ ସାମିଲ ହୋଇଥିଲେ। ଚିଲିକା ବିଜେଡି ପର୍ଯ୍ୟବେକ୍ଷକ ରାଜା ଚକ୍ର, ବାଣପୁର ବିଜ୍ଞାପିତ ଅଞ୍ଚଳ ଅଧକ୍ଷ ମିଟୁ ନାୟକ, ଜିଲ୍ଲାପରିଷଦ ଉପାଧ୍ୟକ୍ଷ ଗୋପୀନାଥ ମହାରଣା, ମନୋଜ କୁମାର ପ୍ରଧାନ, ପ୍ରଭାସ ସୁନ୍ଦରାୟ, ମାନସ ପ୍ରଧାନ ଓ ବିଜୁ ଜନତା ଦଳର ଶତାଧିକ କର୍ମୀ କାର୍ଯ୍ୟକ୍ରମରେ ଯୋଗ ଦେଇଥିଲେ।
ବଦଳିବ ଅନ୍ତରାଷ୍ଟ୍ରୀୟ ବିମାନ ବନ୍ଦରର ନାଁ ! ଜାଣନ୍ତୁ କଣ ହେବ ନୂଆ ନାମ
ଅଯୋଧ୍ୟା: ବଦଳିବ ଅଯୋଧ୍ୟାର ଶ୍ରୀରାମ ଅନ୍ତରାଷ୍ଟ୍ରୀୟ ବିମାନ ବନ୍ଦରର ନାଁ । ବିମାନ ବନ୍ଦରର ନାଁ ବଦଳିବା ପ୍ରସ୍ତାବରେ ଆଲୋଚନା ଚାଲିଛି । ରାମ ମନ୍ଦିର ଖୋଲିବା ପୂର୍ବରୁ ବିମାନ ବନ୍ଦରର ନାଁ ବଦଳିବା ନେଇ ଚର୍ଚ୍ଚା ଚାଲିଛି । ଅଯୋଧ୍ୟା ବିମାନ ବନ୍ଦରର ନାଁ ମହର୍ଷି ବାଲ୍ମିକୀଙ୍କ ନାଁରେ ନାମିତ ହେବା ପାଇଁ ଯୋଜନା ଚାଲିଛି । ରିପୋର୍ଟ ଅନୁସାରେ ଉତ୍ତର ପ୍ରଦେଶ ଯୋଗୀ ସରକାର ଏହା ବାବଦରେ ଏକ ପ୍ରସ୍ତାବ ପଠାଇବେ । ମର୍ଯ୍ୟାଦା ପୁରୁଷ ରାମଙ୍କ ନାଁରେ ବର୍ତ୍ତମାନର ଏୟାରପୋର୍ଟ ରହିଛି ।
ରାମନଗରୀ ଅଯୋଧ୍ୟାରେ ଏବେ ରାମଲଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ଜୋରସୋର ପ୍ରସ୍ତୁତି ଚାଲିଛି । ରାମ ମନ୍ଦିରରେ ରାମଲଲାଙ୍କ ପ୍ରତିଷ୍ଠା ପରେ ଅଯୋଧ୍ୟାରେ ଶ୍ରଦ୍ଧାଳୁଙ୍କ ସଂଖ୍ୟା ବଢିବା ନେଇ ସମ୍ଭାବନା ରହିଛି । ଏହାକୁ ନଜରରେ ରଖି ଧର୍ମନଗରୀରେ ସଂରଚନାରୁ ବିକାଶ କରିବା ପାଇଁ କାମ ଚାଲିଛି । ଏହି କ୍ରମରେ ଅତ୍ୟାଧୁନିକ ବିମାନ ବନ୍ଦରର କାମ ବି ଚାଲିଛି ।
ଉତ୍ତର ପ୍ରଦେଶ ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି । ଏହାର ନିର୍ମାଣ କାର୍ଯ୍ୟ ନଭେମ୍ବର ୨୧ ତାରିଖ ସୁଦ୍ଧା ସରିବା ନେଇ ଆଶା କରାଯାଉଥିବା ବେଳେ ଆସନ୍ତା ବର୍ଷ ୨୦୨୪ ମସିହା ଜାନୁଆରୀରେ ଶ୍ରଦ୍ଧାଳୁ ଦର୍ଶନର ସୁଯୋଗ ପାଇବେ ।