ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ତଥା ଓ୍ବିକେଟ କିପର ବ୍ୟାଟ୍ସମ୍ୟାନ ଏ.ବି ଡିଭିଲିୟର୍ସଙ୍କ ଆକ୍ରମଣାତ୍ମକ ବ୍ୟାଟିଂ ତାଙ୍କୁ ଏକ ନୂଆ ପରିଚୟ ଦେଇଛି। ପଡ଼ିଆର ଚାରିପଟକୁ ବଡ଼ ବଡ଼ ସଟ ଖେଳିବାର ଅଭିଜ୍ଞତା ରଖିଥିବା ଏହି ଭେଟେରାନ କ୍ରିକେଟରଙ୍କ ଖେଳ ସମସ୍ତଙ୍କୁ ବେଶ ପ୍ରଭାବିତ କରିଥିଲା। ଯେଉଁପାଇଁ ତାଙ୍କୁ ମିଷ୍ଟର ୩୬୦ ବୋଲି ମଧ୍ୟ କୁହାଯାଏ । ତେବେ ଆଶା କରାଯାଉଥିଲା କି, ସେ ଦୀର୍ଘଦିନ ପର୍ଯ୍ୟନ୍ତ କ୍ରିକେଟ ଖେଳିବେ। ମାତ୍ର ୨୦୧୮ ମସିହରେ ସେ କ୍ରିକେଟର ସମସ୍ତ ଫର୍ମାଟରୁ ସନ୍ୟାସ ନେଇଥିଲେ। ଯଦିଓ ଆଇପିଏଲ ଖେଳୁଥିଲେ କିନ୍ତୁ ନିଜ ଦେଶ ପାଇଁ ଆଉ ଖେଳିନଥିଲେ। ମାତ୍ର ୩୧ ବଲରେ ଶତକ ହାସକ କରିଥିବା ଏହି ବିସ୍ଫୋରକ ବ୍ୟାଟ୍ସମ୍ୟାନ ଆଇପିଏଲରେ ମଧ୍ୟ ଅନେକ ରେକର୍ଡ କରିଛନ୍ତି । ତେବେ ଏକ ଜାତୀୟ ଗଣମାଧ୍ୟକୁ ପ୍ରତିକ୍ରିୟା ଦେଇ ଡିଭିଲିୟର୍ସ କହିଛନ୍ତି କି, କ୍ୟାରିୟର ଶେଷ ଦୁଇ ବର୍ଷ ବହୁ କଷ୍ଟ ସହିଛନ୍ତି । ତାଙ୍କ ଡାହାଣ ଆଖିରେ ଆଘାତ ଲାଗିଥିଲା । ଜଣେ ବନ୍ଧୁ ତାଙ୍କ ଆଖିରେ ପାଦ ପକାଇ ଦେଇଥିବା ସେ କହିଛନ୍ତି ।
ଯେତେବେଳେ ଏନେଇ ଡାକ୍ତରଙ୍କ ପରାମର୍ଶ କରିଥିଲେ ଡାକ୍ତର କହିଥିଲେ କି, ତୁମେ କିପରି କ୍ରିକେଟ ଖେଳିବ? ଆଖି ଉପରେ ଚାପ ପଡ଼ିବ । ମୁଁ ମଧ୍ୟ ଚିନ୍ତାରେ ଥିଲି । ମାତ୍ର ମୋ କ୍ୟାରିୟରର ଶେଷ ଦୁଇ ବର୍ଷ ପୂର୍ବରୁ ଏଭଳି ଅଘଟଣ ଘଟିଥିଲା । ୨୦୧୫ ବିଶ୍ବକପରେ ସେମି ପରାଜୟ ପରେ ମୁଁ ଭାଙ୍ଗି ପଡ଼ିଥିଲି । ଦଳକୁ ଫେରି ଭଲ ଖେଳିବା ପାଇଁ ଚେଷ୍ଟା କରିଥିଲୁ । କିନ୍ତୁ ମୋତେ ଲାଗିଲା କି, ଅବସର ନେବାର ସମୟ ଆସିଗଲା । ଏହାପରେ ୨୦୨୮ ମସିହାରେ ଅବସର ଘୋଷଣା କରିଥିଲି ।
