spot_img
Home Blog Page 2882

ସ୍ପିଡ୍ ଗାଡ଼ି ଚାଳନା ପାଇଁ ହିଟମ୍ୟାନଙ୍କ ନାମରେ କଟିଲା ଚାଲାଣ

ମୁମ୍ବାଇ: ଖତରୋଁ କେ ଖିଲାଡି ରୋହିତ ଶର୍ମା । ମୁମ୍ବାଇ-ପୁନେ ଏକ୍ସପ୍ରେସ ୱେରେ କାର ଚଳାଇ ସ୍ପିଡରେ ମାରିଲେ ଡବଲ ସେଞ୍ଚୁରି । ବ୍ୟାଟିଂରେ ବିରୋଧୀ ଶିବିରରେ ଭୂକମ୍ପ ମଚାଉଥିବା ରୋହିତଙ୍କ ଅନ୍ୟ ଏକ ଅବତାର ଦେଖିବାକୁ ମିଳିଛି । ଆମେ କହୁଛୁ ରୋହିତ ଶର୍ମାଙ୍କ ସ୍ପିଡ ଡ୍ରାଇଭିଂ ବିଷୟରେ। ଯାହା ଆପଣଙ୍କ ପରି ପ୍ରଶଂସକଙ୍କ ଛାତି ଥରାଇ ଦେବ। ପାକିସ୍ତାନ ସହ ମ୍ୟାଚ ପରେ ଅହମଦାବାଦରୁ ମୁମ୍ବାଇ ଯାଇ ପରିବାର ସହ ଦୁଇ ଦିନ ବିତାଇବା ପରେ ମଙ୍ଗଳବାର ଖେଳାଳିଙ୍କ ସହ ଯୋଗଦେବାକୁ ପୁନେ ବାହାରିଥିଲେ ରୋହିତ । ନିଜ ବ୍ଲୁ କଲରର ସ୍ପୋର୍ଟସ କାର ଲାମ୍ବୋରଗିନିର ପଛ ସିଟରେ ଡ୍ରାଇଭରକୁ ବସାଇ ଦେଇ ନିଜେ ଡ୍ରାଇଭ କରିଥିଲେ ରୋହିତ। ଶୂନଶାନ ରାସ୍ତାରେ କାରକୁ ଖୁବ ସ୍ପିଡରେ ଦୌଡାଇଥିଲେ ରୋହିତ।

୨ଶହରୁ ଅଧିକ ସ୍ପିଡରେ ଦୌଡିଥିଲା ହାଇ ସ୍ପିଡ କାର ଲମ୍ବୋରଗିନି। ଏପରିକି କିଛି କିଛି ପଏଣ୍ଟରେ କାରର ସ୍ପିଡୋମିଟର ୨୧୫ କିଲୋମିଟର ଟାର୍ଗେଟକୁ ଛୁଇଁଥିଲା । ହେଲେ ଟ୍ରାକ କ୍ୟାମେରା ଏହାକୁ ଛାଡିନଥିଲା  । ହାଇ ସ୍ପିଡରେ ଯାଇ ଧରାପଡିଛନ୍ତି ରୋହିତ ଶର୍ମା । ଆଉ ପାଇଛନ୍ତି  ତିନି ତିନିଟି ଅନଲାଇନ ଚାଲାଣ । ରୋହିତଙ୍କ ଏପରି ସ୍ପିଡ ଡ୍ରାଇଭକୁ ନେଇ ଚିନ୍ତା ପ୍ରକଟ କରିଛନ୍ତି ଟ୍ରାଫିକ ପୋଲିସ କର୍ତ୍ତୃପକ୍ଷ  । ଏତେ ସ୍ପିଡରେ ପୁନେ ଯିବା ବଦଳରେ ଟିମ ବସରେ ଯାଇଥିଲେ ଭଲ ହୋଇଥାନ୍ତା ବୋଲି ସେମାନେ କହିଛନ୍ତି । ରୋହିତ ଖୁବ ସ୍ପିଡରେ କାର ଚଳାନ୍ତି ବୋଲି ଜଣାଶୁଣା ।

ହେଲେ ଏତେ ସ୍ପିଡରେ କାର ଚଳାଇବା ଆଦୌ ଭଲ କଥା ନୁହେଁ ବୋଲି ସେମାନେ ସତର୍କ କରିଦେଇଛନ୍ତି  । ଏଇଠି ଦୁଇଟି ଉଦାହରଣ ଦେଉଛୁ । ସ୍ପିଡ ଡ୍ରାଇଭିଂ କେତେ ଖତରନାକ । ଗତବର୍ଷ ସେପ୍ଟେମ୍ବର ୪ ତାରିଖରେ ସ୍ପିଡ ଡ୍ରାଇଭିଂ କରି ଟାଟା ସନ୍ସର ପୂର୍ବତନ ଅଧ୍ୟକ୍ଷ ସାଇରସ ମିସ୍ତ୍ରୀଙ୍କର ଦୁର୍ଘଟଣାରେ ମୃତ୍ୟୁ ହୋଇଯାଇଥିଲା । ମର୍ସିଡେଜ ବେଞ୍ଜ SUVକୁ ଶହେ ସ୍ପିଡରେ ଚଲାଇ ଦୁର୍ଘଟଣାଗ୍ରସ୍ତ ହୋଇଥିଲେ ସାଇରସ ମିସ୍ତ୍ରୀ । ସେହିପରି ଖୁବ ସ୍ପିଡରେ କାର ଚଳାଇ କ୍ରିକେଟର ଋଷଭ ପନ୍ତ ମଧ୍ୟ ଏପର୍ଯ୍ୟନ୍ତ ଖେଳିବାକୁ ଫିଟ ହୋଇନାହାଁନ୍ତି । ତେଣୁ ସ୍ପିଡ ସୁଖ ଦିଏ କନ୍ତୁ ଜୀବନ ବି ନିଏ ।

ଗଙ୍ଗାଧର ମେହେରଙ୍କ ସମାଧି ପୀଠ ନିର୍ମାଣ କାମର ସମୀକ୍ଷା କଲେ WODC ଅଧ୍ୟକ୍ଷ

ବରଗଡ଼ : ପଶ୍ଚିମ ଓଡିଶା ଗସ୍ତରରେ ପଶ୍ଚିମ ଓଡିଶା ବିକାଶ ପରିଷଦ (WODC) ଅଧ୍ୟକ୍ଷ ଶ୍ରୀ ଅସିତ୍ ତ୍ରିପାଠୀ । ଗସ୍ତର ଚତୁର୍ଥ ଦିନରେ ସେ ବରଗଡ ଜିଲ୍ଲା ବରପାଲି ଠାରେ ନିର୍ମିତ ହେଉଥିବା ସ୍ବଭାବ କବି ଗଙ୍ଗାଧର ମେହେରଙ୍କ ସମାଧି ପୀଠର ସମୀକ୍ଷା କରିଛନ୍ତି । ତାଙ୍କ ସହିତ ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ବିଭାଗ ମନ୍ତ୍ରୀ ଶ୍ରୀମତୀ ରିତା ସାହୁ ମଧ୍ୟ ଉପସ୍ଥିତ ଥିଲେ ।

ଏହି ସମାଧି ପୀଠ ନିର୍ମାଣ ପାଇଁ ପରିଷଦ ପକ୍ଷରୁ ୧କୋଟି ୨୦ ଲକ୍ଷ ଟଙ୍କ ଅନୁଦାନ ଦିଆଯାଇଛି । ଯାହାର ନିର୍ମାଣ କାମ ଡିସେମ୍ବର ସୁଦ୍ଧା ଶେଷ ହେବ ବୋଲି ଅନୁମାନ କରାଯାଉଛି । ଏହି ପରିଦର୍ଶନ କାର୍ଯ୍ୟକ୍ରମରେ ପରିଷଦର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଡଃ ଅଜିତ୍ କୁମାର ସାହୁ, ବରଗଡର ଜିଲ୍ଲାପାଳ, ବୈଷୟିକ ପରାଦର୍ଶଦାତା ପ୍ରମୁଖ ଆଦି ଉପସ୍ଥିତ ଥିଲେ ।

 

ଭାରତ-ବାଂଲାଦେଶ ହାଇଭୋଲଟେଜ୍ ମ୍ୟାଚ୍ : ଟସ୍‌ ଜିତି ବାଂଲାଦେଶର ବ୍ୟାଟିଂ ନିଷ୍ପତ୍ତି

ପୁଣେ :  ବିଶ୍ବକପରେ ହାଇଭୋଲଟେଜ୍ ଟକ୍କର। ମୁହାଁମୁହିଁ ହୋଇଛନ୍ତି ଭାରତ-ବାଂଲାଦେଶ। ପୁଣେରେ ଚାଲିଛି ମ୍ୟାଚ୍। ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ବାଂଲାଦେଶ । ଚଳିତ ବିଶ୍ବକପରେ ଏଯାଏଁ ଭାରତ ଅପରାଜିତ ରହିଛି । ୩ଟି ମ୍ୟାଚ ଖେଳି ବିଜୟ ସହିତ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି। ସେପଟେ ବାଂଲାଦେଶ ୩ଟିରୁ ଗୋଟିଏ ମ୍ୟାଚ ଜିତିଛି ।

ଆଜି ଭାରତ ମ୍ୟାଚ ଜିତି ଅପରାଜୟ ଧାରା ବଜାୟ ରଖିବାକୁ ଲକ୍ଷ୍ୟ ରଖିଥିବାବେଳେ ଦ୍ବିତୀୟ ବିଜୟ ଆଶାରେ ରହିଛି ବାଂଲାଦେଶ । ବିଶ୍ବକପରେ ୪ଟି ସଂସ୍କରଣରେ ମାତ୍ର ୪ ଥର ମୁହାଁମୁହିଁ ହୋଇଛନ୍ତି ଭାରତ-ବାଲାଦେଶ । ଭାରତ ୩ଟି ମ୍ୟାଚ ଜିତିଥିବାବେଳେ ବାଂଲାଦେଶ ଗୋଟିଏରେ ବିଜୟ ହାସଲ କରିଛି । ୨୦୦୭ ବିଶ୍ବକପରେ ଉଭୟ ଦେଶ ମଧ୍ୟରେ ପ୍ରଥମ ମୁକାବିଲା ହୋଇଥିଲା ।

ଏଥିରେ ବାଂଲାଦେଶ ଭାରତକୁ ୫ ଓ୍ବିକେଟରେ ପରାଜିତ କରିଥିଲା । ପରେ ୨୦୧୧ରେ ଭାରତ ୮୭ ରନରେ ବାଂଲାଦେଶକୁ ହରାଇ ପ୍ରଥମ ପରାଜୟର ପ୍ରତିଶୋଧ ନେଇଥିଲା । ୨୦୧୫ ବିଶ୍ବକପରେ ମଧ୍ୟ ଭାରତ ୧୦୯ ରନରେ ବାଂଲାଦେଶକୁ ପରାସ୍ତ କରିଥିଲା । ବର୍ତ୍ତମାନ ସ୍ଥିତିରେ ଭାରତର ପଲ୍ଲା ଭାରି ରହିଥିବାବେଳେ ବାଂଲାଦେଶ ବିପର୍ଯ୍ୟୟ ସୃଷ୍ଟି କରିବାର ଦକ୍ଷତା ରଖିଛି । ତେଣୁ ଏହି ମ୍ୟାଚ ଉପରେ ସମସ୍ତଙ୍କର ନଜର ରହିଛି ।

ଆଜିଠାରୁ କଂଗ୍ରେସ ନେତା ରାହୁଲ ଗାନ୍ଧିଙ୍କ ବିଜୟଭେରୀ ଯାତ୍ରା

ନୂଆଦିଲ୍ଲୀ :  ବିଧାନସଭା ନିର୍ବାଚନକୁ ନେଇ ତେଲଙ୍ଗାନାରେ କଂଗ୍ରେସର ପ୍ରଚାର । ଆଜିଠାରୁ କଂଗ୍ରେସ ନେତା ରାହୁଲ ଗାନ୍ଧିଙ୍କ ବିଜୟଭେରୀ ଯାତ୍ରା । ହଜାର ହଜାର ସଂଖ୍ୟାରେ ସମର୍ଥକ କଂଗ୍ରେସ ନେତା ରାହୁଲ ଗାନ୍ଧିଙ୍କ ସହ ଏହି ଯାତ୍ରାରେ ସାମିଲ ହୋଇଛନ୍ତି। ପାନୁର ଗାଁରୁ ଆରମ୍ଭ ହୋଇଛି ଏହି ବିଜୟଭେରି ଯାତ୍ରା।୩ ଦିନ ଧରି ଚାଲିବ ରାହଲୁଙ୍କ ଏହି ବିଜୟଫେରି ଯାତ୍ରା ।

ଆଜି ଅପରାହ୍ନ ୪ଟାରେ ପେଦାପଲ୍ଲୀରେ ସାଧାରଣ ସଭାକୁ ସମ୍ବୋଧିତ କରିବେ କଂଗ୍ରେସ ନେତା ରାହୁଲ ଗାନ୍ଧି । ଏହାପରେ ପେଦାପଲ୍ଲୀରୁ କରିମନଗର ଯାଏଁ ବସଯାତ୍ରା କରିବେ । କରିମନଗର ହାଉସିଂ ବୋର୍ଡ ସର୍କଲରୁ ରାଜୀବ ଛକ ପର୍ଯ୍ୟନ୍ତ ପଦଯାତ୍ରା କରିବେ ରାହୁଲ । ଏହାପରେ ରାହୁଲଙ୍କ ରାଜୀବ ଛକରେ ସାଧାରଣ ସଭାକୁ ସମ୍ବୋଧନ କାର୍ଯ୍ୟକ୍ରମ ରହିଛି। ଆସନ୍ତା ନଭେମ୍ବର ୩୦ରେ ତେଲଙ୍ଗାନାରେ ବିଧାନସଭା ନିର୍ବାଚନ ଲାଗି ଭୋଟ ଗ୍ରହଣ ହେବ । ତେଲଙ୍ଗାନାରେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ ହେବ।

ଭାରତକୁ ହରାଇବାକୁ ବାଂଲାଦେଶକୁ ଦେଲେ ପାକ୍ ଅଭିନେତ୍ରୀ ଏମିତି ଅଫର

ନୂଆଦିଲ୍ଲୀ: କ୍ରିକେଟ ବିଶ୍ବକପରେ ଗତ ଶନିବାର ଖେଳାଯାଇଥିବା ମ୍ୟାଚରେ ଭାରତ ଠାରୁ ଶୋଚନୀୟ ଭାବେ ହାରିଛି ପାକିସ୍ତାନ ଟିମ୍‌  । ୭ ୱିକେଟରେ ପାକିସ୍ତାନୀ ଟିମ୍‌କୁ ପରାଜୟ କରିଛି ରୋହିତ ଶର୍ମାଙ୍କ ଟିମ୍‌  । ଏହି ବିଜୟକୁ ସହଜରେ ଗ୍ରହଣ କରିପାରୁ ନାହାନ୍ତି ପାକିସ୍ତାନର ନେତାଙ୍କ ଠୁ ନେଇ ଅଭିନେତା  । ଆଜି ପୁଣେରେ ହେବାକୁ ଥିବା ମ୍ୟାଚର ଠିକ୍‌ ପୂର୍ବରୁ ବାଂଲାଦେଶକୁ ବଡ ଅଫର୍‌ ଦେଇଛନ୍ତି ପାକିସ୍ତାନୀ ଅଭିନେତ୍ରୀ ।

ଭାରତକୁ ହରାଇବାକୁ ବାଂଲାଦେଶକୁ ଦେଲେ ପାକ୍ ଅଭିନେତ୍ରୀ ଏମିତି ଅଫରବାଂଲାଦେଶ ସହ ଭାରତର ମୁକାବିଲା ଅଛି  । ହେଲେ ମ୍ୟାଚରେ ବାଂଲାଦେଶର ବିଜୟ ହେଲେ ପାକିସ୍ତାନର ପରାଜୟ ବୋଝ ଟିକେ ହାଲୁକା ହେବ ବୋଲି କହିଛନ୍ତି ପାକିସ୍ତାନର ସୁନ୍ଦର ଅଭିନେତ୍ରୀ ସହର ଶିନୱାରୀ  । ସହର ଏକ୍ସ ଡଟ କମ୍‌ରେ ପୋଷ୍ଟ କରିଛନ୍ତି ଯେ ଇନସାଅଲ୍ଲହା ମୋ ବଙ୍ଗାଳୀ ବନ୍ଧୁ ଆଗାମୀ ମ୍ୟାଚରେ ଆମର ପ୍ରତିଶୋଧ ନିଶ୍ଚିତ ନେବେ  । ଯଦି ଆଜି ବାଂଲାଦେଶ ଟିମ ଭାରତୀୟ ଦଳକୁ ହରାଇବାରେ ସକ୍ଷମ ହେବେ ମୁଁ ଢାକା ଯିବି ଆଉ ବାଂଲାଦେଶ ଟିମ୍‌ ସହ ମାଛ ଡିନର କରିବି  ।

ସେପଟେ ପାକିସ୍ତାନକୁ ପୁଣିଥରେ ଭାରତ ସହ ମୁକାବିଲା କରିବା ପାଇଁ ସେମିଫାଇନାଲ ପର୍ଯ୍ୟନ୍ତ କ୍ବାଲିଫାଏ କରିବାକୁ ପଡିବ  । ଆଗାମୀ ମ୍ୟାଚ୍‌ରେ ପାକିସ୍ତାନର ମୁକାବିଲା ଅଷ୍ଟ୍ରେଲିଆ ସହ ହେବ  ।

 

ଟିଭି ବିରୋଧରେ ପୁଣି ତେଜିଲା ଦଳିତଙ୍କ ଆନ୍ଦୋଳନ ; ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଶହ ଶହ ଦଳିତ

ଭୁବନେଶ୍ୱର :  ଟିଭି ବିରୋଧରେ ପୁଣି ତେଜିଲା ଦଳିତଙ୍କ ଆନ୍ଦୋଳନ। ଜିଲ୍ଲାପାଳଙ୍କ ଦ୍ବାରସ୍ଥ ହେଲେ ଖୋର୍ଦ୍ଧା ଜିଲ୍ଲା ସାରୁଅ ପଞ୍ଚାୟତର ଶହ ଶହ ଦଳିତ। ବାରମ୍ବାର ପ୍ରତିଶ୍ରୁତି ଦେଇ ନିରାଶ କରୁଥିବାରୁ ପୁଣି ଓଟିଭି ବିରୋଧରେ ଆନ୍ଦୋଳନ ମୁଣ୍ଡ ଟେକିଛି। ଖୋର୍ଦ୍ଧା ଜିଲ୍ଲା ସାରୁଅ ପଞ୍ଚାୟତର ଦଳିତ ରାଜରାସ୍ତାକୁ ଓହ୍ଲାଇ ଓଟିଭି ବିରୋଧରେ ନାରାବାଜି କରିଛନ୍ତି। ୨୦୧୩ମସିହାରୁ ପ୍ରାୟ ୨୨ଏକର ଜମିକୁ ଓଟିଭିର ଅନ୍ୟ ଏକ ସଂସ୍ଥା ଓଡ଼ିଶା ଇନଫ୍ରା ଟେକ ପ୍ରାଇଭେଟ୍ ଲିମିଟେଡ ଶାଗ ମାଛ ଦରରେ ହଡ଼ପ କରି ନେଇଛି।

ପ୍ରତିଶ୍ରୁତି ମୁତାବକ ଜମିକୁ ପାଣି ନଛାଡ଼ିବାରୁ ଏବଂ ଚାକିରି ନଦେବାରୁ ଆନ୍ଦୋଳନକୁ ଓହ୍ଲାଇଛନ୍ତି ଦଳିତ। ଏନେଇ ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ପୁଣି ଫେରାଦ ହୋଇଛନ୍ତି। ଜମିକୁ ରବୀନ୍ଦ୍ର ସେଠୀ ନାମକ ବ୍ୟକ୍ତିଙ୍କ ନାଁରେ ପ୍ରଥମେ କିଣି ପରେ ଚଞ୍ଚକତା କରି ଓଡ଼ିଶା ଇନଫ୍ରାଟେକ ପ୍ରାଇଭେଟ ଲିମିଟେଡ ନାଁରେ କରାଇ ନେଇଛି । ଓଡ଼ିଶା ଇନଫ୍ରାଟେକ ପ୍ରାଇଭେଟ ଲିମିଟେଡ୍ ଓଟିଭି ନେଟୱର୍କର ଆଉ ଏକ ସଂସ୍ଥା ।

ପୂର୍ବତନ ସାଂସଦ ବୈଜୟନ୍ତ ପଣ୍ଡା ଏବଂ ଓଟିଭି ଏମଡି ତଥା ବୈଜୟନ୍ତଙ୍କ ପତ୍ନୀ ଜାଗି ମଙ୍ଗତ ପଣ୍ଡା ଏହାର ମାଲିକ। ବିଭିନ୍ନ ସମୟରେ କିଛି ଲୋକଙ୍କୁ ପ୍ରଲୋଭିତ କରି, ଅନ୍ଧାରରେ ରଖି ଓ ଚାକିରି ଦେବାକୁ କହି ସେମାନଙ୍କ ଜରିଆରେ ଜମି ହଡ଼ପ କରିନେଇଛନ୍ତି । ଏଭଳି ଚଞ୍ଚକତା ସମ୍ପର୍କରେ ୨୦୨୦ ମସିହାରେ ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ଫେରାଦ ହେଇଥିଲେ କ୍ଷତିଗ୍ରସ୍ତ ଦଳିତ। ଏହାପରେ ଜିଲ୍ଲାପାଳ ଖୋର୍ଦ୍ଧା ଏଡିଏମଙ୍କୁ ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲେ। ତଦନ୍ତ ପରେ ଏଡିଏମ ଦେଇଥିବା ରିପୋର୍ଟର ଗୁରୁତ୍ୱ ଉପଲବ୍ଧି କରି ଏହାର ତଦନ୍ତ ଭାର କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖାକୁ ଦିଆଯାଇଥିଲା।

ଇଓଡବ୍ଲୁର ତଦନ୍ତ ବେଳେ ଓଡ଼ିଶା ଇନଫ୍ରାଟେକ ପ୍ରାଇଭେଟ ଲିମିଟେଡର ଅନେକ କର୍ମଚାରୀଙ୍କୁ ଜେରା କରାଯାଇଥିଲା। ପରେ ନିର୍ଦ୍ଦେଶକ ମନୋରଞ୍ଜନ ଷଡ଼ଙ୍ଗୀ ଓ ଏଜେଣ୍ଟ ଶିବ ପ୍ରସାଦ ଶ୍ରୀଚନ୍ଦନଙ୍କୁ ଗିରଫ କରାଯାଇଥିଲା। ଜମି ହରାଇ ଦଳିତ ଏବେ ନିଃସ୍ବ। ଦୀର୍ଘ ଦିନ ହେଲା ଅଭିଯୋଗ ପରେ ବି ଜମି ଫେରସ୍ତ ପାଇନାହାନ୍ତି । ବିଧିବଦ୍ଧ ଭାବେ ଜମି ଫେରସ୍ତ ନହେଲେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ସାରୁଅ ବାସିନ୍ଦା।

କେନ୍ଦୁଝର ପେଟ୍ରୋଲ ପମ୍ପରୁ ବଡ଼ଧରଣର ଲୁଟ୍ , ଗୁଳିମାଡ଼ କରି ଲୁଟିନେଲେ ୫ ଲକ୍ଷ ଟଙ୍କା

କେନ୍ଦୁଝର :  କେନ୍ଦୁଝରର ଫୁଲଝର ପେଟ୍ରୋଲ ପମ୍ପରୁ ଲୁଟ୍ । ୫ ରାଉଣ୍ଡ ଗୁଳି ଫୁଟାଇ ଭୟଭୀତ କରି ଲୁଟି ନେଇଛନ୍ତି ୫ ଲକ୍ଷ ଟଙ୍କା । ନୟାକୋଟ ଥାନା ଫୁଲଝର ପେଟ୍ରୋଲ ପମ୍ପରେ ହୋଇଛି ଏହି ବଡଧରଣର ଡକାୟତି । ପେଟ୍ରୋଲ୍ ପମ୍ପରେ ଥିବା ଲକରରୁ ଟଙ୍କା ନେଇଯିବା ସହ ପେଟ୍ରୋଲ ପମ୍ପରେ ଲାଗିଥିବା ସିସିଟିଭି ମଧ୍ୟ ଲୁଟି ନେଇଛନ୍ତି ଦୁର୍ବୃତ୍ତ। ଘଟଣାସ୍ଥଳରେ ପୋଲିସ ଓ ଫୋରେନସିକ ଟିମ ପହଞ୍ଚି ଛାନଭିନ୍ ଆରମ୍ଭ କରିଛି । ଗତକାଲି ରାତିରେ ଘଟିଛି ଏ ଲୁଟ୍ । ସଦର SDPO ଓ ଫୋରେନସିକ୍ ଏକ୍ସପର୍ଟ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।

ଗିରଫ ହେଲେ ସମଗ୍ର ଶିକ୍ଷା ଅଭିଯାନ କନିଷ୍ଠ ଯନ୍ତ୍ରୀ ପ୍ରସନ୍ନ ପାଣି ; ଘରୁ ମିଳିଥିଲା ପୁଳାପୁଳା ଟଙ୍କା

ଅନୁଗୁଳ :  ସମଗ୍ର ଶିକ୍ଷା ଅଭିଯାନ କନିଷ୍ଠ ଯନ୍ତ୍ରୀଙ୍କ ପୁଳା ପୁଳା ଟଙ୍କା । ଯେତେ ଖୋଜିଲେ ସେତେ ବାହାରୁଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସମଗ୍ର ଶିକ୍ଷା ଅଭିଯାନ କନିଷ୍ଠ ଯନ୍ତ୍ରୀଙ୍କ ଘରେ ରେଡ୍ କରିଛି ଭିଜିଲାନ୍ସ । ଅନୁଗୁଳ ପାଲଲହଡ଼ାରେ କାର୍ଯ୍ୟରତ ଅଛନ୍ତି ଜେଇ ପ୍ରସନ୍ନ ପାଣି । ଆୟ ବିହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ୯ଟି ସ୍ଥାନରେ ଚଢ଼ାଉ ଚାଲିଛି ।

ଚଢ଼ାଉ ବେଳେ ୫ଟି କୋଠା ଥିବା ଜଣାପଡିଛି । ସେଥିରୁ ୩ଟି ବହୁତଳ କୋଠା ରହିଛି । ତାଙ୍କ ଓ ତାଙ୍କ ପରିବାର ନାଁରେ କଟକ, ଭୁବନେଶ୍ବର, ପିପିଲି, ନିମାପଡ଼ା, ଜଙ୍କିଆ ଓ ଜଟଣୀରେ ୧୭ଟି ପ୍ଲଟ ରହିଥିବା ଜଣାପଡିଛି । ରେଡ୍ ବେଳେ ନଗଦ ୩ ଲକ୍ଷ ୨୧ ହଜାର ଟଙ୍କା ଜବତ ହୋଇଛି । ସେହିପରି ୫୧ ଲକ୍ଷ ଟଙ୍କାର ବ୍ୟାଙ୍କ ଜମା ଓ ବୀମା ରହିଛି । ଗୋଟି ୪ ଚକିଆ କାର ଓ ୩ଟି ମୋଟର ସାଇକେଲ ଜବତ ହୋଇଛି ।

ସୁନ୍ଦରପଦା ଏବରଙ୍ଗରେ ପ୍ଲଟ ନମ୍ବର ୩୬୬ ଓ ୩୬୭ରେ ଚଢ଼ାଉ କରିଥିଲା ଭିଜିଲାନ୍ସ । ସୁନ୍ଦରପଦା ପ୍ରେଣ୍ଡସ୍ କ୍ଲବ ନିକଟରେ ଥିବା ୩ ମହଲା ଘର, ହାଇଟେକ ପ୍ଲାଜା ଆପାର୍ଟମେଣ୍ଟରେ ଫ୍ଲାଟ, ନିମାପଡ଼ାରେ ଗୋଟିଏ ୩ ମହଲା କୋଠା ରହିଛି । ଅଧିକ ଚଢ଼ାଉ ଜାରି ରହିଥିବା ବେଳେ, କୋଠା ଓ ପ୍ଲଟର ମୂଲ୍ୟ ଆକଳନ କରୁଛି ଭିଜିଲାନ୍ସର ଟେକ୍ନିକାଲ ଟିମ୍ ।

ଦଶହରା ପାଇଁ କଡ଼ା ସୁରକ୍ଷା : ରାଜଧାନୀ ଜଗିବେ ୩୧ ପ୍ଲାଟୁନ ଫୋର୍ସ

ଭୁବନେଶ୍ୱର : ଦଶହରା ପୂଜା ପାଇଁ ରାଜଧାନୀରେ କଡା ସୁରକ୍ଷା । ସୁରକ୍ଷା ଦାୟିତ୍ବରେ ରହିବେ ୩୧ ପ୍ଲାଟୁନ ଫୋର୍ସ । ରାଜଧାନୀର ୧୮୮ ଟି ସ୍ଥାନରେ ହେବ ଦୁର୍ଗାପୂଜା । ୨୦ ରୁ ୨୫ ଅକ୍ଟୋବର ଯାଏଁ ପୋଲିସ ଛାଉଣୀରେ ରହିବ ରାଜଧାନୀ । ଟ୍ରାଫିକ କଟକଣା ସହ ବ୍ଲକିଂ ଓ ଚେକିଂ ହେବ କଡାକଡି  । ଭାରିଯାନ ଚଳାଚଳରେ ରହିବ ପ୍ରତିବନ୍ଧକ ଏବଂ ୩ଟି କ୍ୟାଟାଗୋରୀରେ ପୂଜା ମଣ୍ଡପକୁ ଦିଆଯିବ ସୁରକ୍ଷା । ବିଭିନ୍ନ ବିଭାଗ ସହ କମିଶନରେଟ ପୋଲିସର ଜଏଣ୍ଟ ଇନ୍ସପେକ୍ସନ ସରିଛି ।

୬ଟି ଜାଗାରେ କଣ୍ଟ୍ରୋଲ ରୁମ କରିଛି କମିଶନରେଟ ପୋଲିସ । ବଟି ଓ ଚାନ୍ଦା ମାଗିଲେ ଟୋଲ ଫ୍ରି ନମ୍ବର ଜାରି କରାଯାଇଛି । ପୁରା ସୁରକ୍ଷା ବ୍ୟବସ୍ଥାକୁ ୨୪ ଘଣ୍ଟିଆ ଅନୁଧ୍ୟାନ କରିବେ ଭୁବନେଶ୍ୱର ଡିସିପି । ୧୨ ଜଣ ଅତିରିକ୍ତ ଡିସିପି, ୨୩ ଜଣ ଏସିପି, ୪୧ ଜଣ ଇନ୍ସପେକ୍ଟର ସହରରେ ନିୟୋଜିତ ହେବେ । ୧୫୧ ଜଣ ଏଏସଆଇ, ୧୧୯ ଜଣ ଟ୍ରାଫିକ କନଷ୍ଟେବଳ, ୭୦ ଜଣ ଏପିଆର କନଷ୍ଟେବଳ ଓ ୨୦୭ ଜଣ ଓଏପିଏଫ କନଷ୍ଟେବଳ ନିୟୋଜିତ ହେବେ । ସିସିଟିଭି ନଜରରେ ରହିବ ସହର ର ଛକ ଓ ଗଳିକନ୍ଦି । ପୂଜା ଦେଖିବାକୁ ଗଲାବେଳେ ନିଜ ଘରର ସୁରକ୍ଷା ନେଇ ସଚେତନ ରହିବାକୁ ନିବେଦନ କଲେ ପୋଲିସ କମିଶନର ।

ଆନ୍ଦୋଳନରୁ ଓହରିଲା ରାଜଧାନୀ କଞ୍ଚା ପରିବା ମହାଜନ ସଂଘ, ଲକ୍ଷ୍ମୀ ପୂଜା ପର୍ଯ୍ୟନ୍ତ ଆନ୍ଦୋଳନ ସ୍ଥଗିତ

ଭୁବନେଶ୍ୱର :  ଆନ୍ଦୋଳନରୁ ଓହରିଲା ରାଜଧାନୀ କଞ୍ଚା ପରିବା ମହାଜନ ସଂଘ । ଲକ୍ଷ୍ମୀ ପୂଜା ପଯ୍ୟନ୍ତ ଆନ୍ଦୋଳନକୁ ସ୍ଥଗିତ ରଖିଲା ସଂଘ । ମହାସଂଘର ଆନ୍ଦୋଳନ ଡାକରା ପରେ ଗତ କାଲି ବିଧାୟକ ଅନନ୍ତ ନାରାୟଣ ଜେନାଙ୍କ ଅଧ୍ୟକ୍ଷତାରେ ଏକ ବୈଠକ ବସିଥିଲା । ବୈଠକରେ ବିଏମ୍‌ସି ଡେପୁଟି କମିସନର୍ କମିସନରେଟ୍ ପୋଲିସର ଜୋନ-1 ଏସିପି, ଆଇଆଇସି ଓ ଜେଡିସି ପ୍ରମୁଖ ଉପସ୍ଥିତ ଥିଲେ। ମହାସଂଘର ଦାବିଗୁଡିକ ସମ୍ପର୍କରେ ବୈଠକରେ ଆଲୋଚନା ହୋଇଥିଲା।

ସେପଟେ ଦାବି ପୂରଣ କରିବାକୁ ପ୍ରଶାସନ ପକ୍ଷରୁ ସମୟ ମଗାଯାଇଛି। ସେହିପରି ପାର୍ବଣ ଚାଲିଥିବାରୁ ହଠାତ ପରିବାର ବ୍ୟବସାୟ ବନ୍ଦ କଲେ ଜନସାଧାଣ ଲୋକ ଅସୁବିଧାର ସମ୍ମୁଖୀନ ହେବ ବୋଲି ସଙ୍ଘ ପକ୍ଷରୁ ସୂଚନା ଦିଆଯାଇଛି । ୭ଦଫା ଦାବି ଉପରେ ଆଲୋଚନା ହୋଇଛି । ୨୦ ତାରିଖରୁ ବନ୍ଦ ଡାକରା ଦେଇଥିଲା ସଙ୍ଘ । ଆନ୍ଦୋଳନ ସ୍ଥଗିତ ନେଇ ରାଜଧାନୀ କଞ୍ଚା ପନି ପରିବା ମହାଜନ ସଙ୍ଘ ସମ୍ପାଦକ କବିରାଜ ସ୍ଵାଇଁ ସୂଚନା ଦେଇଛନ୍ତି ।