spot_img
Home Blog Page 3017

ଉପକୃତ ହେବେ ଚାଷୀ, କୃଷି ମେଳା କାର୍ଯ୍ୟକ୍ରମରେ କରାଯିବ ସଚେତନ

ଭୁବନେଶ୍ବର: ଏ ବର୍ଷ ୫୮ଟି ସବଡ଼ିଭିଜନରେ କୃଷି ମେଳା ଅନୁଷ୍ଠିତ ହେବ । କୃଷକଙ୍କ ଚାଷ ଖର୍ଚ୍ଚ କେମିତି କମିବ ସେ ଦିଗରେ ରାଜ୍ୟ ସରକାର ପ୍ରୟାସ କରିଛନ୍ତି । ଚାଷରେ ଖର୍ଚ୍ଚ କମ ହେଲେ ଚାଷୀଙ୍କୁ ଲାଭ ହେବ । ୫ଟି ଇନିସିଏଟିଭ ମାଧ୍ୟମରେ ଏ ସବୁ କାର୍ଯ୍ୟକ୍ରମ କରାଯାଇଛି।

ଗତବର୍ଷ ୯୦୦ କୋଟି ଟଙ୍କାର କୃଷି ଯନ୍ତ୍ରପାତି ବିକ୍ରି ହୋଇଛି । ଏ ବର୍ଷ ଅଧିକ ବିକ୍ରି କରିବାକୁ ଯୋଜନା କରାଯାଇଛି । କୃଷି ଯନ୍ତ୍ରପାତି ବିକ୍ରୀରେ କୌଣସି ଦୁର୍ନୀତି ହୋଇ ନାହିଁ । ଏ ନେଇ ଅଭିଯୋଗ ଆସିଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ କହିଛନ୍ତି ।

ଜନସଂଖ୍ୟା ବୃଦ୍ଧିକୁ ତାଳଦେଇ ଖାଦ୍ୟଶସ୍ୟ ଓ କୃଷିଜାତ ଦ୍ରବ୍ୟ ଉକ୍ସଊାଦନ ବୃଦ୍ଧିର ଆବଶ୍ୟକତା ରହିଛି । କୃଷି କ୍ଷେତ୍ରରେ ବୈଷୟିକ ଜ୍ଞାନର ଉପଯୋଗ ଓ କ୍ଷୟଶୀଳ ପ୍ରାକୃତିକ ସଂପଦ ଏବଂ ଉକ୍ସଊାଦନ ଖର୍ଚ୍ଚ ହ୍ରାସ ଆଦି ସମସ୍ୟାର ସମାଧାନ ଦିଗରେ କୃଷି ଯାନ୍ତ୍ରିକୀକରଣ ଏକ ପ୍ରମୁଖ ବିକଳ୍ପ । ତେଣୁ କୃଷି କ୍ଷେତ୍ରରେ ଅଧିକରୁ ଅଧିକ କୃଷି ଯନ୍ତ୍ରପାତିର

ବ୍ୟବହାରକୁ ରାଜ୍ୟ ସରକାର ପ୍ରାଧାନ୍ୟ ଦେଇ ଆସୁଛନ୍ତି । ରାଜ୍ୟ ସରକାର କୃଷକମାନଙ୍କୁ ଉନ୍ନତ କୃଷି ଯନ୍ତ୍ରପାତି ଓ ଉପକରଣ ଯୋଗାଣ ପାଇଁ ଆକର୍ଷଣୀୟ ରିହାତି ତଥା ସୁବିଧାରେ ଋଣ ଯୋଗାଇ ଦେଉଛନ୍ତି ବୋଲି କୃଷି ଓ କୃଷକ ସଶକ୍ତିକରଣ, ମତ୍ସ୍ୟ ଓ ପ୍ରାଣୀସଂପଦ ବିକାଶ ମନ୍ତ୍ରୀ  ରଣେନ୍ଦ୍ର ପ୍ରତାପ ସ୍ୱାଇଁ କହିଛନ୍ତି ।

 

କୃଷି ଭବନଠାରେ ଚଳିତ ବର୍ଷର କୃଷି ଯନ୍ତ୍ରପାତି ମେଳା ଆୟୋଜନ ସଂପର୍କରେ ରାଜ୍ୟ ଓ ରାଜ୍ୟ ବାହାରର କୃଷି ଯନ୍ତ୍ରପାତି ନିର୍ମାତା ଓ ବିକ୍ରେତାମାନଙ୍କ ବୈଠକରେ ଅଧ୍ୟକ୍ଷତା କରି ମନ୍ତ୍ରୀ କହିଲେ ଯେ କୃଷି ଯନ୍ତ୍ରପାତି ଓ ଉପକରଣ ବ୍ୟବହାରକୁ ପ୍ରୋତ୍ସାହତି  କରିବା ନିମନ୍ତେ ରାଜ୍ୟ ସରକାର ପ୍ରଦାନ କରୁଥିବା ରିହାତି ବ୍ୟବସ୍ଥାକୁ ଅଧିକ ସରଳୀକରଣ ଓ ବ୍ୟବସ୍ଥିତ କରାଯିବ ଏବଂ ରିହାତି ପ୍ରଦାନରେ ଅନିୟମିତତା ଓ ଅହେତୁକ ବିଳମ୍ବ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ୨୦୨୩-୨୪ ବର୍ଷରେ ରାଜ୍ୟରେ ୭୦ ହଜାରଟି କୃଷି ଯନ୍ତ୍ରପାତି ଓ ଉପକରଣ ଯୋଗାଣ ପାଇଁ ବିଭାଗ ପକ୍ଷରୁ ୪୫୦ କୋଟି ଟଙ୍କାର ସରକାରୀ ରିହାତି ପ୍ରଦାନର ଲକ୍ଷ୍ୟ ଧାର୍ଯ୍ୟ କରାଯାଇଛି ।

 

ଅଦ୍ୟାବଧି ୨୪,୬୯୩ ଗୋଟି ଯନ୍ତ୍ରପାତିର ରିହାତି ବାବଦକୁ ହିତାଧିକାରୀଙ୍କୁ ୧୫୧.୨୦୧ କୋଟି ଟଙ୍କା ପ୍ରଦାନ କରାଯାଇଛି ବୋଲି ମନ୍ତ୍ରୀ କହିଛନ୍ତି । ବିଭିନ୍ନ ବ୍ୟାଙ୍କ ଓ ଋଣ ପ୍ରଦାନକାରୀ ସଂସ୍ଥାରୁ ସହଜରେ କୃଷି ଋଣ କରି ଯନ୍ତ୍ରପାତି କ୍ରୟ ନିମନ୍ତେ ଚାଷୀମାନଙ୍କ ପାଇଁ ‘ସଫଳ’ (ସିମ୍ପ୍ଲିଫାଏଡ୍‌ ଆପ୍ଲିକେସନ୍‌ ଫର ଏଗ୍ରିକଲଚରାଲ୍‌ ଲୋନ୍‌ସ) ଆପ୍‌ ପ୍ରଚଳନ କରାଯାଇଛି । ଅନୁମୋଦିତ କୃଷି ଯନ୍ତ୍ରପାତି ନିମନ୍ତେ ସରକାର ବର୍ଗାନୁକ୍ରମେ ଶତକଡ଼ା ୪୦ରୁ ୬୦ ଭାଗ ରିହାତି ଓ ମହିଳା ସ୍ୱୟଂ ସହାୟକ ଗୋଷ୍ଠୀମାନଙ୍କ ନିମନ୍ତେ ଶତକଡ଼ା ୭୫ ଭାଗ ରିହାତି ପ୍ରଦାନ କରାଯାଉଛି । ପ୍ରାପ୍ୟ ରିହାତି ଡିବିଟି ମାଧ୍ୟମରେ ପ୍ରଦାନ କରାଯାଉଛି । କୃଷି କ୍ଷେତ୍ରରେ ମହିଳାମାନଙ୍କର ଭାଗୀଦାରିତାକୁ ଲକ୍ଷ୍ୟ ରଖି କୃଷିଜୀବୀ ମହିଳା ଉପଯୋଗୀ କୃଷି ଯନ୍ତ୍ରପାତି ଉଦ୍ଭାବନ ଓ ବ୍ୟବହାର ଉପରେ ମନ୍ତ୍ରୀ ଶ୍ରୀ ସ୍ୱାଇଁ ଗୁରୁତ୍ୱାରୋପ କରିଥିଲେ । ଏଥି ସହିତ କ୍ଷୁଦ୍ର ଓ ନାମମାତ୍ର ଚାଷୀ ଯେପରି କୃଷି ଯନ୍ତ୍ରପାତି ସହଜରେ ବ୍ୟବହାର କରିପାରିବେ ସେଥି ନିମନ୍ତେ ସେମାନଙ୍କ ବ୍ୟବହାର ଉପଯୋଗୀ କୃଷି ଯନ୍ତ୍ରପାତି ଓ ଉପକରଣ ଉପରେ ପ୍ରାଧାନ୍ୟ ଦେବାକୁ ମନ୍ତ୍ରୀ କହିଥିଲେ ।

 

କୃଷି ଯାନ୍ତ୍ରିକୀକରଣ ଫଳରେ ଓଡ଼ିଶାରେ କୃଷି କ୍ଷେତ୍ରରେ ୨୦୦୦-୦୧ ମସିହାରେ ବିଦ୍ୟୁତ ଶକ୍ତି ବ୍ୟବହାର ହେକଟର ପିଛା ୦.୬୨ କିଲୋୱାଟ୍‌ରୁ ବଦ୍ଧୃି ପାଇ ୨୦୨୧-୨୨ ବର୍ଷରେ ୨.୨୩ କିଲୋୱାଟ୍‌ରେ ପହଞ୍ଚିଛି । ଏହା ଦ୍ୱାରା କୃଷି ଉଦ୍ୟାନରେ ଉଲ୍ଲେଖନୀୟ ବୃଦ୍ଧି ହେବା ସହିତ ଜଳବାୟୁ ପରିବର୍ତ୍ତନରେ ଚାଷ କାମ ସମତାଳ ଓ ସମୟାନୁସାରେ ହୋଇପାରୁଛି । ବିଗତ ବର୍ଷ ରାଜ୍ୟର ସମସ୍ତ ୩୦ଟି ଜିଲ୍ଲାରେ ଜିଲ୍ଲାସ୍ତରୀୟ କୃଷି ଯନ୍ତ୍ରପାତି ମେଳା ସଫଳତାର ସହ ଆୟୋଜନ କରାଯାଇଥିବା ପରିପ୍ରେକ୍ଷୀରେ ଚଳିତ ବର୍ଷ କୃଷି ଯନ୍ତ୍ରପାତି ମେଳାକୁ ଉପଖଣ୍ଡ ସ୍ତରରେ ମଧ୍ୟ ଆୟୋଜନ କରାଯିବ ଏବଂ ଏହା ଅକେଫାବରରୁ ଡିସେମ୍ବର ମଧ୍ୟରେ ଆୟୋଜନ କରାଯିବ । ମେଳା ସମୟରେ ଚାଷୀମାନଙ୍କ ଅବଗତି ନିମନ୍ତେ ପ୍ରଦର୍ଶିତ କୃଷି ଯନ୍ତ୍ରପାତି ଓ ଉପକରଣର ଦାମ ଓ ଏଥିରେ ମିଳୁଥିବା ରିହାତି ପରିମାଣ ସ୍ପଷ୍ଟ ଭାବରେ ଉଲ୍ଲେଖ କରିବା ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

 

ବୈଠକ ପ୍ରାରମ୍ଭରେ କୃଷି ଓ ଖାଦ୍ୟ ଉତ୍ପାଦନ ନିର୍ଦ୍ଦେଶକ ପ୍ରେମଚନ୍ଦ୍ର ଚୌଧୁରୀ କହିଛନ୍ତି ଯେ ବିଗତ ପାଞ୍ଚବର୍ଷରେ ୨୦୧୯-୨୦ରୁ ୨୦୨୨-୨୩ ପର୍ଯ୍ୟନ୍ତ ମୋଟ ୧,୭୦,୨୯୬ ଗୋଟି କୃଷି ଯନ୍ତ୍ରପାତି ଓ ଉପକରଣ ନିମନ୍ତେ ୧୦୦୫.୮୩୧ କୋଟି ଟଙ୍କାର ସହାୟତା ରାଶି ଯୋଗାଇ ଦିଆଯାଇଛି । ଏଥି ମଧ୍ୟରେ ଟ୍ରାକଫର, ପାୱାର ଟିଲର, କମ୍ବାଇନ୍‌ ହାର୍ଭେଷ୍ଟର, ଧାନକଟା ଯନ୍ତ୍ର, ରୋଟାଭେଟର, ଧାନରୁଆ ଯନ୍ତ୍ର, ବହୁବିଧ ଶସ୍ୟ ଅମଳ ଯନ୍ତ୍ର, ଶକ୍ତିଚାଳିତ ଘାସବଛା ଯନ୍ତ୍ର ଓ କ୍ଷୁଦ୍ର ଧାନକଳ ଆଦି ଅନ୍ତର୍ଭୁକ୍ତ ।ବୈଠକରେ ବିଭାଗର ମୁଖ୍ୟଯନ୍ତ୍ରୀଙ୍କ ସମେତ ବରିଷ୍ଠ ଅଧିକାରୀ ଓ ଶତାଧିକ ଯନ୍ତ୍ରପାତି ନିର୍ମାତା ଓ ବିକ୍ରେତା ଯୋଗଦେଇଥିଲେ ।

ମୁଖ୍ୟମନ୍ତ୍ରୀଙ୍କ ନେତୃତ୍ବରେ ସ୍ବାସ୍ଥ୍ୟସେବା ଭିତ୍ତିଭୂମି ସୁଦୃଢ଼, ୬ ବର୍ଷରେ ୮ ନୂଆ ମେଡିକାଲ କଲେଜ୍

ଭୁବନେଶ୍ବର: ରାଜ୍ୟରେ ନିର୍ମାଣ ହେବ ୨୦ଟି ସୁପରସ୍ପେଶିଆଲିଟି ହସ୍ପିଟାଲ୍। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ରାଜ୍ୟରେ ସୁଦୃଢ ହୋଇଛି ସ୍ବାସ୍ଥ୍ୟସେବା ଭିତ୍ତିଭୂମି। ଏଥିସହ ମୁଖ୍ୟମନ୍ତ୍ରୀଙ୍କ “ପ୍ରତିଟି ଜୀବନ ମୂଲ୍ୟବାନ” ମନ୍ତ୍ରକୁ ସାକାର ହେଉଛି। ୬ବର୍ଷ ମଧ୍ଯରେ ୮ଟି ନୂଆ ମେଡିକାଲ କଲେଜ୍ ହୋଇଛି।

୯୬.୫ ଲକ୍ଷ ପରିବାରକୁ ମାଗଣା ଚିକିତ୍ସା ସେବା ଯୋଗାଇ ଦିଆଯାଉଛି। ୭ଶହ ହସ୍ପିଟାଲରେ ମାଗଣା ଚିକିତ୍ସା ବ୍ୟବସ୍ଥା ରହିଛି। ୯୮ ପ୍ରତିଶତ ହିତାଧିକାରୀଙ୍କ ମତାମତ ସନ୍ତୋଷଜନକ ରହିଛି। ୨୦୦୦ମସିହାରେ ଲୋକଙ୍କ ପାଖରେ ବଥ ଅପରେସନ୍ ପାଇଁ ପଇସା ନଥିଲା, ଏବେ ଆପୋଲୋରେ ମାଗଣାରେ ବାଇପାସ ସର୍ଜରୀ କରାଯାଉଛି। କେବଳ ସ୍ବାସ୍ଥ୍ୟ ନୁହେଁ ଗତ ୨୩ ବର୍ଷରେ ବିଭିନ୍ନ କ୍ଷେତ୍ରରେ ରାଜ୍ୟରେ ବିକାଶ ହୋଇଛି।

ସେହିପରି ୨୦୦୦ ମସିହାରେ ରାଜ୍ୟରେ ୩ଟି ୟୁନିଭର୍ସିଟି ଥିବା ବେଳେ ଏବେ ଏହି ସଂଖ୍ୟା ୩୫ରେ ପହଞ୍ଚିଛି। ସେତେବେଳେ ୯ ଭାଗ ଜଳସେଚିତ ଜମି ଥିବା ବେଳେ ଏବେ ୬୦ ଭାଗ ଜମିକୁ ଜଳସେଚନ କରାଯାଉଛି। ୨୦୦୦ ମସିହାରେ ଶିଳ୍ପ କହିଲେ ନାଲକୋ, ସେଲ୍ ଥିଲା ଏବେ କଳିଙ୍ଗନଗର, ଝାରସୁଗୁଡ଼ା, ଅନୁଗୁଳ, ପାରାଦୀପ, ଖୋର୍ଦ୍ଧା ଇଣ୍ଡଷ୍ଟ୍ରିଆଲ୍ କରିଡର ପାଲଟିଛି। ସେହିପରି ଏବେ ବିପର୍ଯ୍ୟୟ ପ୍ରଶମନରେ ଭାରତ ଏକ ନମ୍ବର ହୋଇଛି। ୨୦୦୦ ମସିହାରେ ରାଜ୍ୟ ଧାନ ମାଗୁଥିବା ବେଳେ ଏବେ ଭାରତରେ ତୃତୀୟ ଧାନ ଉତ୍ପାଦନକାରୀ ରାଜ୍ୟ ପାଲଟିଛି। ସେତେବେଳେ ଦୁଇଟି ଜଳଜ ବିଦ୍ୟୁତ କେନ୍ଦ୍ର ଥିବା ବେଳେ ଏବେ ୪୦ଟି ତାପଜ ବିଦ୍ୟୁତ କାରଖାନା ହୋଇଛି।

୨୦୦୦ ମସିହାରେ ୩ ହଜାର କୋଟିର ବଜେଟ୍ ଥିବା ବେଳେ ଏବେ ଅଢ଼େଇ ଲକ୍ଷ କୋଟିର ବଜେଟ୍ ହୋଇଛି । ସେହିପରି ୭୨୦ କିଲୋମିଟରର ରାଜ୍ୟ ରାଜପଥ ଏବେ ୨୩ହଜାର ୨ କିଲୋମିଟରରେ ପହଞ୍ଚିଛି।

ସୁନାରୂପା ପାତ୍ରରେ ଖାଇବେ ବିଦେଶୀ ଅତିଥି, ଅଧିକାଂଶ ହୋଟେଲରେ ସାଇବର ସ୍କ୍ବାର୍ଡ ମୁତୟନ

ନୂଆଦିଲ୍ଲୀ: ଜି ୨୦ ସମ୍ମିଳନୀ ଲାଗି ଅଭେଦ୍ୟ ଦୁର୍ଗ ପାଲଟିଲାଣି ଦିଲ୍ଲୀ । ବିଶେଷ କରି ସାଇବର ନିରାପତ୍ତା ଉପରେ ରଖାଯାଇଛି ସତର୍କ ନଜର । ବିଶେଷ କରି ଚୀନ-ପାକିସ୍ତାନ ସାଇବର ଅପରାଧୀଙ୍କ ଉପରେ ରଖାଯାଇଛି ନଜର । ଭାରତକୁ ବିଶ୍ବସ୍ତରରେ ନିନ୍ଦିତ କରିବା ଲାଗି ଏହି ଦୁଇ ରାଷ୍ଟ୍ର ସର୍ବଦା ଚେଷ୍ଟିତ ଥିବାରୁ ଗ୍ରୁପ 20 ସମ୍ମିଳନୀ ଲାଗି କଡା ପଦକ୍ଷେପ ନିଆଯାଇଛି ।

ସମ୍ମିଳନୀ ହେଉଥିବା ଅଞ୍ଚଳରେ ସାଇବର ନିରାପତ୍ତା ଦାୟିତ୍ବ କମ୍ପ୍ଯୁଟର ଏମର୍ଜେନସି ରେସପନସ ଟିମକୁ ନ୍ଯସ୍ତ କରାଯାଇଥିବାବେଳେ ଦିଲ୍ଲୀର ଅବଶିଷ୍ଟ ଭାଗରେ ଦିଲ୍ଲୀ ପୋଲିସ ସାଇବର ସିକ୍ଯୁରିଟି ସେଲ୍ ହାତରେ ନିରାପତ୍ତା ଭାର ଅର୍ପଣ କରାଯାଇଛି । ଭିଭିଆଇପି ରହୁଥିବା ୨୮ଟି ହୋଟେଲରେ ହାଇଆଲର୍ଟ ଜାରି କରାଯାଇଛି । ଆମେରିକା ରାଷ୍ଟ୍ରପତି ଜୋ ବାଇଡେନ ରହିବାକୁ ଥିବା ଆଇଟିସି ମୋର୍ଯ୍ୟ ଶେରାଟନରେ ସାଇବର ସ୍କ୍ବାଡ ମୁତୟନ ହୋଇଛନ୍ତି ।

ଦ ଲଳିତ, ସାଙ୍ଗ୍ରିଲା, କ୍ଲାରିଜସ, ଇରୋସ ହୋଟେଲ, ରାଡିସନ ବ୍ଲୁ, ତାଜ ହୋଟେଲ, ପ୍ରାଇଡ ପ୍ଲାଜା, ଭିଭାନ୍ତ, ହୋଟେଲ ଗ୍ରାଣ୍ଡ ଆଦିରେ କଡା ସୁରକ୍ଷା ବ୍ଯବସ୍ଥା ଗ୍ରହଣ କରାଯାଇଛି । ସବୁଠାରେ ଶୂନ୍ଯସହନଶୀଳ ନୀତି କାର୍ଯ୍ୟକାରୀ କରାଯାଇଛି । ଆସନ୍ତାକାଲି ଆମେରିକା ରାଷ୍ଟ୍ରପତି ଜୋ ବାଇଡେନ, ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଓ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୁ ପହଞ୍ଚିବେ ବୋଲି ସୂଚନା ମିଳିଛି ।

ସମ୍ମିଳନୀ ଲାଗି ଦିଲ୍ଲୀରେ ପହଞ୍ଚିବାରେ ଲାଗିଛନ୍ତି ବିଭିନ୍ନ ଦେଶର ନେତା । ଆଜି ରାତି ୯ରୁ ରବିବାର ଯାଏ ଦିଲ୍ଲୀ ସୀମାରେ ଭାରୀ, ହାଲୁକା ଯାନ ପ୍ରବେଶ ଉପରେ କଟକଣା ଲାଗୁ ହୋଇଛି । ଆସନ୍ତାକାଲି ଠାରୁ ରବିବାର ଯାଏ ଫୁଡ ଡେଲିଭରୀ, ମାର୍କେଟ, କମର୍ସିଆଲ ଡେଲିଭରୀ ସର୍ଭିସ, ବ୍ୟାବସାୟିକ ପ୍ରତିଷ୍ଠାନ ଆଦିକୁ ବନ୍ଦ ରଖାଯିବ । ଗ୍ରୁପ 20 ସମ୍ମିଳନୀ ଲାଗି ବିଭିନ୍ନ ନିରାପତ୍ତା ସଂସ୍ଥା ଅଧିକାରୀଙ୍କ ଆଖିରୁ ନିଦ ହଜିଯାଇଛି । ଅତିଥିମାନେ ରହିବାକୁ ଥିବା ହୋଟେଲ, ସମ୍ମିଳନୀ ସ୍ଥଳ, ରାସ୍ତା ପାର୍ଶ୍ବ ଏବଂ ଗୁରୁତ୍ବପୂର୍ଣ୍ଣ ସ୍ଥାନରେ ପାଖାପାଖି ସାଢେ ୭ ଲକ୍ଷ କୃତ୍ରିମ ଗଛ ଲଗାଯାଇଛି ।

ରଙ୍ଗ ବେରଙ୍ଗର ବିଭିନ୍ନ ଆକୃତିର ଏହି ଗଛ ଗୁଡ଼ିକ ଯେମିତି ସୁନ୍ଦର ହୋଇଛି ସେତିକି ମନଲୋଭା ବି ହୋଇଛି । ଅତିଥି ମାନଙ୍କୁ ସୁନା ଓ ରୁପା ପାତ୍ରରେ ଖାଦ୍ୟ ପରଷାଯିବ । ଏଥିପାଇଁ ମଧ୍ୟ ବ୍ୟାପକ ବ୍ୟବସ୍ଥା କରାଯାଇଛି ।

ଦିଲ୍ଲୀରେ ନିଖୋଜ ଓଡିଆ ପୁଅ, କିଛି ଦିନ ପୂର୍ବେ ଆବୁଧାବିରୁ ଫେରିଥିଲେ

ଖୋର୍ଦ୍ଧା: ଆବୁଧାବିରୁ ଆସି ଦିଲ୍ଲୀରେ ନିଖୋଜ । ଖୋର୍ଦ୍ଧା ଜିଲ୍ଲା ବାଲୁଗାଁ ଅଞ୍ଚଳର ରଞ୍ଜନ ସ୍ୱାଇଁ ଆବୁଧାବିରୁ ଫେରି ଦିଲ୍ଲୀରେ ନିଖୋଜ ହୋଇଯାଇଛନ୍ତି । ବାଲୁଗାଁ ଥାନା ବେଲପଡ଼ା ଗାଁର ଅକ୍ଷୟ ସ୍ବାଇଁଙ୍କ ଏକମାତ୍ର ପୁଅ ରଞ୍ଜନ ସ୍ବାଇଁ ପରିବାର ପୋଷଣ ପାଇଁ ଆବୁଧାବିକୁ କାମ କରିବାକୁ ଯାଇଥିଲେ ।

ଗତ ମାସ ୧୯ ତାରିଖରେ ରଞ୍ଜନ ତାଙ୍କର ଜଣେ ସାଙ୍ଗ ଫାଇମ ଅହମ୍ମଦ ସହ ଆବୁଧାବିରୁ ଆସି ମୁମ୍ବାଇ ବିମାନବନ୍ଦରରେ ଓହ୍ଲାଇ ଥିଲେ । ତେବେ ରଞ୍ଜନ ଘରକୁ ନଫେରିବାରୁ ତାଙ୍କ ସାଙ୍ଗ ଫାଇମ ସହିତ ଯୋଗାଯୋଗ କରିଥିଲେ ରଞ୍ଜନଙ୍କ ବାପା ଅକ୍ଷୟ ସ୍ୱାଇଁ । ଫାଇମ ଅହମ୍ମଦ କହିଥିଲେ, ମୁମ୍ବାଇରୁ ସାଥୀ ହୋଇ ଦିଲ୍ଲୀ ଆସିଥିଲୁ ।

ରଞ୍ଜନ ଟ୍ରେନରେ ଓଡ଼ିଶା ଯାଇଛନ୍ତି । ଅହମ୍ମଦର କଥାବାର୍ତ୍ତାରେ ସନ୍ଦେହ କରି ଅକ୍ଷୟ ସ୍ବାଇଁ ଆଜି ବାଲୁଗାଁ ଥାନାରେ ରଞ୍ଜନ ନିଖୋଜ ସମ୍ପର୍କରେ ଲିଖିତ ଅଭିଯୋଗ କରିଛନ୍ତି । ଥାନା ପକ୍ଷରୁ ମାମଲା ରୁଜୁ କରି ତଦନ୍ତ ଆରମ୍ଭ ହୋଇଛି । ବାଲୁଗାଁ ସହ- ଶ୍ରମ ଅଧିକାରୀଙ୍କ କାର୍ଯ୍ୟାଳୟରେ ମଧ୍ୟ ଅଭିଯୋଗ କରାଯାଇଛି ।

ନନ୍ଦୋତ୍ସବରେ ଫେରିଲେ ସାରଥୀ ଭକ୍ତ, ହୋମ ଯଜ୍ଞ ସହ ଚାଲିଛି ପୂଜାର୍ଚ୍ଚନା

ପାରାଦୀପ: ଆତ୍ମଘୋଷିତ ବାବା ସାରଥିଙ୍କୁ ନେଇ ପୁଣି ବିବାଦ । ସିଂହାସନରେ ଭଗବାନ ଶ୍ରୀକୃଷ୍ଣଙ୍କ ମୂର୍ତ୍ତି ସହ ସାରଥିଙ୍କ ଫଟୋ ରଖି ପୂଜାର୍ଚ୍ଚନା କରାଯାଉଛି । ପାରାଦୀପ ପିପ୍ପଳ ଗାଁରେ ପାଳନ କରାଯାଉଛି ନନ୍ଦ ଉତ୍ସବ । ସିଂହାସନରେ ଶ୍ରୀକୃଷ୍ଣଙ୍କ ମୂର୍ତ୍ତି ସହ ସାରଥିଙ୍କ ଫଟୋ ରଖି ପୂଜାର୍ଚ୍ଚନା କରାଯାଉଛି । ଏଥିରେ ପାରାଦୀପ ଓ କେନ୍ଦ୍ରାପଡ଼ା ଅଞ୍ଚଳରୁ ଶତାଧିକ ସାରଥି ଆଶ୍ରିତ ଯୋଗଦେଇଛନ୍ତି । ହୋମଯଜ୍ଞ, ଧ୍ୟାନ ଓ ସାମୂହିକ ପ୍ରାର୍ଥନା ଚାଲିଥିବା ବେଳେ ଶେଷରେ ଦହିହାଣ୍ଡି ଭଙ୍ଗା ହେବ ବୋଲି ସୂଚନା ମିଳିଛି  ।

ଆହୁରି ୨ଦିନ ବର୍ଷିବ

ଭୁବନେଶ୍ବର: ରାଜ୍ୟରେ ମୌସୁମୀ ପ୍ରବାହ ସକ୍ରିୟ । ଆହୁରି ୨ଦିନ ବର୍ଷିବ । ଗୁରୁବାର ପ୍ରବଳରୁ ଅତି ପ୍ରବଳ ବର୍ଷା ନେଇ ୧୪ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି । ୭୦-୧୧୦ମିମି ବର୍ଷା ସମ୍ଭାବନା ଥିବାରୁ ସମ୍ବଲପୁର, ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, ଦେବଗଡ଼, କଟକ, ଅନୁଗୁଳ,ଢେଙ୍କାନାଳ , କେନ୍ଦୁଝର ଓ ମୟୂରଭ଼୍ଜକୁ ସତର୍କତା ଜାରି ହୋଇଛି । ଗତ ୨୪ଘଣ୍ଟାରେ ରାଜ୍ୟରେ ବିସ୍ତୃତି ବର୍ଷା । କୋରାପୁଟ ଜିଲ୍ଲାର ସିମିଲିଗୁଡାରେ ସର୍ବାଧିକ ୧୫୮ମିମି ବର୍ଷା ରେକର୍ଡ କରାଯାଇଛି  । ରାଜ୍ୟରେ ଅନ୍ୟ ୯ ସ୍ଥାନରେ ପ୍ରବଳ ବର୍ଷା ରେକର୍ଡ କରାଯାଇଛି । ସକ୍ରିୟ ଘୂର୍ଣ୍ଣିବଳୟ ପ୍ରଭାବରେ ରାଜଧାନୀ ଭୁବନେଶ୍ୱରରେ ଲାଗିରହିଛି ତୀବ୍ର ବୃଷ୍ଟିପାତ । ଗତକାଲିର ଘୂର୍ଣ୍ଣିବଳୟ ଆଜି ଆଭ୍ୟନ୍ତରୀଣ ଓଡ଼ିଶାର ମଧ୍ୟଭାଗ ଏବଂ ପାର୍ଶ୍ଵବର୍ତ୍ତୀ ଛତିଶଗଡ ଅଞ୍ଚଳରେ ବାୟୁମଣ୍ଡଳରେ ୭.୬ କିମି ଉଚ୍ଚତା ଯାଏଁ ସକ୍ରିୟ  । ପ୍ରଭାବରେ ଆହୁରି ୨୪ ଘଣ୍ଟା ରାଜ୍ୟରେ ବିସ୍ତୃତି ବର୍ଷା ତଥା ପଶ୍ଚିମ ଓଡିଶାର କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ରହିଛି ।  ୧ ସେପ୍ଟେମ୍ବରରୁ ଆଜି ଯାଏ ରାଜ୍ୟରେ ୮୪.୬ ମିମି ବର୍ଷା ରେକର୍ଡ କରାଯାଇଛି । ଯାହା ସ୍ୱାଭାବିକ ବର୍ଷା  ୭୦.୪ ମିମି ତୁଳନାରେ ୨୦% ଅଧିକ ରେକର୍ଡ ହୋଇଛି । ଏହି ସମୟ ପରିଧିରେ କଟକରେ ସର୍ବାଧିକ ୧୬୧.୫ ମିମି ବର୍ଷା ରେକର୍ଡ କରାଯାଇଛି । ଯାହା ସ୍ୱାଭାବିକ ବର୍ଷା ୬୫.୪ ମିମି ତୁଳନାରେ ୧୪୭% ଅଧିକ ରହିଛି ।

ଦାଦାବଟି ପାଇଁ ଅପହରଣ, ୨ ଗିରଫ

ଭୁବନେଶ୍ବର: ଦାଦାବଟି ପାଇଁ ରାଜଧାନୀ ଭୁବନେଶ୍ବରରେ ଅପହରଣ ଘଟଣାରେ ଦୁଇ ଗିରଫ । ମାସକୁ ୫୦ ହଜାର ଟଙ୍କା ବଟି ମାଗି ଯୁବକକୁ କରିଥିଲେ ଅପହରଣ । ୨ ଜଣ ବାଉନସରକୁ ଏୟାରଫିଲଡ ଥାନା ପୋଲିସ ଗିରଫ କରିଛି । କଟକ ରୋଡ୍‌ ମହାନ୍ତି ବାର୍‌ରେ କାମ କରୁଥିବା ଜଣେ ଫ୍ଲୋର ମ୍ୟାନେଜରଙ୍କୁ ଦୁଇଜଣ ଅପହରଣ କରିଥିଲେ । ଫ୍ଲୋର ମ୍ୟାନେଜର ମୁଜିବୁର ରେହମାନଙ୍କୁ ଏକ ସ୍କର୍ପିଓରେ ଅପହରଣ କରିଥିଲେ ଦୁର୍ବୃତ୍ତ । ଟଙ୍କା ନଦେବାରୁ ମାଡ଼ ମାରି ଛାଡ଼ି ଦେଇଥିଲେ । ଏ ନେଇ ଅଧିକ ତଦନ୍ତ ଚଳାଇଛି ଏୟାରଫିଲଡ ଥାନା ପୋଲିସ ।

ପ୍ରେମ ବିବାହ କରିବାରୁ ବଞ୍ଚି ଥାଉ ଥାଉ ଝିଅର ଶୁଦ୍ଧିକ୍ରିୟା କଲେ ପରିବାର

ପଟ୍ଟାମୁଣ୍ଡାଇ: ଝିଅର ପ୍ରେମ ବିବାହକୁ ବିରୋଧ । ଝିଅ ଜୀବିତ ଥାଉ ଥାଉ ଶୁଦ୍ଧିକ୍ରିୟା କଲେ ପରିବାର ଲୋକ । କେନ୍ଦ୍ରାପଡ଼ା ଜିଲ୍ଲା ଆଳି ନୂଆବଜାର ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ବାପାମାଆ ଝିଅର ପିଣ୍ଡଦାନ କରିଛନ୍ତି । ଆଳି ନୂଆବଜାର ଅଞ୍ଚଳର ଜଣେ ଯୁବକଙ୍କ ସହ ସେହି ଅଞ୍ଚଳର ଜଣେ ଯୁବତୀଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା । କିନ୍ତୁ ଯୁବତୀଙ୍କ ପରିବାର ଲୋକ ଏହାକୁ ବିରୋଧ କରିଆସୁଥିଲେ । ତେବେ ସବୁ ବାଧା ବନ୍ଧନକୁ ତୁଟାଇ ଗତ ସୋମବାର ପ୍ରେମିକା -ପ୍ରେମିକ ଆଳିର ଲକ୍ଷ୍ମୀବରାହ ମନ୍ଦିରରେ ବିବାହ କରିଥିଲେ । ଏହି ବିବାହକୁ ଝିଅପକ୍ଷ ଲୋକ ବିରୋଧ କରିବା ସହ ଝିଅର ଶୁଦ୍ଧିକ୍ରିୟା କରିଛନ୍ତି । ଏପରିକି ନିଜ ଘର ସାମ୍ନାରେ ଝିଅର ଫୋଟୋରେ ଫୁଲମାଳ ପକାଇ ଶ୍ରଦ୍ଧାଞ୍ଜଳି ଦେଇଥିଲେ । ଏହି ଘଟଣା ଏବେ କେନ୍ଦ୍ରାପଡ଼ା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି ।

ପୁଅର ମୃତଦେହକୁ ଠେଲାରେ ଧରି ଅନ୍ତିମ ସଂସ୍କାର ପାଇଁ ସହଯୋଗ ଲୋଡ଼ିଲେ ମାଆ, ଶେଷରେ..

ଉତ୍ତରପ୍ରଦେଶ: ପୁଣି ସାମନାକୁ ଆସିଲା ଲଜ୍ଜାଜନକ ଖବର । ପୁଅର ଶବକୁ ଠେଲାରେ ଧରି ଅନ୍ତିମ ସଂସ୍କାର ପାଇଁ ସହଯୋଗ ଲୋଡ଼ିଲା ମାଆ । ଉତ୍ତରପ୍ରଦେଶରୁ ଆସିଛି ଏଭଳି ଖବର । ଜଣେ ମହିଳା ଏବଂ ତାଙ୍କ ସାନପୁଅ ବଡ଼ ପୁଅର ମୃତଦେହକୁ ଠେଲାରେ ଧରି ବୁଲୁଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଅନ୍ତିମ ସଂସ୍କାର ଲାଗି ସେମାନଙ୍କ ପାଖରେ କୌଣସି ଟଙ୍କା ନଥିବାବେଳେ ସେ ଲୋକଙ୍କୁ ଭିକ୍ଷା ମାଗୁଛନ୍ତି । କିନ୍ତୁ କେହି ତାଙ୍କୁ ସହଯୋଗ କରିନାହାନ୍ତି । ଶେଷରେ ପୋଲିସ ଆସି ଚାନ୍ଦା କରି ସେମାନଙ୍କୁ ସହଯୋଗ କରିବା ସହ ଅନ୍ତିମ ସଂସ୍କାର କରିଛି । ୟୁପିର ମେରଠ ଅଂଚଳର ଏହି ଘଟଣା । ପୋଲିସର ସୂଚନା ମୁତାବକ ଯୁବକଙ୍କ ମୃତଦେହ ମଦ ଦୋକାନ ନିକଟରେ ଦୀର୍ଘ ସମୟ ପଡ଼ି ରହିଥିଲା । ସେପଟେ ସାନ ଭାଇ ଏବଂ ମାଆ ଖୋଜି ଖୋଜି ସେଠାରେ ପହଞ୍ଚିଥିଲେ । ସେମାନେ ମୃତଦେହକୁ ଠେଲାରେ ନେଇଥିଲେ । ମାତ୍ର ଅନ୍ତିମ ସଂସ୍କାର ପାଇଁ  ସେମାନଙ୍କ ନିକଟରେ ଟଙ୍କା ନଥିଲା ।

ଅସୁସ୍ଥ ପୁଅକୁ ମେଡିକାଲ ନେଇଥିବା ମାଆଙ୍କ ମୃତ୍ୟୁ

ଜଳେଶ୍ବର: ଅସୁସ୍ଥ ପୁଅକୁ ଚିକିତ୍ସା ପାଇଁ ଡାକ୍ତରଖାନାକୁ ନେଇ ଯାଇଥିଲେ ମାଆ । କିନ୍ତୁ ଡାକ୍ତରଖାନାରେ ଚାଲିଗଲା ମାଆଙ୍କ ଜୀବନ । ବାଲେଶ୍ବର ଜିଲ୍ଲା ଜଳେଶ୍ୱର ହାତୀଗଡ଼ ଅଞ୍ଚଳରେ ଏଭଳି ଦୁଃଖଦ ଘଟଣା ଘଟିଛି । ରାଇବଣିଆ ଥାନା ଅନ୍ତର୍ଗତ କାଳିକ ପଞ୍ଚାୟତ ରଙ୍ଗାମାଟିଆ ଗାଁର ସଲମନ ମୁର୍ମୁ ଅସୁସ୍ଥ ଥିଲେ । ତାଙ୍କୁ ତାଙ୍କ ମାଆ ମାଇନ ମୁର୍ମୁ ହାତୀଗଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇ ଯାଇଥିଲେ । କିନ୍ତୁ ହଠାତ ଡାକ୍ତରଖାନାରେ ଅସୁସ୍ଥ ହୋଇପଡ଼ିଥିଲେ ମାଆ ମାଇନ ମୁର୍ମ । ତାଙ୍କର ଚିକିତ୍ସା କରାଯାଇଥିଲା । କିନ୍ତୁ ଡାକ୍ତରଖାନାରେ ମାଆ ମାଇନ ମୁର୍ମୁଙ୍କର ମୃତ୍ୟୁ ହୋଇଛି ।