ନୂଆଦିଲ୍ଲୀ: ନ୍ୟାସନାଲ କରିକୁଲମ ଫ୍ରେମୱର୍କ (ଏନସିଏଫ)ର ମସୁଦାରେ ପରାମର୍ଶ ଦିଆଯାଇଛି ଯେ ଛାତ୍ରଛାତ୍ରୀମାନେ ସପ୍ତାହରେ କେବଳ ସାଢେ ୫ଦିନ ସ୍କୁଲରେ ପାଠ ପଢ଼ିବେ ଏବଂ ପ୍ରତି ଶନିବାର ହାଫ୍ ଡେ ହେବା ଆବଶ୍ୟକ । ଏହିଭଳି ପ୍ରତି ସପ୍ତାହରେ ଛାତ୍ରଛାତ୍ରୀଙ୍କୁ ମୋଟ ୨୯ ଘଣ୍ଟା କ୍ଲାସରେ ପାଠ ପଢ଼ିବାକୁ ହେବ । ଏଥିରେ ଏହା ମଧ୍ୟ ସୁପାରିଶ କରାଯାଇଛି ଯେ ପ୍ରାରମ୍ଭିକ ଏବଂ ମାଧ୍ୟମକ ବିଦ୍ୟାଳୟ ପାଇଁ କ୍ଲାସର ସମୟ ୪୦ ମିନିଟ ଏବଂ କ୍ଲାସ ୯ରୁ ଆଗକୁ ୫୦ ମିନିଟ ହେଉ । ୨୦୦୫ରେ ଜାରି ଗତ ଏନସିଏଫ ସ୍କୁଲଗୁଡ଼ିକୁ ସ୍କୁଲର ଦିନ ଏବଂ ଶିକ୍ଷା ବର୍ଷର ଟାଇମଟେବୁଲ ବନାଇବାରେ ବହୁତ ସ୍ୱାଧିନତା ଦେଇଥିଲା ।
ତାହା କେବଳ ଏହି କଥା ଉପରେ ଜୋର ଦେଇଥିଲା ଯେ ସ୍କୁଲର ଦିନ ଅତିକମରେ ଛଅ ଘଣ୍ଟା ହେଉ ଏବଂ ପ୍ରତି କ୍ଲାସର ସମୟ ଅତିକମରେ ୪୫ ମିନିଟ ହେଉ । ଏହା ବୀପରିତ ଏନସିଏଫର ନୂଆ ମସୁଦା ସ୍କୁଲର ଦିନ ଏବଂ ଶିକ୍ଷା ବର୍ଷ ପାଇଁ ଏକ ସ୍ୱତନ୍ତ୍ର ରୂପରେଖ ଯୋଗାଇ ଦେଇଛି । ଏହି ଦଲିଲ ଏବେ ଲୋକଙ୍କ ପ୍ରତିକ୍ରିୟା ପାଇଁ ସାର୍ବଜନୀନ କରିଦିଆଯାଇଛି । ଏଥିରେ ପରାମର୍ଶ ଦିଆଯାଇଛି ଯେ ଶିକ୍ଷା ବର୍ଷରେ ଶିକ୍ଷାର ସମସ୍ତ ପର୍ଯ୍ୟାୟରେ ଅତିକମରେ ୧୮୦ ସ୍କୁଲ ଦିନ ବା ୩୪ ସପ୍ତାହ ସାମିଲ ହେଉ । ନୂଆ ଏନସିଏଫ ଦଲିଲ ୨୦୦୫ର ଏନସିଏଫ ତୁଳନାରେ ନିଜ ପରାମର୍ଶରେ ଅଧିକ ସ୍ୱଚ୍ଛତା ରଖିଛି ।
ନୂଆ ଏନସିଏଫ୍ ପ୍ରସ୍ତୁତ କରିଥିବା ବିଶେଷଜ୍ଞ ଚାହୁଁଛନ୍ତି ଯେ ନୂଆ ଏନସିଏଫ ଦସ୍ତାବିଜ ଶିକ୍ଷକମାନଙ୍କ ପାଇଁ ସିଧା ନିର୍ଦ୍ଦେଶ ଭାବେ କାମ କରୁ । ଯାହାଫଳରେ ସେମାନେ ବୋର୍ଡର ସିଦ୍ଧାନ୍ତକୁ ବାଖ୍ୟା କରିବାକୁ ଉଦ୍ୟମ କରିବା ବଦଳରେ ଦଲିଲରୁ ସିଧା ଉଦାହରଣ ଏବଂ ଉପାୟକୁ ଆପଣା ଇପାରିବେ । ପ୍ରକାଶଥାଉକି ଏନସିଏଫ ଏପରି ଏକ ଦଲିଲ ଅଟେ ଯାହା ସେହି ସବୁ ପରିବର୍ତ୍ତନର ଆଧାର ଗଠନ କରେ ଯାହାକୁ ସ୍କୁଲ ପାଠ୍ୟପୁସ୍ତକରେ ମଧ୍ୟ ଅଣାଯାବ । ଏହା ଶିକ୍ଷାର ପାଟର୍ଣ୍ଣ ଏବଂ କ୍ଲାସରେ ମୂଲ୍ୟାଙ୍କନକୁ ମଧ୍ୟ ପ୍ରଭାବିତ କରିବ ।
ଏନସିଏଫର ମସୁଦାରେ ପରାମର୍ଶ ଦିଆଯାଇଛି ଯେ ବୋର୍ଡ ପରୀକ୍ଷା ବର୍ଷରେ ଦୁଇଥର ଆୟୋଜନ କରାଯାଉ । କ୍ଲାସ ୧୨ର ପରୀକ୍ଷା ପାଇଁ ଗୋଟିଏ ସେମିଷ୍ଟର ପ୍ରଣାଳୀ ହେଉ ଏବଂ ଛାତ୍ରଙ୍କୁ ବିଜ୍ଞାନ ଏବଂ ମାନବିକୀୟ ମିଶ୍ରଣକୁ ଆଗକୁ ବଢ଼ାଇବାର ସ୍ୱାଧିନତା ଦିଆଯାଉ । ଯାହାଫଳରେ ସ୍କୁଲରେ ଶ୍ରେଣୀ ୧୧ ଏବଂ ୧୨ରେ କଳା, ବାଣିଜ୍ୟ ଏବଂ ବିଜ୍ଞାନର କଠୋର ସୀମାଗୁଡ଼ିକୁ ଦୂରିଭୂତ କରାଯାଇପାରିବ ।
