କରାଚୀ: ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନର ଚିନ୍ତା ଦିନକୁ ଦିନ ବଢିବାରେ ଲାଗିଛି । ସୋମବାର ସକାଳୁ ପାକିସ୍ତାନର ଅନେଇ ଜିଲ୍ଲାରେ ଅନ୍ଧକାର ଛାଇଯାଇଛି। ଇସଲାମାବାଦ, କରାଚି ଓ ପେଶାୱରର ୨୨ ଜିଲ୍ଲାରେ ବିଦ୍ୟୁତ୍ ସରାବରାହ ବନ୍ଦ ରହିଛି।
ଏନେଇ ସରକାରଙ୍କ ପକ୍ଷରୁ କୁହାଯାଇଛି ଯେ, ମେଣ୍ଟେନାସ୍ କାର୍ଯ୍ୟ ଜୋରସୋରରେ ଚାଲିଛି । ଆଶା କରୁଛୁ ଖୁବ୍ ଶୀଘ୍ର ପାୱାର ସପ୍ଲାଇ ଦିଆଯିବ । ତେବେ ପାକିସ୍ତାନୀ ଗଣମାଧ୍ୟମର ସୂଚନା ଅନୁଯାୟୀ, ନ୍ୟାସନାଲ୍ ଗ୍ରୀଡ୍ ସିଷ୍ଟମରେ ତ୍ରୁଟି ଯୋଗୁଁ ଏଭଳି ଘଟିଛି।
There are reports of multiple outages from different parts of the city. We are investigating the issue and will keep this space posted.
— Imran Rana, Spokesperson, K-Electric (@imranrana21) January 23, 2023
କ୍ୱେଟା ଇଲେକ୍ଟ୍ରିକ୍ ସପ୍ଲାଇ କମ୍ପାନୀ (QESCO) ମୁତାବକ ସିନ୍ଧର ଗୁଡ୍ଡୁ ଅଞ୍ଚଳରେ କ୍ୱେଟା ଯାଉଥିବା ଦୁଇ ଟ୍ରାନ୍ସମିଶନ ଲାଇନ୍ ଖରାପ ହୋଇଯାଇଛି । ଯାହାଫଳରେ କ୍ୱେଟା ସମେତ ବଲୁଚିସ୍ଥାନର ୨୨ ଜିଲ୍ଲାରେ ବିଜୁଳି ସଙ୍କଟ ଦେଖାଦେଇଛି। ଦେଶର ଆର୍ଥିକ ସଙ୍କଟ ମଧ୍ୟରେ ମାସ୍ ବିଜୁଳି କାଟକୁ ନେଇ ସାଧାରଣରେ ଜନଅସନ୍ତୋଷ ପ୍ରକାଶ ପାଇଛି ।
ବିଦ୍ୟୁତ ସଙ୍କଟ ଯୋଗୁ ନିକଟରେ ପାକିସ୍ତାନ ନ୍ୟାସନାଲ ଇଲେକଟ୍ରିକ ରେଗୁଲେଟୋରୀ ଅଥରିଟି ପକ୍ଷରୁ ବିଦ୍ୟୁତ୍ ଦର ପ୍ରତି ୟୁନିଟ ପିଛା ୩ଟଙ୍କା ୩୦ ପଇସା ବୃଦ୍ଧି କରାଯାଇଥିଲା । ବର୍ଦ୍ଧିତ ଦର ଲାଗୁ ହେବା ପରେ ବିଦ୍ୟୁତ୍ ଦର ପ୍ରତି ୟୁନିଟ ପିଛା ୪୩ଟଙ୍କା ହୋଇଥିଲା । ସରକାର ବିଦ୍ୟୁତ ଯୋଗାଣ କମ୍ପାନୀ ହିତାଧିକାରୀଙ୍କୁ ୧୮ଟଙ୍କାର ସବସିଡି ଦେଉଛନ୍ତି । ବିଜୁଳି ବଞ୍ଚାଇବା ପାଇଁ ସନ୍ଧ୍ୟା ୮ଟାରୁ ସମସ୍ତ ଦୋକାନ, ବଜାର କରିବାକୁ ପାକିସ୍ତାନ ସରକାର ନିର୍ଦ୍ଦେଶ ଦେଇଥିଲେ । ଭାରତ ତୁଳନାରେ ପାକିସ୍ତାନରେ ବିଦ୍ୟୁତ ଦର ପ୍ରାୟ ୪ଗୁଣା ଅଧିକ ରହିଛି ।
