ପୁରୀ: ପୁରୀ ବ୍ରହ୍ମଗିରି ବସଷ୍ଟାଣ୍ଡରେ ଓଡ଼ିଶା କୃଷକ ସଭାର ୨୪ ତମ ରାଜ୍ୟ ସମ୍ମିଳନୀରେ କେନ୍ଦ୍ର ସରକାରଙ୍କ ଉପରେ ବର୍ଷିଲେ ଚାଷୀ ନେତା । କେନ୍ଦ୍ର ସରକାରଙ୍କ କୃଷକ ମାରାଣନୀତି ବିରୋଧରେ କୃଷକ ନେତା ଗର୍ଜନ କରିଛନ୍ତି । କେନ୍ଦ୍ର ସରକାର କୃଷକଙ୍କ ସ୍ୱାର୍ଥରେ ନାହାନ୍ତି । କୃଷକଙ୍କ ବିରୋଧରେ ତିନୋଟି କୃଷି ଆଇନ ଆଣିଥିଲା କେନ୍ଦ୍ର । ପରେ ୭୦୦ କୃଷକଙ୍କ ବଳିଦାନ ପରେ ଆଇନ ପ୍ରତ୍ୟାହାର କରାଯାଇଥିଲା । ଯାହାକୁ ଘୋର ନିନ୍ଦା କରିଛନ୍ତି କୃଷକ ନେତା ।
ଏହି ସମ୍ମିଳନୀରେ ରାଜ୍ୟର ବିଭିନ୍ନ ପ୍ରାନ୍ତରୁ କୃଷକମାନେ ଯୋଗଦେଇଥିଲେ । ଦେଶର ଗଣତନ୍ତ୍ର, ସମ୍ବିଧାନ ଓ ସମ୍ବିଧାନିକ ଅନୁଷ୍ଠାନ ଗୁଡ଼ିକର ସାମ୍ବିଧାନିକ ସୁରକ୍ଷା ଦାବି କରାଯାଇଥିଲା । ଐତିହାସିକ କୃଷକ ଆନ୍ଦୋଳନର ମୁଖ୍ୟ ଅଶୋକ ଧାଓ୍ୱଏଲ, ବିଜୁ କ୍ରିଷ୍ଣା ଓଡ଼ିଶା କୃଷକ ସଭା ସଭାପତି ଜମ୍ବେଶ୍ୱର ସାମନ୍ତରା, ସମ୍ପାଦକ ସୁରେଶ ପାଣିଗ୍ରାହୀ ପ୍ରମୁଖ ଉକ୍ତ ସଭାରେ ଯୋଗଦେଇ କେନ୍ଦ୍ର ସରକାର ବିରୋଧରେ ବର୍ଷିଥିଲେ ।
