ଲକ୍ଷ୍ନୌ: ମୈନପୁରୀ ଲୋକସଭା ଉପନିର୍ବାଚନ ପାଇଁ ପ୍ରାର୍ଥୀଙ୍କ ନାମ ଘୋଷଣା କଲା ସମାଜବାଦୀ ପାର୍ଟି । ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ପତ୍ନୀ ତଥା ପୂର୍ବତନ ସାଂସଦ ଡିମ୍ପଲ ଯାଦବ ଲଢିବେ ନିର୍ବାଚନ । ମୁଲାୟମ ସିଂ ଯାଦବଙ୍କ ମୃତ୍ୟୁ ପରେ ଏହି ଆସନ ଖାଲି ଥିଲା । ଏବେ ବୋହୂ ଏଠାରୁ ନିର୍ବାଚନ ଲଢି ପୁଣିଥରେ ମୈନପୁରୀକୁ ନିଜ କବଜାରେ ରଖିବାକୁ ପ୍ରୟାସ କରିବ ଯାଦବ ପରିବାର । ମୁଲାୟମଙ୍କ ରାଜନୈତିକ ଗଡକୁ ବଞ୍ଚାଇ ରଖିବା ପାଇଁ ସପା ବ୍ଲୁପ୍ରିଣ୍ଟ ପ୍ରସ୍ତୁତ କରିଛି ।
ଅଖିଳେଶ ଯାଦବ ୨୦୦୯ରେ ଯେତେବେଳେ ଫିରୋଜାବାଦ ସିଟ ଛାଡିଥିଲେ ସେତେବେଳେ ନିର୍ବାଚନ ମଇଦାନକୁ ଓହ୍ଲାଇଥିଲେ ପତ୍ନୀ ଡିମ୍ପଲ । ଏହି ଉପନିର୍ବାଚନରେ ଲୋକପ୍ରିୟ ଅଭିନେତା ରାଜ ବବରଙ୍କୁ ହରାଇଥିଲେ ଡିମ୍ପଲ । ଏହାପରେ ୨୦୧୨ରେ ଲୋକସଭା ଉପ ନିର୍ବାଚନରେ ବିଜୟ ହାସଲ କରିଥିଲେ । ସେହିପରି ୨୦୧୪ରେ ମଧ୍ୟ କନୌଜ ଆସନ ଜିତି ନିଜ ଗଡକୁ ବଞ୍ଚାଇଥିଲେ ଡିମ୍ପଲ । କିନ୍ତୁ ୨୦୧୯ରେ ବିଜେପିର ସୁବ୍ରତ ପାଠକଙ୍କ ଠୁ ୧୦ ହଜାର ଭୋଟରେ ହାରି ଯାଇଥିଲେ ଡିମ୍ପଲ ।
ଏବେ ମୌନପୁରୀ ଆସନରୁ ଉପନିର୍ବାଚନ ଲଢିବେ ଡିମ୍ପଲ । ୧୯୯୬ରୁ ଏହି ସିଟ୍ ନିଜ ପାଖରେ ରଖି ଆସୁଛି ସପା ।
