ଭୁବନେଶ୍ୱର: ରାଜଧାନୀରେ ମୁଣ୍ଡ ଟେକୁଛି ଆଉ ଏକ ଗ୍ୟାଙ୍ଗ। ଭାଇଗିରି ନାଁରେ ଚଳାଇଥିଲେ ଆତଙ୍କ । ମରଣାସ୍ତ୍ର ଧରି ଭିଡ଼ିଓ କରି ସୋସିଆଲ ମିଡିଆରେ ଛାଡୁଥିଲେ । ଦବଦବା ଜାହିର କରିବାକୁ କେଜିଏଫ୍ ଷ୍ଟାଇଲରେ ରିଲ୍ସ । ଯାହାର ଭିଡ଼ିଓ ଏବେ ଭାଇରାଲ ହୋଇଛି। ଏୟାରଫିଲଡ଼ ଥାନା ଅଞ୍ଚଳରେ ଚଳାଇଥିଲେ ଆତଙ୍କ। ଗତ କିଛି ଦିନ ତଳେ ଏୟାର ଫିଲଡ଼ ଥାନା ଅଂଚଳରେ ଥିବା ଚା ଦୋକାନୀ ସିପୁ ବେହେରାକୁ ଖଣ୍ଡାରେ ଆକ୍ରମଣ କରି ଲହୁଲୁହାଣ କରିଥିଲେ। ଘଟଣାରେ ୬ ଜଣଙ୍କୁ ଅଟକ ରଖିଛି ପୋଲିସ । ସେମାନଙ୍କ ଠାରୁ ଏକାଧିକ ମରଣାସ୍ତ୍ର ଜବତ କରାଯାଇଛି ।
ପ୍ରକାଶ ପାଇଲା OJEE ପରୀକ୍ଷା ସୂଚୀ, ଜୁନ୍ ୨୭ରୁ ଉପଲବ୍ଧ ହେବ ଆଡମିଟ କାର୍ଡ
ଭୁବନେଶ୍ୱର: OJEE-୨୦୨୨ ପାଇଁ ପ୍ରକାଶ ପାଇଲା ସୂଚୀ । ଜୁଲାଇ ୪ରୁ ଆରମ୍ଭ ହେବ OJEE ପରୀକ୍ଷା । ୪ରୁ ଆରମ୍ଭ ହୋଇ ୮ ତାରିଖ ପର୍ଯ୍ୟନ୍ତ ହେବ ପରୀକ୍ଷା । ପ୍ରତିଦିନ ୩ଟି ସିପ୍ଟରେ ପରୀକ୍ଷା ହେବ । ଜୁଲାଇ ୪ରେ ଲାଟେରାଲ ଏଣ୍ଟ୍ରି ଡିପ୍ଲୋମା ପରୀକ୍ଷା ହେବ । ଜୁଲାଇ ୫ରେ ପ୍ରଥମ ଓ ଦ୍ୱିତୀୟ ସିଫ୍ଟରେ MCA/M.Sc ପରୀକ୍ଷା ହେବ । ସେହିପରି ଜୁଲାଇ ୫ରେ ତୃତୀୟ ସିଫ୍ଟରେ M.Tech, M.Arch, M.Pharm, B.CAT ପରୀକ୍ଷା ହେବ । ଜୁଲାଇ ୬ରେ MBA ଓ ଇଣ୍ଟିଗ୍ରେଟେଡ MBA ପରୀକ୍ଷା । ଜୁଲାଇ ୮ରେ B Pharm ପରୀକ୍ଷା । ଜୁନ ୨୭ରୁ OJEE ଓ୍ୱେବସାଇଟରେ ଆଡମିଟ କାର୍ଡ ଉପଲବ୍ଧ ହେବ ବୋଲି ସୂଚନା ମିଳିଛି ।
ପୂର୍ବ ୟୁକ୍ରେନରେ ଜୋରଦାର ଯୁଦ୍ଧ, ଅତ୍ୟାଧୁନିକ ଅସ୍ତ୍ରଶସ୍ତ୍ର ପ୍ରୟୋଗରେ ଆଗକୁ ବଢୁଛି ଋଷ
କିଭ୍: ପୂର୍ବ ୟୁକ୍ରେନରେ ଜୋରଦାର ଯୁଦ୍ଧ । ଅତ୍ୟାଧୁନିକ ଯୁଦ୍ଧାସ୍ତ୍ର ପ୍ରୟୋଗରେ ଆଗକୁ ବଢ଼ୁଛି ଋଷ । ଦୁଇ ଦିନ ପରେ ଶହେ ଦିନରେ ପହଞ୍ଚିବ ଯୁଦ୍ଧ । ତମାମ ପ୍ରଚେଷ୍ଟା ସତ୍ତ୍ବେ ଏହି ବିଧ୍ବଂସକାରୀ ଯୁଦ୍ଧ ଥମିବାର ରାସ୍ତା ବାହାରିପାରିନି । ୟୁରୋପୀୟ ୟୁନିଅନର ପ୍ରତିବନ୍ଧକ, ଜାତିସଂଘ ମୁଖ୍ୟଙ୍କ ଆଲୋଚନା ପରେ ବି ବାହାରିପାରିନି ଯୁଦ୍ଧ ସମାପ୍ତିର ବାଟ । ଯୁଦ୍ଧକୁ ନେଇ ପଶ୍ଚିମୀ ଦେଶ ଋଷ ଉପରେ ଆରୋପ ଲଗାଉଥିବା ବେଳେ ଆମେରିକା ଉପରେ ଦୋଷ ଲଦିଛି ମସ୍କୋ ।
ସେପଟେ ଯୁଦ୍ଧରେ ଋଷ ଅତ୍ୟାଧୁନିକ ଅସ୍ତ୍ରଶସ୍ତ୍ର ବ୍ୟବହାର କରୁଥିବା ବେଳେ ୟୁକ୍ରେନକୁ ହାଇଟେକ ମିଡିୟମ ରେଞ୍ଜ ରକେଟ ସିଷ୍ଟମ ପଠାଇବାକୁ ଘୋଷଣା କରିଛି ଆମେରିକା । ଏହି ସିଷ୍ଟମ ଯୋଗେ ୟୁକ୍ରେନ ସେନା ଡୋନବାସ ରିଜିଅନରେ ଋଷ ସେନାକୁ ସାମ୍ନା କରିପାରିବ । ସେପଟେ ପୂର୍ବ ୟୁକ୍ରେନରେ ସ୍ଥିତି ବିଗୁଡ଼ୁଛି ବୋଲି କହିଛନ୍ତି ରାଷ୍ଟ୍ରପତି ଭୋଲୋଦିମିର ଜେଲେନସ୍କି । ଋଷ ଯୁଦ୍ଧକୁ ଜୋରଦାର କରିଥିବା ବେଳେ ପଶ୍ଚିମୀ ଦେଶର ସହଯୋଗ ଲୋଡିଛନ୍ତି ଜେଲେନସ୍କି ।
ଘୋଷଯାତ୍ରା ପାଇଁ ଜୋରଦାର ପ୍ରସ୍ତୁତି, ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ ଦ୍ବିତୀୟ ରଥ ସମନ୍ବୟ କମିଟି ବୈଠକ
ପୁରୀ: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ଜୋରଦାର ପ୍ରସ୍ତୁତି । ଆଇନ ମନ୍ତ୍ରୀ ପ୍ରତାପ ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ଦ୍ବିତୀୟ ରଥ ସମନ୍ୱୟ କମିଟି ବୈଠକ । ବୈଠକରେ ବିଭିନ୍ନ ବିଭାଗର ମନ୍ତ୍ରୀ ଯୋଗ ଦେଇଥିଲେ । ବୈଠକରେ ରଥଯାତ୍ରାକୁ ଶୃଙ୍ଖଳିତ ଭାବେ କରାଇବା ନେଇ ଆଲୋଚନା ହୋଇଥିବା ବେଳେ, ବିଭାଗୀୟ ଅଧିକାରୀଙ୍କୁ ବାକି ଥିବା କାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦିଆଯାଇଛି ।
ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ଶୃଙ୍ଖଳିତ ରଥଯାତ୍ରା କରାଇବା ନେଇ ରାଜ୍ୟ ସରକାର ସମସ୍ତ ପ୍ରକାର ବ୍ୟବସ୍ଥା କରିବେ ବୋଲି ଆଇନ ମନ୍ତ୍ରୀ ସୂଚନା ଦେଇଛନ୍ତି । ବୈଠକରେ ଆଇନ ଶୃଙ୍ଖଳା, ସୁରକ୍ଷା, ସ୍ବାସ୍ଥ୍ୟ, ଗମନାଗମନ, ପାନୀୟ ଜଳ ବ୍ୟବସ୍ଥା, ଆଲୋକୀକରଣ, ରାସ୍ତାଘାଟ ମରାମତି ସମ୍ପର୍କରେ ଆଲୋଚନା ହୋଇଥିଲା ।
୧୯୯୭ରୁ ୨୦୨୨, ଜନସେବାରେ ୨୫ ବର୍ଷ ପୂରଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର: ୧୯୯୭ରୁ ୨୦୨୨, ଜନ ସେବାରେ ୨୫ବର୍ଷ ପୂରଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୫ ବର୍ଷ ତଳେ ଆଜିର ଦିନରେ ପ୍ରଥମ ଥର ପାଇଁ ସାଂସଦ ଭାବେ ନିର୍ବାଚିତ ହୋଇଥିଲେ ନବୀନ । ୧୯୯୭ ଜୁନ ୧ରେ ବିଜୁ ପଟ୍ଟନାୟକଙ୍କ ଅବର୍ତ୍ତମାନରେ ଆସିକାରୁ ଉପନିର୍ବାଚନରେ ଜିତିଥିଲେ । ଗତ ୨୫ ବର୍ଷ ଧରି ନବୀନ ଓଡ଼ିଶାରେ ଅପ୍ରତିଦ୍ୱନ୍ଦ୍ୱୀ ନେତା ରହିଛନ୍ତି । ୨ ଥର ସାଂସଦ ଓ କେନ୍ଦ୍ରମନ୍ତ୍ରୀ ହେବା ପରେ ଓଡ଼ିଶା ଶାସନ ଭାର ସମ୍ଭାଳିଥିଲେ। କ୍ରମାଗତ ଭାବେ ୫ଥର ରାଜ୍ୟବାସୀ ନବୀନଙ୍କୁ ମୁଖ୍ୟମନ୍ତ୍ରୀ ବାଛିଛନ୍ତି ।
ସାଢ଼େ ୪ କୋଟି ଓଡ଼ିଶାବାସୀ ନବୀନଙ୍କ ପରିବାର । ରାଜ୍ୟବାସୀଙ୍କ ସ୍ୱାର୍ଥ ଓ ସମୃଦ୍ଧି ପାଇଁ କାମ କରିଚାଲିଛନ୍ତି ନବୀନ । ବିକାଶର ନୂଆ ନକ୍ସା ଓ ପ୍ରଗତି ଧାରାକୁ ସାଥୀରେ ନେଇ ଉଇଁଥିଲା ସୁଶାସନର ନୂତନ ସୂର୍ଯ୍ୟ । ମୋ ସରକାରର ସଫଳତା, ବିଏସକେଓ୍ବାଇର ବରଦାନ, ଦୁର୍ନୀତି ବିରୋଧରେ ଶୂନ୍ୟ ସହିଷ୍ଣୁତାଠାରୁ ଶିକ୍ଷା, ସ୍ବାସ୍ଥ୍ୟ ଓ ଆଧ୍ୟାତ୍ମିକ କ୍ଷେତ୍ରର ନବକଳେବର । ତା’ ସହିତ କ୍ରୀଡ଼ା ଜଗତର ଗୌରବର ଗାଥା ଏବଂ ମିଶନ ଶକ୍ତିର ସଫଳତା। ନବୀନଙ୍କ ଲୋକପ୍ରିୟତା ଆଗରେ ଫେଲ ମାରୁଛନ୍ତି ବିରୋଧୀ ।
ଫେରିଲା ନ୍ୟାସନାଲ ହେରାଲ୍ଡ ମାମଲା, ରାହୁଲ ଓ ସୋନିଆ ଗାନ୍ଧିଙ୍କୁ ଇଡିର ସମନ
ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଓ ରାହୁଲ ଗାନ୍ଧିଙ୍କୁ ଇଡିର ସମନ । ନ୍ୟାସନାଲ ହେରାଲ୍ଡ ମାମଲାରେ ରାହୁଲଙ୍କ ସମନ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଜୁନ ୨ରେ ଇଡିରେ ହାଜର ହେବାକୁ ରାହୁଲଙ୍କୁ ସମନ ପଠାଯାଇଥିବା ବେଳେ ସୋନିଆଙ୍କୁ ୮ ଜୁନରେ ହାଜର ହେବାକୁ ନୋଟିସ କରାଯାଇଛି । ତେବେ ED, ସିବିଆଇ ଆଦି ଜାତୀୟ ସଂସ୍ଥାକୁ କେନ୍ଦ୍ର ସରକାର ଅପବ୍ୟବହାର କରୁଛି ବୋଲି କହିଛି କଂଗ୍ରେସ ।
କଂଗ୍ରେସ ନେତା ଅଭିଷେକ ମନୁ ସିଂଘଭୀ ଓ ରଣଦୀପ ସୂର୍ଯ୍ୟୋଓ୍ୱାଲା ସାମ୍ବାଦିକ ସମ୍ମିଳନୀ କରି ଏହି ଦାବି କରିଛନ୍ତି । ଅଭିଷେକ ମନୁ ସଂଘଭୀ କହିଛନ୍ତି ଯେ ଇଡିଙ୍କ ପଚରାଉଚରା ପାଇଁ ସୋନିଆ ଗାନ୍ଧି ନିଶ୍ଚିତ ଯିବେ । କିନ୍ତୁ ରାହୁଲ ଏବେ ବିଦେଶ ଗସ୍ତରେ ଥିବାରୁ ତାଙ୍କର ଇଡିର ହାଜିରା ନେଇ କଂଗ୍ରେସ ନେତା କିଛି ସ୍ପଷ୍ଟ ଭାବରେ କହିନାହାନ୍ତି । ଯଦି ରାହୁଲ ଜୁନ୍ ୮ ପୂର୍ବରୁ ବିଦେଶ ଗସ୍ତରୁ ଫେରି ଆସିଥିବେ ତେବେ ସେ ନିଶ୍ଚିତ ଭାବରେ ଇଡିରେ ହାଜର ହେବେ ବୋଲି ସିଂଘଭୀ କହିଛନ୍ତି । ନଚେତ ଏଥିଲାଗି ଅଧିକ ସମୟ ମଗାଯିବ ବୋଲି ସେ କହିଛନ୍ତି ।
କୋଲକାତାରେ କେକେଙ୍କୁ ଦିଆଗଲେ ରାଷ୍ଟ୍ରୀୟ ମର୍ଯ୍ୟାଦା
କୋଲକାତା: ବଲିଉଡର ଲୋକପ୍ରିୟ ଗାୟକ କ୍ରିଷ୍ଣାକୁମାର କୁନ୍ନାଥ ବା କେକେଙ୍କ ବିୟୋଗରେ ସଂଗୀତ ଜଗତ ସ୍ବବ୍ଧ ହୋଇଯାଇଛି। ମାତ୍ର ୫୩ ବର୍ଷ ବୟସରେ ଏହି ଲୋକପ୍ରିୟ ଗାୟକଙ୍କ ଅକାଳ ମୃତ୍ୟୁ ହୋଇଛି। କୋଲକାତାରେ ସଂଗୀତ ପରିବେଷଣ କରୁଥିବା ବେଳେ ସେ ଅସୁସ୍ଥ ଅନୁଭବ କରିଥିଲେ। ହସ୍ପିଟାଲରେ ତାଙ୍କୁ ମୃତ ଘୋଷଣା କରାଯାଇଥିଲା। ଆଜି କୋଲକାତାର ରବିନ୍ଦ୍ର ସଦନରେ ତାଙ୍କୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଏଥିସହ ତାଙ୍କୁ ରାଷ୍ଟ୍ରୀୟ ମର୍ଯ୍ୟାଦା ମଧ୍ଯ ଦିଆଯାଇଛି।
#WATCH | West Bengal: Gun salute accorded to singer #KK at Rabindra Sadan in Kolkata. CM Mamata Banerjee and members of the family of KK are also present here.
KK passed away in Kolkata last night after a live performance here. pic.twitter.com/A4ZTkOSm79
— ANI (@ANI) June 1, 2022
ଜଣାଇଦେବାକୁ ଚାହୁଁ ଯେ କେକଙ୍କର ହୃଦଘାତରେ ମୃତ୍ୟୁ ହୋଇଥିବା କୁହାଯାଉଥିଲା। କିନ୍ତୁ ତାଙ୍କ ଓଠ ଓ ମୁଣ୍ଡରେ କ୍ଷତ ଚିହ୍ନ ଥିବା ଅଭିଯୋଗ ହୋଇଛି। ଅପମୃତ୍ୟୁ ମାମଲା ରୁଜୁ କରିଛି ପୋଲିସ। କେକେଙ୍କ ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା କରାଯାଇଛି।
West Bengal | Family of singer #KK pay their last respects to him at Rabindra Sadan in Kolkata. pic.twitter.com/R9gDeTqVDr
— ANI (@ANI) June 1, 2022
କେକେ ସାରା ଭାରତରେ ଜଣେ ଲୋକପ୍ରିୟ ଗାୟକ ଭାବେ ପରିଚିତ ଥିଲେ। ତାଙ୍କ ମୃତ୍ୟୁରେ ବଲିଉଡରେ ଶୋକର ଛାୟା ଖେଳିଯାଇଛି। ସେ ହିନ୍ଦୀ, ତେଲୁଗୁ, ତାମିଲ, କନ୍ନଡ ଓ ବଙ୍ଗଳା ଆଦି ଭାଷାରେ ଅନେକ ଗୀତ ଗାଇଛନ୍ତି। କେକଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ବ୍ୟକ୍ତ କରିଛନ୍ତି । ଏହାସହ ବହୁ ସିନେ କଳାକାର ମଧ୍ଯ କେକେଙ୍କ ବିୟୋଗରେ ମର୍ମାହତ। ଅକ୍ଷୟ କୁମାର, ଶ୍ରେୟା ଘୋଷାଲ, ପ୍ରିତମଙ୍କ ପରି ଅନେକ ବଡ଼ ବଡ଼ ସେଲେବ୍ରିଟି ଟ୍ୱିଟ୍ କରି ଶୋକ ବ୍ୟକ୍ତ କରିଛନ୍ତି।
କାହିଁକି ବାହାଘର କାର୍ଯ୍ୟକ୍ରମରେ ଗାଉ ନଥିଲେ କେକେ ? ଫିଲ୍ମ ଅଫରକୁ ବି କରିଛନ୍ତି ପ୍ରତ୍ୟାଖାନ
ନୂଆଦିଲ୍ଲୀ: ସମସ୍ତଙ୍କ ଆଖିରେ ଲୁହ ଦେଇ ଅଫେରା ବାଟରେ ଚାଲି ଯାଇଛନ୍ତି ବଲିଉଡର ସୁପ୍ରସିଦ୍ଧ ସୀଙ୍ଗର କୃଷ୍ଣକୁମାର କୁନ୍ନାଥ ଓରଫ କେକେ । କେକେଙ୍କ ପରଲୋକ ସଙ୍ଗୀତ ଜଗତକୁ ସ୍ତବ୍ଧ କରି ଦେଇଛି । କେବଳ ସଙ୍ଗୀତ କି ସିନେମା ଜଗତ ନୁହେଁ ପୂରା ଦେଶରେ ଖେଳି ଯାଇଛି ଶୋକର ଛାୟା । କୋଲକାତାରେ ଏକ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ଅସୁସ୍ଥ ହୋଇ ପଡିଯିବା ପରେ ତାଙ୍କୁ ମେଡିକାଲ ନିଆଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଛି । କେକେଙ୍କ ନିଧନ ପରେ ତାଙ୍କୁ ନେଇ ବହୁତ କଥା ଶୁଣିବାକୁ ମିଳୁଛି । ଏହାରି ଭିତରେ ବିବାହ କାର୍ଯ୍ୟକ୍ରମରେ ଗାଇବାକୁ କେକେ ମନା କରିବା, ଫିଲ୍ମରେ ହିରୋ ହେବାର ଅଫରକୁ ହସି ହସି ପ୍ରତ୍ୟାଖାନ କରିଦେବା ସଙ୍ଗୀତ ପ୍ରତି ତାଙ୍କ ଭଲ ପାଇବାକୁ ପ୍ରତିବାଦିତ କରୁଛି । ଆସନ୍ତୁ ଜାଣିବା କେକେ କାହିଁକି ଫିଲ୍ମ ଓ ବାହାଘରରେ ଗାଇବାକୁ ମନା କରିଥିଲେ ।
ପ୍ରାୟ ସବୁ ସୀଙ୍ଗର ବିଭିନ୍ନ ବିବାହ କାର୍ଯ୍ୟକ୍ରମରେ ସଙ୍ଗୀତ ପରିବେଶଣ କରିବା ଦେଖିଥିବେ । ହେଲେ ଏମାନଙ୍କ ମଧ୍ୟରୁ ବ୍ୟତିକ୍ରମ ଥିଲେ କେକେ । ଏକ ସାକ୍ଷାତକାରରେ ତାଙ୍କୁ ପଚରାଯାଇଥିଲା କଣ୍ଠଶିଳ୍ପୀ ଭାବେ ଆପଣ କୌଣସି ଅଫରକୁ ଗ୍ରହଣ କରିବାକୁ ମନା କରିଛନ୍ତି କି ? ଉତ୍ତରରେ କେକେ କହିଥିଲେ, ‘ମୁଁ ବିବାହ ଉତ୍ସବରେ ଗାଇବାକୁ ଆସୁଥିବା ଅଫରକୁ ଗ୍ରହଣ କରିନଥାଏ । ମୋତେ କୋଟିଏ ଟଙ୍କାର ଅଫର ଦେଲେ ବି ମୁଁ ବିବାହ ଉତ୍ସବରେ ଗାଇବି ନାହିଁ ।’
କିଛି କଣ୍ଠଶିଳ୍ପୀ ଆକ୍ଟିଂରେ ବି ନିଜ ଭାଗ୍ୟ ପରୀକ୍ଷା କରିଥିବା ଦେଖିଛନ୍ତି । ଏନେଇ କେକେଙ୍କୁ ପ୍ରଶ୍ନ ପଚରାଯିବାରେ ସେ କହିଥିଲେ, ‘ପ୍ଲିଜ… ଏହାକୁ ଛାଡ । ମୁଁ ପି-ନେଟ ପାଇଁ ଅଭିନୟ କରିପାରିବିନି । କିଛି ବର୍ଷ ପୂର୍ବେ ମୋତେ ଫିଲ୍ମ ଅଫର ଆସିଥିଲା, ଯାହାକୁ ମୁଁ ପ୍ରତ୍ୟାଖାନ କରିଦେଇଥିଲି ।
ଏଥିରୁ ସ୍ପଷ୍ଟ ଜଣାପଡୁଛି କେକେଙ୍କ ପ୍ରଥମ ଓ ଶେଷ ସମ୍ପର୍କ କେବଳ ସଙ୍ଗୀତ ସହ । ସଙ୍ଗୀତ ପ୍ରତି ପ୍ରେମ ତାଙ୍କ ଗୀତ ଓ ସ୍ବରରେ ପ୍ରତିଫଳିତ ହୋଇଥାଏ । କେକେ ତାଙ୍କର ପ୍ରଥମ ଗୀତ ଫିଲ୍ମ ‘ମାଚିସ’ର ଗୀତ ‘ଛୋଡ ଆଏ ହାମ…’ରୁ ଆରମ୍ଭ ହୋଇଥିଲା । ହେଲେ ଫିଲ୍ମ ‘ହମ୍ ଦିଲ୍ଲ ଦେ ଚୁକେ ସନମ’ର ଗୀତ ‘ତଡପ ତଡପ କେ ଇସ୍ ଦିଲ୍ଲ ସେ…’ ତାଙ୍କୁ ଦେଇଥିଲା ପରିଚୟ । ଏହାପରେ ସେ ଆଉ କେବେ ପଛକୁ ଫେରି ଚାହିଁ ନାହାନ୍ତି । ତାଙ୍କର ଏହି ଗୀତ ଆଜି ବି ଲୋକଙ୍କ କନ୍ଦାଇବାକୁ ଶକ୍ତି ରଖିଛି । ହେଲେ କେକେଙ୍କ ଏମିତି ଅକାଳ ବିୟୋଗରେ ତାଙ୍କ ପ୍ରଶଂସକଙ୍କ ହୃଦୟ ଭାଙ୍ଗି ଯାଇଛି ।
ମେଡିକାଲରେ ମାଡିଗଲା ଗାଡି, ଜଣେ ମୃତ
ଭଦ୍ରକ: ଭଦ୍ରକ ଆଗରପଡା ସ୍ବାସ୍ଥ୍ୟକେନ୍ଦ୍ରରେ ଗାଡି ମାଡି ଯାଇ ଜଣେ ମୃତ, ୪ ଜଣ ଆହତ । ମେଡିକାଲ କାର୍ଯ୍ୟରେ ନିୟୋଜିତ ବୋଲେରୋ ରୋଗୀ ଓ ସମ୍ପର୍କୀୟଙ୍କୁ ଧକ୍କା ଦେଇଥିଲା । ମୃତକ ହେଉଛନ୍ତି ଆଗରପଡ଼ା ବର୍ଚ୍ଚିକୟାଁର ଶ୍ରୀଧର ଲେଙ୍କା ।
ଆଗରପଡା ମେଡିକାଲ କାର୍ଯ୍ୟରେ ନିୟୋଜିତ ଗାଡ଼ି ଭଦ୍ରକରୁ ଔଷଧ ଆଣି ସ୍ବାସ୍ଥ୍ୟକେନ୍ଦ୍ର ପରିସରରେ ଥିଲା । ଔଷଧ କାଢିବା ବେଳେ ଗାଡିରେ ଚାବି ଲାଗିଥିଲା । ସେହି ସମୟରେ କେହି ଗାଡିଟିକୁ ଷ୍ଟାର୍ଟ କରିଦେବା ଯୋଗୁଁ ଏଭଳି ଦୁର୍ଘଟଣା ହୋଇଥିବା କୁହାଯାଉଛି । ମେଡିକାଲରେ ଚିକିତ୍ସାଧୀନ କିଛି ରୋଗୀ ଓ ସେମାନଙ୍କ ସମ୍ପର୍କୀୟଙ୍କ ଉପରେ ଦ୍ରୁତ ବେଗରେ ଗାଡିଟି ଚଢି ଯାଇଥିଲା । ସେମାନେ ଛିଟିକି ପଡ଼ିଥିବା ବେଳେ ଶରୀରର ବିଭିନ୍ନ ସ୍ଥାନରେ ଗଭୀର ଆଘାତ ଲାଗିଛି । ଆହତଙ୍କ ମଧ୍ୟରୁ ଶ୍ରୀଧର ଲେଙ୍କାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ଉତ୍ତେଜନା ଲାଗି ରହିଥିବା ବେଳେ ପୋଲିସ ପହଞ୍ଚି ସ୍ଥିତି ଅନୁଧ୍ୟାନ କରୁଛି ।
ମହାନଦୀ ସମସ୍ୟାର ସମାଧାନ ପାଇଁ ଛତିଶଗଡ଼ କୁନ୍ଥକୁନ୍ଥ
ଭୁବନେଶ୍ବର: ମହାନଦୀ ସମସ୍ୟାର ସମାଧାନ ପାଇଁ ଛତିଶଗଡ଼ ସରକାରଙ୍କ ନାହିଁ ଆନ୍ତରିକତା । ମହାନଦୀ ଜଳ ପ୍ରବାହ ନେଇ ଛତିଶଗଡ଼କୁ ଗତ ମେ’ ୧୯ ତାରିଖରେ ଯୁଗ୍ମ ବୈଠକ ପାଇଁ ଚିଠି କରିଛି ରାଜ୍ୟ । ହେଲେ ଛତିଶଗଡ଼ ପକ୍ଷରୁ କିଛି ଜବାବ ଆସିନି । ଆଗାମୀ ବର୍ଷାଋତୁରେ ଓଡ଼ିଶାକୁ ଜଳ ପ୍ରବାହ ନେଇ କିପରି ପରିଚାଳନା କରାଯିବ ସେ ନେଇ ଚିଠିରେ ଉଲ୍ଲେଖ କରାଯାଇଛି । ଏନେଇ ଛତିଶଗଡ଼ର ମହାନଦୀ ମୁଖ୍ୟ ଯନ୍ତ୍ରୀଙ୍କ ସହ ଆଲୋଚନା କରାଯିବ । ହେଲେ ଏବେ ସୁଦ୍ଧା ଚିଠିର ଜବାବ ରଖିନି ଛତିଶଗଡ଼ ।
ଏପଟେ ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ କହିଛନ୍ତି, ଛତିଶଗଡ଼ ପାଣି ଛାଡ଼ିବା ପରେ ହୀରାକୁଦର କ୍ଷମତା ଦେଖି ବନ୍ୟା ପରିସ୍ଥିତି ସଂପର୍କରେ ଜଣାପଡ଼ିବ । କେତେ ମାତ୍ରାରେ ପାଣି ଛାଡ଼ୁଛନ୍ତି, ତାହା ଦେଖିବାକୁ ପଡ଼ିବ । ଜୁନ୍ରେ ଭଲ ବର୍ଷା ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ତେଣୁ ପ୍ରଥମ ବର୍ଷାରେ ପ୍ରବାହ ଅଧିକ ରହିବ । ଦ୍ଵିତୀୟ ବର୍ଷାରେ ସମୀକ୍ଷା କରି ବନ୍ୟା କଥା କହି ହେବ ବୋଲି ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ କହିଛନ୍ତି । ଆଜିଠାରୁ ଜଳସମ୍ପଦ ହେଡକ୍ବାର୍ଟରରେ ବନ୍ୟା ନିୟନ୍ତ୍ରଣ ସେଲ ଖୋଲାଯାଇଛି । ଏହା ଜୁନ ୧ରୁ ଅକ୍ଟୋବର ୩୧ ଯାଏଁ ଖୋଲା ରହିବ । ଏଥିସହ ସର୍କଲ ଓ ଡିଭିଜନ ଅଫିସରେ ବି ବନ୍ୟା ନିୟନ୍ତ୍ରଣ ସେଲ ଖୋଲାଯାଇଛି ।