spot_img
Home Blog Page 4893

ଦେଶରେ ଉପରମୁହାଁ କରୋନା, ୨୪ ଘଣ୍ଟାରେ ୨୭ ହଜାର ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ସାରା ଦେଶରେ ପୁଣି ଥରେ ବଢ଼ିବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା । କରୋନାର ନୂଆ ଭାରିଆଣ୍ଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ମଧ୍ୟ ଦିନକୁ ଦିନ ବଢ଼ିବାରେ ଲାଗିଛି । ଗତ ୨୪ ଘଣ୍ଟାରେ ଭାରତରେ ୨୭ ହଜାର ୫୫୩ ନୂଆ ମାମଲା ଚିହ୍ନଟ ହୋଇଥିବାବେଳେ ୨୮୪ ଜଣଙ୍କ କରୋନରେ ମୃତ୍ୟୁ ଘଟିଛି । ଏହା ସହିତ ବର୍ତ୍ତମାନ ସାରା ଦେଶରେ କରୋନାର ଆକ୍ଟିଭ କେସ୍ ୧ ଲକ୍ଷ ୨୨ ହଜାର ୮୦୧ ରହିଛି ।

https://twitter.com/ANI/status/1477490650299858945/photo/1

ଯଦି ଓମିକ୍ରନ ଆକ୍ରାନ୍ତଙ୍କ ସଂଖ୍ୟା କହିବା ତାହାଲେ ଭାରତରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୫୨୫ରେ ପହଞ୍ଚିଛି ।  ମହାରାଷ୍ଟ୍ରରେ ସର୍ବାଧିକ ଓମିକ୍ରନ ଆକ୍ରାନ୍ତଙ୍କ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ମୋଟ ୪୬୦ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ମହାରାଷ୍ଟ୍ର ପରେ ଦିଲ୍ଲୀରେ ୩୫୧ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗୁଜୁରାଟରେ ୧୩୬, ତାମିଲନାଡୁରେ ୧୧୭, କେରଳରେ ୧୦୯, ରାଜସ୍ଥାନରେ ୬୯, ତେଲେଙ୍ଗାନାରେ ୬୭, କର୍ଣ୍ଣାଟକରେ ୬୪, ହରିଆଣାରେ ୬୩, ପଶ୍ଚିମବଙ୍ଗରେ ୨୦, ଆନ୍ଧ୍ର ପ୍ରଦେଶରେ ୧୭, ଓଡ଼ିଶାରେ ୧୪, ମଧ୍ୟପ୍ରଦେଶରେ ୯, ଉତ୍ତରପ୍ରଦେଶରେ ୮,  ଉତ୍ତରାଖଣ୍ଡରୁ ୮, ଚଣ୍ଡିଗଡ଼ରୁ ୩, ଜମ୍ମୁ-କଶ୍ମୀରରୁ ୩, ଆଣ୍ଡାମାନ ଓ ନିକୋବର ଦ୍ୱୀପରୁ ୨, ଗୋଆ, ହିମାଚଳ ପ୍ରଦେଶ, ଲଦାଖ, ମଣିପୁର ଓ ପଞ୍ଜାବରୁ ଜଣେ ଲେଖାଏଁ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ମାନସିକ ବିକାରଗ୍ରସ୍ତଙ୍କୁ ପୋଲିସ ଇନଫର୍ମର ସନ୍ଦେହରେ ହତ୍ୟା

ମାଲକାନଗିରି: ପୁଣି ମାତିଲେ ମାଓବାଦୀ । ପୋଲିସ ଇନଫର୍ମର ସନ୍ଦେହରେ କାଟିଲେ ଗଳା । ଜଣେ ଗ୍ରାମବାସୀଙ୍କ ଗଳା କାଟି ହତ୍ୟା କରିଛନ୍ତି ମାଓବାଦୀ । ମାଲକାନଗିରି ସୀମାନ୍ତ ଛତିଶଗଡ଼ର ବିଜାପୁରରେ ହିଂସାକାଣ୍ଡ ଘଟାଇଛନ୍ତି ଲାଲବାହିନୀ । ବାସାଗୁଡ଼ା ଥାନା ତିମାପୁର ଗାଁରେ ବିଳମ୍ବିତ ରାତିରେ ୫ରୁ ୬ ଜଣ ଶସସ୍ତ୍ର ମାଓବାଦୀ ଜଣଙ୍କୁ ହତ୍ୟା କରିଛନ୍ତି ।

ଏଥିସହ ପଢ଼ନ୍ତୁ: ଖୋଲିବନି ପ୍ରଥମରୁ ପଞ୍ଚମ ଶ୍ରେଣୀ ବିଦ୍ୟାଳୟ, ସଂକ୍ରମଣ ବୃଦ୍ଧି ପରେ ବଦଳିଲା ନିଷ୍ପତ୍ତି

ଗାଁର ହେମନ୍ତ ବଡ଼ି ନାମକ ଜଣେ ମାନସିକ ବିକାରଗ୍ରସ୍ତଙ୍କୁ ଘରୁ ଡାକି ନେଇ ଗାଁ ମୁଣ୍ଡରେ ହତ୍ୟା କରାଯାଇଛି । ହତ୍ୟା ପରେ ମୃତଦେହ ନିକଟରେ ଏକ ଚିଠି ମଧ୍ୟ ଛାଡ଼ିଛନ୍ତି ମାଓବାଦୀ । ଘଟଣାସ୍ଥଳରେ ସୁରକ୍ଷା କର୍ମୀ ପହଞ୍ଚି ମୃତଦେହ ବ୍ୟବଛେଦ ପାଇଁ ପଠାଇଥିବା ବିଜାପୁର ଏସପି କମଳ ଲୋଚନ କଶ୍ୟପ ସୂଚନା ଦେଇଛନ୍ତି ।

ଖୋଲିବନି ପ୍ରଥମରୁ ପଞ୍ଚମ ଶ୍ରେଣୀ , ସଂକ୍ରମଣ ବୃଦ୍ଧି ପରେ ବଦଳିଲା ନିଷ୍ପତ୍ତି

ଭୁବନେଶ୍ୱର: କୋଭିଡ୍ ସଂକ୍ରମଣ ବୃଦ୍ଧି ପରେ ବଦଳିଲା ନିଷ୍ପତ୍ତି । କାଲିଠୁ ଖୋଲିବନି ପ୍ରାଥମିକ ବିଦ୍ୟାଳୟ । ୩ ତାରିଖରୁ ପ୍ରଥମରୁ ପଞ୍ଚମ ଶ୍ରେଣୀ ବିଦ୍ୟାଳୟ ଖୋଲିବା ନେଇ ଗଣଶିକ୍ଷା ବିଭାଗ ନେଇଥିବା ନିଷ୍ପତ୍ତିକୁ ସାମୟିକ ଭାବେ ସ୍ଥଗିତ ରଖାଯାଇଛି । ରାଜ୍ୟରେ ୨ ଦିନ ଧରି କୋଭିଡ୍ ସଂକ୍ରମଣ ମାମଲା ବୃଦ୍ଧି ପାଇବାରେ ଲାଗିଛି । ଗତ ୨୪ ଘଣ୍ଟାରେ ୪ ଶହରୁ ଅଧିକ ସଂକ୍ରମିତ ଚିହ୍ନଟ ହେବା ପରେ ପିଲାଙ୍କ ବୃହତ୍ତର ସ୍ୱାସ୍ଥ୍ୟଗତ ହିତକୁ ନଜରରେ ରଖି ଏଭଳି ନିଷ୍ପତ୍ତି ନିଆଯାଇଛି ।

ଏଥିସହ ପଢ଼ନ୍ତୁ: ଦୀର୍ଘ ଦିନ ପରେ କୋଭିଡର ଲମ୍ବ ଡିଆଁ, ୪୦୦ ଟପିଲା ଦୈନିକ ସଂକ୍ରମଣ

ଆସନ୍ତାକାଲି ଠାରୁ ରାଜ୍ୟର ପ୍ରାୟ ୨୩ ହଜାର ପ୍ରାଥମିକ ବିଦ୍ୟାଳୟ ଖୋଲିଥାନ୍ତା । ବାକି ୩ ହଜାର ୯୩ ବିଦ୍ୟାଳୟ ୧୦ ତାରିଖରୁ ଖୋଲିଥାନ୍ତା । ତେବେ ପୂର୍ବଭଳି ବିଦ୍ୟାଳୟ ଶ୍ରେଣୀଗୃହରେ ଷଷ୍ଠରୁ ଦଶମ ଶ୍ରେଣୀ ପାଠପଢ଼ା ଜାରି ରହିବ ବୋଲି ସୂଚନା ଦିଆଯାଇଛି । ଜାନୁଆରୀ ୫ରୁ ୮ ତାରିଖ ଯାଏ ଦଶମ ଶ୍ରେଣୀ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ସମେଟିଭ-୦୧ ପରୀକ୍ଷା ହେବ । କରୋନା ନିୟମ ମାନି ପରୀକ୍ଷା ହେବ ବୋଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସୂଚନା ମିଳିଛି ।

ଭଡ଼ା ଘରୁ ୧୩ ଲକ୍ଷ ଟଙ୍କାର ଜାଲ୍ ନୋଟ୍ ଜବତ, ଜଣେ ଗିରଫ

ଯାଜପୁର: ୧୩ ଲକ୍ଷ ଟଙ୍କାର ଜାଲ୍ ନୋଟ୍ ଜବତ । ଯାଜପୁର ସହରର ଯାଜପୁର ସନ୍ଥ ମହାଦେବ ନିକଟ ଏକ ଭଡ଼ା ଘରୁ ବିପୁଳ ଜାଲ୍ ନୋଟ୍ ଜବତ କରିଛି ପୋଲିସ । ଜବତ ଟଙ୍କା ମଧ୍ୟରେ ଏକାଧିକ ୨ ଶହ ଟଙ୍କିଆ ନୋଟ୍ ଓ ଶହେ ଟଙ୍କିଆ ଜାଲ୍ ନୋଟ୍ ରହିଥିବା ଜଣାପଡ଼ିଛି । ମାମଲାରେ ଜଣଙ୍କୁ ଗିରଫ କରିଛି ଯାଜପୁର ପୋଲିସ ।

Jajpur Police Seized Fake Notes Worth 13 Lakhs, One Arrested

ଗିରଫ ଅଭିଯୁକ୍ତ ଜଣଙ୍କ ମଙ୍ଗଳପୁର ଥାନା କାଟିଆ ଅଞ୍ଚଳର ବୋଲି ଜଣାପଡ଼ିଛି । ଗିରଫଙ୍କ ନିକଟରୁ ଜାଲ୍ ନୋଟ୍ ସହ ଜାଲ୍ ନୋଟ ପ୍ରସ୍ତୁତ ପାଇଁ ବ୍ୟବହୃତ ପ୍ରିଣ୍ଟର, କମ୍ପ୍ୟୁଟର, ପେପର୍ ସହ ଅନ୍ୟ ସାମଗ୍ରୀ ଜବତ କରାଯାଇଛି । ଏନେଇ ମଧ୍ୟାହ୍ନରେ ପ୍ରେସମିଟରେ ବିସ୍ତୃତ ସୂଚନା ଦେବ ପୋଲିସ । ଜାଲ୍ ନୋଟ କାରବାରର ଆଉ କାହାର ସମ୍ପୃକ୍ତି ରହିଛି କି ନାହିଁ ସେନେଇ ପୋଲିସ ତଦନ୍ତ କରୁଛି ।

ଗୁଡ଼ି ଉଡ଼ାକୁ ନେଇ ଗୋଷ୍ଠୀ ସଂଘର୍ଷ, ୩ ଗୁରୁତର

ବାଲେଶ୍ୱର: ଗୁଡ଼ି ଉଡ଼ାକୁ କେନ୍ଦ୍ର କରି ବଟେଶ୍ୱର ଗାଁରେ ଗୋଷ୍ଠୀ ସଂଘର୍ଷ ହୋଇଛି । ଦୁଇ ପରିବାର ଭିତରେ ହୋଇଥିବା ଗଣ୍ଡଗୋଳରେ ବାପ, ପୁଅ ସହିତ ୩ ଜଣ ଗୁରୁତର ଆହାତ ହୋଇଛନ୍ତି । ବିଳମ୍ବିତ ରାତିରେ ସମସ୍ତ ଗୁରୁତରଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

Group Clash For Kite Flying 3 Injured In Balasore

ସୂଚନା ଅନୁସାରେ, ବଟେଶ୍ୱର ଗାଁର ଅନୀଲ ସାହାଙ୍କ ଦୁଇ ପୁଅ ଗୁଡ଼ି ଉଡ଼ାଉଥିଲେ । ପଡ଼ୋଶୀଙ୍କ ଗୁଡ଼ିକୁ କାଟି ଦେବାରୁ ଉଭୟ ପରିବାର ମଧ୍ୟରେ ଗଣ୍ଡଗୋଳ ଲାଗିଥିଲା । ଫଳରେ ପଡ଼ୋଶୀଙ୍କ ଆକ୍ରମଣରେ ଅନୀଲ ସାହାଙ୍କ ସମେତ ୨ ପୁଅ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ଚିକିତ୍ସା ପାଇଁ ବାଲେଶ୍ୱର ମେଡିକାଲରେ ଭର୍ତ୍ତି କରାଯାଇଛି । ଏନେଇ ଥାନାରେ ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ କରୁଛି ।

ଦୀର୍ଘ ଦିନ ପରେ କୋଭିଡର ଲମ୍ବ ଡିଆଁ, ୪୦୦ ଟପିଲା ଦୈନିକ ସଂକ୍ରମଣ

ଭୁବନେଶ୍ୱର: ଦୀର୍ଘ ଦିନ ପରେ ରାଜ୍ୟରେ ଲମ୍ବ ଡିଆଁ ମାରିଛି କରୋନା ସଂକ୍ରମଣ । ଗତକାଲି ଦୈନିକ ସଂକ୍ରମଣ ମାମଲା ୩ ଶହ ପାଖାପାଖି ଥିବାବେଳେ ଆଜି ୪୦୦ ଟପିଛି । ରାଜ୍ୟରେ ୨୧ ଜିଲ୍ଲାରୁ ଆଉ ୪୨୪ ଜଣ କୋଭିଡ୍ ସଂକ୍ରମିତ ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି । ଶୂନରୁ ୧୮ ବର୍ଷ ମଧ୍ୟରେ ୬୭ ଜଣ ଆକ୍ରାନ୍ତ ରହିଥିବା ବେଳେ କ୍ୱାରେଣ୍ଟାଇନରୁ ୨୪୯ ଜଣ ଓ ୧୭୫ଟି ସ୍ଥାନୀୟ ମାମଲା ଚିହ୍ନଟ ହୋଇଛି ।

ହଟସ୍ପଟରେ ରହିଛି ଖୋର୍ଦ୍ଧା ଜିଲ୍ଲା । ରାଜ୍ୟରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ କୋଭିଡ୍ ସଂକ୍ରମିତ ଚିହ୍ନଟ ହେଉଛନ୍ତି । ଖୋର୍ଦ୍ଧାରୁ ୧୭୭ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୮ ଜଣ, ବରଗଡ଼ରୁ ୧୦ ଜଣ, ବରଗଡ଼ରୁ ଜଣେ, ବୌଦ୍ଧରୁ ଜଣେ, କଟକରୁ ୪୫ ଜଣ, ଢେଙ୍କାନାଳରୁ ୩ ଜଣ, ଗଞ୍ଜାମରୁ ୪ ଜଣ, ଗଜତସିଂହପୁରରୁ ୮ ଜଣ, ଯାଜପୁରରୁ ୯ ଜଣ, ଝାରସୁଗୁଡ଼ାରୁ ୧୫ ଜଣ, କଳାହାଣ୍ଡିରୁ ୨ ଜଣ, କେନ୍ଦ୍ରାପଡ଼ାରୁ ଜଣେ, କେନ୍ଦୁଝରରୁ ୧୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ମୟୂରଭଞ୍ଜରୁ ୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ନବରଙ୍ଗପୁରରୁ ୭ ଜଣ, ପୁରୀରୁ ୧୪ ଜଣ, ରାୟଗଡ଼ାରୁ ୪ ଜଣ, ସମ୍ବଲପୁରରୁ ୧୫ ଜଣ, ସୁନ୍ଦରଗଡ଼ରୁ ୩୮ ଜଣ, ଷ୍ଟେଟପୁଲରୁ ୪୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟର ଏକମାତ୍ର ଜିଲ୍ଲା ଭାବେ କନ୍ଧମାଳ କୋଭିଡ୍ ମୁକ୍ତ ରହିଛି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୦ ଲକ୍ଷ ୫୫ ହଜାର ୫୫୬କୁ ବୃଦ୍ଧି ପାଇଛି । ଏବେ ୨୦୭୮ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୧୦ ଲକ୍ଷ ୪୪ ହଜାର ୯୬୨ ଜଣ କୋଭିଡରୁ ସୁସ୍ଥ ହୋଇଛନ୍ତି ।

‘ମୋ କ୍ୟାରିଅରରେ ବହୁତ ଭିଲେନ୍’, ଧୋନିଙ୍କ ପରେ BCCIକୁ ଭଜିଙ୍କ ଟାର୍ଗେଟ୍

ନୂଆଦିଲ୍ଲୀ: ନିକଟରେ ଅନ୍ତର୍ଜାତୀୟ କ୍ରିକେଟକୁ ବାଏ ବାଏ କରିଥିବା ହରଭଜନ ସିଂହ ମୁହଁ ଖୋଲିବାରେ ଲାଗିଛନ୍ତି । ଭଜି ପ୍ରଥମେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ଟାର୍ଗେଟ୍ କରିଛନ୍ତି । ଅଭିଯୋଗ କରିଛନ୍ତି, ତାଙ୍କୁ କାହିଁକି ଦଳରୁ ବାହାର କରାଗଲା ସେନେଇ କିଛି କାରଣ କୁହାଯାଇ ନାହିଁ ।

ଏବେ ପୁଣି ଥରେ ଭଜି ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (BCCI)ର ଅଧିକାରୀଙ୍କ ଉପରେ ଅଭିଯୋଗ ଆଣିଛନ୍ତି । କହିଛନ୍ତି, ସେ ସମୟରେ ବିସିସିଆଇର କିଛି ଅଧିକାରୀ ଚାହୁଁନଥିଲେ ମୁଁ ଦଳକୁ ଫେରେ । ସେତେବେଳେ ଧୋନି ଦଳର ଅଧିନାୟକ ଥିଲେ । ସେ ମଧ୍ୟ ବିସିସିଆଇ ଅଧିକାରୀଙ୍କୁ ସମର୍ଥନ କରିଥିଲେ । ଯଦି କେବେ ମୋ ବାୟୋପିକ୍ ଫିଲ୍ମ କିମ୍ବା ୱେବ୍ ସିରିଜ୍ ନିର୍ମାଣ ହୁଏ ତ ସେଥିରେ ଜଣେ କେହି ନୁହେଁ ଅନେକ ଭିଲେନ୍ ରହିବେ ।

Harbhajan Singh Blames On BCCI Officials And MS Dhoni

ହରଭଜନ ଏକ ସାକ୍ଷାତକାରରେ କହିଛନ୍ତି, ଭାଗ୍ୟ ସବୁବେଳେ ମୋ ସାଥ୍ ଦେଇଥିଲା । କେବଳ କିଛି ବାହାର ଶକ୍ତି ଯିଏ ମୋ ସହିତ ନଥିଲେ । କହିବାକୁ ଗଲେ ସେମାନେ ମୋ ବିରୋଧରେ ଥିଲେ । ଏହାର କାରଣ ଥିଲା ମୋ ବୋଲିଂକୁ ନେଇ ମୁଁ ଆଗକୁ ବଢ଼ୁଥିଲି । ମୁଁ ୩୧ ବର୍ଷର ହୋଇଥିବା ବେଳେ ୪୦୦ ୱିକେଟ୍ ନେଇଥିଲି । ସେତେବେଳେ ଆଉ ୪ରୁ ୫ ବର୍ଷ ଖେଳିବି ବୋଲି ଭାବୁଥିଲି । ଯଦି ସମ୍ଭବ ହୋଇଥାନ୍ତା ତ ମୁଁ ଆଉ ୧୦୦ରୁ ୧୫୦ ୱିକେଟ୍ ନେଇ ପାରିଥାନ୍ତି ।

ଭଜି କହିଛନ୍ତି, ସେତେବେଳେ ଧୋନି ଦଳର ନେତୃତ୍ୱ ନେଉଥିଲେ । ମୋ ଅନୁସାରେ, ସବୁକିଛି ଧୋନିଙ୍କ ହାତରେ ଥିଲା । ବିସିସିଆଇର କିଛି ଅଧିକାରୀ ଚାହୁଁନଥିଲେ ମୁଁ ଆଗକୁ ଖେଳେ । ସେତେବେଳେ ଧୋନି ବି ଏହାର ସମର୍ଥନ କରିଥିଲେ । ତେବେ ଅଧିନାୟକ, କୋଚ୍ ଅବା ଟିମ୍ ବିସିସିଆଇ ଠାରୁ ବଡ଼ ନୁହଁନ୍ତି ।

ବଉଳା କୁମ୍ଭୀର ଗଣନା ଲାଗି ଆଜିଠୁ ବନ୍ଦ ରହିବ ଭିତରକନିକା

ପଟ୍ଟାମୁଣ୍ଡାଇ: ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା ଜାତୀୟ ଉଦ୍ୟାନ । ଆଜିଠୁ ୧୧ ତାରିଖ ପର୍ଯ୍ୟନ୍ତି ଭିତରକନିକା ଜାତୀୟ ଉଦ୍ୟାନ ପର୍ଯ୍ୟଟକଙ୍କ ପାଇଁ ବନ୍ଦ ରହିବ । ବଉଳା କୁମ୍ଭୀର ଗଣନା ପାଇଁ ୧୦ ଦିନ ବନ୍ଦ ରହିବ ଭିତରକନିକା ।

Bhitarkanika National Park

ମୋଟ ୨୨ଟି ଟିମ୍, ୫୨ଟି ସେଗେମେଣ୍ଟ ସାହାଯ୍ୟରେ ବଉଳା କୁମ୍ଭୀର ଗଣନା କରିବେ । ଏ ବର୍ଷ ପ୍ରଥମଥର ପାଇଁ ପଲିଗନ୍ ସର୍ଚ୍ଚ ମୋବାଇଲ ଆପରେ କରାଯିବ କୁମ୍ଭୀର ଗଣନା । ଡକ୍ଟର ସୁଧାକର କରଙ୍କ ନେତୃତ୍ଵରେ ଗଣନା କରାଯିବ ।

BCCI ଅଧ୍ୟକ୍ଷ ଡେଲଟା ପ୍ଲସ ଭ୍ୟାରିଆଣ୍ଟରେ ସଂକ୍ରମିତ

ନୂଆଦିଲ୍ଲୀ: ଭାରତୀୟ କ୍ରିକେଟ ବୋର୍ଡର ଅଧ୍ୟକ୍ଷ ସୌରଭ ଗାଙ୍ଗୁଲି ସୁସ୍ଥ ହୋଇ ହସ୍ପିଟାଲରୁ ଘରକୁ ଫେରିଛନ୍ତି । ଗାଙ୍ଗୁଲିଙ୍କ କୋଭିଡ ରିପୋର୍ଟ ପଜିଟିଭ ଆସିବା ପରେ କୋଲକାତାର ବୁଡଲେଣ୍ଡ ହସ୍ପିଟାଲରେ ଚିକିତ୍ସିତ ହେଉଥିଲେ । ୩ ଜଣିଆ ଡାକ୍ତରୀ ଟିମ ତାଙ୍କ ଉପରେ ନଜର ରଖିଥିଲେ । ତାଙ୍କ ନମୁନା ଜିନୋମ ସିକ୍ୱେନ୍ସିଂ ପାଇଁ ପଠାଯାଇଥିଲା । ହେଲେ ଏଥିରେ ଓମିକ୍ରନ ନଥିବା ସ୍ପଷ୍ଟ ହୋଇଥିଲା । ବର୍ତ୍ତମାନ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଡେଲଟା ପ୍ଲସ ଭ୍ୟାରିଆଣ୍ଟରେ ସଂକ୍ରମିତ ଥିବା ସୂଚନା ମିଳିଛି  ।

ଗୃହବନ୍ଦୀ ଘଟଣା: ପ୍ରିୟଦର୍ଶିନୀ ମାର୍କେଟ ଅଞ୍ଚଳରେ ଲାଗିଲା ୧୪୪ ଧାରା

ଭୁବନେଶ୍ୱର: ଜମିବାଡ଼ି ବିବାଦକୁ ନେଇ ରାଜଧାନୀରେ ଜଣେ ପରିବାରକୁ ଗୃହବନ୍ଦୀ ଘଟଣା । ସିଆରପି ପ୍ରିୟଦର୍ଶିନୀ ମାର୍କେଟ ଅଞ୍ଚଳରେ ଲାଗିଲା ୧୪୪ ଧାରା । ଘଟଣା ସ୍ଥଳରେ ଏସିପି ପହଞ୍ଚି ଘଟଣାର ଅନୁଧ୍ୟାନ କରୁଛନ୍ତି । ଜମି ବାଡି ବିବାଦକୁ ନେଇ ନିଜ ଘରେ ବନ୍ଦୀ ହୋଇ ରହିଛନ୍ତି ମାଆପୁଅ । ୭ଦିନ ହେଲା ୭୬ବର୍ଷୀୟା ବୃଦ୍ଧା ଓ ତାଙ୍କ ପୁଅଙ୍କୁ ବନ୍ଦୀ କରିଛନ୍ତି ଦୁର୍ବୃତ୍ତ । ମାଆପୁଅଙ୍କୁ ବାହାରପଟୁ ତାଲା ପକାଇଦିଆଯାଇଛି । ବନ୍ଦୀ ବୃଦ୍ଧା ହେଲେ ୭୬ ବର୍ଷୀୟ ଅନସୂୟା ମହାନ୍ତି ।

ସେମାନେ ରହୁଥିବା ଏକ ୩ ମହଲା କୋଠାରେ ଜମିବାଡ଼ି ବିବାଦକୁ ନେଇ ଆଉ ଜଣେ ବ୍ୟକ୍ତି ଘରେ ତାଲା ପକାଇଦେଇଥିବା ଅଭିଯୋଗ ହୋଇଛି । ଘରର ପଟ୍ଟା ଅନସୂୟା ମହାନ୍ତି ଓ ତାଙ୍କ ସ୍ବାମୀଙ୍କ ନାଁରେ ଥିବା ବେଳେ ୪ଜଣ ବ୍ୟକ୍ତି ସମ୍ପତ୍ତି ହଡ଼ପ କରିବାକୁ ଯୋଜନା କରୁଥିବା ବୃଦ୍ଧାଙ୍କ ପୁଅ ଅଭିଯୋଗ କରିଛନ୍ତି । ଏନେଇ କୋର୍ଟରେ ମାମଲା ମଧ୍ୟ ଚାଲିଛି । କୋର୍ଟରେ ମାମଲା ବିଚାରାଧୀନ ଥିବାରୁ ପୋଲିସ ଘର ସମ୍ମୁଖରେ ନିୟୋଜିତ ହୋଇଛନ୍ତି ।

ହେଲେ ପୋଲିସକୁ ଖାତିର ନକରି କିଛି ଲୋକ ବନ୍ଦୀ କରି ରଖିଥିବା ଅଭିଯୋଗ ହୋଇଛି । ପୂର୍ବରୁ ପୋଲିସ ଆସି ତାଲା ଭାଙ୍ଗିଥିଲେ ମଧ୍ୟ ଆଉ ଥରେ ତାଲା ପକାଇଦିଆଯାଇଛି । ଫଳରେ ୭ଦିନ ହେଲା ବନ୍ଦ ଘରେ ରହିଆସୁଛନ୍ତି ମାଆ ପୁଅ । ଏଭଳି ପରିସ୍ଥିତିରେ ଉଦ୍ଧାର କରିବାକୁ ପୋଲିସକୁ ବୃଦ୍ଧା ମାଆ ଓ ତାଙ୍କ ପୁଅ ନିବେଦନ କରିଛନ୍ତି । ସେପଟେ ବ୍ୟାକଗ୍ରାଉଣ୍ଡରେ କେହି ବାବା ଥିବା ନେଇ ଚର୍ଚ୍ଚା ହେଉଛି ।