spot_img
Home Blog Page 5080

ଦିଲ୍ଲୀ ପ୍ରଦୂଷଣ ନେଇ ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିବେ ସରକାର

0

ନୂଆଦିଲ୍ଲୀ: ରାଜଧାନୀବାସୀଙ୍କୁ ହନ୍ତସନ୍ତ କରୁଛି ପ୍ରଦୂଷଣ । ଆଜି ବି ଦେଶର ଦିଲ୍ଲୀରେ ଖରାପ ରହିଛି ବାୟୁର ମାନ । ପ୍ରଦୂଷଣ ରୋକିବା ନେଇ କ’ଣ ପଦକ୍ଷେପ ନେଇଛନ୍ତି ସରକାର । ଆଲୋଚନାରେ କ’ଣ ବାହାରିଛି ନିଷ୍କର୍ଷ । ଏନେଇ ଆଜି ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିବେ ଦିଲ୍ଲୀ ସରକାର । ପୂର୍ବାହ୍ନ ସାଢେ ୧୦ଟାରେ ସୁପ୍ରିମକୋର୍ଟରେ ଶୁଣାଣି ହେବ ।

ଗତକାଲି ପଞ୍ଜାବ, ହରିୟାଣା, ୟୁପିର ମୁଖ୍ୟ ଶାସନ ସଚିବଙ୍କ ସହିତ ପରିସ୍ଥିତି ନେଇ ଦିଲ୍ଲୀ ସରକାର ଆଲୋଚନା କରିଥିଲେ । ବୈଠକରେ ପ୍ରଦୂଷଣ ରୋକିବାକୁ ଅନେକ ନିଷ୍ପତ୍ତି ନିଆଯାଇଛି । ପଲ୍ୟୁସନ ରୋକିବାକୁ ଲକଡାଉନକୁ ବିକଳ୍ପ ବାଛିଛନ୍ତି ସରକାର । ଦିଲ୍ଲୀରେ ସପ୍ତାହର ଶେଷ ଦୁଇ ଦିନ ଲକଡାଉନ୍‌ ହେବ । ସ୍କୁଲ, କଲେଜ ଗୁଡିକୁ ଅନିର୍ଦ୍ଦିଷ୍ଟ ସମୟ ପାଇଁ ବନ୍ଦ ରଖାଯାଇଛି । ଆଜିଠୁ ଅନଲାଇନରେ ପାଠ ପଢୁଛନ୍ତି ଛାତ୍ରଛାତ୍ରୀ । ଶିଳ୍ପାନୁଷ୍ଠାନକୁ ମଧ୍ୟ କିଛି ଦିନ ବନ୍ଦ କରିବାକୁ ଆଲୋଚନା ହୋଇଛି । ଟ୍ରକ୍ ଚଳାଚଳ ସହିତ ପୁରୁଣା ଗାଡ଼ି ଉପରେ ମଧ୍ୟ କଟକଣା ଲାଗିଛି । ସମସ୍ତ ନିର୍ମାଣ କାର୍ଯ୍ୟକୁ ବନ୍ଦ କରିାବକୁ ନିର୍ଦ୍ଦେଶ ଦିଆଯାଇଛି । ସରକାରୀ କର୍ମଚାରୀଙ୍କୁ ଓ୍ୱାର୍କ ଫ୍ରମ ହୋମ ପାଇଁ କୁହାଯାଇଛି ।

ଅଡ ଇଭେନ ଗାଡି ଚାଳନା ନିୟମ ଲାଗୁ ହେବ । ଟ୍ରାଫିକରେ ରେଡ୍ ଲାଇଟ୍ ଅନ୍ ଏବଂ ଗାଡି ଅଫ ନାଁରେ କ୍ୟାମ୍ପେନ ଚାଲିବ ବୋଲି କେନ୍ଦ୍ର ସହ ବୈଠକରେ ଦିଲ୍ଲୀ ସରକାର ପ୍ରସ୍ତାବ ରଖିଛନ୍ତି । ଗତ ସୋମବାର ଦିନ ଶୁଣାଣି ବେଳେ ରାଜ୍ୟ ସରକାରଙ୍କ ଉପରେ ସୁପ୍ରିମକୋର୍ଟ ବର୍ଷିଥିବା ବେଳେ ତୁରନ୍ତ ବୈଠକ କରି ସମାଧାନ ବାହାର କରିବାକୁ କହିଥିଲେ ।

ପୂର୍ବତନ ବିଧାୟକ ଉମେଶ ସ୍ୱାଇଁଙ୍କ ପରଲୋକ: ବାଲିକୁଦାରୁ ୪ଥର ବିଧାୟକ ନିର୍ବାଚିତ ହୋଇଥିଲେ

ଭୁବନେଶ୍ୱର: ଆଉ ନାହାନ୍ତି ଉମେଶ ସ୍ୱାଇଁ । ପୂର୍ବତନ ବିଧାୟକ ଉମେଶ ସ୍ୱାଇଁଙ୍କ ପରଲୋକ । ହୃଦଘାତରେ ୭୬ ବର୍ଷ ବୟସରେ ପୂର୍ବତନ ବାଲିକୁଦା ବିଧାୟକଙ୍କ ଦେହାନ୍ତ । ଜଗତସିଂହପୁର ବାଲିକୁଦାରୁ ୪ଥର ବିଧାୟକ ଭାବେ ନିର୍ବାଚିତ ହୋଇଥିଲେ । ଭୁବନେଶ୍ୱର ସ୍ଥିତ ବାସଭବନରେ ତାଙ୍କର ପରଲୋକ ହୋଇଛି । ୨୦୧୪ରେ କଂଗ୍ରେସ ଛାଡ଼ି ବିଜେଡିରେ ମିଶିଥିଲେ । ବିଜୁବାବୁଙ୍କଠାରୁ ଅନୁପ୍ରାଣିତ ହୋଇ ରାଜନୀତିରେ ପ୍ରବେଶ କରିଥିଲେ । ୧୯୭୭-୧୯୮୦, ୧୯୯୦-୯୫, ୨୦୦୦-୨୦୦୫, ୨୦୦୫-୨୦୦୯ଯାଏ ବିଧାୟକ ଥିଲେ ଉମେଶ । ଜନ୍ମମାଟି ମାଛଗାଁରେ ହେବ ଉମେଶଙ୍କର ହେବ ଶେଷକୃତ୍ୟ ।

ଛାତ୍ର ଜୀବନରୁ ଛାତ୍ର ରାଜନୀତିରେ ସକ୍ରିୟ ଥିଲେ । ମଧୁସୁଦନ ଲ କଲେଜର ସେ ସଭାପତି ଥିଲେ। ସେବେଠୁ ତାଙ୍କ ରାଜନୈତିକ ଜୀବନ ଆରମ୍ଭ ହୋଇଥିଲା। ଏହି ସମୟ ମଧ୍ୟରେ  ବିଜୁ ପଟ୍ଟନାୟକଙ୍କ ସହ ତାଙ୍କ ଘନିଷ୍ଠତା ବଢ଼ିଥିଲା।  ୧୯୭୭-୮୦ ମସିହାରେ ସେ ପ୍ରଥମେ ଜନତା ଦଳରୁ ବିଧାୟକ ହୋଇଥିଲେ। ଏହାପରେ ୧୯୯୦ରେ ବିଜୁ ପଟ୍ଟନାୟକଙ୍କ ସରକାର ଶାସନ ଭାର ସମ୍ଭାଳିବା ପରେ ୫ ବର୍ଷ ପର୍ଯ୍ୟନ୍ତ ଉମେଶ ବିଧାୟକ ଭାବେ କାମ କରିଥିଲେ।  ଏହାପରେ ଜନତା ଦଳ ସହ ତିକ୍ତତା ହେବାରୁ ଜନତା ଛାଡ଼ି କଂଗ୍ରେସରେ ଯୋଗ ଦେଇଥିଲେ ।  କଂଗ୍ରେସରୁ ୨୦୦୦-୨୦୦୪, ୨୦୦୪-୨୦୦୯ ପର୍ଯ୍ୟନ୍ତ ବିଧାୟକ ଥିଲେ।  ଏହାପରେ କିଛି ବର୍ଷ ପୂର୍ବରୁ ସେ ବିଜେଡିରେ ଯୋଗ ଦେଇଥିଲେ। ଉମେଶଙ୍କର ସେପରି କିଛି ସ୍ୱାସ୍ଥ୍ୟ ସମସ୍ୟା ନ ଥିଲା। ଗତକାଲି ରାତିରେ ଖାଇକି ଶୋଇଥିବା ବେଳେ ଆଜି ସକାଳେ ହୃଦଘାତରେ ତାଙ୍କର ପରଲୋକ ହୋଇଛି।

ଏଥିସହିତ ପଢ଼ନ୍ତୁ: ଦକ୍ଷିଣ ଓଡ଼ିଶାରେ ଆଜିଠୁ ପ୍ରବଳ ବର୍ଷା ସମ୍ଭାବନା, ୨୦ ତାରିଖ ଯାଏଁ ଜାରି ରହିବ

ରାହୁଲ-ରୋହିତ ଯୁଗର ଆରମ୍ଭ: ଆଜିଠୁ ଆରମ୍ଭ ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ସିରିଜ

ଜୟପୁର: ଭାରତ- ନ୍ୟୁଜିଲାଣ୍ଡ ମଧ୍ୟରେ ଆଜି ଖେଳାଯିବ ପ୍ରଥମ ଟି-୨୦ ମ୍ୟାଚ୍ । ସନ୍ଧ୍ୟା ୭ଟାରେ ଜୟପୁରରେ ମୁହାଁମୁହଁ ହେବେ ୨ ଦଳ । ବହୁ ଦିନ ପରେ ଘରୋଇ ମାଟିରେ ମ୍ୟାଚ୍ ଖେଳିବାକୁ ଯାଉଛି ଟିମ୍ ଇଣ୍ଡିଆ । ଏଥି ପାଇଁ ସମସ୍ତ ଖେଳାଳି ବେଶ ଉତ୍ସାହିତ ଥିବା ସହ ବ୍ଲାକ କ୍ୟାପକୁ ଚକମା ଦେବା ପାଇଁ ଜୋରଦାର ଅଭ୍ୟାସ କରିଛନ୍ତି । ବିରାଟ କୋହଲୀଙ୍କ ଅବସର ପରେ ରୋହିତ ଶର୍ମାଙ୍କ ନେତୃତ୍ୱରେ ମୈଦାନକୁ ଓହ୍ଲାଇବ ଟିମ୍ । ଉପ-ଅଧିନାୟକ ଲୋକେଶ ରାହୁଲ, ଋତୁରାଜ ଗାଏକଓ୍ୱାଡ, ଶ୍ରେୟସ ଆୟାର, ସୂର୍ଯ୍ୟକୁମାର ଯାଦବ, ଋଷଭ ପନ୍ଥ, ଭେଙ୍କଟେସ୍ ଆୟାର, ଅକ୍ସର ପଟେଲ, ଆବେଶ ଖାନ, ହର୍ସଲ ପଟେଲ୍ ଦୀପକ ଚହର ଓ ମହମ୍ମଦ ସିରାଜଙ୍କୁ ନେଇ ମୈଦାନକୁ ଓହ୍ଲାଇବ ଟିମ୍ ଇଣ୍ଡିଆ ।

ନବାଗତକୁ ଅଧିକ ସୁଯୋଗ ମିଳିଥିବାରୁ ମ୍ୟାଚ୍ ବେଶ ରୋମାଞ୍ଚକର ହେବା ନେଇ ଆଶା ରହିଛି । ସେପଟେ ଓ୍ୱିଲିୟମସନ୍‌ଙ୍କ ବଦଳରେ ଟିମ୍ ସାଉଥୀ କିଓ୍ୱି ଦଳର ମଙ୍ଗ ସମ୍ଭାଳିବେ । ମାର୍ଟିନ ଗୁପତିଲ୍, ଡାରି ମିଚେଲ୍. ଜିମି ନିଶାମ, ଟ୍ରେଣ୍ଟ ବୋଲ୍ଚଙ୍କୁ ନେଇ ପଡିଆକୁ ଓହ୍ଲାଇବ ଭ୍ରମଣକାରୀ ଦଳ । ଟି-୨୦ ବିଶ୍ୱକପ୍‌ରେ ନ୍ୟୁଜିଲାଣ୍ଡ ଫାଇନାଲରେ ପ୍ରବେଶ କରିଥିବାରୁ ଦଳର ମନୋବଳ ସୁଦୃଢ଼ ରହିଛି । ଅପରପକ୍ଷରେ ଭାରତ ସଦ୍ୟ ସମାପ୍ତ ଟି-୨୦ ବିଶ୍ୱକପରେ ନକଆଉଟ ରାଉଣ୍ଡରେ ପ୍ରବେଶ କରିବାରେ ବିଫଳ ହୋଇଥିଲା । ଏଭଳି ସ୍ଥିତିରେ ନ୍ୟୁଜିଲ୍ୟାଣ୍ଡ ଖେଳାଳିଙ୍କ ମନୋବଳ ଦୃଢ଼ ଥିଲେ ହେଁ, ଘରୋଇ ପରିବେଶ ବେଶ ଫାଇଦା ଉଠାଇ ଟିମ୍ ଇଣ୍ଡିଆ ।

ଅନ୍ୟପକ୍ଷରେ ରାହୁଲ ଦ୍ରାବିଡ଼ ମଧ୍ୟ ଭାରତୀୟ ଦଳର ମୁଖ୍ୟ କୋଚ୍ ଭାବେ ଦାୟିତ୍ୱ ଗ୍ରହଣ କରିସାରିଥିବା ବେଳେ ଆଜି ଟିମ୍ ଇଣ୍ଡିଆ ତାଙ୍କ ତତ୍ତ୍ୱାବଧନରେ ପଡ଼ିଆକୁ ଓହ୍ଲାଇବ । ପୂର୍ବରୁ ଶ୍ରୀଲଙ୍କା ଗସ୍ତ ସମୟରେ ମଧ୍ୟ ଟିମ୍ ଇଣ୍ଡିଆର କୋଚ୍ ଦାୟିତ୍ୱ ତୁଲାଇଥିଲେ ରାହୁଲ  । ଅଣ୍ଡର-୧୯ କ୍ରିକେଟ ବିଶ୍ୱକପ ବିଜୟୀ ଟିମ୍‌ର ମଧ୍ୟ ସେ କୋଚ୍ ଥିଲେ । ତାଙ୍କ ତତ୍ତ୍ୱାବଧନାରେ ଯୁବ କ୍ରିକେଟରମାନେ ଭଳ ପ୍ରଦର୍ଶନ କରିବା ସହ ବିଶ୍ୱକପ ହାତେଇପାରିଥିଲେ ।

ଏଥିସହିତ ପଢ଼ନ୍ତୁ: ୨୯ ବର୍ଷ ପରେ ପାକିସ୍ତାନକୁ ଫେରିଲା ଆଇସିସି ଟୁର୍ଣ୍ଣାମେଣ୍ଟ; ୨୦୨୫ରେ ଆୟୋଜକ ହେବ ପାକିସ୍ତାନ

ଦକ୍ଷିଣ ଓଡ଼ିଶାରେ ଆଜିଠୁ ପ୍ରବଳ ବର୍ଷା ସମ୍ଭାବନା, ୨୦ ତାରିଖ ଯାଏଁ ଜାରି ରହିବ

ଭୁବନେଶ୍ୱର: ହାଲକା ବର୍ଷାରେ ଭିଜୁଛି ଓଡ଼ିଶା । ଟ୍ରପ ଲାଇନ୍ ପ୍ରଭାବରେ ରାଜ୍ୟରେ ବିଭିନ୍ନ ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେଉଛି । ଆଜି ଲଘୁଚାପର ରୂପ ନେବ ଉତ୍ତର ଆଣ୍ଡାମାନ ସାଗରରେ ସୃଷ୍ଟ ଘୁର୍ଣ୍ଣିବଳୟ । ଲଘୁଚାପର ସିଧାସଳଖ ଓଡ଼ିଶା ଉପରେ ପ୍ରଭାବ ପଡ଼ିବ ନାହିଁ । କିନ୍ତୁ ଟ୍ରପ୍ ଲାଇନ୍ ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ ପାଗ କୋହଲିଆ ରହିବ ।

ଆଜିଠୁ ଦକ୍ଷିଣ ଓଡ଼ିଶାରେ ବର୍ଷା ହେବାର ସମ୍ଭାବନା ରହିଛି । ଆସନ୍ତା ୨୦ ତାରିଖ ପର୍ଯ୍ୟନ୍ତ ଦକ୍ଷିଣ ଓଡ଼ିଶା ସମେତ ଉପକୂଳ ଓଡ଼ିଶାର କିଛି ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବ । ବିଶେଷ କରି ଗଞ୍ଜାମ, ଗଜପତି, ରାୟଗଡା, ମାଲକାନଗିରି, କୋରାପୁଟ, ନବରଙ୍ଗପୁର, କନ୍ଧମାଳ, ପୁରୀ, ଖୋର୍ଦ୍ଧା, ଜଗତସିଂହପୁର, କେନ୍ଦ୍ରାପଡା, କଟକ ଏବଂ ଯାଜପୁରରେ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ୨୧ ତାରିଖରେ ବର୍ଷାର ପରିମାଣ ବୃଦ୍ଧି ହେବ । ପ୍ରବଳ ବର୍ଷା ସମ୍ଭାବନା ଥିବାରୁ ଗଞ୍ଜାମ, ଗଜପତି, କୋରାପୁଟ ଏବଂ ରାୟଗଡା ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଅନ୍ୟପଟେ ଆଜି ଭୁବନେଶ୍ୱର କଟକ ସମେତ ଉପକୂଳ ଓଡ଼ିଶାର କିଛି ଜିଲ୍ଲାରେ ବର୍ଷା ସମ୍ଭାବନା ରହିଛି । ଲଘୁଚାପ ବର୍ଷା ପାଇଁ ବାୟୁମଣ୍ଡଳରେ ଜଳୀୟବାଷ୍ପର ପରିମାଣ ବୃଦ୍ଧି ହୋଇ ଥିବାରୁ ରାତିର ତାପମାତ୍ରା ସ୍ବାଭାବିକ ଠାରୁ ୨ ରୁ ୩ ଡିଗ୍ରୀ ବୃଦ୍ଧି ହୋଇଛି ।

ଏଥିସହିତ ପଢ଼ନ୍ତୁ: ଟିଭି ଦେଖୁଥିଲେ ଶାଶୂୂବୋହୂ, ଗୁଳିମାଡ଼ କରି ସୁନା ଗହଣା ଲୁଟିନେଲେ ଦୁର୍ବୃତ୍ତ

ବଡ଼ବିଲର ୧୧୭ଟି ଗାଡ଼ିକୁ ବୌଦ୍ଧରେ ଫିଟନେସ୍ ସାର୍ଟିଫିକେଟ୍ ଦେଇ ଅଧିକାରୀ ଗିରଫ

ବୌଦ୍ଧ: ବୌଦ୍ଧ ଆଞ୍ଚଳିକ ପରିବହନ ଅଧିକାରୀଙ୍କ କାର୍ଯ୍ୟାଳୟର ସହକାରୀ ପ୍ରୋଗ୍ରାମର ଗିରଫ । ସହକାରୀ ପ୍ରୋଗ୍ରାମର ରଞ୍ଜନ କୁମାର ଦାସକୁ ଗିରଫ କରିଛି ପୋଲିସ । ସହକାରୀ ଆଞ୍ଚଳିକ ପରିବହନ ଅଧିକାରୀଙ୍କ ବାହାନ ପୋର୍ଟାଲର ୟୁଜର ଆଇଡି ଓ ପାସୱାର୍ଡର ଅପବ୍ୟବହାର କରିଥିବା ଅଭିଯୋଗରେ ତାଙ୍କୁ ଗିରଫ କରିଛି ପୋଲିସ ।

 Boudh RTO Assistant Pogrammer Arrested

ବଡ଼ବିଲର ୧୧୭ଟି ଗାଡିକୁ ବୌଦ୍ଧରେ ଥିବା ଦର୍ଶାଇ ଫିଟନେସ ସାର୍ଟିଫିକେଟ ପ୍ରଦାନ କରିଥିଲେ ରଞ୍ଜନ । ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ ଶାଲଖୁ ମୁର୍ମୁଙ୍କ ଲିଖିତ ଅଭିଯୋଗ ପରେ କାର୍ଯ୍ୟାନୁଷ୍ଠାନ ନିଆଯାଇଛି । ଘଟଣା ସମ୍ପର୍କରେ ଖବର ପାଇ ପରିବହନ କମିଶନର ଅରୁଣ ବୋଥ୍ରା ଥାନାରେ ଏତଲା ଦେବାକୁ ନିର୍ଦ୍ଦେଶ ଦେଇଥିଲେ ।

ଟିଭି ଦେଖୁଥିଲେ ଶାଶୂୂବୋହୂ, ଗୁଳିମାଡ଼ କରି ସୁନା ଗହଣା ଲୁଟିନେଲେ ଦୁର୍ବୃତ୍ତ

ଅନୁଗୁଳ: ଘରେ ପଶି ଗୁଳିମାଡ଼ । ଲୁଟିନେଲେ ସୁନା ଗହଣା । ସନ୍ଧ୍ୟାରେ ଶାଶୂ, ବୋହୂ ଟିଭି ଦେଖୁଥିବା ବେଳେ ୩ ଜଣ ଦୁର୍ବୃତ୍ତ ଘରେ ପଶିଥିଲେ । ଗୁଣି ଗାରେଡି କରୁଥିବା କହି ଗୁଳିମାଡ଼ କରିଥିଲେ ଦୁର୍ବୃତ୍ତ । ଏଭଳି ଘଟଣା ଘଟିଛି ଜରପଡ଼ା ଥାନା ତୁବେ ଗାଁର ପଦିଆ ସାହିରେ । ଦୁର୍ବୃତ୍ତଙ୍କ ଗୁଳିମାଡ଼ରେ ସୁଲୋଚନା ଗୁରୁତର ଆହାତ ହୋଇଛନ୍ତି ।

ଏଥିସହ ପଢ଼ନ୍ତୁ: କୋଲକାତାରୁ ସଡ଼କ ପଥରେ ଆସିବ ବିଜୁବାବୁଙ୍କ ଯୁଦ୍ଧ ବିମାନ ‘ଡାକୋଟା’

ଗୁଳିମାଡ଼ ପରେ ସୁନା ଗହଣା ନେଇ ଫେରାର୍ ହୋଇ ଯାଇଛନ୍ତି ଦୁର୍ବୃତ୍ତ । ସୁଲୋଚନାଙ୍କ ବାମ କାନ୍ଧରେ ଗୁଳି ବାଜିଛି । ତାଙ୍କୁ ଗୁରୁତର ଅବସ୍ଥାରେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିବା ବେଳେ ଘଟଣା ସ୍ଥଳରେ ପହଞ୍ଚି ପୋଲିସ ତଦନ୍ତ କରୁଛି ।

ଟାଙ୍ଗୀ ବ୍ଲକ ସାମ୍ବାଦିକ ସଂଘ ପକ୍ଷରୁ ଜାତୀୟ ପ୍ରେସ୍ ଦିବସ ପାଳିତ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ସାମ୍ବାଦିକ ସଂଘ ପକ୍ଷରୁ ଜାତୀୟ ପ୍ରେସ୍ ଦିବସ ପାଳନ ହୋଇଛି । ଏହି ଅବସରରେ ଏକ ପାକ୍ଷିକ ସମ୍ଵାଦ ପତ୍ର ଉନ୍ମୋଚନ ହୋଇ ଯାଇଛି । ଏଥିରେ ମୁଖ୍ୟ ଅତିଥି  ଭାବେ ରାଜ୍ୟ ସରକାରଙ୍କ ଗଣ ମାଧ୍ୟ୍ୟମ ପରାମର୍ଶଦାତା ମାନସ ମଙ୍ଗରାଜ ଯୋଗ ଦେଇଥିଲେ ।

National Press Day Observed In Tangi

ସାମ୍ବାଦିକ ସଂଘ ପକ୍ଷରୁ ମାନସ ମଙ୍ଗରାଜଙ୍କୁ ଉତ୍ତରୀୟ ଏବଂ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ସାମ୍ବାଦିକ ମାନଙ୍କର ପେନସନ୍ ନୀତି  ଖୁବଶୀଘ୍ର ପ୍ରଣୟନ କରାଯିବ । ଏହା ସହ ରାଜ୍ୟରେ ଥିବା ୱେବ ମିଡିଆ ପାଇଁ ସ୍ୱତନ୍ତ୍ର  ନୀତି ଆସିବ ବୋଲି କହିଛନ୍ତି ମାନସ ମଙ୍ଗରାଜ ।

କୋଲକାତାରୁ ସଡ଼କ ପଥରେ ଆସିବ ବିଜୁବାବୁଙ୍କ ଯୁଦ୍ଧ ବିମାନ ‘ଡାକୋଟା’

ଭୁବନେଶ୍ୱର: ଜାରି ରହିଛି ବିଜୁବାବୁଙ୍କ ଐତିହାସିକ ଡାକୋଟା ବିମାନକୁ ଭୁବନେଶ୍ୱର ଫେରାଇ ଆଣିବା ଉଦ୍ୟମ । ଏଥିପାଇଁ ପରିବହନ ବିଭାଗକୁ ପ୍ରସ୍ତାବ ଦେଇଛି ବିଧାନସଭା ଷ୍ଟାଣ୍ଡିଂ କମିଟି । କେମିତି ଓ କାହା ଦ୍ୱାରା ଏହାକୁ ଅଣାଯିବ, ସେନେଇ ବିସ୍ତୃତ ରୋଡମ୍ୟାପ ପ୍ରସ୍ତୁତ କରି ମ୍ୟୁଜିୟମ ପ୍ରତିଷ୍ଠା ପାଇଁ ପଦକ୍ଷେପ ନେବାକୁ ସୁପାରିସ କରାଯାଇଛି । ଏଥିପାଇଁ ପୂର୍ବତନ ସେନା ଅଧିକାରୀମାନେ ରାଜ୍ୟ ସରକାରଙ୍କୁ ସହଯୋଗର ହାତ ବଢ଼ାଇଛନ୍ତି ।

Biju Patnaik's Dakota Jet Fighter To Transport Odisha In Road

ଫେରିବ ଡାକୋଟା, ପ୍ରସ୍ତୁତ ହେବ ବଜେଟ୍‌ । ନିର୍ମାଣ ହେବ ଡାକୋଟା ମ୍ୟୁଜିୟମ୍‌ । ଗଠନ ହୋଇପାରେ ଟିମ୍ । ଦୀର୍ଘ ୫ ଦଶନ୍ଧିରୁ ଅଧିକ ହେଲା କୋଲକାତା ବିମାନବନ୍ଦରରେ ପଡ଼ି ରହିଛି ବିଜୁବାବୁଙ୍କ ଅସୀମ ସାହସର ପ୍ରତୀକ ଡାକୋଟା ବିମାନ । ଏହି ବିଶାଳକାୟ ଯୁଦ୍ଧ ବିମାନକୁ ଓଡ଼ିଶା ଆଣିବା ପାଇଁ ପୁଣି ଉଦ୍ୟମ ଆରମ୍ଭ ହୋଇଛି । ଏଥିପାଇଁ ପରିବହନ ବିଭାଗକୁ ବିଭିନ୍ନ ପ୍ରସ୍ତାବ ଦେଇଛି ବିଧାନସଭା ଷ୍ଟାଣ୍ଡିଂ କମିଟି । ସଡ଼କ ପଥରେ ଭୁବନେଶ୍ୱର ଆସିବ ଡାକୋଟା । ଏହାର ଖର୍ଚ୍ଚ ବାବଦ ଚିଠା ପ୍ରସ୍ତୁତ କରିବା ପାଇଁ ପରିବହନ ବିଭାଗକୁ ସୁପାରିସ୍‌ କରାଯାଇଛି । ଭୁବନେଶ୍ୱର ଆସିବା ପରେ ଏହାକୁ ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନବନ୍ଦରରେ ରଖିଲେ ସର୍ବସାଧାରଣ ଦେଖି ପାରିବେ ନାହିଁ ।

Biju Patnaik's Dakota Jet Fighter To Transport Odisha In Road

ତେଣୁ ଡାକୋଟାର ମରାମତି ସାରି ତାକୁ ରଖିବା ପାଇଁ ମ୍ୟୁଜିୟମ ପ୍ରତିଷ୍ଠା ଉପରେ ଜୋର ଦିଆଯାଇଛି । ବିଭିନ୍ନ ସମୟରେ ଅନେକ ଅନୁଷ୍ଠାନ ପକ୍ଷରୁ ଡାକୋଟା ଆଣିବାକୁ କୋଟି କୋଟି ଟଙ୍କାର ଅଟକଳ ପ୍ରସ୍ତୁତ କରାଯାଇଛି । ହେଲେ ୫୦ ଲକ୍ଷ ଟଙ୍କା ଭିତରେ କାମ ହୋଇଯିବ ବୋଲି ବିଶେଷଜ୍ଞ କହିଛନ୍ତି । ଅବସରପ୍ରାପ୍ତ ସେନା ଅଧିକାରୀମାନେ ଏହାକୁ ଆଣିବାର ବୈଷୟିକ ଦିଗ ଉପରେ ବି ଆଲୋକପାତ କରିଛନ୍ତି । ଡାକୋଟାର ଦୁଇଟି ଯାକ ଡେଣାକୁ ଖୋଲି ଏକ ବଡ଼ ଟ୍ରେଲର ଯୋଗେ ଅଣାଯାଇ ପାରିବ । ଭୁବନେଶ୍ୱର ଆଣି ପୁଣି ଡେଣା ଲଗାଯିବା ସହ ମରାମତି କରାଯାଇ ପାରିବ । ଏଥିପାଇଁ ସ୍ଥଳସେନା, ଜଳସେନା ଓ ବାୟୁସେନାର ଆଭିଏଟରମାନେ ସହଯୋଗ କରିବେ ।

Biju Patnaik's Dakota Jet Fighter To Transport Odisha In Road

ବିଶ୍ୱଯୁଦ୍ଧରୁ ଆରମ୍ଭ କରି ବିଭିନ୍ନ ଦେଶର ସ୍ୱାଧୀନତା ସଂଗ୍ରାମର ମୁକସାକ୍ଷୀ ହେଉଛି ଡାକୋଟା ବିମାନ । ଯାହାକୁ ଡେୟାରଡେଭିଲ ଡେମୋକ୍ରାଟ ବିଜୁ ପଟ୍ଟନାୟକ ଉଡ଼ାଉଥିଲେ । ସବୁ ପିଢ଼ି ଏହି ଦୁଃସାହସୀ ପାଇଲଟଙ୍କ ବୀରଗାଥାକୁ ଜାଣିବା ପାଇଁ ଡାକୋଟାକୁ ଓଡ଼ିଶା ଆଣିବାର ଯଥେଷ୍ଟ ଆବଶ୍ୟକତା ରହିଛି ।

ବିଶ୍ୱର ୯୫ଟି ଦେଶ ଫାଇଜର କରୋନା ବଟିକା ଉତ୍ପାଦନ ଓ ବିକ୍ରି କରିପାରିବେ

0

ନୂଆଦିଲ୍ଲୀ: ବିଶ୍ୱର ୯୫ଟି ଦେଶ ଉତ୍ପାଦନ କରିପାରିବେ କରୋନା ବଟିକା । ଏ ନେଇ ଔଷଧ ନିର୍ମାଣକାରୀ କମ୍ପାନୀ ଫାଇଜର ଏବଂ ୟୁନାଇଟେଡ ନେସନର ଗ୍ରୁପ ମଧ୍ୟରେ ଚୁକ୍ତି ସ୍ୱାକ୍ଷର ହୋଇଛି । ଏହି ଚୁକ୍ତି ପରେ ଅନ୍ୟ ଔଷଧ ଉତ୍ପାଦନକାରୀ କମ୍ପାନୀ ଫାଇଜରର ଏହି ପରୀକ୍ଷାମୂଳକ କରୋନା ବଟିକାର ଉତ୍ପାଦନ କରିପାରିବେ । ଏହା ଦ୍ୱାରା ବିଶ୍ୱର ଅର୍ଦ୍ଧାଧିକ ଲୋକେ କରୋନା ବଟିକା ପାଇପାରିବେ ।

ବିଶ୍ବର ୯୫ଟି ଗରିବ ଓ ବିକାଶଶୀଳ ଦେଶରେ ବିକ୍ରି କରିପାରିବେ । ଏହି ଚୁକ୍ତିକୁ ଏକ ଉଲ୍ଲେଖନୀୟ ଘଟଣା ବୋଲି କୁହାଯାଉଛି । ଏହି ଚୁକ୍ତି ସଂପର୍କରେ ଫାଇଜର ପକ୍ଷରୁ କୁହାଯାଇଛି ଯେ ମେଡିସିନ୍ସ ପ୍ୟାଟେଣ୍ଟ ପୁଲ୍ ସହ ହୋଇଥିବା ଚୁକ୍ତି ଅନୁସାରେ ଏହି ସଂସ୍ଥା ବିଶ୍ବର ବିଭିନ୍ନ ଜେନେରିକ ଔଷଧ ଉତ୍ପାଦକଙ୍କୁ କରୋନା ଔଷଧର ଉତ୍ପାଦନ ପାଇଁ ଲାଇସେନ୍ସ ପ୍ରଦାନ କରିବ । ଏହା ଦ୍ବାରା ବିଶ୍ବର ପ୍ରାୟ ୫୩ ପ୍ରତିଶତ ଜନସଂଖ୍ୟା ନିକଟକୁ କରୋନା ଔଷଧ ପହଞ୍ଚିପାରିବ । ତେବେ ଋଷିଆ, ଚୀନ ପ୍ରଭୃତି କେତେକ ବୃହତ ରାଷ୍ଟ୍ରଗୁଡ଼ିକୁ ଏହି ଚୁକ୍ତିରୁ ବାଦ ଦିଆଯାଇଛି ।

ଫାଇଜର ପକ୍ଷରୁ ପ୍ରସ୍ତୁତ ଏହି କରୋନା ଔଷଧର ନାଁ ରଖାଯାଇଛି ପାକ୍ସଲୋଭିଡ୍ । ଏହି ଔଷଧ ସେବନ କଲେ କରୋନା ରୋଗ ଗୁରୁତର ସ୍ତରକୁ ଯାଏ ନାହିଁ ଓ ରୋଗୀକୁ ହସପିଟାଲରେ ଚିକିତ୍ସିତ ହେବାକୁ ପଡେ ନାହିଁ । କ୍ଲିନିକାଲ ପରୀକ୍ଷଣରେ ଏହି ଔଷଧ ୮୯ ପ୍ରତିଶତ ପ୍ରଭାବି ବୋଲି କମ୍ପାନି ଦାବି କରିଛି ।

ତେବେ ଚୁକ୍ତି ଅନୁଯାୟୀ ଫାଇଜର କରୋନା ବଟିକା ଉତ୍ପାଦନକାରୀ କମ୍ପାନୀଗୁଡ଼ିକ ଠାରୁ କୌଣସି ପ୍ରକାର ରୟାଲଟି ଆଦାୟ କରିବନାହିଁ । ଗରିବ ରାଷ୍ଟ୍ରଗୁଡ଼ିକ ସମେତ ଚୁକ୍ତିରେ ସାମିଲ ହୋଇଥିବା  ଅନ୍ୟ ରାଷ୍ଟ୍ରଗୁଡ଼ିକ ଠାରୁ  ମଧ୍ୟ ରୟାଲଟି ଗ୍ରହଣ କରିବନାହିଁ ।

ଏଥିସହିତ ପଢ଼ନ୍ତୁ: ଧନୀ-ଗରିବ ଭେଦଭାବ ଦୂରକଲା ନିରୀହ ଶିଶୁ

ପୂର୍ବାଞ୍ଚଳ ଏକ୍ସପ୍ରେସ ଓ୍ୱେ’ ନିର୍ମାଣ ଶ୍ରେୟ ନେବାକୁ ବିଜେପି-ସମାଜବାଦୀ ପାର୍ଟି ଟଣାଓଟରା

 ଲକ୍ଷ୍ଣୌ: ଉତ୍ତରପ୍ରଦେଶରେ ପୂର୍ବାଞ୍ଚଳ ଏକ୍ସପ୍ରେସ୍‌ ଓ୍ବେ ଉଦ୍‌ଘାଟିତ ହୋଇଛି । ଏହାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୩୪୧ କିଲୋମିଟର ବିଶିଷ୍ଟ ଏହି ଏକ୍ସପ୍ରେସ୍ ଓ୍ବେ ପୂର୍ବ ଓ ପଶ୍ଚିମ ୟୁପିକୁ ଯୋଡ଼ିବ । ଏହାର ନିର୍ମାଣ ଲାଗି ୨୨ହଜାର ୪୯୭କୋଟି ଟଙ୍କା ଖର୍ଚ୍ଚ ହୋଇଛି । ଅନ୍ୟପକ୍ଷରେ  ଏହି ଏକ୍ସପ୍ରେସ୍ ଓ୍ବେକୁ ନେଇ ଆରମ୍ଭ ହୋଇଛି କ୍ରେଡିଟ୍ ଓ୍ବାର ।

ଶ୍ରେୟ ନେବାକୁ ବିଜେପି ସମାଜବାଦୀ ପାର୍ଟି ଟଣା ଓଟରା । ପ୍ରଧାନମନ୍ତ୍ରୀ  ଶୁଭାରମ୍ଭ କରିବା ପୂର୍ବରୁ ଏକ୍ସପ୍ରେସ୍ ଓ୍ବେରେ ଫୁଲ ପକାଇବା ସହ ସାଇକେଲ ଚଲାଇ ସମାଜବାଦୀ ପାର୍ଟି ପକ୍ଷରୁ ଏହାର ଶୁଭାରମ୍ଭ କରାଯାଇଛି । ଲକ୍ଷ୍ନୌରୁ ଗାଜିପୁର ସଂଯୋଗ କରୁଥିବା ଏହି ଏକ୍ସପ୍ରେସ୍ ଓ୍ବେକୁ ନେଇ ସମାଜବାଦୀ ପାର୍ଟି ଲଗାତାର ବିଜେପିକୁ ଟାର୍ଗେଟ କରିଆସୁଛି ।

ଅଖିଳେଶ ୟାଦବ ଏହାକୁ ସମାଜବାଦୀ ପାର୍ଟି ସରକାରର ଉପଲବ୍ଧି କହୁଥିବା ବେଳେ ବିଜେପି ଏହାକୁ ନେଇ ନିଜକୁ ଶ୍ରେୟ ଦେବାରେ ବ୍ୟସ୍ତ । ଅନ୍ୟପଟେ ଏହି କାର୍ଯ୍ୟକ୍ରମ ପାଇଁ ସରକାରୀ ବସ୍‌ର ବ୍ୟବହାର କରାଯାଇଛି ଓ  ୨ହଜାର ବସ୍‌ର ରୁଟ୍‌ ବଦଳା ଯାଇଥିବା ଅଭିଯୋଗ ଆଣିଛନ୍ତି ବିରୋଧି। ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମ ପାଇଁ ସାଧାରଣ ଲୋକେ ହୀନସ୍ତା ଭୋଗୁଥିବା ଅଭିଯୋଗ ହୋଇଛି।