spot_img
Home Blog Page 5270

ଝିଅ ପ୍ରେମିକର ମା’କୁ ହତ୍ୟା କଲା ବାପା,ପ୍ରେମିକ ଗୁରୁତର

ବୁର୍ଲା: ପ୍ରେମରେ ପଡ଼ିଲା ରକ୍ତର ଛିଠା। ଘରେ ପଶି ଟାଙ୍ଗିଆରେ ମରଣାନ୍ତକ ଆକ୍ରମଣ। ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ରହିଛନ୍ତି। ତେବେ ଦେବଗଡ଼ ଥାନା ଗାଡ଼ପାଳ ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି। ଝିଅର ପ୍ରେମିକ ଓ ତା’ ମା’ଙ୍କୁ ଘରେ ପଶି ଟାଙ୍ଗିଆରେ ଆକ୍ରମଣ କରିଛନ୍ତି ଝିଅର ଘର ଲୋକେ। ମା’ ଘଟଣା ସ୍ଥଳରେ ମାଆଙ୍କର ମୃତ୍ୟୁ ହୋଇଥିବା ବେଳେ ଗୁରୁତର ଅବସ୍ଥାରେ ପୁଅକୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି। ପ୍ରେମକୁ  ସଫଳ ନକେଇଦେପା ପାଇଁ ପ୍ଲାନ୍‌ ପରେ ହୋଇଥିଲା ଆକ୍ରମଣ।

ସୂଚନା ଅନୁସାରେ ଗାଁର ନରେନ୍ଦ୍ର ଶବର ଝିଅର ବିବାହ ପାଇଁ ପ୍ରସ୍ତାବ ଦେଖୁଥିଲେ। ହେଲେ ଝିଅ ଜଣେ ଯୁବକଙ୍କୁ ପ୍ରେମ କରୁଥିବା ଜାଣିବାକୁ ପାଇ ନିଜ ୪ପୁଅଙ୍କୁ ନେଇ ପ୍ରେମିକ ଘରକୁ ଯାଇଥିଲେ। ୫ ଜଣଙ୍କର ମନରେ ଥିଲା ପ୍ରଚଣ୍ଡ ରାଗ। ପ୍ରଥମେ ଝିଅକୁ ଭୁଲିଯିବା ପାଇଁ ଧମକାଇଥିଲେ ଝିଅ ଘର ଲୋକେ। ହେଲେ ପ୍ରେମିକ ନ ଶୁଣିବାରୁ ଖାଇବାକୁ ବସିଥିବା ଯୁବକଙ୍କୁ ଅତର୍କିତ ଟାଙ୍ଗିଆରେ ଆକ୍ରମଣ କରିଥିଲା ନରେନ୍ଦ୍ର।

ଏହା ପରେ ପ୍ରେମିକଙ୍କ ମାଆଙ୍କ ଉପରକୁ ମଧ୍ୟ ଆକ୍ରମଣ କରିଥିଲେ ଝିଅଘର ଲୋକେ। ଟାଙ୍ଗିଆ ଚୋଟରେ ଯୁବକଙ୍କ ମାଆ ଦରଥିଆ କୁଲୁଙ୍କ ମୃତ୍ୟୁ ହୋଇଥିବା ବେଳେ ମହିଳାଙ୍କ ପୁଅ ତଥା ଝିଅର ପ୍ରେମିକ କୁହାଯାଉଥିବା ଯୁବକ ଗୁରୁତର ଆହତ ହୋଇଛନ୍ତି। ଗୁରୁତର ଅବସ୍ଥାରେ ପ୍ରେମିକକୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି। ଏସଡିପିଓ ପ୍ରତ୍ୟୁଷ କୁମାର ମହାପାତ୍ରଙ୍କ ନେତୃତ୍ୱରେ ଦେବଗଡ଼ ପୋଲିସ ତଦନ୍ତ ଆରମ୍ଭ କରିବା ସହ ବାପପୁଅ ୫ଜଣଙ୍କୁ କାବୁ କରି ଜେରା କରୁଛି ପୋଲିସ୍‌। ସେପଟେ ଝିଅର ପତ୍ତା ମିଳୁନଥିବା ବେଳେ ଅନର କିଲିଂ ଆଶଙ୍କା କରାଯାଉଛି।

ପୂର୍ବ ଶତ୍ରୁତାକୁ କେନ୍ଦ୍ର କରି ନାବାଳକକୁ ନିର୍ଧୁମ ମାଡ଼ ମାରିଲେ ଯୁବକ

ଭୁବନ: ନାବାଳକକୁ ରାସ୍ତା ଉପରେ ସାଂଘାତିକ ମାଡ଼। ନିର୍ଦୟ ଭାବରେ ମାଡ଼ ମାରି ଲହୁଲୁହାଣ କଲେ ଯୁବକ। ରାସ୍ତା ଉପରେ ଗୁଡ଼ାଇ ତୁଡ଼ାଇ ନାବାଳକକରୁ ମାଡ଼ ମାରିଲେ ଯୁବକ। ଏନେଇ ଭୁବନ ଥାନାରେ ମାମଲା ରୁଜୁ ହୋଇଛି। ଏମିତି ଏକ ବର୍ବରତାର ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭୁବନ ଥାନା ସୁରପ୍ରତାପପୁର ଗାଁରେ। ଜଣେ ୧୨ ବର୍ଷର ନାବାଳକଙ୍କୁ ମାଡ଼ ମାରି ଲହୁଲୁହାଣ କରାଯାଇଥିବା ନେଇ ଥାନାରେ ଅଭିଯୋଗ ହୋଇଛି।

ସୂଚନା ଅନୁସାରେ, ଗାଁର ଜଣେ ନାବାଳକ ଗାଁର ପାଖ ନଦୀକୁ ଗାଧୋଇବା ପାଇଁ ଯାଇଥିଲେ। ଗାଧୋଇ ସାରି ଘରକୁ ଫେରିବା ବେଳେ ଗାଁର ରାଜା ଗୁରୁ ନାମକ ଜଣେ ଯୁବକ ନାବାଳକଙ୍କୁ ରାସ୍ତାରେ ଅଟକାଇଥିଲା। ଗାଳି ଗୁଲଜ କରି ମାଡ଼ ମାରିବା ଆରମ୍ଭ କରିଥିଲା। ପୁରୁଣା ରାଗ ରଖି ମାଡ଼ ମାରି ଲହୁଲୁହାଣ କରିଥିଲେ ନାବାଳକ ଜଣକୁ। ଏହାପରେ ପରିବାର ଲୋକେ ନାବାଳକକୁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରିଥିବା ବେଳେ, ଭୁବନ ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ଭୁବନ ପୋଲିସ ଅଧିକ ତଦନ୍ତ ଚଳାଇଛି।

ବିକାଶର ଆଉ ଏକ ଫର୍ଦ୍ଦରେ ଯୋଡି ହେବ ପୁରୀ ଜିଲ୍ଲା, ଆରମ୍ଭ ହେବ ବିଏସକେଓ୍ୱାଇ ସ୍ମାର୍ଟ କାର୍ଡ ସେବା

ପୁରୀ: ଆଜି ପୁରୀ ପାଇଁ ବ୍ରହ୍ମଗିରିରୁ ଲେଖାହେବ ବିକାଶର ନୂଆ ଅଧ୍ୟାୟ। ପୁରୀ ଜିଲ୍ଲାରେ ଆରମ୍ଭ ହେବ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ କାର୍ଡ ବଣ୍ଟନ। ଅପରାହ୍ନରେ ବ୍ରହ୍ମଗିରି ଯାଇ ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ହିତାଧିକାରୀଙ୍କୁ କାର୍ଡ ବାଣ୍ଟିବେ ନବୀନ। ଜିଲ୍ଲାରେ ୩ଲକ୍ଷ ୭୬ ହଜାର ହିତାଧିକାରୀ ସ୍ମାର୍ଟକାର୍ଡ ଯୋଜନାରେ ଉପକୃତ ହେବେ। ସ୍ମାର୍ଟ କାର୍ଡ ସହିତ ବ୍ରହ୍ମଗିରିରେ ଏକାଧିକ ବିକାଶମୂଳକ ପ୍ରକଳ୍ପର ଉଦଘାଟନ ସହ ଲୋକାର୍ପଣ କରିବେ ମୁଖ୍ୟମନ୍ତ୍ରୀ। ବ୍ରହ୍ମଗିରି ପଞ୍ଚାୟତ ସମିତି କାର୍ଯ୍ୟାଳୟରେ ନବ ନିର୍ମିତ ମିନି ସଚିବାଳୟର ଲୋକାର୍ପଣ ହେବ। ପ୍ରାୟ ହଜାରେ କୋଟି ଟଙ୍କାର ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ କରିବା କାର୍ଯ୍ୟକ୍ରମ ରହିଛି। ନୂଆ ସଡକ ପ୍ରକଳ୍ପ ସାଙ୍ଗକୁ ପାନୀୟ ଜଳ ଓ ସ୍ବାସ୍ଥ୍ୟ ଭିତ୍ତିଭୂମୀ ସମ୍ପର୍କିତ ଏକାଧିକ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ। ଏଥିପାଇଁ କେରାଣ୍ଡିଆ ହେଲିପ୍ୟାଡରେ ଏକ ସାଧାରଣ ସଭାର ଆୟୋଜନ କରାଯାଉଛି। ପୂର୍ବରୁ ମାଲକାନଗିରିରେ ଏହାର ଶୁଭାରମ୍ଭ ପରେ ସୁନ୍ଦରଗଡ, ବଲାଙ୍ଗୀର, ଗଜପତିରେ ସ୍ମାର୍ଟକାର୍ଡ ବଣ୍ଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ବିଶ୍ୱର ପ୍ରଥମ ମ୍ୟାଲେରିଆ ଟିକା RTS, S-AS01କୁ ମିଳିଲା WHOର ଅନୁମତି

ନୂଆଦିଲ୍ଲୀ: ବିଶ୍ୱର ପ୍ରଥମ ମ୍ୟାଲେରିଆ ଟିକା RTS, S-AS01କୁ ମିଳିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ଅନୁମତି। ଏନେଇ ସୂଚନା ଦେଇଛନ୍ତି WHOର ମହାନିର୍ଦ୍ଦେଶକ ଟେଡରସ ଅଧନମ ଘେବ୍ରେସସ। ଫଳରେ ବିଶ୍ୱରେ ମ୍ୟାଲେରିଆ ନିରାକରଣ କ୍ଷେତ୍ରରେ ଏକ ଉଲ୍ଲେଖନୀୟ ପୃଷ୍ଠା ଯୋଡି ହୋଇଛି। ପ୍ରତିବର୍ଷ ବିଶ୍ୱରେ କେବଳ ମ୍ୟାଲେରିଆରେ ୪ ଲକ୍ଷରୁ ଅଧିକ ଲୋକଙ୍କ ପ୍ରାଣ ଯାଇଥାଏ। ସେମାନଙ୍କ ମଧ୍ୟରେ ଅଧିକାଂଶ ଥାନ୍ତି ଆଫ୍ରିକୀୟ ଶିଶୁ। ଏହି ଟିକାର ପାଇଲଟ ପ୍ରୋଗ୍ରାମ ତଥା କ୍ଲିନିକାଲ ଟ୍ରାଏଲ ୨୦୧୯ରୁ ଘାନା, କେନିଆ ଓ ମାଲାଓ୍ୱିରେ ଚାଲିଥିଲା। ପ୍ରାୟ ୨୦ ଲକ୍ଷ ଡୋଜ ବିଭିନ୍ନ ବର୍ଗର ଲୋକଙ୍କୁ ଦିଆଯାଇଥିଲା। ଏହି ଟିକା ଜିଏସକେ ଫାର୍ମାସ୍ୟୁଟିକାଲ ଦ୍ୱାରା ତିଆରି ହୋଇଛି।

ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କୁହାଯାଇଛି ଏଣିକି ଏହି ଟିକାକୁ ସାରା ବିଶ୍ୱରେ ଦିଆଯାଇପାରିବ। ଦୁଇ ବର୍ଷରୁ କମ୍ ବୟସର ଶିଶୁମାନଙ୍କୁ ଏହି ଟିକାର ୪ଟି ଡୋଜ ଦେବା ଲାଗି WHO ପରାମର୍ଶ ଦେଇଛି। ରିପୋର୍ଟ ଅନୁସାରେ, ପ୍ରତି ୨ ମିନିଟରେ ଜଣେ ଶିଶୁ ମ୍ୟାଲେରିଆରେ ପ୍ରାଣ ହରାଇଥାଏ। କେବଳ ଉପସାହରୀୟ ଆଫ୍ରିକୀୟ ରାଷ୍ଟ୍ରରେ ମୋଟ ମୃତ୍ୟୁ ସଂଖ୍ୟାର ଅଧା ମୃତ୍ୟୁ ଘଟିଥାଏ। ମ୍ୟାଲେରିଆର ଲକ୍ଷଣ ଗୁଡିକ ହେଉଛି ଜ୍ୱର, ମୁଣ୍ଡବ୍ୟଥା, ମାଂସପେଶୀ ଯନ୍ତ୍ରଣା, ଅଧିକ ଝାଳ ବାହାରିବା ଇତ୍ୟାଦି। ଏହି ଟିକା ନେବା ଦ୍ୱାରା ଅତି ଗୁରୁତର ମ୍ୟାଲେରିଆ ବିପଦରୁ ମୁକ୍ତି ମିଳିଥାଏ ବୋଲି କହିଛନ୍ତି ବିଶ୍ୱ ସ୍ୱାସ୍ଥ୍ୟ ସଙ୍ଗଠନର ପ୍ରତିଷେଧକ ବିଭାଗ ନିର୍ଦ୍ଦେଶକ କେଟ୍ ଓ ବ୍ରିଏନ।

ପ୍ରାଣ ହରାଉଥିବା ଶିଶୁଙ୍କ ମଧ୍ୟରୁ ପ୍ରାୟ ଦୁଇ ତୃତୀୟାଂଶ ଶିଶୁ ମଶାରି ବ୍ୟବହାର କରି ନଥାନ୍ତି ବୋଲି ଜଣାଯାଇଛି। ଅଧିକ ବିପଦର କାରଣ ସାଜୁଥିବା ମ୍ୟାଲେରିଆର ଭାରିଆଣ୍ଟର ନାଁ ପ୍ଲାଜମୋଡିଅମ ଫାଲସିପୋରମ। ଯାହାକି ମସ୍ତିଷ୍କ ଜ୍ୱର ମୃତ୍ୟୁର କାରଣ ହୋଇଥାଏ। ଏହି ଟିକା ବିଶ୍ୱ ସ୍ୱାସ୍ଥ୍ୟ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ବୋଲି କହିଛନ୍ତି WHO ମ୍ୟାଲେରିଆ କାର୍ଯ୍ୟକ୍ରମର ନିର୍ଦ୍ଦେଶକ ପେଦ୍ରୋ ଅଲୋନସୋ।

ଉପସାହରୀୟ ଆଫ୍ରିକାରେ ବାର୍ଷିକ ୧୨ ବିଲିୟନ ଡଲାରର କ୍ଷତିର କାରଣ ହୋଇଥାଏ ମ୍ୟାଲେରିଆ। ଫାଇଜର ସହ ମିଳିତ ଭାବେ କୋଭିଡ ଟିକା ବାହାର କରିଥିବା ଜର୍ମାନୀର ବାୟୋ ଏନଟେକ ବି ଆସନ୍ତା ବର୍ଷରୁ ଏମଆରଏନଏ ପଦ୍ଧତି ଜରିଆରେ ମ୍ୟାଲେରିଆ ଟିକାର ଟ୍ରାଏଲ ଆରମ୍ଭ କରିବାକୁ ଘୋଷଣା କରିଛି।

ପାକିସ୍ତାନରେ ବଡ଼ ଧରଣର ଭୂକମ୍ପ, ୨୦ ଜଣଙ୍କର ମୃତ୍ୟୁ ୨ଶହରୁ ଅଧିକ ଗୁରୁତର

ନୂଆଦିଲ୍ଲୀ: ପାକିସ୍ତାନର ହରନେଇ ଅଞ୍ଚଳରେ ବଡ଼ ଧରଣର ଭୂମିକମ୍ପ। ଭୂକମ୍ପରେ ପାଖାପାଖି ୨୦ଜଣଙ୍କ ମୃତ୍ୟୁ ହୋଇଥିବା ବେଳେ, ୨ଶହରୁ ଅଧିକ ଲୋକ ଆହତ ହୋଇଛନ୍ତି। ସମସ୍ତ ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି। ଆହତଙ୍କ ସଂଖ୍ୟା ଅଧିକ ଥିବାରୁ ଆଗକୁ ଆହୁରି ମୃତ୍ୟୁସଂଖ୍ୟା ବଢିବାର ସମ୍ଭାବନା ରହିଛି। ଆଜି ସକାଳ ପ୍ରାୟ ସାଢେ ୩ଟାରେ ପାକିସ୍ତାନରେ ଭୂକମ୍ପ ହୋଇଥିଲା। ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୫.୭ ରହିଥିଲା। ଏଥିରେ ଅନେକ ମାତ୍ରାରେ କ୍ଷୟକ୍ଷତି ହୋଇଥିବା ଦେଖିବାକୁ ମିଳିଛି। ଭୂମିକମ୍ପ ହେବା ଫଳରେ ଲୋକମାନେ ଭୟରେ ଘରୁ ବାହାରି ଯାଇଥିଲେ। ତେବେ ସମସ୍ତ ଶୋଇଥିବା ବେଳେ ଭୂମିକମ୍ପ ବୋଇଥିବା କାରଣରୁ ମୃତକଙ୍କ ସଂଖ୍ୟା ବଢିଛି। ଅନେକ ବଡବଡ କୋଠା ମଧ୍ୟ କ୍ଷତିଗ୍ରସ୍ତ ହୋଇଛି। ଲୋକମାନେ ରାସ୍ତାରେ ଭୟରେ ବସି ରହିଥିବା ଚିତ୍ର ସାମ୍ନାକୁ ଆସିଛି। ତେବେ ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି।

ଡ୍ରଗ୍ସ ଲିଙ୍କରେ ଗିରଫ ଆର୍ଯ୍ୟନଙ୍କ ସରୁଛି ରିମାଣ୍ଡ ଅବଧି, ରିମାଣ୍ଡ ଅବଧି ବଢ଼ାଇବା ପାଇଁ NCB କରିପାରେ ଆବେଦନ

ମୁମ୍ବାଇ: ଏନସିବି ହେପାଜତରେ ଆର୍ଯ୍ୟନ ଖାନଙ୍କର ଆଜି ଶେଷ ଦିନ। ଡ୍ରଗ୍ସ ଲିଙ୍କ ମାମଲାରେ ଗିରଫ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ଏନସିବି ହେପାଜତକୁ ନେଇଥିବା ବେଳେ ଆଜି ଅବଧି ଶେଷ ହେଉଛି। ଆର୍ଯ୍ୟନଙ୍କ ସହିତ ଗିରଫ ଅନ୍ୟ ଦୁଇ ଜଣଙ୍କର ହେପାଜତ ଅବଧି ମଧ୍ୟ ପୂରଣ ହେଉଛି। ଏନସିବି ହେପାଜତରେ ଥିବା ବେଳେ ଆର୍ଯାନଙ୍କ ମୁହଁରୁ ସତ ଉଗାରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ। ପଚରାଉଚରା ବେଳେ ନିଜେ ଡ୍ରଗ୍ସ ବ୍ୟବହାର କରିବା ମାନିବା ସହିତ ଅନେକ ଗୁମର ଖୋଲିଛନ୍ତି ଶାହାରୁଖଙ୍କ ପୁଅ। ଆର୍ଯାନଙ୍କ ମୋବାଇଲ୍ ଚାଟରୁ ଗୁରୁତ୍ୱପୂର୍ଣ୍ଣ ତଥ୍ୟ ପାଇଛି ଏନସିବି। ତାଙ୍କ ବିରୋଧରେ ୨ଟି ପ୍ରମାଣକୁ ଆଧାର କରି ମାମଲା ଚାଲିଛି। କ୍ରୁଜ୍‌ ପାର୍ଟିରେ ଆର୍ଯ୍ୟନଙ୍କୁ ଆମ୍ବାସାଡର କରାଯାଇଥିବା ମଧ୍ୟ ଜଣାପଡିଛି। ସେ ଡ୍ରଗସ୍ ବ୍ୟବସାୟୀଙ୍କଠାରୁ ଡ୍ରଗ୍ସ ଓ ନିଶାଦ୍ରବ୍ୟ ପାଉଥିବା ସ୍ପଷ୍ଟ ହୋଇଛି। ଆଜି ଏନସିବି ହେପାଜତ ସରିବା ପରେ ବେଲ୍ ପାଇଁ ଆବେଦନ କରିପାରନ୍ତି ଆର୍ଯ୍ୟନଙ୍କ ଓକିଲ। ସେପଟେ ରେଭ ପାର୍ଟି ରେଡ ବେଳେ ଗିରଫ ଦୁଇ ଓଡ଼ିଆଙ୍କ ନିକଟରୁ ଜବତ ହୋଇଥିଲା ଚରସ, ଡ୍ରଗ୍ସ, ଗଞ୍ଜେଇ। ଉଭୟ ପାର୍ଟିକୁ ନିଶାଦ୍ରବ୍ୟ ଯୋଗାଉଥିବା କହିଛି ଏନସିବି। ସେପଟେ ଗିରଫ ଦୁଇ ଓଡ଼ିଆ ମନୀଷ ଏବଂ ଅଭିନକୁ ଫସାଇ ଦିଆଯାଇଥିବା ଅଭିଯୋଗ ଆଣିଛନ୍ତି ଉଭୟଙ୍କ ବାପା। ମାମଲାରେ ବର୍ତ୍ତମାନ ସୁଦ୍ଧା ୧୬ ଜଣ ଗିରଫ ହୋଇଛନ୍ତି।

ମାତାଲ ଡାକ୍ତର ଏମିତି କରୁଛନ୍ତି ରୋଗୀ ସେବା !

ଢେଙ୍କାନାଳ: ସରକାରୀ ପ୍ରାଥମିକ ଚିକିତ୍ସା କେନ୍ଦ୍ର ସାଧାରଣ ରୋଗୀଙ୍କ ପାଇଁ ବଡ଼ ଭରସା । କିନ୍ତୁ ଅନେକ ସମୟରେ ଦେଖିବାକୁ ମିଳେ ଯେ, ପ୍ରାଥମିକ ଚିକିତ୍ସା କେନ୍ଦ୍ରରେ ସବୁ ପ୍ରକାରର ସୁବିଧା ସୁଯୋଗ ମିଳେନାହିଁ । ଯଦି ଡାକ୍ତର ଥିବେ ତେବେ ଔଷଧ ନଥିବ ଯଦି ଔଷଧ ଥିବ ତେବେ ଡାକ୍ତର ନଥିବେ । ଆଜି କିନ୍ତୁ ଆମେ ଆପଣଙ୍କୁ ଏମିତି ଗୋଟିଏ ଡାକ୍ତରଖାନା ଓ ତା’ର ଡାକ୍ତରଙ୍କ କଥା କହିବୁ ଯିଏ ରୋଗୀ ସେବାକୁ ସତରେ ନିଜ ନିଶା ଭାବେ ଗ୍ରହଣ କରି ନେଇଛନ୍ତି । ଆଉ ପେଶାକୁ ଏତେ ଗମ୍ଭୀରତାର ସହିତ ନିଶା କରିଛନ୍ତି ଯେ, ଡାକ୍ତରଖାନାକୁ ମଦ ପିଇ ଆସୁଛନ୍ତି । ଆଉ ରୋଗୀ ସେବା କରୁକରୁ ମଦ ନିଶାରେ ନିଜେ ନିଦ୍ରା ଯାଉଛନ୍ତି । 

ଏହିଭଳି ଜଣେ ଡାକ୍ତରଙ୍କ କାରନାମ କ୍ୟାମେରାରେ କଏଦ ହୋଇଛି । ଏ ଦୃଶ୍ୟ ଢେଙ୍କାନାଳ ଗନ୍ଦିଆର ଶ୍ରୀରାମଚନ୍ଦ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର। ପାଖରେ ରୋଗୀ ଚିକିତ୍ସା ପାଇଁ ବସିଛନ୍ତି, ହେଲେ ଡାକ୍ତର ବାବୁ ନିଘୋଡ ନିଦରେ। ଏ ହେଉଛନ୍ତି ଆୟୂଷ ଡାକ୍ତର ଅନବୀକାନ୍ତ ସାହୁ। ମଦ ନିଶାରେ ଏତେ ଚୁର୍ ଯେ, ଡାକ୍ତର ବାବୁ ଆଉଟଡୋର୍ ଟେବୁଲରେ ଶୋଇ ପଡିଛନ୍ତି। କ୍ୟାମେରା ଦେଖି ସିକ୍ୟୁରିଟି ଗାର୍ଡ ତାଙ୍କୁ ଉଠାଇବାକୁ ଚେଷ୍ଟା କରିଥିଲେ, ହେଲେ ଡାକ୍ତର ହୋସ୍‌ରେ ଥିଲେ ସିନା ଉଠିବେ। ତେବେ କିଛି ସମୟ ପରେ ଆଉ ଜଣେ ଡାକ୍ତର ମଦୁଆ ଡାକ୍ତରଙ୍କୁ ଉଠାଇବା ସହ ରୋଗୀଙ୍କ ଚିକିତ୍ସା କରିଥିଲେ। ଡାକ୍ତରଙ୍କୁ ଦ୍ୱିତୀୟ ଭଗବାନ ବୋଲି କୁହାଯାଏ। ହେଲେ ମଦ ପିଇ ରୋଗୀ ସେବା କରୁଥିବା ଏପରି କିଛି ଡାକ୍ତରଙ୍କ ପାଇଁ ଲୋକଙ୍କ ଭରସା ତୁଟିବାକୁ ବସିଲାଣି। କିଛିଦିନ ତଳେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ଡାକ୍ତର ପୋଲିସକୁ ଅଶାଳୀନ ବ୍ୟବହାର କରି ଚର୍ଚ୍ଚା ଆସିଥିଲେ।

ଭୀମଭୋଇ ମେଡିକାଲ କଲେଜର ଛାତ୍ରୀ ନିବାସରେ ଡାକ୍ତରୀ ଛାତ୍ରୀଙ୍କ ସନ୍ଦେହଜନକ ମୃତ୍ୟୁ

ବଲାଙ୍ଗୀର: ବଲାଙ୍ଗୀର ଭୀମଭୋଇ ମେଡିକାଲ କଲେଜ ଛାତ୍ରୀ ନିବାସରେ ଅଘଟଣ। ବିଳମ୍ବିତ ରାତିରେ କଲେଜ ଛାତ୍ରୀ ନିବାସରେ ଡାକ୍ତରୀ ଛାତ୍ରୀଙ୍କ ସନ୍ଦେହଜନକ ମୃତ୍ୟୁ ହୋଇଛି। ହଷ୍ଟେଲ ରୁମରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି। ମୃତ ଛାତ୍ରୀ ଜଣକ ହେଲେ ୨୦ ବର୍ଷିୟ ନିରୂପମା ନନ୍ଦ। ସେ ଏମବିବିଏସର ଦ୍ୱିତୀୟ ବର୍ଷ ଛାତ୍ରୀ। ତାଙ୍କ ଘର ବଲାଙ୍ଗୀର ସିଭିଲ କୋର୍ଟ ପଛପଟରେ ବୋଲି ଜଣାପଡିଛି। ବିଳମ୍ବିତ ରାତିରେ ପରିବାର ଲୋକଙ୍କ ଉପସ୍ଥିତିରେ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର କରାଯିବା ସହ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇଛି ଟାଉନ ଥାନା ପୋଲିସ। ତେବେ ନିରୁପମାଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ତାଙ୍କ ପରିବାର ଲୋକେ।

ରାଜ୍ୟର ବିଭିନ୍ନ ମନ୍ଦିରରେ ଚାଲିଛି ମାଆଙ୍କ ନବରାତ୍ର ପୂଜା, ହରଚଣ୍ଡି ବେଶରେ ଦର୍ଶନ ଦେଉଛନ୍ତି ମାଆ କଟକ ଚଣ୍ଡି

କଟକ: ପାଖେଇ ଆସୁଛି ଦଶହରା। ଆରମ୍ଭ ହେଲାଣି ମାଆଙ୍କର ନବରାତ୍ର ପୂଜା। ରାଜ୍ୟର ବିଭିନ୍ନ ଶକ୍ତିପୀଠରେ ଆରମ୍ଭ ହୋଇଛି ନବରାତ୍ର ପୂଜା। ଶାରଦୀୟ ଦୁର୍ଗାପୂଜା ଅବସରରେ ବିଭିନ୍ନ ଶକ୍ତି ପୀଠରେ ଚାଲିଛି ମାଆଙ୍କ ଷୋଡଶ ଉପଚାର ପୂଜା। ଏହିକ୍ରମରେ ଆଜି ହରଚଣ୍ଡି ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ମାଆ କଟକ ଚଣ୍ଡି। ନବରାତ୍ର ପୂଜା ଦୃଷ୍ଚିରୁ ମାଆଙ୍କ ପୀଠରେ ପୂର୍ବାପେକ୍ଷା ଅଧିକ ଭକ୍ତଙ୍କ ସମାଗମ ଦେଖିବାକୁ ମିଳୁଛି। ଏହାକୁ ଦୃଷ୍ଟିରେ ରଖି ପ୍ରଶାସନ ତରଫରୁ ବିଭିନ୍ନ କଟକଣା ଜାରି କରାଯାଇଛି। ଭକ୍ତଙ୍କୁ ସାମାଜିକ ଦୂରତା ସହିତ କରୋନା କଟକଣରେ ମନ୍ଦିର ମଧ୍ୟକୁ ପ୍ରବେଶ ଅନୁମତି ମିଳୁଛି। ମନ୍ଦିର ପ୍ରଶାସନ ଓ ପୋଲିସ ପକ୍ଷରୁ କଟକଣାର କଡ଼ା  ଯାଞ୍ଚ କରାଯାଉଛି।

ସେପଟେ ମାଆ ସମଲେଇଙ୍କ ପୀଠରେ ଆଜିଠୁ ଆରମ୍ଭ ହେଉଛି ନବରାତ୍ର ପୂଜା। ଗତକାଲି ପରି ଆଜି ମଧ୍ୟ ଧବଳମୁଖି ବେଶରେ ଦର୍ଶନ ଦେବେ ମାଆ ସମଲେଶ୍ୱରୀ। ଅଢେଇଦିନ ଦିନ ପର୍ଯ୍ୟନ୍ତ ମାଆଙ୍କୁ ଧବଳମୁଖି ବେଶ କରିବା ନେଇ ପରମ୍ପରା ରହିଛି। ଆଜିଠୁ ସ୍ୱତନ୍ତ୍ର ପୂଜା ବିଧିରେ ମାଆଙ୍କର ନବରାତ୍ର ପୂଜା ଆରମ୍ଭ ହେବ। ମାନସିକଧାରୀ ମାନେ ଦୀପଦାନ କରିବା ନେଇ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ବ୍ୟବସ୍ଥା କରାଯାଇଛି।

ପୁଣି ପ୍ରବଳ ବର୍ଷାରେ ଭିଜିବ ଓଡ଼ିଶା, ଆଣ୍ଡାମାନ ସାଗରରେ ଦାନା ବାନ୍ଧୁଛି ଲଘୁଚାପ

ଭୁବନେଶ୍ୱର: ପୁଣି ପ୍ରବଳ ବର୍ଷାରେ ଭିଜିବ ଓଡ଼ିଶା। ଦକ୍ଷିଣ-ଉପକୂଳ ଓଡ଼ିଶାର ସମସ୍ତ ଜିଲ୍ଲାକୁ ବୁଡାଇବ ଲଘୁଚାପ। ଆଣ୍ଡାମାନ ସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ। ଏହାର ପ୍ରଭାବରେ ଆସନ୍ତା ୧୦ରୁ ୧୫ତାରିଖ ପର୍ଯ୍ୟନ୍ତ ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ୧୦ ତାରିଖରେ ଉତ୍ତର ଆଣ୍ଡାମାନ ସାଗରରେ ଏକ ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି। ଏହା ଅଧିକ ଘନିଭୂତ ହୋଇ ପଶ୍ଚିମ-ଉତ୍ତର ପଶ୍ଚିମ ଦିଗରେ ଗତି କରି ଦକ୍ଷିଣ ଓଡ଼ିଶା ଏବଂ ଉତ୍ତର ଆନ୍ଧ୍ରପ୍ରଦେଶ ଉପକୂଳରେ ସ୍ଥଳଭାଗ ଛୁଇଁବ। ଲଘୁଚାପ ପାଇଁ ଯଦି ପାଗ ଅନୁକୂଳ ରହିବ ତେବେ ଏହା ଅଧିକ ଘନିଭୂତ ହୋଇ ଗଭୀର ଅବପାତରେ ପରିଣତ ହୋଇପାରେ।

ଏହାର ପ୍ରଭାବରେ ଆଭ୍ୟନ୍ତରୀଣ ଓଡ଼ିଶାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ହେବା ସହିତ ଦକ୍ଷିଣ-ଉପକୂଳ ଓଡ଼ିଶାର ସମସ୍ତ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହେବ। ଫଳରେ ଚଳିତବର୍ଷ ଲଘୁଚାପରେ ଭିଜିବ ଦଶହରା। ସେପଟେ ଆଜି ସକାଳ ସାଢେ ୮ଟା ପର୍ଯ୍ୟନ୍ତ ୧୨ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି। ସେପଟେ ଦକ୍ଷିଣ-ପଶ୍ଚିମ ମୌସୁମୀର ପ୍ରତ୍ୟାବର୍ତ୍ତନ ପ୍ରକ୍ରିୟା ଆରମ୍ଭ ହୋଇ ସାରିଛି। ଓଡ଼ିଶାରୁ ଅକ୍ଟୋବର ୨୦ଭିତରେ ଯେକୌଣସି ମୁହୁର୍ତ୍ତରେ ମୌସୁମୀର ପ୍ରତ୍ୟାବର୍ତ୍ତନ ପ୍ରକ୍ରିୟା ଆରମ୍ଭ ହୋଇପାରେ।