ନୂଆଦିଲ୍ଲୀ: ଉତ୍ତରାଖଣ୍ଡ ପରେ କର୍ଣ୍ଣାଟକରେ ହେବେ କି ମୁଖ୍ୟମନ୍ତ୍ରୀ ପରିବର୍ତ୍ତନ। ଏନେଇ ପାଓ୍ୱାର କରିଡରରେ ଆରମ୍ଭ ହୋଇଛି ଚର୍ଚ୍ଚା। କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍ ୟେଦ୍ୟୁରପ୍ପାଙ୍କ ବିରୋଧରେ ଉଗ୍ର ହେଉଛି ଦଳୀୟ ଅସନ୍ତୋଷ। ୟେଦୁରପ୍ପାଙ୍କୁ ପଦରୁ ହଟାଇବାକୁ ଦଳର ବିଧାୟକ ଓ ବରିଷ୍ଠ ନେତାମାନେ ହାଇକମାଣ୍ଡଙ୍କ ନିକଟରେ ଦାବି କରିଆସୁଛନ୍ତି। ଏଭଳି ସମୟରେ ଗତକାଲି ଦିଲ୍ଲୀ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି ୟେଦୁରପ୍ପା। ଆଜି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଏହା ସହିତ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ୟେଦ୍ୟୁରପ୍ପା ଭେଟିବାର ସମ୍ଭାବନା ରହିଛି। କର୍ଣ୍ଣାଟକରେ ନେତୃତ୍ୱ ପରିବର୍ତ୍ତନକୁ ନେଇ ଦୀର୍ଘ ମାସ ହେଲା ଚର୍ଚ୍ଚା ହେଉଛି। ୟେଦ୍ୟୁରପ୍ପାଙ୍କ ବଦଳରେ ତାଙ୍କ ପୁଅ ସରକାର ଚଳାଉଥିବା ବାରମ୍ବାର ଅଭିଯୋଗ ହୋଇଛି। ଏଭଳି ସମୟରେ ଦଳର ଶୀର୍ଷ ନେତୃତ୍ୱଙ୍କ ସହିତ ଭେଟଘାଟ ରାଜ୍ୟରେ ସତ୍ତା ପରିବର୍ତ୍ତନର ସୂଚନା ଦେଉଛି। ୟେଦ୍ୟୁରପ୍ପାଙ୍କୁ ନେଇ ବିଜେପି ମଧ୍ୟ ରିସ୍କ ନେବାକୁ ଚାହୁଁନାହିଁ। ତେଣୁ ଖୁବଶୀଘ୍ର କର୍ଣ୍ଣାଟକରେ ମୁଖ୍ୟମନ୍ତ୍ରୀ ପଦ ପରିବର୍ତ୍ତନର ଆଭାସ ମିଳୁଛି। ମାତ୍ର ଚର୍ଚ୍ଚାକୁ ୟେଦ୍ୟୁରପ୍ପା ଖଣ୍ଡନ କରିଛନ୍ତି।
Ind Vs SL: ଧାଓ୍ୱନଙ୍କ ସହ ଓପନିଂ କରିପାରନ୍ତି ପୃଥ୍ୱୀ ସ, ଏମିତି ହୋଇପାରେ ଭାରତୀୟ ଟିମ୍ର ପ୍ଲେଇଁ ୧୧
ନୂଆଦିଲ୍ଲୀ: ଆସନ୍ତାକାଲି ଠାରୁ ଇଣ୍ଡିଆ ଏବଂ ଶ୍ରୀଲଙ୍କା ମଧ୍ୟ ହେବାକୁ ଯାଉଛି ODI ସିରିଜ। ଶିଖର ଧାୱନଙ୍କ ନେତୃତ୍ୱରେ ଟିମ୍ ଇଣ୍ଡିଆ ଖେଳିବାକୁ ଯାଉଛି ତିନୋଟି ODI ଏବଂ ୨ଟି ଟି ୨୦ ମ୍ୟାଚ୍। ରବିବାର ଠାରୁ ଶ୍ରୀଲଙ୍କା ବିପକ୍ଷ ODI ସିରିଜ୍ ଖେଳିବ ଭାରତ। ଦୁଇ ଦଳ ମଧ୍ୟରେ ତିନୋଟି ODI ମ୍ୟାଚ୍ ଖେଳାଯିବ। ଶ୍ରୀଲଙ୍କାରେ ହେବାକୁ ଥିବା ODI ସିରିଜ୍ରେ ନୂଆ ଖେଳାଳି ନଜର ଆସିବେ। ଦଳର କମାଣ୍ଡ ଶିଖର ଧାୱନଙ୍କ ହାତରେ ରହିଛି। ODI ସିରିଜରେ ଶିଖର ଧାଓ୍ୱନ ଓପନିଂ କରିବେ। କିନ୍ତୁ ତାଙ୍କ ସହ ସାଥ ଦେବା ପାଇଁ କିଏ ଆସିବ ତାହା ଏବେ ସ୍ପଷ୍ଟ ହୋଇନାହିଁ। ଶ୍ରୀଲଙ୍କା ଗସ୍ତରେ ଆସିଥିବା ଭାରତୀୟ ଦଳରେ ଦେବଦତ୍ତ ପାଦିକଲ, ପୃଥ୍ୱୀ ସ, ରିତୁରାଜ ଗାଇକୱାଡ ଏବଂ ନୀତୀଶ ରାଣାଙ୍କ ଭଳି ଓପନର୍ ଅଛନ୍ତି। ଧାୱନଙ୍କ ସହ ଉପନିଂ କରିବାରୁ ଏହି ଚାରିଜଣ ବ୍ୟାଟ୍ସମ୍ୟାନ୍ଙ୍କ ମଧ୍ୟରେ ଏକ ପ୍ରତିଯୋଗିତା ରହିଛି।
କରେଣ୍ଟ ପର୍ମ ଏବଂ ଆନ୍ତର୍ଜାତୀୟ ଅଭିଜ୍ଞତାକୁ ଦେଖିଲେ ପୃଥ୍ୱୀ ସ ଏବଂ ପାଦିକ୍କଲ ଭାରିପଡ଼ିବେ ରାଣା ଏବଂ ଗାଇକୱାଡଙ୍କ ଉପରେ। ସେ ଆଇପିଏଲ -୧୪ ଏବଂ ବିଜୟ ହଜାରେ ଟ୍ରଫିରେ ଚମତ୍କାର ବ୍ୟାଟିଂ କରିଥିଲେ।
ଏହା ବ୍ୟତୀତ ୱିକେଟ୍ କିପର ଚୟନ କରିବା ଦଳ ପରିଚାଳନା ପାଇଁ ମଧ୍ୟ ଏକ ବଡ ମୁଣ୍ଡବିନ୍ଧାର କାରଣ ହେବ। ସଞ୍ଜୁ ସାମସନ ଏବଂ ଇଶାନ କିଶନଙ୍କ ମଧ୍ୟରେ ଜଣକୁ ବାଛିବାକୁ ପଡିବ। ଯଦି ବ୍ୟାଟିଂକୁ ଧ୍ୟାନରେ ରଖି ମ୍ୟାନେଜମେଣ୍ଟ ୱିକେଟ୍ କିପର ଚୟନ କରେ, ତେବେ ଇଶାନ କିଶନ ପ୍ରଥମେ ସୁଯୋଗ ପାଇପାରିବେ। ଇଶାନ କିଶନ ଇଂଲଣ୍ଡ ବିପକ୍ଷ ସିରିଜରେ ଡେବ୍ୟୁ କରିଥିଲେ ଏବଂ ଚମତ୍କାର ବ୍ୟାଟିଂ ମଧ୍ୟ କରିଥିଲେ।
ଯଦି ଦେଖିବେ ତେବେ ଧାଓ୍ୱନଙ୍କ ସହ ଓପନିଂ କରିପାରନ୍ତି ପୃଥ୍ୱୀ ସ। ଧାଓ୍ୱନ ଏବଂ ସାଙ୍କ ପରେ ନମ୍ବର ୩ରେ ଆସିପାରନ୍ତି ସୂର୍ଯ୍ୟକୁମାର ଯାଦବ। ସୂର୍ଯ୍ୟକୁମାର ଯାଦବଙ୍କ ଆନ୍ତର୍ଜାତୀୟ କ୍ୟାରିୟରର ଭଲ ରହିଛି। ଇଂଲଣ୍ଡ ବିପକ୍ଷ ସିରିଜରେ ତିନି ନମ୍ବରରେ ବ୍ୟାଟିଂ କରୁଥିବାବେଳେ ସେ ନିଜର ଭଲ ପ୍ରଦର୍ଶନ କରିଥିଲେ।
ଚତୁର୍ଥ ନମ୍ବରରେ ଆସିପାରନ୍ତି ମନୀଷ ପାଣ୍ଡେ। ମନୀଷ ପାଣ୍ଡେ ଦୀର୍ଘ ଦିନ ଧରି ଆନ୍ତର୍ଜାତୀୟ କ୍ରିକେଟ୍ରେ ନିଜର ଜଲଓ୍ୱା ଦେଖାଇଚାଲିଛନ୍ତି। ଶ୍ରୀଲଙ୍କା ଗସ୍ତରେ ମନୀଷ ପାଣ୍ଡେଙ୍କୁ ଭଲ ପ୍ରଦର୍ଶନ କରିବାର ସୁଯୋଗ ରହିଛି। ସେ ଏହି ଦଳର ଅନ୍ୟତମ ଅଭିଜ୍ଞ ବ୍ୟାଟ୍ସମ୍ୟାନ୍। ସେହିପର ପାଞ୍ଚ ନମ୍ବରରେ ଯୁବ ୱିକେଟ୍ କିପର ଇଶାନ କିଶାନ ବ୍ୟାଟିଂ ପାଇଁ ଆସିପାରନ୍ତି। ଏହି ଅଲରାଉଣ୍ଡରଙ୍କ ପରେ ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟା ବ୍ୟାଟିଂ ପାଇଁ ଆସିପାରନ୍ତି।
ଏହି ୭ ଜଣ ଖେଳାଳିଙ୍କ ପରେ ବୋଲରଙ୍କ ପାଳି ପଡ଼ବ। ଭୁବନେଶ୍ୱର କୁମାର, କୁଲଦୀପ ଯାଦବ, ୟୁଜବେନ୍ଦ୍ର ଚହଲ ଦଳକୁ ଆସିବାରନ୍ତି। ସେପଟେ ଦଳରେ ଦ୍ୱିତୀୟ ପେସରଙ୍କୁ ନେଇ ଏବେ ନବଦୀପ ସାଇନି ଏବଂ ଦୀପକ ଚହରଙ୍କ ମଧ୍ୟରେ ଏକ ପ୍ରତିଯୋଗିତା ରହିଛି।
୪୦ ବର୍ଷ ପରେ ଜନ୍ମ ମାଟିକୁ ଫେରିଲେ, ମଧ୍ୟପ୍ରଦେଶରେ ସୀମାଞ୍ଚଳ ଫସି ଯାଇଥିଲେ
ଗଞ୍ଜାମ: ବର୍ଷେ କି ଦୁଇ ବର୍ଷ ନୁହେଁ ୪୦ ବର୍ଷ ପରେ ମା ମାଟିକୁ ଫେରିଲେ ସୀମାଞ୍ଚଳ । ଦୀର୍ଘ ବର୍ଷ ପରେ ସୀମାଞ୍ଚଳ ଘରକୁ ଫେରିଥିବାରୁ ଘର ଲୋକଙ୍କ ଖୁସିର ସୀମା କହିଲେ ନସରେ । NGO ଏବଂ ଜିଲ୍ଲାପାଳଙ୍କ ସାହାଯ୍ୟରେ ଘରକୁ ଫେରିଛନ୍ତି ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଏସ ଟିକରପଡା ଗାଁର ସୀମାଞ୍ଚଳ । ୧୯୭୦ ମସିହାରେ ବିବାହ କରିଥିବା ସୀମାଞ୍ଚର ବାହାଘରର ଦୁଇ ବର୍ଷ ପରେ କାମଧନ୍ଦା ପାଇଁ ମୁମ୍ବାଇ ଯାଇଥିଲେ । ହେଲେ ସେଠାରେ ସେ ଶୋଷଣର ଶିକାର ହୋଇଥିଲେ ।
ଟ୍ରେନରେ ଘରକୁ ଆସିବାକୁ ମନବଳାଇ ଭୁଲବସତଃ ମଧ୍ୟପ୍ରଦେଶ ଚାଲିଯାଇଥିଲେ । ଓଡ଼ିଆ ବ୍ୟତୀତ ଅନ୍ୟ କୌଣସି ଭାଷା ଜାଣିନଥିବା ସୀମଞ୍ଚଳ ସମୟର ଚକ୍ରବ୍ୟୁହରେ ମଧ୍ୟପ୍ରଦେଶରେ ଫସି ରହିଗଲେ । ଏଭଳିକି ତାଙ୍କୁ ଗିରଫ କରାଯାଇଥିଲା । ତେବେ ବୁରହାନପୁରରେ ଭୂମିହୀନ ଏବଂ ଭୋକିଲା ଲୋକଙ୍କୁ ଖାଇବାକୁ ଦେଉଥିବା ରୋଟି ବ୍ୟାଙ୍କର ସଞ୍ଜୟ ସିନ୍ଦେ ଗତ ବର୍ଷ ଜାନୁଆରୀରେ ତାଙ୍କ ହ୍ବାଟସଆପ୍ ଗ୍ରୁପ୍ରୁ ଓଡିଶାର ସୀମାଞ୍ଚଳଙ୍କ ବିଷୟରେ ଜାଣିଥିଲେ ।
ଏହାପରେ ସୀମାଞ୍ଚଳର ଘରକୁ ଫେରିବାର ବାଟ ଫିଟିଥିଲା । ୪୦ ବର୍ଷ ପରେ ସୀମାଞ୍ଚଳ ଫେରିଛନ୍ତି ସତ ହେଲେ ଆଉ ନାହାଁନ୍ତି ତାଙ୍କ ପତ୍ନୀ ଏବଂ ଝିଅ । ଯଦିଓ ପରିବାରର ସମସ୍ତେ ଏବଂ ତାଙ୍କ ପିଲାଦିନର ବନ୍ଧୁମାନେ ଆନନ୍ଦିତ ହୁଅନ୍ତି, ତଥାପି ସୀମାଞ୍ଚଳଙ୍କ ଏଭଳି ଅବସ୍ଥା ଦେଖି ସମସ୍ତେ ଚିନ୍ତାର ପଡିଯାଇଛନ୍ତି । ପୂର୍ବପରି ସୀମାଞ୍ଚଳ ଆଉ ଭଲ ଭାବେ ଚାଲିପାରୁ ନାହିଁନ୍ତି କି କିଛି କରିବାକୁ ଯୁ ପାଉନି ।
ଆଳୁ ଖୋଳୁ ଖୋଳୁ ମହାଦେବ: ଅପହରଣ ଅଭିଯୋଗରେ ସାଙ୍ଘାତିକ ଠକେଇ ଲିଙ୍କ୍
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଅପହରଣ ମାମଲାର ତଦନ୍ତ କରୁ କରୁ ବଡ ଠକେଇ ରାକେଟର ପର୍ଦ୍ଦାଫାଶ କରିଛି ପୋଲିସ । ଠକେଇ ଅର୍ଥ ଫେରି ପାଇବା ପାଇଁ ଅପହରଣ କରି ବନ୍ଧା ହୋଇଛନ୍ତି ଯୁବକ । ଟଙ୍କା ଠକିବା ଓ ଅପହରଣ ଭଳି ଦୁଇଟି ଭିନ୍ନ ମାମଲାରେ ୭ ଜଣକୁ ଗିରଫ କରିଛି ପୋଲିସ । ରେଳ ବିଭାଗରେ ଚାକିରି କରେଇ ଦେବାକୁ କହି ୨୧ ଲକ୍ଷ ଟଙ୍କା ଠକେଇ ଅଭିଯୋଗରେ ଶଳା ଓ ଭିଣେଇକୁ ଗିରଫ କରିଛି ଚନ୍ଦ୍ରଶେଖରପୁର ଥାନା ପୋଲିସ । ।
ଟଙ୍କା ଠକେଇ ମାମଲାରେ ଗିରଫ ହୋଇଥିବା ଦୁଇ ଜଣ ହେଲେ ସମରଜିତ୍ ରାଉତ ଓ ସୌମ୍ୟରଞ୍ଜନ ରାଉତ । ସେହିଭଳି ଟଙ୍କା ଫେରିପାଇବା ପାଇଁ ଶଳାକୁ ଅପହରଣ କରିଥିବା ଅଭିଯୋଗରେ ଗିରଫ ହୋଇଛନ୍ତି ୫ ଜଣ । ଏନେଇ ଚନ୍ଦ୍ରଶେଖରପୁର ଓ ତମାଣ୍ଡ ଥାନାରେ ଦୁଇଟି ଭିନ୍ନ ଭିନ୍ନ ମାମଲା ରୁଜୁ ହୋଇଛି । କ୍ୟାମେରା ଆଗରେ କିଛି ନ ଜାଣିଲା ପରି ଛିଡା ହୋଇଥିବା ଦୁଇଜଣ ହେଲେ 420 ଠକ ଶଳା -ଭିଣୋଇ । ଉଭୟ ନିଜକୁ ରେଳବାଇର ଅଧିକାରୀ କହି 5 ଜଣଙ୍କୁ ଠକିଥିଲେ 21 ଲକ୍ଷ ଟଙ୍କା । ହେଲେ ଟଙ୍କା କି ଚାକିରୀ ନ ମିଳିବାରୁ ଶଳା ଭିଣୋଇଙ୍କୁ ଅପହଣର କରିଥିଲେ ଟଙ୍କା ଦେଇଥିବା 5 ଯୁବକ। ସମରଜିତ ଙ୍କ ପତ୍ନୀ ଅପହରଣ ନେଇ ତମାଣ୍ଡ ଥାନାରେ ଅଭିଯୋଗ କରିଥିଲେ। ତଦନ୍ତ କରୁ କରୁ ପୋଲିସ ସାମ୍ନାକୁ ଆସିଥିଲା ଠକେଇର ଲିଙ୍କ୍।
ସେପଟେ ଆଳୁ ଖୋଳୁ ଖୋଳୁ ମହାଦେବଙ୍କ ଭଳି ଅଭିଯୋଗ ଆସିବା ପରେ ପୋଲିସ ହାତରେ ଲାଗିଛି ସମସ୍ତ ଘଟଣା । ଅପହରଣ ଅଭିଯୋଗରେ ପୋଲିସ ୫ଜଣ ଯୁବକଙ୍କୁ ଗିରଫ କରିଥିବାବେଳେ, ଉଭୟ ଶଳା- ଭିଣେଇଙ୍କୁ ମଧ୍ୟ ବାନ୍ଧିଛି ପୋଲିସ । ରେଲୱେ ଠକେଇ ଲିଂକ ମିଳିବା ପରେ ଜୋରଦାର ତନାଘନା କରିଛି ପୋଲିସ। ରେଲୱେରେ ପାଇଲଟ ପାଇଁ ସାଲାରୀ 27, 500 , ଟିକେଟ ସମଗ୍ରହ ପାଇଁ 32 ହଜାର ଓ କିରାଣୀ ପାଇଁ 32 ହଜାର ଦରମା ଥିବା କହି ଶଳା ଭିଣେଇ ସମସ୍ତ ଯୁବକଙ୍କୁ ଠାରୁ ଠକିନେଇଥିଲେ ଲକ୍ଷାଧିକ ଟଙ୍କା ।
ତମାଣ୍ଡୋ ଥାନାରେ ଅଭିଯୋଗ ପରେ ସାମ୍ନାକୁ ଆସିଥିଲା ଏହି ବଡ ଧରଣର ଠକେଇର ଚେର । ତେବେ ଏହି ଘଟଣାରେ ଫେକ ଅଫରଲେଟର, ରେଲୱେ ଆଇଡି କାର୍ଡ ଓ ଅନ୍ୟାନ୍ୟ କାଗଜପତ୍ର ଜବତ କରିଛି ପୋଲିସ।ଏହା ପଛରେ ରେଲୱେ କର୍ମଚାରୀ ଙ୍କ ହାତ ଥିବା ପୋଲିସ ସନ୍ଧେହ କରିଛି। ଏହି ଗ୍ୟାଙ୍ଗରେ କେବଳ ଶଳା ଭିଣେଇ ଥିଲେ ନା ଅନ୍ୟ କେହି । ଏନେଇ ଛାନଭିନ ଆରମ୍ଭ କରିଛି ପୋଲିସ । ସମସ୍ତ ଘଟଣାକୁ ଦୃଷ୍ଟିରେ ପୋଲିସ ଉଭୟ ଠକଙ୍କୁ ରିମାଣ୍ଡରେ ଆଣିବା ନେଇ ପ୍ରସ୍ତୁତି ଚଳାଇଛି ।
ଟୋକିଓ ଅଲମ୍ପିକ୍ସ ହୋଇପାରେ କରୋନା ସୁପରସ୍ପ୍ରେଡର, ଅନେକ ଖେଳାଳି ନେଇ ନାହାଁନ୍ତି କରୋନା ଟିକା
ଟୋକିଓ: ଚଳିତ ବର୍ଷ ଜୁଲାଇ ୨୩ରେ ଜାପାନରେ ଅନୁଷ୍ଠିତ ହେବାକୁ ଯାଉଛି ଟୋକିଓ ଅଲମ୍ପିକ୍ସ ୨୦୨୦। କରୋନା ଲାଗି ଗତ ବର୍ଷ ଏହାକୁ ସ୍ଥଗିତ ରଖାଯାଇଥିଲା। ଚଳିତ ବର୍ଷ ମଧ୍ୟ କରୋନା ସଂକ୍ରମଣର ଦ୍ୱିତୀୟ ଲହର ଅନେକ କ୍ଷତି ଘଟାଇଛି। କିନ୍ତୁ ଏହାରି ଭିତରେ ଆରମ୍ଭ ହେବାକୁ ଯାଉଛି ଟୋକିଓ ଅଲିମ୍ପିକ।
ସବୁଠାରୁ ବଡ଼ କଥା ହେଉଛି ଅଲମ୍ପିକ୍ସରେ ଏମିତି କୌଣସି ନିୟମ ନାହିଁ ଯେ ଏହି ଗେମ୍ସରେ ଅଂଶଗ୍ରହଣ କରିବା ପାଇଁ ଟିକାକରଣ ଆବଶ୍ୟକ। ଯେଉଁଥିପାଇଁ ଆଗକୁ ଅଲମ୍ପିକ୍ସ କରୋନାର ସୁପର ସ୍ପ୍ରେଡର ହେବାକୁ ଯାଉଛି। କାରଣ ଅଲିମ୍ପିକ୍ ଗେମ୍ସ ପାଇଁ ଏଠାକୁ ଆସୁଥିବା ଅନେକ ବିଦେଶୀ ଆଥଲେଟ୍ ଟିକା ନ ନେଇ ସେମାନଙ୍କ ଇଭେଣ୍ଟରେ ପ୍ରବେଶ କରିବେ।
ଆମେରିକାର ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ସେଠାରେ ଥିବା କିଛି ଆଥଲେଟ୍ ସେମାନଙ୍କ ଇଭେଣ୍ଟ ପୂର୍ବରୁ ଟିକାକରଣ କରିବାକୁ ମନା କରି ଦେଇଛନ୍ତି। ଆମେରିକାର ଅଲିମ୍ପିକ୍ କମିଟି କହିଛି ଟୋକିଓ ଅଲମ୍ପିକ୍ସ ପାଇଁ ଜାପାନ ଯାଉଥିବା କୋଚ୍ ଏବଂ ସପୋର୍ଟ ଷ୍ଟାଫଙ୍କ ପାଇଁ ଟିକାକରଣ ବାଧ୍ୟତାମୂଳକ।
କିନ୍ତୁ ଆଥଲେଟଙ୍କ ପାଇଁ ଏଭଳି ଆବଶ୍ୟକତାକୁ ବାଧ୍ୟତାମୂଳକ କରାଯାଇ ନାହିଁ। ସେପଟେ ଆମେରିକାର ସନ୍ତରଣକାରୀ ମାଇକେଲ ଆଣ୍ଡ୍ରିୟୁଙ୍କ ବିବୃତ୍ତି ଆମେରିକାର ଗଣମାଧ୍ୟମରେ ପ୍ରକାଶ ପାଇଛି। ଟିକା ନେବା ପରେ କାଳେ ତାଙ୍କ ଖେଳ ଉପରେ କୌଣସି ପ୍ରଭାବ ବଡ଼ିବ ସେଥିପାଇଁ ସେ ଟିକା ନ ନେବାକୁ ନିଷ୍ପତ୍ତି ନେଇଛନ୍ତି ବାେଲି କହିଛନ୍ତି।
ପର୍ଯ୍ୟବେକ୍ଷକଙ୍କ ଅନୁଯାୟୀ, ଆମେରିକାରେ ଟିକା ଅଭାବ ନାହିଁ। ତେଣୁ ଯେଉଁ ଖେଳାଳି ମାନେ କରୋନା ଟିକା ନେଇ ନାହାଁନ୍ତି ସେମାନେ ଯାଣିଶୁଣି ନେଇନାହାନ୍ତି। କିନ୍ତୁ ବିଶ୍ୱର ଅନେକ ଦେଶରେ ଟିକା ଅଭାବର ସମସ୍ୟା ମଧ୍ୟ ଦେଖାଦେଇଛି। ଗଣମାଧ୍ୟମର ରିପୋର୍ଟ ଅନୁଯାୟୀ, ଭେନେଜୁଏଲା ଏବଂ ନାଇଜେରିଆ ଅଲିମ୍ପିକ୍ ଗେମ୍ସକୁ ବଡ଼ ଦଳ ପଠାଉଛନ୍ତି।
ଯେତେବେଳେକି ଉଭୟ ଦେଶ ଜନସଂଖ୍ୟାର ମାତ୍ର ଏକ ପ୍ରତିଶତ ସଂପୂର୍ଣ୍ଣ ଟିକାକରଣ କରାଯାଇଛି। ଏଥିରୁ ସ୍ପଷ୍ଟ ବାରିହୋଇ ପଡ଼ୁଛି ଟୋକିଓ ଆସୁଥିବା ଅନେକ ଖେଳାଳି ଟିକା ନେଇ ନଥିବେ। ବିଭିନ୍ନ ଦେଶରେ ଏହି ପ୍ରସଙ୍ଗରେ ବିଭିନ୍ନ ନୀତି ଗ୍ରହଣ କରାଯାଇଥିଲା। ଅଷ୍ଟ୍ରେଲିଆ ଗତ ଏପ୍ରିଲରେ ଘୋଷଣା କରିଥିଲା ଯେ ଅଲିମ୍ପିକ୍ସକୁ ଯାଉଥିବା ଆଥଲେଟମାନଙ୍କୁ ପ୍ରାଥମିକତା ଭିତ୍ତିରେ ଟିକାକରଣ କରିବ। ଯେତେବେଳେ କି ଅନ୍ୟାନ୍ୟ ଦେଶରେ ଏହା ଘୋଷଣା କରାଯାଇନଥିଲା।
ଜାପାନ ଯାତ୍ରା କରୁଥିବା ଆଥଲେଟମରନଙ୍କ ପାଇଁ ଆମେରିକାରେ ଦୁଇଟି ସ୍ୱତନ୍ତ୍ର ଟିକାକରଣ କେନ୍ଦ୍ର ପ୍ରତିଷ୍ଠା କରାଯାଇଛି। ଗତ ମେ ମାସରେ, ଫାଇଜର କମ୍ପାନୀ ଘୋଷଣା କରିଥିଲା ଯେ ଏହା ଅଲିମ୍ପିକ୍ସକୁ ଯାଉଥିବା ଆଥଲେଟମାନଙ୍କୁ ପ୍ରାଥମିକତା ଭିତ୍ତିରେ ଟିକା ପ୍ରଦାନ କରିବ। ଏହା ପରେ ଅନ୍ୟ ଦେଶର ଆଥଲେଟମାନଙ୍କୁ ମଧ୍ୟ ମାଗଣା ଟିକା ପ୍ରଦାନ କରିବାକୁ ଘୋଷଣା କରାଯାଇଥିଲା।
କିନ୍ତୁ ବିଭିନ୍ନ ଦେଶକୁ ଟିକା ପଠାଇବା ଏକ ସମସ୍ୟା ହୋଇ ରହିଲା। ତେବେ ଏପର୍ଯ୍ୟନ୍ତ ଫାଇଜର କେତେ ଖେଳାଳିଙ୍କୁ ଟିକା ଦେଇଛି ତାହା ସ୍ପଷ୍ଟ କରିନାହିଁ । ଟୋକିଓ ଏବଂ ଆସନ୍ତା ବର୍ଷ ବେଜିଂରେ ହେବାକୁ ଥିବା ଶୀତକାଳୀନ ଅଲିମ୍ପିକ୍ ଗେମ୍ସରେ ଅଂଶଗ୍ରହଣ କରୁଥିବା ଆଥଲେଟ୍ମାନଙ୍କୁ ମାଗଣା ଟିକା ପ୍ରଦାନ କରିବ ବୋଲି ଚୀନ୍ ଘୋଷଣା କରିଛି। କିନ୍ତୁ ଚିନ ମଧ୍ୟ କେତେ ଖେଳାଳିଙ୍କୁ ଟିକା ଦେଇଛି ସେହି ତଥ୍ୟକୁ ଲୁଚାଇ ରଖିଛି।
ACF ସୌମ୍ୟରଞ୍ଜନ ମୃତ୍ୟୁ ଘଟଣା: ବୟାନ ରେକର୍ଡ କରୁଛି ପାରଳାଖେମୁଣ୍ଡି ପୋଲିସ
ଭୁବନେଶ୍ୱର: ବହୁଚର୍ଚ୍ଚିତ ACF ସୌମ୍ୟରଞ୍ଜନ ମହାପାତ୍ର ମୃତ୍ୟୁ ଘଟଣାରେ ପରିବାର ଓ ଅନ୍ତରଙ୍ଗ ବନ୍ଧୁଙ୍କ ବୟାନ ରେକର୍ଡ କରୁଛି ପାରଳାଖେମୁଣ୍ଡି ପୋଲିସ । ସାଇଣ୍ଟିଫିକ ଟିମ୍ ଘଟଣାସ୍ଥଳରେ ଅନୁସନ୍ଧାନ କରୁଛି । ଏହାସହ ବିଭିନ୍ନ ଦିଗକୁ ଦୃଷ୍ଟି ଦେଇ ତଦନ୍ତରେ ଆଗକୁ ବଢିଛି ପୋଲିସ । ଜଣ ଜଣ କରି ସମସ୍ତଙ୍କ ବୟାନ ରେକର୍ଡ କରିବା ପରେ ତଦନ୍ତର ଦିଗ କେଉଁ ଆଡକୁ ଯିବ ତାହା ଜଣାପଡ଼ିବ ।
ସେପଟେ ଏସଡିପିଓଙ୍କ ନେତୃତ୍ୱରେ ୪ ଜଣିଆ ସ୍ବତନ୍ତ୍ର ଦଳ ତଦନ୍ତ କରୁଛି । ସୌମ୍ୟଙ୍କ ସହ ଲିଙ୍କରେ ଥିବା କିଛି କର୍ମଚାରୀଙ୍କ ସହ ଆଲୋଚନା କରୁଛି ତଦନ୍ତକାରୀ ଟିମ୍ । ଏହାଛଡ଼ା ପଡିଶା ଏବଂ ଅନ୍ୟ କିଛି କମର୍ଚାରୀ ବି ତଦନ୍ତ ପରିସରଭୁକ୍ତ ହେବେ । ସେପଟେ ଘରର ରୋଷେୟା ମନ୍ମଥ କୁମ୍ଭ ହିଁ ମୃତ୍ୟୁ ରହସ୍ୟର କରିପାରିବ ଖୁଲାସା । ଏନେଇ ଆଇନଜୀବୀଙ୍କ ସହ ସୌମ୍ୟଙ୍କ ପରିବାର ପାରଳାଖେମୁଣ୍ଡିରେ ପହଞ୍ଚି ପୋଲିସ ସହ ଆଲୋଚନା କରିଛନ୍ତି ।
ଅନ୍ୟପଟେ ସୌମ୍ୟଙ୍କ ମୃତ୍ୟୁକୁ ନେଇ ପରିବାର ଲୋକେ ଅନ୍ୟ କିଛି ଅଭିଯୋଗ ଆଣୁନ୍ତି । ଡିଏଫ୍ଓ ଏବଂ ବୋହୂଙ୍କ ମଧ୍ୟରେ ପରକୀୟା ପ୍ରୀତିକୁ ନେଇ ସୌମ୍ୟ ମାନସିକ ଅବସାଦରେ ଥିବା ତାଙ୍କ ପରିବାର ଲୋକ ଆରୋପ ଆଣିଥିଲେ । ପୂର୍ବରୁ ଏନେଇ ଡିଏଫଓ ସଂଗ୍ରାମ କେଶରୀ ବେହେରା, ସ୍ତ୍ରୀ ବିଦ୍ୟାଭାରତୀ ଓ ରୋଷେୟା ମନ୍ମଥ କୁମ୍ଭଙ୍କ ନାଁରେ ମାମଲା ରୁଜୁ ହୋଇଛି । ହତ୍ୟା ଓ ହତ୍ୟା ଷଡ଼ଯନ୍ତ୍ର ନେଇ ମାମଲା ରୁଜୁ କରିଛି ପୋଲିସ ।
ଭାରତୀୟ ନୌସେନାକୁ ମିଳିଲା ୨ଟି ଏମ୍ଏଚ୍ ୬୦ ହେଲିକପ୍ଟର: ଜଳଭାଗରେ ବଢ଼ିବ ଶକ୍ତି
ନୂଆଦିଲ୍ଲୀ: ଆହୁରି ଶକ୍ତିଶାଳୀ ହେବ ଭାରତୀୟ ନୌସେନା । ଆଜି ଭାରତୀୟ ନୌସେନାକୁ ୨ଟି ଏମ୍ଏଚ୍-୬୦ ଆର୍ ହେଲିକପ୍ଟର ମିଳିଛି । ଆମେରିକା ଏହି ଦୁଇଟି ହେଲିକପ୍ଟର ଭାରତୀୟ ସେନାକୁ ହସ୍ତାନ୍ତର କରିଛି । ଏହି ଏମ୍ଏଚ୍-୬୦ ଆର୍ ହେଲିକପ୍ଟର ଲକହିଡ ମାର୍ଟିନ କମ୍ପାନୀ ଦ୍ୱାରା ପ୍ରସ୍ତୁତ ହୋଇଥିବା ବେଳେ ଆହୁରି ୨୪ଟି କିଣାଯିବ ବୋଲି ସୂଚନା ଦେଇଛି ଭାରତୀୟ ନୌସେନା । ଏଥିସହ ଆମେରିକା ସହ ଚୁକ୍ତି ମଧ୍ୟ ସରିଛି । ତେବେ ଭାରତୀୟ ରାଜଦୂତ ତରଣଜିତ ସିଂଙ୍କ ଉପସ୍ଥିତିରେ ଡିଏଗୋର ନାଭାଲ ଏୟାରଷ୍ଟେସନ ନର୍ଥ ଆଇଜଲ୍ୟାଣ୍ଡରେ ଆମେରିକା ଏହାକୁ ହସ୍ତାନ୍ତର କରିଥିଲା । ହେଲିକପ୍ଟର ଚଳାଇବା ପାଇଁ ଭାରତୀୟ ପାଇଲଟମାନେ ଆମେରିକାରେ ପ୍ରଶିକ୍ଷଣ ନେବେ ବୋଲି କୁହାଯାଇଛି । ଏଥି ସହ ଏହି ହେଲିକପ୍ଟର ବହୁତ ଶକ୍ତିଶାଳୀ । ପାଣି ଭିତରେ ଶତ୍ରୁର ଚକ୍ରବ୍ୟୁହକୁ ଏହା ଭେଦ କରିପାରିବ ବୋଲି ବିଶେଷଜ୍ଞ କହିଛନ୍ତି ।
ଏଥିସହିତ ପଢ଼ନ୍ତୁ: Tokyo Olympics: ୪ କର୍ମଚାରୀ କରୋନା ସଂକ୍ରମିତ, ଭାରତୀୟ ସୁଟିଂ ଦଳର ନମୁନା ସଂଗ୍ରହ
ତୈଳଦର ବୃଦ୍ଧି ପ୍ରତିବାଦରେ କଂଗ୍ରେସର ଦସ୍ତଖତ ଅଭିଯାନ
ସାକ୍ଷୀଗୋପାଳ: ତୈଳଦର ବୃଦ୍ଧି ପ୍ରତିବାଦରେ କଂଗ୍ରେସର ଦସ୍ତଖତ ଅଭିଯାନ । ପେଟ୍ରୋଲ ପମ୍ପ ସାମ୍ନାରେ ଦସ୍ତଖତ ଅଭିଯାନ କରିଛନ୍ତି କଂଗ୍ରେସ କର୍ମୀ । ପେଟ୍ରୋଲ ଓ ଡିଜେଲ ଦର ଦିନକୁ ଦିନ ବଢିବାରେ ଲାଗିଛି । ଭୁବନେଶ୍ୱରରେ ଆଜି ପେଟ୍ରୋଲ ଦର ଲିଟର ପିଛା ୧୦୨ଟଙ୍କା ୭୨ପଇସା ରହିଛି । କମିବା ବଦଳରେ ଦିନକୁ ଦିନ ବଢିବାରେ ଲାଗିଛି ଦର । ଏହା ପ୍ରଭାବରେ ଅତ୍ୟାବଶ୍ୟକ ସାମଗ୍ରୀ ଦର ମଧ୍ୟ ବଢିବାରେ ଲାଗିଛି । ଫଳରେ ଲୋକଙ୍କ ମଧ୍ୟରେ ଅସନ୍ତୋଷ ବଢୁଛି । ଗତ ୭ତାରିଖରୁ ତୈଳଦର ବୃଦ୍ଧି ପ୍ରତିବାଦରେ ରାଜରାସ୍ତାକୁ ଓହ୍ଲାଇଛି ରାଜ୍ୟ କଂଗ୍ରେସ । ଆଜି ଆନ୍ଦୋଳନର ଶେଷ ଦିନରେ ସବୁ ପେଟ୍ରୋଲ ପମ୍ପ ସାମ୍ନାରେ ଦଳ ଦସ୍ତଖତ ଅଭିଯାନ କରିଛି ।
ଏଥିସହିତ ପଢ଼ନ୍ତୁ: ବଦଳିବ ଆରଡ଼ି ପୀଠର ରୂପରେଖ: ଆରମ୍ଭ ହେଲା ସୌନ୍ଦର୍ଯ୍ୟକରଣ କାର୍ଯ୍ୟ
ବଦଳିବ ଆରଡ଼ି ପୀଠର ରୂପରେଖ: ଆରମ୍ଭ ହେଲା ସୌନ୍ଦର୍ଯ୍ୟକରଣ କାର୍ଯ୍ୟ
ଆରଡ଼ି: ବାବା ଆଖଣ୍ଡଳମଣିଙ୍କ ମନ୍ଦିର ଓ ଆରଡିପୀଠର ଉନ୍ନତିକରଣ ପାଇଁ ଆରମ୍ଭ ହେଲା କାର୍ଯ୍ୟ । ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳ ଭାବେ ମାନ୍ୟତା ପାଇଥିବା ଏହି ପୀଠର ଉନ୍ନତି ସୌନ୍ଦର୍ଯ୍ୟକରଣ ପାଇଁ ଗତକାଲି ପୂର୍ଜାର୍ଚ୍ଚନା ଓ ବୈଷୟିକ ଟିମ ପକ୍ଷରୁ ଗର୍ଭଗୃହର ଯାଞ୍ଚ କରାଯିବା ପରେ ଆଜି ମନ୍ଦିର ବେଢା ଓ ୪ ଦ୍ୱାରର ସୌନ୍ଦର୍ଯ୍ୟକରଣ ପାଇଁ ବୁଲଡୋଜର ବୁଲିଛି । ପ୍ରଥମେ ମନ୍ଦିରର ପଶ୍ଚିମଦ୍ୱାର ଗୁମୁଟକୁ ଭଙ୍ଗାଯିବା ପରେ ମନ୍ଦିରର ପୁରାତନ ପ୍ରାଚେରୀକୁ ଭଙ୍ଗାଯିବ ବୋଲି ବୈଷୟିକ ଟିମ କହିଛନ୍ତି । ଏପରିକି ଦିନ ଓ ରାତିରେ ଅଧିକ ସଂଖ୍ୟକ କାରିଗର ନିୟୋଜିତ କରାଯାଇ କାର୍ଯ୍ୟ ଜାରି ହେବ ବୋଲି ଉପଜିଲାପାଳ କହିଛନ୍ତି।
ବାବା ଆଖଣ୍ଡଳମଣିଙ୍କ ପୀଠକୁ ଦିନକୁ ଦିନ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଉଥିବାରୁ ପୀଠକୁ ସରସ ସୁନ୍ଦର କରିବା ପାଇଁ ପ୍ରସ୍ତୁତ ହୋଇଥିବା ମାଷ୍ଟରପ୍ଲାନକୁ ରାଜ୍ୟ ସରକାର ମୋହର କରିଛନ୍ତି । ଏହାସହ ପ୍ରାଥମିକ ପର୍ଯ୍ୟାୟାରେ ଯୋଗାଇ ଦେଇଛନ୍ତି ୬କୋଟି ଟଙ୍କା । ଯାହାର କାର୍ଯ୍ୟ ଆଜିଠାରୁ ଆରମ୍ଭ ହୋଇଛି । ବେଶେଷକରି ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ତଥା ମହାଶିବରାତ୍ରୀରେ ଲକ୍ଷାଧିକ ଭକ୍ତ ଏକକାଳୀନ ଯେପରି ବାବାଙ୍କର ମନ୍ଦିର ଚୂଡାକୁ ଉଠୁଥିବା ମହାଦୀପ୍ପର ଦର୍ଶନ ପାଇପାରିବେ ସେଥିପାଇଁ ମନ୍ଦିର ବେଢା ଓ ପୀଠର ମୁଖ୍ୟରାସ୍ତାକୁ ସମ୍ପ୍ରସାରଣ କରାଯାଉଛି। ତାହା ସହ ପୀଠର ଶିବଗଙ୍ଗା ପୁଷ୍କରିଣୀର ସୌନ୍ଦର୍ଯ୍ୟକରଣ, କରାଯିବା ।
ଏଥିସହିତ ପଢ଼ନ୍ତୁ: ବିଭିନ୍ନ ସରକାରୀ ଯୋଜନାରେ ଟଙ୍କା ଆସିବ କହି ଟିପ ଚିହ୍ନ ନେଲେ, ଆଉ ତା’ ପରେ…
ଅଭିଯୁକ୍ତ ଜଗନ୍ନାଥ ପ୍ରଧାନ ଭୁବନେଶ୍ୱର ଏମ୍ସରେ ଭର୍ତ୍ତି: ଶିର କଟିଥିବାରୁ ହେବ ଅପରେସନ୍
ଭୁବନେଶ୍ୱର: ଭୀମଟାଙ୍ଗି ପ୍ରିୟଙ୍କା ସାହୁ ହତ୍ୟା ମାମଲା । ଅଭିଯୁକ୍ତ ଜଗନ୍ନାଥ ପ୍ରଧାନ ଭୁବନେଶ୍ୱର ଏମ୍ସରେ ଭର୍ତ୍ତି । ପୂର୍ବରୁ ସେ କ୍ୟାପିଟାଲ ହସ୍ପିଟାଲରେ ଚିକିତ୍ସାଧୀନ ଥିଲା । ହାତର ଶିର କଟି ଥିବାରୁ ଅପରେସନ ପାଇଁ ଜଗନ୍ନାଥକୁ ଏମସରେ ଭର୍ତ୍ତି କରାଯାଇଛି । ଜଗନ୍ନାଥର ପ୍ଲାଷ୍ଟିକ ସର୍ଜରୀ କରାଯିବ । କ୍ୟାପିଟାଲ ହସ୍ପିଟାଲ ନର୍ଦ୍ଦେଶକ ଏହି ସୂଚନା ଦେଇଛନ୍ତି । ଗତ ୫ତାରିଖରେ ସ୍ୱାମୀ ନଥିବା ବେଳେ ଘରେ ପଶି ପ୍ରିୟଙ୍କା ସାହୁଙ୍କୁ ଜଗନ୍ନାଥ ହତ୍ୟା କରିଥିବା ଅଭିଯୋଗ ହୋଇଛି । ଏହାପରେ ଜଗନ୍ନାଥ ପ୍ରଧାନ ଆତ୍ମହତ୍ୟା ଉଦ୍ୟମ କରିଥିଲା ।
ଏଥିସହିତ ପଢ଼ନ୍ତୁ: ବିଭିନ୍ନ ସରକାରୀ ଯୋଜନାରେ ଟଙ୍କା ଆସିବ କହି ଟିପ ଚିହ୍ନ ନେଲେ, ଆଉ ତା’ ପରେ…