spot_img
Home Blog Page 5451

ଏଣିକି ସ୍ମାର୍ଟ କ୍ଲାସରୁମରେ ପଢିବେ ଛାତ୍ରଛାତ୍ରୀ, 50ଟି ହାଇସ୍କୁଲର ହେଲା ରୂପାନ୍ତର

ଗଞ୍ଜାମ: ସ୍ମାର୍ଟ କ୍ଲାସରୁମ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଶିକ୍ଷାର ଉନ୍ନତି ପାଇଁ ରାଜ୍ୟ ସରକାରଙ୍କ ବଳିଷ୍ଠ ପ୍ରୟାସ  । ଏକ ଭିନ୍ନ ପଦକ୍ଷେପ ଗ୍ରହଣ କରିଛନ୍ତି  ସରକାର । ଗଞ୍ଜାମ ଜିଲ୍ଲାର ହିଞ୍ଜିଳି ଓ ଶେରଗଡ ବ୍ଲକର 50ଟି ହାଇସ୍କୁଲର ରୂପାନ୍ତରଣ କରାଯାଉଛି । ଅତ୍ୟାଧୁନିକ ଜ୍ଞାନକୌଶଳ ନିର୍ମାଣ ହୋଇଛି ଶ୍ରେଣୀ ଗୃହ । ଛାତ୍ରଛାତ୍ରୀଙ୍କୁ ଉତ୍ତମ ଜ୍ଞାନ ଆହରଣର ପ୍ରୟୋଗଶାଳା କରିବାକୁ ପ୍ରଚେଷ୍ଟା କରାଯାଇଛି  । ସମସ୍ତ ପ୍ରକାର ଅତ୍ୟାଧୁନିକ ସୁବିଧା ଏହି ସ୍ପୁଲ ମାନଙ୍କରେ ଉପଲବ୍ଧ କରାଯାଇଛି  ।

ମୁଖ୍ୟମନ୍ତ୍ରୀ ଭିଡିଓ କନଫରେନେ‌ସିଂ ମାଧ୍ୟମରେ ଉଦଘାଟନ କରିଛନ୍ତି ଗଞ୍ଜାମ ଜିଲ୍ଲାରଲ ୫୦ଟି ବିଦ୍ୟାଳୟ  । ରୂପାନ୍ତିକରଣ ହୋଇଥିବା ଏହି ସମସ୍ତ ବିଦ୍ୟାଳୟର  ବିଧାୟକ ଏବଂ  ବିଭିନ୍ନ ମନ୍ତ୍ରୀ ଉପସ୍ଥିତ ରହିଛନ୍ତି  । ଜିଲ୍ଲାପାଳ ଏବଂ ବିଜେଡ଼ି ସାଧାରଣ ସଂପାଦକ ପ୍ରଣବ ପ୍ରକାଶ ଦାସ ମଧ୍ୟ ଉପସ୍ଥିତ ରହିଛନ୍ତି  ।  ସେପଟେ ଆଜି ସକାଳୁ ରାଜ୍ୟର  20ଜଣ ବିଧାୟକ ଏହି ସମସ୍ତ  ସ୍କୁଲଗୁଡ଼ିକ ବୁଲି ଦେଖିଛନ୍ତି  ।

ହିଞ୍ଜିଳି ଓ ଶେରଗଡ ଅଂଚଳରେ ଅତ୍ୟାଧୁନିକ ସୁବିଧା ସୁଯୋଗ କିପରି ବିଦ୍ୟାଳୟରେ ରାଜ୍ୟରେ ପ୍ରଥମ ଥର ପାଇଁ ଉପଲବ୍ଧ କରାଯାଇଛି ତାହାକୁ ଅନୁଧ୍ୟାନ କରିଛନ୍ତି ବିଧାୟକ ଓ ମନ୍ତ୍ରୀ  । ଆଗାମୀ ଦିନରେ ଛାତ୍ରଛାତ୍ରୀଙ୍କର ଦକ୍ଷତା ବିକାଶରେ ଏପରି ଅନୁଷ୍ଠାନ ଭରପର ସହାୟକ ହେବ  । ୫T ହାଇସ୍କୁଲ ଟ୍ରାନ୍ସଫରମେସନ ଜରିଆରେ ଗଞ୍ଜାମ ଜିଲ୍ଲାର ଏହି ୫୦ଟି ସ୍କୁଲର ରୂପାନ୍ତିକରଣ କାର୍ଯ୍ୟ କରାଯାଇଛି  ।  ଏପରି ବାତାବରଣ ଚାତ୍ରଛାତ୍ରୀଙ୍କ ମଧ୍ୟରେ ନୃତନ୍ୱତ ଭରିଦେବ  । ଏହା କୌଣସି ବେସରକାରୀ ବିଦ୍ୟାଳୟର ସୁବିଧା ସୁଯୋଗ ଠାରୁ ମଧ୍ୟ କମ ନୁହେଁ ବୋଲି ମତ ପ୍ରକାଶ କରିଛନ୍ତି ଉପସ୍ଥିତ ବିଧ୍ୟାୟକ  ।

ପୋଷ୍ଟାଲ ଦୁର୍ନୀତି ତଦନ୍ତକୁ କ୍ରିୟାଶୀଳ କରିବାକୁ ନିର୍ଦ୍ଦେଶ ଦେଲେ ରେଳମନ୍ତ୍ରୀ

ମାଲକାନଗିରି: ଜିଲ୍ଲାରେ ପୋଷ୍ଟାଲ ଦୁର୍ନୀତିର ତଦନ୍ତକୁ କ୍ରିୟାଶୀଳ କରିବାକୁ ନିର୍ଦ୍ଦେଶ ଦେଲେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । କୋରାପୁଟ ଜିଲ୍ଲା ଜୟପୁରରେ ଜନ ଆଶୀର୍ବାଦ ଯାତ୍ରାରେ ରୋଡ୍‌ ଶୋ ପରେ ମନ୍ତ୍ରୀ ଜୟପୁର ହେଡ ପୋଷ୍ଟ ଅଫିସ ପରିଦର୍ଶନ କରିଥିଲେ । ଏହି ଅବସରରେ ମାଲକାନଗିରି ଜିଲ୍ଲାର ଭେଜେଙ୍ଗିୱାଡ଼ା, ତାଟିବେଡା ଓ ମାଲକାନଗିରି କଲୋନୀ ପୋଷ୍ଟ ଅଫିସରେ ଜମାକାରୀଙ୍କ ପ୍ରାୟ 5 କୋଟି ଟଙ୍କା ହଡପ ହୋଇଥିବା ଲୋକ ଅଭିଯୋଗ କରିଥିଲେ ।

ଅଭିଯୋଗକୁ ଭିତ୍ତି କରି ରେଳମନ୍ତ୍ରୀ ଅଶ୍ବିନୀ ବୈଷ୍ଣବ କୋରପୁଟ ଡିଭିଜନ ଦାୟିତ୍ଵରେ ଥିବା ସୁପରିନଟେଣ୍ଡେଣ୍ଟ ଅଫ ପୋଷ୍ଟାଲଙ୍କଠାରୁ ଉତ୍ତର ଚାହିଁଥିଲେ । ଦୀର୍ଘ ଦିନ ପରେ ବି ତଦନ୍ତ ଅଗ୍ରଗତି କରୁନଥିବାରୁ ଅସନ୍ତୋଷ ପ୍ରକାଶ କରିଥିଲେ ମନ୍ତ୍ରୀ । ଆସନ୍ତା 30 ଦିନ ଭିତରେ ତଦନ୍ତ ସାରି କାର୍ଯ୍ୟାନୁଷ୍ଠାନ ନେବାକୁ ସେ ନିର୍ଦ୍ଦେଶ ଦେଇଛନ୍ତି । ଏହାସହ ରେଳଲାଇନ ଓ ପର୍ଯ୍ୟଟନର ବିକାଶ ପାଇଁ ରେଳମନ୍ତ୍ରୀ ଗୁରୁତ୍ବ ଦେଇଛନ୍ତି । ତେବେ କୋଟିଆ ପ୍ରସଙ୍ଗରୁ ଦୂରେଇ ଯାଇଥିଲେ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ। ଏହା ଆନ୍ତଃରାଜ୍ୟ ବିବାଦ ହୋଇଥିବାରୁ ଏମିତି ଆଲୋଚନା କରିବା ଠିକ ହେବନି ବୋଲି ସେ କହିଥିଲେ ।

ମାଲକାନଗିରିରେ ମନ୍ତ୍ରୀ ବାଣ୍ଟିଲେ ହେଲଥ କାର୍ଡ

ମାଲକାନିଗିରି: ଉପାନ୍ତ ଅଞ୍ଚଳରେ ବଣ୍ଟନ ହେଉଛି ସ୍ୱାସ୍ଥ୍ୟ କାର୍ଡ  । ଡିଜିଟାଇଜେସନ ବିଜୁ ସ୍ୱାସ୍ଥ୍ୟ କାର୍ଡକୁ ଶୁକ୍ରବାର ମାଲକାନଗିରିରୁ ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ  । ଆଜି ଜିଲ୍ଲାର କିଛି ଅଞ୍ଚଳରେ ବିଜୁ ସ୍ୱାସ୍ଥ କଲ୍ୟାଣ ଯୋଜନାର ହେଲଥ କାର୍ଡ ପ୍ରଦାନ କରାଯାଇଛି । ପୋଡ଼ିଆ ବ୍ଳକର ଏମଭି 58 ଗ୍ରାମରେ ହେଲଥ କାର୍ଡ ବାଣ୍ଟିଛନ୍ତି ସ୍ୱାସ୍ଥ୍ୟ ମନ୍ତ୍ରୀ ନବ ଦାସ ।

ସେହିପରି ସ୍ୱାଭିମାନ ଅଞ୍ଚଳରେ ହେଲଥ କାର୍ଡ ବଣ୍ଟନ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକ ଟନେଲ କ୍ୟାମ୍ପ ପଞ୍ଚାୟତରେ ବି.ଏସ.କେ.ୱାଇ ଡିଜିଟାଲ ହେଲଥ କାର୍ଡ ବଣ୍ଟନ କରାଯାଇଛି । ଏହି ହେଲଥ କାର୍ଡ ବଣ୍ଟନ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା । ସ୍ୱାଭିମାନ ଅଞ୍ଚଳର ଯନ୍ତ୍ରୀ ଓ ଅଣ୍ଡରାପାଲି ଏହି ଦୁଇଟି ପଞ୍ଚାୟତରେ ବଣ୍ଟନ କରାଯାଇଛି ହେଲଥ କାର୍ଡ । ପର୍ଯ୍ୟାୟ କ୍ରମେ ସ୍ୱାଭିମାନ ଅଂଚଳର ଅନ୍ୟ ପଞ୍ଚାୟତ ଗୁଡିକରେ ହେଲଥ କାର୍ଡ ବଣ୍ଟାଯିବ ।

ଏହି କାର୍ଡ ମାଧ୍ୟମରେ ହିତାଧିକାରୀ ମାନେ ମାଗଣାରେ ରାଜ୍ୟ ଓ ରାଜ୍ୟ ବାହାରେ ଚିକିତ୍ସା ସୁବିଧା ପାଇପାରିବେ । ଯଦ୍ୱାରା ଗରୀବ ଲୋକମାନେ ସ୍ୱାସ୍ଥ୍ୟ ସୁରକ୍ଷା ସହ ଉପକୃତ ହେବେ । ଏହି ଡିଜିଟାଲ ସ୍ବାସ୍ଥ୍ୟ କାର୍ଡ ସେପ୍ଟେମ୍ବର ପହିଲାରୁ କାର୍ଯ୍ୟକ୍ଷମ ହେବ । ଆଗରୁ ନିଜର ଖର୍ଚ୍ଚରେ ଚିକିତ୍ସିତ ହେଉଥିଲେ । କିନ୍ତୁ ସରକାର ହେଲଥ କାର୍ଡ ଯୋଗାଇ ଦେଇଥିବାରୁ ମାଗଣାରେ ବଡ଼ ବଡ଼ ମେଡିକାଲରେ ମାଗଣାରେ ଚିକିତ୍ସିତ ହେବେ ବୋଲି ଖୁସି ବ୍ୟକ୍ତ କରିଛନ୍ତି ।

ଏହି କାର୍ଡ ଜରିଆରେ ମିଳିବାକୁ ଥିବା ସୁବିଧା ସମ୍ପର୍କରେ ସ୍ୱାସ୍ଥ ମନ୍ତ୍ରୀ ହିତାଧିକାରୀଙ୍କୁ ସୂଚନା ଦେଇଥିଲେ । ସ୍ୱାସ୍ଥ୍ୟ କାର୍ଡ ପାଇବା ପରେ ଖୁସିବ୍ୟକ୍ତ କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଇଛନ୍ତି ସାଧାରଣ ଜନତା । ବର୍ତ୍ତମାନ ସ୍ଥିତିରେ ସ୍ୱାସ୍ଥ୍ୟ ସେବାକୁ ଗୁରୁତ୍ୱ ଦେଇ ଆସିଛନ୍ତି ରାଜ୍ୟ ସରକାର  । ତେଣୁ ଡିଜିଟାଲ ଯୁଗରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାକୁ ମଧ୍ୟ ଡ଼ିଜିଟାଲ କରିଛନ୍ତି ମୁଖ୍ୟମନ୍ତ୍ରୀ  ।

କେନ୍ଦ୍ରମନ୍ତ୍ରୀଙ୍କ ରାଲିରେ ପଶୁକୁ ଯାତନା, ଆଶୀର୍ବାଦ ଯାତ୍ରାରେ ଘୋଡ଼ାକୁ ଉପହାସ

ଇନ୍ଦୋର: ରାଜନୈତିକ ସ୍ୱାର୍ଥ ଲାଗି ନିରୀହ ପ୍ରାଣୀଙ୍କୁ ବ୍ୟବହାର । କ୍ଷମତା ଆଗରେ ତୁଚ୍ଛ ପ୍ରାଣୀ ସୁରକ୍ଷା ଆଇନ । ଜୀବଜନ୍ତୁଙ୍କ ସୁରକ୍ଷା ଲାଗି ସଭ୍ୟ ମଣିଷ ବୁଜିଦେଇଛି ଆଖି । ବିଜେପି ନେତୃତ୍ବାଧୀନ କେନ୍ଦ୍ର ସରକାରରେ ଜଣେ ମନ୍ତ୍ରୀଙ୍କ ରାଲିରେ ବ୍ୟବହୃତ ହୋଇଛି ଏକ ଘୋଡା । ମଜାକଥା ହେଲା ମନ୍ତ୍ରୀଙ୍କ ରାଲିରେ ଏହି ଜୀବ ଯାତନାର ଚିତ୍ର ବିରୋଧରେ ଗର୍ଜିଛନ୍ତି ଖୋଦ୍ ବିଜେପି ସାଂସଦ ତଥା ଜଣେ ପ୍ରାଣୀ ଅଧିକାର ନେତ୍ରୀ । ଦେଶର ବିଭିନ୍ନ ସ୍ଥାନରେ ବିଜେପି ପକ୍ଷରୁ ଆୟୋଜିତ ହେଉଛି ଜନ ଆଶୀର୍ବାଦ ଯାତ୍ରା । ।

ଏହି ପରିପ୍ରକ୍ଷୀରେ ମଧ୍ୟପ୍ରଦେଶ ଇନ୍ଦୋରରେ କେନ୍ଦ୍ରମନ୍ତ୍ରୀ ଜ୍ୟୋତିରାତିଦ୍ୟ ସିନ୍ଧିଆ ବି କରିଥିଲେ ରାଲି । ହେଲେ ରାଲିରେ ସାମିଲ କରାଯାଇଥିବା ଏକ ଘୋଡାକୁ ନେଇ ଜୋର ଧରିଛି ଚର୍ଚ୍ଚା । ଏହି ଘୋଡାର ଶରୀରକୁ ବିଜେପି ପତାକାର ରଙ୍ଗରେ ରଙ୍ଗିନ କରାଯିବା ସହ ଏକ ପଦ୍ମଫୁଲ ଅଙ୍କାଯାଇଥିଲା । ଦଳର ଏକ ପତାକା ବି ଘୋଡାର ବେକରେ ବାନ୍ଧି ଦିଆଯାଇଥିଲା । ବିଚାରା ନିରୀହ ଜୀବଟି ବୁଝିପାରୁ ନ ଥିଲା ତାକୁ ନେଇ କିପରି ଦର୍ଶକ ଉଠାଉଛନ୍ତି ମଜା ।

ତେବେ ଘୋଡାର ଫଟୋ ଓ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବା ପରେ ଜୋର ଧରିଥିଲା ରାଜନୀତି । ଏହାକୁ ହଜମ କରିପାରିନାହାନ୍ତି ବିଜେପି ସାଂସଦ ମାନେକା ଗାନ୍ଧି । ତାଙ୍କ ଅନୁଷ୍ଠାନ ପିପୁଲ୍ସ ଫର ଆନିମଲ୍ସ ପକ୍ଷରୁ ଏନେଇ ସାନୋଗିଟାଗଞ୍ଜ ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଛି । ମାମଲାର ତଦନ୍ତ ପରେ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।

ତାଲିବାନୀ ଦ୍ୱାରା ଅପହୃତ ସମସ୍ତ ଭାରତୀୟ ସୁରକ୍ଷିତ: ପୁଣି ଫେରୁଛନ୍ତି ଏୟାରପୋର୍ଟ

କାବୁଲ: ପ୍ରବାସୀ ଭାରତୀୟଙ୍କୁ ଏୟାରପୋର୍ଟରୁ ନେଇଯାଇଥିଲା ତାଲିବାନ  । କିନ୍ତୁ ବର୍ତ୍ତମାନ ସମସ୍ତେ ସୁରକ୍ଷିତ  । ଆଫଗାନିସ୍ତାର ରାଜଧାନୀ କାବୁଲ ଏୟାରପୋର୍ଟ ନିକଟରୁ ନେଇଯାଇଥିବା ସମସ୍ତ ଭାରତୀୟ ପୁଣି ଏୟାରପୋର୍ଟକୁ ଫେରୁଛନ୍ତି । ତାଲିବାନୀ ସମସ୍ତ ଲୋକଙ୍କ ପାସପୋର୍ଟ ଯାଞ୍ଚ କରିବା ପରେ ସେମାନଙ୍କୁ ଛାଡ଼ିଦେଇଥିବା ଜଣା ପଡ଼ିଛି । ଆଫଗାନ ମିଡିଆ ସୂଚନା ମୁତାବକ ତାଲିବାନୀ ପାଖାପାଖି ୧୫୦ ଭାରତୀୟଙ୍କୁ ଧରିନେଇଥିଲା । ତେବେ ଆବଶ୍ୟକ ଯାଞ୍ଚ ପରେ ପୁଣି ସେମାନେ ଫେରିଆସୁଥିବା ସୂଚନା ମିଳିଛି ।

କାବୁଲ ଏୟାରପୋର୍ଟରେ ତାଲିବାନୀ ପୁନଶ୍ଚ ସମସ୍ତ ଭାରତୀୟଙ୍କ ପାସପୋର୍ଟ ଯାଞ୍ଚ କରିବା ପରେ ସେମାନଙ୍କୁ ବିମାନବନ୍ଦରରେ ପ୍ରବେଶ ଅନୁମତି ଦେଇଛି  । ତାଲିବାନର କହିବା ମୁତାବକ ଭାରତୀୟ ଯାତ୍ରୀଙ୍କୁ ଅପହରଣ କରାଯାଇନଥିଲା  । ଏପରି ଖବରକୁ ଖଣ୍ଡନ କରିଛି ତାଲିବାନୀ  । ସେପଟେ ଏହି ଯାତ୍ରୀଙ୍କ ମଧ୍ୟରେ ଅଫଗାନିସ୍ତାନୀ ଶିଖ ସମ୍ପ୍ରଦାୟର ଲୋକେ ଥିବା ମଧ୍ୟ କହିଛି ତାଲିବାନ  । କେବଳ ଭାରତୀୟ ଲୋକଙ୍କୁ ତାଲିବାନ ଛାଡ଼ିବାକୁ ଅନୁମତି ଦେଇଛି  । ଫଳରେ ସେଠାରେ ଫସି ରହିଥିବା ଭାରତୀୟ ଯାତ୍ରୀ ବର୍ତ୍ତମାନ ସ୍ୱତନ୍ତ୍ର ବିମାନ ଯୋଗେ ଭାରତ ଫେରିବା ନେଇ ଖବର ମିଳିଛି  ।

 

ସୂଚନା ଅନୁଯାୟୀ ଲୋକମାନେ ଆଜି ସକାଳେ କାବୁଲ ବିମାନ ବନ୍ଦର ଭିତରକୁ ପଶିବାକୁ ଚେଷ୍ଟା କରୁଥିଲେ। ଏହି ସମୟରେ ତାଲିବାନୀ ଆତଙ୍କବାଦୀଙ୍କ ଏକ ଦଳ ସେଠାରେ ପହଞ୍ଚିଥିଲା ଓ ଏହି ଲୋକମାନଙ୍କୁ ଅପହରଣ କରି ନେଇ ତାରାଖିଲ ଚାଲିଯାଇଥିଲେ। ଅପହୃତଙ୍କ ମଧ୍ୟରେ ବହୁ ଭାରତୀୟ ଓ ଆଫଗାନୀ ଶିଖ୍ ଥିଲେ । ତେବେ ତାଲିବାନୀମାନେ ଅପହରଣ କଲାବେଳେ ଭାରତୀୟଙ୍କୁ ମାରପିଟ୍ କରିଛନ୍ତି। ତାଲିବାନୀମାନେ ଭାରତୀୟଙ୍କୁ ଅନ୍ୟ ଏକ ଗେଟ୍‌ରେ ବିମାନ ବନ୍ଦର ଭିତରକୁ ପ୍ରବେଶ କରାଇ ଦେବାକୁ କହି ସେଠାରୁ ଅପହରଣ କରିନେଇଥିବା ମଧ୍ୟ ସୂଚନା ମିଳିଥିଲା ।

ଏଥିସହିତ ପଢ଼ନ୍ତୁ: କାବୁଲ ବିମାନବନ୍ଦର ସାମ୍ନାରୁ ୧୫୦ ଭାରତୀୟ ନାଗରିକଙ୍କୁ ଉଠାଇନେଲେ ତାଲିବାନୀ: ରିପୋର୍ଟ

ମଧ୍ୟପ୍ରଦେଶ: ଶ୍ମଶାନର ନାହିଁ ସୁବିଧା, ବର୍ଷା ଯୋଗୁଁ ଡିଜେଲ ଢାଳି କରିବାକୁ ପଡ଼ିଲା ଶବଦାହ

ଭୋପାଳ: ମଧ୍ୟପ୍ରଦେଶରରେ ଘଟିଛି ଏକ ଲଜ୍ଜାଜନକ ଘଟଣା । ଏଠାରେ ଆଜି ଯାଏଁ ଦଳିତଙ୍କୁ ଶବଦାହ ନେଇ ଦିଆଯାଉନାହିଁ ଶ୍ମଶାନ । ଆତ୍ମୀୟଙ୍କ ମୃତ୍ୟୁ ପରେ ନିଜେ ଶବଦାହ ନେଇ ସମସ୍ତ ବ୍ୟବସ୍ଥା କରିବାକୁ ପଡ଼ିଥାଏ । ଏଭଳି ଏକ ଘଟଣା ବାଂସହେଡା ଗାଁରେ ଦେଖିବାକୁ ମିଳିଛି । ଏଠାରେ ୪୫ ବର୍ଷର ଜନୈକ ମହିଳାଙ୍କ ମୃତ୍ୟୁ ପରେ ଗ୍ରାମବାସୀ କେବଳ ଚିତା ପାଇଁ ଆବଶ୍ୟକ ସାମଗ୍ରୀ ନୁହେଁ, ଟିଣ ଚାଦର ଠାରୁ ସେଡ୍ ପ୍ରସ୍ତୁତ ପାଇଁ କାଠ ଆଦିର ମଧ୍ୟ ବ୍ୟବସ୍ଥା କରିବାକୁ ପଡ଼ିଥାଏ ।

ସୂଚନା ମୁତାବକ, ଗୁନାର ବାସାହେଡ଼ା ଗାଁର ୪୫ ବର୍ଷୀୟ ମହିଳା ରାମକନ୍ୟା ବାଇ ହରିଜନଙ୍କ ଶୁକ୍ରବାର ସକାଳେ ଦେହାନ୍ତ ହୋଇଥିଲା । କିନ୍ତୁ ପ୍ରବଳ ବର୍ଷା ଯୋଗୁଁ ସମ୍ପର୍କୀୟଙ୍କୁ ମୃତକଙ୍କ ଶବକୁ ଦେଢ଼ ଘଣ୍ଟା ଯାଏଁ ଘରେ ହିଁ ରଖିବାକୁ ପଡ଼ିଥିଲା । ଯେତେବେଳେ ବହୁତ ସମୟ ଯାଏଁ ବର୍ଷା ବନ୍ଦ ହେଲା ନାହିଁ ସମ୍ପର୍କୀୟ ଏବଂ ଗ୍ରାମବାସୀ ମୃତଦେହକୁ ନେଇ ଶବଦାହ କରାଯାଉଥିବା ପଡ଼ିଆରେ ପହଞ୍ଚିଥିଲେ ।

ଏଠାକୁ ଆସିବାକୁ କୌଣସି ପକ୍କା ରାସ୍ତା ମଧ୍ୟ ନାହିଁ । ଲୋକଙ୍କୁ କାଦୁଅ ଭର୍ତ୍ତି ରାସ୍ତାରେ ଆସିବାକୁ ପଡ଼େ । ଏହି କାରଣରୁ ମୃତଦେହ ରାସ୍ତାରେ ଖସିପଡ଼ିବାର ମଧ୍ୟ ଆଶଙ୍କା ରହିଛି ।

ଏଭଳି ସ୍ଥିତିରେ ଗ୍ରାମବାସୀ ରାମକନ୍ୟାଙ୍କ ମୃତଦେହ ନେଇ ଶବଦାହ ପାଇଁ ପହଞ୍ଚିଥିଲେ । ସେଠାରେ କୌଣସି ସେଡ୍ ନଥିଲା ଯାହାର ତଳେ ରଖି ମୃତଦେହର ଅନ୍ତିମ ସଂସ୍କାର କରାଯାଇପାରିବ । ଏଭଳି ସ୍ଥିତିରେ ଗାଁ ଲୋକେ ୨ଟି ଟିଣ ଚାଦର ଆଣିଥିଲେ । ଏବଂ ଚିତା ପ୍ରସ୍ତୁତ କରିଥିଲେ । ବର୍ଷା ଯୋଗୁଁ କାଠ ଓଦା ଥିଲା । ଏଣୁ କିଛି କାଠଗୁଡ଼ିକ ସହ ଟାୟାର ରଖାଯାଇଥିଲା । ଫଳରେ କାଠରେ ନିଆଁ ଧରିଥିଲା । କିନ୍ତୁ ଭଲରେ ନିଆଁ ନ ଧରିବାରୁ ସେଥିରେ ପୁଣି ଡିଜେଲ ଢାଳିବାକୁ ପଡ଼ିଥିଲା । ଗ୍ରାମଲୋକଙ୍କ କହିବା ହେଲେ ଯେ, ସେଠାରେ ଏବେ ଯାଏଁ ଶ୍ମଶାନ ନିର୍ମାଣ ହୋଇନାହିଁ । ସେମାନଙ୍କୁ ସବୁ ବର୍ଷାରେ ଏଭଳି ସ୍ଥିତିର ସମ୍ମୁଖୀନ ହେବାକୁ ପଡ଼ିଥାଏ । ଗ୍ରାମଲୋକେ ଏ ନେଇ ବାରମ୍ୱାର ପ୍ରଶାସନିକ ଅଧିକାରୀଙ୍କୁ ଅଭିଯୋଗ କରିବା ସତ୍ତ୍ୱେ କୌଣସି ବ୍ୟବସ୍ଥା କରାଯାଉନାହିଁ ।

ଏଥିସହିତ ପଢ଼ନ୍ତୁ: ସଲମାନ ଖାନଙ୍କୁ ଏୟାରପୋର୍ଟରେ ଅଟକାଇଲେ ଓଡ଼ିଆ CISF ଅଧିକାରୀ, ଏମିତି ରିଆକ୍ଟ କଲେ ଭାଇଜାନ

ତାଲିବାନର ଆଟାକ୍‌ ପରେ ଆଫଗାନୀଙ୍କ କାଉଣ୍ଟର ଆଟାକ୍, ତାଲିବାନୀଙ୍କୁ ହତ୍ୟା କରି ୩ଜିଲ୍ଲା ଅକ୍ତିଆର କଲେ ପ୍ରତିରୋଧୀ ଗୋଷ୍ଠୀ

କାବୁଲ: ତାଲିବାନକୁ ଶକ୍ତଧକ୍କା । ତାଲିବାନୀଙ୍କ ବିରୋଧରେ ବଢୁଛି ବିଦ୍ରୋହର ସ୍ବର । ଅନ୍ଧାରୀ ଶାସନକୁ ବିରୋଧ କରି ସଇତାନ ବିରୋଧରେ ଦମନଲୀଳା ଆରମ୍ଭ କରିଛନ୍ତି ଆଫଗାନ ଜନତା । ୬୦ରୁ ଊର୍ଦ୍ଧ୍ବ ତାଲିବାନୀଙ୍କୁ ହତ୍ୟା କରାଯାଇଥିବା ଆସିଛି ଖବର । ୩ ଜିଲ୍ଲା ପୋଲ-ଏ-ହେସର, ଦେହ ସଲାହ ଓ ବାନୁକୁ ନିଜ ହାତକୁ ନେଇଛନ୍ତି ଆଫଗାନି ଜନତା । ତାଲିବାନ ବିରୋଧରେ ସ୍ବର ଶାଣିତ କରୁଥିବା ଏହି ପ୍ରତିରୋଧୀ ଦଳ ଏବେ ଅନ୍ୟ ଜିଲ୍ଲାରୁ ତାଲିବାନକୁ ହଟାଇବାକୁ ଯୋଜନା ଚଳାଇଛନ୍ତି । ତାଲିବାନ ବିରୋଧୀଙ୍କ ନିକଟରେ ବି ବହୁ ଅସ୍ତ୍ର ମହଜୁଦ ଥିବାରୁ ଲଢେଇରେ ସେମାନଙ୍କ ବିଜୟ ଘଟିଛି । ଖୁବ୍ ଶୀଘ୍ର ଆଉ କିଛି ଜିଲ୍ଲା ବି ବିରୋଧୀଙ୍କ ଅକ୍ତିଆରକୁ ଯିବା ନିଶ୍ଚିତ ହୋଇଛି ।

କାବୁଲର ସ୍ଥିତି ସ୍ବାଭାବିକ ଥିବା ବେଳେ ପଞ୍ଜଶିର ଉପତ୍ୟକାରେ ତାଲିବାନ ବିରୋଧୀ ଶକ୍ତି ଏକ ହୋଇଛନ୍ତି । ଉପରାଷ୍ଟ୍ରପତି ଅମରୁଲ୍ଲା ସାଲେହଙ୍କ ନେତୃତ୍ବରେ ବିଭିନ୍ନ ତାଲିବାନ ବିରୋଧୀ ଗୋଷ୍ଠୀ ମେଣ୍ଟ ବାନ୍ଧିଛନ୍ତି । ଏହି ଗୋଷ୍ଠୀକୁ ସହାୟତା କରୁଛନ୍ତି ଅହମ୍ମଦ ଶାହ ମାସୁଦଙ୍କ ପୁଅ ଅହମ୍ମଦ ମାସୁଦ । ସେପଟେ କାବୁଲରେ ପହଞ୍ଚିଥିବା ମୁଲ୍ଲା ଅବଦୁଲ ଘନି ବରଦାର ସରକାର ଗଠନ ଲାଗି ଉଦ୍ୟମ ଆରମ୍ଭ କରିଛନ୍ତି ।

ଆଫଗାନିସ୍ତାନର ଭବିଷ୍ୟତ ଫଳାଫଳ ନେଇ କିଛି କୁହାଯାଇପାରିବ ନାହିଁ । ହେଲେ ସେଠାରେ ଉଦ୍ଧାର କାର୍ଯ୍ୟ ଜାରି ରହିବ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଜୋ ବିଡେନ । ସେ କହିଛନ୍ତି ବର୍ତ୍ତମାନ ସୁଦ୍ଧା ୧୪ ହଜାର ଲୋକଙ୍କୁ ଏୟାରଲିଫ୍ଟ କରାଗଲାଣି । ତଥାପି ଆହୁରି ଅନେକ ଲୋକ ଫସିଥିବାରୁ ସେମାନଙ୍କୁ ଉଦ୍ଧାର ପ୍ରକ୍ରିୟା ଜାରି ରହିଛି । ଆମେରିକାର ୬ ହଜାର ସୈନ୍ୟ ଉଦ୍ଧାର ପ୍ରକ୍ରିୟାରେ ନିୟୋଜିତ ଅଛନ୍ତି । ତେବେ ଆଫଗାନିସ୍ତାନର ଚୂଡାନ୍ତ ଫଳାଫଳ କଣ ହେବ ସେନେଇ କିଛି କହିହେବ ନାହିଁ ।

ତାଲିବାନ ସହ ଯୋଗାଯୋଗରେ ଆମେରିକା ରହିଛି । ଏହା ସହ ନାଟୋ ସହିତ ମଧ୍ୟ ଆମେରିକାର ଆଲୋଚନା ଜାରି ରହିଛି । ଦୀର୍ଘ ୨୦ ବର୍ଷ ଧରି ଆମେରିକାକୁ ଯେଉଁ ଆଫଗାନ ନାଗରିକ ସହାୟତା କରିଆସିଥିଲେ, ସେମାନଙ୍କୁ ଉଦ୍ଧାର କରାଯିବ ବୋଲି କହିଛନ୍ତି ବିଡେନ । ସେପଟେ ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ କହିଛନ୍ତି ଯଦି ଆବଶ୍ୟକ ପଡେ ତେବେ ତାଲିବାନ ସହ ତାଙ୍କ ଦେଶ କାର୍ଯ୍ୟ କରିବ । ଏହାସହ ଆଫଗାନିସ୍ତାନ ବ୍ୟାପାରକୁ ନେଇ ବିରୋଧର ଶିକାର ହୋଇଥିବା ବୈଦେଶିକ ମନ୍ତ୍ରୀ ଡୋମିନିକ ରାବଙ୍କୁ ମଧ୍ୟ ଜନସନ ସମର୍ଥନ କରିଛନ୍ତି । ତେଣେ ତାଲିବାନ କବଳରୁ ଖସିଛି ଆଫଗାନିସ୍ତାନର ତିନି ଜିଲ୍ଲା । ବଘଲାନ ପ୍ରଜାତନ୍ତ୍ରର ବାନୁ, ପୋଲ-ଇ-ହେସାର ଓ ଦେ ସାଲେହ ଜିଲ୍ଲା ଯାଇଛି ବିରୋଧୀ ଶକ୍ତିଙ୍କ ହାତକୁ । ତାଲିବାନ ବିରୋଧରେ ଏବେ ବିଭିନ୍ନ ବିରୋଧୀ ଶକ୍ତି ଏକ ହେଉଛନ୍ତି । ଏହି ୩ ଜିଲ୍ଲା ଲାଗି ହୋଇଥିବା ଲଢେଇରେ 60ରୁ ଅଧିକ ତାଲିବାନୀ ପ୍ରାଣ ହରାଇଛନ୍ତି ।

ଜନ୍ମମାଟିରେ ହକି ହିରୋଙ୍କୁ ଭବ୍ୟ ସ୍ୱାଗତ ସମ୍ୱର୍ଦ୍ଧନା

ରାଉରକେଲା: ଜନ୍ମମାଟିକୁ ଫେରିଲେ ହକି ହିରୋ । ସୁନ୍ଦରଗଡ଼ରେ ପହଞ୍ଚିବା ପରେ ହକି ହିରୋଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ଟୋକିଓ ଅଲିମ୍ପିକ୍ସରୁ ଫେରିବା ପରେ ଜନ୍ମମାଟି ସୁନ୍ଦରଗଡ଼ରେ ପହଞ୍ଚିଛନ୍ତି ଭାରତୀୟ ପୁରୁଷ ଓ ମହିଳା ହକି ଦଳର ୪ ଖେଳାଳି । ଭାରତୀୟ ପୁରୁଷ ହକି ଦଳର ଉପ ଅଧିନାୟକ ବୀରେନ୍ଦ୍ର ଲାକ୍ରା ଓ ଅମିତ ରୋହିଦାସଙ୍କ‌ ସହ ଭାରତୀୟ ମହିଳା ହକି ଦଳର ଦୀପ୍ ଗ୍ରେସ ଏକ୍କା ଓ ନମିତା ଟପ୍ପୋ ଜନ୍ମମାଟିରେ ପହଞ୍ଚିଛନ୍ତି ।

ପୂର୍ବରୁ ଭୁବନେଶ୍ୱରରେ ଭାରତୀୟ ହକି ଦଳର ଉଭୟ ପୁରୁଷ ଓ ମହିଳା ସଦସ୍ୟଙ୍କୁ ସମ୍ୱର୍ଦ୍ଧିତ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧୦ ଲକ୍ଷ ଟଙ୍କା ଆର୍ଥିକ ପୁରସ୍କାର ସହିତ ବ୍ୟକ୍ତିଗତ ପ୍ରଦର୍ଶନ ପାଇଁ ମଧ୍ୟ ୫ ଲକ୍ଷ ଟଙ୍କାର ଆର୍ଥିକ ପୁରସ୍କାର ପ୍ରଦାନ କରିଥିଲେ । ଏଥିରେ ଆଉ ୧୦ ବର୍ଷ ପାଇଁ ଓଡ଼ିଶା ଭାରତୀୟ ହକି ଦଳର ପ୍ରାୟୋଜକ ରହିବେ ବୋଲି ଘୋଷଣା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଏଥିସହିତ ପଢ଼ନ୍ତୁ: ଏସିଏଫ୍ ସୌମ୍ୟ ରଞ୍ଜନଙ୍କ ମୃତ୍ୟୁ ମାମଲାରେ କ୍ରାଇମବ୍ରାଞ୍ଚ ନିକଟରେ ହାଜର ହେଲେ ଡିଏଫ୍‌ଓ

ସଲମାନ ଖାନଙ୍କୁ ଏୟାରପୋର୍ଟରେ ଅଟକାଇଲେ ଓଡ଼ିଆ CISF ଅଧିକାରୀ, ଏମିତି ରିଆକ୍ଟ କଲେ ଭାଇଜାନ

ନୂଆଦିଲ୍ଲୀ: ବଲିଉଡ ସୁପରଷ୍ଟାର୍ ସଲମାନ ଖାନଙ୍କ ଫ୍ୟାନ୍ସ ସେମାନଙ୍କୁ ଦବଙ୍ଗ ଖାନ୍ ନାମରେ ଜାଣନ୍ତି । ସଲମାନ ଖାନ ବଲିଉଡରୁ ସବୁଠାରୁ ଆଗ୍ରେସିଭ୍ ସୁପରଷ୍ଟାର ରୂପେ ମଧ୍ୟ ଜଣାଯାଆନ୍ତି । କାରଣ ରିୟଲ ଲାଇଫରେ ମଧ୍ୟ ସଲମାନ ଖାନଙ୍କ ରାଗ ସମ୍ପର୍କରେ ସମସ୍ତେ ପରିଚିତ । ଅନେକ ଥର ସେ ପ୍ଲବିକ୍ ପ୍ଲେସରେ ମଧ୍ୟ ନିଜ କ୍ରୋଧ ଜାହିର କରିଥିବା ନଜର ଆସିଛି । ତେବେ ଭାଇଜାନ ସବୁବେଳେ ସେମିତି ନୁହଁନ୍ତି । ଅନେକ ସମୟରେ ସେ ଥଣ୍ଡା ମିଜାଜରେ ମଧ୍ୟ ଥାଆନ୍ତି ।

 

ନିକଟରେ ସୋସିଆଲ ମିଡିଆରେ ଭାଇରାଲ ହୋଇଛି ସଲମାନ ଖାନଙ୍କ ଏକ ଭିଡିଓ । ଏୟାରପୋର୍ଟରେ ରେକର୍ଡ ହୋଇଥିବା ଏହି ଭିଡିଓରେ ଦବଙ୍ଗ ଖାନ୍ ନିଜ ଦାମୀ ଗାଡିରୁ ଓହ୍ଲାଇ ଗେଟ୍ ଆଡକୁ ଯାଉଛନ୍ତି । ସେ ଏୟାରପୋର୍ଟରେ ଏଣ୍ଟ୍ରି ନେବାକୁ ଯାଉଥିବା ସମୟରେ ତାଙ୍କୁ ଜଣେ ସିଆରପିଏଫ୍ ଯବାନ ଅଟକାଉଛନ୍ତି ।

ତେବେ ଆପଣ ଜାଣନ୍ତି କି ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାରେ ଥିବା CISF ଯବାନ ଜଣଙ୍କ କିଏ ? CISF ଯବାନ ଜଣଙ୍କ ହେଉଛନ୍ତି ନୟାଗଡ଼ ଜିଲ୍ଲା ପାଣିକୋଇଲି ନିକଟବର୍ତ୍ତୀ ଘଣ୍ଟ ସାହିର ଯୁବକ । ତାଙ୍କ ନାମ ହେଉଛି ସୋମନାଥ ମହାନ୍ତି । ସେ ନୟାଗଡ଼ ସ୍ୱଂୟଶାସିତ ମହାବିଦ୍ୟାଳୟରେ ଯୁକ୍ତ ୩ ପାସ୍‌ କରିବା ପରେ ୨୦୧୮ ମସିହାରେ CISFରେ ଯୋଗ ଦେଇଥିଲେ।

 

View this post on Instagram

 

A post shared by Viral Bhayani (@viralbhayani)

ସଲମାନ ଖାନ ତୁରନ୍ତ ବୁଝିଗଲେ ଯେ ଏହା ଏକ ସିକ୍ୟୁରିଟି ଚେକ୍ ଏବଂ ସେ ନିଜ ମାସ୍କ ହଟାଇ ତୁରନ୍ତ ସିକ୍ୟୁରିଟି ଚେକର ପାରାମିଟର୍ସକୁ ଫଲୋ କଲେ । ଦବଙ୍ଗ ଖାନଙ୍କ ଏହି ଅନ୍ଦାଜ ସୋସିଆଲ ମିଡିଆରେ ଲୋକଙ୍କୁ ବହୁତ ପସନ୍ଦ ଆସୁଛି । ଅନେକ ୟୁଜର୍ସ କମେଣ୍ଟ ସେକ୍ସନରେ ସିଆରପିଏଫର ସେହି ଯବାନ ଏବଂ ତାଙ୍କ ବିନା ଭେଦଭାବର ଡ୍ୟୁଟିକୁ ପ୍ରଶଂସା କରୁଛନ୍ତି ।

କହିରଖୁଛୁ ଦବଙ୍ଗ ଖାନ୍ ଖୁବ ଶୀଘ୍ର ଫିଲ୍ମ ଟାଇଗର ୩ରେ ନଜର ଆସିବେ । ସେ ନିଜ ଅପକମିଂ ଫିଲ୍ମର ସୁଟିଂ ପାଇଁ ବାହାରକୁ ଯାଉଥିଲେ ସେଥିପାଇଁ ଏୟାରପୋର୍ଟରେ ନଜର ଆସିଥିଲେ । ତାଙ୍କ ଆଗାମୀ ଫିଲ୍ମରେ ଜବରଦସ୍ତ ଆକ୍ସନ ସିନ୍ ଦେଖିବାକୁ ମିଳିବ ବୋଲି ଅନୁମାନ କରାଯାଉଛି ।

କାବୁଲ ବିମାନବନ୍ଦର ସାମ୍ନାରୁ ୧୫୦ ଭାରତୀୟ ନାଗରିକଙ୍କୁ ଉଠାଇନେଲେ ତାଲିବାନୀ: ରିପୋର୍ଟ

ନୂଆଦିଲ୍ଲୀ: ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ପ୍ରାୟ ୧୫୦ ଜଣ ଭାରତୀୟ ନାଗରିକଙ୍କୁ ତାଲିବାନୀ ମାନେ କାବୁଲ ବିମାନବନ୍ଦର ଫାଟକ ବାହାରେ ଅପହରଣ କରି ନେଇଛନ୍ତି। ବୈଦେଶିକ ମନ୍ତ୍ରଣାଳୟ ଏହି ଘଟଣା ଉପରେ ନଜର ରଖିଛି ଏବଂ ବର୍ତ୍ତମାନ ସୁଦ୍ଧା ସରକାରୀ ସ୍ତରରେ କୌଣସି ମନ୍ତବ୍ୟ ଆସିନାହିଁ ।

ଏକ ଭାରତୀୟ ବାୟୁସେନା C-130J ପରିବହନ ବିମାନ କାବୁଲରୁ ପ୍ରାୟ ୮୫ ଜଣ ଭାରତୀୟଙ୍କୁ ସ୍ଥାନାନ୍ତର କରିବାରେ ସଫଳ ହେବାର କିଛି ଘଣ୍ଟା ପରେ ଏହି ଅପହରଣ ଘଟଣା ଘଟିଛି । ବିମାନଟି ତାଜିକିସ୍ତାନର ଦୁଶାନବେ ଠାରେ ନିରାପଦରେ ଅବତରଣ କରିଛି ବୋଲି ସୂତ୍ରରୁ ପ୍ରକାଶ ପାଇଛି । ଆଉ ଏକ ବିମାନ ଅଧିକ ସ୍ଥାନାନ୍ତର ପାଇଁ ଷ୍ଟାଣ୍ଡବାଇରେ ରହିଥିବା ସୂଚନା ରହିଛି । ଶନିବାର ସକାଳେ ସୂତ୍ରରୁ ପ୍ରକାଶ ଯେ, ସରକାର ଯେତେ ସମ୍ଭବ ଭାରତୀୟଙ୍କୁ କାବୁଲର ବିମାନବନ୍ଦରକୁ ଆଣିବାକୁ ଚେଷ୍ଟା କରୁଛନ୍ତି ।

ଭାରତ ଦୂତାବାସର ସମସ୍ତ କର୍ମଚାରୀଙ୍କୁ ସ୍ଥାନାନ୍ତର କରିଛି କିନ୍ତୁ ପ୍ରାୟ ୧୦୦୦ ଭାରତାୟ ନାଗରିକ ଆଫଗାନିସ୍ତାନର ବିଭିନ୍ନ ଅଞ୍ଚଳରେ ଫସି ରହିଛନ୍ତି । ଏହି ସମସ୍ତ ଭାରତୀୟ ନାଗରିକ ନିଜ ପରିଚୟ ଦୂତାବାସରେ ପଞ୍ଜିକରଣ କରିନଥିବାରୁ ସେମାନଙ୍କର ଅବସ୍ଥାନ ଏବଂ ସ୍ଥିତି ଜାଣିବା ଏକ ଚ୍ୟାଲେଞ୍ଜ ବୋଲି ପ୍ରମାଣିତ ହେଉଛି ବୋଲି ଗୃହ ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି । ଏହି ଭାରତୀୟଙ୍କ ମଧ୍ୟରେ ୨୦୦ ଜଣ ଶିଖ୍ ଏବଂ ହିନ୍ଦୁ ଅଛନ୍ତି ଯେଉଁମାନେ କାବୁଲର ଏକ ଗୁରୁଦ୍ୱାରରେ ଆଶ୍ରୟ ନେଇଛନ୍ତି।

ତେବେ ଅପହରଣ ଅଭିଯୋଗକୁ ଖଣ୍ଡନ କରିଛି ତାଲିବାନ । କୌଣସି ଲୋକଙ୍କୁ ଅପହରଣ କରାଯାଇନାହିଁ ବୋଲି ତାଲିବାନ ସୂତ୍ରରୁ କୁହାଯାଇଛି ।