ଚାଷୀଙ୍କ ଖାତାକୁ ଗଲା ପିଏମ କିଶାନ ସମ୍ମାନ ନିଧିର ୨୦ତମ କିସ୍ତି। ଚାଷୀଙ୍କ ଖାତାକୁ ଗଲା ପିଏମ୍ କିଷାନ୍ ଟଙ୍କା। ପ୍ରତି ଚାଷୀଙ୍କ ଆକାଉଣ୍ଟକୁ ଗଲା ୨ ହଜାର ଲେଖାଏଁ ଟଙ୍କା। ବାରାଣସୀରୁ ଚାଷୀଙ୍କ ଖାତାକୁ ପିଏମ କିସାନ ନିଧିର ୨୦ ତମ କିସ୍ତି ପଠାଇଛନ୍ତି ପ୍ରଧାନମନ୍ତ୍ରୀ ମୋଦି। ଉତ୍ତରପ୍ରଦେଶ ବାରାଣସୀରୁ ୨୦ ହଜାର ୫୦୦ କୋଟି ଟଙ୍କା ବାଣ୍ଟିଛନ୍ତି ପ୍ରଧାନମନ୍ତ୍ରୀ ପିଏମ ନରେନ୍ଦ୍ର ମୋଦି। ଡିବିଟି ମାଧ୍ୟମରେ ଦେଶର ୯ କୋଟି ୭୦ ଲକ୍ଷରୁ ଅଧିକ ଚାଷୀଙ୍କ ଆକାଉଣ୍ଟକୁ ଗଲା ଟଙ୍କା ଓଡ଼ିଶାର ୩୪ ଲକ୍ଷ ୮୫ ହଜାର ଚାଷୀ ଏଥିରୁ ଉପକୃତ ହୋଇଛନ୍ତି। ୨୦ ତମ କିସ୍ତିରେ ରାଜ୍ୟର ଚାଷୀଙ୍କୁ ୬୯୭ କୋଟି ଟଙ୍କା ପଠାଇଛନ୍ତି ସରକାର। ପିଏମ କିଶାନ ସମ୍ମାନ ନିଧି ଟଙ୍କା ବଣ୍ଟନ ଅବସରରେ ଅପରେସନ ସିନ୍ଦୂର କଥା ଉଠାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅପରେସନ ସଫଳ ହୋଇଥିବା କହିଛନ୍ତି ପ୍ରଧାନମନ୍ତ୍ରୀ ମୋଦି। ମହାଦେବଙ୍କ ଆଶୀର୍ବାଦରେ ଆତଙ୍କବାଦୀଙ୍କଠାରୁ ପ୍ରତିଶୋଧ ନେବା ସମ୍ଭବ ହୋଇଛି।
ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଅବ୍ୟବସ୍ଥା: ବେଡ୍ ଅଭାବରୁ ରୋଗୀ ହଟହଟା
ନରସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଅବ୍ୟବସ୍ଥା |ନରସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଉପରେ ୨୦ରୁ ୨୫ଟି ପଞ୍ଚାୟତର ଲୋକ ନିର୍ଭରଶୀଳ ଥିବାବେଳେ ବେଡ ଅଭାବରୁ ରୋଗୀ ହଟହଟା ହେଉଛନ୍ତି। ଏପରିକି ଚେୟାର ଓ ତଳେ ଶୋଇ ଲୋକେ ଚିକିତ୍ସିତ ହେଉଛନ୍ତି। ନରସିଂହପୁର ମେଡିକାଲରେ ଜଣେ ମାତ୍ର ଡାକ୍ତର ରହିଥିବା ବେଳେ ଦୈନିକ ୩୦୦ରୁ ୪୦୦ ରୋଗୀ ଆସୁଛନ୍ତି। ମେଡିକାଲରେ ୨୨ ଜଣ ଡାକ୍ତର ଆବଶ୍ୟକ ହେଉଥିବା ବେଳେ ସମୁଦାୟ ୫ ଜଣ ଡାକ୍ତର ଅଛନ୍ତି। ଆଜକୁ ୧୨ ଦିନ ହେବ ୪ ଜଣ ଡାକ୍ତର ପରୀକ୍ଷା ପାଇଁ ଛୁଟିରେ ଥିବା ବେଳେ ଜଣେ ଡାକ୍ତର ସେବା ଦେଉଛନ୍ତି। ଯାହା ଫଳରେ ଲୋକ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
ରାସ୍ତା ସାଜିଛି ମୃତ୍ୟୁର ଯନ୍ତା: ରାସ୍ତା ନିର୍ମାଣ ଦାବିରେ ଜୟପୁର ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ
ରାସ୍ତାର ଅବସ୍ଥା ଶୋଚନୀୟ। କୋରାପୁଟ ଜିଲ୍ଲାର ମୁଖ୍ୟ ରାସ୍ତା ହେଉଛି ବୋରିଗୁମ୍ମା ରାଣୀଗଡ଼ ରାସ୍ତା। ଏବେ ଏହି ରାସ୍ତା ମୃତ୍ୟୁର ଯନ୍ତା ସାଜିଛି।ଦୁର୍ଘଟଣାରେ ପ୍ରତିଦିନ ଲୋକଙ୍କୁ ଜୀବନ ଯାଉଛି। ଖାଲି ସେତିକି ନୁହେଁ ଆମ୍ବୁଲାନ୍ସ ବି ଯିବା ଆସିବା କଷ୍ଟକର ହୋଇପଡିଛି । ରାସ୍ତା ନିର୍ମାଣ ଦାବିରେ ଜୟପୁର ବିଜେଡି ପକ୍ଷରୁ ବିକ୍ଷୋଭ ପ୍ରଦର୍ଶନ କରିବା ସହ ଧାରଣା ଦିଆଯାଇଛି।
ଟ୍ରକ ଓ ବାଇକ ମୁହାଁମୁହିଁ ଧକ୍କା: ଦୁର୍ଘଟଣାରେ ଜଳିଗଲେ ବାପା, ପୁଅ
ବୋଲବମ୍ ଭକ୍ତ ଯାଉଥିବା ଟ୍ରକ ଓ ବାଇକ ମୁହାଁମୁହିଁ ଧକ୍କା। ଦୁର୍ଘଟଣାରେ ଜଳିଗଲେ ବାପା, ପୁଅ। କୋରାପୁଟ ସଦର ଥାନା ପୋଡ଼ାଗଡ ବାଳିକା ଆଶ୍ରମ ବିଦ୍ୟାଳୟ ନିକଟରେ ଅଘଟଣ। ବାଇକରେ ବାପା, ପୁଅ ଓ ଜଣେ ମହିଳା କୋରାପୁଟରୁ ପୋଡାଗଡ ଯାଉଥିବା ସମୟରେ ସେମାନଙ୍କୁ ଧକ୍କା ଦେଇଥିଲା ବୋଲବମ୍ ଭକ୍ତ ଯାଉଥିବା ଗାଡ଼ି। ଧକ୍କା ଫଳରେ ଉଭୟ ବାପା ପୁଅ ଜଳିଯାଇଥିଲେ। ତେବେ ମହିଳାଜଣକ ବର୍ତ୍ତି ଯାଇଛନ୍ତି। ଘଟଣା ସ୍ଥଳରୁ ବୋଲବମ ଗାଡ଼ି ଫେରାର ହୋଇଯାଇଛି।
ମହାନଦୀ ଜଳ ବିବାଦ ପ୍ରସଙ୍ଗ: ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖିଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ
ମହାନଦୀ ଜଳ ବିବାଦ ପ୍ରସଙ୍ଗ। ଆଜି ସ୍ଵତନ୍ତ୍ର ଟ୍ରିବ୍ୟୁନାଲରେ ଥିଲା ଶୁଣାଣି। ବିବାଦର ଶୁଣାଣି ସେପ୍ଟେମ୍ବର ୬ ତାରିଖକୁ ଘୁଂଚିଛି। ସେପଟେ ମହାନଦୀ ଜଳ ବିବାଦ ପ୍ରସଙ୍ଗରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖିଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ ବିଷ୍ଣୁ ଦେଓ ସାଏ। ଗତ ୨୫ ତାରିଖରେ ମୁଖ୍ୟମନ୍ତ୍ରୀ ମୋହନ ମାଝୀ ଲେଖିଥିବା ଚିଠି ଉପରେ ସହମତି ଜଣାଇ ଉତ୍ତର ରଖିଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ। ଆପୋଷ ଆଲୋଚନାରେ ବିବାଦର ସମାଧାନ ନେଇ ସହମତି ପ୍ରକାଶ କରିଛନ୍ତି ବିଷ୍ଣୁଦେଓ ସାଏ। ସେପଟେ ବିବାଦର ସମାଧାନ ସରକାର ଜାଣିଶୁଣି କରୁନଥିବା କହିଛନ୍ତି ବିଜେଡି ବିଧାୟକ ପ୍ରଶାନ୍ତ ମୁଦୁଲି। ବିବାଦର ସମାଧାନ ଲାଗି ବିରୋଧୀ ବାରମ୍ବାର ଦାବି କରି ଆସୁଛନ୍ତି। ହେଲେ ଆଜି ପର୍ଯ୍ୟନ୍ତ କୌଣସି ପଦକ୍ଷେପ ଗ୍ରହଣ କଲେ ନାହିଁ ସରକାର।
ଟ୍ରିବ୍ୟୁନାଲରେ ଶୁଣାଣି ନେଇ ମଧ୍ୟ କୌଣସି ପଦକ୍ଷେପ ଗ୍ରହଣ କରିନାହାନ୍ତି। କେନ୍ଦ୍ର ସରକାର ହସ୍ତକ୍ଷେପ କଲେ ତୁରନ୍ତ ବିବାଦର ସମାଧାନ ହେବ। ସମୟ ଗଡ଼ାଇବାକୁ ସରକାର କାର୍ଯ୍ୟକ୍ରମ ହାତକୁ ନେଉଛନ୍ତି ବୋଲି କହିଛନ୍ତି ବିଜେଡି ବିଧାୟକ ପ୍ରଶାନ୍ତ ମୁଦୁଲି। ସେପଟେ କଂଗ୍ରେସ ନେତା ସୁର ରାଉତରାୟ ମଧ୍ୟ ମହାନଦୀ ବିବାଦର ତୁରନ୍ତ ସମାଧାନ ଲାଗି ଦାବି କରିଛନ୍ତି। ମହାନଦୀ ତଳମୁଣ୍ଡର ଆଉ ଏକ ବନ୍ଧ କରିବାକୁ କେନ୍ଦ୍ର ସରକାର ପଦକ୍ଷେପ ନିଅନ୍ତୁ ବୋଲି କହିଛନ୍ତି ସୁର ରାଉତରାୟ।
ସ୍କୁଲରେ ମଧ୍ୟାହ୍ନ ଭୋଜନ ଖାଇ ଅନେକ ଛାତ୍ରଛାତ୍ରୀ ଅସୁସ୍ଥ
ମଧ୍ୟାହ୍ନ ଭୋଜନରେ ଝିଟିପିଟି। ଟିଟିଲାଗଡ଼ ମୁରିବାହାଲ ବ୍ଲକ୍ ବଡ଼ତେନ୍ତୁଳୀଖୁଣ୍ଟି ସ୍କୁଲରେ ବହୁ ଛାତ୍ରଛାତ୍ରୀ ଅସୁସ୍ଥ। ସ୍କୁଲରେ ମଧ୍ୟାହ୍ନ ଭୋଜନ ଖାଇ ଅନେକ ଛାତ୍ରଛାତ୍ରୀ ଅସୁସ୍ଥ ହୋଇଛନ୍ତି। ଅସୁସ୍ଥ ଛାତ୍ରଛାତ୍ରୀଙ୍କୁ ଟିଟିଲାଗଡ଼ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସେଠାରେ ଅସୁସ୍ଥ ଛାତ୍ରଛାତ୍ରୀଙ୍କ ଚିକିତ୍ସା ଜାରି ରହିଛି। ମଧ୍ୟାହ୍ନ ଭୋଜନ ଖାଇବା ପରେ ଛାତ୍ରଛାତ୍ରୀ ବାନ୍ତି କରିଥିଲେ। ପରେ ପରେ ସେମାନେ ଅସୁସ୍ଥ ହୋଇପଡ଼ିଥିଲେ। ଅନ୍ୟପକ୍ଷରେ ଆମ୍ବୁଲାନ୍ସ ପହଞ୍ଚିବାରେ ବିଳମ୍ବ ନେଇ କିଛି ଅଭିଭାବକ ସେମାନଙ୍କ ପୁଅଝିଅଙ୍କୁ ବାଇକରେ ଟିଟିଲାଗଡ଼ ଡାକ୍ତରଖାନାକୁ ଆଣିଥିବା ଜଣାପଡିଛି l ଏକ ଡାକ୍ତରୀ ଦଳ ବିଦ୍ୟାଳୟରେ ପହଞ୍ଚି ଚିକିତ୍ସା ଆରମ୍ଭ କରିଛନ୍ତି l ଘଟଣା ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
କେବଳ ୧ ଟଙ୍କାରେ ୩୦ ଦିନର ଭାଲିଡିଟୀ: ଦୈନିକ କଲିଂ, ଡାଟା ସାଙ୍ଗକୁ ବହୁତ କିଛି….
ବିଏସଏନଏଲ ଏକ ନୂଆ ରିଚାର୍ଜ ପ୍ଲାନ ଲଞ୍ଚ କରିଛି, ଯାହାକି ସୀମିତ ସମୟ ପାଇଁ ରହିଛି । ସରକାରୀ ଟେଲିକମ କମ୍ପାନୀ ନିଜର ସୋସିଆଲ ମିଡ଼ିଆ ହ୍ୟାଣ୍ଡେଲରେ ଏହି ପ୍ଲାନ ବାବଦରେ ସୂଚନା ଶେୟାର କରିଛି । ସ୍ବାଧିନତା ଦିବସ ଉପଲକ୍ଷେ କମ୍ପାନୀ ଏହି ପ୍ଲାନ ଲଞ୍ଚ କରିଛି । ଫ୍ରିଡମ ଅଫର ଅନୁସାରେ କମ୍ପାନୀ ଏହି ପ୍ଲାନ ଆଣିଛି । ଏଥିରେ ଗ୍ରାହକଙ୍କୁ ଡାଟା, କଲିଂ ସାଙ୍ଗକୁ ଅନ୍ୟ ବେନିଫିଟସ୍ ମିଳିବ । ଏଥିରେ ଆପଣମାନେ ଦୈନିକ ୨ ଜିବି ଡାଟା ଓ ଅସୀମିତ କଲିଂର ସୁବିଧା ପାଇ ପାରିବେ ।
ବିଏସଏନଏଲ ଫ୍ରିଡମ ଅଫରର ମୂଲ୍ୟ ୧ ଟଙ୍କା ରହିଛି ଓ ଏହା ୩୦ ଦିନ ଭାଲିଡିଟି ସହିତ ଆସୁଛି । ୧ ଅଗଷ୍ଟରୁ ୩୧ ମଧ୍ୟରେ ଏହି ଫାଇଦା ମିଳିପାରିବ । ଏଥିପାଇଁ ଆପଣଙ୍କୁ ବିଏସଏନଏଲ କମନ ସର୍ଭିସ ସେଣ୍ଟରକୁ ଯିବାକୁ ପଡ଼ିବ । ଏଥିରେ ଗ୍ରାହକଙ୍କୁ ୨ ଜିଡି ଦୈନିକ ଡାଟା ମିଳିବ, ଯାହା ୪ ଜି ରହିବ । ଏହାଛଡ଼ା କମ୍ପାନୀ ଅନଲିମିଟେଡ ଭଏସ୍ କଲିଂ ଓ ଡେଲି ୧୦୦ ଏସଏମଏସ ମଧ୍ୟ ଅଫର କରୁଛି ।
କରଞ୍ଜିଆରେ ଅଭାବନୀୟ ଘଟଣା: ଦେହରେ ନିଆଁ ଲଗାଇ ଜିଅନ୍ତା ଜଳିଗଲେ ମହିଳା
ମୟୂରଭଞ୍ଜ କରଞ୍ଜିଆରେ ଅଭାବନୀୟ ଘଟଣା। ଦେହରେ ନିଆଁ ଲଗାଇ ଜିଅନ୍ତା ଜଳିଗଲେ ମହିଳା। ଗୁରୁତର ପୁରୁଷ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର। ଦେହରେ ନିଆଁ ଲଗାଇ ପୁରୁଷ ଏବଂ ମହିଳା ଆତ୍ମହତ୍ୟା ଉଦ୍ୟମ କରିଥିଲେ। ତେବେ ମହିଳାଜଣଙ୍କର ମୃତ୍ୟୁ ଘଟିଥିବାବେଳେ ପୁରୁଷଜଣକ ଗୁରୁତର ହୋଇଛନ୍ତି। ରରୁଆଁ ଥାନା ଖିଚିଂ ଗାଁରେ ଘଟିଛି ଘଟଣା। ପ୍ରେମ ବ୍ୟାପାରକୁ ନେଇ ଆତ୍ମହତ୍ୟା ଉଦ୍ୟମ ଆଶଙ୍କା କରାଯାଉଛି। ମୃତ ମହିଳା ହେଲେ ଖିଚିଂ ଗାଁର ଭାରତୀ ପାତ୍ର। ଗୁରୁତର ଯୁବକ ଜଣକ ହେଲେ ରାଇରଙ୍ଗପୁରର ହରିଶଙ୍କର ଆଚାର୍ଯ୍ୟ।
୧ ମାସରୁ ଉର୍ଦ୍ଧ୍ବ ହେବ ନିଖୋଜ ନାବାଳିକାର ପତ୍ତା ପାଉନି ପୋଲିସ
ବଜାରକୁ ଚପଲ କିଣିବାକୁ ଯାଇ ନାବାଳିକା ନିଖୋଜ । ୧ ମାସରୁ ଉର୍ଦ୍ଧ୍ବ ହେବ ନିଖୋଜ ନାବାଳିକାର ପତ୍ତା ପାଉନି ପୋଲିସ । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ପରିବାର । ଚାନ୍ଦବାଲି ପିରହାଟ ଥାନା ଅଞ୍ଚଳରେ ଦେଖିବାକୁ ମିଳିଛି ଏଭଳି ଘଟଣା। ଗତ ଜୁନ ୨୫ରେ ଚପଲ କିଣିବାକୁ ଯାଇ ନିଖୋଜ ହୋଇଥିଲେ ନାବାଳିକା। ବହୁ ଖୋଜାଖୋଜି ପରେ ଝିଅକୁ ଅପହରଣ ନେଇ ଥାନାରେ ଅଭିଯୋଗ କରିଥିଲେ ପରିବାର। ତିହିଡି ଥାନା ଅଧିନ କାଁପଡା ଗାଁର ବାଦଲ ମଳିକ ଓ ମଳୟ ମଳିକ ତାଙ୍କ ଝିଅକୁ ଅପହରଣ କରିନେଇଥିବା ପିରହାଟ ଥାନାରେ ଅଭିଯୋଗ ହୋଇଥିଲା। ଥାନାକୁ ଦୌଡ଼ି ଦୌଡ଼ି ନୟାନ୍ତ ହେବା ପରେ ଭଦ୍ରକ ଏସ ପି ଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ କିଛି ସୁଫଳ ମିଳି ନ ଥିବା ପ୍ରକାଶ କରିଛନ୍ତି ପରିବାର। ଅନ୍ୟ ପଟେ ପିରହାଟ ଥାନାଧିକାରୀ କହିଛନ୍ତି ଘଟଣାର ତଦନ୍ତ ଚାଲିଛି।
ଭୁବନେଶ୍ବର ଆମ ବସ ଡିପୋରେ ଡ୍ରାଇଭରମାନଙ୍କ ହଙ୍ଗାମା: ବସ ଆଗରେ ଶୋଇ ରହି କରିଛନ୍ତି ପ୍ରତିବାଦ
ଭୁବନେଶ୍ବର ଆମ ବସ ଡିପୋରେ ଡ୍ରାଇଭରମାନଙ୍କ ହଙ୍ଗାମା । ବସ ଆଗରେ ଶୋଇ ରହି କରିଛନ୍ତି ପ୍ରତିବାଦ । ଡ୍ରାଇଭରଙ୍କ ହଙ୍ଗାମା ଯୋଗୁ ଗଡ଼ୁନି ବସ୍। ଫଳରେ ଗାଡକଣ ଡିପୋରେ ଅଟକିଛି ସମସ୍ତ ବସ । ଗାଡ଼ି ନ ଚଳାଇ ଧାରଣାରେ ବସିଛନ୍ତି ଡ୍ରାଇଭର ।