spot_img
Home Blog Page 5871

ଓଡିଶାରୁ ୭ ରାଜ୍ୟକୁ ପଠାଯାଇଛି ଅକ୍ସିଜେନ୍: ଏଡିଜି

ଭୁବନେଶ୍ୱର: ଅକ୍ସିଜେନ କ୍ଷେତ୍ରରେ ଓଡିଶା ବଳକା ରାଜ୍ୟ । ଆଜି ଓଡିଶାରୁ ୭ ରାଜ୍ୟକୁ ପଠାଯାଇଛି ଅକ୍ସିଜେନ୍ । ମୋଟ୍ ୬୭ଟି ଟ୍ୟାଙ୍କରରେ ୧୨୬୭ ମେଟ୍ରିକ୍ ଟନ୍ ଅକ୍ସିଜେନ୍ ପଠାଯାଇଛି ବୋଲି ସୂଚନା ଦେଇଛନ୍ତି ଏଡିଜି ଯଶୱନ୍ତ ଜେଠୱା ।

ସୋମବାର ଦିନ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇ ଏଡିଜି କହିଛନ୍ତି ଯେ,  ଆନ୍ଧ୍ରପ୍ରଦେଶକୁ ୨୨ଟି ଟାଙ୍କରରେ ୪୫୮.୩ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଥିବା ବେଳେ ତେଲେଙ୍ଗାନାକୁ ୧୭ ଟ୍ୟାଙ୍କରରେ ୨୯୧ ମେଟ୍ରିକ ଟନ୍, ମହାରାଷ୍ଟ୍ରକୁ ୬ ଟ୍ୟାଙ୍କରରେ ୧୦୨.୦୬ ମେଟ୍ରିକ ଟନ୍ ଅକ୍ସିଜେନ୍ ପଠାଯାଇଛି।

ସେହିପରି ମଧ୍ୟପ୍ରଦେଶକୁ ୮ଟି ଟ୍ୟାଙ୍କରରେ ୧୩୧.୨୩, ହରିୟାଣାକୁ ୮ଟି ଟ୍ୟାଙ୍କରରେ ୧୮୭.୫୧୨, ଉତ୍ତରପ୍ରଦେଶକୁ ୪ଟି ଟ୍ୟାଙ୍କରରେ ୬୬.୩୯, ଛତିଶଗଡ଼କୁ ୨ଟି ଟ୍ୟାଙ୍କରରେ ୩୦.୬୭ ମେଟ୍ରିକ ଟନ୍ ଅକ୍ସିଜେନ ପଠାଯାଇଛି। ପୋଲିସ ସୁରକ୍ଷା ବଳୟରେ ଗ୍ରୀନ୍ କରିଡରରେ ଅକ୍ସିଜେନ୍ ଟ୍ୟାଙ୍କର ପଠାଯାଇଥିବା ନେଇ ସୂଚନା ଦେଇଛନ୍ତି ଏଡିଜି ଯଶୱନ୍ତ ଜେଠୱା।

ପ୍ଲାଟୋ ଷ୍ଟେଜରେ ରହିଛି କରୋନା ଭାଇରସ୍: DMET ନିର୍ଦ୍ଦେଶକ

ଭୁବନେଶ୍ୱର: ଏବେ ପ୍ଲାଟୋ ଷ୍ଟେଜରେ ରହିଛି କରୋନା ଭାଇରସ୍। ଯେହେତୁ ଗତ ୫ ଦିନ ହେଲା ଗୋଟିଏ ଲେବଲରେ ରହୁଛି, ତେଣୁ ଏହାକୁ ସମାନ୍ତରାଳ ସ୍ଥିତି ବୋଲି କୁହାଯାଉଛି । ଆଗକୁ ଏହି ସ୍ଥିତି ବା ପରିସଂଖ୍ୟାନ କମିପାରେ ବୋଲି ଆଶା ରହିଛି ବୋଲି କହିଛନ୍ତି DMET ନିର୍ଦ୍ଦେଶକ।

ପ୍ଲାଟୋ ଷ୍ଟେଜରେ ଥିବା ଏହି ଭାଇରସ୍ ଆଗକୁ କ’ଣ ହେବ ନିର୍ଦ୍ଦିଷ୍ଟ ଭାବେ କହି ହେବନି ବୋଲି ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି କହିଛନ୍ତି। ପଜିଟିଭ ସଂଖ୍ୟା ଏହିପରି ଜାରି ରହିବ ବୋଲି ଆଶା କରାଯାଉଛି। ସେପଟେ ଟିକା ନେବା ପରେ ଯଦି ଅଧିକ ଦିନ ଯାଏ ଜ୍ୱର ଛାଡ଼ୁନି, ତାହେଲେ ଏହାର ବିଭିନ୍ନ କାରଣ ହୋଇପାରେ। ବିଳମ୍ବ ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ବୋଲି ଡିଏମଇଟି ସିବିକେ ମହାନ୍ତି ପରାମର୍ଶ ଦେଇଛନ୍ତି।

ଲୋକଙ୍କ ଭିତରେ ସନ୍ଦେହ ହେଉଛି ଯେ ରାଜ୍ୟରେ ଆଇସିୟୁ ବେଡ୍ କମି କମି ଯାଉଛି। ମାତ୍ର ଆମର ଅନେକ ବେଡ୍‌ ଅଛି। ବେଡ୍‌ର ମାତ୍ର ୨୫ରୁ ୩୦ ପ୍ରତିଶତ ବ୍ୟବହାର ହେଉଛି । ଆଗକୁ ଯଦି ପରିସଂଖ୍ୟାନ ବଢେ, ସେହି ଅନୁପାତରେ ଭେଣ୍ଟିଲେଟର ବି ବଢ଼ାଯିବ ବୋଲି ଡିଏମ୍‌ଇଟି ସିବିକେ ମହାନ୍ତି କହିଛନ୍ତି।

ସେପଟେ ଦୁଇ ୩ ଜିଲ୍ଲାକୁ ମିଶାଇ ଗୋଟିଏ ଗୋଟିଏ କ୍ଲଷ୍ଟର କରାଯାଇଛି । ଯେଉଁ ହସ୍ପିଟାଲରେ ବେଡ୍‌ ଫିଲଅପ ହୋଇଯାଉଛି, ଅନ୍ୟ ଜିଲ୍ଲାକୁ ରୋଗୀମାନଙ୍କୁ ପଠାଯାଉଛି । ରାଜ୍ୟରେ ଏବେ ବି ପ୍ରାୟ ୭୦ ପ୍ରତିଶ୍ରତ ବେଡ୍‌ ଖାଲି ରହିଛି। ଓଡିଶା ହେଉଛି ଅକ୍ସିଜେନ ବଳକା ରାଜ୍ୟ । ରାଜ୍ୟରେ ଅକ୍ସିଜେନ ଅଭାବ ନରହିବା ପାଇଁ ସବୁ ସିଲିଣ୍ଡର ମହଜୁଦ ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ସ୍ଥିତିର ମୁକାବିଲା ପାଇଁ ବେଡ୍‌, ଅକ୍ସିଜେନ ଓ ମେଡିସିନ ସମ୍ପୂର୍ଣ୍ଣ ମହଜୁଦ ଅଛି । ରାଜ୍ୟରେ ଯାହା ଟିକା ପହଞ୍ଚିବ ତାକୁ ଲୋକମାନଙ୍କୁ ଦେବା ପାଇଁ ଆମର ମାଇକ୍ରୋ ମ୍ୟାନେଜମେଣ୍ଟ ପ୍ଲାନ କରାଯାଇଛି।

କରୋନା ସଙ୍କଟ ବେଳେ ଭାରତକୁ ସହଯାେଗର ହାତ ବଢ଼ାଇଲା ଆମେରିକା

ନୂଆଦିଲ୍ଲୀ: ଭାରତକୁ ସହଯାେଗର ହାତ ବଢ଼ାଇଛି ଆମେରିକା । ବିପତ୍ତି ସମୟରେ ଆମେରିକାକୁ ଭାରତ ସହଯୋଗର ହାତ ବଢ଼ାଇଥିଲା ବେଳେ ଆମେ ବି ସାହାଯ୍ୟ କରିବୁ ବୋଲି କହିଛନ୍ତି ରାଷ୍ଟ୍ରପତି ଜୋ ବାଇଡେନ୍। ଅନ୍ୟପଟେ ଟିକା ପାଇଁ ଭାରତକୁ କଞ୍ଚାମାଲ ଆମେରିକା ଯୋଗାଇବ ବୋଲି ଜଣାପଡିଛି।

ସୂଚନା ଅନୁଯାୟୀ, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ହସ୍ତକ୍ଷେପ ପରେ ଆମେରିକା କଞ୍ଚାମାଲ ଯୋଗାଇବାକୁ ରାଜି ହୋଇଛି। ଯାହା ପରେ ଭାରତର ସଙ୍କଟ ସମୟରେ ଆମେରିକା ମଧ୍ୟ ସମସ୍ତ ପ୍ରକାର ସହଯୋଗ ଯୋଗାଇଦେବ ବୋଲି ରାଷ୍ଟ୍ରପତି ବାଇଡେନ୍ କହିଥିଲେ। ଆମେରିକାରେ ଡିଫେନ୍ସ ପ୍ରଡକ୍ସନ ଆକ୍ଟ ଲାଗୁ ହୋଇଥିବା ବେଳେ ଭାରତକୁ ସାହାଯ୍ୟ କରିବ ଆମେରିକା।

ଭାରତରେ ସଂକ୍ରମଣ ବଢୁଥିବା ବେଳେ ଟିକା ସଂକଟ ଦେଖା ଦେଇଛି। ତେବେ ଟିକା ତିଆରି ପାଇଁ ବ୍ୟବହାର ହେଉଥିବା କଞ୍ଚାମାଲ ନଥିବାରୁ ଟିକା ଉତ୍ପାଦନ ନେଇ ଦ୍ୱନ୍ଦ୍ୱ ଦେଖା ଦେଇଥିଲା। ତେବେ ଆମେରିକା ପ୍ରତିଶ୍ରୁତି ଦେବା ପରେ ଟିକା ଉତ୍ପାଦନ ପାଇଁ ବାଟ ଫିଟିଛି। ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଆମେରିକାର ଜାତୀୟ ସୁରକ୍ଷା ପରାମର୍ଶଦାତା ଜାକେ ସୁଲିଭାନଙ୍କ ସହ କଥା ହେଇଥଲେ।

ଆମେରିକା କୋଭିସିଲ୍ଡ ଉତ୍ପାଦନ ବୃଦ୍ଧି ପାଇଁ କଞ୍ଚାମାଲ ସହ ସ୍ପିଡ୍ ଡାଇଗ୍ନୋଷ୍ଟିକ୍, ଟେଷ୍ଟ କିଟ୍, ଭେଣ୍ଟିଲେଟର ଏବଂ ପିପିଇ କିଟ୍ ଭାରତକୁ ପଠାଇବ। ତେବେ କରୋନା ମୁକାବିଲା କରିବା ପାଇଁ ଉଭୟ ଦେଶ ମିଳିମିଶି ଲଢ଼େଇ ଜାରି ରଖିବେ।

ଦେଶରେ ବଢୁଛି କରୋନା ସଂକ୍ରମଣ; ଦିନକରେ ୩ ଲକ୍ଷ ୫୨ ହଜାର ୯୯୧ ପଜିଟିଭ

ନୂଆଦିଲ୍ଲୀ: ଦେଶରେ ଭୟଙ୍କର ଗତିରେ ମାଡ଼ି ଚାଲିଛି ସଂକ୍ରମଣର ଦ୍ବିତୀୟ ଲହରି। ଗତ ୨୪ ଘଣ୍ଟାରେ ଭାରତରେ ଚିହ୍ନଟ ହୋଇଛନ୍ତି ଆଉ ୩ ଲକ୍ଷ ୫୨ ହଜାର ୯୯୧ ପଜିଟିଭ । କରୋନାରେ ଆଉ ୨ ହଜାର ୮୧୨ ଜଣଙ୍କ ମୃତ୍ୟୁ ହୋଇଛି ।

Coronavirus on scientific background

ସେହିପରି ଦିନକରେ ସୁସ୍ଥ ହୋଇଛନ୍ତି ଆଉ ୨ ଲକ୍ଷ ୧୯ ହଜାର ୨୭୨ ସଂକ୍ରମିତ । ଏନେଇ ଟ୍ବିଟ କରି ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ। ନୂଆ ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୭୩ ଲକ୍ଷ ୧୩ ହଜାର ୧୬୩ରେ ପହଞ୍ଚିଛି ।

ଏବେ ସୁଦ୍ଧା ମୋଟ ୧ କୋଟି ୪୩ ଲକ୍ଷ ୪ ହଜାର ୩୮୨ ଆକ୍ରାନ୍ତ ସୁସ୍ଥ ହୋଇଥିବା ବେଳେ ମୃତ୍ୟୁ ସଂଖ୍ୟା ୧ ଲକ୍ଷ ୯୫ ହଜାର ୧୨୩ରେ ପହଞ୍ଚିଛି । ଏବେବି ସାରା ଦେଶରେ୨୮ ଲକ୍ଷ ୧୩ ହଜାର ୬୫୮ ସକ୍ରିୟ ମାମଲା ରହିଛି।

ଅଧିକ ପଢନ୍ତୁ- ଆଜି ରାଜ୍ୟରେ ୬ ହଜାର ୫୯୯ କରୋନା ଆକ୍ରାନ୍ତ ଚିହ୍ନଟ

ସେହିପରି ଆଜି ରାଜ୍ୟରେ ମୋଟ ୬ ହଜାର ୫୯୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି। କ୍ବାରେଣ୍ଟାଇନରୁ ୩ ହଜାର ୮୨୭ ଥିବା ବେଳେ ଲୋକାଲ କେସ୍ ୨ ହଜାର ୭୭୨ ରହିଛି। ତେବେ ତନ୍ମଧ୍ୟରୁ ଖୋର୍ଦ୍ଧାରେ ସର୍ବାଧିକ ୯୫୮ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।

ପୁରୀରେ ପହଞ୍ଚିଲା ରଥକାଠ

ପୁରୀ: ଚଳିତ ବର୍ଷ ରଥଯାତ୍ରା ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ କରାଯାଇଛି। ଯେଉଁଥିପାଇଁ ଆଜି ନୟାଗଡ ବନଖଣ୍ଡରୁ ତୃତୀୟ ପର୍ଯ୍ୟାୟରେ ଗୋଟିଏ ରଥକାଠ ବୋଝେଇ ଟ୍ରକ ପୁରୀରେ ଆସି ପହଞ୍ଚିଛି। ଏଥିରେ ସମୁଦାୟ ୧୭ ଖଣ୍ଡ ଅସନ ଓ ଧଉରା କାଠ ରହିଛି।

ରଥଯାତ୍ରା ପାଇଁ ଚଳିତ ବର୍ଷ ମୋଟ ୮୬୫ ଖଣ୍ଡ କାଠ ଆବଶ୍ୟକ ଥିବା ବେଳେ ପୂର୍ବ ବର୍ଷର ୬୯ ଖଣ୍ଡ କାଠ ବଳକା ରହିଛି। ତେଣୁ ଚଳିତ ରଥଯାତ୍ରା ପାଇଁ ୭୯୬ ଖଣ୍ଡ କାଠର ଆବଶ୍ୟକତା ରହିଛି ।

ତେବେ ୭୯୬ ଖଣ୍ଡରୁ ମୋଟ ୭୯ ଖଣ୍ଡ କାଠ ବର୍ତମାନ ସୁଦ୍ଧା ପୁରୀରେ ପହଂଚିଥିବା ବେଳେ ବଳକା ୭୧୭ ଖଣ୍ଡ କାଠ ପର୍ଯ୍ୟାୟ କ୍ରମେ ଆସି ପହଞ୍ଚିବ ବୋଲି ପ୍ରଶାସନ ପକ୍ଷରୁ  ସୂଚନା ଦିଆଯାଇଛି ।

ଅଧିକ ପଢନ୍ତୁ- ସଂରକ୍ଷିତ ହୋଇ ରହିବ ଏଥରର ନିଆରା ରଥଯାତ୍ରାର ତିନି ରଥ, ଶାସ୍ତ୍ରୀୟ ବିଚାର ବିମର୍ଷ ପାଇଁ କହିଲେ ଶଙ୍କରାଚାର୍ଯ୍ୟ…..

ସୂଚନା ଯୋଗ୍ୟ ଯେ, ଗତ ବର୍ଷ ବିଶ୍ୱପ୍ରସିଦ୍ଧ ରଥଯାତ୍ରା ହୋଇଥିଲେ ବି ସେଠାରେ ଭକ୍ତଙ୍କ ଗହଳି ଦେଖିବାକୁ ମିଳି ନଥିଲା । କରୋନା କଟକଣା କାରଣରୁ କେବଳ ସେବାୟତ, ପୂଜକ ଓ ପୋଲିସ ମାନେ ହିଁ ମହାପ୍ରଭୁଙ୍କ ରଥକୁ ଦର୍ଶନର ସୁଯୋଗ ପାଇଥିଲେ । ଏମିତି କି ପୁରୀ ବାସୀଙ୍କୁ ମଧ୍ୟ ରଥ ନିକଟକୁ ଯିବାର ସୁଯୋଗ ଦିଆଯାଇ ନଥିଲା ।

ଅଧିକ ପଢନ୍ତୁ- ରଥଯାତ୍ରା ପାଇଁ ପ୍ରସ୍ତୁତ ହେଲାଣି ଶ୍ରୀମନ୍ଦିର ପ୍ରଶାସନ

ବାହାର ଜିଲ୍ଲାର ଲୋକଙ୍କ ପାଇଁ ବନ୍ଦ ହେଲା ପୁରୀ ସ୍ବର୍ଗଦ୍ବାର

ପୁରୀ: ଆଜିଠୁ ଅନ୍ୟ ଜିଲ୍ଲାର ଲୋକଙ୍କ ପାଇଁ ବନ୍ଦ ହୋଇଛି ପୁରୀ ସ୍ବର୍ଗଦ୍ବାର। ଏନେଇ ରବିବାର ଦିନ ଘୋଷଣା କରିଥିଲେ ଜିଲ୍ଲା ପ୍ରଶାସନ ।  ଦିନକୁ ଦିନ ରାଜ୍ୟରେ କୋଭିଡ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାକୁ ଏଭି ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ । ପୁରୀକୁ ବିଭିନ୍ନ ଜିଲ୍ଲାରୁ ଲୋକ ଶବସତ୍କାର ପାଇଁ ଆସୁଥିବା ବେଳେ ପ୍ରଶାସନର ଚିନ୍ତା ବଢ଼ାଇଛି କରୋନା ସଂକ୍ରମଣ ।

ବିଶେଷକରି ମହୋଦଧିରେ ଅସ୍ଥି ବିସର୍ଜନ ଏବଂ ଶ୍ରାଦ୍ଧ କରିବା ପାଇଁ ବିଭିନ୍ନ ଜିଲ୍ଲାରୁ ଲୋକମାନେ ଆସୁଥିବା ଦେଖିବାକୁ ମିଳିଛି। ହେଲେ ଏବେ ପୁରୀରେ ଶ୍ରାଦ୍ଧ ଓ ଅସ୍ଥି ବିସର୍ଜନ କାର୍ଯ୍ୟକୁ ମଧ୍ୟ ବାରଣ କରାଯାଇଛି । କରୋନା ସଂକ୍ରମଣ ବ୍ୟାପିବାର ଆଶଙ୍କା ଥିବାରୁ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ନିଆଯାଇଛି।

ତେବେ ଏନେଇ ଗତକାଲି ଉପଜିଲ୍ଲାପାଳ ଭବ ତାରଣ ସାହୁ ନିଜେ ସ୍ୱର୍ଗଦ୍ୱାର ଯାଇ ସ୍ଥିତିର ସମୀକ୍ଷା କରିଥିଲେ। ସ୍ବର୍ଗଦ୍ବାରକୁ ଯେଉଁମାନେ ଶବ ସଂସ୍କାର ପାଇଁ ଆସୁଛନ୍ତି ତାଙ୍କ କାଗଜପତ୍ର ଯାଞ୍ଚ ହେବ। ଯଦି କୌଣସି ସନ୍ଦେହ ହୁଏ ତେବେ ସେନେଇ ତୁରନ୍ତ ପ୍ରଶାସନକୁ ଅବଗତ କରିବାକୁ ନିର୍ଦେଶ ଦିଆଯାଇଛି । ଏଥିସହ ଯଦି କେହି ସ୍ବର୍ଗଦ୍ୱାରରେ କଟକଣା ମାନିବାକୁ ଅମଙ୍ଗ ହୁଅନ୍ତି, ତେବେ ତୁରନ୍ତ ପୋଲିସକୁ ଜଣାଇବାକୁ କର୍ମଚାରୀଙ୍କୁ ନିର୍ଦେଶ ଦିଆଯାଇଛି।

ଅଧିକ ପଢନ୍ତୁ- ବାହାର ଜିଲ୍ଲାର ଲୋକଙ୍କୁ ସ୍ୱର୍ଗଦ୍ୱାର ମନା, ସଂସ୍କାର ହେବନାହିଁ ମୃତଦେହ

ଚିକିଟି ଅଞ୍ଚଳରେ ହାତୀ ଆକ୍ରମଣରେ ଜଣେ ମୃତ

ଚିକିଟି: ଚିକିଟି ନିକଟସ୍ଥ ଚାନ୍ଦପୁର ଅଞ୍ଚଳରେ ବଣୁଆ ହାତୀପଲ ଉତ୍ପାତ କରୁଥିବା ବେଳେ ହାତୀ ଆକ୍ରମଣରେ ଜଣେ ବ୍ୟକ୍ତି ମୃତ୍ୟୁ ବରଣ କରିଛନ୍ତି । ଏହା ବ୍ୟତୀତ ଆଉ ଜଣେ ଆହତ ହୋଇଥିବା ।

ମୃତକ ଜଣକ ହେଲେ ସେହି ଗାଁ ର ବୃନ୍ଦାବନ ବିନ୍ଧାଣୀ । ଅପରପକ୍ଷେ ଆହତଙ୍କୁ ବ୍ରହ୍ମପୁର ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି । ପନ୍ଦର ଟିକିଆ ହାତୀ ପଲ ଆସି ଫସଲ ନଷ୍ଟ କରିଥିବା ମଧ୍ୟ ସୂଚନା ।

ରାମଚନ୍ଦ୍ରପୁର ଗ୍ରାମପଞ୍ଚାୟତ ଅନର୍ଗତ ଚାନ୍ଦପୁର ନିକଟରେ ଗତକାଲି ରାତିରେ ହାତୀ ଜଣଙ୍କୁ ଦଳି କଚାଡି ମାରିଦେଇଛି । ଘଟଣାସ୍ଥଳରେ ଜଣେ ମୃତ୍ୟୁ ବରଣ କରିଥିବା ବେଳେ ଆଉ ଜଣକୁ ଗୁରୁତର ଅବସ୍ଥାରେ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ହାତୀ ଘଉଡାଇବାକୁ ପ୍ରଚେଷ୍ଟା ଚଳାଇଛନ୍ତି ।

ସେହିପରି ଦୀର୍ଘ ଦିନ କୋଡିଏ ଦିନ ପରେ କରଞ୍ଜିଆ ବନଖଣ୍ଡ ଛାଡିଛନ୍ତି ସାତ ଟିକିଆ ଝାରଖଣ୍ଡି ହାତୀ ପଲ । କୋଡିଏ ଦିନ ହେଲା କରଞ୍ଜିଆ ବନଖଣ୍ଡର ରରୁଆଁ, ସୁକୃଳି, କରଞ୍ଜିଆ ଏବଂ ଜଶିପୁର ବ୍ଲକର ବିଭିନ୍ନ ଅଞ୍ଚଳରେ ଆତଙ୍କ ଖେଳାଉଥିଲେ। ହାତୀ ଭୟରେ ସ୍ଥାନୀ ବାସିନ୍ଦା ଆତଙ୍କିତ ଅବସ୍ଥାରେ ରହୁଥିଲେ  ବୋଲି ଜଣାପଡିଛି। ହାତୀ ପଲ ଗତ ରାତିରେ କୁଜିଆମ ଦେଇ ସୀମାନ୍ତ ଝାରଖଣ୍ଡକୁ ଫେରି ଯାଇଥିବା ଜଣାପଡ଼ିଛି । ହାତୀ ପଲ ଚାଲିରୁ କରଞ୍ଜିଆ ଅଞ୍ଚଳବାସୀଙ୍କୁ ହାତୀ ଭୟରୁ ଆଶ୍ବସ୍ଥି ମିଳିଛି।

ବିଏମସି ପକ୍ଷରୁ ସ୍ବତନ୍ତ୍ର ଅଭିଯାନ, ୬୭ଟି ଓ୍ବାର୍ଡରେ ଆରମ୍ଭ

ଭୁବନେଶ୍ୱର: ଦ୍ରୁତ ସଂକ୍ରମଣ ଦୃଷ୍ଟିରୁ ବିଏମସି ପକ୍ଷରୁ ସ୍ବତନ୍ତ୍ର ଅଭିଯାନ ଆରମ୍ଭ କରାଯାଇଛି। ଘର ଘର ବୁଲି ଲୋକଙ୍କ ତଥ୍ୟ ସଂଗ୍ରହ ସହିତ ସ୍ବାସ୍ଥ୍ୟଗତ ସମସ୍ୟା ବୁଝିବା ସହ ଆଶୁ ସମାଧାନ ଉପରେ ଗୁରୁତ୍ୱ ଦିଆଯିବ। ବିଏମସି କମିଶନର ପ୍ରେମଚନ୍ଦ ଚୌଧୁରିଙ୍କ ନିର୍ଦ୍ଦେଶ ପରେ ବିଏମସିର ସମସ୍ତ ୬୭ଟି ଓ୍ବାର୍ଡରେ ଆରମ୍ଭ ହୋଇଛି ଏହି ଅଭିଯାନ।

ପ୍ରତ୍ୟେକ ଅଙ୍ଗନବାଡି କେନ୍ଦ୍ରକୁ ଗୋଟିଏ ଗୋଟିଏ ୟୁନିଟ ଭାବେ ଗ୍ରହଣ କରି ଏହି କାର୍ଯ୍ୟକୁ ତ୍ବରାନ୍ବିତ କରାଯାଇଛି। ଏହି ଅଭିଯାନରେ ବସ୍ତି ଅଞ୍ଚଳକୁ ଫୋକସରେ ରଖାଯାଇଛି। ଭୁବନେଶ୍ବରରେ ମୋଟ ୩୭୭ ଅଙ୍ଗନବାଡି କେନ୍ଦ୍ର ଥିବା ବେଳେ ୪୩୬ ବସ୍ତି ଚିହ୍ନଟ ହୋଇଛି । ଏହି କାର୍ଯ୍ୟରେ ୪୫୦ କର୍ମଚାରୀ ନିୟୋଜିତ ରହି ତଥ୍ୟ ସଂଗ୍ରହ କରୁଛନ୍ତି । ପ୍ରତ୍ୟେକ ଟିମରେ ଜଣେ ଅଙ୍ଗନବାଡି କର୍ମୀ, ଜଣେ ଆଶାକର୍ମୀ ଓ ଜଣେ ବହୁମୁଖୀ ସ୍ବାସ୍ଥ୍ୟ କର୍ମୀ ସାମିଲ ଅଛନ୍ତି ।

ତେବେ ପ୍ରଥମ ପର୍ଯ୍ୟାୟରେ ୪୩୬ ବସ୍ତିରେ ୨ ଲକ୍ଷ  ୮୧ ହଜାର ୭୮୫ଟି ପରିବାରର ତଥ୍ୟ ସଂଗ୍ରହ ହୋଇସାରିଛି। ବର୍ତ୍ତମାନ ଦ୍ବିତୀୟ ପର୍ଯ୍ୟାୟ ତଥ୍ୟ ସଂଗ୍ରହ ଜାରି ରହିଛି । ତଥ୍ୟ ସଂଗ୍ରହ ସମୟରେ ପରିବାରର ସଦସ୍ୟ ସଂଖ୍ୟା, ବୃତ୍ତି, ଟେଲିଫୋନ ନମ୍ବର, ୫୦ ବର୍ଷରୁ ଅଧିକ ବୟସ୍କଙ୍କ ସଂଖ୍ୟା, ସଦସ୍ୟଙ୍କ ଟ୍ରାଭେଲ ହିଷ୍ଟ୍ରି ଓ କିଛି ଲକ୍ଷଣ ବା ସ୍ବାସ୍ଥ୍ୟଗତ ସମସ୍ୟା ଆଦିର ତଥ୍ୟ ସଂଗ୍ରହ କରାଯାଉଛି। ତଥ୍ୟ ସଂଗ୍ରହ ପରେ ଟେଲିଫୋନ ଯୋଗେ ନିୟମିତ ବ୍ୟବଧାନରେ ଯୋଗାଯୋଗ କରାଯାଇ ସମ୍ପର୍କ ସ୍ଥାପନ କରି ଅପଡେଟ ତଥ୍ୟ ସଂଗ୍ରହ କରାଯାଉଛି ବୋଲି ବିଏମସି ପକ୍ଷରୁ ସୂଚନା ମିଳିଛି ।

ରେଳ ଲାଇନକୁ ଉଡ଼ାଇ ଦେଲେ ମାଓବାଦୀ

ଚକ୍ରଧରପୁର: ଝାଡ଼ଖଣ୍ଡ ରାଜ୍ୟ ଚକ୍ରଧରପୁର ଡିଭିଜନର ଲୋଟା ପାହାଡ ନିକଟରେ ରେଳ ଲାଇନକୁ ମାଓବାଦୀ ବିସ୍ଫୋରଣ କରି ଉଡ଼ାଇ ଦେଇଥିବା ଅଭିଯୋଗ ହୋଇଛି ।

ସୂଚନା ଅନୁଯାୟୀ, ଗତ ରାତିରେ ମାଓବାଦୀ ବିସ୍ପୋରଣ କରି ଉଡାଇ ଦେଇଥିବା ଅଭିଯୋଗ ହୋଇଛି। ମାଓବାଦୀଙ୍କ ୨୪ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଥିବାରୁ ଲୋଟା ପାହାଡ଼ ଟିକଟରେ ରେଲୱେ ଟ୍ରାକରେ ବିସ୍ଫୋରଣ କରି ରେଳ ଲାଇନ ଉଡାଇ ଦେଇଥିବା ଅଭିଯୋଗ ହୋଇଛି।

ତେବେ ରେଳ ଲାଇନ ଉଡାଇ ଦେଇଥିବାରୁ ରେଳ ଚଳାଚଳ ବିଳମ୍ବ ହୋଇଛି। ସୂଚନା ପାଇ ଚକ୍ରଧରପୁର ରେଲୱେ ଡିଭିଜନର ବରିଷ୍ଠ ଅଧିକାରୀ ଓ ରେଲୱେ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଵା ସହ ମରାମତି କାର୍ଯ୍ୟ ଆରମ୍ଭ କରାଯାଇଛି ଥିବା ନେଇ ସୂଚନା ମିଳିଛି।

ପିପିଲି ଉପନିର୍ବାଚନ; ଆଜି ପ୍ରାର୍ଥିପତ୍ର ଦାଖଲ କରିବେ କଂଗ୍ରେସ ପ୍ରାର୍ଥୀ

ପିପିଲି: ପିପିଲି ଉପନିର୍ବାଚନ ପାଇଁ ଆଜି ପ୍ରାର୍ଥିପତ୍ର ଦାଖଲ କରିବେ କଂଗ୍ରେସ ପ୍ରାର୍ଥୀ । କଂଗ୍ରେସର ପିପିଲି ପ୍ରାର୍ଥୀ ବିଶ୍ବକେଶନ ହରିଚନନ୍ଦନ ମହାପାତ୍ର ନାମାଙ୍କନ ପତ୍ର ଦାଖଲ କରିବେ । କରୋନା କଟକଣା ଗାଇଡଲାଇନକୁ ମାନି ପୁରୀରେ ବିଶ୍ବକେଶନ ପ୍ରାର୍ଥୀ ପତ୍ର ଦାଖଲ କରିବେ ବୋଲି ସୂଚନା ଦେଇଛନ୍ତି ଜଟଣୀ ବିଧାୟକ ସୁର ରାଉତରାୟ।

ପୂର୍ବରୁ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ବିୟୋଗ ପରେ ପରବର୍ତ୍ତୀ ଅବସ୍ଥାରେ ମେ ୧୬ରେ ନିର୍ବାଚନ ହେବ ବୋଲି ତାରିଖ ଧାର୍ଯ୍ୟ ହୋଇଛି । ମେ ୧୯ରେ ହେବ ଭୋଟ ଗଣତି । ପୂର୍ବରୁ ବିଜେଡିର ରୁଦ୍ର ପ୍ରତାପ ମହାରଥୀ ଓ ବିଜେପିର ଆଶ୍ରିତ ପଟ୍ଟନାୟକ ମଇଦାନରେ ଅଛନ୍ତି।

ଅଧିକ ପଢନ୍ତୁ- ପିପିଲି ଉପ-ନିର୍ବାଚନ ନେଇ କଂଗ୍ରେସ ପ୍ରାର୍ଥୀ ହେଲେ ବିଶ୍ୱକେଶନ ହରିଚନ୍ଦନ

ପିପିଲି ଉପନିର୍ବାଚନ ପାଇଁ କଂଗ୍ରେସ ପକ୍ଷରୁ ପ୍ରାର୍ଥୀ ହୋଇଥିଲେ ଅଜିତ ମଙ୍ଗରାଜ। ଗତ ୧୪ ତାରିଖରେ ରାଜଧାନୀରେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଅଜିତଙ୍କ ମୃତ୍ୟୁ ହୋଇଥିଲା । ତାଙ୍କର କରୋନା ପରୀକ୍ଷା ରିପୋର୍ଟ ପଜିଟିଭ୍ ଆସିଥିଲା ବେଳେ ଭୁବନେଶ୍ବରର ଏକ ଘରୋଇ ହସପିଟାଲରେ ଶେଷ ନିଃଶ୍ବାସ ତ୍ୟାଗ କରିଥିଲେ ।