ଭୁବନେଶ୍ୱର: ବ୍ରିଟେନ୍ ଫେରନ୍ତାଙ୍କୁ ନେଇ ରାଜଧାନୀବାସୀ ଭୟଭୀତ ହେବାର ଆବଶ୍ୟକତା ନାହିଁ। ସମସ୍ତ ଫେରନ୍ତାଙ୍କୁ ଚିହ୍ନଟ କରାଯାଇଛି । ଅଧିକାଂଶଙ୍କ ଟେଷ୍ଟ ବି ସରିଛି । ଅପେକ୍ଷା କେବଳ ରିପୋର୍ଟକୁ । ସେପଟେ ସ୍ମାର୍ଟସିଟିରେ ଟିକାକରଣ ପାଇଁ ବିଏମ୍ସି ବ୍ଲୁ-ପ୍ରିଣ୍ଟ ପ୍ରସ୍ତୁତ କରି ରାଜ୍ୟ ସରକାରଙ୍କୁ ଦେଇଛି । ଅନୁମତି ମିଳିଲେ ୩ଟି ପର୍ଯ୍ୟାରେ ହେବ ଟିକାକରଣ । ବ୍ରିଟେନ୍ର ନୂଆ ଷ୍ଟ୍ରେନ୍କୁ ନେଇ ସବୁଆଡେ ଚିନ୍ତା । ଦେଶରେ ଚିହ୍ନଟ ହେଲେଣି ଏକାଧିକ ଆକ୍ରାନ୍ତ । ଏଭଳି ପରିସ୍ଥିତିରେ ଓଡିଶାକୁ ଫେରିଛନ୍ତି ୮୦ରୁ ଅଧିକ । ସେଥିମଧ୍ୟରୁ ୬୨ଜଣ ଭୁବନେଶ୍ବର ତଥା ଆଖପାଖର ଥିବା ବେଳେ ଅବଶିଷ୍ଟ ବିଭିନ୍ନ ଜିଲ୍ଲାର । ଭୁବନେଶ୍ବରର ମୋଟ ୬୨ଜଣଙ୍କ ମଧ୍ୟରୁ ୫୮ଜଣଙ୍କୁ ଚିହ୍ନଟ କରାଯାଇଥିବା ବେଳେ ସେମାନଙ୍କ ଟେଷ୍ଟିଂ ସରିଛି । ଅବଶିଷ୍ଟ ୪ଜଣଙ୍କୁ ଖୁବଶୀଘ୍ର ଚିହ୍ନଟ କରାଯିବ ବୋଲି କହିଛନ୍ତି ବିଏମ୍ସି କମିଶନର । ପୂର୍ବରୁ ପଜିଟିଭ୍ ଚିହ୍ନଟ ହୋଇଥିବା ବ୍ୟକ୍ତିଙ୍କ ପୁଣେରୁ ରିପୋର୍ଟ ଆସିନାହିଁ । ସମସ୍ତ ବ୍ରିଟେନ୍ ଫେରନ୍ତାଙ୍କ କଣ୍ଟାକ୍ଟ ଟ୍ରେସିଂ କରାଯାଇ ସଂସ୍ପର୍ଶରେ ଆସିଥିବା ଲୋକଙ୍କୁ ସଂଗରୋଧରେ ରହିବାକୁ ପରାମର୍ଶ ଦିଆଯାଇଛି । ସେପଟେ କରୋନା ଭ୍ୟାକ୍ସିନ ପାଇଁ ସ୍ମାର୍ଟସିଟିରେ ଚାଲିଛି ବ୍ୟାପକ ପ୍ରସ୍ତୁତି । ୩ଟି ପର୍ଯ୍ୟାୟରେ କରାଯିବ ଟୀକାକରଣ । ଏଥିପାଇଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରାଯିବା ସହ ରାଜ୍ୟ ସରକାରଙ୍କୁ ପ୍ରଦାନ କରାଯାଇଛି ।
ସାବଧାନ! ଏବେ ଓଡ଼ିଶାରେ ଆରମ୍ଭ ହୋଇଯାଇଛି ହନିଟ୍ରାପ୍, ଆପଣ ବି ଫସିପାରନ୍ତି: ଜାଣନ୍ତୁ କିଭଳି
ଭୁବନେଶ୍ୱର: ସାବଧାନ ସୋସିଆଲ ମିଡିଆରେ ମାତିଛନ୍ତି ଛଦ୍ମବେଶୀ ଠକ । ଫେସବୁକରେ ବନ୍ଧୁ ହେବେ ହ୍ୱାଟସ୍ ଆପରେ ନମ୍ବର ଦେବେ । ନ୍ୟୁଡ ଭିଡିଓ କଲରେ କଥା ହେବା ବାହାନାରେ ଆପଣଙ୍କୁ କରିବେ ହନିଟ୍ରାପ । ଥରେ ଛନ୍ଦି ହୋଇଯିବା ପରେ ଆପଣଙ୍କଠାରୁ ଲୁଟିବେ ଲକ୍ଷ ଲକ୍ଷ ଟଙ୍କା । ଦେଶର ବିଭିନ୍ନ ରାଜ୍ୟରେ ଏମିତି ଘଟଣା ଘଟୁଥିବାବେଳେ ଏବେ ନଜର ଆସିଛି ଓଡିଶାରେ । ଅନଲାଇନ ଲୁଟର ନୂଆଫଣ୍ଡା ସେକ୍ସର୍ରଟନ ସାମ୍ନାକୁ ଆସିବା ପରେ ମୁଣ୍ଡରେ ହାତ ଦେଇଛନ୍ତି ସାଇବର ଏକ୍ସପର୍ଟ ।
View this post on Instagram
ସାବଧାନ ହୋଇଯାଆନ୍ତୁ ! ଆପଣ ବି ହୋଇପାରନ୍ତି ସେକ୍ସର୍ରଟନର ଶିକାର । କାରଣ ସୋସିଆଲ ମିଡିଆରେ ମାତିଛନ୍ତି ଛଦ୍ମବେଶୀ ଠକ । ଦେଶର ବିଭିନ୍ନ ରାଜ୍ୟରେ ଏପରି ଘଟଣା ଘଟୁଥିବାବେଳେ ଏବେ ଓଡ଼ିଶାରେ ବି ଜାଲ ବିଛାଇଛନ୍ତି ଏହି ନୂଆ ଷ୍ଟାଇଲର ଠକ । ଅଜଣା ସୁନ୍ଦରୀ ଝିଅ ଫଟୋକୁ ପ୍ରୋଫାଇଲ ପିକ୍ ରଖି ଫେସବୁକ, ଇନଷ୍ଟାଗ୍ରାମ, ଟ୍ୱିଟର ପରି ସୋସିଆଲ ମିଡିଆରେ ଫ୍ରେଣ୍ଡ ରିକ୍ୟୁଏଷ୍ଟ ପଠାଉଛନ୍ତି ଠକ । ଫ୍ରେଣ୍ଡ ରିକ୍ୟୁଏଷ୍ଟ ଆକ୍ସେପ୍ଟ କରିବା ପରେ ଆପଣଙ୍କ ସହିତ ଚାଟିଂ ଆରମ୍ଭ କରୁଛନ୍ତି। ସମ୍ପର୍କ ନିବିଡ ହେବା ପରେ ଆପଣଙ୍କ ସହିତ ଆରମ୍ଭ କରିଦେବେ ନ୍ୟୁଡ ଚାଟିଂ । ତା ପରେ କହିବେ ନ୍ୟୁଡ ହୋଇ ଭିଡିଓ କଲରେ କଥା ହେବାକୁ । ଆପଣ ଯଦି ରାଜି ହୋଇଗଲେ, କଥା ସରିଲା । ରେକର୍ଡ ହୋଇଯାଏ ନ୍ୟୁଡ ଭିଡିଓ କଲ୍ । ଏହା ପରେ ଆରମ୍ଭ ହୋଇଯାଏ ନ୍ୟୁଡ ଭିଡିଓର ରିଏଲ ଗେମ । ସୋସିଆଲ ମିଡିଆରେ ଭାଇରାଲର ଧମକ୍ ଦେଇ ଆରମ୍ଭ କରି ଦିଅନ୍ତି ବ୍ଲାକମେଲିଂ । ଲୋକଲଜ୍ୟା ଭୟରେ ଆପଣଙ୍କୁ ଗଣିବାକୁ ପଡିପାରେ ଲକ୍ଷଲକ୍ଷ ଟଙ୍କା । ଦିଲ୍ଲୀ, ମୁମ୍ବାଇ, ଚେନ୍ନାଇ ପରି ମେଟ୍ରୋ ସିଟିରେ ଦେଖିବାକୁ ମିଳୁଥିବା ବେଳେ ଏଭଳି ଘଟଣା ଓଡିଶାରେ ନଜରକୁ ଆସିଥିବା ଟୁପୁରୁଟାପୁରୁ ହେଉଛନ୍ତି ।
ବିଦ୍ୟାଳୟ ଓ କଲେଜ୍ ଖୋଲିବାକୁ ରାଜ୍ୟ ସରକାରଙ୍କ ସବୁଜ ସଂକେତ
ଭୁବନେଶ୍ୱର: ଜାନୁଆରୀରେ କରୋନା କଟକଣାକୁ ଆଉ ଟିକିଏ କୋହଳ କରିଛନ୍ତି ରାଜ୍ୟ ସରକାର । ରାଜ୍ୟରେ ଦୀର୍ଘ ୯ ମାସ ହେଲା ବନ୍ଦ ଥିବା ସିନେମା ହଲ୍ ଖୋଲିବାକୁ ଅନୁମତି ପ୍ରଦାନ କରାଯାଇଛି । ତେବେ, ପ୍ରେକ୍ଷାଳୟରେ ଦର୍ଶକ ବସିବାର ୫୦ ପ୍ରତିଶତ ସିଟକୁ ନେଇ ହଲ୍ ଓ ଥିଏଟର ଖୋଲିବ । ଏଥିସହ ଯାତ୍ରା ଓ ମୁକ୍ତାକାଶ ରଙ୍ଗମଞ୍ଚକୁ ଅନୁମତି ଦିଆଯାଇଛି ।
ନୂଆବର୍ଷରୁ ବ୍ୟବସାୟଭିତ୍ତିକ ପ୍ରଦର୍ଶନୀ ଆୟୋଜନ ହୋଇପାରିବ । ନବମରୁ ଦ୍ୱାଦଶ ଶ୍ରେଣୀ ଯାଏ ବିଦ୍ୟାଳୟ ଖୋଲିବାକୁ ସବୁଜ ସଂକେତ ଦେଇଛନ୍ତି ସରକାର । ତେବେ, ଏନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ନିଷ୍ପତ୍ତି ନେବ । କଲେଜ ଖୋଲିବା ନେଇ ଘୋଷଣା କରିବ ଉଚ୍ଚଶିକ୍ଷା ବିଭାଗ । ଜାନୁଆରୀ ୩୧ ଯାଏ ବନ୍ଦ ରହିବ ସମସ୍ତ ଅଙ୍ଗନୱାଡ଼ି କେନ୍ଦ୍ର । ମନ୍ଦିର ଏବଂ ବିଭିନ୍ନ ଧର୍ମାନୁଷ୍ଠାନ ଖୋଲିବା ନେଇ ଜିଲ୍ଲାପାଳ ନିଷ୍ପତ୍ତି ନେବେ । ସରକାରଙ୍କ ଦ୍ୱାରା ପରିଚାଳିତ ସୁଇମିଂ ପୁଲରେ ତାଲିମ୍ ପାଇଁ ଅନୁମତି ଦିଆଯାଇଛି ।
ଏହା ଛଡ଼ା ପୂର୍ବଭଳି କେବଳ କଣ୍ଟେନମେଣ୍ଟ ଜୋନରେ ଜାରି ରହିବ ଲକଡାଉନ୍ । ସ୍ଥାନୀୟ ପ୍ରଶାସନ କଣ୍ଟେନମେଣ୍ଟ ପରିସୀମା ନିର୍ଦ୍ଧାରଣ କରିବ । ୩୧ ଜାନୁଆରୀ ଯାଏ ଅନ୍ତର୍ଜାତୀୟ ବିମାନ ସେବା ଉପରେ କଟକଣା ଜାରି ରହିବ । ସାଂସ୍କୃତିକ, ଧାର୍ମିକ, ସାମାଜିକ, କ୍ରୀଡ଼ା, ଶୈକ୍ଷିକ କାର୍ଯ୍ୟକ୍ରମକୁ ଅନୁମତି ମିଳିଛି । ଏଭଳି କାର୍ଯ୍ୟକ୍ରମରେ ସର୍ବାଧିକ ୨୦୦ ଲୋକ ଅଂଶଗ୍ରହଣ କରିପାରିବେ । ଏଥିପାଇଁ ସ୍ଥାନୀୟ ପ୍ରଶାସନର ଅନୁମୋଦନ ନେବାକୁ ହେବ । ବିବାହ କାର୍ଯ୍ୟରେ ୨୦୦ ଜଣ ଲୋକଙ୍କୁ ସାମିଲ୍ ସହ ଅନ୍ତ୍ୟେଷ୍ଟି କ୍ରିୟାରେ ସର୍ବାଧିକ ୧୦୦ ଜଣ ଲୋକଙ୍କୁ ସାମିଲ୍ ଅନୁମତି ଦିଆଯାଇଛି ।
ଜୟପୁରରେ ଭଟ୍ଟ ଓ କପୁର ପରିବାର: ହେବ କି ନିର୍ବନ୍ଧ !
ମୁମ୍ବାଇ: ବଲିଉଡ ଅଭିନେତା ରଣବୀର କପୁର ଓ ଅଭିନେତ୍ରୀ ଆଲିଆ ଭଟ୍ଟଙ୍କୁ ନେଇ ପୁଣିଥରେ ଚର୍ଚ୍ଚା ଆରମ୍ଭ ହୋଇଯାଇଛି । ଦୀର୍ଘଦିନ ହେଲା ଲିଭଇନରେ ରହୁଥିବା ଏହି କପଲଙ୍କ ବିବାହ ଖବରକୁ ନେଇ ଜୋରଦାର ଚର୍ଚ୍ଚା ହେଉଛି । ପୂରା ପରିବାର ଏକାଠି ଜୟପୁରରେ ପହଞ୍ଚିଛନ୍ତି । ଲାଗୁଛି ନୂଆ ବର୍ଷ ପୂର୍ବରୁ ଏହି ପ୍ରେମୀ ଯୁଗଳ ବିବାହ କରିପାରନ୍ତି।
ସୂଚନା ମୁତାବକ ଖୁବଶୀଘ୍ର ଜୟପୁରରେ ରଣବୀର-ଆଲିଆଙ୍କ ନିର୍ବନ୍ଧ ହୋଇପାରେ। ଏଥିପାଇଁ ପୁରା କପୁର ପରିବାର ଏବଂ ଭଟ୍ଟ ପରିବାର ଜୟପୁରର ରଣଥାମ୍ଭୋରରେ ଡେରା ପକାଇଛନ୍ତି। ଗତକାଲି ସକାଳେ ଆଲିଆ-ରଣବୀର ମଧ୍ୟ ଜୟପୁରରେ ପହଞ୍ଚିଛନ୍ତି। ତାଙ୍କ ସହ ନୀତୁ କପୁର ଏବଂ ମହେଶ ଭଟ୍ଟ ମଧ୍ୟ ଥିବା ଦେଖିବାକୁ ମିଳିଥିଲା। ରଣବୀର-ଆଲିଆଙ୍କ ପରେ ଦୀପିକା ପାଦୁକୋନ ଏବଂ ରଣବୀର ସିଂହ ମଧ୍ୟ ଜୟପୁର ଗସ୍ତରେ ଯାଇଛନ୍ତି।
View this post on Instagram
ପୂର୍ବରୁ ଫିଲ୍ମ ଶୁଟିଂ ପାଇଁ ଆଲିଆ-ରଣବୀର ଜୟପୁର ଯାଉଥିବା ଶୁଣିବାକୁ ମିଳୁଥିଲ। ଏବେ କିନ୍ତୁ ଦୁହିଁଙ୍କ ନିର୍ବନ୍ଧ ନେଇ ଚର୍ଚ୍ଚା ହେଉଛି । ସୂଚନା ମୁତାବକ ଫିଲ୍ମ ନିର୍ମାତା କରଣ ଜୋହରଓ ନିର୍ଦ୍ଦେଶକ ଅୟାନ ମୁଖାର୍ଜୀ ମଧ୍ୟ ଆଜି ଗୋଅରୁ ଜୟପୁରର ରଣଥାମ୍ଭୋରରେ ପହଞ୍ଚିଛନ୍ତି। ରଣଥାମ୍ଭୋରରେ ପୁରା କପୁର ପରିବାର ଏବଂ ବଲିଉଡ ସେଲିବ୍ରିଟିମାନେ ଏକାଠି ହେବା ଖବର ଏବେ ସମସ୍ତଙ୍କୁ ଚକିତ କରିଛି। ସେଠାରେ କିଛି ନା କିଛି ପାରିବାରିକ ଫଙ୍କସନ ହୋଇପାରେ ବୋଲି ଅନୁମାନ କରାଯାଉଛି।
View this post on Instagram
ଅନ୍ୟପଟେ ରଣବୀରଙ୍କ ବଡ଼ବାପା ରନ୍ଧୀର କପୁର ଏହି ରିପୋର୍ଟକୁ ଖଣ୍ଡନ କରି କହିଛନ୍ତି, “ଏହା ସତ୍ୟ ନୁହେଁ। ଯଦି ରଣବୀର ଏବଂ ଆଲିଆ ଆଜି ବିବାହ କରୁଥାନ୍ତେ, ତେବେ ମୋ ପରିବାର ଏବଂ ମୁଁ ମଧ୍ୟ ସେମାନଙ୍କ ସହିତ ଥାନ୍ତୁ । ରଣବୀର, ଆଲିଆ ଏବଂ ନୀତୁ ଛୁଟି କଟାଇବାକୁ ଏବଂ ନୂଆ ବର୍ଷ ସେଲେବ୍ରେଟ କରିବାକୁ ସେଠାକୁ ଯାଇଛନ୍ତି। ସେମାନଙ୍କ ଯୋଗଦାନର ଖବର ଭୁଲ ନୁହେଁ। ”
ବରିଷ୍ଠ ପୋଲିସ ଅଧିକାରୀଙ୍କ ସମ୍ମିଳନୀ: ଶିଶୁ ଓ ମହିଳା ବିରୋଧୀ ଅପରାଧ ନେଇ ଗଠିତ ହେବ ପୋଲିସର ସ୍ୱତନ୍ତ୍ର ଓ୍ୱିଙ୍ଗ୍
ଭୁବନେଶ୍ୱର: ମହାମାରୀ କରୋନା ସମୟରେ ପୋଲିସ ବିଭାଗର କାର୍ଯ୍ୟକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହିତ କରୋନା ମୁକାବିଲାରେ ନିଜ ପ୍ରାଣବଳି ଦେଇଥିବା ପୋଲିସ କର୍ମଚାରୀ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ମୁଖ୍ୟମନ୍ତ୍ରୀ । ୬୨ ତମ ବରିଷ୍ଠ ପୋଲିସ ଅଧିକାରୀଙ୍କ ସମ୍ମିଳନୀରେ ଭିଡିଓ କନ୍ଫରେନ୍ସିଂ ଜରିଆରେ ଉଦବୋଧନ ଦେଇ ମୁଖ୍ୟମନ୍ତ୍ରୀ ଆହୁରି କହିଛନ୍ତି ଯେ, ୩୮ ଜଣ ପୋଲିସ କର୍ମଚାରୀଙ୍କ ପରିବାରକୁ ରେକର୍ଡ ସମୟ ମଧ୍ୟରେ ସ୍ୱତନ୍ତ୍ର ପେନସନ୍ ଯୋଗାଇଦିଆଯାଇଥିବା ୨୯ ଟି ପରିବାରକୁ ୫୦ ଲକ୍ଷ ଟଙ୍କାର ଆର୍ଥିକ ସହାୟତା ଯୋଗାଇଦିଆଯାଇଛି । ଅନ୍ୟମାନଙ୍କୁ ଖୁବଶୀଘ୍ର ସହାୟତା ରାଶି ପ୍ରଦାନ କରାଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଅପରପକ୍ଷରେ କରୋନରୁ ସୁସ୍ଥ ହୋଇ ପ୍ଳାଜ୍ମା ଦାନ କରିଥିବା ୯୩୦ ପୋଲିସ କର୍ମଚାରୀଙ୍କୁ ମଧ୍ୟ ସାଧୁବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ରାଜ୍ୟରେ ମାଓବାଦୀଙ୍କୁ ଦମନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ହୋଇଥିବା କହିଛନ୍ତି ମୁଖ୍ୟମନ୍ତ୍ରୀ । ତେବେ ମାଓ ବିରୋଧୀ ମୁକାବିଲାରେ ୨ ଜଣଙ୍କ ପ୍ରାଣହାନୀ ଘଟିଥିବା ବେଳେ ତାଙ୍କ ପରିବାର ଲୋକଙ୍କ ଭରଣପୋଷଣ ରାଜ୍ୟ ପୋଲିସ ଦ୍ୱାରା ବହନ କରାଯିବ । ଯୋଗାଯୋଗ କ୍ଷେତ୍ରରେ ମାଲକାନଗିରି ଓ କନ୍ଧମାଳ ଏସ୍ପିଙ୍କ କାର୍ଯ୍ୟକୁ ମଧ୍ୟ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ଏଥିସହିତ ଅନୁଗୁଳ ଓ କେନ୍ଦୁଝରରେ ଶିଳ୍ପ ବାତାବରଣ ବୃଦ୍ଧି ଦିଗରେ ସେଠାକାର ଏସ୍ପିଙ୍କ କାର୍ଯ୍ୟକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ଲୋକେ ଥାନାକୁ ଆସି ସେମାନଙ୍କ ଅଭିଯୋଗ ଜଣାଇପାରିବେ ଏବଂ ସେମାନଙ୍କ ସହ ଯେଭଳି ସଠିକ୍ ବ୍ୟବହାର କରାଯିବ ସେନେଇ ମୋ ସରକାର ଲାଗୁ କରାଯାଇଥିଲା । ଏବଂ ଏହାର ସୁଫଳ ମିଳିଥିବା କହିଛନ୍ତି ମୁଖ୍ୟମନ୍ତ୍ରୀ । ଏଥିସହିତ ଶିଶୁ ଏବଂ ମହିଳା ବିରୋଧରେ ଅପରାଧର ତଦନ୍ତ ନେଇ ଗଠିତ ହେବ ସ୍ୱତନ୍ତ୍ର ଓ୍ୱିଙ୍ଗ୍ । ଏ ନେଇ ସମ୍ମିଳନୀରେ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।
ଭାରତରେ ବଢ଼ୁଛି ବ୍ରିଟେନ୍ ଷ୍ଟ୍ରେନ୍ ସଂକ୍ରମିତଙ୍କ ସଂଖ୍ୟା
ନୂଆଦିଲ୍ଲୀ: ଚିନ୍ତା ବଢ଼ାଇଲେଣି ବ୍ରିଟେନ୍ ଫେରନ୍ତା। ଦିନକୁ ଦିନ ଭାରତରେ ବ୍ରିଟେନ୍ ଷ୍ଟ୍ରେନ୍ ସଂକ୍ରମଣ ବଢ଼ିବାରେ ଲାଗିଛି। ୨ ଦିନରେ ପାଖାପାଖି ୨୦ ଜଣ ପଜିଟି ଚିହ୍ନଟ ହେଲେଣି । କେନ୍ଦ୍ର ସରକାର ସବୁ ରାଜ୍ୟ ସରକାରଙ୍କୁ ଯାଞ୍ଚ, କଣ୍ଟେନମେଣ୍ଟ ଓ ଟେଷ୍ଟିଂ ବଢ଼ାଇବାକୁ ନିର୍ଦ୍ଦେଶ ଦେଇଛନ୍ତି ।
ଅନ୍ୟପଟେ କୋଲକାତାରେ ବ୍ରିଟେନରୁ ଫେରିଥିବା ବ୍ୟକ୍ତିଙ୍କ ନିକଟରେ ଷ୍ଟ୍ରେନ୍ ଲକ୍ଷଣ ଦେଖିବାକୁ ମିଳିଛି, ଜିନୋମ ସିକ୍ୱେସିଂ ଟେଷ୍ଟ ପରେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ବ୍ୟକ୍ତି ଜଣକ ଗତ ସପ୍ତାହରେ ବ୍ରିଟେନରୁ ଫେରିଥିଲେ ।
କର୍ଣ୍ଣାଟକରେ ମଧ୍ୟ କିଛି ଜଣଙ୍କ ଠାରେ ଷ୍ଟ୍ରେନର ଲକ୍ଷଣ ଦେଖିବାକୁ ମିଳିଛି ବୋଲି କର୍ଣ୍ଣାଟକର ସ୍ୱାସ୍ଥ୍ୟମନ୍ତ୍ରୀ ସୂଚନା ଦେଇଛନ୍ତି .ସଂକ୍ରମଣକୁ ଦୃଷ୍ଟିରେ ରଖି ଆସନ୍ତା ଜାନୁୟାରୀ ୭ ତାରିଖ ଯାଏ ବ୍ରିଟେନକୁ ବିମାନ ଚଳାଚଳ ବନ୍ଦ ନିଷ୍ପତ୍ତି. ଡିସେମ୍ବର ୩୧ ଯାଏ ବିମାନ ଚଳାଚଳ ବନ୍ଦ ହୋଇଥିଲା.
ଅନ୍ୟପଟେ ବ୍ରିଟେନ ଫେରନ୍ତା ବହୁ ଯାତ୍ରୀଙ୍କ ପତ୍ତା ପାଉନି ପ୍ରଶାସନ । ପୁନେର ୧୦୯ ଯାତ୍ରୀଙ୍କ ପତ୍ତା ମିଳୁ ନ ଥିବା ବେଳେ ଓଡ଼ିଶାରେ ୬୨ ଜଣଙ୍କ ଖବର ମିଳୁନି ।
ଅନ୍ୟ କେତେକ ରାଜ୍ୟରେ ବି ସମାନ ସମସ୍ୟା ଦେଖାଦେଇଛି । ବ୍ରିଟେନ ଫେରନ୍ତାମାନେ ନିଜ ଆଡୁ ତଥ୍ୟ ପ୍ରଦାନ କରିବାକୁ ନିବେଦନ କରିଛନ୍ତି ସରକାର ।
ମାନସିକ ବିକାରଗ୍ରସ୍ତ ବ୍ୟକ୍ତିଙ୍କୁ ଗାଁ ଦାଣ୍ଡରେ ନିର୍ଧୁମ ମାଡ଼ ମାରିଲେ ଯୁବକ
ଢ଼େଙ୍କାନାଳ: ମରିଗଲା ମାନବିକତା । ଢେ଼ଙ୍କାନାଳରେ ଯୁବକଙ୍କ ଉନ୍ମତ୍ତ କାଣ୍ଡ । ମାନସିକ ବିକାରଗ୍ରସ୍ତ ବ୍ୟକ୍ତିକୁ ଗାଁ ଦାଣ୍ଡରେ ଉଲଗ୍ନ କରି ନିର୍ଧୁମ ଛେଚିଲେ ଯୁବକ । ଢେଙ୍କାନାଳ ଇନ୍ଦୁପୁର ଗାଁ ତଳ ନୂଆସାହିର ଘଟଣା । ମାନସିକ ବିକାରଗ୍ରସ୍ତ ବ୍ୟକ୍ତି ହେଉଛନ୍ତି ଅର୍ଜୁନ ସାହୁ । ମାଡ଼ ମାରିଥିବା ଯୁବକ ରଜତ କୁମାର ନାଥଙ୍କ ଏପରି କାମକୁ ନିନ୍ଦା କରିଛନ୍ତି ସ୍ଥାନୀୟ ଲୋକ । ମାନସିକ ବିକାରଗ୍ରସ୍ତ ଯୁବକଙ୍କୁ ନିର୍ଧୁମ ମାଡ଼ ମାରୁଥିବା ଭିଡିଓ ଏବେ ସୋସିଆଲ୍ ମିଡିଆରେ ଭାଇରଲ ହେବାରେ ଲାଗିଛି । ଯେଉଁଥିରେ ଯୁବକ ଜଣକ ଗାଁ ଦାଣ୍ଡରେ ଲୋକଙ୍କ ଆଗରେ ଉଲଗ୍ନ କରି ମାଡ଼ କାରିଚାଲିଥିବା ଦେଖିବାକୁ ମିଳିଛି । ଆଉ ସମସ୍ତେ ଯେପରି ନିଦା ବିଷ୍ଣୁ ସାଜିଛନ୍ତି । ଏପରିକି ମାଡ଼ରୁ ରକ୍ଷା ପାଇବା ପାଇଁ ପୋଲିସ ପୋଲିସ ଡାକୁଛି ବ୍ୟକ୍ତି ଜଣଙ୍କ । ଭାବୁଛି ପୋଲିସ ନା ଶୁଣିଲେ ମାରୁଥିବା ବ୍ୟକ୍ତି ଡରିଯିବ ଆଉ ତାକୁ ଛାଡି ଦେବ । ହେଲେ ନିଷ୍ଠୁର ବ୍ୟକ୍ତିଙ୍କ ମନରେ ଟିକେ ହେଲେ ଦୟା ମାୟା ନାହିଁ । ଆଖିବୁଜା ପିଟି ଚାଲିଛି ନିରୀହ ଲୋକଟିକୁ ।
ଏଥିସହିତ ପଢ଼ନ୍ତୁ: ସରକାରୀ ଅଫିସରେ ନୂଆବର୍ଷ କଟକଣା
କାନଫୁଲ ଦେଖିବାକୁ ମାଗି ଲୁଟିନେଲେ ଦୁର୍ବୃତ୍ତ
ବୁର୍ଲା ସହରର ଉପରୁ ଦିନ ଦ୍ଵିପ୍ରହରରେ ଲୁଟ୍ । ଇନ୍ଦିରା ଛକସ୍ଥିତ ଉତ୍କଳ ଜବେଲେରିରୁ ଲୁଟ ଅଭିଯୋଗ । ଦୋକାନୀଙ୍କୁ ନାକଫୁଲ ଦେଖିବାକୁ ମାଗି ଲୁଟେନେଲେ ୨ ଯୁବକ । ଅଭିଯୋଗ ଅନୁସାରେ ଦୁଇଜଣ ଯୁବକ ଦୋକାନୀଙ୍କୁ ନାକ ଫୁଲ ଦେଖିବାକୁ ମାଗିଥିଲେ । ଦୋକାନୀ ନାକଫୁଲ ଦେଖାଉଥିବା ବେଳେ ଯୁବକ ଦୁଇଜଣ ନାକଫୁଲ ଲୁଟ୍ କରି ନେଇଥିଲେ ।
ଏଥିସହିତ ପଢ଼ନ୍ତୁ: ୬ ଦୁର୍ନୀତିଗ୍ରସ୍ତ ଅଧିକାରୀଙ୍କୁ ବାଧ୍ୟତାମୂଳକ ଅବସର
ବିଶ୍ୱସ୍ତରୀୟ ହେବ ପାରାଦୀପ ବନ୍ଦର: ଖର୍ଚ୍ଚ ହେବ ୩ ହଜାର କୋଟି
ଭୁବନେଶ୍ୱର: ପାରାଦୀପ ବନ୍ଦରର ହେବ ବିଶ୍ୱସ୍ତରୀୟ । ବନ୍ଦରରେ ଓ୍ୱେଷ୍ଟର୍ଣ୍ଣ ଡକ୍ ନିର୍ମାଣ ହେବ । ଯାହା ଫଳରେ ବନ୍ଦରକୁ କେପ୍ ସାଇଜ୍ ଭେସେଲ ଆସିପାରିବ । କମ୍ ସମୟ ମଧ୍ୟରେ ଅଧିକ ମାଲ ପରିବହନ ନେଇ ବଡ଼ ଜାହାଜ ନିର୍ମାଣ ଚାଲିଛି । ହେଲେ ସେ ସବୁ ଡକ୍ ମଧ୍ୟକୁ ଆସିପାରୁନଥିବାରୁ ନୂଆ ଡକ୍ ନିର୍ମାଣ କରାଯିବ । ଏହି ନୂଆ ଡକ୍ ନିର୍ମାଣ ପରେ ବନ୍ଦରକୁ ଆସିପାରିବ ବୃହତକାୟ ଜାହଜ । ଏହି ନବୀକରଣ ଓ ବିଶ୍ୱସ୍ତରୀୟ ବନ୍ଦର ନିର୍ମାଣ ପାଇଁ ଖର୍ଚ୍ଚ ହେବ ୩୦୦୪.୬୩ କୋଟି ଟଙ୍କା । ଏ ସମ୍ପର୍କିତ ପ୍ରସ୍ତାବକୁ ମିଳିଛି କେନ୍ଦ୍ର କ୍ୟାବିନେଟର ମଞ୍ଜୁରୀ । ପରାଦୀପ ବନ୍ଦର ବିକାଶିତ ହେଲେ ପୂର୍ବ ଭାରତର ଉନ୍ନତି ସମ୍ଭବ ବୋଲି କହିଛନ୍ତି କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ମନସୁଖ ମଣ୍ଡିଭିୟ ।
ଏଥିସହିତ ପଢ଼ନ୍ତୁ: କୋଭିଡ ଭ୍ୟାକ୍ସିନ୍ ଡ୍ରାଏ ରନ୍ ଲାଗି ଓଡ଼ିଶା ପ୍ରସ୍ତୁତ
ଶ୍ରୀନଗରରେ ପୋଲିସ-ଆତଙ୍କବାଦୀ ମୁହାଁମୁହି: ଟଳିଲେ ୩ ଆତଙ୍କବାଦୀ
ନୂଆଦିଲ୍ଲୀ: ଶ୍ରୀନଗରରେ କାଶ୍ମୀର ଜୋନ୍ ପୋଲିସକୁ ବଡ଼ ସଫଳତା। ସର୍ଚ୍ଚ ଅପରେସନ ବେଳେ ୩ ଆତଙ୍କବାଦୀ ନିହତ କରିଛି କାଶ୍ମୀର ପୋଲିସ୍।
ଶ୍ରୀନଗରର ଲାଓପୋରା ଅଞ୍ଚଳରେ ଚାଲିଥିବା ଅପରେସନରେ ପୋଲିସ-ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ପୋଲିସ ଗୁଳିରେ ତିନି ଆତଙ୍କବାଦୀଙ୍କ ମୃତ୍ୟୁ ହୋଇଛି । ଏବେ ବି ସର୍ଚ୍ଚ ଅପରେଶନ ଜାରି ରହିଛି ।
ଅନ୍ୟପଟେ ବାଲାକୋଟ୍ ସେକ୍ଟରରୁ ଗତ ରବିବାର ଗିରଫ ହୋଇଥିବା ୩ ମାଓବାଦୀ ଲୁଚାଇ ରଖିଥିବା ଦୁଇଟି ବନ୍ଧୁକ, ୭୦ ରାଉଣ୍ଡ ଗୁଳି ଓ ଦୁଇଟି ଗ୍ରେନେଡ୍ ଉଦ୍ଧାର କରାଯାଇଛି। ଏହି ମାଓବାଦୀମାନେ ପାକିସ୍ତାନରୁ ଆସିଥିବା ବେଳେ ସେମାନେ ଲୁଚାଇ ରଖିଥିବା ବିପୁଳ ଅସ୍ତ୍ରଶସ୍ତ୍ର ଜବତ କରଯାଇଛି ବୋଲି ସେଠାକାର ପୋଲିସ କହିଛି ।