ଭୁବନେଶ୍ୱର: ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କୁ କଂଗ୍ରେସର ୧୫ ଦିନିଆ ମହଲତ । କିଏ ଟଙ୍କା ଖାଇଛି ୧୫ ଦିନ ଭିତରେ ସେନେଇ ପ୍ରମାଣ ଦିଅନ୍ତୁ ବୋଲି କହିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ନହେଲେ ପରିସ୍ଥିତି ଭୟାନକ ହେବ ବୋଲି ସୁର ଚେତାବନୀ ଦେଇଛନ୍ତି । ପରୀ ମୃତ୍ୟୁ ମାମଲାରେ ସେମାନେ ଏସଆଇଟି ତଦନ୍ତ ଦାବି କରିଥିଲେ । ସରକାର ମଧ୍ୟ ଏସଆଇଟିକୁ ତଦନ୍ତ ଦାୟିତ୍ୱ ଦେଇଛନ୍ତି । ଭାରତୀୟ ଜନତା ପାର୍ଟି ଡ୍ରାମା କରୁଛି । ବିଧାନସଭା ଭିତରେ ଡ୍ରାମା କଲେ, ବାହାରେ ବି କରୁଛନ୍ତି । ସମ୍ବିତଙ୍କର ଏଭଳି ମନ୍ତବ୍ୟ କଷ୍ଟ ଦେଇଛି ବୋଲି ସୁର କହିଛନ୍ତି ।

ପଇସା ନେଇ ହିସାବ ନଦେଲେ ବିଚ୍ ରାସ୍ତାରେ ଜବାବ ଦେବେ ବୋଲି ସୁର କହିଛନ୍ତି । ସେପଟେ ଗଣମାଧ୍ୟମରେ କ୍ଷମା ନମାଗିଲେ ସମ୍ବିତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନେଇ ଚେତାବନୀ ଦେଇଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ବିଜେପି ଏକ ବହୁରୂପୀ ଦଳ । ବେଳେବେଳେ ସେମାନେ ବିଳିବିଳେଇ ହୁଅନ୍ତି ବୋଲି ନରସିଂହ କହିଛନ୍ତି । କଂଗ୍ରେସର ୯ଜଣ ବିଧାୟକ ପରୀ ମୃତ୍ୟୁ ମାମଲାରେ ପଇସା ଖାଇଥିବା ସମ୍ବିତ ପାତ୍ର ଅଭିଯୋଗ ଆଣିଥିଲେ।

ମାଲକାନାଗିରି: ଛତିଶଗଡ଼-ମାଲକାନାଗିରି ସୀମାରେ ମାଓ ତାଣ୍ଡବ । ଛତିଶଗଡ଼ର ବିଜାପୁରରେ ସାଧାରଣ ଲୋକଙ୍କ ଗାଡ଼ିକୁ ଟାର୍ଗେଟ କରିଛି ମାଓ ସଂଗଠନ  ।  ଆଇ ଇ ଡି ବିସ୍ଫୋରଣରେ ଉଡ଼ିଲା ଗାଡ଼ି । ବିସ୍ଫୋରଣରେ ଦୁଇ ଜଣ ଗୁରୁତର ଆହତ ହୋଇଥିବା ସୂଚନା ମିଳିଛି । ସ୍ଥାନୀୟ ଅଞ୍ଚଳର ମୋହମ୍ମଦ ଇକବାଲ ଓ ବଲରାମ ପ୍ରଧାନ ଆହତ ହୋଇଛନ୍ତି । ବାସାଗୁଡ଼ା ସ୍ଥିତ ଏକ ଡାକ୍ତରଖାନାରେ ଉଭୟଙ୍କର ଚିକିତ୍ସା ଚାଲିଛି ।

ବାସାଗୁଡ଼ା ଥାନାରୁ ମାତ୍ର ୨ କିଲୋମିଟର ମଧ୍ୟରେ ମାଓବାଦୀ କରିଛନ୍ତି ଏବଳି ବିସ୍ଫୋରଣ  ।  ଘଟମାସ୍ଥଳରେ ପୋଲିସ ପହଞ୍ଚିଥିବାବେଳେ ଏସପି କମଲୋଚନ କଶ୍ୟପ ସ୍ଥିତିର ଅନୁଧ୍ୟାନ କରୁଛନ୍ତି । ସେହିପରି ଗଙ୍ଗାଲୁରରେ ଆସିଛି ଏକ ଦୁଃଖଦ ଖବର । ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତିଙ୍କୁ ହତ୍ୟା କରି ଗାଁରେ ଶବ ଫୋଫାଡ଼ି ଦେଇଥିବା ଖବର ମିଳୁଛି । ଏନେଇ ଥାନାରେ କୌଣସି ମାମଲା ହୋଇନଥିବାବେଳେ  ପୋଲିସ  ପାଖରେ ସୂଚନା ଥିବା ଗଙ୍ଗାଲୁର ଥାନାଧିକାରୀ ସୂଚନା ଦେଇଛନ୍ତି ।

ଭୁବନେଶ୍ୱର: ଖୋଲିବ ଅଭୟ ପାଠକଙ୍କ ପାପ ପେଡ଼ି । ଆରମ୍ଭ ହେଲା ଏସଆଇଟିର ଖୋଳତାଡ଼ । ଏଥର ଆକାଶଙ୍କ ଡ୍ରାଇଭର ଖୋଲିବେ ଗୁମର । ଭିଜିଲାନ୍‌ସ ରେଡ୍‌ ପରେ ପାଠକଙ୍କ ଡ୍ରାଉଭର ଜୁମାରାତଙ୍କୁ ପଚରାଉଚରା କରୁଛି ଏସଆଇଟି । ଗତକାଲି ହାଜର ହେବା ପାଇଁ ତାଙ୍କୁ ନୋଟିସ୍ ହୋଇଥିଲା । ଏହାପରେ ଭିଜିଲାନ୍ସ ସେଲ କାର୍ଯ୍ୟାଳୟରେ ପାଠକଙ୍କ ଡ୍ରାଇଭର ଜୁମାରାତ ହାଜର ହୋଇଛନ୍ତି ।

ଅଭୟ ପାଠକଙ୍କର ସେ ଡ୍ରାଇଭର ଥିବାରୁ ତାଙ୍କ ଠାରୁ ଅଧିକ କିଛି ତଥ୍ୟ ମିଳିପାରେ ବୋଲି SIT ଆଶା ରଖିଛି । ଜୁମାରାତଙ୍କ ଘରେ ମଧ୍ୟ ଭିଜିଲାନ୍‌ସ ରେଡ୍‌ କରିଥିଲା । ଚଢାଉ ବେଳେ ତାଙ୍କ ଘରୁ ୨୦ ଲକ୍ଷ ଟଙ୍କା ଜବତ କରାଯାଇଥିଲା । ସେପଟେ ଭିଜିଲାନ୍‌ସ ସେଲ କାର୍ଯ୍ୟାଳୟରେ ବ୍ୟାଙ୍କ କର୍ମଚାରୀ ହାଜର ହୋଇଛନ୍ତି । ପ୍ରଥମ ଦିନରେ SIT ଟାର୍ଗେଟରେ ପ୍ରାୟ ୫ଟି ବ୍ୟାଙ୍କ କର୍ମଚାରୀ ଓ ଅଭୟକାନ୍ତଙ୍କ ଡ୍ରାଇଭର ହର୍ଷ ପାଠକ ରହିଛନ୍ତି । ତେବେ ସମନ ପରେ ଏମାନଙ୍କୁ SIT ଜେରା କରିବ ।

ଭୁବନେଶ୍ୱର: ସବୁ ରୁଟରେ ଚାଲିଲା ମୋ ବସ୍ । ଭୁବନେଶ୍ୱର, କଟକ ଓ ପୁରୀରେ ଗଡ଼ିଲା ମୋ ବସ୍ । କୋଭିଡ୍ ନିୟମ ପାଳନ ସହ ‘ମୋ ବସ୍’ଚଳାଚଳ ହୋଇଛି । ତେବେ କରୋନା କଟକଣା ଯୋଗୁଁ ରାଜ୍ୟରେ ବନ୍ଦ ଥିଲା ମୋ ବସ୍ ସେବା । ପ୍ରତିଦିନ ହଜାର ହଜାର ଲୋକ ଯାତାୟତ ପାଇଁ ମୋ ବସ୍ ଉପରେ ନିର୍ଭର କରୁଥିବା ବେଳେ ଲକ୍‌ଡାଉନ୍ ଆରମ୍ଭରୁ ମୋ ବସ୍ ଉପରେ ମଧ୍ୟ କଟକଣା ଲାଗିଥିଲା ।

ବର୍ତମାନ ଧିରେ ଧିରେ ଅନଲକ୍ ପର୍ଯ୍ୟାୟରେ ସବୁ କିଛି ଖୋଲିବାକୁ ଅନୁମତି ଥିବା ବେଳେ ରାଜ୍ୟ ସରକାର  । ପୂର୍ବରୁ ପର୍ଯ୍ୟାୟ କ୍ରମେ ମୋ ବସ୍ ଗୁଡିକୁ ଅନୁମତି ଦିଆଯାଇଥିଲା । ରାଜ୍ୟର ସମସ୍ତ ୨୨ ଟି ରୁଟ୍ ରେ ୧୪୪ଟି ମୋ ବସ୍ ଗଡିବ । ପୂର୍ବରୁ କରୋନା ପାଇଁ କେବଳ ୭ଟି ରୁଟ୍ ରେ ମୋ ବସ୍ ସେବା ଯୋଗାଇବା ପାଇଁ ଅନୁମତି ଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୮ ଟି ରୁଟ୍ ରେ ଓ ଶେଷ ଥର ପାଇଁ ନଭେମ୍ବର ମାସ ୧୭ ତାରିଖରେ ୧୦୯ଟି ମୋ ବସ୍ କୁ ଚଳାଚଳ ପାଇଁ ଅନୁମତି ମିଳିଥିଲା ।