ନୂଆଦିଲ୍ଲୀ: କରୋନା ଭାଇରସକୁ ରୋକିବା ପାଇଁ ସାରା ବିଶ୍ୱରେ ବୈଜ୍ଞାନିକମାନେ ଦିନରାତି କାର୍ଯ୍ୟ କରୁଛନ୍ତି । କୋଭିଡ -19 କୁ ନିୟନ୍ତ୍ରଣ କରିବା ପାଇଁ ବାରମ୍ବାର ପରୀକ୍ଷଣ ମଧ୍ୟ କରାଯଉଛି । ନିକଟରେ ହୋଇଥିବା ଏକ ଅଧ୍ୟୟନ ପରେ ବିଶେଷଜ୍ଞମାନେ ଦାବି କରିଛନ୍ତି ଯେ SARS-CoV-2 ର ମାରାତ୍ମକ ରୋଗ ଦୂର କରିବାରେ ଗ୍ରୀନ୍ ଟି, କ୍ରାନବେରୀ ଏବଂ ଡାଳିମ୍ବ ରସ ପ୍ରଭାବଶାଳୀ ହୋଇପାରେ ।
ଇନଷ୍ଟିଚ୍ୟୁଟ୍ ଅଫ୍ ମଲିକୁଲାର ଭାଇରୋଲୋଜି, ULM ୟୁନିଭରସିଟି ମେଡିକାଲ୍ ସେଣ୍ଟର ଏବଂ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଜର୍ମାନୀ) ଦ୍ୱାରା ଏକ ଅଂଶୀଦାରିତ ପରୀକ୍ଷଣ ପରେ କରୋନା ଭାରସର ସହ ଲଢ଼ିବାରେ ଭଲ ଫଳାଫଳର ଦାଦି କରିଛି । ଅନୁସନ୍ଧାନକାରୀମାନେ କହିଛନ୍ତି ଯେ ଏହି ତିନୋଟି ଜିନିଷ କୋଷରେ ସଂକ୍ରମଣକୁ ବଢ଼ିବାରୁ ରୋକିଥାଏ ।
ଏହି ଅଧ୍ୟୟନ ପାଇଁ ବୈଜ୍ଞାନିକମାନେ ହର୍ବାଲ ପଦାର୍ଥ ଯେପରିକି ଇନ୍ଫ୍ଲୁଏଞ୍ଜା ଏ ଭାଇରସ, ଆଡେନୋ ଭାଇରସ୍ ଟାଇପ -୫ ଏବଂ SARS-CoV-2କୁ ଏକ ରୁମରେ ସମାନ ତାପମାତ୍ରାରେ ଏକାଠି ରଖାଯାଇଥିଲା । ଅନୁସନ୍ଧାନକାରୀମାନେ ଏହି ପରୀକ୍ଷଣ ପରେ ଆଶ୍ଚର୍ଯ୍ୟଜନକ ଫଳାଫଳ ପାଇଥିଲେ ।
ରିପୋର୍ଟ ଅନୁଯାୟୀ, ଚୋକବେରୀ ରସ ଭାଇରସ ସଂକ୍ରମଣକୁ ୩ ହଜାର ଗୁଣ ହ୍ରାସ କରିବାରେ ସକ୍ଷମ ହୋଇଛି । ଯେଉଁଠାରେ ଡାଳିମ୍ବ ରସ, ଆଲଡେରି ରସ ଏବଂ ଗ୍ରୀନ୍ ଟି ଭାଇରସ୍ ସଂକ୍ରମଣକୁ ୧୦ ଗୁଣ ହ୍ରାସ କରିପାରିଛି ।
ଘୁଷୁରି ଫ୍ଲୁ ଭାଇରସ ଉପରେ ଏହି ଜିନିଷଗୁଡିକର ପ୍ରଭାବ ଦେଖିବାକୁ ଅନୁସନ୍ଧାନକାରୀମାନେ ମଧ୍ୟ ଏକ ପରୀକ୍ଷଣ କରିଥିଲେ । ଏହି ପରୀକ୍ଷଣରେ ସେ ଜାଣିବାକୁ ପାଇଲେ ଯେ ଏହି ଚାରିଟି ଜିନିଷ ୫ ମିନିଟରେ ୯୯ ପ୍ରତିଶତ ଭାଇରସ ସଂକ୍ରମଣକୁ ଦୂର କରିପାରିବ ।
ରିପୋର୍ଟ ଅନୁଯାୟୀ, ଚକୋବେରୀ ରସ SARS-CoV-2 ର ସଂକ୍ରମଣକୁ ୫ ମିନିଟରେ ୯୭% ପର୍ଯ୍ୟନ୍ତ ହ୍ରାସ କରିପାରେ । ଡାଳିମ୍ବ ରସ ଏବଂ ଗ୍ରୀନ୍ ଟି ଏହାର ପ୍ରଭାବକୁ ୮୦% ହ୍ରାସ କରିପାରେ । ତଥାପି, ଏଲଡବେରୀ ରସ SARS-CoV-2 ଉପରେ କୌଣସି ପ୍ରଭାବ ପକାଇ ନଥିଲା ।
ଅନୁସନ୍ଧାନକାରୀମାନେ ଏହି ସବୁ ଜିନିଷକୁ କୋଭିଡ -୧୯ ରୋଗରେ ଉପକାରୀ ବୋଲି ବର୍ଣ୍ଣନା କରିଛନ୍ତି । ସେମାନେ କହିଛନ୍ତି ଯେ ଅଧିକ ବିପଦ ଥିବା ରୋଗୀମାନେ ଏହାକୁ ବ୍ୟବହାର କରିବା ଜରୁରୀ । ହର୍ବାଲ ଚା କିମ୍ବା ରସ ସହିତ ଗାର୍ଲିଂ କରିବା ଦ୍ୱାରା ମଧ୍ୟ ଏହାର ଲାଭ ଅଛି ବୋଲି କୁହାଯାଇଛି ।
