ନୂଆଦିଲ୍ଲୀ: ଫେଷ୍ଟିଭ ସିଜିନରେ ଇ-କମର୍ସ ପ୍ଲାଟଫର୍ମରେ ନୂଆ ନୂଆ ଅଫର ଜାରି ରହିଛି । ଏଥିସହ ଫ୍ଲିପକାର୍ଟରେ ଦଶହରା ସେଲ ପରେ ଏବେ ଦିପାବଳୀ ସେଲ ପୁଣି ଆରମ୍ଭ ହୋଇଛି। ଯଦି ଆପଣ ଫୋନ କିଣିବାକୁ ଇଚ୍ଛା କରୁଛନ୍ତି ତେବେ ଆପଣ କମ୍ ମୂଲ୍ୟରେ ଅନେକ କମ୍ପାନୀର ସ୍ମାର୍ଟଫୋନ୍ କିଣିପାରିବେ । ଆସନ୍ତୁ ଜାଣିବା ଫ୍ଲିପକାର୍ଟର ଏହି ସେଲରେ କେଉଁ ସ୍ମାର୍ଟଫୋନ୍ ଉପରେ କେତେ ରିହାତି ଉପଲବ୍ଧ ରହିଛି ।
ଏଗୁଡିକ ଉପରେ ମିଳୁଛି ରିହାତି
ଫ୍ଲିପକାର୍ଟର ଏହି ଦିପାବଳୀ ସେଲରେ, ଆପଣ ୮,୯୯୯ରେ Realme C12 କିଣିପାରିବେ । ଏହାସହ, C11 ୬,୯୯୯ ଟଙ୍କାରେ କିଣିବାର ସୁଯୋଗ ପାଇପାରିବେ । ଏହା ବ୍ୟତୀତ, ଆପଣ C15 କୁ ୮,୯୯୯ ଟଙ୍କାରେ ଅର୍ଡର କରିପାରିବେ । ଏହାସହ ଆପଣ ଫ୍ଲିପକାର୍ଟ ସେଲରେ Oppo Reno 2F କୁ ୧୬,୯୯୦ ଟଙ୍କାରେ କିଣିପାରିବେ ।
ଏହି ସ୍ମାର୍ଟଫୋନ୍ ଗୁଡିକରେ ମଧ୍ୟ ମିଳୁଛି ରିହାତି
ବିଗ୍ ଦିପାବଳୀ ସେଲରେ Realme Narzo 20 Pro କୁ ଆପଣ ୧୨,୫୯୯ ଟଙ୍କାରେ ଅର୍ଡର କରିପାରିବେ । ଏହା ବ୍ୟତୀତ, POCO C3କୁ ୭,୪୯୯ ଟଙ୍କାରେ କିଣାଯାଇପାରିବ । ଏହି ସମୟରେ, Motorola One Fusion plusକୁ ମଧ୍ୟ ଏହି ସେଲରେ ମାତ୍ର ୧୬,୪୯୯ଟଙ୍କାରେ କିଣିପାରିବେ ।
ମହଙ୍ଗା ଫୋନ୍ ମଧ୍ୟ ଶସ୍ତାରେ ମିଳୁଛି
ଫ୍ଲିପକାର୍ଟର ଦିପାବଳୀ ସେଲରେ ୩୨,୯୯୯ ଟଙ୍କାରେ iPhone SE କିଣିପାରିବେ ଏବଂ iPhone XR (64GB) କୁ ୩୮,୯୯୯ ଟଙ୍କାରେ ଅର୍ଡର କରିପାରିବେ । ଏହି ସେଲରେ, ସାମସଙ୍ଗର Note 10 Plus ଫ୍ଲାଗସିପ୍ ସ୍ମାର୍ଟଫୋନ୍ ୫୯,୯୯୯ ଟଙ୍କାରେ ଉପଲବ୍ଧ ହୋଇଛି । ଏଥିରେ, ଆପଣ ୩୫,୯୯୯ ଟଙ୍କାରେ Mi 10T କିଣିପାରିବେ ।
