ଭୁବନେଶ୍ୱର: କରୋନା କାଳରେ ଜନପ୍ରତିନିଧିଙ୍କୁ ନିଜ ଦାୟିତ୍ୱକୁ ଠିକ୍ ଭାବେ ତୁଲାଇବା ପାଇଁ ମୁଖ୍ୟମନ୍ତ୍ରୀ ଆହ୍ୱାନ କରିଛନ୍ତି । ବିଜୁ ଜନତା ଦଳର ବିଧାୟକଙ୍କୁ ଭିଡିଓ କନଫରେନସିଂ ଜରିଆରେ ସମ୍ବୋଧନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା କାଳରେ ସେମାନଙ୍କ ଦାୟିତ୍ୱ କଥା ମନେ ପକାଇ ଦେଇଛନ୍ତି । ନିଜ ସମ୍ବୋଧନରେ ଦଳ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ   ୧୧ଟି ପ୍ରସଙ୍ଗ ଉପରେ ଗୁରୁତ୍ୱ ଦେଇଛନ୍ତି । ୧୧ଟି ପ୍ରସଙ୍ଗ ମଧ୍ୟରୁ ମୁଖ୍ୟମନ୍ତ୍ରୀ JEE ଏବଂ NEET ପରୀକ୍ଷା ଉପରେ ଅଧିକ ଗୁରୁତ୍ୱ ଦେଇଛନ୍ତି । ସେ କହିଥିଲେ ଯେ, NEET ଓ JEE ପରୀକ୍ଷା ଘୁଞ୍ଚାଇବା ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କରିଥିଲି । କିନ୍ତୁ ତାହା ସଫଳ ହେଲା ନାହିଁ ।ଏବେ ପରୀକ୍ଷାକୁ ମାତ୍ର ୪୮ ଘଣ୍ଟା ରହିଛି । ଏମିତିରେ କିଭଳି ପରୀକ୍ଷାର୍ଥୀ ପରିକ୍ଷା ଦେବେ ଏବଂ କେମିତି ପରୀକ୍ଷା କେନ୍ଦ୍ରକୁ ଆସି ସୁରକ୍ଷିତ ରହିବେ ସେନେଇ ଅଧିକ ଧ୍ୟାନ ଦେବାକୁ ବିଧାୟକ ମାନଙ୍କୁ କହିଛନ୍ତି ।  ରାଜ୍ୟର ସବୁପିଲା  ଆମ ପରିବାରର । ଏଭଳି କରୋନା କଷ୍ଟ ସମୟରେ ଆପଣ ସେମାନଙ୍କ ସାଥିରେ ରୁହନ୍ତୁ ।

ପିଲାମାନେ ଆମ ଦେଶର ଭବିଷ୍ୟତ ଓଡ଼ିଶାର ମଧ୍ୟ ଭବିଷ୍ୟତ । ସେମାନେ ଆମ ପରିବାରର ଓ ସେମାନଙ୍କ ସୁରକ୍ଷା ଆମ ଦାୟିତ୍ୱ । ତେଣୁ ପିଲାମାନେ ଯେପରି ଭଲରେ ଭଲରେ ପରୀକ୍ଷା ଦେବେ, ସେଥିପାଇଁ ରାଜ୍ୟ ସରକାର ମାଗଣାରେ ପରିବହନ ଓ ରହିବାର ବ୍ୟବସ୍ଥା କରିଛନ୍ତି । ପିଲାମାନେ ଯେପରି ସୁବିଧାରେ ପରୀକ୍ଷା ଦେବେ, ସେଥିରେ ବିଧାୟକମାନେ ପୁରା ସହଯୋଗ କରନ୍ତୁ ବୋଲି ମୁଖ୍ୟମନ୍ତ୍ରୀ କହିଛନ୍ତି । ‘ଓଡିଶା – ମୋ ପରିବାର’ କାର୍ଯ୍ୟକ୍ରମରେ ଏ ସମୟରେ ପିଲାଙ୍କୁ ସବୁ ପ୍ରକାରର ସହଯୋଗ ଯୋଗାଇ ଦିଆଯିବ ବୋଲି ନବୀନ କହିଛନ୍ତି ।

ସେପଟେ କରୋନା ସମୟରେ ଯୋଦ୍ଧାମାନଙ୍କ ସାଥିରେ ରହିବାକୁ ମଧ୍ୟ ବିଧାୟକ ମାନଙ୍କୁ ସେ ଆହ୍ୱାନ କରିଛନ୍ତି । ଯୋଦ୍ଧାଙ୍କ କାମକୁ ପ୍ରଶଂସା କରି ସେମାନଙ୍କ ସୁଖ ଦୁଃଖରେ ସାମିଲ ହୁଅନ୍ତୁ ବୋଲି ପରାମର୍ଶ ଦେଇଛନ୍ତି । ତେବେ ମୃତ କୋଭିଡ ରୋଗୀଙ୍କ ଶବ ସଂସ୍କାର କ୍ଷେତ୍ରରେ କେତେକ ଅସୁବିଧା ହେଉଛି । ଏଥିପାଇଁ ଆପଣ ଲୋକଙ୍କୁ ବୁଝାନ୍ତୁ ଏବଂ ମୃତ ଦେହ ସଂସ୍କାରରେ ସହଯୋଗ କରନ୍ତୁ ବୋଲି ନବୀନ ପରାମର୍ଶ ଦେଇଛନ୍ତି । ଗଞ୍ଜାମରେ କରୋନା ସ୍ଥିତିରେ ସୁଧାର ଆସିବା ପରେ  ଆଜିଠାରୁ ଗଞ୍ଜାମରେ ୫ଟି କୋଭିଡ ଗୃହ ବନ୍ଦ କରାଯାଇଛି । କରୋନା ପାଇଁ ନିଜ ରାଜ୍ୟକୁ ଫେରିଥିବା ୧୦ ଲକ୍ଷ ପ୍ରବାସୀଙ୍କ ପ୍ରତି ଅଧିକ ଧ୍ୟାନ ଦେବା ପାଇଁ କହିଛନ୍ତି । ଯୋଗ୍ୟ ଲୋକ ଯେପରି ଖାଦ୍ୟ ସୁରକ୍ଷାରୁ ବଞ୍ଚିତ ହେବେ ନାହିଁ, ସେଥିପ୍ରତି ବିଶେଷ ଧ୍ୟାନ ଦେବାକୁ ମୁଖ୍ୟମନ୍ତ୍ରୀ ବିଧାୟକଙ୍କ ପରାମର୍ଶ ଦେଇଛନ୍ତି ।

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ଏକ ଲକ୍ଷ ପାର ହୋଇଛି । ସେହିଭଳି ଆଜି କରୋନାରେ ୧୨ ଜଣଙ୍କର ମୃତ୍ୟୁ ହୋଇଛି । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ପକ୍ଷରୁ ସୂଚନା ଦିଆଯାଇଛି । ଯାହାଫଳରେ ରାଜ୍ୟରେ କରୋନା ରୋଗୀଙ୍କ ମୋଟ ମୃତ୍ୟୁ ସଂଖ୍ୟା ୪୮୨ରେ ପହଞ୍ଚିଛି । ୧୨ ଜଣଙ୍କ ମଧ୍ୟରୁ ଗଞ୍ଜାମରୁ ସର୍ବାଧି ୪ ଜଣଙ୍କର ମୃତ୍ୟୁ ହୋଇଛି । ଗଞ୍ଜାମରେ ନୂଆ ୪ ଜଣଙ୍କର ମୃତ୍ୟୁ ପରେ ୧୮୯ ରେ ପହଞ୍ଚିଛି କରୋନା ମୃତ୍ୟୁ ସଂଖ୍ୟା  । ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ମାମଲାରେ ଗଞ୍ଜାମ ଆଗରେ ରହିଛି ।

Regret to inform of the demise of twelve Covid positive patients while under treatment in hospitals.

1.A 53 year old male of Bhubaneswar who was also suffering from Diabetes & Hypertension.

— H & FW Dept Odisha (@HFWOdisha) August 30, 2020

ସେପଟେ ଭୁବନେଶ୍ୱର, କଟକ, ଯାଜପୁର, ନବରଙ୍ଗପୁର, ପୁରୀ, ସୁନ୍ଦରଗଡ଼, ରାୟଗଡ଼ା ଏବଂ ମାଲକାନାଗିରିରୁ ଜଣେ ଲେଖାଏଁ କରୋନାରେ ମୃତ୍ୟୁ ହୋଇଛି । ଭୁବନେଶ୍ୱରରେ ଜଣଙ୍କର ମୃତ୍ୟୁ ପରେ ଖୋର୍ଦ୍ଧାରେ ୬୨, କଟକରେ ଜଣଙ୍କର ମୃତ୍ୟୁ ପରେ ୩୧ ରେ ପହଞ୍ଚିଛି ମୋଟ ମୃତ୍ୟୁ ସଂଖ୍ୟା । ସେହିଭଳି ଯାଜପୁରରେ ୬ ଜଣ ହୋଇଥିବା ବେଳେ ମାଲକାନାଗିରିରେ ୭, ରାୟଗଡ଼ାରେ ୨୩, ନବରଙ୍ଗପୁରରେ ୨, ସୁନ୍ଦରଗଡ଼ରେ ୩୫ ଏବଂ ପୁରୀରେ ୧୩ରେ ପହଞ୍ଚିଛି ମୋଟ କରୋନା ମୃତ୍ୟୁ ସଂଖ୍ୟା ।

12.A 59 year old female of Sundergarh district who was also suffering from Cerebrovascular Accident & hypertension.

— H & FW Dept Odisha (@HFWOdisha) August 30, 2020

ଭୁବନେଶ୍ୱର: କରୋନା କହରରେ ପୁରା ରାଜ୍ୟ । ଅଗଷ୍ଟରେ ହୁ ହୁ ହୋଇ ବଢ଼ୁଛି କରୋନା ସଂକ୍ରମିତଙ୍କ ସଂଖ୍ୟା । ଦେଶ କରୋନା ମୃତ୍ୟୁରେ ତୃତୀୟ ସ୍ଥାନାରେ ପହଞ୍ଚିଥିବା ବେଳେ ଆଜି ଓଡ଼ିଶା କରୋନା ସଂକ୍ରମଣରେ ଏକ ଲକ୍ଷ ପାର କରିଛି । ରବିବାର ୩ ହଜାର ୧୪ ଜଣ କରୋନା ସଂକ୍ରମିତ ନୂଆ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୮୬୮ ଜଣ ଚିହ୍ନଟ ହୋଇଥିବା ବେଳେ ୧୧୪୬ ରହିଛି ଲୋକାଲ କଣ୍ଟାକ୍ଟ । ନୂଆ ସଂକ୍ରମିତ ଚିହ୍ନଟ ହେବା ପରେ ରାଜ୍ୟରେ ମୋଟ କରୋନା ସଂଖ୍ୟା ରହିଛି ୧ ଲକ୍ଷ ୯୩୪  । ସେଥିମଧ୍ୟରୁ ୭୦ ହଜାର ୭୧୪ ଜଣ ସୁସ୍ଥ ହୋଇଥିବା ବେଳେ ୨୯ ହଜାର ୬୮୫ ଜଣ ସଂକ୍ରମିତ ସକ୍ରିୟ ରହିଛନ୍ତି । ସେପଟେ ଆଜି କରୋନା ଦ୍ୱାରା ୧୨ ଜଣଙ୍କର ମୃତ୍ୟୁ ହୋଇଛି । ତେବେ ରାଜ୍ୟରେ ୧୭ ଲକ୍ଷ ୩୧ ହଜାର ୫୫୬ ଜଣଙ୍କର କରୋନା ଟେଷ୍ଟ ହୋଇଛି ।

Covid-19 Report For 29th August

New Positives Cases: 3014
In quarantine: 1868
Local contacts: 1146

(Details of local contacts will be shared by concerned District Administration)

District Wise Cases

1. Angul: 25
2. Balasore: 138
3. Bargarh: 124
4. Bhadrak: 40
5. Balangir: 35

— I & PR Department, Odisha (@IPR_Odisha) August 30, 2020

ପୂର୍ବଭଳି ଖୋର୍ଦ୍ଧାରୁ ଆଜି ସର୍ବାଧିକ ୬୮୪ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧା ପରେ କଟକରୁ ୩୩୭ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହି ଦୁଇଟି ସ୍ଥାନରୁ ସର୍ବାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ସେପଟେ ଅନୁଗୁଳରୁ ୨୫, ବାଲେଶ୍ୱରରୁ ୧୩୮, ବରଗଡ଼ରୁ ୧୨୪, ଭଦ୍ରକରୁ ୪୦, ବଲାଙ୍ଗିରରୁ ୩୫, ଦେବଗଡ଼ରୁ ୨, ଢ଼େଙ୍କାନାଳରୁ ୪୯, ଗତପତିରୁ ୯, ଗଞ୍ଜାମରୁ ୨୧୬, ଜଗତସିଂହପୁରରୁ ୬୬, ଯାଜପୁରରୁ ୩୮, ଝାରସୁଗୁଡ଼ାରୁ ୪୫, କଳାହାଣ୍ଡିରୁ ୪୦, କନ୍ଧମାଳରୁ ୬୦, କେନ୍ଦ୍ରାପଡ଼ାରୁ ୪୪, କେନ୍ଦୁଝରରୁ ୬୮, କୋରାପୁଟରୁ ୧୨୦, ମାଲକାନାଗିରିରୁ ୪୯, ମୟୂରଭଞ୍ଜରୁ ୨୯୨, ନବରଙ୍ଗପୁରରୁ ୩୮, ନୟାଗଡ଼ରୁ ୨୯, ନୂଆପଡ଼ାରୁ ୭, ପୁରୀରୁ ୧୧୮, ରାୟଗଡ଼ାରୁ ୧୦୪, ସମ୍ବଲପୁରରୁ ୧୦୨, ସୋନପୁରରୁ ୪୪, ସୁନ୍ଦରଗଡ଼ରୁ ୯୧ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

22. Nawarangpur: 38
23. Nayagarh: 29
24. Nuapada: 7
25. Puri: 118
26. Rayagada: 104
27. Sambalpur: 102
28. Sonepur: 44
29. Sundargarh: 91

New Recoveries: 2888
Cumulative Tested: 1731556
Positive: 100934
Recovered: 70714
Active Cases: 29685

— I & PR Department, Odisha (@IPR_Odisha) August 30, 2020