ଭୁବନେଶ୍ୱର: ରାଜଧାନୀର ବ୍ୟସ୍ତବହୁଳ ଅଞ୍ଚଳ ଫାୟାର ଷ୍ଟେସନ ନିକଟରେ ଦୁର୍ଘଟଣା । ଫାୟାର ଷ୍ଟେସନ ଓଭର ବ୍ରିଜ୍ ନିକଟରେ ଦୁର୍ଘଟଣା ହୋଇଛି । ଜାତୀୟ ରାଜପଥ ୧୬ରେ ଭୁବନେଶ୍ୱରରୁ କଟକ ଅଭିମୁଖେ ଯାଉଥିବା ୨ଟି ଟ୍ରେଲର ଟ୍ରକ୍ ପଛକୁ ପଛ ପିଟି ହୋଇଛନ୍ତି । ଏହି ଦୁର୍ଘଟଣାରେ ଜଣେ ଟ୍ରେଲର ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି ।
ଦୁର୍ଘଟଣା ପରେ ବରମୁଣ୍ଡାରୁ ରସୁଲଗଡ଼ ଓଭରବ୍ରିଜର କଟକ ଯିବା ରାସ୍ତାରେ ଜାମ୍ ହୋଇଯାଇଛି । ଦୁର୍ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଗୁରୁତର ଥିବା ୨ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ନୂଆଦିଲ୍ଲୀ: ବର୍ଷା ପରେ ଏଥର ଶୀତ ବହୁତ ଶୀଘ୍ର ଆସିବ । ସାରା ଦେଶ ଏଥର ହାଡ଼ ଭଙ୍ଗା ଶୀତରେ ଥରହର ହେବ ବୋଲି ପୂର୍ବାନୂମାନ କରିଛନ୍ତି । ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ ଏତର ବହୁତ ଶୀଘ୍ର ଶୀତ ଆସିବା ସହ ଅଧି ଥଣ୍ଡା ରହିବ ବୋଲି ଅନୁମାନ କରିଛନ୍ତି । ତେବେ ଏଥରକର ଶୀନ ବହୁତ ଅଧିକ ଥଣ୍ଡା ରହିବ । ସେଥିପାଇଁ ଏପରି ପରିସ୍ଥିତିରେ ଲୋକମାନେ ପ୍ରସ୍ତୁତ ହେବା ଉଚିତ୍ ବୋଲି ପାଣିପାଗ ବିଭାଗ କହିଛି ।
ବୁଧବାର ପାଣିପାଗ ବିଭାଗର ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ ଏଥର ଶୀତ ପୂର୍ବ ଅପେକ୍ଷା ଅଧିକ ଥଣ୍ଡା ହେବ । ଏହାର ମୁଖ୍ୟ କାରଣ ହେଉଛି ଲା ନିନା ଅବସ୍ଥା ଯାହା ଶୀତକୁ ଅଧିକ କଠିନ କରିବ । ସେ କହିଛନ୍ତି ଯେ ଏହା ଚିନ୍ତା କରାଯିବା ଉଚିତ ନୁହେଁ ଯେ ଜଳବାୟୁ ପରିବର୍ତ୍ତନ ହେତୁ ତାପମାତ୍ରା ବୃଦ୍ଧି ପାଇଥାଏ । ବରଂ ଏହା ପାଗ ପରିବର୍ତ୍ତନ କରିଥାଏ ।
ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ଦ୍ୱାରା ଏକ କାର୍ଯ୍ୟକ୍ରମରେ ସେ କହିଛନ୍ତି ଯେ ଥଣ୍ଡା ପବନ ପାଇଁ ଲା ନିନା ଅବସ୍ଥା ଅନୁକୂଳ, କିନ୍ତୁ ଏଲ୍ ନି ନୋ ଅବସ୍ଥା ଅନୁକୂଳ ନୁହେଁ । ପାଣିପାଗ ବିଭାଗର ଡିଜିଙ୍କ ଅନୁଯାୟୀ ରାଜସ୍ଥାନ, ୟୁପି ଏବଂ ବିହାର ହେଉଛି ସେହି ରାଜ୍ୟ ଯେଉଁଠାରେ ଶୀତଳ ପବନ ହେତୁ ଅଧିକ ମୃତ୍ୟୁ ଘଟିଥାଏ । ସେ ସୂଚନା ଦେଇଛନ୍ତି ଯେ ପ୍ରତିବର୍ଷ ନଭେମ୍ବରରେ ପାଣିପାଗ ବିଭାଗ ଦ୍ୱାରା ଏକ ଚାର୍ଟ ପ୍ରକାଶ ପାଇଥାଏ, ଯାହା ଡିସେମ୍ବରରୁ ଫେବୃଆରୀ ମଧ୍ୟରେ ପାଗ ବିଷୟରେ ସୂଚନା ଦେଇଥାଏ ।
ଉଲ୍ଲେଖନୀୟ କଥା ହେଉଛି, ଲା ନିନା ଏକ ପ୍ରକ୍ରିୟା ଦ୍ୱାରା ସମୁଦ୍ରର ପାଣି ଥଣ୍ଡା ହେବା ଆରମ୍ଭ କରେ । କହିବାର ମାନେ ହେଉଛି ସମୁଦ୍ର ଜଳ ପୂର୍ବରୁ ଥଣ୍ଡା ରହିଥାଏ, କିନ୍ତୁ ଏହି କାରଣରୁ ସମୁଦ୍ର ପାଣି ଅଧିକ ଥଣ୍ଡା ହୋଇଥାଏ । ଯାହାର ପ୍ରଭାବ ପବନକୁ ମଧ୍ୟ ପ୍ରଭାବିତ କରିଥାଏ । କିନ୍ତୁ ଏଲ୍ ନିନୋରେ, ଏହାର ବିପରୀତ ଘଟଣା ଘଟେ । ଉଭୟ କାର୍ଯ୍ୟ ସିଧାସଳଖ ଭାରତର ମୌସୁମୀ ଏବଂ ଶୀତ ରୂତୁକୁ ପ୍ରଭାବିତ କରିଥାଏ ।
ବୌଦ୍ଧ: ମହାନଦୀ ଗର୍ଭରୁ ମିଳିଲା ନରକଙ୍କାଳ । ବୌଦ୍ଧ ଥାନା ଅନ୍ତର୍ଗତ ମହାନଦୀ କୂଳରୂ ନରକଙ୍କାଳ ଠାବ ହୋଇଛି । ସ୍ଥାନୀୟ ଲୋକ ପ୍ରଥମେ ମହାନଦୂ କୂଳରେ ନରକଙ୍କାଳ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ । ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି ।
ମହାନଦୀ କୂଳରୁ ଠାବ ହୋଇଥିବା ନରକଙ୍କାଳଟି ବନ୍ୟା ପାଣିରେ ଭାସି ଆସିଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିବା ପୋଲିସ କହିଛି । ପୋଷ୍ଟମର୍ଟମ ପାଇଁ କଙ୍କାଳଟିକୁ ବୁର୍ଲା ପଠାଯାଇଛି । ଶବ ବ୍ୟବଚ୍ଛେଦ ପରେ ସବିଶେଷ ତଥ୍ୟ ମିଳିବ ବୋଲି କହିଛନ୍ତି ବୌଦ୍ଧ ଥାନା ଅଧିକାରୀ । ନରକଙ୍କାଳଟି କାହାର ଏବଂ କେଉଁଠୁ ଭାସି ଆସିଛି ପୋଲିସ ଅନୁସନ୍ଧାନ ଜାରି ରଖିଛି ।
ଭୁବନେଶ୍ୱର: ରାଜଧାନୀରେ ଥମୁନି କରୋନା ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ରାଜଧାନୀରୁ ୨୬୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏନେଇ ସୂଚନା ଦେଇଛି ବିଏମସି । ନୂଆ ୨୬୭ ସଂକ୍ରମିତଙ୍କୁ ମିଶାଇ ରାଜଧାନୀରେ କରୋନା ଆକ୍ରାନ୍ତଙ୍କ ସଂଖ୍ୟା ୨୬ ହଜାର ୨୮୩ରେ ପହଞ୍ଚିଛି । ତେବେ, ଆଶ୍ୱସ୍ତିର କଥା ହେଉଛି ବିଏମସି ଅଞ୍ଚଳରେ ଦୈନିକ ଚିହ୍ନଟ ହେଉଥିବା ସଂକ୍ରମିତଙ୍କ ଠାରୁ ଆରୋଗ୍ୟ ସଂଖ୍ୟା ଅଧିକ ରହିଛି ।
ଚିହ୍ନଟ ୨୬୭ ସଂକ୍ରମିତଙ୍କ ମଧ୍ୟରୁ ୭୧ଟି ମାମଲା କ୍ୱାରେଣ୍ଟାଇନରୁ ଆସିଥିବା ବେଳେ ୧୯୬ଟି ମାମଲା ସ୍ଥାନୀୟ ସଂକ୍ରମଣ । ସ୍ଥାନୀୟ ସଂକ୍ରମଣ ମଧ୍ୟରୁ ୮ଟି ମାମଲା ଓଲ୍ଡ ଟାଉନ୍, ୧୯ଟି ମାମଲା ନୟାପଲ୍ଲୀ, ୮ଟି ମାମଲା ଆଇଆରସି ଭିଲେଜ, ୟୁନିଟ୍-୯ ଓ ବରମୁଣ୍ଡା ଅଞ୍ଚଳରୁ ୧୦ ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଗତ ୨୪ ଘଣ୍ଟାରେ ବିଏମସି ଅଞ୍ଚଳରୁ ୩୪୨ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜଧାନୀରେ ଏବେ ଯାଏଁ ୨୬ ହଜାର ୨୮୩ ସଂକ୍ରମଣ ମାମଲା ଚିହ୍ନଟ ହୋଇଥିବା ବେଳେ ୧୨୩ ଜଣଙ୍କ ମୃତ୍ୟୁ ହୋଇଛି । ୨୨ ହଜାର ୮୬୭ ଜଣ ସୁସ୍ଥ ହୋଇ ସାରିଥିବା ବେଳେ ୩ ହଜାର ୨୭୨ଟି ସକ୍ରିୟ ସଂକ୍ରମିତ ମାମଲା ରହିଛି ।
ହାଇଦ୍ରାବାଦ: ଆନ୍ଧ୍ରପ୍ରଦେଶର କାକିନାଡ଼ାରେ ଅବପାତା କାରଣରୁ ବର୍ଷା ତାର କରାଳ ରୂପ ଦେଖାଇଛି । ଅବପାତ କାରଣରୁ ତେଲେଙ୍ଗାନାର ରାଜଧାନୀ ହାଇଦ୍ରାବାଦରେ ଗତ ୨୪ ଘଣ୍ଟା ଧରି ବର୍ଷା ଜାରି ରହିଛି । ଅସ୍ତବ୍ୟସ୍ତ ହୋଇବଡ଼ିଛି ଜନଜୀବନ । ତୁହାକୁ ତୁହା ପ୍ରବଳ ବର୍ଷା କାରଣରୁ ସହରର ଅନେକ ଅଞ୍ଚଳ ଜଳମଗ୍ନ ହୋଇଛି । ଯେଉଁଥି ପାଇଁ ରାସ୍ତା ଉପରେ ପାଣି ଭର୍ତ୍ତି ରହିଥିବା ବେଳେ ଘରେ ଘରେ ଆଣ୍ଠୁଏ ଉଚ୍ଚର ପାଣି । ସବୁଠାରୁ ବଡ଼ କଥା ହେଉଛି ଭୟଙ୍କର ବର୍ଷା କାରଣରୁ ଅନେକ ଲୋକଙ୍କର ଜୀବନ ହାନି ହେବା ସହ କ୍ଷୟକ୍ଷତି ମଧ୍ୟ ହୋଇଛି । ରାସ୍ତା ଉପରେ ପାଣି ଭର୍ତ୍ତି ଯୋଗୁଁ ଗାଡ଼ି ମଟର ଭାସୁଛି । ଅବସ୍ଥା ଏମିତି ହୋଇଛି ହାଇଦ୍ରାବାଦର ବୋନପାଲି ଅଞ୍ଚଳରେ ଅନେକ ଗାଡ଼ି ପାଣିରେ ଭାସି ଯାଇଛି । ବର୍ଷା ଆଶଙ୍କାରେ ପାଣିପାଗ ବିଭାଗ କହିଛି ଯେ ଦିନେ କିମ୍ବା ଦୁଇ ଦିନ ପର୍ଯ୍ୟନ୍ତ ବର୍ଷା ବନ୍ଦ ହେବ ନାହିଁ । ଗୁରୁବାର ହାଇଦ୍ରାବାଦ ସମେତ କେତେକ ସ୍ଥାନରେ ପ୍ରବଳରୁ ପ୍ରବଳ ବର୍ଷା ହେବାର ପୂର୍ବାନୁମାନ କରିଛି ପାଣିପାଗ ବିଭାଗ ।
#WATCH Telangana: A car collides with other cars after getting washed away in New Bowenpally area of Hyderabad.
Heavy downpour has created a flood-like situation in several areas of the state capital. pic.twitter.com/y9nfe09VIO
— ANI (@ANI) October 14, 2020
ଲଗାତାର ବର୍ଷା ପରେ ତେଲେଙ୍ଗାନାର ଅନେକ ସ୍ଥାନରେ ଦୁର୍ଘଟଣା ହୋଇଛି । ଯେଉଁଥିରେ ଅତି କମରେ ୧୨ ଜଣଙ୍କର ମୃତ୍ୟୁ ଘଟିଛି । ପ୍ରବଳ ବର୍ଷା କାରଣରୁ ରାସ୍ତା ଏବଂ ତଳିଆ ଅଞ୍ଚଳରେ ପାଣି ଭର୍ତ୍ତି ହେବା କାରଣରୁ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଚନ୍ଦ୍ରୟନଗୁଟ୍ଟା ପୋଲିସ ଷ୍ଟେସନ ଅଞ୍ଚଳରେ କାନ୍ଥ ଭୁଶୁଡ଼ିବା ଘଟଣାରେ ଶିଶୁ ସମେତ ୧୦୦ ଜଣଙ୍କର ମୃତ୍ୟୁ ହୋଇଛି । ପ୍ରବଳ ବର୍ଷା ହେତୁ ଇବ୍ରାହିମପାଟନମ୍ ଅଞ୍ଚଳରେ ଏକ ପୁରୁଣା ଘରର ଛାତ ଭୁଶୁଡ଼ିବା ପରେ ୪୦ ବର୍ଷୀୟା ମହିଳା ଏବଂ ତାଙ୍କ ଝିଅର ମୃତ୍ୟୁ ହୋଇଥିବା ପୋଲିସ ବୁଧବାର ସୂଚନା ଦେଇଛି ।
ପୋଲିସ୍ ଟିମ୍, ଏନଡିଆରଏଫ୍, ଜିଏଚ୍ଏମସି ଏବଂ ବିପର୍ଯ୍ୟୟ ଆକ୍ସନ୍ ଫୋର୍ସ (DRF) କର୍ମଚାରୀମାନେ ପାଣିରେ ବୁଡ଼ି ରହିଥିବା ସ୍ଥାନରୁ ଅନେକ ପରିବାରକୁ ସ୍ଥାନାନ୍ତର କରିଛନ୍ତି । ଅନେକ କ୍ଷେତ୍ରରେ ଉଦ୍ଧାର କାର୍ଯ୍ୟ ଏବେ ପର୍ଯ୍ୟନ୍ତ ଚାଲିଛି । ଜଳସ୍ତର ବଢ଼ିବା ଯୋଗୁଁ ଏଠାରେ ଏକ ସରକାରୀ ବସ୍ ଫସବା କାରଣରୁ ୩୩ ଜଣ ଯାତ୍ରୀଙ୍କୁ ଉଦ୍ଧାର କରାଯାଇଥିବା ପୋଲିସ କହିଛି ।
ଭଦ୍ରାଦ୍ରୀ-କୋଠାଗୁଡେମ ଜିଲ୍ଲାର ଜଳଭଣ୍ଡାରରେ ଜଳ ସ୍ତର ବୃଦ୍ଧି ପାଇଛି ଏବଂ ଜଳଭଣ୍ଡାର ନିକଟକୁ ନ ଯିବାକୁ ପ୍ରଶାସନ ଲୋକଙ୍କୁ ପରାମର୍ଶ ଦେଇଛି । ମୁଖ୍ୟ ଶାସନ ସଚିବ ସୋମେଶ କୁମାର ସମସ୍ତ ଜିଲ୍ଲା ପ୍ରଶାସନକୁ ସଜାଗ ରହିବାକୁ କହିଛନ୍ତି । ଏହି ସମୟ ମଧ୍ୟରେ ନାଗରିକ ସଂସ୍ଥା ଏବଂ ପୋଲିସ ଅଧିକାରୀ ମଧ୍ୟ ଲୋକମାନଙ୍କୁ ଘରୁ ବାହାରକୁ ନଯିବାକୁ କହିଛନ୍ତି ।
ବୁଧବାର ତେଲେଙ୍ଗାନାରେ ବଜ୍ରପାତ ହେବାର ଆଶଙ୍କା ରହିଛି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ହାଇଦ୍ରାବାଦ ସମେତ କେତେକ ସ୍ଥାନରେ ବୁଧବାର ଏବଂ ଗୁରୁବାର ଦିନ ପ୍ରବଳରୁ ଅତି ପ୍ରବଳ ବର୍ଷା ହେବାର ଆଶଙ୍କା ରହିଛି ।
କଟକ: ପାଖେଇ ଆସୁଛି ପାର୍ବଣ । ସଜେଇ ହେଉଛି ସିଲଭର ସିଟି କଟକ । ପାର୍ବଣ ସମୟରେ ଅଘଟଣ ଓ ଅପରାଧକୁ ରୋକିବା ପାଇଁ କମିଶନରେଟ୍ ପୋଲିସ ପ୍ରାଣେପ୍ରାଣେ ଚେଷ୍ଟା କରୁଛି । ପୋଲିସର ଉଦ୍ୟମକୁ ମିଳିଛି ସଫଳତା । କଟକର ଚାଉଳିଆଗଞ୍ଜ ପୋଲିସ ଏକ ଆନ୍ତଃରାଜ୍ୟ ଚୋରା ବନ୍ଧୁକ ରାକେଟକୁ ଧରିଛି । ଏହି ରାକେଟର ଚେର ବିହାର ମୁଙ୍ଗିଆରୁ ଓଡ଼ିଶାକୁ ଲମ୍ବିଥିବା ତଦନ୍ତରୁ ଜାଣିବାକୁ ପାଇଛି କମିଶନରେଟ୍ ପୋଲିସ ।
ଚାଉଳିଆଗଞ୍ଜ ପୋଲିସ ଚୋରା ବନ୍ଧୁକ ରାକେଟରେ ସମ୍ପୃକ୍ତ ୪ ଜଣଙ୍କୁ ଗିରଫ କରିଛି । ଏମାନଙ୍କ ଠାରୁ ପୋଲିସ ୫୦ ରାଉଣ୍ଡ ଗୁଳି, ୯ ଏମ୍ଏମର ୫ଟି ବନ୍ଧୁକ ସହ ୮ଟି ମୋବାଇଲ ଓ ଏକ ହୁଣ୍ଡାଇ କାର ଜବତ କରିଛି ପୋଲିସ । ଗିରଫ ଅଭିଯୁକ୍ତଙ୍କ ନାଁରେ ରାଜଧାନୀ ଭୁବନେଶ୍ୱର ସମେତ ରାଜ୍ୟର ବିଭିନ୍ନ ସ୍ଥାନରେ ଏକାଧିକ ମାମଲା ଥିବା ପୋଲିସ ସୂଚନା ଦେଇଛି ।
କଟକ: ସଂକ୍ରମଣ ସହ ତାଳ ଦେଇ ସବୁକିଛି ଖୋଲିଲାଣି । ମଲଠୁ ମେଟ୍ରୋ, ସପିଂ ମଲରୁ ଶିକ୍ଷାନୁଷ୍ଠାନ ଖୋଲିବାକୁ ସରକାର ଅନୁମତି ଦେଲେଣି । କିନ୍ତୁ ୭ ମାସ ହେଲା ବନ୍ଦ ରହିଛି ରାଜ୍ୟର ବିଭିନ୍ନ ଧର୍ମାନୁଷ୍ଠାନ । ଏ ସମ୍ପର୍କିତ ମାମଲା ଉପରେ ଆଜି ହାଇକୋର୍ଟରେ ଶୁଣାଣି ହୋଇଛି । ଶୁଣାଣି ବେଳେ ରାଜ୍ୟ ସରକାର ହାଇକୋର୍ଟରେ ନିଜର ପକ୍ଷ ରଖି ରଖିଥିଲେ ।
ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି- ସାରା ଦେଶର ମନ୍ଦିର ଓ ଉପାସନା ପୀଠ ଖୋଲିବା ନେଇ ଗୀତାର୍ଥ ଗଙ୍ଗା ଟ୍ରଷ୍ଟ ପକ୍ଷରୁ ସୁପ୍ରିମକୋର୍ଟରେ ଏକ ମାମଲା ରହିଛି । ଏହି ଆବେଦନର ଶୁଣାଣି ଅକ୍ଟୋବର ୨୮ ତାରିଖରେ ହେବ । ଏଥିରେ ରାଜ୍ୟ ସରକାର ପକ୍ଷଭୁକ୍ତ ହୋଇଛନ୍ତି । ତେଣୁ ଉକ୍ତ ଶୁଣାଣି ପରେ ହାଇକୋର୍ଟରେ ମାମଲାର ଶୁଣାଣି ହେଉ । ଏହାକୁ ହାଇକୋର୍ଟ ଗ୍ରହଣ କରିଥିବା ବେଳେ ନଭେମ୍ବର ପ୍ରଥମ ସପ୍ତାହରେ ମାମଲାର ପରବର୍ତ୍ତୀ ଶୁଣାଣି କରିବାକୁ ଧାର୍ଯ୍ୟ କରିଛନ୍ତି । କୋଭିଡ୍ ଆରମ୍ଭରୁ ମାର୍ଚ୍ଚ ଦ୍ୱିତୀୟ ସପ୍ତାହରୁ ସଂକ୍ରମଣ ରୋକିବାକୁ ରାଜ୍ୟ ସରକାର ଶ୍ରଦ୍ଧାଳୁଙ୍କ ପାଇଁ ସମସ୍ତ ଧର୍ମାନୁଷ୍ଠାନ ବନ୍ଦ କରିଥିଲେ । ତା’ପରେ ପରେ ଲାଗୁ ହୋଇଥିଲା ଲକଡାଉନ୍ । ସେବେଠାରୁ ପ୍ରାୟ ୭ ମାସ ହେଲାଣି ରାଜ୍ୟରେ ସମସ୍ତ ଧର୍ମାନୁଷ୍ଠାନ ଶ୍ରଦ୍ଧାଳୁଙ୍କ ପାଇଁ ବନ୍ଦ ରହିଛି ।
ଅନ୍ୟପଟେ ଶ୍ରୀମନ୍ଦିର ସମେତ ଅନ୍ୟାନ୍ୟ ଦେବାଦେବୀ ମନ୍ଦିର ଖୋଲିଵା ନେଇ ମୁଖ୍ୟ ଶାସନ ସଚିବ ସବୁ ଜିଲାପାଳଙ୍କୁ ଚିଠି ଲେଖିବା ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଭିଡିଓ କନଫରେନ୍ସିଂ ଜରିଆରେ ବିଭିନ୍ନ ସେବାୟତ ନିଯୋଗଙ୍କ ସହିତ ଆଲୋଚନା କରୁଛନ୍ତି । ଗତ ୯, ୧୨ ଓ ୧୩ ତାରିଖରେ ମୁଖ୍ୟ ପ୍ରଶାସକଙ୍କ ଅଧକ୍ଷତାରେ ୩ଟି ବୈଠକ ସରିଛି । ଆଜି ମଧ୍ୟ ମୁଖ୍ୟ ପ୍ରଶାସକ ଭିଡିଓ କନଫରେନ୍ସିଂ ମାଧ୍ୟମରେ ଦଇତାପତି ନିଯୋଗ, ସୁଦ୍ଧ ସୁଆର ନିଯୋଗ, ମୁଦୁଲି, ଘଟୁଆରୀ, ମହାସୁଆର ଓ ଚୁନରା ନିଯୋଗ ପ୍ରତିନିଧିମାନଙ୍କ ସହ ଆଲୋଚନା କରିଛନ୍ତି । ତେବେ କାର୍ତ୍ତିକ ମାସ ପରେ ସାଧାରଣ ଭକ୍ତଙ୍କ ଦର୍ଶନ ନିମନ୍ତେ ଶ୍ରୀମନ୍ଦିର ଖୋଲିବାକୁ ବିଭିନ୍ନ ନିଯୋଗ ମତ ଦେଇଛନ୍ତି ।
ନୂଆଦିଲ୍ଲୀ: ବଡ଼ ବଡ଼ ବଲିଉଡ ଅଭିନେତାଙ୍କ ଉପରେ ସୁପ୍ରିମ କୋର୍ଟଙ୍କ ବଡ଼ ରାୟ । ତାମିଲନାଡୁର ନୀଳଗିରି ପାହାଡ଼ ଉପରେ ରହିଛି ଜଣଶୁଣା ଅଭିନେତା ମାନଙ୍କର ନାମି ଦାମି ରେଷ୍ଟୁରାଣ୍ଟ ଏବଂ ରିସୋର୍ଟ । ଏହି ସବୁ ରିସୋର୍ଟ ମଦୁମଲାଇ ଫରହେଷ୍ଟ ରେଞ୍ଜରେ ଆସୁଛି ଏହି ସବୁ ରିସୋର୍ଟ । ଏହି ସବୁ ରିସୋର୍ଟ ଉପରେ ସୁପ୍ରିମ କୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । ଜଙ୍ଗଲ ମଧ୍ୟରେ ରିସୋର୍ଟ ତିଆରି ହେବା ପରେ ଜଙ୍ଗଲ ଏବଂ ପାହାର ତାର ପ୍ରାକୃତିକ ସୌନ୍ଦର୍ଯ୍ୟକୁ ହରାଉଛି । ଯେଉଥିପାଇଁ ହାତୀ ମାନେ ଅଧିକ ଅସୁବିଧାର ସମ୍ମୁଖିନ ହେଉଛନ୍ତି ।
ତାମିଲନାଡୁର ନୀଳଗିରି ପାହାଡ଼ ଉପରେ ବଲିଉଡ ଅଭିନେତା ମିଥୁନ ଚକ୍ରବର୍ତ୍ତୀଙ୍କ ସହିତ ଅନ୍ୟ ଜଣାଶୁଣା ସେଲିବ୍ରିଟିଙ୍କର ରହିଛି ନାମିଦାମି ରିସୋର୍ଟ । ଯାହାକୁ ଏବେ ଭଙ୍ଗାଯିବ ବୋଲି ନିଜର ରାୟରେ ସୁପ୍ରିମ କୋର୍ଟ ଶୁଣାଇଛନ୍ତି । ଏହି ରିସୋର୍ଟ ଗୁଡିକ ନୀଳଗିରି ପାହାଡ଼ ଉପରେ ବେଆଇନ ଭାବରେ ନିର୍ମାଣ କରାଯାଇଛି । ଯେଉଁଥିପାଇଁ ବୁଧବାର ସୁପ୍ରିମକୋର୍ଟ ରିସୋର୍ଟ ଗୁଡ଼ିକୁ ଭାଙ୍ଗିବାକୁ ନିର୍ଦ୍ଦେଶ ଦେଇଛନ୍ତି ।
୨୦୧୧ ରେ ନିଜେ ରିସୋର୍ଟ ଭାଙ୍ଗିବାକୁ ମାଡ୍ରାସ ହାଇକୋର୍ଟ ନିର୍ଦ୍ଦେଶ ଦେଇଥିଲେ । କିନ୍ତୁ ମିଥୁନ ଚକ୍ରବର୍ତ୍ତୀଙ୍କ ସମେତ ଅନେକ ଲୋକ ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ । ସେବେଠାରୁ ଏହି ମାମଲା ସୁପ୍ରିମକୋର୍ଟରେ ଅଟକି ରହିଥିଲା । ଏବେ ସୁପ୍ରିମକୋର୍ଟ ମାଡ୍ରାସା ହାଇକୋର୍ଟଙ୍କ ଆଦେଶ ଉପରେ ତାଙ୍କର ମୋହର ମାରିଛନ୍ତି ।
୨୦୧୧ ରେ ହାଇକୋର୍ଟଙ୍କ ଦ୍ୱାରା ପରିବେଶ ପ୍ରତି ବିପଦକୁ ଦୃଷ୍ଟିରେ ରଖି ମିଥୁନଙ୍କ ରିସୋର୍ଟ ସମେତ ଏହି ଅଞ୍ଚଳର ଆଉ କିଛି ହୋଟେଲ ଭାଙ୍ଗିବାକୁ କୋର୍ଟ ନିର୍ଦ୍ଦେଶ ଦେଇଥିଲେ । ଏଥି ସହିତ ମିଥୁନ ସୁପ୍ରିମକୋର୍ଟରେ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ଏକ ଆବେଦନ କରିଥିଲେ ଏବଂ କହିଥିଲେ ଯେ ଅନେକ ଆଦିବାସୀ ସେମାନଙ୍କ ରିସୋର୍ଟରୁ ଚାକିରୀ ପାଆନ୍ତି । ଆହୁରି ମଧ୍ୟ, ଏହି ଅଞ୍ଚଚଳରେ ଏକ ରିସୋର୍ଟ ଏବଂ ଲୋକଙ୍କ ଗତିବିଧି ଯୋଗୁଁ ହାତୀମାନଙ୍କର ଶିକାର କରିବା ମଧ୍ୟ ବନ୍ଦ ହୋଇଯାଇଛି । ତେଣୁ ରିସୋର୍ଟ ଭାଙ୍ଗିବା ଠିକ ହେବ ନାହିଁ ବୋଲି ମିଥୁନ କହିଥିଲେ ।
ଭୁବନେଶ୍ୱର: ଓଡ଼ିଶା ଉପରୁ ହଟିଲା ଅବପାତ ପ୍ରଭାବ । ହେଲେ ବଙ୍ଗୋପ ସାଗରରେ ସୃଷ୍ଟି ହୋଇଥିବା ଟ୍ରପ୍ ଲାଇନ ଯୋଗୁ ରାଜ୍ୟର ସବୁ ଜିଲ୍ଲାରେ ଆଗାମୀ ୨୪ ଘଣ୍ଟା ମଧ୍ୟରେ ହାଲୁକାରୁ ମଧ୍ୟମ ଧରଣର ବର୍ଷା ହେବ । ଘଡ଼ଘଡି ସହ ବର୍ଷା ସମ୍ଭାବନା ବି ରହିଛି । ତେଣୁ ୯ଜିଲ୍ଲାରୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । ଢେଙ୍କାନାଳ, ଅନୁଗୁଳ, କଟକ, ଖୋର୍ଦ୍ଧା, ନୟାଗଡ଼, ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକ ଓ ଯାଜପୁରରେ ଘଡ଼ଘଡ଼ି ସହ ବର୍ଷା ହୋଇପାରେ ।
ସେହିପରି ଆସନ୍ତାକାଲି ନୂଆପଡ଼ା, କଳାହାଣ୍ଡି, କନ୍ଧମାଳ ଜିଲ୍ଲାରେ ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି । ଆଗାମୀ ୩ରୁ ୪ଦିନ ପର୍ଯ୍ୟନ୍ତର ରାଜ୍ୟର ବିଭିନ୍ନ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା ଥିବା ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି । ମତ୍ସ୍ୟଜୀବୀଙ୍କୁ ସମୁଦ୍ର ଯିବାକୁ କୌଣସି ବାରଣ ନଥିବା ବେଳେ ଟ୍ୱିନସିଟି ପାଇଁ ସତର୍କ ସୂଚନା ଜାରି କରାଯାଇଛି । ରାଜ୍ୟରେ ବନ୍ୟା ସ୍ଥିତି ନାହିଁ । ଋଷିକୂଲ୍ୟାରେ ସାମାନ୍ୟ ବନ୍ୟାଜଳ ଆସିଛି ହେଲେ ବନ୍ୟା ପରିସ୍ଥିତି ଉପୁଜିବ ନାହିଁ ।
ବାଂଶଧରା ଜଳପତ୍ତନ ହ୍ରାସ ପାଇଛି । ବାଂଶଧରାରେ ବନ୍ୟା ପରିସ୍ଥିତି ନାହିଁ ବୋଲି କହିଛନ୍ତି ଏସଆରସି । ଗଭୀର ଅବପାତ, ଅବପାତରେ ପରିଣତ ହୋଇଛି । ଗତ ୨୪ ଘଣ୍ଟାରେ ଗଞ୍ଜାମ ଓ ଗଜପତିରେ ବର୍ଷା ବିତ୍ପାତ ଜାରି ରହିଛି । ବଡ଼ ଧରଣର ବିପଦ ନଥିଲେ ବି ବର୍ଷା ପ୍ରଭାବରେ ଗଜପତି ଓ ଗଞ୍ଜାମ ଜିଲ୍ଲାରେ କିଛି ମାତ୍ରାରେ କ୍ଷୟକ୍ଷତି ହୋଇଛି । ଗଞ୍ଜାମର ୩ଟି ବ୍ଲକରେ ୩ଶହ ମିମି ବର୍ଷା ରେକର୍ଡ ହୋଇଛି । ଗଜପତି ଜିଲ୍ଲାରେ ୭ଟି ବ୍ଲକରେ ୧୫୦ ମିମିରୁ ଅଧିକ ବର୍ଷା ହୋଇଥିବା ବେଳେ ଗଞ୍ଜାମରେ ୧୬ଟି ବ୍ଲକରେ ୧୦୦ ମିମିରୁ ଅଧିକ ବର୍ଷା ରେକର୍ଡ ହୋଇଛି ।
କଟକ: ଭୁବନେଶ୍ୱର ନାବାଳିକା ଗଣଦୁଷ୍କର୍ମ ମାମଲାର ତଦନ୍ତ ପ୍ରକ୍ରିୟାକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରିଛନ୍ତି । ଆସନ୍ତା ନଭେମ୍ବର ୯ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବ । ୨ ଦିନ ତଳେ ହାଇକୋର୍ଟରେ କ୍ରାଇମବ୍ରାଞ୍ଚ ପକ୍ଷ ରଖିଥିଲା । ତଦନ୍ତ ପାଇଁ ଅଧିକ ସମୟ ମାଗିଥିଲା କ୍ରାଇମବ୍ରାଞ୍ଚ ।
ଅଗଷ୍ଟ ୩୦ରେ ନାବାଳିକାଙ୍କୁ ଗଣଦୁଷ୍କର୍ମ ନେଇ ଅଭିଯୋଗ ଆସିଥିଲା । ଲକଡାଉନ୍ ସମୟରେ ଓଟିଭିର ୪ ଓ ୩ ଜଣ ପୋଲିସ କର୍ମଚାରୀ ନାବାଳିକାଙ୍କୁ ଗଣଦୁଷ୍କର୍ମ କରିଥିବା ନଇ ଅଭିଯୋଗ ହୋଇଥିଲା । କମିଶନରେଟ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ପରେ ରାଜ୍ୟ ସରକାର ଘଟଣାର କ୍ରାଇମବ୍ରାଞ୍ଚ ତଦନ୍ତ ଦେଇଥିଲେ ।
