କଟକ: କଟକ ଏସସିବିରେ ଏନଡିଆରଏଫ ମୁଣ୍ଡୁଳି ତୃତୀୟ ବାଟାଲିୟନର ୪ ଯବାନ ପ୍ଲାଜମା ଦାନ କରିଛନ୍ତି । ଗତକାଲି ୮ ଯବାନଙ୍କ ଆଣ୍ଟି ବଡି ଟେଷ୍ଟ ହୋଇଥିଲା । ସେମାନଙ୍କ ମଧ୍ୟରୁ ସୋମବାର ଦିନ ୪ ଜଣ ପ୍ଲାଜମା ଦେଇଛନ୍ତି । ସେମାନଙ୍କ ପ୍ଲାଜମା ଅନ୍ୟମାନଙ୍କ ଜୀବନ ବଞ୍ଚାଇବ । ଏହାକୁ ନେଇ ଖୁସି ବ୍ୟକ୍ତ କରିଛନ୍ତି ଏନଡିଆରଏଫ୍ ଯବାନ । ଏଥିସହ ସଂକ୍ରମିତଙ୍କୁ ଧର୍ଯ୍ୟ ଓ ସାହାସ ସହ ମୁକାବିଲା କରିବାକୁ କହିଛନ୍ତି । ଖାଲି ସେତିକି ନୁହେଁ, ବାଟାଲିଅନର ସୁସ୍ଥ ହୋଇଥିବା ସମସ୍ତ ଯବାନ କରୋନା ଲଢେଇପାଇଁ ପ୍ଲାଜମା ଦେବାକୁ ଇଚ୍ଛୁକ ବୋଲି କହିଛନ୍ତି ଏନ୍ଡିଆରଏଫ୍ ଇନସ୍ପେକ୍ଟର ।
ସେପଟେ ରାଜ୍ୟ ଏବେ କରୋନା ପାଇଁ ଘାଣ୍ଟି ହେଉଛି । କରୋନାରେ ଅନେକ ଲୋକଙ୍କର ମୃତ୍ୟୁ ହୋଇଛି । ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରମଣ । ଜୁଲାଇ ମାସରେ ଆହୁରି ୧୦ ହଜରା ସଂକ୍ରମିତ ଚିହ୍ନଟ ହୋଇ ପାରନ୍ତି ବୋଲି ସୂଚନା ରହିଛି । ତେବେ ଏଭଳି ସମୟରେ କରୋନା ସହ ଲଢ଼େଇ ପାଇଁ ପ୍ଲାଜମା ଥେରାପି ଆଶ୍ୱସ୍ତି ଆଣି ଦେଇଛି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ପ୍ଲାଜମା ଥେରାପିରେ ଗୁରୁତର ରୋଗୀ ସୁସ୍ଥ ହେଉଥିବା ବେଳେ ଏହା କରୋନା ବିରୋଧରେ ଏକ ଉପଯୁକ୍ତ ଅସ୍ତ୍ର ବୋଲି କହିଛନ୍ତି ମୁଖ୍ୟମନ୍ତ୍ରୀ ।
Glad to see encouraging result from initial phases of #PlasmaTherapy which will help in expediting the recovery of critical #COVID19 patients. Appeal all those who have recovered from #COVID19 to donate plasma and help save precious lives. #DonatePlasma #OdishaFightsCorona pic.twitter.com/nDgIWQeLpa
— Naveen Patnaik (@Naveen_Odisha) July 20, 2020
ସେପଟେ ରାଜ୍ୟରେ ଯେଉଁ ମାନେ କରୋନା ସହ ଲଢ଼େ କରି ସୁସ୍ଥ ହୋଇଛନ୍ତି ସେମାନଙ୍କୁ ପ୍ଲାଜମା ଦେବା ପାଇଁ କହିଛନ୍ତି ମୁଖ୍ୟମନ୍ତ୍ରୀ । ପ୍ଲାଜମା ଦାନ କରିବା ଦ୍ୱାରା ଅନେକ ମୂଲ୍ୟବାନ ଜୀବନ ବଞ୍ଚିପାରିବ ବୋଲି ମୁଖ୍ୟମନ୍ତ୍ରୀ ଟ୍ୱିଟ୍ କରି କହିଛନ୍ତି । କରୋନାରେ ଗୁରୁତର ଥିବା କିଛି ରୋଗୀ ପ୍ଲାଜମା ଦାନ ଥରାପି ଦ୍ୱାରା ସୁସ୍ଥ ହୋଇଛନ୍ତି । ତେବେ ଗୁରୁତର କରୋନା ରୋଗୀଙ୍କ ପାଇଁ ଏହା ସହାୟକ ହେବ ବୋଲି କୁହାଯାଇଛି
ତେବେ ଏହାରି ମଧ୍ୟରେ ଓଡ଼ିଶାରେ ଦେଖିବାକୁ ମିଳିଛି ହ୍ୟାଣ୍ଡସେକ୍ ବଦଳରେ ଅଭିନନ୍ଦନ ଜଣାଇବାର ଆଉ ଏକ ନିଆରା ଢ଼ଙ୍ଗ । ଏହା ଦେଖିଲେ ଲାଗିବ ଯେମିତି ଏଥିରେ ସାମାଜିକ ଦୂରାତା ଅବଲମ୍ବନ କରାଯିବ ସହ ପରସ୍ପରକୁ ଅଭିନନ୍ଦନ ମଧ୍ୟ ଦିଆଯାଉଛି ।
ସାମ୍ପ୍ରତିକ ପରିସ୍ଥିତି ଏବଂ ଇତିହାସକୁ ଯଦି ଧ୍ୟାନରେ ରଖାଯାଏ ତେବେ ପିତା ଏବଂ ପୁଅ ମଧ୍ୟରେ ସବୁଠାରୁ ବଡ଼ ସମାନତା ହେଉଛି ଅଭିଳାଷ ଏବଂ ବିଦ୍ରୋହ | ରାଜେଶ ପାଇଲଟ ଏବଂ ସଚିନଙ୍କ କ୍ୟାରିୟର ଉପରେ ଆଧାରିତ ଏକ ଆର୍ଟିକିଲରେ ସାମ୍ବାଦିକ ରାଜଦୀପ ସରଦେଶାଇ ଲେଖିଛନ୍ତି, କଂଗ୍ରେସରେ ଯେଉଁ ଖୋସାମତିଆ ପରମ୍ପରା ରହିଛି, ପିତା ଏବଂ ପୁଅ ଉଭୟ ଏଥିରୁ ରକ୍ଷା ପାଇବାରେ ସଫଳ ହୋଇଛନ୍ତି । ଏହି କାରଣରୁ ଉଭୟ ଧକ୍କା ଖାଇବାପରେ ପୁଣି ଉଠିବାରେ ଉଦାହରଣ ପାଲଟିଛନ୍ତି।
