ବାଲେଶ୍ୱର: ବାଲେଶ୍ୱରରେ ଧଳା ଜହର ଜାଲ । ଧଳା ଜହରର ଚେର ଖୋଜି ଖୋଜି ନୟାନ୍ତ ହେଲାଣି ପୋଲିସ । କାରଣ କେତେବେଳେ କଦଳି ଗାଡ଼ିତ କେତେବେଳେ ଖାଲିଗାଡ଼ିରେ ଲୁଚାଇ ଏହି ଧଳା ଜହର କାରବାର କରାଯାଉଥିଲା । କିନ୍ତୁ ଏହାର ଟେର ବି ପାଇପାରୁ ନଥିଲା ପୋଲିସ ।  ଯଦିଓ ପୋଲିସ ତାର ପ୍ରୟାସ ଜାରି ରଖିଛି ଏବଂ ବିଭିନ୍ନ ସ୍ଥାନରୁ ଏହି ଧଳା ଜହର ଜବତ କରିବାରେ ସଫଳ ହେଉଛି । ଏବଂ ମଙ୍ଗଳବାରରେ ସହରର ୩ଟି ସ୍ଥାନରେ ଚଢାଉ କରି ଏସ୍‌ଟିଏଫ୍‌ର ସ୍ୱତନ୍ତ୍ର ଟିମ୍‌ ପ୍ରାୟ ଦେଢ କିଲୋ ଓଜନର ବ୍ରାଉନସୁଗାର ଜବତ କରିଛି ।

ଏଥିସହିତ ଧଳା ଜହର କାରବାରରେ ସମ୍ପୃକ୍ତ ଜଣେ ଛାତ୍ରଙ୍କୁ ମଧ୍ୟ ଗିରଫ କରିଛି ପୋଲିସ । ତେବେ  ଜବତ ବ୍ରାଉନସୁଗାରର ମୂଲ୍ୟ ପ୍ରାୟ ଦେଢ କୋଟି ଟଙ୍କା ବୋଲି ଜଣାପଡ଼ିଛି । ଜବତ ଧଳା ଜହର ଓ ଅଭିଯୁକ୍ତଙ୍କୁ ଏହି ସ୍ୱତନ୍ତ୍ର ଟିମ୍‌ ମୁଖ୍ୟ କାର୍ଯ୍ୟାଳୟକୁ ନେଇଯାଇଛି । ଏସ୍‌ଟିଏଫ୍‌ର ସ୍ୱତନ୍ତ୍ର ଟିମ୍‌ ଗତ ଦୁଇମାସ ଧରି ବ୍ୟବସାୟୀ ଭାବେ ଭୁବନେଶ୍ୱରରେ ପଢୁଥିବା ଜଣେ ଛାତ୍ରଙ୍କ ମାଧ୍ୟମରେ ବାଲେଶ୍ୱରର ବ୍ୟବସାୟୀଙ୍କ ସହିତ ଯୋଗାଯୋଗରେ ରହିଥିଲେ ।

ପୂର୍ବ ଯୋଜନା ଅନୁସାରେ, ବ୍ରାଉନସୁଗାର ବ୍ୟବସାୟୀ ଭାବେ ଦୁଇ ତିନି ଥର ଧଳା ଜହର କଣିଥିଲେ ଏସ୍‌ଟିଏଫ୍‌ର ସ୍ୱତନ୍ତ୍ର ଟିମ୍‌ । ଏବଂ ଟିମ୍‌ ବ୍ୟବସାୟୀଙ୍କ ବିଶ୍ୱାସ ଜିତିବା ପରେ ସେମାନଙ୍କୁ ଆଜି ଗିରଫ କରିଛି । ଗତକାଲି ରାତିରେ ଦେଢ କିଲୋ ବ୍ରାଉନସୁଗାର କିଣିବାକୁ ସ୍ଥିର ହୋଇଥିଲା । ଏହି କିଣାବିକା ବେଳେ ଟିମ୍‌ ଚଢାଉ କରି ବ୍ରାଉନ୍ ସୁଗାର ଜବତ କରିଥିଲା ।

ଭୁବନେଶ୍ୱର: ହୁସିଆର ! ବୁଲୁଛି ୫-T ଖଣ୍ଡା । ନୀତି ନୈତିକକତା ଓ ସଚ୍ଚୋଟତା ଭୁଲିଲେ କଡ଼ା କାର୍ଯ୍ୟାନୁଷ୍ଠାନ । ଦୁର୍ନୀତି ଅଭିଯୋଗରେ ଆଜି ଜଣେ ଉପ- ନିର୍ଦ୍ଦେଶକ ପାହ୍ୟାର ଅଧିକାରୀଙ୍କୁ ମୁଖ୍ୟମନ୍ତ୍ରୀ ବାଧ୍ୟତାମୂଳକ ଅବସର ଦେଇଛନ୍ତି ସରକାର । ଗତ ବର୍ଷକ ମଧ୍ୟରେ ୬୦ ଜଣ ଅଫିସରଙ୍କୁ ବହିଷ୍କାର କରାଯାଇଥିବା ବେଳେ ୧୭ ଜଣଙ୍କୁ ଦିଆଯାଇଛି ବାଧ୍ୟତାମୂଳକ ଅବସର । ଏଥିସହିତ ୨୨ ଜଣ ଅଫିସରଙ୍କ ପେନସନ୍ ବନ୍ଦ କରାଯାଇଛି ।

କୋରାପୁଟ ଜିଲ୍ଲାର ପୂର୍ବତନ କୃଷି ଅଧିକାରୀ ପ୍ରଦୀପ କୁମାର ମହାନ୍ତିଙ୍କୁ ବାଧ୍ୟତାମୂଳକ ଅବସର ପରେ ପୁଣି ଛାନିଆ ସରକାରୀ କର୍ମଚାରୀ ଓ ବାବୁ ।  ଜୁଲାଇ ୨ ତାରିଖରେ ଭିଜିଲାନ୍ସ ହାତରେ ଧରାପଡିଥିଲେ ପ୍ରଦୀପ । ଉପ ନିର୍ଦ୍ଦେଶକ ପାହ୍ୟାର ଏହି ଅଫିସରଙ୍କ ପାଖରୁ ଭିଜିଲାନ୍ସ ୧୧ ଲକ୍ଷ ଟଙ୍କା କ୍ୟାସ ଜବତ କରିଥିଲା । ଏହି ଅର୍ଥର ହିସାବ ଦେଇ ପାରିନଥିଲେ ପ୍ରଦୀପ  । ପରେ କୋରାପୁଟ ଓ ଭୁବନେଶ୍ୱର ବାସଭବନ ଉପରେ ବି ରେଡ୍‌ ହୋଇଥିଲା । ଦୁର୍ନୀତି ପ୍ରମାଣିତ ହେବା ପରେ ତାଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି ମୁଖ୍ୟମନ୍ତ୍ରୀ । ତାଙ୍କ ବିରୋଧରେ ହୋଇଥିବା କାର୍ଯ୍ୟାନୁଷ୍ଠାନ ପାଇଁ ଖୁସି ପ୍ରକଟ କରିଛନ୍ତି ଜିଲ୍ଲାର ଚାଷୀ ।

ବର୍ଷକ ମଧ୍ୟରେ ୯୯ ବାବୁଙ୍କ ଉପରେ ପଡିଛି ୫-T ଛାଟ । ଦୁର୍ନୀତି ବିରୋଧରେ ଶୂନ୍ୟ ସହନଶୀଳତା ବା ଜିରୋ ଟଲରାନ୍ସ । ୨୦୦୦ ମସିହାରୁ ଓଡ଼ିଶାର ଶାସନ ଭାର ଗ୍ରହଣ କରିବା ଦିନରୁ ଏହି ନୀତି ଅପଣେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନୈତିକତା ଓ ସଚ୍ଚୋଟତାର ନିକିତିରେ ଯିଏ ଉଲମବିଲମ୍ କିରିଛି ତା ବିରୋଧରେ ହୋଇଛି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ । ୨୦୧୯ ଅଗଷ୍ଟରୁ ଚଳିତ ଅଗଷ୍ଟ ମାସ ମଧ୍ୟରେ ଦୁର୍ନୀତି ଓ ନୈତିକତାର ଉଲଂଘନ ଅଭିଯୋଗରେ ୬୦ଜଣ ଅଫିସରଙ୍କୁ ବହିଷ୍କାର କରାଯାଇଛି । ୧୭ଜଣଙ୍କୁ ଦିଆଯାଇଛି ବାଧ୍ୟତାମୂଳକ ଅବସର ଓ ୨୨ ଜଣ ଅଫିସରଙ୍କ ଅବସରକାଳୀନ ପେନସନ ବନ୍ଦ କରାଯାଇଛି ।

କିଛି ମାସ ପୂର୍ବରୁ ବଡ଼ ମାଛ ପଡିଥିଲେ ଫାଇଭ୍ ଟି ଜାଲରେ । ଆଇଏଏସ ଅଫିସର ବିଜୟ କେତନ ଉପାଧ୍ୟାୟଙ୍କୁ ଦୁର୍ନୀତି ଅଭିଯୋଗରେ ନିଲମ୍ବିତ କରିଥିଲେ ସରକାର । ନିକଟରେ ଚିଲିକା ଡିଏଫଓ ଓ ରାଜସ୍ବ ବିଭାଗର ଅତିରିକ୍ତ ସଚିବଙ୍କୁ ଭିଜିଲାନ୍ସ ଗିରଫ କରିଛି । ଅନ୍ୟପକ୍ଷରେ ବହିଷ୍କୃତ ହୋଇଥିବା ଅଧିକାରୀଙ୍କ ମଧ୍ୟରେ ଅଛନ୍ତି ୫ରୁ ଅଧିକ ଇଂଜିନିୟର, ପ୍ରଧାନ ଶିକ୍ଷକ, ରାଜସ୍ବ ନିରୀକ୍ଷକ, ପଂଚାୟତ କାର୍ଯ୍ୟନିର୍ବାହୀ ଅଧିକାରୀ । ପୂର୍ବରୁ କୋମନା ବିଡିଓ, ଲୋଇସିଂହା ତହସିଲଦାରଙ୍କୁ ଦୁର୍ନୀତି ଅଭିଯୋଗରେ ବହିଷ୍କାର କରିଥିଲେ ରାଜ୍ୟ ସରକାର । ଏଥିସହ ୧୧ଜଣ ଓଏଏସ ଅଫିସରଙ୍କ ପେନସନ ବନ୍ଦ କରାଯାଇଥିଲା ।