ସଚିନଙ୍କ କଂଗ୍ରେସକୁ ଆଶ୍ୱାସନା, ମୁଁ ଯେପର୍ଯ୍ୟନ୍ତ ଅଛି ସରକାର ସୁରକ୍ଷିତ ଅଛି
ଜୟପୁର: ରାଜସ୍ଥାନ ରାଜନୈତିକ ଡ୍ରାମାର କ୍ଲାଇମାକ୍ସ ସିନ୍ ଆଜି ବିଧାନସଭାରେ ଅଭିନିତ ହେଉଛି । ଆଜି ବିଧାନସଭା ଅଧିବେଶନ ଆରମ୍ଭ ହେବା ସହ ଶେଷ ଦୃଶ୍ୟ ଶେଷ ଅଙ୍କ ଅନୁଷ୍ଠିତ ହେଉଛି । ଏଥିରେ କାଲି ଯିଏ ନିକମ୍ମା ଥିଲେ ଆଜି ସେ ଅଶୋକ ଗହଲୋତଙ୍କୁ ସୁରକ୍ଷା ଦେଉଥିବା ଦେଖିବାକୁ ମିଳିଛି । ଦିଲ୍ ମିଳିନି ଡିଲ୍ ହୋଇଛି ନ୍ୟାୟରେ ଆଜି ବିଧାନସଭାରେ ଅଶୋକ ଓ ସଚିନଙ୍କ ମଧ୍ୟରେ ନମସ୍କାର ଆଦାନ ପ୍ରଦାନ ହୋଇଥିଲା । କିନ୍ତୁ କେହି କାହାକୁ ଆଲିଙ୍ଗନ କରିନଥିଲେ । ଅବଶ୍ୟ କାଲି ପର୍ଯ୍ୟନ୍ତ ଅଶୋକଙ୍କୁ ଟାର୍ଗେଟ୍ କରୁଥିବା,ସରକାର ପାଖରେ ସଂଖ୍ୟାବଳ ନଥିବା କହୁଥିବା ସଚିନ ପାଇଲଟ୍ ଆଜି କହିଛନ୍ତି ମୁଁ ଯେପର୍ଯ୍ୟନ୍ତ ଅଛି ସରକାର ସେ ପର୍ଯ୍ୟନ୍ତ ସୁରକ୍ଷିତ । ରାଜନୀତିରେ କେମିତି ଘଡିକେ ଘୋଡା ଛୁଟେ ତାର ଏହା ଯଦି ଗୋଟିଏ ବଡ ଉଦାହରଣ,ତେବେ ଅନ୍ତିମ ମଧ୍ୟ ନୁହେଁ ।
ବିଜେପି ଅନାସ୍ଥା ପ୍ରସ୍ତାବ ଆଣିବା ପାଇଁ ସଜବାଜ କରି ଆସିଥିଲା । ବିଧାନସଭା ଆରମ୍ଭ କାଳରେ ବିଜେପି ବିଧାୟକ ପୁର୍ଣ୍ଣବଳରେ ଉପସ୍ଥିତ ଥିଲେ । କିନ୍ତୁ କଂଗ୍ରେସର ସବୁ ବିଧାୟକ ଆସି ପାରିନଥିଲେ । ଦାଉ ସାଧିଥିଲା ବର୍ଷା । ଯେଉଁ ହୋଟେଲରେ କଂଗ୍ରେସ ବିଧାୟକ ନଜରବନ୍ଦ ଥିଲେ ସେଠାରୁ ବାହାରିବା ସେମାନଙ୍କ ପାଇଁ ସହଜ ନଥିଲା । କାରଣ ବର୍ଷା ଜୟପୁରକୁ ପାଣି ପାଣି କରିଥିଲା । କଂଗ୍ରେସ ବିଧାୟକଙ୍କୁ ନେଇ ଯାଉଥିବା ଦୁଇଟି ବସ ମଧ୍ୟରୁ ଗୋଟିଏ ବିଧାନସଭାରେ ପହଞ୍ଚି ପାରିନଥିଲା । ଗୋଟିଏ ପହଞ୍ଚିଲା । ଏମିତିରେ ପୁଣି କଂଗ୍ରେସ ସରକାରର ତାରଣହାର ସାଜିଥିଲେ ବାଚସ୍ପତି ସିପି ଜୋଷୀ । ବିଧାନସଭାକୁ ଦିନ ଦୁଇଟା ପର୍ଯ୍ୟନ୍ତ ମୁଲତବି କରିଥିଲେ ବାଚସ୍ପତି ।
ତେବେ ବିଜେପିକୁ ତଗଡା ଝଟକା ଆରମ୍ଭରୁ ମିଳିଥିଲା । ବିଜେପି ଅବିଶ୍ୱାସ ପ୍ରସ୍ତାବ ଆଣିବାକୁ ବସିଥିଲା । କିନ୍ତୁ ଗହଲୋତ ପ୍ରଥମେ ଚାଲ ଚଳାଇଥିଲେ । ଆରମ୍ଭରରୁ ସେ ଆସ୍ଥା ପ୍ରସ୍ତାବ ରଖିଥିଲେ । ଫଳରେ ବିଜେପିକୁ ଅନାସ୍ଥା ପ୍ରସ୍ତାବ ଆଣିବାକୁ ସୁଯୋଗ ହିଁ ମିଳିନଥିଲା । ଗହଲୋତ ଦାବି କରିଥିଲେ ମୋ ସରକାର ସହଜରେ ବହୁମତ ସାବ୍ୟସ୍ତ କରିପାରିବ ।
ପାଖାପାଖି ମାସେ ଧରି ଚାଲିଥିବା ରାଜନୈତିକ ଡ୍ରାମର ଅନ୍ତିମ ଦୃଶ୍ୟରେ ଆଜି ସଚିନ ପାଇଲଟଙ୍କ ଦମଦାର ଡାଇଲଗ୍ ଡେଲିଭରି ହୋଇଥିଲା । ସଚିନ ନିଜକୁ ସରକାରର ତାରଣହାର ଭାବେ ପେସ୍ କରିବାରେ କିଛି ମଧ୍ୟ ହେଳା କରିନଥିଲେ । କହିଥିଲେ ‘ ମୁଁ ଆସି ଦେଖିଲି ମୋ ଆସନ ସଭା ଶେଷ ଧାଡିରେ ଅଛି । ମୁଁ ରାଜସ୍ଥାନରୁ ଆସେ, ଯାହା ପାକିସ୍ତାନ ସୀମାକୁ ଲାଗିଛି । ସୀମାରେ ସବୁଠୁ ଶକ୍ତିଶାଳୀ ସିପାହୀଙ୍କୁ ମୁତୟନ କରାଯାଏ । ମୁଁ ଯେପର୍ଯ୍ୟନ୍ତ ଏଠାରେ ବସିଛି ସରକାର ସେପର୍ଯ୍ୟନ୍ତ ସୁରକ୍ଷିତ ଅଛି’’
ତେବେ ପ୍ରଶ୍ନ ହେଲା ଅଶୋକ ଗହଲୋତଙ୍କୁ ସମର୍ଥନର ଆଶ୍ୱାସନା ଭିତରେ କ’ଣ ରହିଛି ପ୍ରଛନ୍ନ ଧମକ ? ମୁଁ ଥିବା ପର୍ଯ୍ୟନ୍ତର ଅର୍ଥ କ’ଣ ଅଶୋକ ଗହଲୋତଙ୍କୁ ଏବେ ସଚିନଙ୍କ ଭୟ ଭିତରେ ରହିବାକୁ ପଡିବ ? କାରଣ ତାଙ୍କ ପଛରେ ଗାନ୍ଧି ଫ୍ୟାମିଲିର ଆର୍ଶିବାଦ ରହିଛି ?
ରାଜସ୍ଥାନ ରାଜନୀତି ଏହି ଡ୍ରାମାରୁ କିନ୍ତୁ ଆଉ ଗୋଟିଏ ସନ୍ଦେଶ ଯାଇଛି । ତାହା ହେଲା ସଚିନ ଜ୍ୟୋତିରାଦିତ୍ୟ ସିନ୍ଧିଆ ନୁହନ୍ତି କି ଅଶୋକ ଗହଲୋତ୍ କମଲନାଥ ନୁହନ୍ତି । ତେଣୁ ରାଜସ୍ଥାନ ମରୂଭୁମିରେ ଅପରେଶନ କମଳ ଫୁଟିବା ଆଗରୁ ହିଁ ମଉଳି ଗଲା ।
ଦୀର୍ଘଦିନ ହେଲା କରୋନା ପାଇଁ ବନ୍ଦ ରହିଥିବା ଏମ୍.କେ.ସି.ଜି ମେଡିକାଲର ଓପିଡି ଖୋଲିଲା
ଗଞ୍ଜାମ: ଦୀର୍ଘଦିନର ପ୍ରତୀକ୍ଷା ପରେ ଖୋଲିଲା ବ୍ରହ୍ମପୁର ଏମ୍.କେ.ସି.ଜି ମେଡିକାଲର ଓପିଡି । ଗତ ଜୁଲାଇ ମାସ ପ୍ରଥମ ସପ୍ତାହରେ କୋରୋନା ସଂକ୍ରମଣ ଓ ଡାକ୍ତରଙ୍କ ଅଭାବ କୁ ଦୃଷ୍ଟିରେ ରଖି ଓପିଡି ସେବାକୁ ବନ୍ଦ ରଖାଯାଇଥିଲା । ଚିକିତ୍ସା ପାଇଁ ଟିକଟ ଗୃହ ସାମନାରେ ରୋଗୀ ଓ ସଂପର୍କୀୟଙ୍କ ଲମ୍ବା ଲାଇନରେ ଠିଆ ହୋଇ ଟିକଟ କାଟୁଥିବା ବେଳେ କୋରୋନା ନିୟମର ଉଲ୍ଲଙ୍ଘନ ସହ ସଂକ୍ରମଣର ଆଶଙ୍କାକୁ ଦୃଷ୍ଟିରେ ରଖି ମେଡିକାଲ ପ୍ରଶାସନ ପକ୍ଷରୁ ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ ରଖାଯାଇଥିଲା । ଅନ୍ୟପଟେ ମେଡିକାଲ ପରିସରରେ ଥିବା କାଜୁଆଲ୍ଟିକୁ କୋଭିଡ ହସ୍ପିଟାଲରେ ପରିଣତ କରିବା ଫଳରେ ସବୁ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ କୋଭିଡ ହସ୍ପିଟାଲ ଦାୟିତ୍ୱରେ ନିୟୋଜିତ ରହୁଥିଲେ ।
ଏବେ ଜିଲ୍ଲାରେ କୋରୋନା ସ୍ଥିତି ନିୟନ୍ତ୍ରଣାଧିନ ରହିଛି । ପଜିଟିଭ ସଂଖ୍ୟା କମ୍ ରହିଥିବା ବେଳେ ସୁସ୍ଥହାର ବି ବଢିବାରେ ଲାଗିଛି । ଅନ୍ୟପଟେ ମୃତ୍ୟୁହାର ବି କମିଛି । ଏଭଳି ପରିସ୍ଥିତିରେ କୋଭିଡ ହସ୍ପିଟାଲରେ ନିୟୋଜିତ କିଛି ଡାକ୍ତରଙ୍କୁ ନେଇ ଓପିଡି ସେବା ଆରମ୍ଭ କରିବାର ନିଷ୍ପତି ନେଇଛନ୍ତି ମେଡିକାଲ କର୍ତୃପକ୍ଷ । ଓପିଡି ସେବା ଏବେ ଆଂଶିକ ଭାବେ ଚାଲୁ କରାଯାଇଥିବା ବେଳେ ଚିକିତ୍ସା ପାଇଁ ଆସୁଥିବା ରୋଗୀ ସାମାଜିକ ଦୁରତା ରକ୍ଷା କରିବା ସହ ମାସ୍କ ବ୍ୟବହାର ବାଧ୍ୟତାମୁଳକ ପାଳନ କରିବା ପାଇଁ ନିବେଦନ କରିଛନ୍ତି ମେଡିକାଲ ସୁପରିଂଟେଣ୍ଡାଂଟ ।
ବ୍ରହ୍ମପୁର ଏମ୍.କେ.ସି.ଜି ମେଡିକାଲ ଦକ୍ଷିଣ ଓଡିଶାର ରେଫେରାଲ ମେଡିକାଲ କଲେଜ ଭାବେ ବେଶ୍ ପରିଚିତ । ଜିଲ୍ଲା ତଥା ଜିଲ୍ଲା ବାହାରୁ ଓ ପଡୋଶୀ ଆନ୍ଧ୍ର ପ୍ରଦେଶରୁ ଦୈନିକ ହଜାର ହଜାର ରୋଗୀ ଏହି ମେଡିକାଲ ଉପରେ ସଂପୁର୍ଣ ନିର୍ଭର କରିଥାନ୍ତି । ଗୁରୁତର ଓ ଅତି ଗୁରୁତର ରୋଗୀ ପ୍ରଥମେ ଓପିଡିରେ ସ୍ୱାସ୍ଥ୍ୟ ପରୀକ୍ଷା କରିବା ସହ ଇନ୍ଡୋରରେ ଭର୍ତି ହୋଇ ଚିକିତ୍ସିତ ହେବାର ନଜିର ରହିଛି । ତେବେ ଦୀର୍ଘ ୧ମାସ ଧରି ଓପିଡି ବନ୍ଦ ହେବା ସହ ପ୍ରଶାସନର କୋରୋନା କଟକଣା ଯୋଗୁଁ ଜିଲ୍ଲାକୁ ପ୍ରବେଶ ବାରଣ କରାଯିବା ସହ ସଂପୁର୍ଣ ସିଲ କରିଦିଆଯାଇଥିଲା
ଗଞ୍ଜାମରୁ ଭଲ ଖବର : କରୋନା ସଂକ୍ରମିତଙ୍କଠାରୁ ଜନ୍ମ ହେଉଛନ୍ତି ସୁସ୍ଥ ଶିଶୁ
ଭୁବନେଶ୍ୱର: କରୋନା ସଂକ୍ରମଣ ଭୟ ରାଜ୍ୟକୁ ଡରାଉଛି । ସରକାର ଚୌକସ ଅଛନ୍ତି । ଘର ଦୁଆର ମୁହଁରେ ପହଁଚୁଛି ଚିକିତ୍ସା ସେବା । ତଥାପି କରୋନା ସଂକ୍ରମଣକୁ ନେଇ ପୁରା ରାଜ୍ୟ ଆତଙ୍କରେ । ଏହାରି ଭିତରେ କିନ୍ତୁ ଗୋଟିଏ ଭଲ ଖବର ଆସିଛି । ଛାତିକୁ ସାହାସ ଦେଲା ଭଳି ଖବର ଆସିଛି । ଏହି ଖବର ହେଉଛି କରୋନା ସଂକ୍ରମିତ ମା’ଙ୍କଠଆରୁ ଜନ୍ମିତ ପିଲା କିନ୍ତୁ ଆଶ୍ଚର୍ଯ୍ୟଜନକ ଭାବେ ସଂକ୍ରମଣର ଶିକାର ହେଉ ନାହାନ୍ତି ।
ଗଞ୍ଜାମରୁ ଏହି ଖୁସିଖବର ଆସିଛି । ଗଞ୍ଜାମ ଜିଲ୍ଲାରେ କରୋନା ଗର୍ଭବତୀ ମହିଳାଙ୍କ ଠାରୁ ଜନ୍ମ ନେଉଛନ୍ତି ସୁସ୍ଥ ଛୁଆ । ଏପର୍ଯ୍ୟନ୍ତ ଗଞ୍ଜାମ ଜିଲ୍ଲାରେ ଥିବା କୋଭିଡ଼ ଡାକ୍ତରଖାନାରୁ ୫୭ ଜଣ ଛୁଆ ଜନ୍ମ ନେଇଛନ୍ତି ଏବଂ ସେ ସମସ୍ତ ଛୁଆ ନିରୋଗ ରହିଛନ୍ତି । ଯେତେବେଳେକି ତାଙ୍କର ମାଆ ମାନେ କରୋନା ଦ୍ୱାରା ଆକ୍ରାନ୍ତ ହୋଇଥିଲେ । ନବଜାତ ଶିଶୁ ମାନଙ୍କ ଶରୀରରେ କରୋନା ଲକ୍ଷଣ ଦେଖାଯାଉନାହିଁ । ଏନେଇ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟ୍ୱିଟ ଯୋଗେ ସୂଚନା ଦିଆଯାଇଛି ।
ସୂଚନାଯୋଗ୍ୟ ଯେ, ରାଜ୍ୟରେ ପ୍ରତିଦିନ ୨ ହଜାର ପାଖାପାଖି କରୋନା ସଂକ୍ରମିତ ରାଜ୍ୟ ଭିତରେ ଚିହ୍ନଟ ହେଉଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୫୪,୬୩୦ରେ ପହଞ୍ଚିଛି । ସେହିଭଳି ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୩୨୪ରେ ପହଞ୍ଚିଛି । ବର୍ତ୍ତମାନ ସୁଦ୍ଧା ୩୭ ହଜାର ୯୦୦ ସୁସ୍ଥ ହୋଇଥିବା ବେଳେ ୧୬ ହଜାର ୩୫୩ଟି ସକ୍ରିୟ ମାମଲା ରହିଛି ।
ଉତ୍ତରାଧିକାରୀ ବିବାଦ ଏଡାଇବା ପାଇଁ ‘ପରିବାର ପରିଷଦ’ ଗଠନ କରିବେ ମୁକେଶ ଅମ୍ବାନୀ
ମୁମ୍ବାଇ: ରିଲାଏନ୍ସ ଇଣ୍ଡଷ୍ଟ୍ରିଜର ଚେୟାରମ୍ୟାନ ମୁକେଶ ଅମ୍ବାନୀଙ୍କ ପରିବାର ଭାରତର ସବୁଠାରୁ ଧନାଢ୍ୟ ପରିବାର । ଏମିତିରେ ଅଧିକାଂଶଙ୍କ ମନରେ ମୁକେଶଙ୍କ ସମ୍ପତ୍ତିର ଉତ୍ତରାଧିକାରୀ କିଏ ହେବ ତାକୁ ନେଇ ପ୍ରଶ୍ନ ଆସୁଥିବ । ତେବେ ଏତେ ବଡ଼ ଧନଶାଳୀ ବ୍ୟକ୍ତି ହୋଇଥିବାରୁ ସାଧାରଣ ଲୋକଙ୍କ ମନରେ ଏଭଳି ପ୍ରଶ୍ନ ଆସିବା ସ୍ୱାଭାବିକ କଥା । ଯଦି ଆପଣଙ୍କ ମନରେ ମଧ୍ୟ ଏହାକୁ ନେଇ କେବେ କୌଣସି ପ୍ରଶ୍ନ ଉଙ୍କି ମାରିଛି ତେବେ ଆଜି ଆପଣ ସେହି ପ୍ରଶ୍ନର ଉତ୍ତର ହୁଏତ ପାଇଯିବେ ।
ନିକଟରେ ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ ମୁକେଶ ଅମ୍ବାନୀ ଏକ ‘ଫ୍ୟାମିଲି କାଉନସିଲ’ ବା ପାରିବାରିକ ପରିଷଦ ଗଠନ କରିବାକୁ ନିଷ୍ପତ୍ତି ନେଇଥିବା କୁହାଯାଉଛି । ଏହାଦ୍ୱାରା ତାଙ୍କର ଆଗାମୀ ପିଢୀ ଯେପରି ଭାବରେ ସମସ୍ତ ସ୍ଥାବର ଅସ୍ଥାବର ସମ୍ପତ୍ତିର ମାଲିକାନା ହାସଲ କରିପାରିବେ, ତାହାକୁ ନେଇ ଆଲୋଚନା କରାଯିବ । ଏକ ବିଜନେସ ଓ୍ୱେବସାଇଟର ରିପୋର୍ଟ ଅନୁସାରେ ଏହି ଫ୍ୟାମିଲି କାଉନସିଲରେ ଅମ୍ବାନୀଙ୍କ ତିନି ସନ୍ତାନ ଆକାଶ,ଈଶା ଏବଂ ଅନନ୍ତଙ୍କ ସହିତ ପରିବାରର ଜଣେ ବୟସ୍କ ସଦସ୍ୟ ଅନ୍ତର୍ଭୁକ୍ତ ରହିବେ । ଅବଶ୍ୟ ରିଲାଏନ୍ସ ଇଣ୍ଡଷ୍ଟ୍ରିଜ ତରଫରୁ ଏ ବାବଦରେ କୌଣସି ଆନୁଷ୍ଠାନିକ ଘୋଷଣା ହୋଇନାହିଁ ।
ସୂଚନା ମୁତାବକ ତିନି ପିଲାଙ୍କ ସହିତ ଘରର ଜଣେ ବୟସ୍କ ସଦସ୍ୟ ଅନ୍ତର୍ଭୁକ୍ତ ହେବେ ଏବଂ ବାହାରର ଜଣେ ବୟସ୍କ ସଦସ୍ୟ ମଧ୍ୟ ଅନ୍ତର୍ଭୁକ୍ତ ହୋଇପାରନ୍ତି । ପରିବାର ବାହାରର ଏହି ସଦସ୍ୟ ମେଣ୍ଟର ବା ପରାମର୍ଶଦାତା ଭାବରେ କାମ କରିବେ । ଖବର ଅନୁସାରେ ମୁକେଶ ଅମ୍ବାନୀ ଏବଂ ତାଙ୍କ ଭାଇ ଅନିଲ ଅମ୍ବାନୀଙ୍କ ମଧ୍ୟରେ ଦୀର୍ଘ ଦିନ ଧରି ରିଲାଏନ୍ସର ସମ୍ପତ୍ତିକୁ ନେଇ ବିବାଦ ଲାଗି ରହିଥିଲା । ହୁଏତ ଏହାକୁ ନଜରରେ ରଖି ମୁକେଶ ଅମ୍ବାନୀ ଏଭଳି ନିଷ୍ପତ୍ତି ନେଇଥାଇ ପାରନ୍ତି । କହିରଖୁଛୁ ମୁକେଶ ଅମ୍ବାନୀଙ୍କ ସମ୍ପତ୍ତି ପ୍ରାୟ ୮୦ ବିଲିୟନ୍ ଡଲାର ପାଖାପାଖି ରହିଛି ।
ଚୋରା ମଦ ମାଫିଆଙ୍କ ଖୋଲା ଚ୍ୟାଲେଞ୍ଜ, ଦିବା ଲୋକରେ ଖୁଣ୍ଟୁଣି ଜଙ୍ଗଲରେ ବେଧଡ଼କ ଚାଲିଛି ଦେଶୀ ମଦ ରନ୍ଧା
କଟକ: ଆଠଗଡ଼ ଅବକାରୀ ବିଭାଗକୁ ଚୋର ମଦ ମାଫିଆ ମାନଙ୍କର ଖୋଲା ଚ୍ୟାଲେଞ୍ଜ । ସ୍ପଷ୍ଟ ଦିବା ଲୋକରେ ବେଆଇନ ବେଧଡ଼କ ଭାବେ ଚାଲିଛି ଦେଶୀ ମଦ ରନ୍ଧା । କଟକ ଜିଲ୍ଲା ଆଠଗଡ଼ ବନଖଣ୍ଡର ଖୁଣ୍ଟୁଣି ରେଞ୍ଜ ରିଜର୍ଭ ଫରେଷ୍ଟ ଜଙ୍ଗଲ ମଧ୍ୟରେ ଚାଲିଛି ଚୋରା ମଦର କୁଟୀର ଶିଳ୍ପ । ଏହାସହ ନୂଆସାହି, ଖଣ୍ଡୁଆଳି, ସରସ୍ଵତୀପୁର, କୋରଙ୍ଗା, କଅଁସର ଅଞ୍ଚଳର ଜଙ୍ଗଲରେ ମଧ୍ୟ ଦେଶୀ ମଦ କାରବାରା ଚାଲିଛି । ସ୍ଥାନୀୟ ଲୋକ ବାରମ୍ବାର ଅଭିଯୋଗ ଆଣିଥିଲେ ମଧ୍ୟ ଅଭିଯୋଗକୁ କର୍ଣ୍ଣପାତ କରୁ ନାହାଁନ୍ତି ବନ ବିଭାଗ ଓ ଅବକାରୀ ବିଭାଗ ।
ତେଣୁ ଅବକାରୀ ବିଭାଗ ଓ ମଦ ମାଫିଆ ଭିତରେ ମଧୁଚନ୍ଦ୍ରିକା ଚାଲିଛି ବୋଲି ଅଭିଯୋଗ ହେଉଛି । ଜଙ୍ଗଲ ମଧ୍ୟରେ ଦିବାଲୋକରେ ମାଫିଆମାନେ ହଜାର ହଜାର ଲିଟର ଚୋରା ମଦ ପ୍ରସ୍ତୁତ କରି ରାଜ୍ୟର ଅନେକ ସ୍ଥାନକୁ ଅବାଧରେ ଚାଲାଣ ହେଉଛି । ଏ ସଂପର୍କରେ ବନ ବିଭାଗ ପାଖରେ କୌଣସି ଖବର ନଥିବା ବେଳେ ଅବକାରୀ ବିଭାଗ ସାଜିଛି ନିରବ ଦ୍ରଷ୍ଟା । ସେପଟେ ଅଫିସରେ ମଧ୍ୟ ତାଲା ଝୁଲୁଥିବା ଦେଖିବାକୁ ମିଳିଛି । କିନ୍ତୁ କରୋନା କଟକଣାର ବାହାନା କରି ଏଭଳି ଘଟଣାକୁ ଘୋଡ଼ାଇବାକୁ ଚେଷ୍ଟ କରିଛନ୍ତି ବନବିଭିଗ ଅଧିକାରୀ ।
ଅଧିକାରୀ କହିଛନ୍ତି ଯେ ଏହା ପୂର୍ବରୁ ସେ ଅନେକ ରେଡ କରିଛଛନ୍ତି । ବହୁତ ବାଇକ ଏବଂ ମଦ ମଧ୍ୟ ଜବତ କରିଥିବା ସେ କହିଛନ୍ତି । ଗାଁ ଲୋକଙ୍କ ଅଭିଯୋଗକୁ ପୁରା ଖଣ୍ଡନ କରିଛନ୍ତି ଅଧିକାରୀ । ସେ କହିଛନ୍ତି ଯଦି ଉକ୍ତ ଗାଁର ଲୋକେ ସାହାଯ୍ୟ କରନ୍ତି ତେବେ ବନବିଭାଗ ତାଙ୍କୁ ପୁରା ସହାୟତା କରିବ ବୋଳଇ ସେ କହିଛନ୍ତି ।
ଜାତୀୟ ବୀରତା ସମ୍ମାନ : ପ୍ରଥମ ତିନି ସ୍ଥାନରେ ଜମ୍ମୁ-କାଶ୍ମୀର,ୟୁପି ପୋଲିସ ଓ CRPF
ନୂଆଦିଲ୍ଲୀ: ସ୍ୱାଧିନତା ଦୀବସ ପୂର୍ବରୁ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ପୋଲିସ ବୀରତା ସମ୍ମାନର ଘୋଷଣ ଶୁକ୍ରବାର ଦିନ ହୋଇଛି । ବୀରତା ସମ୍ମାନ ତାଲିକରେ ଜମ୍ମୁ-କାଶ୍ମୀର ପୋଲିସ ପ୍ରଥମ ସ୍ଥାନରେ ରହିଛି । ଅନ୍ୟପକ୍ଷରେ ଓଡ଼ିଶା ପୋଲିସକୁ ୧୪ ବୀରତା ପୁରସ୍କାର ମିଳିଛି । କେନ୍ଦ୍ର ଗୃହ ମନ୍ତ୍ରଣାଳୟ ତରଫରୁ ଘୋଷିତା ତାଲିକାରେ ୮୧ ମେଡାଲ ସହ ଜମ୍ମୁ-କାଶ୍ମୀର ପ୍ରଥମ ସ୍ଥାନରେ ଥିବା ବେଳେ ଦ୍ୱୀତିୟ ସ୍ଥାନରେ ଅଛି କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ(ସିଆରପିଏଫ୍) । ସିଆରପିଏଫକୁ ୫୫ ମେଡାଲ ମିଳିଛି । ସେହିଭଳି ତୃତୀୟ ସ୍ଥାନରେ ଅଛି ଉତ୍ତର ପ୍ରଦେଶ ପୋଲିସ । ଉତ୍ତର ପ୍ରଦେଶ ପୋଲିସକୁ ୨୩ ମେଡାଲ ମିଳିଛି ।
Ministry of Home Affairs announces list of medal awardees to the police personnel on #IndependenceDay 2020.
215 personnel get Police Medal for Gallantry, 80 get President's Police Medal for Distinguished Service & 631 get for Police Medal for Meritorious Service. pic.twitter.com/qXI3cBieIb
— ANI (@ANI) August 14, 2020
ଗୃହ ମନ୍ତ୍ରଣାଳୟ ତରଫରୁ ଜାରି ଲିଷ୍ଟ୍ ଅନୁସାରେ ଆନ୍ଧ୍ର ପ୍ରଦେଶ ପୋଲିସକୁ ୧୬,ଅରୁଣାଚଳ ପ୍ରଦେଶ ପୋଲିସକୁ ୪,ଆସାମ ପୋଲିସକୁ ୨୧,ଛତିସଗଡ ପୋଲିସକୁ ୧୪,ଗୋଆ ପୋଲିସକୁ ୧,ଗୁଜୁରାଟ ପୋଲିସକୁ ୧୯,ଓଡ଼ିଶା ପୋଲିସକୁ ୧୪, ହରିଆନା ପୋଲିସକୁ ୧୨,ହିମାଚଳ ପ୍ରଦେଶ ପୋଲିସକୁ ୪,ଝାଡଖଣ୍ଡ ପୋଲିସୁକ ୨୪,କର୍ଣ୍ଣାଟକ ପୋଲିସକୁ ୧୮କୁ ବୀରତା ଓ ସେବା ପୁରସ୍କାର ମିଳିଛି ।
ଓଡ଼ିଶା ପୋଲିସକୁ ମୋଟ ୧୪ ମେଡାଲ ମିଳିଛି । ଏଥିମଧ୍ୟରୁ ଦୁଇଟି ରାଷ୍ଟ୍ରପତି ମେଡାଲ ହୋଇଥିବା ବେଳେ ୧୨ ବିଶିଷ୍ଟ ସେବା ପଦକ ।
ସର୍ବମୋଟ ୨୧୫ ଜଣ ପୋଲିସ ଅଧିକାରୀଙ୍କୁ ବୀରତା ପାଇଁ ପୋଲିସ ପଦକ,୮୦ ଜଣଙ୍କୁ ରାଷ୍ଟ୍ରପତି ପଦକ,ବିଶିଷ୍ଟ ସେବା ପାଇଁ ୬୩୧ ଜଣଙ୍କୁ ପୋଲିସ ପଦକ ମିଳିବ । ଏହି ତାଲିକାରେ ଉତ୍ତର ପ୍ରଦେଶ ପୋଲିସର ୨୩ ଜଣ ଅଧିକାରୀଙ୍କୁ ବୀରତା ପୁରସ୍କାର,୬ ଜଣଙ୍କୁ ରାଷ୍ଟ୍ରପତି ପଦକ ଓ ୭୩ ଜଣଙ୍କୁ ପୋଲିସ ମେଡାଲ ପ୍ରଦାନ କରାଯିବ । ଅନ୍ୟପକ୍ଷରେ ଜମ୍ମୁ-କାଶ୍ମୀରର ୮୧ ଅଧିକାରୀଙ୍କୁ ବୀରତା ପୁରସ୍କାର ,ଜଣଙ୍କୁ ରାଷ୍ଚ୍ରପତି ପଦକ ଓ ୧୨ ଜଣଙ୍କୁ ପୋଲିସ ମେଡାଲ ଦିଆଯିବ । ଜମ୍ମୁ-କାଶ୍ମୀର ପୋଲିସର ୯୪ ଜଣ ଯବାନ ଓ ଉତ୍ତର ପ୍ରଦେଶ ପୋଲିସର ୧୦୨ ଜଣ ଯବାନ ସମ୍ମାନିତ ହେବେ ।
କ‘ଣ ପାଇଁ ପଖାଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପସନ୍ଦର ଖାଦ୍ୟ ? ଜାଣନ୍ତୁ
ଭୁବନେଶ୍ୱର: ଲେଖକ,ରାଜନିତିଜ୍ଞ ଓ ବିଶ୍ୱର ଅନେକ ଦେଶ ଭ୍ରମଣ କରିଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପସନ୍ଦର ଖାଦ୍ୟ କ’ଣ ? ମୁଖ୍ୟମନ୍ତ୍ରୀଙ୍କ ପସନ୍ଦର ଖାଦ୍ୟ କଣ୍ଟନେଣ୍ଟାଲ ନୁହେଁ । ଖାଣ୍ଟି ଓଡ଼ିଆ ଖାଦ୍ୟକୁ ପସନ୍ଦ କରନ୍ତି ନବୀନ । ତାଙ୍କ ପ୍ରିୟ ଖାଦ୍ୟ ହେଉଛି ପଖାଳ । ଓଡ଼ିଆଙ୍କ ପ୍ରାଣ ପଖାଳ ମଧ୍ୟ ମୁଖ୍ୟମନ୍ତ୍ରୀଙ୍କ ପସନ୍ଦ । ଏ କଥା ଖୋଦ ସେ ନିଜେ କହିଛନ୍ତି । ଦୁରଦର୍ଶନରେ ପ୍ରସାରିତ ହେବାକୁ ଥିବା ଏକ କାର୍ଯ୍ୟକ୍ରମକୁ ଦେଇଥିବା ବିଶେଷ ସାକ୍ଷାତକାରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ପଖାଳ ମୋର ପ୍ରିୟ ଖାଦ୍ୟ ।
ଓଡ଼ିଆ ଖାଦ୍ୟକୁ ସ୍ୱତନ୍ତ୍ର ପରିଚୟ ଦେବା ସହ ପ୍ରଚାର, ପ୍ରସାର ପାଇଁ ଓଟିଡିସି ଅଣ୍ଟା ଭିଡିଛି । ଆମ ଘର ଆମ ହାଣ୍ଡିଶାଳ ନାମରେ ଚାଲିଥିବା ରୋଷେଇ ପ୍ରତିଯୋଗିତା ଆସନ୍ତାକାଲି ଦୂରଦର୍ଶନରେ ପ୍ରସାରିତ ହେବ । ଏହି କାର୍ଯ୍ୟକ୍ରମରେ ଓଡ଼ିଆ ଖାଦ୍ୟକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜର ମନର କଥା କହିଛନ୍ତି । ଓଡ଼ିଆଙ୍କ ଖାଦ୍ୟ ରୁଚି ସମ୍ପର୍କରେ ସୂଚନା ଦେବା ସହ ପଖାଳ ତାଙ୍କ ପସନ୍ଦର ଖାଦ୍ୟ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
https://twitter.com/CMO_Odisha/status/1294178866177560576
ଓଡ଼ିଶା ଜଗନ୍ନାଥଙ୍କ ଦେଶ । ମହାପ୍ରଭୁ ଶ୍ରୀଜଗନ୍ନାଥ ନିଜେ ଛପନ ଭୋଗୀ । ଓଡ଼ିଆ ପର୍ବପର୍ବାଣୀ, ପିଠାପଣା ଓ ଖାଦ୍ୟ ଋଚି ପ୍ରତି ମୋର ବିଶେଷ ଆଗ୍ରହ ରହିଛି । ଓଡ଼ିଶା ବାହାରୁ ମୋ ଘରକୁ ଆସୁଥିବା ଅତିଥିମାନଙ୍କୁ ମୁଁ କେବଳ ଓଡ଼ିଆ ଖାଦ୍ୟ ପରଷିଥାଏ । ଓଡ଼ିଆ ଖାଦ୍ୟର ସ୍ୱତନ୍ତ୍ର ପରିଚୟ ରହିଛି । ବିଶେଷ କରି ପଖାଳ ମୋର ପସନ୍ଦ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।
ସୂଚନାଯୋଗ୍ୟ ଯେ, କିଛି ଦିନ ତଳେ ନବୀନଙ୍କ ନିମନ୍ତ୍ରଣରେ ଓଡ଼ିଶା ଆସିଥିବା ଦେଶର ବରିଷ୍ଠ ରାଜନେତାଙ୍କୁ ନବୀନ ନିବାସରେ ପଖାଳ ପରସା ଯାଇଥିଲା । ଏହି ନେତଙ୍କା ମଧ୍ୟରେ ଥିଲେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ,ପୂର୍ବତନ ପ୍ରଧାନମନ୍ତ୍ରୀ ଦେବ ଗୌଡା ଓ ପୂର୍ବତନ ଉପ ପ୍ରଧାନମନ୍ତ୍ରୀ ତଥା ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ ।
ରାଜ୍ୟରୁ ପୁଣି କରୋନା ନେଲା ୧୦ ମୁଣ୍ଡ, ମୃତ୍ୟୁ ସଂଖ୍ୟା ୩୨୪କୁ ବୃଦ୍ଧି
ଭୁବନେଶ୍ୱର: କରୋନା ସଂକ୍ରମଣ ସହ ରାଜ୍ୟରେ କରୋନା ମୃତ୍ୟୁ ସଂଖ୍ୟା ମଧ୍ୟ ବଢ଼ିବାରେ ଲାଗିଛି । ଶୁକ୍ରବାର ପୁଣି ରାଜ୍ୟରେ ୧୦ ଜଣଙ୍କର ମୁଣ୍ଡ ନେଇଛି କରୋନା । ତେବେ ନୂଆ ମୃତ୍ୟୁ ସଂଖ୍ୟାକୁ ମିଶାଇ ରାଜ୍ୟରେ ମୃତ୍ୟୁସଂଖ୍ୟା ୩୨୪କୁ ବୃଦ୍ଧି ପାଇଛି । କଟକରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଗଞ୍ଜାମରୁ ସର୍ବାଧିକ ୪ ଜଣଙ୍କର ମୃତ୍ୟୁ ହୋଇଛି ।
Regret to inform of the demise of ten Covid positive patients while under treatment in hospitals.
1. A 44 year old male of Cuttack who was also suffering from Hypertension.
2. A 60 year old male of Ganjam district who was also suffering from Diabetes & Hypertension.
— H & FW Dept Odisha (@HFWOdisha) August 14, 2020
ସେହିପରି ସମ୍ବଲପୁର, ସୁନ୍ଦରଗଡ଼ରୁ ଜଣେ ଲେଖାଏଁ ମୃତ୍ୟୁ ହୋଇଥିବା ବେଳେ ପୁରୀରୁ ୩ ଜଣଙ୍କର ମୃତ୍ୟୁ ହୋଇଛି । ତେବେ ସମସ୍ତ ମୃତକଙ୍କର ବୟସ ୩୨ରୁ ୭୫ ବର୍ଷ ମଧ୍ୟରେ ରହିଛି । ମୃତ ସମସ୍ତ ବ୍ୟକ୍ତି ପୂର୍ବରୁ କୌଣସି ନା କୌଣସି ରୋଗରେ ପିଡ଼ିତ ଥିବା ଜଣା ପଡ଼ିଛି ।
3. A 75 year old male of Ganjam district who was also suffering from Diabetes.
4. A 65 year old male of Ganjam district.
5. A 70 year old male of Ganjam district.
6. A 52 year old male of Sambalpur district.
7. A 32 year old male of Sundergarh district.
— H & FW Dept Odisha (@HFWOdisha) August 14, 2020
ତେବେ ଆଜି ରାଜ୍ୟରୁ ୧୯୭୭ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯଦିଓ ପୂର୍ବରୁ ସ୍ଥାନୀୟ ସଂକ୍ରମଣ କମ ରହୁଥିଲା କିନ୍ତୁ ଏବେ ବଢୁଥିବା ସ୍ଥାନୀୟ ସଂକ୍ରମଣ ଚିନ୍ତା ବଢାଇଛି । ଗତ ୨୪ ଘଣ୍ଟାରେ ଚିହ୍ନଟ ହୋଇଥିବା ୧୯୭୭ ସଂକ୍ରମିତ କରୋନାକୁ ନେଇ ଭୟକୁ ଦୃଢିଭୁତ କରାଇଛି । ତେବେ ଚିହ୍ନଟ ହୋଇଥିବା ସମୁଦାୟ ସଂକ୍ରମିତଙ୍କମଧ୍ୟରୁ ୧୨୪୧ ଟି କେସ୍ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ଅବଶିଷ୍ଟ ୭୩୬ଟି ମାମଲା ସ୍ଥାନୀୟ ସଂକ୍ରମଣ ବୋଲି ଜଣାପଡ଼ିଛି । ଏନେଇ ସୂଚନା ଦେଇଛି ସୂଚନା ଓ ଲୋକ ସମ୍ପର୍କ ବିଭାଗ ।
8. A 50 year old male of Puri district who was also suffering from Diabetes & Hypertension.
9. A 52 year old male of Puri district .
10. A 72 year old male of Puri district who was also suffering from Hypertension.
— H & FW Dept Odisha (@HFWOdisha) August 14, 2020
ରାଜ୍ୟରେ ବଦଳିଲା ଆପାର୍ଟମେଣ୍ଟ ନିର୍ମାଣ ନିୟମ,ପୁରୁଣା ଘର ନବୀକରଣ ପାଇଁ ଦରକାର ନାହିଁ ଅନୁମତି
ଭୁବନେଶ୍ୱର: ରାଜ୍ୟରେ ବଦଳିଲା କୋଠାବାଡ଼ି ନିର୍ମାଣ ନିୟମ । କୋଠାବଡ଼ି ନିୟମ କୋହଳ କରିବା ପାଇଁ ଓଡ଼ିଶା ଡ଼େଭଲପମେଣ୍ଟ ଅଥୋରିଟି ପ୍ଲାନିଂ ଆଣ୍ଡ ବିଲଡ଼ିଂ ଷ୍ଟାଣ୍ଡାର୍ଡ଼ ରୁଲ ୨୦୨୦ ଆଣିଛନ୍ତି ରାଜ୍ୟ ସରକାର । ନୁଆ ନିୟମ ଅନୁସାେରେ ଏଣିକି ୮ଟି ଗୃହ ଥିବା ଅଟ୍ଟାଳିକାକୁ ଅପାର୍ଟମେଣ୍ଟ କୁହାଯିବ ।ଏହାସହ ପୁରୁଣା ଘର ନବୀକରଣ ପାଇଁ ଆଉ ଅନୁମତି ନେବାକୁ ପଡ଼ିବ ନାହିଁ ବୋଲି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା କହିଛନ୍ତି । ସରକାରଙ୍କ ଏହି ନୂଆ ଯୋଜନା ରିଏଲିଷ୍ଟେଟ କ୍ଷେତ୍ରରେ ଏକ ବୈପ୍ଲବିକ ପରିବର୍ତ୍ତନ ଆଣିବ ବୋଲି ମନ୍ତ୍ରୀ କହିଛନ୍ତି । ଯାହାକୁ ସ୍ୱାଗତ କରିଛନ୍ତି ରିଏଲିଷ୍ଟେଟ ବ୍ୟବସାୟୀମାନେ ।
ଛୋଟ ଘର ନିର୍ମାଣ କରୁଛନ୍ତି କି ? ତେବେ ଆପଣଙ୍କୁ ଆଉ ହଇରାଣ ହେବାକୁ ପଡ଼ିବ ନାହିଁ । ଘରର ମଡ଼େଲ ପ୍ଲାନ ପାଇଁ ଆଉ ବାରମ୍ବାର ଦୌଡ଼ିବାକୁ ପଡ଼ିବ ନାହିଁ ସରକାରୀ କାର୍ଯ୍ୟାଳୟକୁ । ଆବଶ୍ୟକ ଅର୍ଥ ପୈଠ କରି ଘର ନିର୍ମାଣ କରି ହେବ । ସେହିପରି ପୁରୁଣା ଘରର ନବୀକରଣ ପାଇଁ ବି ଆଉ ଅନୁମିତି ନେବାକୁ ପଡ଼ିବ ନାହିଁ ଘର ନିର୍ମାତାକୁ । ଏଥିଲାଗି ଓଡ଼ିଶା ଡ଼େଭଲପମେଣ୍ଟ ଅଥୋରିଟି ପ୍ଲାନିଂ ଆଣ୍ଡ ବିଲଡ଼ିଂ ଷ୍ଟାଣ୍ଡାର୍ଡ଼ ରୁଲ ୨୦୨୦ ଆଣିଛନ୍ତି ରାଜ୍ୟ ସରକାର । ଏହାଦ୍ୱାରା କୋଠାବାଡ଼ି ନିର୍ମାଣ ନିୟମ କୋହଳ କରାଯାଇଛି । ନିୟମ ଅନୁସାରେ ଏଣିକି ୪ଟି ଗୃହ ନୁହେଁ, ୮ଟି ଗୃହ ଥିବା ଅଟ୍ଟାଳିକାକୁ ଆପାର୍ଟମେଣ୍ଟ କୁହାଯିବ । ଏହାସହ ଉଚ୍ଚ ଅଟ୍ଟାଳିକା ନିର୍ମାଣ ପାଇଁ ପ୍ରତିବନ୍ଧକ ହେବନି ଫ୍ଲାଟ ସାଇଜ । କେବଳ ସେତିକି ନୁହେଁ, ବାହ୍ୟ ଭିତ୍ତିଭୂମି ଉନ୍ନତିକରଣ ଫି ଓ ଖରିଦ ଯୋଗ୍ୟ ଏଫଏଆର ଦେୟ କିସ୍ତିରେ ଦେବାର ବ୍ୟବସ୍ଥା ରହିଛି ଏହି ନୁଆ ନିୟମରେ । ଏହାସହ ବାସଗୃହ ପାଇଁ ଉଦ୍ଧିଷ୍ଟ କୋଠାବାଡ଼ି ବ୍ୟବସାୟୀ ପ୍ରତିଷ୍ଠାନ ରେ ବ୍ୟବହାର କରାଯାଇ ପାରବି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା କହିଛନ୍ତି ।
ରାଜ୍ୟ ସରକାରଙ୍କ ଏହି ନୂଆ ନିୟମ ଓଡ଼ିଶାରେ ରିଏଲିଷ୍ଟେଟ୍ କ୍ଷେତ୍ରରେ ଏକ ବୈପ୍ଲବିକ ପରିବର୍ତ୍ତନ ଆଣିବ ବୋଲି ନଗର ଉନ୍ନୟନ ମନ୍ତ୍ରୀ କହିଛନ୍ତି । ଯେହେତୁ ଅଟ୍ଟାଳିକା ନିର୍ମାଣ ନିୟମ କୋହଳ କରାଯାଇଛି ତାହା ରିଏଲିଷ୍ଟେଟ୍ ବ୍ୟବସାୟୀଙ୍କୁ ସହାୟକ ହେବ । ବିଶେଷକରି ଗୃହ ନିର୍ମାଣ କ୍ଷେତ୍ରରେ ଅଧିକ ପୁଜିଂ ବିନିଯୋଗକୁ ଆକର୍ଷଣ କରିବା ପାଇଁ ରାସ୍ତା,ପାର୍କିଙ୍ଗ ଏବଂ ସେଟବ୍ୟାକ୍ ନିୟମ ମଧ୍ୟ କୋହଳ କରାଯାଇଛି । ଏହାସହ ଓଡ଼ିଶା ସହରାଂଚଳରେ ସମସ୍ତ ପାଇଁ ଘର ନୀତି ୨୦୧୫ରେ ବି ସଂଶୋଧନ କରାଯାଇଛି । ଏଫଏଆର ସୀମା ୭ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହା ସୁଉଚ୍ଚ ଅଟ୍ଟାଳିକା ନିର୍ମାଣ କ୍ଷେତ୍ରରେ ସହାୟକ ହେବ । ଯାହା ସମଗ୍ର ଦେଶରେ ସବୁଠାରୁ ଅଧିକ । ତେବେ ରାଜ୍ୟ ସରକାରଙ୍କ ଏହି ନୂଆ ନିୟମକୁ ରିଏଲିଷ୍ଟେଟ୍ ବ୍ୟବସାୟୀମାନେ ସ୍ୱାଗତ କରିଛନ୍ତି ।