ଖୋର୍ଦ୍ଧା: ବାର୍ କର୍ମଚାରୀଙ୍କୁ ହତ୍ୟା ଘଟଣାରେ ପୋଲିସକୁ ସଫଳତା । ୬ ଜଣିଆ ଗ୍ୟାଙ୍ଗକୁ ଗିରଫ କଲା ପୋଲିସ । ଏହା ସହିତ ଘଟଣାରେ ବ୍ୟବହୃତ BMW କାର, ବାଇକ, ବନ୍ଧୁକ ଓ ଛୁରୀ ଜବତ କରିଛି ପୋଲିସ । ଖୋର୍ଦ୍ଧା ଏସ୍ପିଙ୍କ ନେତୃତ୍ୱରେ ୫ଟି ଟିମ୍ ଘଟଣାର ଖୋଳତାଡ କରିଥିଲେ । ଖୋର୍ଦ୍ଧା ସମେତ ଭୁବନେଶ୍ୱର, ରଣପୁର, ନୟାଗଡ ଓ ପୁରୀର ବିଭିନ୍ନ ଅଞ୍ଚଳରେ ଚଢ଼ାଉ କରି ୬ ଜଣଙ୍କୁ ଅଟକ ରଖାଯାଇଥିଲା । ପଚରାଉଚରା ପରେ ସେମାନଙ୍କୁ ଗିରଫ କରାଯାଇଛି । ଗତ ଜୁଲାଇ ୧୪ ତାରିଖରେ ଗାଡି ପାର୍କିଂକୁ ନେଇ ବଚସା ହୋଇଥିବା ବେଳେ ପରେ ତାଙ୍କୁ ହତ୍ୟା କରାଯାଇଥିଲା । ହତ୍ୟାକାରୀଙ୍କ ନାଁରେ ପୂର୍ବରୁ ଭୁବନେଶ୍ୱର ନୟାପଲ୍ଲୀ ଥାନାରେ ଅନେକ ଅପରାଧ ତାଲିକା ରହିଥିବା ଜଣାପଡିଛି । ଘଟଣାରେ ଅଧିକ ତଦନ୍ତ ଜାରି ରଖିଛି ପୋଲିସ ।
ସୁଶାନ୍ତଙ୍କ ଗର୍ଲଫ୍ରେଣ୍ଡ ଅମିତ ଶାହାଙ୍କୁ ହାତ ଯୋଡ଼ି କଲେ ଅନୁରୋଧ, କହିଲେ ସିବିଆଇ ତଦନ୍ତ କରନ୍ତୁ
ନୂଆଦିଲ୍ଲୀ: ସୁଶାନ୍ତ ସିଂଙ୍କ ଆତ୍ମହତ୍ୟାକୁ ନେଇ ଚାରିଆଡ଼ୁ ସିବିଆଇ ତଦନ୍ତ ପାଇଁ ଦାବି ଜୋର ଧରିଛି । ଦୀର୍ଘ ଦିନ ଧରି ସୁଶାନ୍ତ ଆତ୍ମହତ୍ୟା ମାମଲାରେ ଅନେକ ଭେଟେରାନ ରାଜନେତା ଏବଂ ଅଭିନେତା ସିବିଆଇ ତଦନ୍ତ ଦାବି କରିଛନ୍ତି । ସେହି ସମାନ କ୍ରମରେ ବର୍ତ୍ତମାନ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ମଧ୍ୟ ଗୃହମନ୍ତ୍ରୀ ଅମିତ ଶାହାଙ୍କୁ ଟ୍ୱିଟ୍ କରି ସିବିଆଇ ତଦନ୍ତ ଆରମ୍ଭ କରିବାକୁ ନିବେଦନ କରିଛନ୍ତି । ରିୟା ମୋଟ ଦୁଇଟି ଟ୍ୱିଟ୍ କରିଛନ୍ତି ଯେଉଁଥିରେ ସେ ଏଭଳି ତଦନ୍ତ ପାଇଁ ଅନୁରୋଧ କରିଛନ୍ତି ।
ପ୍ରଥମ ଟ୍ୱିଟରେ ରିୟା ଲେଖିଛନ୍ତି, “ସମ୍ମାନିତ ଅମିତ ଶାହା ସାର୍, ମୁଁ ସୁଶାନ୍ତ ସିଂ ରାଜପୁତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ । ସୁଶାନ୍ତଙ୍କ ମୃତ୍ୟୁ ହେବାର ଏକ ମାସରୁ ଅଧିକ ସମୟ ବିତିଗଲାଣି । ମୋର ସରକାରଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ ଅଛି । ତଥାପି ମୁଁ ନ୍ୟାୟ ଖୋଜୁଛି । ହାତ ଯୋଡ଼ି ମୁଁ ଆପଣଙ୍କୁ ଏହି ମାମଲାରେ ସିବିଆଇ ତଦନ୍ତ ଆରମ୍ଭ କରିବାକୁ ଅନୁରୋଧ କରୁଛି ।
ସେପଟେ ରିୟାଙ୍କର ଏହି ଟ୍ୱିଟକୁ ବହୁଳ ମାତ୍ରାରେ ରିଟ୍ୱିଟ କରାଯାଉଛି । ରିୟା ତାଙ୍କ ପରବର୍ତ୍ତୀ ଟ୍ୱିଟରେ ଲେଖିଛନ୍ତି, “ମୁଁ ଆପଣଙ୍କୁ ଅନୁରୋଧ କରୁଛି ଯେ ଏହି ମାମଲାରେ ସିବିଆଇ ତଦନ୍ତ ଆରମ୍ଭ କରନ୍ତୁ । ମୁଁ କେବଳ ବୁଝିବାକୁ ଚାହୁଁଛି ଯେ ସୁଶାନ୍ତଙ୍କୁ ଏହି ନିଷ୍ପତ୍ତି ନେବାକୁ ବାଧ୍ୟ କରିଥିବାର ଚାପଟା କ’ଣ ? ଚକ୍ରବର୍ତ୍ତୀ। ସତ୍ୟମେଭା ଜୟତେ ଅମିତ ଶାହା ସାର୍। ” ବୋଲି ସେ ଲେଖିଛନ୍ତି ।
ଏହି ଲୋକମାନେ ସିବିଆଇ ତଦନ୍ତ ପାଇଁ ମଧ୍ୟ ଦାବି କରିଛନ୍ତି
୧୪ ଜୁନ୍ ରେ ମୁମ୍ବାଇର ଫ୍ଲାଟରେ ନିଜକୁ ଫାଶୀ ଦେଇ ସୁଶାନ୍ତ ସିଂ ରାପଜୁଟ୍ ଆତ୍ମହତ୍ୟା କରିଥିଲେ । ଏହା ଆତ୍ମହତ୍ୟା ଥିଲା ନା ହତ୍ୟା ଥିଲା ତାହାର ପର୍ଦାଫାସ ପାଇଁ ସମସ୍ତେ ଚାହୁଁଛନ୍ତି । ତେବେ ରିୟାଙ୍କ ଟ୍ୱିଟ ପୂର୍ବରୁ ମଧ୍ୟ ଅନେକ ବ୍ୟକ୍ତି ଟ୍ୱିଟ କରିଛନ୍ତି । ଏପର୍ଯ୍ୟନ୍ତ ଅଭିନେତ୍ରୀ ରୂପା ଗାଙ୍ଗୁଲି, ଶେଖର ସୁମନ ଏବଂ ଭେଟେରାନ ନେତା ପପୁ ଯାଦବ ସୁଶାନ୍ତ ଆତ୍ମହତ୍ୟା ମାମଲାରେ ସିବିଆଇ ତଦନ୍ତର ଦାବି କରିଛନ୍ତି ।
ସୁଶାନ୍ତଙ୍କ ଗର୍ଲଫ୍ରେଣ୍ଡ୍ ରିୟାଙ୍କୁ ଦୁଷ୍କର୍ମ ଓ ହତ୍ୟା ଧମକ, ସାଇବର ସେଲ୍ ଶରଣରେ ଅଭିନେତ୍ରୀ
ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ମାସେ ପୂରିଲାଣି । ହେଲେ ତାଙ୍କର ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ସୋସିଆଲ ମିଡିଆରେ ଟ୍ରୋଲର ପୂର୍ବଭଳି ଟ୍ରୋଲିଂ କରୁଛନ୍ତି । ଟ୍ରୋଲର ତାଙ୍କୁ ବିଭିନ୍ନ ପ୍ରକାର ଆପତ୍ତିଜନକ କଥା କହୁଛନ୍ତି । ତେବେ ସମୟ ସମୟରେ ତାଙ୍କୁ ଧମକ ମଧ୍ୟ ମିଳୁଛି । ଏନେଇ ପୁଣି ଥରେ ଅଭିଯୋଗ କରିଛନ୍ତି ରିୟା ଚକ୍ରବର୍ତ୍ତୀ । ସୁଶାନ୍ତଙ୍କ ମୃତ୍ୟୁକୁ ମାସେ ପୂରିବା ପରେ ରିୟା ଏକ ଇମୋସନାଲ୍ ନୋଟ୍ ନିଜ ସୋସିଆଲ୍ ମିଡିଆରେ ପୋଷ୍ଟ ମଧ୍ୟ କରିଥିଲେ । ମାତ୍ର ଏହାର କୌଣସି ପ୍ରଭାବ ରିୟାଙ୍କ ଟ୍ରୋଲରଙ୍କ ଉପରେ ପଡିନାହିଁ ।
ତାଙ୍କୁ ଜୀବନରୁ ମାରିଦେବା ସହ ରେପ୍ କରିବା ପାଇଁ ମଧ୍ୟ ଧମକ ମିଳୁଛି । ତାଙ୍କୁ ଧମକପୂର୍ଣ୍ଣ ମେସେଜ ଆସୁଛି ବୋଲି କହି ପ୍ରମାଣ ସ୍ୱରୂପ ସେ ଏକ ସ୍କ୍ରିନ୍ ସଟ୍ ମଧ୍ୟ ପୋଷ୍ଟ କରିଛନ୍ତି । ଉକ୍ତ ସ୍କ୍ରିନ୍ ସଟରେ ଜଣେ ମହିଳା ତାଙ୍କ ବିରୋଧରେ ଆପତ୍ତିଜନକ ଶଦ୍ଦ ବ୍ୟବହାର କରିବା ସହ ତାଙ୍କୁ ରେପ୍ କରି ହତ୍ୟା କରିବା ନେଇ ଧମକ ଦେଇଛନ୍ତି । ରିୟା ଧମକ ପାଇବେ ପରେ ସାଇବର ସେଲ୍ କ୍ରାଇମର ହସ୍ତକ୍ଷେପ ଲୋଡିଛନ୍ତି ।
https://www.instagram.com/p/CCsVR4vH2TV/?utm_source=ig_embed
ତେବେ ସେ ଉକ୍ତ ସ୍କ୍ରିନ୍ ସଟକୁ ନଜ ଇନଷ୍ଟାଗ୍ରାମ୍ ଆକାଉଣ୍ଟରେ ପୋଷ୍ଟ କରି ସେ ଲେଖିଛନ୍ତି, ମୋତେ ହତ୍ୟାକାରୀ ବୋଲି କୁହାଗଲା, ମୁଁ ଚୁପ୍ ରହିଲି.. ମୋତେ ଗୋଲ୍ଡ ଡିଗର ବୋଲି କୁହାଗଲା, ମୁଁ ଚୁପ୍ ରହିଲି, ମୁଁ ଲଜ୍ଜିତ ବୋଲି କୁହାଗଲା,ମୁଁ ଚୁପ୍ ରହିଲି । ମାତ୍ର ମୋ ନୀରବତା ତୁମକୁ ଏଭଳି ସୁଯୋଗ କିଭଳି ଦେଲା ଯେ ମୁଁ ଆତ୍ମହତ୍ୟା ନକଲେ,ତୁମେ ମୋତେ ରେପ କରି ହତ୍ୟା କରିବା ପାଇଁ ଧମକ ଦେବ । ତୁମେ ଜାଣିଛ ଏହା କେତେ ବଡ ଅପରାଧ ଏବଂ କେହି ଏଭଳି ମାନସିକ ଚାପ ଦେଇପାରିବେ ନାହିଁ । ମୁଁ ସାଇବର କ୍ରାଇମ ହେଲ୍ପଲାଇନକୁ ଅନୁରୋଧ କରୁଛି ଦୟାକରି ଆବଶ୍ୟକୀୟ ପଦକ୍ଷେପ ନିଅନ୍ତୁ ।
ରାଜଧାନୀରୁ ଆଉ ୬୦ କରୋନା ସଂକ୍ରମିତ ଚିହ୍ନଟ: କରୋନା ମୁକ୍ତ ହେଲେ ୧୮ ଜଣ
ଭୁବନେଶ୍ୱର: ରାଜଧାନୀରେ କ୍ରମାଗତଭାବେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି । ରାଜଧାନୀ ଭୁବନେଶ୍ୱରରୁ ଗୁରୁବାର ଆଉ ୬୦ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରେ ୪୦ ଜଣ କ୍ୱାରେଣ୍ଟାଇନ୍ ସେଣ୍ଟର ହୋଇଥିବା ବେଳେ ୨୦ ଜଣ ସ୍ଥାନୀୟ ସଂକ୍ରମଣ । ସ୍ଥାନୀୟ ସଂକ୍ରମିତଙ୍କମାନଙ୍କ ମଧ୍ୟରେ ଭୀମଟାଙ୍ଗିର ୫୦ ବର୍ଷୀୟ ବୃଦ୍ଧ, ଆଚାର୍ଯ୍ୟ ବିହାରର ୨୧ ଓ ୩୮ ବର୍ଷୀୟ ଦୁଇ ଯୁବକ, ଜୟଦେବ ବିହାରର ୨୬ ଓ ୨୧ ବର୍ଷର ଦୁଇ ଯୁବକ, ଜାଗମରାର ୩୮ ବର୍ଷୀୟ ଯୁବକ, ବମିଖାଲର ୪୨ ବର୍ଷୀୟ ଯୁବକ । ସେହିପରି ପଟିଆରେ ମଧ୍ୟ ଜଣେ ୩୫ ବର୍ଷୀୟ ବ୍ୟକ୍ତି, ନୟାପଲ୍ଲୀ ବେହେରା ସାହିରୁ ୫୬ ବର୍ଷୀୟ ବୃଦ୍ଧ, ସାଲିଆ ସାହିରୁ ୩୫ ବର୍ଷୀୟା ମହିଳା ଓ ଏକ କେନ୍ଦ୍ରୀୟ ହସ୍ପିଟାଲର ଜଣେ ୨୯ ବର୍ଷୀୟ ବ୍ୟକ୍ତି ମଧ୍ୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।
Update on newly detected & cured #COVID19 cases in the last 24 hrs under the BMC area on 16th July 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/qMexqh3O4a— BMC (@bmcbbsr) July 16, 2020
ଏତଦ୍ବ୍ୟତୀତ ସରକାରୀ ହସ୍ପିଟାଲରୁ ୨୪ ବର୍ଷ ୨୪ ବର୍ଷ ଓ ୨୯ ବର୍ଷୀୟ ଯୁବକ, ନୟାପଲ୍ଲୀ ଆଇଆରସି ଭିଲେଜର ୨୧ ବର୍ଷୀୟା ଯୁବତୀ, ସାଲିଆ ସାହିର ୩୪ ଓ ୪୩ ବର୍ଷୀୟ ଦୁଇ ବ୍ୟକ୍ତି, ଶ୍ୟାମପୁରର ୩୪ ବର୍ଷୀୟ ବ୍ୟକ୍ତି, ଏକାମ୍ର ବିହାରର ୪୫ ବର୍ଷୀୟ ବ୍ୟକ୍ତି ଓ ଘାଟିକିଆର ଜଣେ ୪୬ ବର୍ଷୀୟା ମହିଳା ମଧ୍ୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।
ଗୁରୁବାର ରାଜଧାନୀରେ ୧୮ ଜଣ ସୁସ୍ଥ ମଧ୍ୟ ହୋଇଛନ୍ତି । ଏହାକୁ ମିଶାଇ ମୋଟ୍ ୪୦୩ ଜଣ ସୁସ୍ଥ ହୋଇଥିବା ବେଳେ ଏବେବି ୫୦୪ଟି ସକ୍ରିୟ କେସ୍ ରହିଛି । ଏହାସହ ୧୧ ଜଣ ପ୍ରାଣ ମଧ୍ୟ ହରାଇଛନ୍ତି ।
ସମସ୍ତଙ୍କୁ ସଂକ୍ରମଣ ଚିନ୍ତା, କୋଚିଂ ସେଣ୍ଟର ସାର୍ଙ୍କୁ ପଇସା ଚିନ୍ତା…
ଚୀନ୍ର ଏହି କମ୍ପାନୀ ନିଜ କର୍ମଚାରୀଙ୍କ ଉପରେ ସରକାରଙ୍କ ଅନୁମତି ବିନା କରୋନା ଟିକାର କଲା ପରୀକ୍ଷଣ !
ନୂଆଦିଲ୍ଲୀ: କରୋନା କବଳରେ ସାରା ବିଶ୍ୱ । କରୋନାଠୁ ମୁକୁଳିବା ପାଇଁ ପୁରା ଦେଶ କରୁଛି ପ୍ରୟାସ । ପୁରା ଦେଶର ସରକାରୀ ଏବଂ ବେସରକାରୀ କମ୍ପାନୀ କରୁଛନ୍ତି କରୋନା ଟିକା ତିଆରି କରିବା ପାଇଁ ଚେଷ୍ଟା । ହେଲେ ପ୍ରତ୍ୟେକଥର ବିଫଳତାର ସ୍ୱାଦ ଚାଖିବାକୁ ପଡ଼ୁଛି । ଏଇ ଭିତରେ ଚାଇନାର ଏକ ସରକାରୀ କମ୍ପନୀ ତାର ଅଧିକାରୀ ମାନଙ୍କ ଉପରେ କରୋନା ପ୍ରତିଷେଧକ ଟିକାର ପ୍ରଯୋଗ କରିଛି ।
ଚୀନ୍ ସରକାର ଏହି ଟିକାକୁ ମଣିଷ ଉପରେ ପରୀକ୍ଷା କରିବାକୁ ଅନୁମତି ଦେବା ପୂର୍ବରୁ ଚୀନ୍ କମ୍ପାନୀ ଏହାକୁ ପରୀକ୍ଷା କରିସାରିଛି । କମ୍ପାନୀ ‘ସାଇନୋଫାର୍ମ’ ତରଫରୁ ଏକ ପୋଷ୍ଟ କରାଯାଇଛି । ଏହି ପୋଷ୍ଟରେ ସେହି ମାନଙ୍କର ଫଟୋ ରହିଛି ଯେଉଁମାନେ ପରୀକ୍ଷଣରେ ସାହାଯ୍ୟ କରିଛନ୍ତି । ଏହା ବୀରତ୍ୱର ,ବଳିଦାନ କିମ୍ବା ଆନ୍ତର୍ଜାତୀୟ ନୈତିକ ଆଦର୍ଶର ଉଲ୍ଲଂଘନ ତାକୁ ନେଇ ପ୍ରଶ୍ନ ଉଠୁଛି । ଚୀନ୍ ଏଭଳି ପରୀକ୍ଷଣ ଲୋକମାନଙ୍କର ନିଜ ଇଚ୍ଛାରେ କରିନଥାଇ ପାରେ । ଏହାର କାରଣ ହେଉଛି ଆମେରିକା ଏବଂ ବ୍ରିଟିଶ କମ୍ପାନୀ ମାନଙ୍କ ସହ ଚୀନ୍ର ପ୍ରତିଯୋଗିତା କରୁଛି ଟିକା ପ୍ରସ୍ତୁତ କରିବାରେ । ମହାମାରୀକୁ ଶେଷ କରିବା ପାଇଁ ଟିକା ପ୍ରସ୍ତୁତ କରିବାକୁ ଆଗେଇ ଚାଲିଛି ଚୀନ । ଚାଇନା ଯେକୌଣସି ଉପାରେ ଏହି ଟିକାକୁ ହାସଲ କରିବାକୁ ଚାହୁଁଛି ।
ଯଦି କମ୍ପାନୀର ଦାବି ଠିକ୍ ପ୍ରମାଣିତ ହେଲା ତେବେ ଚୀନର ବୈଜ୍ଞାନିକ ଏବଂ ରାଜନୈତିକ ବିଜୟ ହାସଲ କରିବ । ଜର୍ଜଟାଉନ୍ ବିଶ୍ୱବିଦ୍ୟାଳୟର ଜନସ୍ୱାସ୍ଥ୍ୟ ଆଇନ ବିଶେଷଜ୍ଞ ଲରେନ୍ସ ଗୋଷ୍ଟିନ କହିଛନ୍ତି ଯେ ସମସ୍ତଙ୍କ ପାଖରେ କୋଭିଡ -19 ଟିକା ରହିବା ଉଚିତ । କିନ୍ତୁ ଏହା ପାଇବା ଅତ୍ୟନ୍ତ କଷ୍ଟକର । କରୋନା ଭୂତାଣୁ ଟୀକାକରଣ ଦୌଡ଼ରେ ଚୀନ୍ ନିଜକୁ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଭାବରେ ଉପସ୍ଥାପନ କରିଛି ।
ମାନବ ପରୀକ୍ଷଣର ବିଭିନ୍ନ ସ୍ତରରେ ବିଶ୍ୱରେ ଦୁଇଟି ଡର୍ଜନ ଟିକା ଅଛି । ସେମାନଙ୍କ ମଧ୍ୟରୁ ଆଠଟି ଚାଇନାର । ଅନ୍ୟପକ୍ଷରେ, ‘ସାଇନୋଫାର୍ମ’ ମଧ୍ୟ ଏହାର ସ୍ଥିତିକୁ ମଜବୁତ କରିବାକୁ ଚାହୁଁଥିବା ପରୀକ୍ଷଣର ଶେଷ ପର୍ଯ୍ୟାୟରେ ଘୋଷଣା କରିଛି ।
ଘୋଷଣା ହେଲା ବିଜେଡିର ୩୬ ଜଣିଆ ସାଧାରଣ ସମ୍ପାଦକ ତାଲିକା, ଗଣମାଧ୍ୟମ ବ୍ୟାପାର ଦାୟିତ୍ୱରେ ମାନସ ମଙ୍ଗରାଜ
ଭୁବନେଶ୍ୱର: ବିଜୁ ଜନତା ଦଳ ୩୬ ଜଣିଆ ସାଧାରଣ ସମ୍ପାଦକଙ୍କ ତାଲିକା ଘୋଷଣା କରିଛି । ଦଳ ମୁଖିଆ ନବୀନ ପଟ୍ଟନାୟକ ଏମାନଙ୍କୁ ନିଯୁକ୍ତ କରିଛନ୍ତି । ସମସ୍ତଙ୍କୁ ଭିନ୍ନ ଭିନ୍ନ ବିଭାଗରେ ଦାୟିତ୍ୱ ମିଳିଛି । ଏହାପୂର୍ବରୁ ଦଳର ଉପ-ସଭାପତିମାନଙ୍କ ତାଲିକା ଘୋଷଣା ହୋଇଥିଲା । ତେବେ ତାଲିକାରେ ବିଜେଡି ଉଭୟ ଯୁବ ଓ ବରିଷ୍ଠଙ୍କୁ ସୁଯୋଗ ଦେଇଛି । ସଶକ୍ତ ଓଡିଶା ଦାୟିତ୍ୱରେ ରହିଛନ୍ତି ମନୋହର ରନ୍ଧାରୀ ଓ ସୁଶାନ୍ତ ସିଂ । ତେବେ ଏମାନଙ୍କ ଭିନ୍ନ ବିଶ୍ୱଜିତ୍ ମହାନ୍ତି ଓ ଅନନ୍ତ ନାରାୟଣ ଜେନା ମଧ୍ୟ ସଶକ୍ତ ଓଡିଶା ଦାୟିତ୍ୱରେ ରହିଛନ୍ତି ।
ଅନୁସୂଚିତ ଜାତି ସଶକ୍ତିକରଣ ବିଭାଗରେ ସାଧାରଣ ସମ୍ପାଦକ ଦାୟିତ୍ୱ ତୁଲାଇବେ ଚନ୍ଦ୍ର ଶାରଥୀ ବେହେରା ଓ ସ୍ନେହାଙ୍ଗୀନି ଛୁରିଆ । ତେବେ ଦଳୀୟ ସୁପ୍ରିମୋ ସାଧାରଣ ସମ୍ପାଦକମାନଙ୍କୁ ଭିନ୍ନ ଭିନ୍ନ ବିଭାଗରେ ବାଣ୍ଟି ଦାୟିତ୍ୱ ଦେଇଛନ୍ତି । ଦଳକୁ ତୃଣମୂଳ ସ୍ତରରୁ ଆହୁରି ଦୃଢ କରିବା ପାଇଁ ସାଧାରଣ ସମ୍ପାଦକମାନଙ୍କୁ ମୋ ପରିବାର, ଛାତ୍ର ବ୍ୟାପାର, ଯୁବ ବ୍ୟାପାର, ପରିବେଶ ସୁରକ୍ଷା, ସଂଖ୍ୟାଲଘୁ ବ୍ୟାପାର, ଆଦିବାସୀ ସଶକ୍ତିକରଣ, କଳା,ସଂସ୍କୃତି ଓ ମାନବ ସମ୍ୱଳ, ଗଣମାଧ୍ୟମ ବ୍ୟାପାର ଭଳି ଭିନ୍ନ ଭିନ୍ନ ଶ୍ରେଣୀରେ ଦାୟିତ୍ୱ ଦିଆଯାଇଛି ।
ମାନସ ମଙ୍ଗରାଜଙ୍କୁ ଗଣମାଧ୍ୟମ ବ୍ୟାପାର ବିଭାଗର ସାଧାରଣ ସମ୍ପାଦକ ଭାବେ ନିଯୁକ୍ତ କରାଯାଇଛି । ବିଶେଷ ଭାବେ ସାଧାରଣ ସମ୍ପାଦକମାନଙ୍କୁ ନିର୍ଦ୍ଦିଷ୍ଟ ଦାୟିତ୍ୱ ଦେଇ ବିଜେଡି ସୁପ୍ରିମୋ ସବୁ ବିଭାଗରେ ଦଳକୁ ସଶକ୍ତ କରିବା ପାଇଁ ଆଗ୍ରହ ଥିବା ଦର୍ଶାଇଛନ୍ତି । ସେହିଭଳି ଅନ୍ୟମାନଙ୍କ ମଧ୍ୟରେ ଜଗନ୍ନାଥ ଛୁରିଆ, ଜଗନ୍ନାଥ ସାରକା, ଏମଡି ଅୟୁବ ଖାନ୍, ଦେବେଶ ଆଚାର୍ଯ୍ୟ, ଉମାକାନ୍ତ ସାମନ୍ତରାୟ, ବ୍ୟମୋକେଶ ରାୟ, ଅନନ୍ତ ନାରାୟଣ ଜେନା, ରାଜଶ୍ରୀ ମଲ୍ଲିକ୍, ପ୍ରିୟଦର୍ଶୀ ମିଶ୍ର, ଧ୍ରୁବଚରଣ ସାହୁ, ପ୍ରଣବ କୁମାର ବଳବନ୍ତରାୟ, ରାଶେଶ୍ୱରୀ ପାଣିଗ୍ରାହୀ, ରାଜୀବ ଲୋଚନ ପାତ୍ର, ସୁଧୀର କୁମାର ସାମଲ, ସସ୍ମିତ ପାତ୍ର, ବିକ୍ରମ ପଣ୍ଡା, ଯୋଗେଶ ସିଂହ, ବାସନ୍ତୀ ହେମ୍ୱ୍ରମ୍, ବିଜୟ କୁମାର ନାୟକ, ଲୋପାମୁଦ୍ରା ବକ୍ସିପାତ୍ର, ଗୀତା ବସ୍ତିଆ, ଶ୍ରୀମୟୀ ସ୍ୱେତାସ୍ନିଗ୍ଧା ମିଶ୍ର, ପ୍ରଫୁଲ୍ଲ ସିଂହ, ଦେବାଶିଷ ମାର୍ଣ୍ଡି, ଜନ୍ମେଞ୍ଜୟ ଲେଙ୍କା, ବିଶ୍ୱଜିତ୍ ମହାନ୍ତି, ସତ୍ୟବ୍ରତ ପାତ୍ର, ସାରଦା ପ୍ରସନ୍ନ ଜେନା, ଗୀତାଞ୍ଜଳୀ ସେଠୀ, ପ୍ରମୋଦ କିଶୋର ଜେନା ଓ ଶ୍ୟାମା ପ୍ରସାଦ ବେହେରା । ତେବେ ମିଡିଆ ବ୍ୟାପାର ବିଭାଗ ସାଧାରଣ ସମ୍ପାଦକ ମାନସ ମଙ୍ଗରାଜ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଏହି ତାଲିକା ପ୍ରକାଶ କରିଛନ୍ତି ।
ଘୋଷଣା ହେଲା ବିଜେଡିର ୩୬ ଜଣିଆ ସାଧାରଣ ସମ୍ପାଦକ ତାଲିକା, ଗଣମାଧ୍ୟମ ବ୍ୟାପାର ଦାୟିତ୍ୱରେ ମାନସ ମଙ୍ଗରାଜ
ଭୁବନେଶ୍ୱର: ବିଜୁ ଜନତା ଦଳ ୩୬ ଜଣିଆ ସାଧାରଣ ସମ୍ପାଦକଙ୍କ ତାଲିକା ଘୋଷଣା କରିଛି । ଦଳ ମୁଖିଆ ନବୀନ ପଟ୍ଟନାୟକ ଏମାନଙ୍କୁ ନିଯୁକ୍ତ କରିଛନ୍ତି । ସମସ୍ତଙ୍କୁ ଭିନ୍ନ ଭିନ୍ନ ବିଭାଗରେ ଦାୟିତ୍ୱ ମିଳିଛି । ଏହାପୂର୍ବରୁ ଦଳର ଉପ-ସଭାପତିମାନଙ୍କ ତାଲିକା ଘୋଷଣା ହୋଇଥିଲା । ତେବେ ତାଲିକାରେ ବିଜେଡି ଉଭୟ ଯୁବ ଓ ବରିଷ୍ଠଙ୍କୁ ସୁଯୋଗ ଦେଇଛି । ସଶକ୍ତ ଓଡିଶା ଦାୟିତ୍ୱରେ ରହିଛନ୍ତି ମନୋହର ରନ୍ଧାରୀ ଓ ସୁଶାନ୍ତ ସିଂ । ତେବେ ଏମାନଙ୍କ ଭିନ୍ନ ବିଶ୍ୱଜିତ୍ ମହାନ୍ତି ଓ ଅନନ୍ତ ନାରାୟଣ ଜେନା ମଧ୍ୟ ସଶକ୍ତ ଓଡିଶା ଦାୟିତ୍ୱରେ ରହିଛନ୍ତି ।
ଅନୁସୂଚିତ ଜାତି ସଶକ୍ତିକରଣ ବିଭାଗରେ ସାଧାରଣ ସମ୍ପାଦକ ଦାୟିତ୍ୱ ତୁଲାଇବେ ଚନ୍ଦ୍ର ଶାରଥୀ ବେହେରା ଓ ସ୍ନେହାଙ୍ଗୀନି ଛୁରିଆ । ତେବେ ଦଳୀୟ ସୁପ୍ରିମୋ ସାଧାରଣ ସମ୍ପାଦକମାନଙ୍କୁ ଭିନ୍ନ ଭିନ୍ନ ବିଭାଗରେ ବାଣ୍ଟି ଦାୟିତ୍ୱ ଦେଇଛନ୍ତି । ଦଳକୁ ତୃଣମୂଳ ସ୍ତରରୁ ଆହୁରି ଦୃଢ କରିବା ପାଇଁ ସାଧାରଣ ସମ୍ପାଦକମାନଙ୍କୁ ମୋ ପରିବାର, ଛାତ୍ର ବ୍ୟାପାର, ଯୁବ ବ୍ୟାପାର, ପରିବେଶ ସୁରକ୍ଷା, ସଂଖ୍ୟାଲଘୁ ବ୍ୟାପାର, ଆଦିବାସୀ ସଶକ୍ତିକରଣ, କଳା,ସଂସ୍କୃତି ଓ ମାନବ ସମ୍ୱଳ, ଗଣମାଧ୍ୟମ ବ୍ୟାପାର ଭଳି ଭିନ୍ନ ଭିନ୍ନ ଶ୍ରେଣୀରେ ଦାୟିତ୍ୱ ଦିଆଯାଇଛି ।
ମାନସ ମଙ୍ଗରାଜଙ୍କୁ ଗଣମାଧ୍ୟମ ବ୍ୟାପାର ବିଭାଗର ସାଧାରଣ ସମ୍ପାଦକ ଭାବେ ନିଯୁକ୍ତ କରାଯାଇଛି । ବିଶେଷ ଭାବେ ସାଧାରଣ ସମ୍ପାଦକମାନଙ୍କୁ ନିର୍ଦ୍ଦିଷ୍ଟ ଦାୟିତ୍ୱ ଦେଇ ବିଜେଡି ସୁପ୍ରିମୋ ସବୁ ବିଭାଗରେ ଦଳକୁ ସଶକ୍ତ କରିବା ପାଇଁ ଆଗ୍ରହ ଥିବା ଦର୍ଶାଇଛନ୍ତି । ସେହିଭଳି ଅନ୍ୟମାନଙ୍କ ମଧ୍ୟରେ ଜଗନ୍ନାଥ ଛୁରିଆ, ଜଗନ୍ନାଥ ସାରକା, ଏମଡି ଅୟୁବ ଖାନ୍, ଦେବେଶ ଆଚାର୍ଯ୍ୟ, ଉମାକାନ୍ତ ସାମନ୍ତରାୟ, ବ୍ୟମୋକେଶ ରାୟ, ଅନନ୍ତ ନାରାୟଣ ଜେନା, ରାଜଶ୍ରୀ ମଲ୍ଲିକ୍, ପ୍ରିୟଦର୍ଶୀ ମିଶ୍ର, ଧ୍ରୁବଚରଣ ସାହୁ, ପ୍ରଣବ କୁମାର ବଳବନ୍ତରାୟ, ରାଶେଶ୍ୱରୀ ପାଣିଗ୍ରାହୀ, ରାଜୀବ ଲୋଚନ ପାତ୍ର, ସୁଧୀର କୁମାର ସାମଲ, ସସ୍ମିତ ପାତ୍ର, ବିକ୍ରମ ପଣ୍ଡା, ଯୋଗେଶ ସିଂହ, ବାସନ୍ତୀ ହେମ୍ୱ୍ରମ୍, ବିଜୟ କୁମାର ନାୟକ, ଲୋପାମୁଦ୍ରା ବକ୍ସିପାତ୍ର, ଗୀତା ବସ୍ତିଆ, ଶ୍ରୀମୟୀ ସ୍ୱେତାସ୍ନିଗ୍ଧା ମିଶ୍ର, ପ୍ରଫୁଲ୍ଲ ସିଂହ, ଦେବାଶିଷ ମାର୍ଣ୍ଡି, ଜନ୍ମେଞ୍ଜୟ ଲେଙ୍କା, ବିଶ୍ୱଜିତ୍ ମହାନ୍ତି, ସତ୍ୟବ୍ରତ ପାତ୍ର, ସାରଦା ପ୍ରସନ୍ନ ଜେନା, ଗୀତାଞ୍ଜଳୀ ସେଠୀ, ପ୍ରମୋଦ କିଶୋର ଜେନା ଓ ଶ୍ୟାମା ପ୍ରସାଦ ବେହେରା । ତେବେ ମିଡିଆ ବ୍ୟାପାର ବିଭାଗ ସାଧାରଣ ସମ୍ପାଦକ ମାନସ ମଙ୍ଗରାଜ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଏହି ତାଲିକା ପ୍ରକାଶ କରିଛନ୍ତି ।
ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ସୁବ୍ରମଣ୍ୟମ୍ ସ୍ୱାମୀ
ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ହେବାର ମାସେ ବିତିଗଲାଣି । କିନ୍ତୁ ଶୁସାନ୍ତ ଆତ୍ମହତ୍ୟା କରିଥିବା ତାଙ୍କ ଫ୍ୟାନମାନେ ବିଶ୍ୱାସ ବି କରିପାରୁ ନାହାଁନ୍ତି । ଏବଂ ଏହାକୁ ନେଇ ସୋସିଆଲ ମିଡିଆରେ ସିବିଆଇ ଯାଞ୍ଚ ମଧ୍ୟ କରୁଛନ୍ତି ଏମାନେ । ଏବେ ବିଜେପି ନେତା ସୁବ୍ରମଣ୍ୟମ ସ୍ୱାମୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖି ଏହି ଘଟଣାର ସିବିଆଇ ତଦନ୍ତ ଦାବି କରିଛନ୍ତି । ସୁବ୍ରମଣ୍ୟମ ସ୍ୱାମୀ ଚିଠିରେ ଲେଖିଛନ୍ତି ଯେ, ବଲିଉଡର ଅନେକ ନାମିଦାମୀ ଲୋକ ଦୁବାଇର ଡନ ସହ ଭେଟି ଏହି ମାମଲାକୁ ଦବାଇବାର ଚେଷ୍ଟା କରୁଛନ୍ତି ।
ସ୍ୱାମୀ ଏହି ଚିଠିରେ ଲେଖିଛନ୍ତି, ‘ମୋତେ ବିଶ୍ୱାସ ଅଛି ଯେ, ଆପଣ ଫିଲ୍ମ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆକସ୍ମିକ ମୃତ୍ୟୁ ବିଷୟରେ ଜାଣିଥିବେ । ମୋର ଓକିଲ ସହଯୋଗୀ ଇଶକରନ ଭଣ୍ଡାରୀ ଏହି କଥିତ ଆତ୍ମହତ୍ୟା ଉପରେ ଅନୁସନ୍ଧାନ କରିଛନ୍ତି। ଯଦିଓ ଏଫଆଇଆର ପଞ୍ଜିକୃତ ହେବା ପରେ ପୋଲିସ ଘଟଣାର ତଦନ୍ତ ଜାରି ରଖିଛି । ମୋତେ ମୋର ମୁମ୍ବାଇ ସୂତ୍ରରୁ ଜାଣାପଡ଼ିଛି ଯେ ବଲିଉଡର ଅନେକ ବଡ ନାମିଦାମୀ ଲୋକ ମୁମ୍ବାଇ ଡନ୍ ସହ ସାକ୍ଷାତ କରି ମାମଲାକୁ ଦବାଇବାକୁ ଚେଷ୍ଟା କରୁଛନ୍ତି ଯାହା ଦ୍ୱାରା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର କାରଣ ଆତ୍ମହତ୍ୟା ବୋଲି ପ୍ରମାଣିତ ହେବ ।
ସ୍ୱାମୀ ଏହା ମଧ୍ୟ ଲେଖିଛନ୍ତି ଯେ ମହାରାଷ୍ଟ୍ର ସରକାରରେ ଅନେକ ବଡବଡ଼ ଲୋକ ଅଛନ୍ତି ଯେଉଁମାନେ ବିଶ୍ୱାସ କରୁଛନ୍ତି ଯେ ସୁଶାନ୍ତ ଆତ୍ମହତ୍ୟା କରିଥିଲେ, ଏବଂ ଏଥିପାଇଁ ଜନସାଧାରଣଙ୍କ ବିଶ୍ୱାସ ପାଇଁ ସେ ଚାହୁଁଛନ୍ତି ଯେ ମୁମ୍ବାଇ ପୋଲିସ ନିରପେକ୍ଷ ଭାବରେ ଏହି ଘଟଣାର ତଦନ୍ତ କରୁ । ଏଥିସହ ସେ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିଛନ୍ତି ଯେ, ସେ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ସହ ସିଧାସଳଖ କିମ୍ବା ରାଜ୍ୟପାଳଙ୍କ ମାଧ୍ୟମରେ ସିବିଆଇ ତଦନ୍ତ ପାଇଁ ପରାମର୍ଶ ଦିଅନ୍ତୁ ।
ସୁବ୍ରମଣ୍ୟମ ସ୍ୱାମୀ ଏକ ଚିଠିରେ ଲେଖିଛନ୍ତି ଯେ, ଜନସାଧାରଣଙ୍କ ବିଶ୍ୱାସ ବଜାୟ ରଖିବା ପାଇଁ ସିବିଆଇ ଅନୁସନ୍ଧାନ ହେଉଛି ଶେଷ ଉପାୟ । ଶେଷରେ ସେ ଲେଖିଛନ୍ତି, ମୁଁ ନିଶ୍ଚିତ ଯେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ସିବିଆଇ ଅନୁସନ୍ଧାନ ପାଇଁ ନିଶ୍ଚିତ ଭାବେ ରାଜି ହେବେ।
ରାଜସ୍ଥାନ ବାଚସ୍ପତିଙ୍କ ଆଦେଶ ବିରୋଧରେ ହାଇକୋର୍ଟ ଗଲେ ପାଇଲଟ୍
ଜୟପୁର: ରାଜସ୍ଥାନ କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ପୂର୍ବତନ ଉପ ମୁଖ୍ୟମନ୍ତ୍ରୀ ସଚିନ ପାଇଲଟ ଓ ତାଙ୍କୁ ସମର୍ଥନ କରୁଥିବା ୧୮ ଜଣ ବିଧାୟକ ବାଚସ୍ପତିଙ୍କ ଆଦେଶ ବିରୋଧରେ ହାଇକୋର୍ଟକୁ ଯାଇଛନ୍ତି । ହାଇକୋର୍ଟ ଆଜି ଏହି ଆବେଦନ ଉପରେ ଶୁଣାଣି କରିବ । ଶୁଣାଣି ଅପରାହ୍ନ ୩ଟାରେ ହେବ ବୋଲି ଜଣା ପଡିଛି । ସୂଚନାଯୋଗ୍ୟ ଯେ, ବାଚସ୍ପତି ପାଇଲଟ ଓ ତାଙ୍କର ୧୮ ସମର୍ଥକଙ୍କୁ ଅଯୋଗ୍ୟ ଘୋଷଣା କରିଥିଲେ । ବାଚସ୍ପତିଙ୍କ ଏହି ଆଦେଶ ବିରୋଧରେ ସଚୀନ ହାଇକୋର୍ଟ ଯିବା ପାଇଁ ନିଜ ଓକିଲଙ୍କ ସହ ଆଲୋଚନା କରୁଥିଲେ ।
ସଚୀନଙ୍କ ତରଫରୁ ଦାଏର ଆବେଦନରେ କୁହାଯାଇଛି ଯେ, ଗହଲୋତ ସରକାରଙ୍କ ଦ୍ୱାରା ଜାରି ନୋଟିସର କୌଣସି ଆଇନଗତ ଆଧାର ନାହିଁ । କଂଗ୍ରେସ ଦ୍ୱାରା ଅଭିଯୋଗ ପରେ ରାଜସ୍ଥାନ ବିଧାନସଭା ବାଚସ୍ପତି ମାନେସର ରିସୋର୍ଟରେ ଥିବା ସଚୀନ ପାଇଲଟ ଓ ଅନ୍ୟ ବିଦ୍ରୋହୀ ବିଧାୟକଙ୍କୁ ନୋଟିସ ପଠା ଯାଇଥିଲା । ମଙ୍ଗଳବାର ଦିନ ସିଏଲପି ବୈଠକରେ ଯୋଗ ନେଦେଇଥିବାରୁ ସଚୀନ ଓ ତାଙ୍କ ସମର୍ଥକଙ୍କ ବିରୋଧରେ କଂଗ୍ରେସ ବାଚସ୍ପତିଙ୍କ ନିକଟରେ ଫେରାଦ ହୋଇଥିଲା ।
ବୈଠକରେ ସାମିଲ ନହେବା ପରେ ସଚୀନଙ୍କୁ ଉପମୁଖ୍ୟମନ୍ତ୍ରୀ ପଦରୁ ବହିଷ୍କାର କରାଯାଇଥିଲା । ଏହାସହ ତାଙ୍କୁ ରାଜସ୍ଥାନ କଂଗ୍ରେସ ସଭାପତି ପଦରୁ ମଧ୍ୟ ହଟା ଯାଇଥିଲା । ସଚୀନ ଏପର୍ଯ୍ୟନ୍ତ ନିଜ ପରବର୍ତ୍ତି ରାଜନୈତିକ ପଦକ୍ଷେପ ବାବଦରେ ଘୋଷଣା କରିନାହାନ୍ତି । ତେବେ ସେ ବିଜେପିରେ ସାମିଲ ହେବେ ନାହିଁ ବୋଲି ସ୍ପଷ୍ଟ କରିଦେଇଛନ୍ତି.
ରାଜସ୍ଥାନ ବାଚସ୍ପତିଙ୍କ ଆଦେଶ ବିରୋଧରେ ହାଇକୋର୍ଟ ଗଲେ ପାଇଲଟ୍
ଜୟପୁର: ରାଜସ୍ଥାନ କଂଗ୍ରେସର ପୂର୍ବତନ ଅଧ୍ୟକ୍ଷ ତଥା ପୂର୍ବତନ ଉପ ମୁଖ୍ୟମନ୍ତ୍ରୀ ସଚିନ ପାଇଲଟ ଓ ତାଙ୍କୁ ସମର୍ଥନ କରୁଥିବା ୧୮ ଜଣ ବିଧାୟକ ବାଚସ୍ପତିଙ୍କ ଆଦେଶ ବିରୋଧରେ ହାଇକୋର୍ଟକୁ ଯାଇଛନ୍ତି । ହାଇକୋର୍ଟ ଆଜି ଏହି ଆବେଦନ ଉପରେ ଶୁଣାଣି କରିବ । ଶୁଣାଣି ଅପରାହ୍ନ ୩ଟାରେ ହେବ ବୋଲି ଜଣା ପଡିଛି । ସୂଚନାଯୋଗ୍ୟ ଯେ, ବାଚସ୍ପତି ପାଇଲଟ ଓ ତାଙ୍କର ୧୮ ସମର୍ଥକଙ୍କୁ ଅଯୋଗ୍ୟ ଘୋଷଣା କରିଥିଲେ । ବାଚସ୍ପତିଙ୍କ ଏହି ଆଦେଶ ବିରୋଧରେ ସଚୀନ ହାଇକୋର୍ଟ ଯିବା ପାଇଁ ନିଜ ଓକିଲଙ୍କ ସହ ଆଲୋଚନା କରୁଥିଲେ ।
ସଚୀନଙ୍କ ତରଫରୁ ଦାଏର ଆବେଦନରେ କୁହାଯାଇଛି ଯେ, ଗହଲୋତ ସରକାରଙ୍କ ଦ୍ୱାରା ଜାରି ନୋଟିସର କୌଣସି ଆଇନଗତ ଆଧାର ନାହିଁ । କଂଗ୍ରେସ ଦ୍ୱାରା ଅଭିଯୋଗ ପରେ ରାଜସ୍ଥାନ ବିଧାନସଭା ବାଚସ୍ପତି ମାନେସର ରିସୋର୍ଟରେ ଥିବା ସଚୀନ ପାଇଲଟ ଓ ଅନ୍ୟ ବିଦ୍ରୋହୀ ବିଧାୟକଙ୍କୁ ନୋଟିସ ପଠା ଯାଇଥିଲା । ମଙ୍ଗଳବାର ଦିନ ସିଏଲପି ବୈଠକରେ ଯୋଗ ନେଦେଇଥିବାରୁ ସଚୀନ ଓ ତାଙ୍କ ସମର୍ଥକଙ୍କ ବିରୋଧରେ କଂଗ୍ରେସ ବାଚସ୍ପତିଙ୍କ ନିକଟରେ ଫେରାଦ ହୋଇଥିଲା ।
ବୈଠକରେ ସାମିଲ ନହେବା ପରେ ସଚୀନଙ୍କୁ ଉପମୁଖ୍ୟମନ୍ତ୍ରୀ ପଦରୁ ବହିଷ୍କାର କରାଯାଇଥିଲା । ଏହାସହ ତାଙ୍କୁ ରାଜସ୍ଥାନ କଂଗ୍ରେସ ସଭାପତି ପଦରୁ ମଧ୍ୟ ହଟା ଯାଇଥିଲା । ସଚୀନ ଏପର୍ଯ୍ୟନ୍ତ ନିଜ ପରବର୍ତ୍ତି ରାଜନୈତିକ ପଦକ୍ଷେପ ବାବଦରେ ଘୋଷଣା କରିନାହାନ୍ତି । ତେବେ ସେ ବିଜେପିରେ ସାମିଲ ହେବେ ନାହିଁ ବୋଲି ସ୍ପଷ୍ଟ କରିଦେଇଛନ୍ତି.