ମ୍ୟାଟ୍ରିକ ପରେ ପ୍ରକାଶ ପାଇଲା ପ୍ଲସ ଟୁ ବିଜ୍ଞାନ ରେଜଲ୍ଟ, ଝିଅଙ୍କୁ ପଛରେ ପକାଇ ପୁଅଙ୍କ ବାଜିମାତ… ମୋଟ ପାସ ହାର ୭୦.୨୧ ପ୍ରତିଶତ
ବେଙ୍ଗାଲୁରୁ ସାମ୍ପ୍ରଦାୟିକ ହିଂସାରେ ୩ ମୃତ,୬୦ ଆହତ,SDPI ନେତା ଗିରଫ
ବେଙ୍ଗାଲୁରୁ: ବେଙ୍ଗାଲୁରରୁରେ ଗତକାଲି (ମଙ୍ଗଳବାର)ରାତିରେ ହୋଇଥିବା ସାମ୍ପ୍ରଦାୟିକ ହିଂସାରେ ମୃତ୍ୟୁ ସଂଖ୍ୟା ୩ ଛୁଇଁଛି । ଏହି ମାମଲାରେ ପୋଲିସ ସୋସିଆଲ ଡେମୋକ୍ରାଟିକ୍ ପାର୍ଟି ଅଫ୍ ଇଣ୍ଡିଆର ଜଣେ ନେତାଙ୍କୁ ଗିରଫ କରିଛି । ଏସଡିପିଆଇ ପକ୍ଷରୁ ନିଜ ନେତାଙ୍କ ଗିରଫଦାରୀ କଥାକୁ ସ୍ୱିକାର କରାଯାଇଛି । ଗିରଫ ହୋଇଥିବା ନେତାଙ୍କ ନାମ ମୁଜମ୍ମିଲ ପାଶା । ହିଂସା ପଛରେ ଏହି ସଂଗଠନ ଥିବା କୁହାଯାଉଛି ।
ଗୋଟିଏ ଫେସବୁକ୍ ପୋଷ୍ଟକୁ ନେଇ ମଙ୍ଗଳବାର ରାତିରେ ହିଂସା ସୃଷ୍ଟି ହୋଇଥିଲା । ଯେଉଁଥିରେ ତିନି ଜଣ ପ୍ରାଣ ହରାଇଛନ୍ତି । ହିଂସାତ୍ମକ ଭିଡ ଜଣେ କଂଗ୍ରେସ ବିଧାୟକଙ୍କ ଘର ଉପରେ ଆକ୍ରମଣ କରି ଭଙ୍ଗାରୁଜା କରିବା ସହ ସେଠାରେ ଥିବା ଲୋକଙ୍କୁ ଆକ୍ରମଣ କରିଥିଲେ । କଂଗ୍ରେସ ବିଧାୟକଙ୍କ ଘର ଉପରେ ଆକ୍ରମଣ କରିବା ପରେ ଏହି ଭିଡ ସ୍ଥାନୀୟ ଥାନା ଉପରେ ମଧ୍ୟ ଆକ୍ରମଣ କରିଥିଲା । ସେମାନେ ଥାନାକୁ ଜାଳି ଦେବାକୁ ଉଦ୍ୟମ କରିଥିଲେ । ଭିଡର ସନ୍ଦେହ ଥିଲା ଯେ, ଫେସବୁକ୍ ପୋଷ୍ଟ କରିଥିବା ବ୍ୟାକ୍ତିଙ୍କୁ ପୋଲିସ ଗିରଫ କରି ଉକ୍ତ ଥାନାରେ ରଖିଛି । ଥାନାରେ ନିଆଁ ଲଗାଇଥିବା ଭିଡକୁ ଘଉଡାଉବା ପାଇଁ ପୋଲିସକୁ ଗୁଳି ଚଳାଇବାକୁ ପଡିଥିଲା । ଭିଡ ଆକ୍ରମଣରେ ୬୦ ପୋଲିସ ଆହତ ହୋଇଛନ୍ତି ।
ପୋଲିସ କମିଶନରଙ୍କ ଅନୁସାରେ ବର୍ତ୍ତମାନ ସ୍ଥିତି କାବୁରେ ଅଛି । ସହରରେ ଧାରା ୧୪୪ ଲାଗୁ କରାଯାଇଛି । ସିଆରିପିଏଫ୍,ଆରଏଏଫକୁ ମୁତୟନ କରାଯାଇଛି ।ଏହି ଘଟଣା ପରେ ମୁଖ୍ୟମନ୍ତ୍ରୀ ଲୋକଙ୍କୁ ଶାନ୍ତି ଶୃଙ୍ଖଳା ବଜାୟ ରଖିବାକୁ ଅପିଲ କରିଛନ୍ତି । ଏହା ସହିତ ଦୋଷୀଙ୍କୁ ଦୃଷ୍ଟାନ୍ତମୁଳକ ଦଣ୍ଡ ଦିଆଯିବା ବୋଲି କହିଛନ୍ତି ।
.
ପ୍ରକାଶ ପାଇଲା +୨ ବିଜ୍ଞାନ ଫଳାଫଳ,ପାସ୍ ହାର ୭୦.୨୧ ପ୍ରତିଶତ
ଭୁବନେଶ୍ୱର: ରାଜ୍ୟ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ଆଜି ପ୍ରକାଶିତ ହୋଇଛି ଯୁକ୍ତ ୨ ବିଜ୍ଞାନ ପରୀକ୍ଷା ଫଳ । ଏଥର ବିଜ୍ଞାନରେ ପାସ୍ ହାର ରହିଛି ୭୦.୨୧ ପ୍ରତିଶତ । ପରୀକ୍ଷା ଦେଇଥିବା ପୁଅଙ୍କ ମଧ୍ୟରୁ ୩୯ ପ୍ରତିଶତ ପାସ କରିଛନ୍ତି । ପାସ୍ କରିଥିବା ପୁଅଙ୍କ ସଂଖ୍ୟା ହେଉଛି ୩୮ ହଜାର ୩୦୧ । ସେହିଭଳି ୩୧ ପ୍ରତିଶତ ଝିଅ ପାସ ହୋଇଛନ୍ତି । ମୋଟ ୩୦ ହଜାର ୩୭ ଜଣ ଝିଅ ବିଜ୍ଞାନ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଚଳିତ ବର୍ଷ ମୋଟ ୯୭ ହଜାର ୩୭୭ ଜଣ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୬୮ ହଜାର ୩୭୪ ଜଣ ପାସ ହୋଇଛନ୍ତି । ନୟାଗଡ ଜିଲ୍ଲାରେ ପାସ ହାର ସର୍ବାଧିକ ରହିଛି । ଏହି ଜିଲାରେ ଯୁକ୍ତ ଦୁଇ ବିଜ୍ଞାନ ଦେଇଥିବା ୧୦୦ ଜଣଙ୍କ ମଧ୍ୟରୁ ୮୬.୫୧ ପ୍ରତିଶତ ପାସ୍ ହୋଇଛନ୍ତି ।
୨୫ ହଜାର ୩୩୯ ଜଣ ପ୍ରଥମ ଶ୍ରେଣୀରେ ପାସ କରିଥିବା ବେଳେ ୨୪ ହଜାର ୧୨୧ ଜଣ ଦ୍ୱିତୀୟ ଶ୍ରେଣୀରେ ଉତିର୍ଣ୍ଣ ହୋଇଛନ୍ତି । ୧୩୭ ଜଣ ପରୀକ୍ଷାର୍ଥୀ ୯୦ ପ୍ରତିଶତ ନମ୍ବର ପାଇଛଛନ୍ତି । ୨୦ଟି ଅନୁଷ୍ଠାନର ପାସ୍ ହାର ଶତ ପ୍ରତିଶତ ରହିଛି । ଅନ୍ୟପକ୍ଷରେ ୧୫ ସ୍କୁଲରେ କେହି ମଧ୍ୟ ପାସ କରି ପାରିନାହାନ୍ତି ।
ଚଳିତ ବର୍ଷ କରୋନା ମହାମାରୀ କାରଣରୁ ସବୁ ପରୀକ୍ଷା ଫଳ ଭଳି ଯୁକ୍ତ ଦୁଇ ବିଜ୍ଞାନ ଫଳ ପ୍ରକାଶିତ ହେବାରେ ବିଳମ୍ବ ହୋଇଥିଲା । ପରୀକ୍ଷା ଫଳ ସଂପର୍କରେ ଘୋଷଣା କରି ରାଜ୍ୟ ବିଦ୍ୟାଳୟ ଓ ଗଣ ଶିକ୍ଷାମନ୍ତ୍ରୀ ସମୀର ରଂଜନ ଦାଶ କହିଛନ୍ତି ଯେ, ସବୁ ପରୀକ୍ଷା ସେଣ୍ଟରରେ ସିସିଟିଭି ଲଗାଯାଇଥିବାରୁ ପରୀକ୍ଷା ଫଳ ଗତ ବର୍ଷ ତୁଳନାରେ ୨ ପ୍ରତିଶତ କମିଛି । ଅନ୍ୟପକ୍ଷରେ ୧୫ ସ୍କୁଲ ପରୀକ୍ଷା ଫଳ ଶୁନ୍ୟ ହେବାକୁ ନେଇ ସେ କ୍ଷୋଭ ପ୍ରକାଶ କରିଛନ୍ତି ।
SMS ଦ୍ୱାରା କେମିତି ରେଜଲ୍ଟ ଜାଣିବେ ?
ଟାଇପ କରନ୍ତୁ RESULT<space>OR12<space>ରୋଲ ନମ୍ବର’ ଓ ଏହାକୁ ୫୬୨୬୩କୁ ପଠାଇ ଦିଅନ୍ତୁ
ୱେବସାଇଟରୁ କେମିତି ଫଳାଫଳ ଜାଣିବେ ?
୧. ଅଫିସିଆଲ ୱେବସାଇଟ୍ orissaresults.nic.in କୁ ଯାଆନ୍ତୁ
୨: ରେଜଲ୍ଟ ପାଇଁ ଥିବା ଲିଙ୍କ୍ ଉପରେ କ୍ଲିକ୍ କରନ୍ତୁ
୩ : ଲଗଇନ୍ ପେଜରେ ରୋଲ୍ ନମ୍ବର ଓ ଅନ୍ୟ ବିବରଣୀ ଦିଅନ୍ତୁ
୪: ସବମିଟ୍ ବଟନ କ୍ଲିକ୍ କରନ୍ତୁ ଓ ରିଜଲ୍ଟର ପ୍ରିଣ୍ଟଆଉଟ୍ ନିଅନ୍ତୁ
ରାଜ୍ୟରେ ଆଉ ୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି
ଭୁବନେଶ୍ୱର: ରାଜ୍ୟରେ ବୁଧବାର ଆଉ ୯ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏଥିସହ କରୋନା ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି ହୋଇଛି । ଗଂଜାମରୁ ସର୍ବାଧିକ ୪ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଥିବାବେଳେ ଅନୁଗୁଳରୁ ୧ ମୃତ । ଅପରପକ୍ଷରେ ରାୟଗଡାରେ ୨ଜଣଙ୍କ ମୃତ୍ୟୁ ହୋଇଛି । ବାଲେଶ୍ୱରରୁ ଓ ଖୋର୍ଦ୍ଧାରୁ ଜେଣେ ଲେଖାଏଁ ମୃତ୍ୟୁ ହୋଇଛି । ଆଜି ସର୍ବାଧିକ ୧୮୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ ସେଣ୍ଟରରୁ ୧୧୮୨ ଓ ଲୋକାଲ କେସ ୬୯୪ । ଏଥିସହ ରାଜ୍ୟରେ ୫୦ ହଜାର ଟପିଲା ସଂକ୍ରମିତଙ୍କ ସଂଖ୍ୟା ।
3. A 48-year old female of Ganjam district who was also suffering from Diabetes & Obesity.
4. A 57-year old male of Ganjam.
5. A 57-year old male of Ganjam district who was also suffering from Diabetes, Hypertension & Chronic Kidney Disease.
— H & FW Dept Odisha (@HFWOdisha) August 12, 2020
ବୁଧବାର ଦିନ ଗଞ୍ଜାମରେ ୪ ଜଣ ସଂକ୍ରମିତଙ୍କ ମଧ୍ୟରୁ ୨ଜଣ ୫୭ ବର୍ଷିୟ ପୁରୁଷ, ୭୪ ବର୍ଷିୟ ମହିଳା, ୪୮ ବର୍ଷିୟ ମହିଳା ମୃତ୍ୟୁବରଣ କରିଛନ୍ତି । ଏହାସହ ଖୋର୍ଦ୍ଧାରୁ ମୃତ୍ୟୁ ବରଣ କରିଥିବା ଜଣେ ସଂକ୍ରମିତ ହେଉଛନ୍ତି ୫୮ ବର୍ଷିୟ ପୁରୁଷ ।
6. A 74-year old female of Ganjam district.
7. A 58-year old male of Khordha district who was also suffering from Diabetes.
8. A 65-year old male of Rayagada district.
9. A 65-year old male of Rayagada district who was also suffering from Diabetes, Hypertension.
— H & FW Dept Odisha (@HFWOdisha) August 12, 2020
ସେହିପରି ବାଲେଶ୍ୱରରୁ ୩୮ ବର୍ଷିୟ ପୁରୁଷଙ୍କର ମୃତ୍ୟୁ ହୋଇଛି । ରାୟଡ଼ରୁ ୨ ଜଣ ୬୫ ବର୍ଷିୟ ପୁରୁଷ ମୃତ୍ୟୁ ବରଣ କରିଛନ୍ତି । ତେବେ ଅନୁଗୁଳରୁ ମଧ୍ୟ ଜଣେ ୪୪ ବର୍ଷିୟ ମହିଳାଙ୍କ ମୃତ୍ୟୁ ହୋଇଛି । ସୂଚନା ଅନୁଯାଇ ଏସମସ୍ତେ ଆକ୍ରାନ୍ତ ଉଚ୍ଚରକ୍ତଚାପ, ମଧୁମେହ ଏବଂ ଅନ୍ୟାନ୍ୟ ରୋଗରେ ପୀଡ଼ିତ ଥିଲେ ।
ରାଜ୍ୟରେ ୫୦ ହଜାର ଟପିଲା ଆକ୍ରାନ୍ତଙ୍କ ସଂଖ୍ୟା, ୩୦ ଜିଲ୍ଲାରୁ ଆଉ ୧୮୭୬ କରୋନା ଆକ୍ରାନ୍ତ ଚିହ୍ନଟ
ଭୁବନେଶ୍ୱର: ପ୍ରତିଦିନ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ପ୍ରତ୍ୟେକ ଦିନ ୧୦୦୦ରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ସେହିଭଳି ବୁଧବାର ମଧ୍ୟ ରାଜ୍ୟରେ ୩୦ ଜିଲ୍ଲାରୁ ୧୮୭୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ୫୦ ହଜାର ଟପିଲା ମୋଟ ଆକ୍ରାନ୍ତଙ୍କ ସଂଖ୍ୟା । ମୋଟ ପଜିଟିଭଙ୍କ ସଂଖ୍ୟା ୫୦ହଜାର ୬୭୨କୁ ବୃଦ୍ଧି ପାଇଛି । ୧୮୭୬ ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ କେନ୍ଦ୍ରରୁ ୧୧୮୨ ସଂକ୍ରମିତ ଚିହ୍ନଟ ହୋଇଥିବାବେଳେ ୬୯୪ଟି ଲୋକାଲ କେସ୍ ।
6. Boudh: 10
7. Cuttack: 109
8. Deogarh: 2
9. Dhenkanal: 36
10. Gajapati: 71
11. Ganjam: 260
12. Jagatsinghpur: 26
13. Jajpur: 53
14. Jharsuguda: 6
15. Kalahandi: 41
16. Kandhamal: 30
17. Kendrapada: 58
18. Keonjhar: 21
19. Khurda: 297
20. Koraput: 77
21. Malkangiri: 24— I & PR Department, Odisha (@IPR_Odisha) August 12, 2020
ଆଜି ଖୋର୍ଦ୍ଧାରୁ ସର୍ବାଧିକ ୨୯୭ ଚିହ୍ନଟ ହୋଇଛନ୍ତି । ଅପରପକ୍ଷରେ ଗଂଜାମରୁ ୨୬୦, କଟକରୁ ୧୦୯ ପଜିଟିଭ ଚିହ୍ନଟ ହୋଇଛନ୍ତି । ଏହା ବ୍ୟତୀତ ଅନୁଗୁଳରୁ ୧୫, ବାଲେଶ୍ୱରରୁ ୮୧, ବରଗଡ଼ରୁ ୧୫, ଭଦ୍ରକରୁ ୫୦, ବଲାଙ୍ଗିରରୁ ୩୧, ବୌଦ୍ଧରୁ ୧୦, ଦେବଗଡ଼ରୁ ୨, ଢେଙ୍କାନାଳରୁ ୩୬, ଗଜପତିରୁ ୭୧, ଜଗତସିଂହପୁରରୁ ୨୬, ଯାଜପୁରରୁ ୫୩, ଝାରସୁଗୁଡ଼ାରୁ ୬, କଳାହାଣ୍ଡିରୁ ୪୧, କେନ୍ଦ୍ରାପଡ଼ାରୁ ୫୮, କନ୍ଧମାଳରୁ ୩୦, କେନ୍ଦୁଝରରୁ ୨୧, କୋରାପୁଟରୁ ୭୭, ମାଲକାନଗିରିରୁ ୨୪, ମୟୁରଭଞ୍ଜରୁ ୭୦, ନବରଙ୍ଗପୁରରୁ ୩୦, ନୟାଗଡ଼ରୁ ୧୦୫, ନୂଆପଡ଼ାରୁ ୩, ପୁରୀରୁ ୮୦, ରାୟଗଡ଼ାରୁ ୯୮, ସମ୍ବଲପୁରରୁ ୩୬, ସୋନପୁରରୁ ୨୨, ସୁନ୍ଦରଗଡ଼ରୁ ୧୧୯ ଚିହ୍ନଟ ହୋଇଛନ୍ତି ।
22. Mayurbhanj: 70
23. Nawarangpur: 30
24. Nayagarh: 105
25. Nuapada: 3
26. Puri: 80
27. Rayagada: 98
28. Sambalpur: 36
29. Sonepur: 22
30. Sundargarh: 119New Recoveries: 1785
Cumulative Tested: 724354
Positive: 50672
Recovered: 34805
Active Cases: 15509— I & PR Department, Odisha (@IPR_Odisha) August 12, 2020
ଏଥିସହ ରାଜ୍ୟରେ ଏବେ ୧୫୫୦୯ ଆକ୍ଟିଭ୍ କେସ ରହିଛି । ଏଥିସହ ରାଜ୍ୟରେ ଆଜି ଆଉ ୯ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି ।
ରାଜ୍ୟରେ କରୋନା ମୃତ୍ୟୁ ସଂଖ୍ୟା ୩୦୫କୁ ବୃଦ୍ଧି ପାଇଛି ।
ଦେଶରେ ଆଜି ଆଉ ୬୦ ହଜାର ୯ ଶହ ୬୩ ନୂଆ ଆକ୍ରାନ୍ତ ଚିହ୍ନଟ, ୮୩୪ ଜୀବନ ନେଲା ମହାମାରୀ
ନୂଆଦିଲ୍ଲୀ: ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୨୩ ଲକ୍ଷ ପାର ହୋଇଛି । ଟେଷ୍ଟିଂ ବଢିବା ସହ ଅଗଷ୍ଟ ମାସରେ କରୋନା ସଂକ୍ରମଣ ସଂଖ୍ୟା ବଢିଛି । ଆଜି ପୁଣି ୬୧ ହଜାର ପାଖାପାଖି ପହଞ୍ଚିଛି କରୋନା ଆକ୍ରାନ୍ତଙ୍କ ସଂଖ୍ୟା । ୨୪ ଘଣ୍ଟାରେ ୬୦ ହଜାର ୯୬୩ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗୋଟିଏ ଦିନରେ ୮୩୪ ଜଣଙ୍କ ଜୀବନ ନେଇଛି ମହାମାରୀ । ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଏନେଇ ସ୍ପଷ୍ଟ କରାଯାଇଛି । ଫଳରେ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୨୩ ଲକ୍ଷ ୨୯ ହଜାର ୬୩୯ରେ ପହଞ୍ଚିଛି । ତେବେ ଦେଶରେ ବର୍ତ୍ତମାନ ୬ ଲକ୍ଷ ୪୩ ହଜାର ୯୪୮ ଜଣ ଆକ୍ଟିଭ ଥିବାବେଳେ ୧୬ ଲକ୍ଷ ୩୯ ହଜାର ୬ଶହ ଜଣ ସୁସ୍ଥ ହୋଇ ଘରକୁ ଫେରିଲେଣି । ତେବେ ମୋଟ ମୃତ୍ୟୁ ସଂଖ୍ୟା ୪୬ ହଜାର ୯୧କୁ ବୃଦ୍ଧି ପାଇଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।
କରୋନା ସଂକ୍ରମଣ ସଂଖ୍ୟା ଅନୁଯାୟୀ ଭାରତ ବିଶ୍ୱରେ ତୃତୀୟ ସର୍ବାଧିକ ପ୍ରଭାବିତ ଦେଶ । ବ୍ରାଜିଲ ପରେ କରୋନା ମହାମାରୀ ଦ୍ୱାରା ଆମେରିକା ସର୍ବାଧିକ ପ୍ରଭାବିତ ହୋଇଛି। କିନ୍ତୁ ଦେଶରେ କରୋନା ମାମଲାରେ ବୃଦ୍ଧି ହେବାର ଗତି ମଧ୍ୟ ବିଶ୍ୱରେ ଏକ ନମ୍ବର ରହିଛି। ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ରହିଛି । ଭାରତ ଅପେକ୍ଷା ଅଧିକ ମାମଲା ଆମେରିକା (୫, ୩୦୪, ୩୯୪) ଓ ବ୍ରାଜିଲ (୩, ୧୧୨, ୩୯୩ )ରେ ରହିଛି ।
ସୂଚନାଯୋଗ୍ୟ ଯେ, ଦେଶରେ ସବୁଠାରୁ ସକ୍ରିୟ ମାମଲା ମହାରାଷ୍ଟ୍ରରେ ରହିଛି। ମହାରାଷ୍ଟ୍ରରରେ ଏକ ଲକ୍ଷରୁ ଅଧିକ ସଂକ୍ରମିତ ଲୋକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏହା ପରେ ତାମିଲନାଡୁ ଦ୍ୱିତୀୟ ସ୍ଥାନରେ ରହିଛି । ତୃତୀୟ ସ୍ଥାନରେ ଦିଲ୍ଲୀ, ଚତୁର୍ଥ ସ୍ଥାନରେ ଗୁଜୁରାଟ ଏବଂ ପଞ୍ଚମ ସ୍ଥାନରେ ପଶ୍ଚିମବଙ୍ଗ ରହିଛି। ଏହି ପାଞ୍ଚଟି ରାଜ୍ୟରେ ସର୍ବାଧିକ ସକ୍ରିୟ ମାମଲା ରହିଛି। ଆକ୍ଟିଭ୍ କେସ୍ ମାମଲାରେ ଭାରତ ବିଶ୍ୱରେ ତୃତୀୟ ସ୍ଥାନରେ ରହିଛି।
କରୋନା ସଂକଟରେ ବେଙ୍ଗାଲୁରୁ ହିଂସାକାଣ୍ଡ, ଅତିରିକ୍ତ କମିଶନରଙ୍କ ସମେତ ୬୦ ରୁ ଅଧିକ ଆହତ… ୧୧୦ ଗିରଫ
ବେଙ୍ଗାଲୁରୁ: ମଙ୍ଗଳବାର ରାତିରେ କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ପ୍ରବଳ ହିଂସା ଦେଖିବାକୁ ମିଳିଥିଲା। ଏହି ସମୟ ମଧ୍ୟରେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ପୋଲିସକୁ ମଧ୍ୟ ଗୁଳି ଚଲାଇଥିଲେ । ଯେଉଁଥିରେ ଦୁଇ ଜଣଙ୍କର ମୃତ୍ୟୁ ହୋଇଛି । ଏଥିସହ ଅନେକ ଆହତ ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ବେଙ୍ଗାଲୁରୁ ହିଂସାରେ ଦୁଇଜଣଙ୍କ ମୃତ୍ୟୁ ହେବା ସହ ପୋଲିସ ଗୁଳିରେ ୬୦ରୁ ଅଧିକ ଆହତ ହୋଇଛନ୍ତି । କର୍ଣ୍ଣାଟକ ବିଧାୟକ ଅଖଣ୍ଡ ଶ୍ରୀନିବାସ ମୁର୍ତ୍ତୀଙ୍କ ଭଣଜାଙ୍କ ଫେସବୁକ୍ ପୋଷ୍ଟକୁ ନେଇ ଏହି ହିଂସାକାଣ୍ଡ ଘଟିଥିବା କୁହାଯାଉଛି ।
ଘଟଣାରେ ତାଙ୍କ ଭଣଜା ମହମ୍ମଦଙ୍କୁ ପୋଲିସ ଗିରଫ କରିଛି । ଗତକାଲି ଶ୍ରୀନିବାସ ଫେସବୁକରେ ଏକ ଆପତ୍ତିଜନକ ପୋଷ୍ଟ କରିଥିଲେ । ଏହାକୁ ମୁସଲମାନ ସମ୍ପ୍ରଦାୟ ବିରୋଧ କରିବା ସହ ଶହଶହ ସଂଖ୍ୟାରେ ଏକାଠି ହୋଇ ବିଧାୟଙ୍କ ଘର ଉପରକୁ ପଥରମାଡ କରିଥିଲେ । ଏହାପରେ ଉତ୍ୟକ୍ତ ଲୋକେ ଦୁଇ ତିନିଟି ଗାଡିରେ ନିଆଁ ଲଗାଇ ଦେଇଥିଲେ । ଉତ୍ୟକ୍ତ ଜନତା ଡିଜେ ହଲି ପୋଲିସ ଷ୍ଟେସନରେ ପହଞ୍ଚି ହଙ୍ଗାମା ଆରମ୍ଭ କରିଦେଇଥିଲେ ।
ଶେଷରେ ଉତ୍ୟକ୍ତ ଲୋକଙ୍କୁ ଘଉଡାଇବାକୁ ପୋଲିସକୁ ଗୁଳିମାଡ କରିବାକୁ ପଡିଥିଲା । ଏଥିରେ ଦୁଇଜଣଙ୍କ ଜୀବନ ଯାଇଥିବାବେଳେ ଅତିରିକ୍ତ କମିଶନରଙ୍କ ସହ ୬୦ ଜଣ ଆହତ ହୋଇଛନ୍ତି ।
ଘଟଣାରେ ଶାନ୍ତି ବଜୟ ରଖିବାକୁ ବିଧାୟକ ଶ୍ରୀନିବାସ ମୁର୍ତ୍ତି ନିବେଦନ କରିବା ସହ ଏଥିପାଇଁ କ୍ଷମପ୍ରାର୍ଥନା କରିଛନ୍ତି । କେବଳ ସେତିକି ନୁହେଁ କର୍ଣ୍ଣାଟକ ଅମୀର-ଇ-ଶରିୟତ ମଧ୍ୟ ଲୋକଙ୍କୁ ଶାନ୍ତି ପାଇଁ ଅପିଲ କରିଛି । ଘଟଣାରେ ଅଞ୍ଚଳରେ ୧୪୪ ଧାରା ଲାଗୁ କରାଯାଇଥିବାବେଳେ ୧୧୦ ଜଣ ବିକ୍ଷୋଭକାରୀଙ୍କୁ ଗିରଫ କରିଛି ପୋଲିସ୍ ।
କୋଭିଡ୍ କରୋନା ଆକ୍ରାନ୍ତ ମହିଳାଙ୍କଠାରୁ ଜନ୍ମ ହେଲେ ୨୦୦ ନିରୋଗୀ ଶିଶୁ
ବେଙ୍ଗାଲୁରୁ: ବେଙ୍ଗାଲୁରୁରେ କୋଭିଡ ମାମଲା ବୃଦ୍ଧି ହେଉଥିବା ମଧ୍ୟରେ ଏକ ଖୁସି ଖବର ସାମ୍ନାକୁ ଆସିଛି । କୋଭିଡ୍ ଆକ୍ରାନ୍ତ ମହିଳାଙ୍କ ଠାରୁ ଦୁଇ ଶହ ନିରୋଗୀ ଶିଶୁ ଜନ୍ମ ନେଇଛନ୍ତି । ବେଙ୍ଗାଲୁରୁରୁ ଏଭଳି ଖୁସି ଖବର ଆସିଛି । କର୍ଣ୍ଣାଟକରେ କରୋନା ତାଣ୍ଡବ ଜାରି ରହିଛି । ହେଲେ ଏହି ଚିନ୍ତା ଜନକ ପରିସ୍ତିତି ଭିତରେ ମଙ୍ଗଳବାର ଆସିଥିବା ଖୁସିଖବର ପୁଣି ସାରା ଦେଶବାସୀଙ୍କ ପାଇଁ ନୂଆ ଆଶା ସଞ୍ଚାର କରିଛି । ସହରରେ ଥିବା ଭିକ୍ଟୋରିଆ ଏବଂ ଭାନିଭିଲାସ ହସ୍ପିଟାଲରେ ଦୁଇ ଶହ କରୋନା ଆକ୍ରାନ୍ତ ମହିଳାଙ୍କ ଠାରୁ ଦୁଇ ଶହ ଶିଶୁ ଜନ୍ମ ନେଇଛନ୍ତି । ଶିଶୁ ମାନଙ୍କୁ ବି କରୋନା ଆଶଙ୍କାରେ କୋଭିଡ୍ ପରୀକ୍ଷା କରାଯାଇଥିଲା ।
ହେଲେ ସମସ୍ତଙ୍କ କୋଭିଡ୍ ରିପୋର୍ଟ ନେଗେଟିଭ୍ ଆସିଥିବା ସୂଚନା ଦେଇଛନ୍ତି ଦୁଇ ମେଡିକାଲ କର୍ତ୍ତୃପକ୍ଷ । ତେବେ ଏଭଳି ସଙ୍କଟ ସମୟରେ ସୁରକ୍ଷିତ ଭାବେ ପ୍ରସବ କରାଇବା ନିଜ ପାଇଁ ଏକ ମାଇଲଖୁଣ୍ଟ ବୋଲି ମଧ୍ୟ ଦୁଇ ମେଡିକାଲ ପକ୍ଷରୁ ପ୍ରକାଶ କରାଯାଇଛି । ସେପଟେ ଦୁଇ ମେଡିକାଲର ଏଭଳି ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି କର୍ଣ୍ଣାଟକ ସ୍ୱାସ୍ଥ୍ୟ ଶୀକ୍ଷା ମନ୍ତ୍ରୀ କାକ୍ତର କେ ସୁଧାକର ମିଶ୍ର । ଗତ କିଛି ସପ୍ତାହ ମଧ୍ୟରେ କର୍ଣ୍ଣାଟକରେ କରୋନା ମାମଲା ବଢୁଥିବା ଦେଖିବାକୁ ମିଳିଛି । ମଙ୍ଗଳବାର ସନ୍ଧ୍ୟା ସୁଦ୍ଧା ରାଜ୍ୟରେ ୧.୮୨ ଲକ୍ଷରୁ ଅଧିକ ମାମଲା ରହିଛି । ସେଥିମଧ୍ୟରୁ ପ୍ରାୟ ୮୦,୦୦୦ସକ୍ରିୟ ମାମଲା ରହିଛି। କେବଳ ରାଜଧାନୀ ବେଙ୍ଗାଲୁରୁରେ ୭୫,୦୦୦ରୁ ଅଧିକ ଲୋକେ କରୋନାଭାଇରସ୍ ସଂକ୍ରମିତ ବୋଲି ଜଣା ପଡିଛି । ତେବେ ବଢୁଥିବା ସଂକ୍ରମଣକୁ ରୋକିବା ପାଇଁ ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରାଯିବ ବୋଲି ସୂଚନା ମିଳିଛି ।
କୋରାନା ଭ୍ୟାକ୍ସିନ ନେଇ ଆଜି ଗୁରୁତ୍ୱପୂର୍ଣ୍ଣ ବୈଠକ, ଯୋଗ ଦେବେ ନୀତି ଆୟୋଗ ଏକ୍ସପୋର୍ଟ କମିଟି ଅଧ୍ୟକ୍ଷ
ନୂଆଦିଲ୍ଲୀ: ମହାମାରୀ କରୋନା ନେଇ ସାରା ବିଶ୍ୱରେ ହାହାକାର ପଡିଛି । ଆଉ ଏତିକି ବେଳେ ଋଷର ଭ୍ୟାକ୍ସିନ୍ ନୂଆ ଆଶା ସଂଚାର କରିଛି । ଗତକାଲି ରାଷ୍ଟ୍ରପତି ଭ୍ଲାଦିମିର ପୁଟିନ୍ ଟିକା ପ୍ରସ୍ତୁତି ନେଇ ଘୋଷଣା ପରେ ୨୦ଟି ଦେଶ ଟିକା ପାଇଁ ଆବେଦନ କରିଛନ୍ତି । ପ୍ରଥମ ପର୍ଯ୍ୟାୟରେ ଏହି ଭ୍ୟାକ୍ସିନର ଏକ ମିଲିୟନ ଡୋଜ୍ ପ୍ରସ୍ତୁତ ହେବ ବୋଲି ଋଷିଆର ପ୍ରତ୍ୟକ୍ଷ ନିବେଶ ପାଣ୍ଠି ମୁଖ୍ୟ କିରିଲ ଡିମିଟ୍ରିଏଭ । ଏଥିସହ ବିଦେଶୀ ଭାଗିଦାରୀ ସହ ମିଶି ଋଷ ପାଞ୍ଚଟି ଦେଶରେ ବାର୍ଷିକ ୫୦୦ ନିୟୁତ ଡୋଜ୍ ପ୍ରସ୍ତୁତ କରିବ ବୋଲି ସେ କହିଛନ୍ତି । ଅନ୍ୟପଟେ ଏହି କୋଭିଡ୍ ଟିକାର ତୃତୀୟ ପର୍ଯ୍ୟାୟ ମାନବ ପରୀକ୍ଷଣ ବୁଧବାର ଠାରୁ ଆରମ୍ଭ ହେବ ଏବଂ ସେପ୍ଟେମ୍ବର ସୁଦ୍ଧା ଏହା ଉତ୍ପାଦନ ହେବ ବୋଲି ଆଶା କରାଯାଉଛି ।
ତେବେ ଭାରତକୁ କୋରାନା ଭ୍ୟାକ୍ସିନ ମିଳିବା ନେଇ ପ୍ରସ୍ତୁତି ଜାରି ରହିଛି । ଏ ନେଇ ଆଜି ଏକ ଗୁରୁତ୍ୱପୂର୍ଣ ବୈଠକ ବସିବ । ଯେଉଁଥିରେ ନୀତି ଆୟୋଗର ଏକ୍ସପୋର୍ଟ କମିଟିର ଅଧ୍ୟକ୍ଷ ଭିକେ ପଲ୍ (v k poul) ସାମିଲ ହେବେ । ବୈଠକରେ କୋଭାକସିନ ପ୍ରସ୍ତୁତ କରୁଥିବା ସଂସ୍ଥା ଭାରତ ବାଓଟେକ୍ ଇଣ୍ଡିଆ ଲିମିଟେଡ଼ର ବରିଷ୍ଠ ଅଧିକାରୀ, ICMR ଓ ସ୍ୱାସ୍ଥ୍ୟ ମନ୍ତ୍ରାଳୟର ଅଧିକାରୀମାନେ ମଧ୍ୟ ସାମିଲ ହେବେ । ବୈଠକରେ ଭ୍ୟାକ୍ସିନକୁ ନେଇ ଆଲୋଚନା ହେବ ।
ଏହାର ଭିତିଭୂମି, ନିର୍ମାଣ, ପ୍ରସ୍ତୁତି ଉପରେ ଆଲୋଚନା କରିବେ ଉପସ୍ଥିତ ଅଧିକାରୀ ମାନେ । କିଭଳି ଭାବେ ଏବେ ଏହା ଫଳପ୍ରଦ ହେବ, କେତେ ଦୂର କୋରାନାକୁ ମାତ ଦେଇ ପାରିବ ସେ ନେଇ ଆଲୋଚନା ହେବ । ଏବେ କୋଭାକ୍ସିନର ଦ୍ୱିତୀୟ ପର୍ଯ୍ୟାୟ ମାନବୀୟ ପରୀକ୍ଷଣ ଶେଷ ହୋଇଥିବାବେଳେ ତୃତୀୟ ପର୍ଯ୍ୟାୟ ପାଇଁ ପ୍ରସ୍ତୁତି ଜାରି ରହିଛି । ଦେଶର ଏବେ ୧୨ଟି ମେଡିକାଲ କଲେଜରେ ପରୀକ୍ଷଣ ଜାରି ରହିଛି । ଆଗକୁ କିଭଳି ଭାବେ ଏହାର ବିନିଯୋଗ କରା ଯାଇପାରିବ ସେ ନେଇ ବୈଠକରେ ଆଲୋଚନା ହେବ ।
ଆଜି ବି ଭିଜିବ ଓଡ଼ିଶା, ଲଘୁଚାପ ସହ ଟ୍ରଫ୍ଲାଇନ ପ୍ରଭାବରେ ରାଜ୍ୟରେ ୪ଦିନ ହେବ ବର୍ଷା ଜାରି
ଆଜି ବି ଭିଜିବ ଓଡ଼ିଶା, ଲଘୁଚାପ ସହ ଟ୍ରଫ୍ଲାଇନ ପ୍ରଭାବରେ ରାଜ୍ୟରେ ୪ଦିନ ହେବ ବର୍ଷା ଜାରି