ଭୁବନେଶ୍ୱର: ରାଜ୍ୟ ସହ ରାଜଧାନୀରେ କୋରନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ପ୍ରତ୍ୟେକ ଦିନ ଶତାଧିକ ଅକ୍ରାନ୍ତ ଭୁବନେଶ୍ୱରରୁ ଚିହ୍ନଟ ହେଉଛନ୍ତି । ବିଶେଷ କରି ବସ୍ତି ଓ କଲୋନି ଅଞ୍ଚଳରୁ ଏହି ଅକ୍ରାନ୍ତ ଚିହ୍ନଟ ହେଉଛନ୍ତି । ଏହାର କାରଣ ଭୁବନେଶ୍ୱର ହେଉଛି ମେଗା ସିଟି । ଭୁବନେଶ୍ୱରରୁ ବାହାରୁ ଲୋକେ ଆସି ରହିଛନ୍ତି ଅଧିକ ପରିମାଣରେ । ଯାହାଫଳରେ ଅଧିକ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଏହା ପ୍ରଶାସନର ଚିନ୍ତାର କାରଣ ପାଲଟିଛି ।

ତେବେ ସଂକ୍ରମଣ ଉପରେ ନିୟନ୍ତ୍ରଣ ଆଣିବା ଲାଗି ଭୁବନେଶ୍ୱର ମହାନଗର ନିଗମ ଅଞ୍ଚଳରେ କୋଭିଡ଼ ଟେଷ୍ଟ ବ୍ୟବସ୍ଥାକୁ ସମ୍ପ୍ରସାରିତ କରାଯାଇଛି । ଆଜିଠୁ ମହାନଗର ନିଗମ ଅଞ୍ଚଳରେ ଥିବା ୯ଟି ସହରାଞ୍ଚଳ ସ୍ୱାସ୍ଥ୍ୟକେନ୍ଦ୍ରରେ ସାଧାରଣ ଲୋକ କୋରନା ଟେଷ୍ଟ କରିବା ଲାଗି ବ୍ୟବସ୍ଥା କରିଛି ବିଏମ୍‌ସି । ଆଜିଠାରୁ ଲୋକେ ପଟିଆ, ଡୁମଡୁମା, ନିଳାଦ୍ରୀବିହାର, ପୋଖରିଫୁଟ, ସହିଦନଗର, ୟୁନିଟ-୩, ୟୁନିଟ-୪, ୟୁନିଟ-୮, ୟୁନିଟ-୯ ରାପିଡି ଆଣ୍ଟିଜେନ ଟେଷ୍ଟ କରାଇପାରିବେ । ସକାଳ ୮ରୁ ଅପରାହ୍ନ ୨ ଟା ଭିତରେ ଲୋକେ ଯାଇ ଟେଷ୍ଟ କରିପାରିବେ ସୂଚନା ରହିଛି ।

ଭୁବନେଶ୍ୱର: ରାଜ୍ୟରେ କରୋନା ତାର କାୟା ବିସ୍ତାର କରିଛି । ଦିନକୁ ଦିନ ରାଜ୍ୟରୁ ଅଧିକ ସଂଖ୍ୟାରେ କରୋନା ସଂକ୍ରମିତ ଚିହ୍ନଟ ହେଉଛନ୍ତି । ମଙ୍ଗଳବାର ରାଜ୍ୟରୁ ୧୩୪୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୮୧୮ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୫୨୩ ଜଣଙ୍କର ରହିଛି ଲୋକାଲ କଣ୍ଟାକ୍ଟ  । ତେବେ ସଂକ୍ରମଣ ବଢ଼ିବା କାରଣରୁ ରାଜ୍ୟ ଦେଶ ମଧ୍ୟରେ ୯ମ ସ୍ଥାନରେ ରହିଛି । ପୂର୍ବରୁ ଗଞ୍ଜାମ କରୋନା ଗଡ଼ ରହିଥିବା ବେଳେ ଏବେ ଗଞ୍ଜାମ ସ୍ଥିତି ଧିରେ ଧିରେ ସୁଧୁରିବାକୁ ଲାଗିଛି । କିନ୍ତୁ ଏବେ ଖୋର୍ଦ୍ଧା ସ୍ଥିତି ଗଞ୍ଜାମ ଭଳି ହେଲାଣି । କିଛି ଦିନ ହେବ ଖୋର୍ଦ୍ଧାରୁ ଗଞ୍ଜାମ ତୁଳନାରେ ବହୁ ଅଧିକ କରୋନା ସଂକ୍ରମିତି ଚିହ୍ନଟ ହେଉଛନ୍ତି ।

ସବୁଠାରୁ ବଡ଼ କଥା ହେଉଛି ରାଜ୍ୟର ରାଜଧାନୀ ଭୁବନେଶ୍ୱରରୁ ପ୍ରତିଦିନ ଶତାଧିକ କରୋନା ପଜିଟିଭ ଚିହ୍ନଟ ହେଉଛନ୍ତି । ସେପଟେ ରାଜଧାନୀରେ କରୋନା ସଂକ୍ରମଣ ବଢ଼ିବାର ବିଭିନ୍ନ କାରଣ ରହିଛି ବୋଲି ଡା. ଅଶୋକ ମହାପାତ୍ର କହିଛନ୍ତି । ସେହି ସବୁ କାରଣ ମଧ୍ୟରୁ ୩ଟି ବିଶେଷ କାରଣ ହେଉଛି ପ୍ରଥମରେ ଭୁବନେଶ୍ୱର ହେଉଛି ମେଗା ସିଟି । ଏଠାରେ ଗଞ୍ଜାମ ତୁଳନାରେ ଅଧିକ ଲୋକ ବାସ କରନ୍ତି । ମେଗା ସିଟି ହୋଇଥିବାରୁ ଏଠାରେ ବାହାରୁ ଲୋକେ ଆସି ରହିଥାନ୍ତି । ସେପଟେ ତୃତୀୟ କାରଣ ହେଉଛି ଭୁବନେଶ୍ୱରରେ ଅଧିକ ପରିମାଣରେ ଟେଷ୍ଟ ହେଉଥିବାରୁ କରୋନା ସଂଖ୍ୟା ମଧ୍ୟ ବଢ଼ିଛି  ।

ତେବେ ଦେଖିବାକୁ ଗଲେ ସବୁ ରାଜ୍ୟର ରାଜଧାନୀରେ ସମାନ ପରିସ୍ଥିତି ରହିଛି ବୋଲି ଡା. ଅଶୋକ ମହାପାତ୍ର କହିଛନ୍ତି । ଏବେ କରୋନା ସଂକ୍ରମିତ ଚିହ୍ନଟ ହେବାରେ ସ୍ଥିରତା ଆସିଲାଣି । ଯାହାଫଳରେ ଆଗକୁ କମିବାର ସମ୍ଭାବନା ରହିଛି ବୋଲି କହିଛନ୍ତି । ଯଦି ସଂକ୍ରମଣ ନିୟନ୍ତ୍ରଣରେ ରୁହେ ଏବଂ ଡିସେମ୍ବର-ଜାନୁଆରୀରେ ଟିକା ଆସିଲେ ତେବେ ସ୍ଥିତି ଆହୁରି ଭଲ ହେବ ।

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବଢ଼ିବାରେ ଲାଗିଛି । କରୋନା କାୟାରେ ରାଜନେତାଙ୍କ ଠାରୁ ଆରମ୍ଭ କରି ଦେଶରେ ବଡ଼ ବଡ଼ ଫିଲ୍ମ ଷ୍ଟାର ମଧ୍ୟ ଏହାର କବଳରେ ଆସିଛନ୍ତି । ତେବେ ବୁଧବାର ରାଜ୍ୟରେ ଆଉଜଣେ ବିଧାୟକ କରୋନା କବଳରେ ଆସିଛନ୍ତି । ଆଜି ଖଣ୍ଡପଡ଼ା ବିଧାୟକ କରୋନାରେ ଆକ୍ରାନ୍ତ ହୋଇଛନ୍ତି । ଖଣ୍ଡପଡ଼ା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ ଆଜି କରୋନା ପଜିଟିଭ ଚିହ୍ନଟ ହୋଇଛନ୍ତି ସୌମ୍ୟ ରଞ୍ଜନ ପଟ୍ଟନାୟକ ନିଜେ ଟ୍ୱିଟ୍‌ କରି ଏହା ଜଣାଇଛନ୍ତି ।

ମୁଁ ଆଜି କରୋନା ପଜିଟିଭ ହେଇଥିବା କଥା ଜଣା ପଡ଼ିଛି । ମୁଁ ସୁସ୍ଥ ଅଛି । ଗତ ସପ୍ତାହରେ ମୋ ସଂସ୍ପର୍ଶରେ ଆସିଥିବା ବନ୍ଧୁମାନଙ୍କୁ ଡାକ୍ତରୀ ପରାମର୍ଶ ନେବାପାଇଁ ଅନୁରୋଧ କରୁଛି ।

— Soumyaranjan Patnaik (@SoumyaSambad) August 11, 2020

ତାଙ୍କର ପ୍ରଥମେ ଥଣ୍ଡା କାଶ ଭଳି କିଛି କରୋନା ଲକ୍ଷଣ ସେ ଅନୁଭବ କରିଥିଲେ । ଏକ ଘରୋଇ ଡାକ୍ତରଖାନାରେ ସେ ତାଙ୍କର କୋଭିଡ ଟେଷ୍ଟ କରାଇଥିଲେ । ଟେଷ୍ଟରେ ସୌମ୍ୟ ରଞ୍ଜନ ପଟ୍ଟନାୟକ କୋଭିଡ ପଜିଟିଭ ଚିହ୍ନଟ ହୋଇଥିଲେ । ସେ ଆହୁରି ମଧ୍ୟ ସଚେତନ କରାଇବା ପାଇଁ କହିଛନ୍ତି ଯେ ତାଙ୍କ ସହ ଏହି କିଛି ଦିନ ମଧ୍ୟରେ କେହି ଯଦି ସଂସ୍ପର୍ଶରେ ଆସିଛନ୍ତି ତେବେ ସେହି ବ୍ୟକ୍ତି ମାନେ ନିଜକୁ ଆଇସୋଲେସନରେ ରଖିବା ଜରୁରୀ ।  କୋଭିଡ଼ ଟେଷ୍ଟରେ ରିପୋର୍ଟ ପଜିଟିଭ ଆସିଥିଲେ ମଧ୍ୟ ସେ ସୁସ୍ଥ ଥିବା କହିଛନ୍ତି ।