ନୂଆଦିଲ୍ଲୀ: ଦେଶରେ ସଂକ୍ରମଣ ନିୟନ୍ତ୍ରଣାଧୀନ ନୁହେଁ । ପ୍ରତିଦିନ ସଂକ୍ରମଣ ନୂଆ ନୂଆ ରେକର୍ଡ ଭାଙ୍ଗୁଛି । ସଂକ୍ରମଣର ମାତ୍ରା ଏବେ ଏତେ ଅଧିକ ହେଲାଣି ଯେ ସାଧାରଣରେ କରୋନା ଭୟ ମରିଗଲାଣି । ତେବେ ଏହି କ୍ରମରେ ଆଜି ପୁଣି ଯୋଡ଼ି ହୋଇଛନ୍ତି ୯୨ ହଜାର ୬୦୫ ସଂକ୍ରମିତ । ଏହା ସହିତ ଆଉ୧୧୩୩ ଜଣଙ୍କର ମୃତ୍ୟୁ କରୋନା ସଂକ୍ରମଣ ଯୋଗୁଁ ହୋଇଛି ।
ଆଜିର ସଂକ୍ରମିତଙ୍କୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୫୪ଲକ୍ଷ ୬୨୦କୁ ବୃଦ୍ଧି ପାଇଛି । ମୋଟ ମୃତ୍ୟୁ ସଂଖ୍ୟା ୮୬ହଜାର ୭୫୨ । ସେହିଭଳି ଦେଶରେ ୧୦ଲକ୍ଷ ୧୦ ହଜାର ୮୨୪ଟି ସକ୍ରିୟ ମାମଲା ରହିଥିବାବେଳେ ୪୩ଲକ୍ଷ ୩ହଜାର ୪୪ଜଣ ସୁସ୍ଥ ହେଲେଣି ।ଉଲ୍ଲେଖଯୋଗ୍ୟ ଶେଷ ୨୪ ଘଣ୍ଟାରେ ସାରା ଦେଶରେ ମହାରାଷ୍ଟ୍ରରେ ସବୁଠାରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି ।
