ନୂଆଦିଲ୍ଲୀ: ବିଶ୍ୱରେ କରୋନା ସଂକ୍ରମଣ ହୁ ହୁ ହୋଇ ବଢ଼ିବାରେ ଲାଗିଛି  । କରୋନା ସଂକ୍ରମଣରୁ ବଞ୍ଚିବା ପାଇଁ କୌଣସି ପ୍ରତିଷେଧକ ଟିକା ବାହାରି ନଥିବା ବେଳେ ସାମାଜିକ ଦୂରତା ହିଁ ହେଉଛି ଏକ ମାତ୍ର ପ୍ରତିକାର । ତେବେ ଯେଉଁ ମାନେ କରୋନା ସଂକ୍ରମଣରେ ଆକ୍ରାନ୍ତ ହେଉଛନ୍ତି ବିଭିନ୍ନ ଦେଶର ସରକାର ସେମାନଙ୍କୁ ସ୍ୱତନ୍ତ୍ର ଚିକିତ୍ସା ପାଇଁ ଆଇସୋଲେସନ ଓ୍ୱାର୍ଡରେ ରଖାଯାଉଛି । କିନ୍ତୁ କିଛି ମନ୍ଦ ପ୍ରକୃତିର ଲୋକ ଏହି ନିୟମକୁ ନମାନି ଆଇସେଲେସନ ଓ୍ୱାର୍ଡରୁ ଖସି ପଳାଉଛନ୍ତି । ଯେଉଁଥିପାଇଁ ସାଧାରଣ ଲୋକେ ଏହାର ଶିକାର ହେଉଛନ୍ତି । ଏହି ଭଳି ଜଣେ ବ୍ୟକ୍ତି ଖସି ପଳାଇଥିବାରୁ ବହୁତ ବଡ଼ ଦଣ୍ଡ ଭୋଗିଛନ୍ତି ।

ନିକଟରେ ଭାରତରୁ ନ୍ୟୁଜିଲ୍ୟାଣ୍ଡକୁ ଜଣେ ୩୨ ବର୍ଷୀୟ ବ୍ୟକ୍ତି ଯାଇଥିଲେ । ଯିଏକି ସେଠାରେ ପହଞ୍ଚିବେ ପରେ କରୋନା ପଜିଟିଭ୍ ବୋଲି ଜଣାପଡିଥିଲା । କରୋନା ହୋଇଥିବା ଜାଣି ତାଙ୍କୁ ଅକଲ୍ୟାଣ୍ଡର ଏକ ଆଇସୋଲେସନ ଓ୍ୱାର୍ଡରେ ରଖାଯାଇଥିଲା । କିନ୍ତୁ ସେ ସେଠାରୁ ଖସି ପଳାଇଥିଲେ । ଗଣମାଧ୍ୟମର ରିପୋର୍ଟ ଅନୁଯାୟୀ, ଏହା ପରେ ସେ ଏକ ବଡ଼ ମଲକୁ ଯାଇଥିଲେ । ସେଠାରେ ମନଇଚ୍ଛା ବୁଲିଥିଲେ ।

ସୂଚନା ଅନୁଯାୟୀ, କରୋନା ପଜିଟିଭ୍ ବ୍ୟକ୍ତି ସେଠାକାର ସ୍ଥାନୀୟ ସମୟ ପ୍ରାୟ ୬:୫୦ ସମୟରେ ଏକ ଆଇସୋଲେସନ ଓ୍ୱାର୍ଡରୁ ଖସି ପଳାଇଥିଲେ । ଏହି ବ୍ୟକ୍ତିଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନାହିଁ । ବ୍ୟକ୍ତି ଜଣକ ଜୁଲାଇ ୩ ରେ ଦିଲ୍ଲୀରୁ ଆସିଥିଲେ । ସ୍ୱାସ୍ଥ୍ୟମନ୍ତ୍ରୀ କ୍ରିସ୍ ହପକିନ୍ସ ଏହି କାର୍ଯ୍ୟକୁ ସ୍ୱାର୍ଥପର ବୋଲି ବର୍ଣ୍ଣନା କରିଛନ୍ତି । ଖାଲି ସେତିକି ନୁହେଁ ଏହି କାରଣ ପାଇଁ ତାଙ୍କୁ ଦୋଷୀ ସାବ୍ୟସ୍ତ କରାଯିବ ବୋଲି କହିଛନ୍ତି । ପଳାଇବା ସମୟରେ ଜଣେ ସୁରକ୍ଷାକର୍ମୀ ଏହି ଅଞ୍ଚଳକୁ ଯାଞ୍ଚ କରୁଥିଲେ, କିନ୍ତୁ ବାଡ କାମ କରିବା କଣ୍ଟ୍ରାକ୍ଟରଙ୍କ ବ୍ୟକ୍ତି ବୋଲି ଭାବି ସେ ଦ୍ୱନ୍ଦ୍ୱରେ ପଡ଼ିଥିଲେ । ସେଥିପାଇଁ ସେ ତାଙ୍କୁ ଅଟକାରଇବାକୁ ଚେଷ୍ଟା କରିଥିଲେ ।

୭୦ ମିନିଟରେ ଫେରି ଆସିଲେ

ଖବର ଅନୁଯାୟୀ, ମନ୍ତ୍ରୀ ହପକିନ୍ସ କହିଛନ୍ତି ଯେ ସେ ଭିକ୍ଟୋରିଆ ସେଣ୍ଟ ୱେଷ୍ଟର ମଲରେ ୨୦ ମିନିଟ୍ ବିତାଇଥିଲେ । ସବୁଠାରୁ ବଡ଼ କଥା ହେଉଛି ଉକ୍ତ ବ୍ୟକ୍ତି ଜଣକ ଆଇସୋଲେସନ ଓ୍ୱାର୍ଡ ଛାଡ଼ିବାର ୭୦ ମିନିଟ ପରେ ତାଙ୍କ ଇଚ୍ଛା ମୁତାବକ ସ୍ୱାର୍ଡକୁ ଫେରିଥିଲେ । ରିପୋର୍ଟରେ କୁହାଯାଇଛି ଯେ ବର୍ତ୍ତମାନ ତାଙ୍କୁ ଦୋଷୀ ସାବ୍ୟସ୍ତ କରାଯିବ ଏବଂ ତାଙ୍କୁ ୬ ମାସ ଜେଲଦଣ୍ଡ କିମ୍ବା ୬ ଜହାର ଡଲାର ଜୋରିମାନା ହୋଇପାରେ । ନ୍ୟୁଜିଲ୍ୟାଣ୍ଡରେ ବର୍ତ୍ତମାନ୨୩ ଟି ସକ୍ରିୟ ମାମଲା ଅଛି ଏବଂ ସମସ୍ତେ ବିଚ୍ଛିନ୍ନତା କିମ୍ବା କ୍ୱାରେଣ୍ଟାଇନ ସେଣ୍ଟରରେ ଅଛନ୍ତି । ବର୍ତ୍ତମାନ ପର୍ଯ୍ୟନ୍ତ ୧୧୮୭ ଟି କରୋନା ମାମଲା ରୁଜୁ ହୋଇଛି ।