୨୦୧୯ର ଶେଷଭାଗ ବେଳକୁ ଚୀନ୍ କରୋନାର ଶୀକାର ହୋଇଥିଲା । କିନ୍ତୁ ଚୀନ୍ କରୋନାର ଭୟାବହତାକୁ ଲୁଚାଇ ରଖିଥିଲା । ଚୀନ୍ କରୋନା କବଳରୁ ମୁକୁଳୁଥିବା ବେଳେ ବାକି ବିଶ୍ୱ ଏହାର ଶିକାର ହୋଇଥିଲା । ଆଉ ଏହାରି ଭିତରେ ଚୀନ୍ ତାର ଯୋଜନାକୁ କାର୍ଯ୍ୟକାରୀ କରିବାରେ ଲାଗୁଛି । ଗୋଟିଏ ପଟେ ଏହା ଲଦାଖରେ ଅନୁପ୍ରବେଶ କରି ଭାରତକୁ ଯୁଦ୍ଧ ଆଡକୁ ଟାଣୁଛି । ଅନ୍ୟପକ୍ଷରେ ଚୀନର ବୁଡା ଜାହଜ ଜାପାନକୁ ଉସକାଉଛନ୍ତି । ସେହିଭଳି ତାଇୱାନ ବାୟୁସୀମା ଭିତରକୁ ଡ୍ରାଗନର ଫାଇଟର ପ୍ଲେନ୍ ଉଡାଣ ଭରୁଛନ୍ତି । ଏମିତି ଗୋଟିଏ ଦିନ ବିତୁନି ଯେଉଁଦିନ ଚୀନ ବାୟୁସେନା ତାଇୱାନ ବାୟୁସୀମାକୁ ଉଲ୍ଲଂଘନ କରୁନି । ଯାହାକୁ ନେଇ ଆମେରିକା ଓ ୟୁରୋପରେ ମଧ୍ୟ ହଲଚଲ ସୃଷ୍ଟି ହେଲାଣି । ବିଶେଷଜ୍ଞ କହୁଛନ୍ତି ଯେ, ଚୀନ୍ ଭାରତ,ଜାପାନ ଓ ତାଇୱାନକୁ ଆଖି ଦେଖାଇବାର ପ୍ରକୃତ କାରଣ ହେଉଛି ଆମେରିକାକୁ ଉସକାଇବା ।
ଦୁନିଆକୁ ସାମ୍ନା କରିବାକୁ ପ୍ରସ୍ତୁତ ଅଛି ଚୀନ୍
ଚୀନ ସେନା ଯେଉଁ ଦୁଃସାହସ ଦେଖାଉଛି ସେଥିରୁ ଅନୁମାନ କରାଯାଉଛି ଯେ, ଚୀନ୍ ବାକି ବିଶ୍ୱକୁ ଚ୍ୟାଲେଂଜ କରିବାର ଆତ୍ମବିଶ୍ୱାସ ହାସଲ କରିଛି । ଚୀନ୍ ବିଶ୍ୱର ଆଗାମୀ ସୁପର ପାୱାର ହେବାକୁ ଯେଉଁ ସ୍ୱପ୍ନ ଦେଖୁଥିଲା ତାକୁ ଲାଗୁଛି ଯେ, କରୋନା ସେହି ସମୟ ଆଣିଛି । ଚୀନ୍ ତାର ସବୁ ପଡୋଷୀ ଦେଶଙ୍କ ସହ କୁସ୍ତି ଲଢିବାକୁ ଚାହୁଁଥିବା ଏହାର କାମରୁ ଜଣା ପଡୁଛି । କାମ୍ବୋଡିଆ,ତାଇୱାନ,ଜାପାନ,ମାଲେଶିଆ,ଇଣ୍ଡୋନେସିଆ,ଭିଏତନାମ ସବୁ ଦେଶଙ୍କ ସହ ଚୀନ ମୁହାଁମୁହିଁ ପରିସ୍ଥିତିରେ ଅଛି । ୧୯୭୯ ମସିହାରେ ଭିଏତନାମ ସହ ଯୁଦ୍ଧ ପରଠାରୁ ଚୀନ୍ ପ୍ରଥମ ଥର ପାଇଁ ଭାରତୀୟ ସେନାଙ୍କ ସହ ମୁହାଁମୁହିଁ ହୋଇଛି । ଏଥିରେ ଗୁଳିଗୋଳା ଚାଲିନି କିନ୍ତୁ ଏହା ଆଗକୁ ମଧ୍ୟ ବଢିପାରେ । ଚୀନ ତା’ର କେତେ କ୍ଷୟକ୍ଷତି ହୋଇଛି କହୁନି କିନ୍ତୁ ବିଶେଷଜ୍ଞଙ୍କ କହିବା ହେଉଛି ଏହାଯୋଗୁ ଆକ୍ସିଡେଣ୍ଟାଲ ସଟ୍ ଫାୟାର ହୋଇପାରେ ।
ଚୀନ୍ ପାଖରେ ଅଧିକ ସୈନ୍ୟ ଶକ୍ତି
ଚୀନର ସାମରିକ ଶକ୍ତି ଆମେରିକାଠାରୁ ଅଧିକ ନୁହେଁ । କିନ୍ତୁ ଚୀନ୍ ସେହି ଅନ୍ତରକୁ କମ କରିବାକୁ ଆଗେଇ ଚାଲିଛି । ଚୀନ୍ ୧୯୯୦ ମସିହାରୁ ସାମରିକ ଆଧୁନିକୀକରଣ ପ୍ରୋଗ୍ରାମ ଆରମ୍ଭ କରିଛି । ଏକ ରିପୋର୍ଟ ଅନୁସାରେ ରାଷ୍ଟ୍ରପତି ସି ଜିନ୍ ପିଙ୍ଗ୍ କରୋନା ମହାମାରୀ କାଳରେ ମଧ୍ୟ ସେନା ଓ ସାମରିକ ଶକ୍ତିକୁ ଅଗ୍ରାଧିକାର ଦେଇଛନ୍ତି । ଚଳିତ ବର୍ଷ ଚୀନର ସାମରିକ ବଜେଟ୍ ୬.୬ ପ୍ରତିଶତ ବଢି ୧୮୦ ବିଲିୟନ ଡଲାର ହୋଇଛି । ଆମେରିକାର ନୌସେନା କ୍ଷମତା ଓ ଚୀନ୍ ନୌସେନା କ୍ଷମତା ମଧ୍ୟରେ ଥିବା ଅନ୍ତର କମିବାରେ ଲାଗିଛି । ୱାସିଂଟନ କଂଗ୍ରେସନାଲ ରିସର୍ଚ୍ଚ ସର୍ଭିସର ରିପୋର୍ଟ ଅନୁସାରେ ଚଳିତ ବର୍ଷ ଅନ୍ତସୁଧା ଚୀନ୍ ପାଖରେ ୩୩୫ ଯୁଦ୍ଧଜାହଜ ହୋଇଯିବ,ଯେତେବେଳେକି ଆମେରିକା ପାଖରେ ରହିବ ୨୮୫ । ଯାହା ଆମେରିକାର ନୌସେନା କ୍ଷମତାକୁ ଚ୍ୟାଲେଂଜ୍ କରିବ ।
ନିଶାନାରେ ଭାରତ ନୁହେଁ ଆମେରିକା !
ଭାରତ ସହ ଚୀନର ସୀମା ବିବାଦ ଚାଲିଛି । କିନ୍ତୁ ଭାରତ ନୁହେଁ ଆମେରିକା ଚୀନର ନିଶାନାରେ ଅଛି ବୋଲି କୁହନ୍ତି ବିଶେଷଜ୍ଞ । ଭାରତ ସୀମାରେ ଉପଦ୍ରବ କରି ଆମେରିକାକୁ ଉସକାଇବା ଚୀନର ଲକ୍ଷ୍ୟ । ଆମେରିକା ମଧ୍ୟ ନିଜ ଆଧିପତ୍ୟ ବଜାୟ ରଖିବା ପାଇଁ ଚୀନର ପଡୋଷୀ ଦେଶ ଗୁଡିକରେ ନିଜ ଉପସ୍ଥିତି ଜାହିର କରୁଛି । ତାଇୱାନକୁ ଏଫ୍-୧୬ ଫାଇଟର ପ୍ଲେନ୍ ବିକ୍ରି ପାଇଁ ଆମେରିକା ଚିନ୍ତା କରୁଛି । ଚୀନର ଅଭିଯୋଗ ଯେ, ଆମେରିକା ସେହି କ୍ଷେତ୍ରରେ ହସ୍ତକ୍ଷେପ କରୁଛି ଯେଉଁଠି ତାହାର କୌଣସି ଅଧିକାର ନାହିଁ । ଦକ୍ଷୀଣ ଚୀନ୍ ସାଗର ଓ ତାଇୱାନରେ ଆମେରିକାର ହସ୍ତକ୍ଷେପ ଚୀନକୁ ଅଧିକ ଉତକ୍ଷିପ୍ତ କରିଛି ।ତେଣୁ ଆମେରିକାକୁ ଚୀନ୍ ଉସକାଉଉଛି ।
ଆକାଶରୁ ଖସୁଥିବା ବିଜୁଳି ବିଦ୍ୟୁତ୍ ଶକ୍ତି ପରି । ବାଦଲରେ ଥିବା ହାଲୁକା କଣିକା ଉପରକୁ ଯିବାବେଳେ ପଜିଟିଭ୍ ଚାର୍ଜ ସୃଷ୍ଟି ହୋଇଥାଏ । ଭାରି କଣିକା ତଳେ ଜମା ହୋଇ ନେଗେଟିଭ୍ ଚାର୍ଜ ହୋଇଯାଏ । ଯେତେବେଳେ ପଜିଟିଭ୍ ଓ ନେଗେଟିଭ୍ ଚାର୍ଜ ଅଧିକ ହୋଇଯାଏ ସେତେବେଳେ ବିଜୁଳି ମାରେ ।
ଶ୍ରୀଜଗନ୍ନାଥ ହେଉଛନ୍ତି ବଡ଼ ଠାକୁର, ତାଙ୍କର ଦେଉଳ ବଡ଼ ଦେଉଳ, ତାଙ୍କ ସିଂହାସନ ରତ୍ନ ସିଂହାସନ, ତାଙ୍କର ଦାଣ୍ଡ ବଡ଼ ଦାଣ୍ଡ, ତାଙ୍କ ସେବାୟତ ବଡ଼ ପଣ୍ଡା, ତାଙ୍କର ଯାତ୍ରା ବଡ଼ ଯାତ୍ରା । ମହାପ୍ରସାଦର ମାହାତ୍ମ୍ୟ ବଡ଼ ବିଚିତ୍ର । ଏଠି ସବୁ ଏକାକାର । ମହା ବା ବଡ଼ ଶବ୍ଦ ଯେମିତି ମିଶିଯାଇଛି ଏ କ୍ଷେତ୍ରର ପ୍ରତିଟି ଧୂଳିକଣାରେ । ତେଣୁ ତାଙ୍କର ପ୍ରସାଦକୁ ବଡ଼ ବା ମହା ପ୍ରସାଦ କୁହାଯାଏ । ଅବଢ଼ା ମଧ୍ୟ କୁହାଯାଏ କାରଣ ଏହାକୁ ବଢ଼ାଯାଇନଥାଏ । ସୂର୍ଯ୍ୟବଂଶର ରାଜତ୍ୱ କାଳରେ ଏହି ଅବଢ଼ା ଶବ୍ଦ ଆସିଥିବା ଗବେଷକଙ୍କ ମତ । ଗୋଟିଏ ମାଟି ହାଣ୍ଡିରେ ଥିବା ଅନ୍ନ ଓ ବ୍ୟଞ୍ଜନକୁ ସମସ୍ତେ ଏକାଠି ଖାଇଥାନ୍ତି । ପରିବାରର ବାପା, ମା, ପିଲା ଛୁଆ, ଭାଇ, ଭଉଣୀ ସମସ୍ତେ ଏକାଠି ଖାଆନ୍ତି । ଏହା ବଣ୍ଟାଯାଇନଥାଏ କିମ୍ବା ବଢ଼ା ଯାଇ ନଥାଏ । ତେଣୁ ଏହାକୁ ଯଥାର୍ଥରେ ଅବଢ଼ା କୁହାଯାଏ । ସେପଟେ ବିମଳାଙ୍କ ନିକଟରେ ଏହା ସମର୍ପଣ ହେବା ପରେ ମହାପ୍ରସାଦ କୁହାଯାଇଥାଏ । ପ୍ରସାଦ ମଧ୍ୟ ୨ ପ୍ରକାରର ହୋଇଥାଏ ମହାପ୍ରଭୁଙ୍କର । ପ୍ରଥମଟି ଅନ୍ନ ପ୍ରସାଦ ଏବଂ ଦ୍ୱିତୀୟଟି ଶୁଖିଲା ମହାପ୍ରସାଦ ।
