ବର୍ତ୍ତମାନ ସମୟରେ ସୋସିଆଲ ମିଡିଆର ଭୂମିକା ଗୁରୁତ୍ୱପୂର୍ଣ୍ଣ । ରାଜନୈତିକ ଦଳ ଗୁଡ଼ିକ ନିଜ ମତବାଦର ପ୍ରଚାର ପାଇଁ ସୋସିଆଲ ମିଡିଆକୁ ବ୍ୟବହାର କରିଥାନ୍ତି । ନିର୍ବାଚନ ସମୟରେ ସୋସିଆଲ ମିଡିଆରେ ରାଜନୈତିକ ଦଳଙ୍କ ଉପସ୍ଥିତି ବୃଦ୍ଧି ପାଇଥାଏ । ବିଭିନ୍ନ ରାଜନୈତିକ ଦଳ ନିଜ ନିଜର ପ୍ରଚାର ପାଇଁ ଏହି ପ୍ଲାଟଫର୍ମ ବ୍ୟବହାର କରିଥାନ୍ତି । ତେବେ ଭାରତରେ କେଉଁ ଦଳ ସୋସିଆଲ ମିଡିଆକୁ କେତେ ଅଧିକ ନିଜ ପ୍ରଚାର ପାଇଁ ବ୍ୟବହାର କରୁଛନ୍ତି ? ନିକଟରେ ଫେସବୁକ ଏହାର ବିଜ୍ଞାପନ ଲାଇବ୍ରେରୀ ରିପୋର୍ଟ ଉପସ୍ଥାପନା କରିଛି । ଯେଉଁଥିରୁ ଭାରତର କେଉଁ କେଉଁ ଦଳ ସୋସିଆଲ ମିଡିଆରେ ପ୍ରଚାର ପାଇଁ ଅଧିକ ଖର୍ଚ୍ଚ କରୁଛନ୍ତି ଓ ପ୍ରଚାର କ୍ଷେତ୍ରରେ ଆଗରେ ଅଛନ୍ତି ତାହା ଜଣା ପଡୁଛି ।
ସୋସିଆଲ ମିଡିଆରେ ନିଜର ଏଜେଣ୍ଡାକୁ ପ୍ରଚାର କରିବାରେ ସବୁଠୁ ଆଗରେ ରହିଛି ବିଜେପି । ଗତ ୧୮ ମାସ ଭିତରେ ଫେସବୁକରେ କିଏ କଣ ପ୍ରଚାର କରିଛି ଏବଂ କେତେ ଟଙ୍କା ଖର୍ଚ୍ଚ କରିଛନ୍ତି, ଏନେଇ ଏକ ରିପୋର୍ଟ ଆସିଛି । ଫେବୃୟାରୀ ୨୦୧୯ରୁ ୪ କୋଟି ୬୧ ଲକ୍ଷ ଟଙ୍କା ଖର୍ଚ୍ଚ କରିଛି ବିଜେପି । ତା ପଛକୁ ରହିଛି କଂଗ୍ରେସ । କଂଗ୍ରେସ ନିଜର ପ୍ରଚାର ପାଇଁ ଏକ କୋଟି ୮୪ ଲକ୍ଷ ଟଙ୍କା ଖର୍ଚ୍ଚ କରିଛି । ଗତ ୨୪ ତାରିଖ ପର୍ଯ୍ୟନ୍ତ କେଉଁ ଦଳ କେତେ କେତେ ଖର୍ଚ୍ଚ କରିଛନ୍ତି ସେ ନେଇ ରିପୋର୍ଟ ଆସିଛି । ବିଜେପି ସହ ମିଶି କିଛି ବିଜ୍ଞାପନ ସଂସ୍ଥା ମଧ୍ୟ ଫେସବୁକରେ ପ୍ରଚାର କରିଛନ୍ତି । ଏହା ବାବଦକୁ ହେଉଥିବା ଖର୍ଚ୍ଚ ମଧ୍ୟ ବିଜେପି ବହନ କରିଥିବା ଜଣାପଡିଛି । ଏସବୁ ମିଶାଇଲେ ବିଜେପି ୧୦ କୋଟି ୧୭ ଲକ୍ଷ ଟଙ୍କା ଖର୍ଚ୍ଚ କରିଛି । ମାଇ ଫାଷ୍ଟ ଭୋଟ ଫର ମୋଦି, ଭାରତ କେ ମନ୍ କି ବାତ୍ ନାଁରେ ହେଉଥିବା ବିଜ୍ଞାପନ ଖର୍ଚ୍ଚ ପାଇଁ ୩ କୋଟି ୫୦ ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରାଯାଇଥିବା ଜଣାପଡିଛି ।
କେବିନ ମେୟର କହିଛନ୍ତି, ଗତ କିଛି ସପ୍ତାହ ମଧ୍ୟରେ ରାଜନୈତିକ ଇନଭଏସ୍ ବହୁତ ବଦଳିଛି। ମୁଁ ଯେଉଁ ପରିବର୍ତ୍ତନ କରିବାକୁ ଚାହୁଁଥିଲି, ଯାହା ପାଇଁ ମୋର ଆବଶ୍ୟକ ଥିଲା ଏବଂ ଯାହା ପାଇଁ ମୋତେ ବିଶ୍ୱ ଭୂମିକାରେ ରଖାଯାଇଥିଲା ସେ କାର୍ଯ୍ୟ କରିଛି। ଟିକଟକ୍ ମୁଖପାତ୍ର କହିଛନ୍ତି କି କେବିନ ମେୟରଙ୍କ ନିଷ୍ପତ୍ତିକୁ କମ୍ପାନୀ ସମ୍ମାନ କରେ। ଗତ କିଛି ମାସ ଧରି ଆମେରିକାରେ ଟିକଟକ୍ ଆପ୍ ଉପରେ ପ୍ରତିବନ୍ଧକ ଲଗାଯିବାର ଭୟ ରହିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିକଟରେ କହିଛନ୍ତି କି କମ୍ପାନୀ ୯୦ ଦିନ ମଧ୍ୟରେ ଆମେରିକାର ବ୍ୟବସାୟ ବିକ୍ରୟ କରିବା ଉଚିତ। ଯଦି ଏହା ୯୦ ଦିନ ମଧ୍ୟରେ ବିକ୍ରି ହୋଇନଥାଏ, ତେବେ ଆପ୍ ଉପରେ ପ୍ରତିବନ୍ଧକ ଲଗାଯିବ । ତେବେ ନିକଟରେ ଟିକଟକ୍ ମଧ୍ୟ ନିଶ୍ଚିତ କରିଛି ଯେ କମ୍ପାନୀ ଆମେରିକୀୟ ରାଷ୍ଟ୍ରପତିଙ୍କ ଆଦେଶକୁ ଚ୍ୟାଲେଞ୍ଜ କରିବ ଏବଂ ସେମାନଙ୍କ ବିରୋଧରେ ମକଦ୍ଦମା ଦାୟର କରିବ।
