ମୁମ୍ବାଇ: ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାର ତଦନ୍ତ କରୁଛି ମୁମ୍ବାଇ ପୋଲିସ । କିଛି ଘଣ୍ଟା ପୂର୍ବରୁ ସୁଶାନ୍ତଙ୍କ ନିର୍ଦ୍ଦଶକ ପୋଲିସକୁ ଜଣାଇଥିଲେ ଯେ, ସୁଶାନ୍ତ ସର୍ବଦା ଅନୁତାପ କରନ୍ତି ଯେ ସେ ଏବଂ ଅଙ୍କିତା ଲୋଖଣ୍ଡେଙ୍କ ସମ୍ପର୍କ ଭାଙ୍ଗିଗଲା । ଅଙ୍କିତା ଲୋଖଣ୍ଡେ ଏବଂ ସୁଶାନ୍ତ ସିଂ ରାଜପୁତଙ୍କ ପ୍ରଶଂସକମାନେ ସବୁବେଳେ ଆଶ୍ଚର୍ଯ୍ୟ ହୁଅନ୍ତି କାହିଁକି ଦୁହେଁ ଅଲଗା ହେଲେ ? ମନୋଚିକିତ୍ସକଙ୍କ ଖୁଲାସା ପରେ ସୁଶାନ୍ତଙ୍କ ପ୍ରଶଂସକମାନେଙ୍କ ମନରେ ଗୋଟିଏ ପ୍ରଶ୍ନ ଏବେ ବାରମ୍ବାର ଆସିବ । ଚାରି ବର୍ଷ ପୂର୍ବେ ଦୁହିଁଙ୍କ ବନ୍ଧୁମାନେ ସେମାନଙ୍କ ସମ୍ପର୍କର ତିକ୍ତତା ବିଷୟରେ ପ୍ରକାଶ କରିଥିଲେ । ତେବେ ଆସନ୍ତୁ ଜାଣିବା କେମିତି ଓ କାହିଁକି ଭାଙ୍ଗିଥିଲା ଦୁହିଁଙ୍କ ସମ୍ପର୍କ ।

ଦୁହିଁଙ୍କ ପ୍ରଥମ ସାକ୍ଷାତ

ସୁଶାନ୍ତ ସିଂ ରାଜପୁତ ଏବଂ ଅଙ୍କିତା ଲୋଖଣ୍ଡେ ପ୍ରଥମ ଥର ପାଇଁ ‘ପବିତ୍ର ରିସ୍ତା ‘ ମାଧ୍ୟମରେ ଦର୍ଶକଙ୍କ ସାମ୍ନାକୁ ଆସିଥିଲେ । ଏବଂ ସେହି ସେଟରେ ହିଁ ଦୁହିଁଙ୍କ ଭିତରେ ଥିବା ସମ୍ପର୍କ ଗଢି ଉଠିଥିଲା ।

ଅଙ୍କିତା ଏବଂ ସୁଶାନ୍ତ ବହୁ ବନ୍ଧୁପ୍ରିୟ ଥିଲେ    ଟିଭି ଇଣ୍ଡଷ୍ଟ୍ରିରେ ଜଡିତ ଥିବାରୁ ଅଙ୍କିତା ଏବଂ ସୁଶାନ୍ତ ସିଂ ରାଜପୁତଙ୍କର ବନ୍ଧୁ ମଧ୍ୟ ବହୁତ ଥିଲେ । ଏହାସହ ସବୁ ବେଳେ ସେମାନେ ବନ୍ଧୁମାନଙ୍କ ଗହଣରେ ହିଁ ନଜର ଆସନ୍ତି ।

ଅଙ୍କିତା ଲୋଖଣ୍ଡେ ନିଜ ଜୀବନଠୁ ଅଧିକ ଭଲ ପାଉଥିଲେ

ଅଙ୍କିତା ଲୋଖଣ୍ଡେ ନିଜ ଜୀବନଠୁ ଅଧିକ ସୁଶାନ୍ତ ସିଂ ରାଜପୁତଙ୍କୁ ଭଲ ପାଉଥିଲେ । ନିକଟରେ ବିକାଶ ଗୁପ୍ତା କହିଥିଲେ ଯେ ଅଙ୍କିତା ମୁହଁରୁ ହିଁ ମନକଥା ଜାଣିପାରନ୍ତି ତେଣୁ ଯେତେବେଳେ ସୁଶାନ୍ତ ମନଦୁଃଖ କରନ୍ତି କି କୌଣସି ଚାପରେ ରୁହନ୍ତି ସେତେବେଳେ ଅଙ୍କିତା ଜାଣିପାରନ୍ତି । ଏବଂ ସୁଶାନ୍ତଙ୍କ ସହ ହିଁ ରୁହନ୍ତି ତାଙ୍କୁ ଛାଡ଼ି କୁଆଡ଼େ ବି ଯାଆନ୍ତି ନାହିଁ ।

ଅଙ୍କିତା ଲୋଖଣ୍ଡେ, ସୁଶାନ୍ତଙ୍କ ଘନିଷ୍ଠ ବନ୍ଧୁ ସନ୍ଦୀପ ସିଂଙ୍କ ସହ ମଧ୍ୟ ଘନିଷ୍ଠ ବନ୍ଧୁତା ରହିଥିଲା । ନିକଟରେ ଯେତେବେଳେ ଅଙ୍କିତା ସୁଶାନ୍ତଙ୍କ ପରିବାରକୁ ଭେଟିବାକୁ ଆସିଥିଲେ, ସନ୍ଦୀପ ତାଙ୍କ ସହ ଥିଲେ ।

ଦୁହେଁ ଏକାସାଙ୍ଗରେ ହିଁ ଲାଇମ ଲାଇଟକୁ ଆସ

ଅଙ୍କିତା ଏବଂ ସୁଶାନ୍ତ ସିରିଏଲ ‘ପବିତ୍ର ରିସ୍ତା’ ମାଧ୍ୟମରେ ବହୁ ନାଁ କରିଥିଲେ ଏବଂ ଏହି କାରଣରୁ ଉଭୟେ ପରସ୍ପରର ଷ୍ଟ୍ରଗଲ ବିଷୟରେ ବେସ୍ ଭଲ ଭାବରେ ଜାଣିଥିଲେ ।

ବ୍ରେକଅପ୍ ପରେ ମଧ୍ୟ ଦୁହେଁ ପରସ୍ପରକୁ ପ୍ରଶଂସା କରନ୍ତି

ଏମଏସ ଧୋନି ଦେଖିବା ପରେ ଅଙ୍କିତା ହିଁ ପ୍ରଥମ ବ୍ୟକ୍ତି ଯିଏକି ସୁଶାନ୍ତଙ୍କୁ ଫୋନ ମାଧ୍ୟମରେ ଅଭିନନ୍ଦନ ଜଣାଇଥିଲେ, ସେତେବେଳେ ସେମାନଙ୍କ ଭିତରେ ଥିବା ପ୍ରେମ ସମ୍ପର୍କ ଭାଙ୍ଗିସାରିଥିଲା । ଏଥିସହ ମାଣିକର୍ଣ୍ଣିକାଙ୍କ ପ୍ରଥମ ଲୁକ୍ ରିଲିଜ ହେବା ପରେ ସୁଶାନ୍ତ ସୋସିଆଲ ମିଡିଆରେ ଅଙ୍କିତାଙ୍କୁ ପ୍ରଶଂସା କରିଥିଲେ ।

ସମସ୍ୟା କେଉଁଠୁ ଆସିଲା?

ଜାତୀୟ ଗଣମାଧ୍ୟର ଦିଆଯାଇଥିବା ୨୦୧୬ର ସାକ୍ଷାତକାରରେ ଦୁହିଁଙ୍କର ଜଣେ ବନ୍ଧୁ ପ୍ରକାଶ କରିଥିଲେ ଯେ, ସିନେମା ଜଗତରେ ପ୍ରବେଶ କରିବା ପରେ ସୁଶାନ୍ତ ବହୁ ବ୍ୟସ୍ତ ଥିଲେ ଏବଂ ସେତେବେଳେ ଅଙ୍କିତା ଅଭିନୟ ଜଗତରୁ ଟିକେ ଦୂରେଇ ଯାଇଥିଲେ । ତେଣୁ ଏହି ସମୟରେ ଅଙ୍କିତା ସୁଶାନ୍ତଙ୍କୁ ନେଇ ସବୁ ବେଳେ ଇନସିକ୍ୱୋର ରହୁଥିଲେ ।

ଅଙ୍କିତାଙ୍କୁ ବୁଝାଇବା ପାଇଁ ସୁଶାନ୍ତ ସିଂ ରାଜପୁତ ସବୁବେଳେ ଚେଷ୍ଟା କରୁଥିଲେ

ବନ୍ଧୁ ଜଣଙ୍କ ଏହା ମଧ୍ୟ କହିଥିଲେ ଯେ ସୁଶାନ୍ତ ସର୍ବଦା ଭଲରେ ଅଙ୍କିତାଙ୍କୁ ବୁଝାଉଥିଲେ ଯେ ସେ ତାଙ୍କୁ କେବେ ଧୋକା ଦେବେ ନାହିଁ । ଅଙ୍କିତା କିଛି ଦିନ ପାଇଁ ବୁଝି ବି ଯାଇଥିଲା କିନ୍ତୁ ତା’ପରେ ଜିନିଷ ଧିରେ ଧିରେ ପରିବର୍ତ୍ତନ ହୋଇଗଲା ଫଳରେ ଧୀରେ ଧୀରେ ସୁଶାନ୍ତ ବିରକ୍ତ ହେବାକୁ ଲାଗିଲେ ।

୬ବର୍ଷ ଧରି ସୁଶାନ୍ତଙ୍କ ଜୀବନରେ କେବଳ ଗୋଟିଏ ଝିଅ ଥିଲା

ସୁଶାନ୍ତ ଏବଂ ଅଙ୍କିତାଙ୍କର ଏକ ସୁନ୍ଦର ସମ୍ପର୍କ ଥିଲା, କିନ୍ତୁ କିଛି ଭୁଲ ବୁଝାବଣା ପାଇଁ ଦୁହିଁଙ୍କ ରାସ୍ତା ସବୁଦିନ ପାଇଁ ଅଲଗା ହୋଇଯାଇଥିଲା ।

ମୁମ୍ବାଇ: ଦୀର୍ଘ ଦିନ ଧରି ସୁଶାନ୍ତ ସିଂ ରାଜପୁତଙ୍କ ଘନିଷ୍ଠ ବନ୍ଧୁମାନଙ୍କ ମଧ୍ୟରେ ଥିବା ସନ୍ଦୀପ ସିଂ ଅଭିନେତାଙ୍କ ମୃତ୍ୟୁ ନେଇ ଅନେକ ଦୁଃଖ ପ୍ରକାଶ କରିଛନ୍ତି । ନିକଟରେ ସନ୍ଦୀପ, ସୁଶାନ୍ତଙ୍କ ଏକ୍ସ ଗର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେଙ୍କ ବିଷୟରେ ଏକ ଲମ୍ବା ପୋଷ୍ଟ ଇନଷ୍ଟାଗ୍ରାମ ସେୟାର କରିଛନ୍ତି । ସେ ଅଙ୍କିତା ଲୋଖଣ୍ଡେ ଏବଂ ସୁଶାନ୍ତ ସିଂ ରାଜପୁତଙ୍କ ସମ୍ପର୍କର ଅନେକ ମୁହୂର୍ତ୍ତ ପ୍ରକାଶ କରିଛନ୍ତି । ଏହି ପୋଷ୍ଟରେ ସେ ସୁଶାନ୍ତଙ୍କ ଜୀବନରେ ଅଙ୍କିତାଙ୍କ ମହତ୍ୱ କ’ଣ ବୋଲି କହିଛନ୍ତି।

ସନ୍ଦୀପ ଲେଖିଛନ୍ତି ଯେ, ‘ପ୍ରିୟ ଅଙ୍କିତା, ଦିନକୁ ଦିନ ମୋ ମନକୁ ବାରମ୍ବାର ଆସୁଛି ଯେ ଆମେ ଅଧିକ ଚେଷ୍ଟା କରିଥିଲେ ସୁଶାନ୍ତ ଆଜି ଆମ ଗହଣରେ ଉପସ୍ଥିତ ଥାନ୍ତେ । ଯେତେବେଳେ ସୁଶାନ୍ତଙ୍କଠାରୁ ତୁମେ ଅଲଗା ହୋଇଥିଲ, ତୁମେ କେବଳ ତାଙ୍କର ସଫଳତା ପାଇଁ ପ୍ରାର୍ଥନା କରୁଥିଲ । ତୁମ ପ୍ରେମ ତାଙ୍କ ପାଇଁ ସତ୍ୟ ଥିଲା । ଏହା ବହୁତ ସ୍ପେଶିଆଲ ଥିଲା । ଅଙ୍କିତା ଏପର୍ଯ୍ୟନ୍ତ ତାଙ୍କ ଘର ନାମପ୍ଲେଟରୁ ସୁଶାନ୍ତଙ୍କ ନାଁ ହଟେଇନାହାନ୍ତି । ମୋର ସେହି ଦିନ ମନେ ଅଛି, ଯେତେବେଳେ ଆମେ ଏକାଠି ପରିବାର ଭଳି ଲୋଖଣ୍ଡୱାଲାରେ ରହୁଥିଲୁ । ଆମେ ଅନେକ ମୁହୂର୍ତ୍ତ ଏକାଠି ବଞ୍ଚିଛୁ । ଏକାଠି ରାନ୍ଧିବା, ଏକାଠି ଖାଇବା, ମଟନ୍ ଭାତ, ଆମର ଲମ୍ୱା ଡ୍ରାଇଭ୍, କେବେ ଲୋଖଣ୍ଡୱାଲା ତ କେବେ ଗୋଆ । ଆମର ଏକାଠି ହୋଲି ପାଳିବା । ସେହି ହଁସ, ଜୀବନର ସେହି ମୁହୂର୍ତ୍ତ, କିଛି ଭୁଲି ହେଉ ନାହିଁ । ଏହା ସହ ସେ ଲେଖିଛନ୍ତି ଯେ, ଅଙ୍କିତା ସେମାନଙ୍କଠାରୁ ଅଧିକ ଆକ୍ଟିଭ ଥିଲେ ।

“ଅଙ୍କିତା ସୁଶାନ୍ତଙ୍କ ମୁହଁରେ ହଁସ ଆଣି ପାରନ୍ତି। ଦୁହେଁ ପ୍ରକୃତ ପ୍ରେମର ଉଦାହରଣ ଥିଲ। ଏହି ସ୍ମୃତିଗୁଡ଼ିକ ମୋ ହୃଦୟକୁ ଆଘାତ ଦେଉଛି । ମୁଁ ଏହି ସବୁ ମୁହୂର୍ତ୍ତକୁ ଫେରାଇ ଆଣିବାକୁ ଚାହୁଁଛି । ମୁଁ ତାଙ୍କୁ ଫେରାଇ ଆଣିବାକୁ ଚାହୁଁଛି  । ମୁଁ ଆମ ତିନିଜଣଙ୍କୁ ଫେରାଇ ଆଣିବାକୁ ଚାହୁଁଛି ।  ସନ୍ଦିପଙ୍କ ଅନୁସାରେ କେବଳ ଅଙ୍କିତା ହିଁ ତାଙ୍କୁ ରକ୍ଷା କରିପାରିଥାନ୍ତେ । ”

https://www.instagram.com/p/CBn0XV5pYku/?utm_source=ig_embed

ସନ୍ଦୀପ ଲେଖିଛନ୍ତି, ‘ମୁଁ ଚାହୁଁଥିଲି ତୁମେ ଦୁହେଁ ବିବାହ କର। ଯେମିତି ଆମେ ସ୍ୱପ୍ନ ଦେଖିଥିଲୁ । ଯଦି ସେ ତୁମକୁ ରହିବାକୁ ଦେଇଥାନ୍ତେ ତୁମେ ତାଙ୍କୁ ବଞ୍ଚାଇଥାନ୍ତ  । ତୁମେ ତାଙ୍କର ଗର୍ଲଫ୍ରେଣ୍ଡ, ପତ୍ନୀ, ମାଆ, ସବୁକିଛି ଥିଲ । ମୁଁ ଅଙ୍କିତାକୁ ବହୁତ ଭଲ ପାଏ  । ଆଶା କରୁଛି ଯେ, ତୁମ ଭଳି ବନ୍ଧୁଙ୍କୁ ମୁଁ କେବେ ହରାଇବି ନାହିଁ  ।

ସନ୍ଦୀପଙ୍କର ଏହି ଅଙ୍କିତା ପାଇଁ ଏହି ଭାବପ୍ରବଣ ପୋଷ୍ଟ ଅନେକଙ୍କୁ ସ୍ତବ୍ଦ କରିଦେଇଛି । ଏହା ପଢିବା ପରେ ଦର୍ଶକ ଭାବୁଛନ୍ତି ଯେ, ଅଙ୍କିତା ଓ ସୁଶାନ୍ତ ଅଲଗା ନହୋଇଥିଲେ ସେ ଏବେ ଆମ ଗହଣରେ ଥାନ୍ତେ । ଅଙ୍କିତା ସୁଶାନ୍ତଙ୍କୁ ନିଜ ଜୀବନଠୁ ଅଧିକା ଭଲ ପାଉଥିଲେ । ହେଲେ ପରସ୍ପର ଅଲଗା ହେବା ପରେ ସବୁକିଛି ଭାଙ୍ଗିଯାଇଥିଲା । ସୁଶାନ୍ତଙ୍କ ଆତ୍ମହତ୍ୟା ଏଯାଏଁ ଅନେକ ଲୋକେ ଗ୍ରହଣ କରିପାରୁନାହାନ୍ତି । ସୁଶାନ୍ତ ଯେଉଁଠାରେ ଅଛନ୍ତି ଭଲରେ ଥାନ୍ତୁ ବୋଲି ସବୁ ପ୍ରାର୍ଥନା କରୁଛନ୍ତି ।