ଜୁନ୍ ୨୧ର ସୂର୍ଯ୍ୟ ପରାଗ ବେଳର ସଂଯୋଗ ବିଗତ ବହୁ ଦଶନ୍ଧି ପରେ ପଡ଼ିଛି । ଯେଉଁଠାରେ ୬ଟି ଗ୍ରହ ଏହି ସମୟରେ ପ୍ରତ୍ୟାବର୍ତ୍ତନ କରିବେ । ଫଳରେ ଏହା ଗ୍ରହମାନଙ୍କର ଗତି ପଥକୁ ସମ୍ପୂର୍ଣ୍ଣ ଓଲଟାଇଦେବ ଏବଂ ଗ୍ରହମାନଙ୍କର ମଣିଷ ଜୀବନ ଉପରେ କୁପ୍ରଭାବ ପକାଇବ । ଯାହାକୁ ପଣ୍ଡିତମାନେ ଅଶୁଭ ମାନୁଛନ୍ତି । ଗ୍ରହମାନଙ୍କର ଏପରି ଚଳନ କାରଣରୁ ପ୍ରାକୃତିକ ବିତ୍ପତି ହେବା ସହ କରୋନା ମହାମାରୀ ସମୟରେ ଏଭଳି ସଂଯୋଗ ଅଗଷ୍ଟ ମାସ ସୁଦ୍ଧା ଏହି ମହାମାରୀକୁ ବଢାଇବାର ସନ୍ଦେହ କରାଯାଉଛି । ଶନିଙ୍କ ରାଶି ପରିବର୍ତ୍ତନ ଦ୍ୱାରା ଏଭଳି ଆଶଙ୍କା କରାଯାଉଛି । ଯଦିଓ ସେପ୍ଟମ୍ବର ମାସ ସୁଧା କେତୁ ରାଶି ପରିବର୍ତ୍ତନ କରିବା ଦ୍ୱାରା ସ୍ଥିତିରେ କିଛି ସୁଧାର ଆସିବ ଏବଂ ଲୋକେ ସବୁ ପ୍ରକାର ସଂକ୍ରଣରୁ ମୁକ୍ତ ହେବାର ସମ୍ଭାବନା ରହିଛି ।

୨୧ଜୁନରେ ମିଥୁନ ରାଶିରେ ଲାଗିବାକୁ ଯାଉଛି ସୂର୍ଯ୍ୟ ପରାଗ । ଏହି ସମୟରେ କେତକ ଗ୍ରହ ତାଙ୍କ ଗତିପଥର ବିପରୀତ ଦିଗରେ ଗତି କରିବ । ତେଣୁ ପରାଗ ସମୟରେ ଭଗବାନଙ୍କୁ ସ୍ମରଣ କରିବା ସହ ସମ୍ବନ୍ଧିତ ଗ୍ରହର ମନ୍ତ୍ର ଜପ କରନ୍ତୁ । ଗ୍ରହଣର ସମୟ ଜୁନ ୨୧ରେ ୧୦.୨୦ ସୁଦ୍ଧା ଆରମ୍ଭ ହେବା ସହ ୧୨.୧୭ରେ ମଧ୍ୟ ସୂର୍ଯ୍ୟ ପରାଗ ଏବଂ ୨.୨୦ରେ ମୋକ୍ଷ ହେବ । ତେବେ କେତୁ ୩ ସେପ୍ଟମ୍ବର ସୁଦ୍ଧା ରାଶି ପରିବର୍ତ୍ତ କରି ଧନୁ ରାଶିରୁ ବିଛା ରାଶିକୁ ପ୍ରବେଶ କରିବ ଯାହା ଫଳରେ ସ୍ଥିତରେ ସାମାନ୍ୟ ସୁଧାର ଆସିବା ସହ ସେପ୍ଟେମ୍ବର ୨୮ ସୁଦ୍ଧା ସ୍ଥିତି ନିୟନ୍ତ୍ରଣକୁ ଆସିପାରେ ।

ସାବଧାନ

ମିଥୁନ ରାଶିରେ ଲାଗିବାକୁ ଯାଉଥିବା ଏହି ସୂର୍ଯ୍ୟଗ୍ରହଣ ଅତ୍ୟନ୍ତ ଅଶୁଭ କୁହାଯାଉଛି । ଏବଂ ମଙ୍ଗଳଙ୍କ ଜଳୀୟ ରାଶି ମୀନରେ ରହିବାଟା ମଧ୍ୟ ଶୁଭ ଧରା ଯାଉନାହିଁ । ତେଣୁ ଏହି ଗ୍ରହଣରେ ବଡ଼ ବଡ଼ ପ୍ରାକୃତିକ ବିତ୍ପତିର ଶଙ୍କେତ ମିଳିଥାଏ । ଯେମିତି କି ଅଧିକ ବର୍ଷା, ଘୁର୍ଣ୍ଣିଝଡ଼, ମହାମାରୀ ଭଳି ରୋଗ ଜନଜୀବନକୁ ଅସ୍ତବ୍ୟସ୍ତ କରିବ । ତେବେ ଗ୍ରହଣ ଲାଗୁଥିବା ସମୟରେ ଭଗବାନଙ୍କ ପ୍ରତିମା ମଧ୍ୟ ଦେଖିବା ଅଶୁଭ ହୋଇଥାଏ । ରାହୁ ଏବଂ କେତୁ ଦୁଇଟିଯାକ ଅଶୁଭ ଗ୍ରହ । ଯେହେତୁ ଏହି ପରାଗ ରାହୁ ଗ୍ରାସ ଦ୍ୱାରା ପ୍ରତି ଫଳନ ହୁଏ ତେଣୁ ଏହା ସୂର୍ଯ୍ୟ ଏବଂ ଚନ୍ଦ୍ରକୁ ପିଡ଼ିତ କରିବ ତେଣୁ ଏହି ସୂର୍ଯ୍ୟ ପରାଗ ଅନ୍ୟ ପରାଗ ଠାରୁ ଭିନ୍ନ ଅଟେ ।

ଭୁବନେଶ୍ୱର: ସୂର୍ଯ୍ୟକୁ ୭୨ ପ୍ରତିଶତ ଘୋଡାଇବ ଚନ୍ଦ୍ର । ଚାରିପଟେ ନିଆଁ ବଳୟ ସୃଷ୍ଟିହେବ । ଯାହାକୁ ଖାଲି ଆଖିରେ ଦେଖିଲେ ବିପଦ ବୋଲି କୁହାଯାଉଛି । ଆଫ୍ରିକା, ଉତ୍ତର-ପୂର୍ବ ୟୁରୋପ ଓ ଏସିଆ ମହାଦେଶର କିଛି ଅଞ୍ଚଳରେ ଏହା ଦୃଶ୍ୟମାନ ହେବ। ତେବେ ପୂର୍ଣ୍ଣ ପରାଗ ଉତ୍ତର ଭାରତର ଅଳ୍ପ କିଛି ଅଞ୍ଚଳରେ ଦେଖାଯିବ । ରାଜସ୍ଥାନ, ହରିୟାଣା ଓ ଉତ୍ତରାଖଣ୍ଡରେ ପ୍ରାୟ ଏକ ମିନିଟ୍‌ ଧରି ବଳୟ ସୂର୍ଯ୍ୟ ପରାଗ ଦେଖାଯିବ । କରୋନ କଟକଣା ପାଇଁ ଏଥର ପରାଗ ଦେଖିବାକୁ ବନ୍ଦ ରହିବ ପଠାଣି ସାମନ୍ତ ପ୍ଳାନେଟାରିୟମ୍‌ ।

୨୧ ତାରିଖରେ ହେବ ବଳୟ ସୂର୍ଯ୍ୟ ପରାଗ । ଏକ ସରଳରେଖାରେ ରହିବେ ସୂର୍ଯ୍ୟ, ଚନ୍ଦ୍ର ଓ ପୃଥିବୀ । ଆଫ୍ରିକା, ୟୁରୋପ ଏବଂ ଏସିଆରେ ଦେଖାଯିବ ଏହି ପରାଗ । ଉତ୍ତର ଭାରତର ହରିୟାଣା, ଉତ୍ତରାଖଣ୍ଡ ଏବଂ ହିମାଚଳ ପ୍ରଦେଶର ୨୭୦ କିଲୋମିଟର ପରିଧିରେ ଏହା ଦୃଶ୍ୟମାନ ହେବ । କିନ୍ତୁ ଓଡ଼ିଶାରେ ଏହାର ଆଂଶିକ ଦୃଶ୍ୟମାନ ହେବ । ସୁନ୍ଦରଗଡରେ ସର୍ବାଧିକ ୭୨ ପ୍ରତିଶତ ସୂର୍ଯ୍ୟକୁ ଘୋଡାଇବ ଚନ୍ଦ୍ର । ସେହିପରି ମାଲକାନଗିରିରେ ୬୧ ପ୍ରତିଶତ ଏବଂ ଭୁବନେଶ୍ୱରରେ ୬୫ ସୂର୍ଯ୍ୟକୁ ଢାଙ୍କିବ ଚନ୍ଦ୍ର । ସାରା ଦେଶରେ ପରାଗ ସକାଳ ୧୦ ଟା ୨୦ ରୁ ଆରମ୍ଭ ହୋଇ ମଧ୍ୟାହ୍ନ ୨ ଟା ୨୦ ରେ ସର୍ବମୋକ୍ଷ ହେବ ।

ତେବେ ସୂର୍ଯ୍ୟ ପରାଗ ନେଇ ଗ୍ରହ ଚଳନ ଉପରେ ଆକଳନ କରିଛନ୍ତି ଜ୍ୟୋତିର୍ବିତ୍‌ । ୨୧ ତାରିଖ ଦିନ ଗୋଟିଏ ରାଶିରେ ବୁଧ, ଚନ୍ଦ୍ର, ରାହୁ ଏବଂ ରବି ରହିବେ । ଏମାନଙ୍କ ଉପରେ ମଙ୍ଗଳଙ୍କର ଦୃଷ୍ଟି ରହିବ । ତେଣୁ ୨୦ ତାରିଖ ରାତି ୧୦ ଟା ୩୮ରୁ ପାକ ତ୍ୟାଗ ଏବଂ ଦେବ ପୂଜା ବାରଣ କରାଯାଇଛି । ୨୧ ତାରିଖ ସକାଳ ୧୦ ଟା ୩୮ ରୁ ଦିନ ୨ଟା ୯ ମିନିଟ ପର୍ଯ୍ୟନ୍ତ ପରାଗର ପ୍ରଭାବ ରହୁଥିବାରୁ ଏହି ସମୟରେ ଅନ୍ନ ଏବଂ ରନ୍ଧା ଖାଦ୍ୟ ଖାଇବାକୁ ବାରଣ କରାଯାଇଛି । ପରାଗ ବାୟୁ ତତ୍ତ୍ଵରେ ସଂଗଠିତ ହେଉଥିବାରୁ ବାୟୁ ଏବଂ ଜଳ ଦ୍ଵାରା ସଂଚାଳିତ ରୋଗ ତଥା ଆଗାମୀ ୩ ମାସ ପର୍ଯ୍ୟନ୍ତ ପ୍ରାକୃତିକ ବିପର୍ଯୟକୁ ଏଡାଇ ଦିଆଯାଇ ପାରିବନି ବୋଲି ଆକଳନ କରିଛନ୍ତି ଜ୍ୟୋତିଷ ।

ବର୍ତ୍ତମାନ ପୃଥିବୀ ଠାରୁ ଚନ୍ଦ୍ର ୪ ଲକ୍ଷ ୫ ହଜାର କିଲୋମିଟର ଦୂରରେ ରହିଛି । ତେଣୁ ତାହା ଆମକୁ ଛୋଟ ଦେଖାଯାଉଛି । ଏହି ସମୟରେ ଏହା ସୂର୍ଯ୍ୟକୁ ସଂପୂର୍ଣ୍ଣ ଭାବରେ ଢାଙ୍କି ପାରୁନଥିବାରୁ ବଳୟ ସୂର୍ଯ୍ୟ ପରାଗ ଅନୁଷ୍ଠିତ ହେବ ।