ଛତିଶଗଡ଼ ଓ ମଧ୍ୟପ୍ରଦେଶ ସୀମାନ୍ତରେ ପଙ୍ଗପାଳଙ୍କ ନୂଆ ଦଳ। ଏଥିରୁ ଗୋଟିଏ ଦଳ କୋରିଆରୁ ଆସି ଜଙ୍ଗଲ ଆଡକୁ ଚାଲିଯାଇଛନ୍ତି। ଅନ୍ୟ ଦଳଟି ଛତିଶଗଡ଼ର ଖାରାରେ ଥିବା ବେଳେ ସେମାନଙ୍କୁ ଦମନ କରାଯାଇଛି। ଏହା ସତ୍ତ୍ୱେ ବି ଓଡିଶା ପ୍ରତି ବିପଦ ଟଳିଥିବା କହିହେବନି ।

କାରଣ ଗତ ୨ ମାସରୁ ଅଧିକ ସମୟ ହେଲାଣି ପଙ୍ଗପାଳ ଛତିଶଗଡ଼ରେ ଅଛନ୍ତି। କେନ୍ଦ୍ରରୁ ସୂଚନା ନଆସିବା ଯାଏଁ ବିପଦ ଟଳିଥିବା କହିହେବନି ବୋଲି କହିଛନ୍ତି ଓୟୁଏଟି ଡିନ୍‌ ଏକ୍ସଟେନ୍‌ସନ୍‌ ଏଜୁକେସନ୍‌ ଲଳିତମୋହନ ଗଡନାୟକ ।

ଭୁବନେଶ୍ୱର: ଆସନ୍ତା ୨୧ ତାରିଖ ରବିବାର ସୂର୍ଯ୍ୟ ପରାଗ । ଆଫ୍ରିକା, ଉତ୍ତର- ପୂର୍ବ ୟୁରୋପ ଓ ଏସିଆ ମହାଦେଶର କିଛି ଅଞ୍ଚଳରେ ଏହା ଦୃଶ୍ୟମାନ ହେବ। ପୂର୍ଣ୍ଣ ପରାଗ ଉତ୍ତର ଭାରତର ଅଳ୍ପ କିଛି ଅଞ୍ଚଳରେ ଦେଖାଯିବ । ରାଜସ୍ଥାନ, ହରିୟାଣା ଓ ଉତ୍ତରାଖଣ୍ଡରେ ପ୍ରାୟ ଏକ ମିନିଟ୍‌ ଧରି ବଳୟ ସୂର୍ଯ୍ୟ ପରାଗ ଦେଖାଯିବ ।

ଦେଶର ବାକି ସବୁ ଅଞ୍ଚଳରେ ଆଂଶିକ ପରାଗ ଦେଖାଯିବ। ଓଡିଶାରେ ଚନ୍ଦ୍ର ସୂର୍ଯ୍ୟ ବ୍ୟାସକୁ ପ୍ରାୟ ୬୦ ପ୍ରତିଶତରୁ ୭୨ ପ୍ରତିଶତ ଘୋଡ଼ାଇ ଦେବ ଓ ଆମକୁ ଆଂଶିକ ପରାଗ ଦେଖାଯିବ। ଓଡ଼ିଶା ସମେତ ଦେଶର ସବୁ ଅଞ୍ଚଳରେ ଏହା ପ୍ରାୟ ସକାଳ ୧୦ଟା ୨୦ରେ ଆରମ୍ଭ ହୋଇ ୨ଟା ୨୦ ବେଳକୁ ଶେଷ ହେବ ।

ଭୁବନେଶ୍ୱରରେ ଏହା ସକାଳ ୧୦ଟା ୩୮ରୁ ଆରମ୍ଭ ହୋଇ ୨ଟା ୯ରେ ଶେଷ ହେବ। ନିରାପଦ ଓ ସହଜ ଉପାୟଗୁଡିକ ମଧ୍ୟରେ ସୂର୍ଯ୍ୟ ପରାଗ ଦେଖିହେବ। ତେବେ ଉପଯୁକ୍ତ ସାବଧାନତା ଅବଲମ୍ବନ କରିବା ଜରୁରୀ ।

କେନ୍ଦୁଝର: ଭିଜିଲାନ୍‌ସ ଜାଲରେ ଜେଇ । ଲାଞ୍ଚ ନେବା ବେଳେ କେନ୍ଦୁଝର ସଦର ବ୍ଲକ ଜେଇ ପ୍ରମୋଦ କୁମାର ପଣ୍ଡାଙ୍କୁ ଧରିଲା ଭିଜିଲାନ୍‌ସ। ଜଣେ ଠିକାଦାରଙ୍କଠାରୁ ବିଲ୍‌ କରେଇ ଦେବା ପାଇଁ ୬ହଜାର ଟଙ୍କା ଓ ଅନ୍ୟ ଏକ ନୂତନ ଠିକା କାମ ଦେବା ପାଇଁ ୫ ହଜାର ଟଙ୍କା ଲାଞ୍ଚ ନେଉଥିବା ବେଳେ କେନ୍ଦୁଝର ଭିଜିଲାନ୍‌ସ ତାଙ୍କୁ ଧରିଛି ।

ପ୍ରମୋଦ ପଣ୍ଡା ବରଦାପାଳ, କାଉଁରିକଳା ଓ ରାଇକଳା ପଞ୍ଚାୟତର ଜେଇ ଦାୟିତ୍ୱରେ ଥିଲେ। ଏହାସହ ଭିଜିଲାନ୍‌ସ ତାଙ୍କ କାର୍ଯ୍ୟାଳୟ ଓ ଘରେ ଚଢାଉ କରୁଥିବା ଜଣାପଡିଛି ।