ଭୁବନେଶ୍ୱର: ଆଦିତ୍ୟ ଦାସ ମୃତ୍ୟ ଘଟଣା । ସାତ ଦିନ ପରେ ବି ଜାରି ରହିଛି ସସପେନସ୍ । ଯୁଦ୍ଧକାଳୀନ ଭିତ୍ତିରେ ଯାଞ୍ଚ କରୁଛି ୭ ଜଣିଆ ଟିମ୍ । ୨୮ ଜଣଙ୍କ ବୟାନ ରେକର୍ଡ କରିଛି ଜିଆରପି । ମଙ୍ଗଳବାର ଏନେଇ ସୂଚନା ଦେଇଛି ଜିଆରପି ପୋଲିସ । ସେପଟେ ଆଦିତ୍ୟର ମୁଖ୍ୟ ସହଯୋଗୀ ପପୁ, ବିକାଶଙ୍କର ବି ବୟାନ ରେକର୍ଡ ହୋଇଛି । ୬ ତାରିଖ ସନ୍ଧ୍ୟା ୭ ଟା ସମୟରୁ ଘରୁ ବାହାରିଥିଲେ ଆଦିତ୍ୟ ବୋଲି ସୂଚନା ଦେଇଛି ପୋଲିସ ।
ବୃଦ୍ଧାଶ୍ରମ ଠାରୁ ଷ୍ଟେସନ ପର୍ଯ୍ୟନ୍ତ ସିସିଟିଭି ଜବତ ହୋଇଛି । ଆଦିତ୍ୟଙ୍କ ଘର ପାଖରେ ଥିବା ଏକ ପେଟ୍ରୋଲ ପମ୍ପରୁ ସିସିଟିଭି ଜବତ କରାଯାଇଛି । ସେଥିରୁ ଆଦିତ୍ୟ ଏକୁଟିଆ ଯାଉଥିବା ଦେଖିବାକୁ ମିଳିଛି । ପୁରୁଷୋତ୍ତମ ଏକ୍ସପ୍ରେସ ଦୁର୍ଘଟଣାରେ ଆଦିତ୍ୟର ମୃତ୍ୟୁ ହୋଇଥିବା ସୂଚନା ମିଳିଛି । ରାତି ୮ ରୁ ୯ ଟା ୩୦ ମଧ୍ୟରେ ଦୁର୍ଘଟଣା ହୋଇଥିବା ପୋଲିସ ସୂଚନା ଦେଇଛି ।
ଖାଲି ସେତିକି ନୁହେଁ ତାଙ୍କ ସହଯୋଗୀ ପପୁକୁ ଗତ କାଲି ସନ୍ଧ୍ୟାରେ ପ୍ରାୟ ୨ ରୁ ଅଢ଼େଇ ଘଣ୍ଟା ଧରି ମାରାଥନ ଜେରା କରାଯାଇଛି । ଆଶ୍ରମର ଇନ୍କମ ସୋର୍ସ କଣ ଥିଲା । ଟଙ୍କା କେଉଁ ଉପାୟରେ ଖର୍ଚ୍ଚ ହେଉଥିଲା । ଏବଂ ଦୁଇଟି କିସ୍ତିରେ ଯେଉଁ ଟଙ୍କା ନେଇଥିଲେ ସେନେଇ ପଚରା ଉଚରା କରିଛି ଜିଆରପି । ସେପଟେ ୮ ରୁ ୯ ଟା ୩୦ ମଧ୍ୟରେ ଦୁର୍ଘଟଣା ହୋଇଛି ଏବଂ ସେହି ସମୟରେ ପୁରୁଷୋତ୍ତମ ଏକ୍ସପ୍ରେସ ସେହି ଟ୍ରାକ୍ ଦେଇ ଯାଇଛି ।
ସେଥିପାଇଁ ସେହି ଟ୍ରେନ୍ରେ ଥିବା ପାଇଲଟ ଏବଂ କର୍ମଚାରୀଙ୍କୁ ଡ଼ାକି ପଚରା ଉଚରା କରିବ ବୋଲି କହିଛି ଜିଆରପି । କାରଣ ସେଥିରୁ ଏହା ଜଣାପଡ଼ିବ ଆଦିତ୍ୟଙ୍କୁ କିଏ ଠେଲି ଦେଇଛି କି ସେ ତାଙ୍କ ଇଚ୍ଛାରେ ଆତ୍ମହତ୍ୟା କରିଛନ୍ତି । ତେବେ ବୃଦ୍ଧାଶ୍ରମର ଆକାଉଣ୍ଟ ଥିବା ଏକ ଘରୋଇ ବ୍ୟାଙ୍କକୁ ଯାଇ ତଦନ୍ତ କରୁଛି ପୋଲିସ । ତାଙ୍କର କେତୋଟି ଆକାଉଣ୍ଟ ରହିଛି ଏବଂ ସେହି ଆକାଉଣ୍ଟକୁ କେଉଁଠୁ କେଉଁଠୁ ଡୋନେସନ ଆସୁଥିଲା ସେ ନେଇ ମଧ୍ୟ ତଦନ୍ତ କରୁଛି ଜିଆରପି ପୋଲିସ ।
ପୂର୍ବରୁ ଆଦିତ୍ୟ ଡାଏରୀକୁ ହ୍ୟାଣ୍ଡ ରାଇଟିଂ ବ୍ୟୁରୋକୁ ହସ୍ତାନ୍ତର କରିଛି ଜିଆରପି । ଜବତ ଡାଏରୀର ଲେଖା ହୋଇଥିବା ହସ୍ତାକ୍ଷର ଆଦିତ୍ୟଙ୍କର ନା ନାହିଁ ଯାଞ୍ଚ କରିବ ହ୍ୟାଣ୍ଡ ରାଇଟିଂ ବ୍ୟୁରୋ । ହ୍ୟାଣ୍ଡ ରାଇଟିଂ ଯାଞ୍ଚ ଲେଖା ଆଦିତ୍ୟଙ୍କ ସ୍ପଷ୍ଟ ହୁଏ, ତାହା ହେଲେ ପୋଲିସର ତଦନ୍ତ ଆତ୍ମହତ୍ୟା ଆଡକୁ ଯିବ । ଯାଞ୍ଚରେ ହସ୍ତାକ୍ଷର ନ ମିଶେ, ତା ହେଲେ ଷ୍ଟୋରୀ ନେବ ନୂଆ ମୋଡ । କେବଳ ସେତିକି ନୁହେଁ ଲେଖା ଯଦି ଆଉ କାହାର ହୋଇଥିବ ତେବେ ତାକୁ କିଏ ଲେଖଛି, ସେ ନେଇ କାହାଣୀରେ ଆସିବ ଟ୍ୱିଷ୍ଟ । ହସ୍ତାକ୍ଷର ଯାଞ୍ଚ ରିପୋର୍ଟ ଆସିଲେ ଡାଏରୀର ପ୍ରକୃତ ରହସ୍ୟ ଉନ୍ମୋଚନ ହେବ ବୋଲି ଏସପି ସୂଚନା ଦେଇଛନ୍ତି ।
(ଭୁବନେଶ୍ୱରରୁ ଅରୁଣ କୁମାର ସାହୁଙ୍କ ରିପୋର୍ଟ)
ରାମଦାସ ମହାରାଜ କହିଛନ୍ତି ଯେ ମୋର ଲକ୍ଷ ଲକ୍ଷ ଶିଷ୍ୟ ନେପାଳରେ ରୁହନ୍ତି ଏବଂ ଆସନ୍ତାକାଲିଠାରୁ ଲକ୍ଷ ଲକ୍ଷ ଭକ୍ତ ରାସ୍ତାରେ ବିରୋଧ କରିବେ। କେ.ପି ଶର୍ମା ଓଲିଙ୍କୁ ଏକ ମାସ ମଧ୍ୟରେ ପ୍ରଧାନମନ୍ତ୍ରୀ ପଦର ଇସ୍ତଫା ଦେବାକୁ ପଡିବ । ମୁଁ ଏହି ଧର୍ମାଦେଶ ଜାରି କରୁଛି । ମୋର ଶିଷ୍ୟମାନେ ରାସ୍ତାକୁ ଓହ୍ଲାନ୍ତୁ ଏବଂ ଓଲିଙ୍କୁ ସତ୍ତାରୁ ବାହାର କରନ୍ତି ।
ରାମ ଦଳ ଟ୍ରଷ୍ଟର ସଭାପତି ରାମ ଦାସ ମହାରାଜ କହିଛନ୍ତି ଯେ ସମଗ୍ର ବିଶ୍ୱର ସାଂସ୍କୃତିକ ରାଜଧାନୀ ଅଯୋଧ୍ୟା । ବେଦ, ରାମାୟଣ କିମ୍ବା ପୁରାଣରେ ଦେଖନ୍ତୁ, ଏହା ସ୍ପଷ୍ଟ ଭାବରେ କହିଛି ଯେ ଯେଉଁଠାରେ ସରଯୁ ଅଛି, ସେଠାରେ ଅଯୋଧ୍ୟା ଅଛି | ନେପାଳରେ କୌଣସି ସରଯୁ ନାହିଁ । ସମଗ୍ର ଭୂମଣ୍ଡଳରେ ରାଜା ରହୁଥିଲେ ଓ ସମସ୍ତଙ୍କ ଚକ୍ରବର୍ତ୍ତୀ ସମ୍ରାଟ ଭାରତ ଉତ୍ତରପ୍ରଦେଶର ଅଯୋଧ୍ୟାର ମହାରାଜା ଥିଲେ।
ଧର୍ମଗୁରୁ ମହନ୍ତ ପରମହଂସ କହିଛନ୍ତି, କେପି ଶର୍ମା ନିଜେ ନେପାଳୀ ନୁହଁନ୍ତି । ସେ ସମଗ୍ର ନେପାଳକୁ ପାକିସ୍ତାନ ଭଳି ଭିକାରୀ କରିବା ପାଇଁ ଲାଗି ପଡିଛନ୍ତି | ନେପାଳର ଲୋକମାନଙ୍କ ସହ ପ୍ରତାରଣା କରୁଛନ୍ତି । ନେପାଳର ଦୁଇ ଡଜନରୁ ଅଧିକ ଗାଁ ଚୀନ୍ ଦଖଲ କରିଛି । ତାକୁ ଲୁଚାଇବା ପାଇଁ ସେମାନେ ଭଗବାନ ରାମଙ୍କ ନାମରେ ଆଶ୍ରୟ ନେଉଛନ୍ତି ।
ରାମ ମନ୍ଦିର ଟ୍ରଷ୍ଟର ସଦସ୍ୟ ମହନ୍ତ ଦୀନେନ୍ଦ୍ର ଦାସ କହିଛନ୍ତି, ଅଯୋଧ୍ୟା ଆମ ପାଇଁ ଗୋଟିଏ ଏବଂ ଅଯୋଧ୍ୟା ଏଇଠି ହିଁ ରହିବ । ରାଜନୀତିରେ କେହି କିଛି ବି କହିପାରିବେ, କିନ୍ତୁ ମୁଖ୍ୟ ଅଯୋଧ୍ୟା ସେଇଟା ଯେଉଁଠି ସରଯୁ ମାତା ଅଛନ୍ତି । ପ୍ରଭୁ ରାମଚନ୍ଦ୍ରଙ୍କ ଅଯୋଧ୍ୟା ଏଇଠି ଅଛି ।
