ରାୟଗଡ଼ା: ରାଜ୍ୟରେ ବଢ଼ି ଚାଲିଛି ନାବାଳିକା ଦୁଷ୍କର୍ମ ଘଟଣା । ଏହାରି ମଧ୍ୟରେ ପୁଣି ଏକ କଳଙ୍କିତ ଗୁରୁଙ୍କ ଚରିତ୍ର ସାମ୍ନାକୁ ଆସିଛି । ଗୁରୁ-ଶିଷ୍ୟ ସଂପର୍କରେ ଲାଗିଛି କଳଙ୍କ । ଜଣେ ୬ ବର୍ଷର ନାବାଳିକାଙ୍କୁ ଟ୍ୟୁସନ ସାର୍ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏଭଳି ଘଟଣା ସାମ୍ନାକୁ ଆସିଛି ରାୟଗଡ଼ା ଜିଲ୍ଲାରୁ ।
ରାୟଗଡା ଜିଲ୍ଲା ପୁଟାସିଂ ଥାନା ଜଲତାରର ଏଭଳି ଲଜ୍ୟା ଜନକ ଘଟଣା ଘଟିଛି । ଏନେଇ ପୀଡ଼ିତା ନାବାଳିକାଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି । ଅଭିଯୋଗ ପରେ ଅଭିଯୁକ୍ତ ଟ୍ୟୁସନ୍ ସାରଙ୍କୁ ପୋଲିସ ଅଟକ ରଖିଛି ।
ନାବାଳିକାଙ୍କୁ ଚକୋଲେଟର ପ୍ରଲୋଭନ ଦେଖାଇ ଟ୍ୟୁସନ୍ ଶିକ୍ଷକ ଜଣକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ନାବାଳିକାଙ୍କ ଦେହରେ କ୍ଷତ ଚିହ୍ନ ଥିବାରୁ ତାଙ୍କ ମା’ ପ୍ରଥମେ ସନ୍ଦେହ କରିଥିଲେ । ପରେ ଝିଅକୁ ପଚରାଉଚରା କରିବାରୁ ଝିଅ ଶିକ୍ଷକଙ୍କ କଳାକାର୍ନାମା କଥା କହିଥିଲା । ଏହା ପରେ ସାମ୍ନାକୁ ଆସିଥିଲା ଶିକ୍ଷକଙ୍କ କଳିଙ୍କିତ ଚେହେରା ।
ଏନେଇ ପୀଡ଼ିତାଙ୍କ ପରିବାର ପକ୍ଷରୁ ଥାନାରେ ଅଭିଯୋଗ କରାଯାଇଛି । ଅଭିଯୋଗକୁ ଭିତ୍ତିକରି ପୋଲିସ ଶିକ୍ଷକଙ୍କୁ ଅଟକ ରଖି ପଚରାଉଚରା ଚଳାଇଛି । ପୀଡ଼ିତାଙ୍କ ଡାକ୍ତରୀ ମାଇନା ମଧ୍ୟ କରାଇଛି ପୋଲିସ । ତେବେ ଏଭଳି କଳଙ୍କିତ ଶିକ୍ଷକଙ୍କୁ କଠୋଦ ଦଣ୍ଡ ମିଳିବା ଉଚିତ୍ ବୋଲି ପରିବାର ଓ ସ୍ଥାନୀୟ ଲୋକ ଦାବି କରିଛନ୍ତି ।
ଭରା ନଦୀରେ ବିପଦପୂର୍ଣ୍ଣ ଜଳଯାତ୍ରା । ଝୁଲା ଦଉଡିରେ ଝୁଲୁଛି ଲୋକଙ୍କ ଭାଗ୍ୟ । ଜୀବନକୁ ବାଜି ଲଗାଇ ନଦୀ ପାର ହେଉଛନ୍ତି ଲୋକେ । ରାସ୍ତା ଅଛି, ହେଲେ ନଦୀ କାଟୁଛି ବାଟ । ପୋଲ ନଥିବାରୁ ବିପଦପୂର୍ଣ୍ଣ ଅବସ୍ଥାରେ ଡଙ୍ଗାରେ ନଦୀ ପାର ହେଉଛନ୍ତି ଲୋକେ । ବାଲେଶ୍ୱର ଜିଲ୍ଲା ଆଳୁମେଦା ପଞ୍ଚାୟତ ଡୁବୁଡୁବି ଘାଟ ଉପରେ ୧୧ଟି ପଞ୍ଚାୟତର ଲୋକେ ନିର୍ଭର କରନ୍ତି । ଛୋଟ ଛୁଆଠାରୁ ଆରମ୍ଭ କରି ବରିଷ୍ଠ ନାଗରିକ ଏପରିକି ଯାନ ବାହାନ ସହ ଲୋକଙ୍କୁ ଡଙ୍ଗାରେ ନଦୀ ପାର ହେବାକୁ ପଡୁଛି ।
ତେବେ ରବିବାରଠାରୁ ପୁଣି ବର୍ଷାର ପରିମାଣ ବଢ଼ିବ ବୋଲି ପାଣିପାଗ ବିଭାଗ ପକ୍ଷରୁ ଅନୁମାନ କରାଯାଇଛି । ସୋମବାରଠାରୁ ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯ଼ାଇଛି । ଆଗାମୀ ୨୪ ଘଣ୍ଟାରେ ରାଜ୍ୟରେ କିଛି ସ୍ଥାନରେ ଘଡ଼ଘଡ଼ି, ବିଜୁଳି ସହ ବର୍ଷା ହେବାର ସମ୍ଭାବନା ରହିଛି ।
