ଭୁବନେଶ୍ୱର: ରାଜ୍ୟରେ ବଦଳିଲା କୋଠାବାଡ଼ି ନିର୍ମାଣ ନିୟମ । କୋଠାବଡ଼ି ନିୟମ କୋହଳ କରିବା ପାଇଁ ଓଡ଼ିଶା ଡ଼େଭଲପମେଣ୍ଟ ଅଥୋରିଟି ପ୍ଲାନିଂ ଆଣ୍ଡ ବିଲଡ଼ିଂ ଷ୍ଟାଣ୍ଡାର୍ଡ଼ ରୁଲ ୨୦୨୦ ଆଣିଛନ୍ତି ରାଜ୍ୟ ସରକାର । ନୁଆ ନିୟମ ଅନୁସାେରେ ଏଣିକି ୮ଟି ଗୃହ ଥିବା ଅଟ୍ଟାଳିକାକୁ ଅପାର୍ଟମେଣ୍ଟ କୁହାଯିବ ।ଏହାସହ ପୁରୁଣା ଘର ନବୀକରଣ ପାଇଁ ଆଉ ଅନୁମତି ନେବାକୁ ପଡ଼ିବ ନାହିଁ ବୋଲି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା କହିଛନ୍ତି । ସରକାରଙ୍କ ଏହି ନୂଆ ଯୋଜନା ରିଏଲିଷ୍ଟେଟ କ୍ଷେତ୍ରରେ ଏକ ବୈପ୍ଲବିକ ପରିବର୍ତ୍ତନ ଆଣିବ ବୋଲି ମନ୍ତ୍ରୀ କହିଛନ୍ତି । ଯାହାକୁ ସ୍ୱାଗତ କରିଛନ୍ତି ରିଏଲିଷ୍ଟେଟ ବ୍ୟବସାୟୀମାନେ ।

ଛୋଟ ଘର ନିର୍ମାଣ କରୁଛନ୍ତି କି ? ତେବେ ଆପଣଙ୍କୁ ଆଉ ହଇରାଣ ହେବାକୁ ପଡ଼ିବ ନାହିଁ । ଘରର ମଡ଼େଲ ପ୍ଲାନ ପାଇଁ ଆଉ ବାରମ୍ବାର ଦୌଡ଼ିବାକୁ ପଡ଼ିବ ନାହିଁ ସରକାରୀ କାର୍ଯ୍ୟାଳୟକୁ । ଆବଶ୍ୟକ ଅର୍ଥ ପୈଠ କରି ଘର ନିର୍ମାଣ କରି ହେବ । ସେହିପରି ପୁରୁଣା ଘରର ନବୀକରଣ ପାଇଁ ବି ଆଉ ଅନୁମିତି ନେବାକୁ ପଡ଼ିବ ନାହିଁ ଘର ନିର୍ମାତାକୁ । ଏଥିଲାଗି ଓଡ଼ିଶା ଡ଼େଭଲପମେଣ୍ଟ ଅଥୋରିଟି ପ୍ଲାନିଂ ଆଣ୍ଡ ବିଲଡ଼ିଂ ଷ୍ଟାଣ୍ଡାର୍ଡ଼ ରୁଲ ୨୦୨୦ ଆଣିଛନ୍ତି ରାଜ୍ୟ ସରକାର । ଏହାଦ୍ୱାରା କୋଠାବାଡ଼ି ନିର୍ମାଣ ନିୟମ କୋହଳ କରାଯାଇଛି । ନିୟମ ଅନୁସାରେ ଏଣିକି ୪ଟି ଗୃହ ନୁହେଁ, ୮ଟି ଗୃହ ଥିବା ଅଟ୍ଟାଳିକାକୁ ଆପାର୍ଟମେଣ୍ଟ କୁହାଯିବ । ଏହାସହ ଉଚ୍ଚ ଅଟ୍ଟାଳିକା ନିର୍ମାଣ ପାଇଁ ପ୍ରତିବନ୍ଧକ ହେବନି ଫ୍ଲାଟ ସାଇଜ । କେବଳ ସେତିକି ନୁହେଁ, ବାହ୍ୟ ଭିତ୍ତିଭୂମି ଉନ୍ନତିକରଣ ଫି ଓ ଖରିଦ ଯୋଗ୍ୟ ଏଫଏଆର ଦେୟ କିସ୍ତିରେ ଦେବାର ବ୍ୟବସ୍ଥା ରହିଛି ଏହି ନୁଆ ନିୟମରେ । ଏହାସହ ବାସଗୃହ ପାଇଁ ଉଦ୍ଧିଷ୍ଟ କୋଠାବାଡ଼ି ବ୍ୟବସାୟୀ ପ୍ରତିଷ୍ଠାନ ରେ ବ୍ୟବହାର କରାଯାଇ ପାରବି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା କହିଛନ୍ତି ।

ରାଜ୍ୟ ସରକାରଙ୍କ ଏହି ନୂଆ ନିୟମ ଓଡ଼ିଶାରେ ରିଏଲିଷ୍ଟେଟ୍ କ୍ଷେତ୍ରରେ ଏକ ବୈପ୍ଲବିକ ପରିବର୍ତ୍ତନ ଆଣିବ ବୋଲି ନଗର ଉନ୍ନୟନ ମନ୍ତ୍ରୀ କହିଛନ୍ତି । ଯେହେତୁ ଅଟ୍ଟାଳିକା ନିର୍ମାଣ ନିୟମ କୋହଳ କରାଯାଇଛି ତାହା ରିଏଲିଷ୍ଟେଟ୍ ବ୍ୟବସାୟୀଙ୍କୁ ସହାୟକ ହେବ । ବିଶେଷକରି ଗୃହ ନିର୍ମାଣ କ୍ଷେତ୍ରରେ ଅଧିକ ପୁଜିଂ ବିନିଯୋଗକୁ ଆକର୍ଷଣ କରିବା ପାଇଁ ରାସ୍ତା,ପାର୍କିଙ୍ଗ ଏବଂ ସେଟବ୍ୟାକ୍ ନିୟମ ମଧ୍ୟ କୋହଳ କରାଯାଇଛି । ଏହାସହ ଓଡ଼ିଶା ସହରାଂଚଳରେ ସମସ୍ତ ପାଇଁ ଘର ନୀତି ୨୦୧୫ରେ ବି ସଂଶୋଧନ କରାଯାଇଛି । ଏଫଏଆର ସୀମା ୭ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହା ସୁଉଚ୍ଚ ଅଟ୍ଟାଳିକା ନିର୍ମାଣ କ୍ଷେତ୍ରରେ ସହାୟକ ହେବ । ଯାହା ସମଗ୍ର ଦେଶରେ ସବୁଠାରୁ ଅଧିକ । ତେବେ ରାଜ୍ୟ ସରକାରଙ୍କ ଏହି ନୂଆ ନିୟମକୁ ରିଏଲିଷ୍ଟେଟ୍ ବ୍ୟବସାୟୀମାନେ ସ୍ୱାଗତ କରିଛନ୍ତି ।

ଛତିଶଗଡ ପୋଲିସକୁ ବଡ ସଫଳତା । ପୋଲିସ୍ ନିକଟରେ ଆତ୍ମସମର୍ପଣ କଲେ ୧୬ ନକ୍ସଲ । ଆତ୍ମସମର୍ପଣ କରିଥିବା ନସ୍କଲଙ୍କ ମଧ୍ୟରେ ୩ ଜଣ କମାଣ୍ଡର ଥିବାବେଳେ ୪ ଜଣ ମହିଳା ଥିବା ଦାନ୍ତେଓ୍ବାଡା ଏସପି ସୂଚନା ଦେଇଛନ୍ତି । ଆତ୍ମସମର୍ପଣ କରିଥିବା ସମସ୍ତଙ୍କ ପାଇଁ ପୁରସ୍କାର ରାଶି ଘୋଷଣା ହୋଇଥିଲା । ସେମାନେ ସମସ୍ତ ପଶ୍ଚିମ ବସ୍ତର ଜିଲ୍ଲାର ବାସିନ୍ଦା ବୋଲି ସୂଚନା ଦେଇଛନ୍ତି ଏସପି ଅଭିଷେକ ପଲ୍ଲବ ।

ସେମାନଙ୍କ ବିରୋଧରେ ୫ରୁ ଅଧିକ କେସ୍ ବିଭିନ୍ନ ଥାନାରେ ରହିଛି । ସେମାନଙ୍କ ବିରୋଧରେ ରେଲଓ୍ୱେ ଟ୍ରାକକୁ ଉଡାଇବା, ପଞ୍ଚାୟତ ପ୍ରତିନିଧିଙ୍କୁ ହତ୍ୟା ଭଳି ସଙ୍ଗୀନ ମାମଲା ରହିଛି  । ୩ କମାଣ୍ଡର ସ୍ତରୀୟ ନସ୍କଲଙ୍କ ମଧ୍ୟରେ ଅଛନ୍ତି ୨୬ ବର୍ଷୀୟ ରାଜେଶ ଭାଷ୍କର, ୩୦ ବର୍ଷୀୟ ସହଦେବ ଓରଫ ସାଦେ, ଭୀମା ତେଲାମ । ଅନ୍ୟ ୧୩ ଜଣ ନସ୍କଲଙ୍କ ମଧ୍ୟରେ ୪ ଜଣ ମହିଳା ନକ୍ସଲ ଅଛନ୍ତି । ଯଦି ଆମେ ଦେଖିବା ତେବେ ଚଳିତ ବର୍ଷ ବହୁ ପରିମାଣରେ ନସ୍କଲ ଆତ୍ମ ସମର୍ପଣ କରିଛନ୍ତି ।

ମାଲକାନାଗିରି: ମାଲକାନଗିରି ରେ ଧୀରେ ଧୀରେ ସୁଧୁରୁଛି ବନ୍ୟା ପରିସ୍ଥିତି । ଗତକାଲି କାଲିମେଳାରୁ ମୋଟୁ ଯୋଗାଯୋଗ ବିଚ୍ଛିନ୍ନ ଥିବାବେଳେ ଆଜି ସକାଳୁ କାଲିମେଳା ଓ ମୋଟୁ କୁ ଯାତାୟତ ସ୍ୱାଭାବିକ ରହିଛି । ସମସ୍ତ ପୋଲରୁ ପାଣି ଧୀରେ ଧୀରେ କମିବାରେ ଲାଗିଛି । ବର୍ତ୍ତମାନ କେବଳ କନ୍ୟାଶ୍ରମ ଓ କାଙ୍ଗୁରକୋଣ୍ଡା ରେ ପୋଲ ଉପରେ ପାଣି ପ୍ରବାହିତ ହେଉଛି ।  କନ୍ୟାଶ୍ରମ ପୋଲରେ ପାଣି ପ୍ରବାହିତ ଥିବାରୁ ଛତିଶଗଡ଼କୁ ସଂଯୋଗ କରୁଥିବା ଜାତୀୟ ରାଜପଥ କାଲିମେଳା ଓ ପଡ଼ିଆକୁ ଯାତାୟତ ଏବେ ପର୍ଯ୍ୟନ୍ତ ବନ୍ଦ ରହିଛି । ଏଥିସହ ଜିଲ୍ଲା ପ୍ରଶାସନ , ସମସ୍ତ ବ୍ଲକ ପ୍ରଶାସନ ଏବଂ କାଲିମେଳା ଓଡ୍ରାଫ ଟିମ ତତ୍ପରତା ସହ ସଜାଗ ରହିଛନ୍ତି ।

ସୂଚନା ଅନୁଯାୟୀ, ମାଲକାନଗିରିରେ ଲାଗାଣ ବର୍ଷା ଯୋଗୁ ଗତକାଲି ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଲଗାଣ ବର୍ଷା କାରଣରୁ ବୁଡ଼ି ଯାଇଥିଲା ରାସ୍ତାଘାଟ ଓ ପୋଲ । ଗାଡିମୋଟର ଚଳାଚଳ ସମ୍ପୂର୍ଣ୍ଣ ଠପ୍ ରହିଥିଲା ଯାହା ଆଜି ସ୍ୱଭାବିକ ହୋଇଛି । ଏମ୍‌ଭି ୯୬ ପୋଲ ଉପରେ ଗତକାଲି ୫ ଫୁଟର ପାଣି ଚାଲୁଥିଲା । କାଲିମେଳା -ମୋଟୁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇ ଆଜି ସୁଧୁରିଛି ।