ନୂଆଦିଲ୍ଲୀ: ଆସନ୍ତା ଅଗଷ୍ଟ ୧୫ରେ ଦେଶରେ ଲଞ୍ଚ ହୋଇପାରେ କରୋନା ଭ୍ୟାକ୍ସିନ୍ ‘କୋଭାକ୍ସିନ୍’ । ଫାର୍ମାସ୍ୟୁଟିକାଲ୍ କମ୍ପାନୀ ‘ଭାରତ ବାୟୋଟେକ୍’ ଏବଂ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ ଅର୍ଥାତ୍ (ଆଇସିଏମ୍ଆର୍) ଦ୍ୱାରା ଏହି ଟିକାକୁ ଲଞ୍ଚ କରାଯାଇପାରେ । ତେବେ ଶନିବାର କରୋନା ଟିକା ସମ୍ପର୍କରେ ICMR ପକ୍ଷରୁ ବିବୃତି ଜାରି କରାଯାଇଛି ।
ଜାରି ବିବୃତିରେ କୁହାଯାଇଛି ଯେ, ଟିକାର ପ୍ରି କ୍ଳିନିକାଲ୍ ଟ୍ରାଏଲ୍ ସଫଳତାର ସହ ଶେଷ ହୋଇଛି । ବର୍ତ୍ତମାନ ମଣିଷଙ୍କ ଉପରେ ଏହାକୁ ପରୀକ୍ଷଣ କରାଯିବ । ଏବଂ ଏହି ପରୀକ୍ଷଣ ୨ ଟି ପର୍ଯ୍ୟାୟରେ କରାଯିବ । ଆଇସିଏମ୍ଆର ପକ୍ଷରୁ ଆହୁରି କୁହାଯାଇଛି ଯେ, ସର୍ବସାଧାରଣଙ୍କ ସ୍ୱାସ୍ଥ୍ୟର ସୁରକ୍ଷା ନେଇ ସ୍ୱଦେଶୀ ଭ୍ୟାକ୍ସିନ୍ର ପରୀକ୍ଷଣ ଏକାନ୍ତ ଜରୁରୀ । ତେବେ ଭ୍ୟାକ୍ସିନ୍ ନେଇ ଆଇସିଏମ୍ଆର ପକ୍ଷରୁ ବିଶ୍ୱ ମାନଦଣ୍ଡ ଅନୁଯାୟ ସମସ୍ତ ପ୍ରକ୍ରିୟା କରାଯାଉଛି ।
ଆଇସିଏମଆର ପକ୍ଷରୁ କୁହାଯାଇଛି ଯେ, ଆମର ଉଦ୍ଦେଶ୍ୟ ହେଉଛି ଟୀକାକରଣର ପୂର୍ବରୁ ଯଥା ଶୀଘ୍ର ସମସ୍ତ ପ୍ରକ୍ରିୟା ପୂରା କରାଯିବ । ଆଇସିଏମ୍ଆର ପକ୍ଷରୁ ଜାରି ଏକ ଚିଠି ଅନୁଯାୟୀ ମାନବ ପରୀକ୍ଷା ପାଇଁ ନାମଲେଖା ଜୁଲାଇ ୭ରୁ ଆରମ୍ଭ ହେବ । ଏହା ପରେ, ଯଦି ସମସ୍ତ ପରୀକ୍ଷା ସଠିକ୍ ରୁହେ ତେବେ ଅଗଷ୍ଟ ୧୫ ସୁଦ୍ଧା ଭ୍ୟାକ୍ସିନ୍ ଲଞ୍ଚ ହୋଇପାରିବ । ତେବେ ସର୍ବପ୍ରଥମେ ଭାରତ ବାୟୋଟେକ୍ର ଭ୍ୟାକ୍ସିନ୍ ବଜାରକୁ ଆସିପାରେ ।
ନିକଟରେ ହାଇଦ୍ରାବାଦ ସ୍ଥିତ ଏହି ଫାର୍ମା କମ୍ପାନୀ ‘ଭାରତ ବାୟୋଟେକ’ ପକ୍ଷରୁ କୁହାଯାଇଛି ଯେ, କୋଭାକ୍ସିନ୍ର ପ୍ରଥମ ପର୍ଯ୍ୟାୟ ଏବଂ ଦ୍ୱିତୀୟ ପର୍ଯ୍ୟାୟ ଟ୍ରାଏଲ୍ ପାଇଁ ଡିସିଜିଆଇ ପକ୍ଷରୁ ଅନୁମତି ଦିଆଯାଇଛି । ଏଥିସହିତ ଜୁଲାଇ ପ୍ରଥମ ସପ୍ତାହରୁ ଟ୍ରାଏଲ କାମ ଆରମ୍ଭ କରାଯିବ । ତେବେ ଭ୍ୟାକ୍ସିନ୍ ନିର୍ମାଣରେ ପୂର୍ବରୁ ‘ଭାରତ ବାୟୋଟେକ୍’ର ଅଭିଜ୍ଞତା ରହିଛି ।
ଅଭିଯୋଗରେ ଦର୍ଶାଯାଇଛି ନିର୍ଲିପ୍ତଙ୍କ ଦେହ ଖରାପ ହେବାରୁ ତାଙ୍କୁ ବୁଧବାର ରାତି ପ୍ରାୟ ୧୨ଟାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ସେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ତାଙ୍କ ସ୍ତ୍ରୀ ସୁଭଦ୍ରା ଡାକ୍ତରଙ୍କୁ ବାରମ୍ବାର ଚିକିତ୍ସା ପାଇଁ ଅନୁରୋଧ କରିଥିଲେ ହେଁ କେହି ଶୁଣିନଥିଲେ । ଡାକିବା ସତ୍ତ୍ୱେ ଚିକିତ୍ସା ପାଇଁ ଆସିନଥିଲେ ସିଡିଏମଓ ଡାକ୍ତର ବିଜୟ ପଣ୍ଡା ଓ ଡାକ୍ତର ଅଜୟ ସ୍ୱାଇଁ । ଫଳରେ ଆଖି ବୁଜିଥିଲେ ନିର୍ଲିପ୍ତ । ଆଖି ଆଗରେ ସ୍ୱାମୀଙ୍କ ମୃତ୍ୟୁ ଦେଖି ସହି ପାରିନଥିଲେ ସୁଭଦ୍ରା । ମେଡିକାଲରେ ହିଁ ଆତ୍ମହତ୍ୟା କରିଥିଲେ ।
ସ୍ୱାମୀଙ୍କ ମୃତ୍ୟୁ ପରେ ଓ ଆତ୍ମହତ୍ୟା ପୂର୍ବରୁ ସୁଭଦ୍ରା କୋହଭରା କଣ୍ଠରେ ଏସବୁକୁ ରେକର୍ଡିଂ କରିଛନ୍ତି । ଡାକ୍ତରମାନେ ଚିକିତ୍ସା ନକରିବାରୁ ସ୍ୱାମୀଙ୍କ ମୃତ୍ୟୁ ହେଲା । ଏଥିପାଇଁ ଡାକ୍ତର ହିଁ ଦାୟୀ । ଆତ୍ମହତ୍ୟା ପୂର୍ବରୁ ସୁଭଦ୍ରା ଏଭଳି ଅଡିଓ ରେକର୍ଡିଂ କରି ବିଭିନ୍ନ ନମ୍ବରକୁ ପଠାଇଥିଲେ । ଯାହାକି ସ୍ୱାସ୍ଥ୍ୟ ବ୍ୟବସ୍ଥା ଉପରେ ପ୍ରଶ୍ନବାଚୀ ଛିଡ଼ା କରିଛି । କ୍ୱାରେଣ୍ଟାଇନ୍ ସେଣ୍ଟରରେ ଥିବା ବ୍ୟକ୍ତିଙ୍କ ଚିକିତ୍ସା କରିବା ମନା କି ? ନା କ୍ୱାରେଣ୍ଟାଇନରେ ଥିବା ବ୍ୟକ୍ତି ଅଛୁଆଁ ? ସଂକ୍ରମଣ ଭୟରେ ଜୀବିତ ବ୍ୟକ୍ତିଙ୍କୁ କାହିଁକି ଛୁଇଁଲେନି ଡାକ୍ତର ? ଏମିତି ଅନେକ ପ୍ରଶ୍ନ ଉଠୁଛି ।
