ପାଟଣା: ନୂଆ ନକ୍ସାକୁ ନେଇ ଭାରତ ଏବଂ ନେପାଳ ମଧ୍ୟ ତିକ୍ତତା ଜାରି ରହିଛି । ଏଭଳି ପରିସ୍ଥିତିରେ ନେପାଳ ସଂସଦରେ ଆଗତ ହୋଇଛି ନୂଆ ନକ୍ସା ସଂଶୋଧିତ ବିଲ୍ । ନେପାଳର ଆଇନ ମନ୍ତ୍ରୀ ଶିବମାୟା ନୂଆ ନକ୍ସା ସମ୍ପର୍କରେ ସଂସଦରେ ବିଲ୍ ଆଗତ କରିଛନ୍ତି । ନେପାଳର ଏହି ନୂଆ ନକ୍ସାରେ ଭାରତର କାଳାପାଣି, ଲିପୁଲେଖା ଏବଂ ଲିମ୍ପିଆଧୁରାକୁ ସାମିଲ କରିଛି ।

ଗତ କିଛି ଦିନ ମଧ୍ୟରେ ନେପାଳ ସହିତ ଭାରତର ସମ୍ପର୍କରେ ତିକ୍ତତା ଆସିଯାଇଛି । ନେପାଳୀ କଂଗ୍ରେସ ନେପାଳର ନକ୍ସାକୁ ଅପଡେଟ୍ କରିବା ପାଇଁ ଆଗତ ସଂଶୋଧିତ ବିଲ୍‌କୁ ସମର୍ଥନ କରିଛି । ଲିପୁଲେଖା, ଲିମ୍ପିଆଧୁରା ଏବଂ କଳାପାଣି ବିବାଦିତ କ୍ଷେତ୍ରକୁ ନିଜ କ୍ଷେତ୍ରରେ ସାମିଲ କରିବାକୁ ଚାହୁଁଛି । ଏହି ପଦକ୍ଷେପ ନେପାଳ ନକ୍ସାକୁ ବଦଳାଇବା ପାଇଁ ନିଆଯାଉଛି ।

ନେପାଳ ନିଜର ନୂଆ ରାଜେନୖତିକ ନକ୍ସାରେ ଭାରତର କିଛି ଅଂଶ ଦର୍ଶାଇଥିଲା । ସେତେବେଳେ ଭାରତ ପକ୍ଷରୁ ଏନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି ନେପାଳକୁ ଭାରତର ସଂପ୍ରଭୁତାକୁ ସମ୍ମାନ କରିବା ଆବଶ୍ୟକ ।

ବିବାଦର କାରଣ କ’ଣ

ନେପାଳ ସରକାରଙ୍କ ପକ୍ଷରୁ ନୂଆ ନକ୍ସାରେ ଭାରତର କଳାପାଣି, ଲିପୁଲେଖା, ଲିମ୍ପିଆଧୁରା ମଧ୍ୟ ସାମିଲ କରାଯିବାକୁ ନେଇ ଭାରତ ପକ୍ଷରୁ ଆପତ୍ତି ଉଠାଯାଇଥିଲା । ନେପାଳ କ୍ୟାବିନେଟରେ ବୈଠକରେ ଭୂମି ସଂଶୋଧନ ମନ୍ତ୍ରାଳୟ ପକ୍ଷରୁ ଏହି ସଂଶୋଧିତ ନକ୍ସା ଜାରି କରାଯାଇଛି । ସେତେବେଳେ କ୍ୟାବିନେଟରେ ଉପସ୍ଥିତ ସଦସ୍ୟ ନୂଆ ନକ୍ସା ସମର୍ଥନରେ ମତ ଦେଇଥିଲେ । କିନ୍ତୁ ଏହାକୁ ବିରୋଧ କରିଛି ଭାରତ । ନେପାଳ ଅନ୍ୟର ଚାପରେ ଏଭଳି କରୁଥିବା ନେଇ ମଧ୍ୟ କୁହାଯାଇଛି । ନେପାଳର ଏଭଳି କାର୍ଯ୍ୟ ପାଇଁ ପରୋକ୍ଷରେ ଚୀନକୁ ଦାୟୀ କରିଛି ଭାରତ ।

ଉତ୍ତରପ୍ରଦେଶ: ହରଦାଇର ଶାହାବାଦ ଅଞ୍ଚଳରେ ଜଣେ ଯୁବକ ଯୁବତୀଙ୍କୁ ନିକାହ ( ବିବାହ ) କରିବାର ପ୍ରତିଶ୍ରୁତି ଦେଇ ଶରିରୀକ ସମ୍ପର୍କ ରଖିଆସୁଥିଲେ । ହେଲେ କିଛି ଦିନ ପରେ ଯୁବକ ଜଣଙ୍କ ବିବାହ ପାଇଁ ମନା କରିଦେଇଥିଲେ  । ଏହା ପରେ ଚିନ୍ତାରେ ପଡ଼ିଯାଇଥିଲେ ଯୁବତୀ । ପୀଡ଼ିତ ଯୁବତୀ ଜଣଙ୍କ ଏ ନେଇ ଥାନାରେ ଅଭିଯୋଗ କରିବା ସହ ବିବାହ ନେଇ ଚାପ ପ୍ରୟୋଗ କରିବା ଆରମ୍ଭ କଲେ ।  ହେଲେ ଏ ସବୁ ସତ୍ତ୍ୱେ ଯୁବକ ଜଣଙ୍କ ବିବାହ ପାଇଁ ରାଜି ହୋଇନଥିଲା । ଏଭଳି ପରିସ୍ଥିତିରେ ଦିନକୁ ଦିନ ପୋଲିସ ଓ ପରିବାର ଲୋକଙ୍କ ପକ୍ଷରୁ ଚାପ ବଢ଼ିବାରେ ଲାଗିଥିଲା । ଏଣୁ ବଡ଼ ଭାଇ ବଦଳରେ ସାନ ଭାଇ ବିବାହ ପାଇଁ ରାଜି ହୋଇଥିଲା ।

ଆପୋଷ ବୁଝାମଣା ଭିତ୍ତିରେ ୨ ଦିନ ପରେ ଉଭୟଙ୍କ ବିବାହ ନେଇ ସ୍ଥିର ହୋଇଛି । ଶାହାବାଦ ଥାନା ଅଞ୍ଚଳରେ  ନାଜବୀର ନିଜ ମାଉସୀ ପୁଅ ଭାଇ ସହ ସମ୍ପର୍କ ଗଢ଼ି ଉଠିଥିଲା । ଯୁବକ ଜଣଙ୍କ ଜଙ୍ଗଲିଆ ମୋହଲ୍ଲେର ବାସିନ୍ଦା । ନଇମ ଶନିବାର ତାହା ସହ ବିବାହ ପାଇଁ ମନା କରିଦେଇଥିବାରୁ ଯୁବତୀ ଜଣଙ୍କ ଥାନାର ଆଶ୍ରୟ ନେଇଥିଲେ  । ଏହା ପରେ ପରିସ୍ଥିତିକୁ ଆଖି ଆଗରେ ରଖି ସାନ ଭାଇ ବିବାହ ପାଇଁ ରାଜି ହୋଇଥିଲେ  ।

ଯୁକ୍ତରାଷ୍ଟ୍ର ଆମେରିକା: ମହାକାଶରେ ଇତିହାସ ରଚିଲା ନାସା । ନାସା ଓ ସ୍ପେସ ଏକ୍ସର ମିଳିତ ଉଦ୍ୟମୃରେ ପ୍ରସ୍ତୁତ ଡେମୋ- ୨ ମିଶନରେ ୨ ମହାକାଶଚାରୀଙ୍କୁ ମହାକାଶ ପଠାଇଛି ଆମେରିକା । ପ୍ରଥମ ଥର ପାଇଁ ଆମେରିକା ନିଜ ଏୟାରକ୍ରାଫ୍ଟ କଂପାନୀ ସ୍ପେସ ଏକ୍ସ ଦ୍ଵାରା ପ୍ରସ୍ତୁତ ଡ୍ରାଗନ ସ୍ପେଶକ୍ରାଫ୍‌ଟରେ ଅନ୍ତରୀକ୍ଷକୁ ଯାଇଛନ୍ତି ଦୁଇ ବିଜ୍ଞାନୀ ।

ରବର୍ଟ ବେହେନକେନ୍‌ ଓ ଡଗଲ୍ସ ହର୍ଲେଙ୍କୁ ନେଇ ମହାକାଶ ଯାଇଛି ଆମେରିକୀୟ ସ୍ପେସ କ୍ରାଫ୍ଟ । ଡ୍ରାଗନ ସ୍ପେଶକ୍ରାଫଟ ସଫଳତା ପୂର୍ବକ ପୃଥିବୀର କକ୍ଷ ପଥରେ ପହଞ୍ଚିଥିବା ବେଳେ, ୨ ମହାକାଶଚାରୀ ସୁସ୍ଥ ଥିବା ଆମେରିକା ରାଷ୍ଟ୍ରପତି ସୂଚନା ଦେଇଛନ୍ତି ।  ସେପଟେ ମିଶନ ସଫଳ ହେବା ଦ୍ଵାରା ଆମେରିକାକୁ ଆଉ ମହାକାଶ କାର୍ଯ୍ୟକ୍ରମ ପାଇଁ ଋଷ କିମ୍ବା ୟୁରୋପୀୟ ଦେଶ ଗୁଡିକ ଉପରେ ନିର୍ଭର କରିବାକୁ ପଡିବ ନାହି ବୋଲି ଟ୍ରମ୍ଫ କହିଛନ୍ତି ।

ମହାକାଶଚାରୀ ଦ୍ୱୟ ୧୧୦ ଦିନ ପର୍ଯ୍ୟନ୍ତ ମହାକାଶରେ ରହି ଗବେଷଣା କରିବାର କାର୍ଯ୍ୟକ୍ରମ ରହିଛି । ଡ୍ରାଗନ ସ୍ପେଶକ୍ରାଫଟ୍‌ର କ୍ୟାପସୁଲରେ ସର୍ବାଧିକ ୨୧୦ ଦିନ ପର୍ଯ୍ୟନ୍ତ ମହାକାଶରେ ରହିପାରିବେ ବୋଲି ନାସା ପକ୍ଷରୁ କୁହାଯାଇଛି ।