ନୂଆଦିଲ୍ଲୀ: କରୋନା ଭାଇରସର ଟୀକା ପ୍ରସ୍ତୁତ କରିବାରେ ବିଶ୍ୱର ଆଉ ଏକ କମ୍ପାନୀ ଆଶା ଦେଇଛି । ବିୟାଗ୍ର ଔଷଧର ଆବିଷ୍କାର କରୁଥିବା ଆମେରିକାର ଫାର୍ମାଶ୍ୟୁଟିକଲ କମ୍ପାନୀ ପିଫିଜର ଦାବି କରିଛି ଯେ, ଏହି ବର୍ଷ ଅକ୍ଟୋବର ସୁଧା ଟୀକା ପ୍ରସ୍ତୁତ ହୋଇଯିବ । ପିଫିଜର ସିଇଓ ଅଲବର୍ଟ ବୁର୍ଲା ଜାତୀୟ ଗଣମାଧ୍ୟକୁ କହିଛନ୍ତି ଯେ, ଯଦି ସବୁ ଠିକାଠାକ୍ ଚାଲିଲା ଏବଂ ଯଦି ଆମକୁ ଭାଗ୍ୟର ସାଥ୍ ମିଳିଲା ତେବେ ଅକ୍ଟୋବର ଶେଷ ସୁଧା ଟୀକା ପ୍ରସ୍ତୁତ ହୋଇପାରିବ । ଏକ ସମ୍ପୂର୍ଣ୍ଣ ସୁରକ୍ଷିତ ଟୀକା ପାଇଁ ଆମେ ପ୍ରୟାସ କରୁଛୁ । ଏବଂ ପିଫିଜର ଜର୍ମାନୀର ଫର୍ମ ବାୟୋଣ୍ଟେକ୍ ସହ ୟୁରୋପ ଏବଂ ସଂଯୁକ୍ତ ରାଜ୍ୟ ଆମେରିକାରେ କେତେକ ସମ୍ଭାବୀତ ଟୀକାକୁ ନେଇ କାମ କରୁଛନ୍ତି ।
ଏହା ବ୍ୟତୀତ ଏକ୍ସଟ୍ରାଜେନେକା ନାମର ଆଉ ଏକ କମ୍ପାନୀ ଦାବି କରିଛି ଯେ, ଏହି ବର୍ଷ ଶେଷ ସୁଧା ଗୋଟିଏ କିମ୍ବା ଗୋଟିଏରୁ ଅଧିକା ଟୀକା ପ୍ରସ୍ତୁତ ହୋଇପାରେ । କହିରଖୁଛୁ ଯେ, ଏକ୍ସଟ୍ରାଜେନିକ ବର୍ତ୍ତମାନ ପାଇଁ ଅକ୍ସଫୋର୍ଡ ୟୁନିଭର୍ସିଟି ସହ ଟୀକା ଉପରେ କାମ କରୁଛନ୍ତି । ଯେଉଁଥିରେ ଏହି ବର୍ଷ ସୁଧା ଗୋଟିଏ ଟୀକା ଉପରେ କାମ ଶେଷ ହେବ ବୋଲି ସେ ଆଶା କରିଛନ୍ତି ।
ଏକ୍ସଜେନେକାର ପ୍ରମୁଖ ପାସ୍କଲ ସୋରିଏଟସ୍ କହିଛନ୍ତି ଯେ, ଆମର ଏହି ଟୀକାକୁ ନେଇ ବହୁତ ଲୋକଙ୍କ ଆଶା ରହିଛି । ଯଦି ସବୁ ସ୍ତରରେ ଆମକୁ ସଫଳତା ମିଳିଲା ତେବେ ଏହି ବର୍ଷ ଶେଷ ସୁଧା ଆମ ପାଖରେ ଟୀକା ପ୍ରସ୍ତୁତ ଥିବ । ସେ ଏହା ମଧ୍ୟ କହିଛନ୍ତି ଯେ, ଆମେ ସମୟର ବିପରିତରେ ଚାଲୁଛୁ ପୂରା ଦେଶରେ ଏବେପର୍ଯ୍ୟନ୍ତ ୫୦ଲକ୍ଷରୁ ଅଧିକ ଲୋକ ସଂକ୍ରମିତ ହୋଇସାରିଛନ୍ତି ଏବଂ ସାଢେ ୩ ଲକ୍ଷରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଛି ।
ରିପୋର୍ଟରେ ଏକ୍ସପର୍ଟସର ଚେତାବନୀ ଧ୍ୟାନରେ ରଖି କୁହାଯାଇଛି ଯେ, ଆସୁଥିବା ସମୟରେ ଚ୍ୟାଲେଞ୍ଜ ଆହୁରି କଠିନ ହୋଇପାରେ । ଏହି ମହାମାରୀରୁ ଲୋକଙ୍କୁ ବଞ୍ଚାଇବା ପାଇଁ ସେମାନଙ୍କୁ ୧,୫୦୦କୋଟି (୧୫ ବିଲିୟନ ) ଡୋଜ୍ ତିଆରି କରିବାକୁ ପଡ଼ିବ ।
ସୋରିଏଟସ କହିଛନ୍ତି ଯେ, ପୂରା ବିଶ୍ୱରେ ପାଖାପାଖି ୧୦୦ଲାବରେ କରୋନା ଭାଇରସର ଟୀକା ଉପରେ କାମ କରାଯାଉଛି । କିନ୍ତୁ ଏବେ ପର୍ଯ୍ୟନ୍ତ କେବଳ ୧୦ଟି କ୍ଲିନିକାଲ ଟ୍ରାଏଲ ପର୍ଯ୍ୟନ୍ତ ପହଞ୍ଚି ପାରିଛି ।
ପୁଣି ଚିହ୍ନଟ ହେଲେ ୯୬ କରୋନା ସଂକ୍ରମିତ: ସକ୍ରିୟ ମାମଲା ଠାରୁ ଅଧିକ ସୁସ୍ଥ
