ରାଜ୍ୟରେ ସଂକ୍ରମଣକୁ ମାତ ଦେଉଛି ସୁସ୍ଥତା ହାର, ଗତ ୨୪ ଘଣ୍ଟାରେ ରେକର୍ଡ ୧୧୧୯ ସୁସ୍ଥ
ଯୁବକଙ୍କ ଦେହରେ ବସିଲେ ୧୦ ହଜାର ରୁ ଅଧିକ ମହୁମାଛି, ଆଉ ତା’ ପରେ…
ବାଲେଶ୍ଵର: ବାଲେଶ୍ଵର ଜିଲ୍ଲା ଔପଦା ବ୍ଲକ ଈଶ୍ୱରପୁର ପଞ୍ଚାୟତର ତରରୁଆ ଗାଁର ଟୁକାରାମ । ଜଗନ୍ନାଥ ଗାଁର ଚାଷ ଜମିରେ ଶ୍ରମିକ ଲଗାଇ ଧାନ ତଳି ରୋଇବା ପାଇଁ ବାଇକ ଯୋଗେ ଯାଇଥିଲେ । ଶ୍ରମିକମାନଙ୍କୁ କାମରେ ଲଗାଇ ଘରକୁ ଫେରିବା ପାଇଁ ବାଇକ ପାଖକୁ ଆସିଲା ବେଳକୁ ଗୋଟେ ମହୁ ମାଛି ପ୍ରଥମେ ଆସି ମୁହଁରେ ବସିଥିଲା । ଏହାକୁ ଦେଖି ସେ ତ।ଳି ମାରିଦେଇଥିଲେ । ଏହାପରେ ହଟାତ୍ ୧୦ ହଜାରରୁ ଉର୍ଦ୍ଧ ମହୁମାଛି ଟୁକାରାମଙ୍କ ଦେହରେ ବସିଥିଲେ । ଟୁକାରାମ ଏଥିରେ ଭୟଭୀତ ନ ହୋଇ ବାଇକ ଯୋଗେ ମହୁମାଛି କୁ ଧରି ଘରେ ପହଁଚି ଥିଲେ । ଏହି ଘଟଣା ଦେଖିବା ପାଇଁ ତାଙ୍କ ଘର ପାଖରେ ଲୋକ।ରଣ୍ୟ ହୋଇ ଯାଇଥିଲା ।
ଟୁକାରାମଙ୍କ ଦେହରେ ମହୁମାଛି ବସିବା ନୂଆ ହେଲେବି ମହୁମାଛି ଧରିବା କୌଶଳ ତାଙ୍କୁ ବେଶ ଭଲ ଭାବେ ଜଣା ଅଛି । କାରଣ ତାଙ୍କ ପିତା ଅବସର ପ୍ରାପ୍ତ ଶିକ୍ଷକ ଦିବାକରଙ୍କ ଠାରୁ ଏହି କୌଶଳ ଶିଖିବାକୁ ମିଳିଥିଲା ବୋଲି ଟୁକାରାମ କହିଛନ୍ତି । ପିଲାବେଳେ ବାପା ଶିଖାଇଥିବା ମହୁମାଛି ଧରା କୌଶଳକୁ ମନେ ପକାଇ ସେ ମାଛିଙ୍କୁ କୌଶଳକ୍ରମେ ବାକ୍ସରେ ରଖିଛନ୍ତି ।
ତେବେ ଏନେଇ ଟୁକାରାମ ନିଜ ଘର ଓ ଆଖ ପାଖ ରେ ୨୨ ଟି ମହୁମାଛି ବସା ବସାଇ ମହୁ ସଂଗ୍ରହ ପାଇଁ ଉଦ୍ୟମ ଜାରି ରଖିଛନ୍ତି । ସେଥିପାଇଁ ତାଙ୍କର ନୂଆ ପରିଚୟ ହୋଇଛି ମହୁ ମଣିଷ । ଏଭଳି ପ୍ରତିଭା ଅଧିକାରୀ ତଥା ସାହସୀ ଯୁବକଙ୍କୁ ସରକାରଙ୍କ ତରଫରୁ ସମସ୍ତ ସହାୟତା ଯୋଗାଇ ଦେବା ପାଇଁ ସ୍ଥାନୀୟ ବାସିନ୍ଦା ନିବେଦନ କରିଛନ୍ତି । ଏ ଦୃଶ୍ୟ ଦେଖିଲେ ସାଧାରଣ ଲୋକ ଭୟଭୀତ ହୋଇପାରନ୍ତି ହେଲେ ଟୁକାରାମଙ୍କ ମହୁମାଛି ଧରା ଟ୍ରିକ୍ ସମସ୍ତଙ୍କୁ ବେଶ ଆକର୍ଷିତ କରିଛି ।
ରାଜଧାନୀର ୮ଟି ରୁଟରେ ଚାଲିଲା ମୋ ବସ୍ ସେବା
ଭୁବନେଶ୍ୱର: ଅନ୍ଲକ୍-୩ ଜାରିଥିବା ବେଳେ ରାଜଧାନୀ ଭୁବନେଶ୍ୱରରେ ଆଜିଠାରୁ ମୋ ବସ୍ ଚାଲିଛି । ଅତି ଗୁରୁତ୍ୱପୂର୍ଣ୍ଣ ୮ଟି ରୁଟରେ ନନ୍ ଏସି ବସ୍ ସେବା ଚାଲିବ ବୋଲି ସୂଚନା ମିଳଇଛି । ‘ମୋ ବସ’କୁ ପରିଚାଳନା କରୁଥିବା କ୍ୟାପିଟାଲ୍ ରିଜିଅନ୍ ଅର୍ବାନ୍ ଟ୍ରାନ୍ସପୋର୍ଟ ବା କ୍ରୁଟ ପକ୍ଷରୁ ଏହି ସୂଚନା ଦିଆଯାଇଛି । କ୍ରୁଟ ସୂଚନା ଅନୁସାରେ ଯାତ୍ରୀଙ୍କୁ ସକାଳ ୭ଟାରୁ ସନ୍ଧ୍ୟା ୭ଟା ଯାଏଁ ଏହି ସେବା ମିଳିବ। ରୁଟ ନଂ ୧୧, ୧୬, ୧୮, ୨୦, ୨୩, ୨୫, ୨୭ ଓ ୩୩ରେ ଯାତ୍ରୀମାନେ ମୋ ବସରେ ଯିବାଆସିବା କରିପାରିବେ।
ଯାତ୍ରୀମାନଙ୍କୁ ବାଧ୍ୟତାମୂଳକ ଭାବେ ମାସ୍କ ପିନ୍ଧିବାକୁ ପଡ଼ିବ। ମାସ୍କ ପିନ୍ଧି ନଥିଲେ ବସ୍ ଭିତରକୁ ପ୍ରବେଶ ପାଇଁ ଅନୁମତି ମିଳିବ ନାହିଁ। ଅଗଷ୍ଟ ମାସରେ ବସ୍ ସେବା ସପ୍ତାହାନ୍ତ ବନ୍ଦ ରହିବ।
କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର ଲକଡାଉନ୍ ଘୋଷଣା କରିଥିଲେ । ତେବେ ଲକଡାଉନ୍ କଟକଣାରେ ମୋ ବସ୍ ସେବା ବନ୍ଦ ରହିଥିଲା । ରାଜଧାନୀରେ ବଢୁଥିବା ସଂକ୍ରମଣକୁ ଦେଖି ଏଭଳି ନିଷ୍ପତ୍ତି ନିଆଯାଇଥିଲା । ହେଲେ ଏବେ ଅନଲକ୍ ପର୍ଯ୍ୟାୟରେ ବସ ଗଡିବ ବୋଲି ଜଣା ପଡିଛି । ଏହାସହ ମାସ୍କ ନପିନ୍ଧିଲେ ବସ୍ ଭିତରକୁ ପ୍ରବେଶ ପାଇଁ ଅନୁମତି ଦିଆଯିବ ନାହିଁ । କୋଭିଡ୍ ଗାଇଡଲାଇନ୍ ପାଳନ କରିବା ସହ ବସ୍ ଚଳାଚଳ ପାଇଁ ଅନୁମତି ଦିଆଯାଇଛି ।
ଚୀନ କଥାରେ ଡେଉଁଛି ନେପାଳ, ଲିପୁଲେଖ ନିକଟରେ ହେଲିପ୍ୟାଡ ସହ ବର୍ଡରରେ ନିର୍ମାଣ କରୁଛି ୨ଶହ ପୋଷ୍ଟ
ନୂଆଦିଲ୍ଲୀ: ଗୋଟିଏ ପଟେ ଚୀନ ପାକିସ୍ତାନକୁ ସହାୟତା ଦେଇ ଲୁଟୁଥିବା ବେଳେ ନେପାଳକୁ ବି ଉସୁକାଇବାରେ ଲାଗିଛି । ଆଉ ଗୁରୁତ୍ୱପୂର୍ଣ୍ଣ କଥା ହେଉଛି ଡ୍ରାଗନ କଥାରେ ପଡ଼ି ଏହି ଦୁଇ ଦେଶ ଏବେ ଉଠ ବସ୍ ହୋଇ ଭାରତ ବିରୋଧୀ ହେଉଛନ୍ତି । ପାକିସ୍ତାନ ସହ ଦଶନ୍ଧ ଦଶନ୍ଧି ଧରି ଭାରତର ସମ୍ପର୍କ ଖରାପ ଥିବାବେଳେ ଏବେ ଏହି ତାଲିକାରେ ସାମିଲ୍ ହେଉଛି ନେପାଳ । ଚୀନର ଚାଲାକି ଆଗରେ ଓଲି ମୁଣ୍ଡପାତି ଦେବା ଭଳି ଲାଗୁଛି । ମିଳିଥିବା ସୂଚନା ଅନୁସାରେ ଚୀନ କଥାରେ ପଡ଼ି ନେପାଳ ଭାରତ-ନେପାଳ ବର୍ଡରରେ ଗତିବିଧିକୁ ଶାଣିତ କରିଛି । ନେପାଳ ସୀମରେ ୨୦୦ଟି ନୂଆ ବର୍ଡର ଆଉଟ୍ ପୋଷ୍ଟ ନିର୍ମାଣରେ ଲାଗିପଡ଼ିଛି । ଯାହାକି ପୂର୍ବରୁ ନେପାଳ କରୁ ନଥିଲା ।
ଗୃହ ମନ୍ତ୍ରାଳୟରୁ ମିଳିଥିବା ସୂତ୍ର ଅନୁସାରେ, ନେପାଳ ଏବେ ଯାଏଁ ତା ଅଞ୍ଚଳର ଖଲଙ୍ଗା, ଛାଙ୍ଗରୁ ଓ ଝୁଲାଘାଟ ପରେ ପଞ୍ଚେଶ୍ୱରର ରୋଲାଘାଟରେ ବର୍ଡର ଆଉଟ ପୋଷ୍ଟ ତିଆରି କରୁଛି । ଯେଉଁଠି ସଶସ୍ତ୍ର ପ୍ରହରୀ ଫୋର୍ସଙ୍କୁ ମୁତୟନ କରାଯାଇଛି । ଏତିକି ନୁହେଁ ଚୀନ କଥାରେ ପଡ଼ି ନେପାଳ ଲିପୁଲେଖ ନିକଟର ମଧ୍ୟ ବର୍ଡର ଆଉଟ୍ ପୋଷ୍ଟ ନିର୍ମାଣ କରୁଥିବା ଜଣାପଡ଼ିଛି ।
ଭାରତ-ନେପାଳ ବର୍ଡରରେ ଭାରତୀୟ ଏସଏସବି ଯବାନ ମୁତୟନ ହୋଇଥିବା ବେଳେ ଭାରତର ୫୦୦ ବର୍ଡର ଆଉଟ୍ ପୋଷ୍ଟ ରହିଛି । ନେପାଳ, ଭାରତର ସମକକ୍ଷ ବର୍ଡର ଆଉଟ୍ ପୋଷ୍ଟ ନିର୍ମାଣରେ ଲାଗି ପଡ଼ିଛି । ସୁରକ୍ଷା ବିଶେଷଜ୍ଞଙ୍କ ପ୍ରକାରେ ନେପାଳ ପାଖରେ ଏବେ ମାତ୍ର ୧୩୦ଟି ବର୍ଡର ଆଉଟ୍ ପୋଷ୍ଟ ରହିଛି । ଏବେ ନେପାଳ ଏତେ ସଂଖ୍ୟାରେ ବର୍ଡର ଆଉଟ୍ ପୋଷ୍ଟ ତିଆରି କରିବା ଅଲଗା କିଛି ସଂକେତ ଦେଉଛି ।
ସୂତ୍ର ଅନୁସାରେ, ଲକଡାଉନ୍ ଓ ସୀମା ବିବାଦ ଭିତରେ ନେପାଳ ନିଜ ସୀମାରେ ଗତିବିଧି ବଢ଼ାଇ ଚାଲିଛି । ନେପାଳ ଝୁଲାଘାଟ ସ୍ଥିତ ସୀମା ପୋଲରେ ଅସ୍ଥାୟୀ ଭାବେ କ୍ୟାମ୍ପ କରିବା ପରେ ଯବାନଙ୍କୁ ମୁତୟନ କରିଛି । ଝୁଲାଘାଟରେ ବର୍ଡର ଆଉଟ୍ ପୋଷ୍ଟର ଏପିଏଫର ଜବାନ ମଧ୍ୟ ମୁତୟନ ହୋଇଛନ୍ତି । ପୋଲ ନିକଟରେ ସଶସ୍ତ୍ର ପ୍ରହରୀ ବଳ ପାଇଁ ଅସ୍ଥାୟୀ ବଙ୍କର ନିର୍ମାଣ କରୁଛି ନେପାଳ ।
ଏତିକି ନୁହେଁ ନେପାଳ ଗରବାଧାର ଓ ଝାଙ୍ଗରୁରେ ହେଲିପ୍ୟାଡ୍ ନିର୍ମାଣ କରୁଛି । ଭାରତୀୟ ସୁରକ୍ଷା ଏଜେନ୍ସି ଏହା ଉପରେ ନଜର ରଖିଥିବା ବେଳେ ଭାରତ-ନେପାଳ ବର୍ଡରରେ ନେପାଳ ନିଜ ଅଞ୍ଚଳର ଅନ୍ୟ କେତକ ସ୍ଥାନର ହେଲିପ୍ୟାଡ୍ ସହ ଅନ୍ୟ ନିର୍ମାଣ କରୁଥିବା ଜଣାପଡ଼ିଛି । ନେପାଳ ସୁସ୍ତାରେ ଏକ ହେଲିପ୍ୟାଡ୍ ନିର୍ମାଣ କରୁଛି । ଏହି ଅଞ୍ଚଳ ବିହାର ପୂର୍ବ ଚମ୍ପାରଣ ନିକଟରେ । ଏହା ବାତ୍ୟା ଦ୍ୱାରା ଅତ୍ୟଧିକ ପ୍ରଭାବ ହୋଇଥିବା ବେଳେ ଏହି ଅଞ୍ଚଳ ଏବେ ବିବାଦ ଭିତରେ ରହିଛି । ସେଠାରେ ନେପାଳ ଚାଲାକି କରି ନିର୍ମାଣ ଜାରି ରଖିଛି ।
ରକ୍ଷାବନ୍ଧନରେ ରାକ୍ଷୀ ଦେଖିଲା ଅନେକ କିଛି: କେଉଁଠି ଭାଇକୁ ଅବାଟରୁ ବାଟକୁ ରାକ୍ଷୀ ଟାଣି ଆଣିଛି ତ କେଉଁଠି ରାକ୍ଷୀ ଉପରେ ପଡ଼ିଛି ଚଡ଼କ
ନନ୍ଦିଘୋଷ ବ୍ୟୁରୋ: ଭାଇ, ଭଉଣୀର ସମ୍ପର୍କର ପବିତ୍ର ରକ୍ଷାବନ୍ଧନ । ହେଲେ ଏହି ପବିତ୍ର ପର୍ବରେ ଦେଖିବାକୁ ମିଳିଛି ଭିନ୍ନ ଭିନ୍ନ ଚିତ୍ର । କେଉଁଠି କରୋନା ପାଇଁ ଭାଇ ପାଖକୁ ଭଉଣୀଟିଏ ପଠାଇପାରିନି ସ୍ନେହର ଡୋର ତ ଆଉ କେଉଁଠି ମାତ୍ର ୧୦ ହାତ ଦୂରେ ଥାଇ ଭାଇ ହାତରେ ଭଉଣୀ ବାନ୍ଧି ପାରିନି ରାକ୍ଷୀ । ଅନ୍ୟପଟେ ଭୂତାଣୁ ଦାଉରୁ ଜନଜୀବନକୁ ବଞ୍ଚାଇବା ପାଇଁ ନିଜ କର୍ମକୁ ଗୁରୁତ୍ୱ ଦେଇଛନ୍ତି କରୋନା ଯୋଦ୍ଧା । ଅନ୍ୟପଟେ ରକ୍ଷା ବନ୍ଧନ ପାଳନ ବେଳେ ଦଇବ ନେଇଛି ଦୁହିଁଙ୍କ ଜୀବନ । ଏପରିକି ରାକ୍ଷୀ ବାନ୍ଧିବା ପାଇଁ ଭଉଣୀର ସର୍ତ୍ତ ରକ୍ଷା କରି ହାର୍ଡକୋର ନକ୍ସଲ ମଲ୍ଲା ପୋଲିସ ନିକଟରେ ସରେଣ୍ଡର କରିଛି ।
ହସ ଉଲ୍ଲାସର ସହ, କରୋନା କଟକଣା ଭିତରେ ସବୁଠି ପାଳନ ହୋଇଛି ରକ୍ଷା ବନ୍ଧନ ଉତ୍ସବ । ଭାଇ ହାତରେ ସୁରକ୍ଷାର ଡୋର ବାନ୍ଧି ତାର ଦୀର୍ଘାୟୁ କାମନା କରିଛି ସୁନାନାକି ଭଉଣୀ । ହେଲେ ମହାମାରୀ ପାଇଁ ଘରକୁ ନଯାଇ ନିଜ ଡ୍ୟୁଟିକୁ ଗୁରୁତ୍ବ ଦେଇଛନ୍ତି କରୋନା ଯୋନ୍ଧା । ଡହ ଡହ ଖରାରେ ଛିଡା ହୋଇ ଲୋକଙ୍କୁ ସୁରକ୍ଷା ଦେଇଛନ୍ତି ପୋଲିସ ଓ ଟ୍ରାଫିକ୍ କର୍ମଚାରୀ । ସେମାନଙ୍କ ମନୋବଳ ବଢାଇବାକୁ ଆଗେଇ ଆସିଥିଲେ କିଛି ସହୃଦୟବାନ ମହିଳା ଓ ଛାତ୍ରୀ ।
ସେପଟେ କିନ୍ତୁ ଲୁହରେ ଭିଜିଛି ରକ୍ଷା ବନ୍ଧନ । ଘଟିଛି ଦୁଇ ଦୁଇଟି ହୃଦୟ ବିଦାରକ ଘଟଣା । ଭୁବନେଶ୍ବରର ଝାରପଡା ଜେଲ ଆଗରେ ଭଉଣୀ ଆଖିରୁ ଝରିଛି ଲୁହ । ଜେଲର ପାଚେରି ଆରପଟେ ଥିବା ଭାଇକୁ ନଦେଖି କୋହ ସମ୍ଭାଳି ପାରିନି ହତଭାଗିନୀ ଭଉଣୀ । ଅନ୍ୟପଟେ ଭାଇର ମୃତ୍ୟୁ ପଥରେ ବି ଏକାଠି ଚାଲିଛି ଭଉଣୀ । ରକ୍ଷା ବନ୍ଧନ ପାଳନ ବେଳେ ଚାଲିଯାଇଛି ଉଭୟଙ୍କ ଜୀବନ । ବାଲେଶ୍ୱର ଜିଲ୍ଲା ମଣ୍ଡ ଗାଁ ରେ ପର୍ବ ପାଳନ ବେଳେ ବଜ୍ରାଘାତ ଯୋଗୁ ଆଶା ବେହେରା ଓ ସୁଶାନ୍ତ ଦଳେଇଙ୍କ ମୃତ୍ୟୁ ହୋଇଛି ।
ରାକ୍ଷୀ ରହିଲା ସାକ୍ଷୀ । ରାକ୍ଷୀ ବାନ୍ଧିବା ପାଇଁ ଭଉଣୀ କଥାରେ ଆତ୍ମସମର୍ପଣ କଲେ ନକ୍ସଲ ନେତା ମଲ୍ଲା । ରାକ୍ଷୀର ମହତ ରଖିଲା ଦୁର୍ଦ୍ଦାନ୍ତ ନକ୍ସଲ ମଲ୍ଲା । ଭଉଣୀ କଥାରେ ପୋଲିସ ନିକଟରେ ଆତ୍ମସମର୍ପଣ କରିଛି ମଲ୍ଲା । ଭଉଣୀ ସର୍ତ୍ତ ରଖିଥିଲା ଆତ୍ମସମର୍ପଣ କଲେ ରାକ୍ଷୀ ବାନ୍ଧିବି । ଶେଷରେ ମଲ୍ଲା ପୋଲିସ ନିକଟରେ ଆତ୍ମସମର୍ପଣ କରିଥିଲା ଏବଂ ଲିଙ୍ଗେ ଥାନାରେ ଭାଇକୁ ରାକ୍ଷୀ ପିନ୍ଧାଇଛି । ସେପଟେ ଶ୍ରୀଜିଉ ବି ପାଳିଛନ୍ତି ପବିତ୍ର ରକ୍ଷା ବନ୍ଧନ ଉତ୍ସବ । ଭଉଣୀ ସୁଭଦ୍ରା ବଡ ଭାଇ ବଳଭଦ୍ର ଓ ଶ୍ରୀଜଗନ୍ନାଥଙ୍କୁ ପାଟରା ସେବାୟତଙ୍କ ଦ୍ୱାରା ନିର୍ମିତ ରାକ୍ଷୀ ପିନ୍ଧାଇଛନ୍ତି ।
ଅଯୋଧ୍ୟା ଭୂମି ପୂଜନକୁ ଆସିବାକୁ କାହିଁକି ଆଡଭାନୀଙ୍କୁ କରାଗଲାନି ନିମନ୍ତ୍ରଣ ?
ଲକ୍ଷ୍ନୌ: ଅଯୋଧ୍ୟାରେ ରାମ ମନ୍ଦିର ଭୂମି ପୂଜନ ପାଇଁ ପ୍ରସ୍ତୁତି ଜୋରସୋରରେ ଚାଲିଛି । ଅଗଷ୍ଟ ୫ ତାରିଖ ଦିନ ଭୂମି ପୂଜନ ହେବ । ଯାହାକୁ ଏବେ ୪୮ ଘଣ୍ଟାରୁ କମ୍ ସମୟ ବାକି ଅଛି । ଭୂମି ପୂଜନ ଉତ୍ସବରେ ସାମିଲ୍ ହେବା ପାଇଁ ପ୍ରାୟ ୨୦୦ ଜଣଙ୍କୁ ନିମନ୍ତ୍ରଣ କରାଯାଇଛି । ଏହି ତାଲିକାରେ ବିଜେପିର ବରିଷ୍ଠ ନେତା ତଥା ରାମ ମନ୍ଦିର ଆନ୍ଦୋଳନର ପୁରୋଧା ଲାଲକୃଷ୍ଣ ଆଡଭାନୀ ଓ ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କଲ୍ୟାଣ ସିଂହଙ୍କ ନାମ ନାହିଁ ।
ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟଙ୍କ ସୂଚନା ଅନୁସାରେ ଭୂମି ପୂଜନ କାର୍ଯ୍ୟକ୍ରମକୁ ଦେଶରୁ ନେଇ ନେପାଳ ଯାଏଁ ସନ୍ଥଙ୍କୁ ଆମନ୍ତ୍ରଣ କରାଯାଇଛି । କେହି କେହି ସନ୍ଥଙ୍କୁ ଦଳିତ କହିଥାନ୍ତି, ଯେତେବେଳେ କି ସେମାନେ ଭଗବାନଙ୍କ ସ୍ୱରୂପ । ଭାରତର ଭୌଗଳିକ କ୍ଷେତ୍ରର ପ୍ରତିଟି ଭାଗ ଏଠାରେ ରହିବେ । ସନ୍ଥ ମହାତ୍ମାଙ୍କୁ ମିଶାଇ ପ୍ରାୟ ୧୭୫ ଜଣ ଉତ୍ସବରେ ସାମିଲ ହେବେ । ଉତ୍ସବକୁ ପଦ୍ମଶ୍ମୀ ମହମ୍ମଦ ୟୁନୁସଙ୍କୁ ମଧ୍ୟ ନିମନ୍ତ୍ରଣ ଦିଆଯାଇଥିବା ସେ ସୂଚନା ଦେଇଛନ୍ତି । ସେ କୌଣସି ଧର୍ମର ହେଲେ ବି ଆସିବାରେ କିଛି ଅସୁବିଧା ନାହିଁ ।
ଆସିବେନି ଆଡ଼ଭାନୀ
ଭୂମି ପୂଜନ ଉତ୍ସବକୁ ଲାଲକୃଷ୍ଣ ଆଡ଼ଭାନୀ ଓ କଲ୍ୟାଣ ସିଂହଙ୍କୁ ନିମନ୍ତ୍ରଣ କରାଯାଇନାହିଁ । ତାଙ୍କ ବ୍ୟକ୍ତିଗତ ଭାବେ ଫୋନ୍ କରି କ୍ଷମା ମାଗିଥିବା ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟ କହିଛନ୍ତି । ସେମାନଙ୍କ ବୟସକୁ ଧ୍ୟାନ ଦେଇଛି । ୯୦ ବର୍ଷ ବୟସର ଲୋକ କେମିତି ଆସିବେ । ଆଡ଼ଭାନୀ କେମିତି ଆସିବେ ? ଚମ୍ପତ ରାୟ କହିଛନ୍ତି- ମୁଁ କଲ୍ୟାଣ ସିଂହଙ୍କ ସହ କଥା ହେଲି । ତାଙ୍କୁ କହିଲି ଆପଣଙ୍କ ବୟସ ଅଧିକ, ଆପଣ ଭିଡ଼କୁ ଆସନ୍ତୁ ନାହିଁ, ସେ ମୋ କଥା ମାନିଲେ ।
ଲାଲକୃଷ୍ଣ ଆଡ଼ଭାନୀ
ସୋମନାଥରୁ ଅଯୋଧ୍ୟା ଯାଏଁ ରଥଯାତ୍ରା ଆରମ୍ଭ କରିଥିଲେ ଲାଲକୃଷ୍ଣ ଆଡ଼଼ଭାନୀ । କିନ୍ତୁ, ତତ୍କାଳୀନ ବିହାର ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଆଡ଼ଭାନୀଙ୍କୁ ସମସ୍ତିପୁର ଜିଲ୍ଲାରେ ଗିରଫ କରି ନେଇଥିଲେ । ଚାର୍ଜସିଟ୍ ଅନୁସାରେ, ଆଡ଼ଭାନୀ ୧୯୯୨ ଡିସେମ୍ବର ୬ ତାରିଖରେ କିଙିଥିଲ- ଆଜି ରଥଯାତ୍ରାର ଅନ୍ତିମ ଦିନ । ଆଡ଼ଭାନୀଙ୍କ ବିରୋଧରେ ମସଜିଦ୍ ଭାଙ୍ଗିବା ନେଇ ଅପରାଧିକ ମକଦ୍ଦମା ଏବେବି ଚାଲିଛି ।
କଲ୍ୟାଣ ସିଂହ
୧୯୯୨ ମସିହା ଡିସେମ୍ବର ୬ ତାରିଖ ବେଳକୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଭାବେ କଲ୍ୟାଣ ସିଂହ ଥିଲେ । ସେହିଦିନ ହିଁ ବାବ୍ରି ମସଜିଦକୁ ଭାଙ୍ଗି ଦିଆଯାଇଥିଲା । ତାଙ୍କ ନାଁରେ ଅଭିଯୋଗ ହୋଇଥିଲା କି ତାଙ୍କ ପୋଲିସ ଓ ପ୍ରସାଶନ ଜାଣିଶୁଣି ରଥଯାତ୍ରାରେ ସାମିଲ୍ ଲୋକଙ୍କୁ ରୋକି ନଥିଲେ । ପରେ କଲ୍ୟାଣ ସିଂହ ବିଜେପିରୁ ଅଲଗା ହୋଇ ରାଷ୍ଟ୍ରୀୟ କ୍ରାନ୍ତ ପାର୍ଟି ଗଠନ କରିଥିଲେ । ପରେ ସେ ପୁଣିଥିରେ ବିଜେପିକୁ ଫେରି ଆସିଥିଲେ । ମସଜିଦ୍ ଭଙ୍ଗାଯିବା ନେଇ ହୋଇଥିବା ଅଭିଯୋଗର ୧୩ ଜଣ ତାଲିକାରେ କଲ୍ୟାଣ ସିଂହଙ୍କ ନାଁ ମଧ୍ୟ ରହିଛି ।
କ’ଣ ନିଖୋଜ ଅଛନ୍ତି ରିଆ ଚକ୍ରବର୍ତ୍ତୀ? ଜାଣନ୍ତୁ କ’ଣ କହିଲେ ମୁମ୍ବାଇ ପୋଲିସ୍
ସୁଶାନ୍ତ ସିଂ ରାଜପୂତଙ୍କ ପରିବାର ଯେବେଠାରୁ ରିଆଙ୍କ ଉପରେ ସୁଶାନ୍ତଙ୍କୁ ଆତ୍ମହତ୍ୟା କରିବା ପାଇଁ ଉସୁକାଇଥିଲେ ବୋଲି ଅଭିଯୋଗ ଆଣିଛନ୍ତି ସେହି ଦିନଠାରୁ ଏହି ମାମଲା ଅଧିକ ଗମ୍ଭୀର ହୋଇ ଯାଇଛି । ପୋଲିସ ମଧ୍ୟ ତଦନ୍ତକୁ କଡ଼ାକଡ଼ି କରି ଦେଇଛି । ଗୋଟିଏ ପକ୍ଷରେ ବିହାର ପୋଲିସ୍ ରିଆ ଚକ୍ରବର୍ତ୍ତୀଙ୍କ ନାମରେ ଗିରଫ ହେବା ଭୟରେ ଲୁଚି ରହିଛନ୍ତି ବୋଲି କହିଥିବା ବେଳେ, ଅନ୍ୟ ପକ୍ଷରେ ମୁମ୍ବାଇ ପୋଲିସ ଏହାର ଜଓ୍ୱାବ ଦେଇ ସାରିଛି ଏବଂ ରିଆଙ୍କ ବୟାନ୍ ରେକର୍ଡ଼ ସରିଛି ବୋଲି କହିଛନ୍ତି ।
ମୁମ୍ବାଇ ପୋଲିସର କହିବା ଅନୁସାରେ ରିଆ ଜାଣିଶୁଣି ଲୁଚି ନାହାଁନ୍ତି । ସେ ଏହି ଘଟଣାରେ ଆରମ୍ଭରୁ ପୋଲିସକୁ ସାହାଯ୍ୟ କରୁଥିବା କହିଛି ପୋଲିସ୍ । ଏହା ସହିତ ଯେବେ ମଧ୍ୟ ରିଆଙ୍କୁ ଡକାଯାଇଛି ସେ ଉପସ୍ଥିତ ହୋଇଛନ୍ତି ଏବଂ ସେ ପ୍ରଥମେ ଏହି ମାମଲାକୁ ମୁମ୍ବାଇକୁ ସ୍ଥାନାନ୍ତର କରାଯାଉ ବୋଲି ବୟାନ୍ ଦେଇଥିବା କହିଛି ମୁମ୍ବାଇ ପୋଲିସ୍ ।
କହିରଖୁଛୁ ନିକଟରେ ଭାଇରାଲ ହେଉଥିବା ରିଆ ଚକ୍ରବର୍ତ୍ତୀଙ୍କ ଏକ ଭିଡ଼ିଓରେ ରିଆ ଭାବ ବିହ୍ୱଳ ହୋଇ ଥିବାର ନଜର ଆସିଛି । ଏହା ସହିତ ସେ ସତ୍ୟମେବ ଜୟତେର ନାରା ଲଗାଇ ନିର୍ଦ୍ଦୋଷ ଥିବା କହୁଥିବା ଭିଡ଼ିଓରେ ଦେଖିବାକୁ ମିଳିଛି । ଅନ୍ୟପଟେ ବିହାର ପୋଲିସର କହିବା ଅନୁସାରେ ରିଆଙ୍କ ସହିତ ମୋବାଇଲ ଦ୍ୱାରା ଯୋଗାଯୋଗ ହୋଇ ପାରୁନାହିଁ । ରିଆଙ୍କ ଉପରେ ଲୁକଆଉଟ୍ ନୋଟିସ୍ ଜାରି କରିବାକୁ ନେଇ ବିଚାର କରୁଛି ବିହାର ପୋଲିସ୍ । ରିଆଙ୍କୁ ପଚାରିବା ପାଇଁ ପ୍ରଶ୍ନ ମଧ୍ୟ ପ୍ରସ୍ତୁତି ସରିଛି ।
ଜଣେ ସୁସ୍ଥ କରୋନା ରୋଗୀଙ୍କ ପ୍ଲାଜମାରେ ଦୁଇଜଣ ଗୁରୁତର ଆକ୍ରାନ୍ତ ସୁସ୍ଥ ହେଉଛନ୍ତି : ମନ୍ତ୍ରୀ ପ୍ରତାପ ଜେନା
ବାଲେଶ୍ୱର: ବାଲେଶ୍ୱର ଜିଲାରୁ ପ୍ଲାଜମା ସଂଗ୍ରହ ପାଇଁ ଆହ୍ୱାନ ଦେଇଛନ୍ତି ମନ୍ତ୍ରୀ ପ୍ରତାପ ଜେନା । କରୋନା ରୋଗୀଙ୍କ ପାଇଁ ଏବେ ପ୍ଲାଜମା ରାମବାଣ ସାବ୍ୟସ୍ତ ହୋଇଛି । ସେଥିପାଇଁ ଏବେ ପ୍ଲାଜମା ଥେରାପି ଉପରେ ଅଧିକ ଗୁରୁତ୍ୱ ଦେଇଛନ୍ତି ରାଜ୍ୟ ସରକାର । ସମସ୍ତଙ୍କୁ ପ୍ଲାଜମା ଦାନ କରିବାକୁ ମଧ୍ୟ ସରକାର ଅନୁରୋଧ କରିଛନ୍ତି । ସୋମବାର ମନ୍ତ୍ରୀ ପ୍ରତାପ ଜେନା ବାଲେଶ୍ୱର ଜିଲା ଗସ୍ତ କରି ସ୍ଥିତି ସମିକ୍ଷା କରିଛନ୍ତି । ଏହା ସହ ଜିଲାରୁ ପିଜିଟିଭ୍ରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା ରୋଗୀଙ୍କୁ ପ୍ଲାଜମା ଦାନ କରିବା ପାଇଁ ଉତ୍ସାହିତ କରିବାକୁ ଜିଲାରେ ସମସ୍ତ ବିଧାୟକଙ୍କ ସହିତ ଜିଲା ପ୍ରଶାସନକୁ ପରାମର୍ଶ ଦେଇଛନ୍ତି ।
ଏଥିସହିତ ଜଣେ ରୋଗୀଙ୍କ ପ୍ଲାଜମାରେ ଦୁଇଜଣ ଗୁରୁତର ଆକ୍ରାନ୍ତ ସୁସ୍ଥ ହୋଇ ପାରୁଥିବା ମନ୍ତ୍ରୀ ପ୍ରତାପ ଜେନା ପ୍ରକାଶ କରିଛନ୍ତି । ସେମାନଙ୍କୁ ଉତ୍ସାହିତକରି ପ୍ଲାଜମା ବ୍ୟାଙ୍କରେ ପ୍ଲାଜମା ଦାନ କରିବାକୁ ଲୋକ ପ୍ରତିନିଧିଙ୍କ ଠାରୁ ଆରମ୍ଭକରି ପଶାସନିକ ଅଧିକାରୀମାନେ ଯତ୍ନବାନ ହେବାକୁ ଆହ୍ୱାନ ଦେଇଛନ୍ତି । ସେହିପରି ବାଲେଶ୍ୱର ସହରରେ ୨ କୋଟି ଟଙ୍କା ବ୍ୟୟରେ ସ୍ମାର୍ଟ ପାର୍କ ଓ ଶ୍ମଶାନ ନିର୍ମାଣ କରାଯିବା ସହିତ ୪ଟି ରାସ୍ତାରେ ୩ କିଲୋମିଟର ପର୍ଯ୍ୟନ୍ତ ନୂତନ ଭାବେ ଆଲୋକି କରଣ, ଆସନ୍ତା ନଭେମ୍ବର ମାସ ଶେଷ ସୁଦ୍ଧା ସମସ୍ତ ଘରକୁ ପାନୀୟ ଜଳ ଯୋଗାଣ, ରାସ୍ତା ମରାମତି କରାଯିବାକୁ ବିଭାଗ ତରଫରୁ ପଦକ୍ଷେପ ଗ୍ରହଣ କରାଯାଇଥିବା ମନ୍ତ୍ରୀ ପ୍ରକାଶ କରିଛନ୍ତି ।
୩ ତାରିଖକୁ ଘୁଞ୍ଚିଲା କୂଳଭୂଷଣ ଯାଦବଙ୍କ ମାମଲାର ଶୁଣାଣି, ଓକିଲ ରଖିବା ପାଇଁ ଅନୁମତି ଦେଲେ ଇସ୍ଲାମାବାଦ ହାଇକୋର୍ଟ
କୂଳଭୂଷଣଙ୍କ ମାମଲାରେ ଇସ୍ଲମାବାଦ ହାଇକୋର୍ଟ ୩ ତାରିଖ ପର୍ୟ୍ୟନ୍ତ ଶୁଣାଣିକୁ ଘୁଞ୍ଚାଇ ଦେଇଛନ୍ତି । ଭାରତକୁ ତାଙ୍କ ପାଇଁ ଏକ ଓକିଲ ନିଯୁକ୍ତି ପାଇଁ ଅନୁମତି ମିଳିବା ଉଚିତ୍ ବୋଲି ରାୟ ଦେଇଛନ୍ତି ହାଇକୋର୍ଟ । କିନ୍ତୁ ଓକିଲ ପାକିସ୍ତାନର ହୋଇଥିବା ଆବଶ୍ୟକ । କୋର୍ଟ ପରିସରରେ ମିଡିଆ ସହିତ କଥା ହେଉଥିବା ସମୟରେ ପାକିସ୍ତାନର ଅଟାର୍ନି ଜେନେରାଲ ଜାଭେଦ କହିଛନ୍ତିଯେ ଭାରତକୁ ଯାଦବଙ୍କ ପାଇଁ ଓକିଲ ରଖିବା ପାଇଁ ଅନୁମତି ମିଳିଛି, କିନ୍ତୁ ଭାରତୀୟ ଓକିଲ ରଖିବାର ଅନୁମତି ନାହିଁ । ଏହା ସହିତ ଯଦି ଭାରତ ସରକାର କୌଣସି ପରାମର୍ଶ ଦେବାକୁ ଚାହୁଁଛନ୍ତି ତେବେ ଦେଇ ପାରିବେ ବୋଲି କହିଛନ୍ତି ଅଟାର୍ନି ।
ଏହା ପୂର୍ବରୁ ଇମ୍ରାନ ଖାନ୍ ସରକାର କୂଳଭୂଷଣ ଯାଦବଙ୍କ ପାଇଁ ଏକ ଓକିଲ ନିଯୁକ୍ତି କରିବାକୁ ନେଇ ଇସ୍ଲମାବାଦ ହାଇକୋର୍ଟରେ ପିଟିସନ ଦାଖଲ କରିଥିଲେ । ପାକିସ୍ତାନ ସରକାର ଇଂଟରନ୍ୟାସନାଲ କୋର୍ଟ ଅଫ୍ ଜଷ୍ଟିସ୍ (ଆଇ.ସି.ଜେ)ର ନିଷ୍ପତ୍ତି ଲାଗୁ କରିବା ପାଇଁ ଓକିଲ ନିଯୁକ୍ତି କରିବାକୁ ଅନୁମତି ମାଗିଥିଲେ । ଅବଶ୍ୟ ପିଟିସନରେ ଏହା ଉଲ୍ଲେଖ ଥିଲାଯେ, ଭାରତର ବିନା ସହାୟତାରେ କୂଳଭୂଷଣ ଓକିଲ ରଖିପାରିବେ ନାହିଁ ।
କହିରଖୁଛୁ ପାକିସ୍ତାନର ଆର୍ମି କୋର୍ଟ ଅପ୍ରେଲ ୨୦୧୭ରେ ଭାରତୀୟ ନେଭିର ପୂର୍ବ ଅଫିସର କୂଳଭୂଷଣ ଯାଦବଙ୍କୁ ଆତଙ୍କବାଦୀ ଘୋଷଣା କରି ଫାଶୀ ଦଣ୍ଡ ଶୁଣାଇଥିଲେ । ଏବେ କୂଳଭଳଷଣ ପାକିସ୍ତନ ଜେଲରେ ଅଛନ୍ତି ।
ରାଜ୍ୟରେ ସୁସ୍ଥ ହେଲେ ରେକର୍ଡ ସଂଖ୍ୟକ କରୋନା ରୋଗୀ, ଜାଣନ୍ତୁ କେଉଁଠୁ କେତେ
ଭୁବନେଶ୍ୱର: ରାଜ୍ୟରେ ବଢ଼ୁଛି କରୋନା ସୁସ୍ଥଙ୍କ ସଂଖ୍ୟା । କରୋନା ସଂକ୍ରମଣ ବୃଦ୍ଧି ମଧ୍ୟରେ ଆଶ୍ୱସ୍ତି ଦେଉଛି ସୁସ୍ଥତା ହାର । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ସହ କରୋନାରୁ ସୁସ୍ଥ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ତେବେ ଆଜି ରେକର୍ଡ ସଂଖ୍ୟକ କରୋନା ରୋଗୀ ସୁସ୍ଥ ହୋଇଛନ୍ତି । ଆଜି ୧୧୧୯ ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ସହ ରାଜ୍ୟରେ ୨୩ ହଜାର ୦୭୩ ଜଣ ମୋଟ ରୋଗୀ ସୁସ୍ଥ ହୋଇଛନ୍ତି । ୨୩ ଜିଲ୍ଲାରୁ ସୁସ୍ଥ ହୋଇଛନ୍ତି କରୋନା ରୋଗୀ ।
Odisha achieves another milestone with the recovery of a record 1119 #COVID19 patients today!
We salute the dauntless spirit of our Covid Warriors. 🙏
The total recovered cases of Odisha now stand at 23073.
354 from Ganjam
97 from Khurdha
83 from Gajapati
70 from Jajpur— H & FW Dept Odisha (@HFWOdisha) August 3, 2020
ଗଞ୍ଜାମରୁ ସର୍ବାଧିକ ୩୫୪ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଖୋର୍ଦ୍ଧାରୁ ୯୭ ଜଣ, ଗଜପତିରୁ ୮୩, ଯାଜପୁରରୁ ୭୦, କେନ୍ଦୁଝରରୁ ୫୭, କଟକରୁ ୫୦, ବୌଦ୍ଧରୁ ୪୦, ନୟାଗଡ଼ରୁ ୩୭, ରାୟଗଡ଼ାରୁ ୩୫, ପୁରୀରୁ ୩୧, ବାଲେଶ୍ୱରରୁ ୩୦, ମୟୂରଭଞ୍ଜରୁ ୨୯, ଭଦ୍ରକରୁ ୨୮, ଜଗତସିଂହପୁରରୁ ୨୭, ଢ଼େଙ୍କାନାଳରୁ ୨୪, ସୁନ୍ଦରଗଡ଼ରୁ ୨୨, କନ୍ଧମାଳରୁ ୧୭, ବଲାଙ୍ଗିରରୁ ୧୬, ସମ୍ବଲପୁରରୁ ୧୬, ମାଲକାନାଗିରିରୁ ୧୫, ନବରଙ୍ଗପୁରରୁ ୧୨, କେନ୍ଦ୍ରାପଡ଼ାରୁ ୧୧, ଅନୁଗୁଳ ଏବଂ କୋରାପୁଟର ୫ ଜଣ ଲେଖାଏଁ ସୁସ୍ଥ ହୋଇଛନ୍ତି । ସେପଟେ ବରଗଡ଼ରୁ ୪, ସୋନପୁରରୁ ୩, ଝାରସୁଗୁଡ଼ାରୁ ୧ ସୁସ୍ଥ ହୋଇଛନ୍ତି ।