ବକ୍ସର: ବିହାରର ବକ୍ସର କ୍ୱାରେଣ୍ଟାଇନ ସେଣ୍ଟରରୁ ଏକ ନିଆରା ଘଟଣା ସାମ୍ନାକୁ ଆସିଛି । ଯେଉଁଠାରେ କ୍ୱାରେଣ୍ଟାଇନ ସେଣ୍ଟରରେ ରହୁଥିବା ଜଣେ ଯୁବକଙ୍କ ଭୋକ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ଯାହା କ୍ୱାରେଣ୍ଟାଇନ ସେଣ୍ଟର ପାଇଁ ଏକ ବଡ଼ ସମସ୍ୟା ହୋଇ ଛିଡ଼ା ହୋଇଛି । କ୍ୱାରେଣ୍ଟାଇନ ସେଣ୍ଟରରେ ଯୁବକଟିକୁ ପେଟ ପୂରା ଖାଇବାକୁ ଦେବା ଏକ ସମସ୍ୟା ହୋଇଯାଇଛି । ଯୁବକ ପାଇଁ ଭୋଜନର ବ୍ୟବସ୍ଥା କରିବା କ୍ୱାରେଣ୍ଟାଇନ ସେଣ୍ଟରରେ ରକ୍ଷଣା କରୁଥିବା ଲୋକଙ୍କ ପାଇଁ କୌଣସି ଚ୍ୟାଲେଞ୍ଜରୁ କମ ନୁହେଁ ।

ଯୁବକ ଜଣଙ୍କ କ୍ୱାରେଣ୍ଟାଇନ ସେଣ୍ଟର ଏବଂ ବାହାରେ ମଧ୍ୟ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ସେ ଏକା ହିଁ ୧୦ଲୋକଙ୍କ ଭୋଜନ ଖାଇଯାଉଛନ୍ତି । ସେ ଗୋଟିଏ ମିଲରେ ୪୦ଟା ରୁଟି ଏବଂ ଦୁଇ ଥାଳି ଭାତ ଖାଇଥାନ୍ତି । ଯୁବକଙ୍କ ନାଁ ହେଉଛି ଅନୁପ ଓଝା ମଝବାରୀ କ୍ୱାରେଣ୍ଟାଇନ ସେଣ୍ଟରରେ ଅଛନ୍ତି । ଆଜିକାଲି ତାଙ୍କ ଖାଇବାକୁ ନେଇ ସେ ଚର୍ଚ୍ଚାରେ ଅଛନ୍ତି ।

କ୍ୱାରେଣ୍ଟାଇନ ସେଣ୍ଟରରେ ଭୋଜନରେ ଲିଟି ତିଆରି କରାଯାଇଥିଲା । ୬୦ଟି ଲିଟି ଖାଇବା ପରେ ବି ଅନୁପଙ୍କ ଭୋକ ମେଣ୍ଟି ନଥିଲା । ଅନୁପ ଯେହେତୁ ଏକାଥରେ ୧୦ଜଣ ଲୋକଙ୍କ ଖାଦ୍ୟ ଏକା ଖାଇଯାଆନ୍ତି ସେଥିପାଇଁ ତାଙ୍କ ପାଇଁ ପ୍ରସ୍ତୁତ ହେଉଥିବା ଖାଦ୍ୟରେ ପେଟ ପୁରେନା । ଏନେଇ ଅନୁପ ନିଜେ ସ୍ୱୀକାର କରିଛନ୍ତି ଯେ ସେ ଜଳଖିଆରେ ଏକାଥରେ ୩୦-୩୨ପଟ ରୁଟି ଏବଂ ୨୫ ଲିଟି ଖାଇଯାଆନ୍ତି ।

କ୍ୱାରେଣ୍ଟାଇନ ସେଣ୍ଟରର ଲୋକ କୁହନ୍ତି ଯେ, ଅନୁପଙ୍କ ଭୋକ ପାଇଁ କ୍ୱାରେଣ୍ଟାଇନ୍ ସେଣ୍ଟରରେ ଖାଇବା କମ୍ ପଡ଼ିଯାଏ । ଅନୁପ ବେଳେ ଏକା ୧୦ଜଣ ଲୋକଙ୍କ ଖାଦ୍ୟ ଖାଇଯାଆନ୍ତି । ଯେଉଁଥି ପାଇଁ ପୁଣି ଥରେ ଖାଇବା ରାନ୍ଧିବାକୁ ପଡ଼ିଥାଏ । ତେଣୁ ଲୋକେ ତାଙ୍କୁ କ୍ୱାରେଣ୍ଟାନ ସେଣ୍ଟରର କୁମ୍ଭକର୍ଣ୍ଣ ମଧ୍ୟ କୁହନ୍ତି ।

ଆପଣଙ୍କୁ କହି ରଖୁଛୁ ଯେ, ଅନୁପ ସପ୍ତାହେ ପୂର୍ବରୁ କ୍ୱାରେଣ୍ଟାଇନ ସେଣ୍ଟର ଆସିଥିଲେ । ପେଟ ପୋଶିବା ପାଇଁ ସେ ରାଜସ୍ଥାନରେ କାମ କରୁଥିଲେ । ଲକଡାଉନ ପାଇଁ ଘରକୁ ଫେରିବା ପରେ ତାଙ୍କୁ ୧୪ଦିନ ପାଇଁ କ୍ୱାରେଣ୍ଟାଇନ ସେଣ୍ଟରରେ ରଖାଯାଇଛି । ଏବେ କ୍ୱାରେଣ୍ଟାଇନ ସେଣ୍ଟରରେ ତାଙ୍କ ଭୋକ ମାରିବା ଏକ ଚ୍ୟାଲେଞ୍ଜ ଠାରୁ କମ ନୁହେଁ । ଅନୁପ ଓଝାଙ୍କ ଖାଇବା କାହାଣୀର ଚର୍ଚ୍ଚା ଏବେ ଚାରିଆଡ଼େ ।

ନୂଆଦିଲ୍ଲୀ: ଦେଶରେ କରୋନା ଭାଇରସର ମାମଲା କ୍ରମାଗତ ଭାବେ ବଢିବାରେ ଲାଗିଛି । କେବେ ଦେଶରେ ସମୁଦାର କରୋନା ସଂକ୍ରମିତଙ୍କ ସଂଖ୍ୟା ଦେଢ ଲକ୍ଷ ପାଖାପାଖି ପହଞ୍ଚିଛି । ଏବଂ ଦେଶରେ ୪ହଜାରରୁ ଅଧିକ ଲୋକ ପ୍ରାଣ ହାରିସାରିଲେଣି । ଗତ ସପ୍ତାହରେ କରୋନା ମାମଲା ତୀବ୍ର ଗତିରେ ବଢିବାରେ ଲାଗିଛି ଏବଂ ଏହି ସପ୍ତାହରେ ସଂକ୍ରମିତଙ୍କ ସଂଖ୍ୟା ୬ହଜାରକୁ ଡେଇଛି । କିନ୍ତୁ ଏହି ମଧ୍ୟରେ ଏମିତି ବି ଖବର ଆସିଛି ଯେଉଁଠି ହଜାର ସଂଖ୍ୟାରେ ଲୋକ ସଂକ୍ରମଣରୁ ସୁସ୍ଥ ମଧ୍ୟ ହୋଇଛନ୍ତି ।

ଯଦି ଆମେ ଗତ ସପ୍ତାହର ସଂଖ୍ୟାକୁ ଦେଖିବା ତେବେ ଦେଶରେ ପାଖାପାଖି ୨୦ହଜାରରୁ ଅଧିକ ଲୋକ କରୋନାଭାଇରସ ମହାମାରୀକୁ ଦୂରେଇ ଦେଇଛନ୍ତି । ଯଦିଓ ଏହି ସମୟରେ ନୂଆ ସଂକ୍ରମିତଙ୍କ ସଂଖ୍ୟା ବି ବଢିଛି କିନ୍ତୁ ଏବେ ଦେଶରେ କରୋନା ପରୀକ୍ଷଣ ମଧ୍ୟ ପ୍ରତ୍ୟେକ ଦିନ ୧ଲକ୍ଷରୁ ଅଧିକ ହେଉଛି ।

୨୬ ମେ-୬୩୮୭ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୯୩୬

୨୫ମେ-୬୪୧୪ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୦୧୪

୨୪ମେ- ୭୧୧୧ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୨୮୫

୨୩ମେ- ୬୬୬୫ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୨୫୭୬

୨୨ମେ- ୬୫୩୬ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୨୮୦

୨୧ମେ- ୬୦୨୩ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୧୩୧

୨୦ମେ- ୫୭୨୦ ନୂଆ ସଂକ୍ରମିତ, ସୁସ୍ଥ ହୋଇଛନ୍ତି ୩୧୧୩

ସ୍ୱାସ୍ଥ୍ୟ ମନ୍ତ୍ରାଣାଳୟ ଦ୍ୱାରା ଜାରି କରାଯାଇଥିବା ନୂଆ ତଥ୍ୟକୁ ଦେଖିବା ତେବେ, ମଙ୍ଗଳାବର ପର୍ଯ୍ୟନ୍ତ ଦେଶରେ କରୋନା ଭାଇରସର ସମୁଦାୟ ସଂକ୍ରମିତଙ୍କ ସଂଖ୍ୟା ୧୫୧୭୬୭ ରହିଛି । ଏହାମଧ୍ୟରୁ ୮୩୦୦୪ଜଣ ଆକ୍ଟିଭ୍ ଅଛନ୍ତି ଏବଂ ୬୪୪୨୫ଜଣ ସୁସ୍ଥ ହୋଇଛନ୍ତି ।

ଦେଶରେ ବର୍ତ୍ତମାନ ପର୍ଯ୍ୟନ୍ତ ୪୧୬୭ଜଣଙ୍କ ମୃତ୍ୟୁ ହୋଇଛି । ସ୍ୱାସ୍ଥ୍ୟ ମନ୍ତ୍ରାଣାଳୟ ଅନୁସାରେ, ଦେଶରେ କରୋନା ଭାଇରସରେ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ୪୨ ପ୍ରତିଶତରେ ରହିଛି । ଯାହା ଦେଶ ପାଇଁ ଏକ ସକରାତ୍ମକ ଖବର । ଏନ୍ୟପଟେ ଯଦି ଆମେ ପୁରା ଦୁନିଆର ସୁସ୍ଥହେବାର ସଂଖ୍ୟାକୁ ଦେଖିବା ସୁସ୍ଥତା ମାମଲାରେ ଭାରତ ୧୧ତମ ସ୍ଥାନରେ ରହିଛି । ଯେଉଁଠାରେ ଲୋକ ତିବ୍ର ଗତିରେ ସୁସ୍ଥ ହୋଉଛନ୍ତି ।

କହିରଖୁଛୁ ଯେ, ଦେଶର ଭିନ୍ନ ଭିନ୍ନ ଅଞ୍ଚଳରେ କ୍ରମାଗତ ଭାବରେ କରୋନା ସଂକ୍ରମିତଙ୍କ ସଂଖ୍ୟା ବଢୁଛି । ଯଦିଓ ଏବେ ଯେଉଁ କରୋନାର ଯେଉଁ ନୂଆ ମାମଲା ସାମ୍ନାକୁ ଆସୁଛି ସେମାନଙ୍କର ଲକ୍ଷଣ ହୁଏତ ବହୁତ କମ୍ ନହେଲେ ଲକ୍ଷଣ ବିହିନ ହେଉଛି । ଏହି କାରଣ ପାଇଁ ହିଁ କରୋନା ଭାଇରସରୁ ସଂକ୍ରମିତ ଖୁବ ଶିଘ୍ର ସୁସ୍ଥ ହୋଉଛନ୍ତି ।